ကမ္ဘာ့ကျန်းမာရေးအဖွဲ့ ရန်ပုံငွေပြတ်တောက်မှုကြောင့် လုပ်ငန်းဆောင်ရွက်မှုများလျှော့ချထားရ

sacadmin

News Image

  • WHO

ကမ္ဘာ့ကျန်းမာရေးအဖွဲ့အနေဖြင့် ရန်ပုံ ငွေပြတ်တောက်မှုကြောင့် အဖွဲ့၏ လုပ်ငန်းဆောင်ရွက်မှုများကိုလျှော့ချထားရကြောင်း ကမ္ဘာ့ကျန်းမာရေးအဖွဲ့မှ ညွှန် ကြားရေးမှူးချုပ်က မေလ ၁၄ ရက်တွင် ပြောထားသည်။


အမေရိကန်ပြည်ထောင်စုက ကမ္ဘာ့ ကျန်းမာရေးအဖွဲ့မှနုတ်ထွက်ကာ ရန်ပုံ ငွေဖြတ်တောက်သွားပြီးနောက် လေးလ အကြာတွင် အဖွဲ့၏လုပ်ငန်းဆောင်ရွက် မှုများကို ထက်ဝက်အထိလျှော့ချထားရ ကြောင်း ၎င်းကရသုံးငွေစာရင်းကော်မတီ အစည်းအဝေးတွင် ပြောသည်။ 
 

အမေရိကန်သမ္မတ ဒေါ်နယ်ထရမ့်က ဇန်နဝါရီလတွင် သမ္မတအဖြစ် ကျမ်းကျိန်ပြီးနောက် ပထမဆုံးနေ့မှာပင် ကမ္ဘာ့ကျန်းမာရေးအဖွဲ့မှ နုတ်ထွက်ကြောင်း ​ကြေညာခဲ့ခြင်းဖြစ်သည်။

အမေရိကန်၏ဥပဒေအရ နိုင်ငံအနေဖြင့် အဖွဲ့အစည်းတစ်ခုမှနုတ်ထွက်မည် ဆိုပါက တစ်နှစ်ကြိုတင်သတိပေးရမည်ဖြစ်ကြောင်းနှင့် ထိုတစ်နှစ်စာကုန်ကျ စရိတ်များကိုလည်း ပေးရမည်ဖြစ်ကြောင်း ဖော်ပြထားသည်ဟုသိရသည်။ 

Ref: AGC

Source: Myawady Daily Newspaper

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

ရေအောက်စစ်ပွဲအတွက် အလားအလာရှိတဲ့ လင်းပိုင်နည်းပညာ
ရေအောက်စစ်ပွဲအတွက် အလားအလာရှိတဲ့ လင်းပိုင်နည်းပညာ
အနာဂတ်မှာ ရေအောက်စစ်ပွဲဆိုတာကလည်း အရေးပါတဲ့စစ်ပွဲတစ်ပွဲဖြစ်လာမှာ အမှန်ပါပဲ။ အထူးသဖြင့် နျူကလီးယား စွမ်းအင်သုံးရေငုပ်သင်္ဘောတွေရဲ့ ဆူညံမှုနည်းပါးခြင်းနဲ့ ရေအနက်ပိုင်းအထိကာလ ရှည်ကြာငုပ်လျှိုးနိုင်ခြင်းက နိုင်ငံတစ်ခုကို ကောင်းကောင်းကြီးခြိမ်းခြောက်နိုင်စွမ်းရှိတဲ့ စစ်လက်နက်ပစ္စည်းများဖြစ်ပါတယ်။ ဒါကြောင့်ဒီလို မျိုးစွမ်းဆောင်နိုင်တဲ့ရေငုပ်သင်္ဘောတွေကို ချေမှုန်းနိုင်ဖို့ဆိုတာစိန်ခေါ်မှု တစ်ခုဖြစ်လာပါတယ်။ အခုဗြိတိန်နိုင်ငံက ရေငုပ် သင်္ဘောများကိုရှာဖွေချေမှုန်းနိုင်စေမယ့် နည်းပညာတစ်ခုကိုဖန်တီးလိုက်ပါတယ်။ အဲဒီနည်းပညာကိုတော့ လင်းပိုင်နည်းပညာလို့အမည်ပေးထားပါတယ်။ဒီနည်းပညာက အဆင့်မြင့်မားလှတဲ့ AI နည်းပညာကိုအသုံးပြုထားတာဖြစ်ပါတယ်။ ဒီနည်းပညာကို Helsing ဆိုတဲ့ ကုမ္ပဏီက ဖန်တီးတီထွင်ထားတာဖြစ်ပြီး အသံလှိုင်းအာရုံခံကိရိယာတွေကို မောင်းသူမဲ့ရေအောက်သွားယာဉ်မှာတပ်ဆင်ပြီး ရန်သူ့ရေငုပ်သင်္ဘောများကို ထောက်လှမ်းရှာဖွေသွားမှာဖြစ်ပါတယ်။မောင်းသူမဲ့ရေအောက်သွားယာဉ်က ရန်သူ့ရေငုပ်သင်္ဘောရဲ့လှုပ်ရှားမှုကိုတွေ့ ရှိပြီဆိုတာနဲ့ ရေပေါ်ကိုတက်လာပြီးရရှိလာတဲ့အချက်အလက်တွေကို ရေတပ် စစ်သင်္ဘောဆီပေးပို့မှာဖြစ်ပါတယ်။ သူ့မှာ AI နည်းပညာပါဝင်တာဖြစ်တဲ့အတွက်အဲဒီရေငုပ်သင်္ဘောတွေက ပုံစံအားဖြင့်တူညီနေရင် တောင် မတူညီတဲ့အသံလှိုင်းများကိုခွဲခြမ်းစိတ်ဖြာခြင်းဖြင့် လူသားပညာရှင်များက ကျော်သွားနိုင်တဲ့အချက်အလက်တွေကို ထောက်ပြပြီး ဖော်ထုတ်မှာဖြစ်တယ်လို့ ဆိုပါတယ်။        Ref: IEK.HSource: https://myawady.net.mm/ 
Thu, 15-မေလ-2025
အနာဂတ်လေကြောင်းအရေးသာမှုအတွက် ဆဋ္ဌမမျိုးဆက်တိုက်လေယာဉ်အကြောင်း အမေရိကန် ထုတ်ပြော
အနာဂတ်လေကြောင်းအရေးသာမှုအတွက် ဆဋ္ဌမမျိုးဆက်တိုက်လေယာဉ်အကြောင်း အမေရိကန် ထုတ်ပြော
ဝါရှင်တန်၊ နည်းပညာအမေရိကန်နိုင်ငံက အနာဂတ်တွင်လေကြောင်းအရေးသာမှုအတွက် အရေးပါလာမည့် ဆဋ္ဌမမျိုးဆက်တိုက်လေယာဉ်နှင့်ပတ်သက်သည့်အကြောင်းအရာများကို ထုတ်ပြန်ပြောဆို လာကြောင်းသိရသည်။တရုတ်နိုင်ငံက ပြည်တွင်း၌ဆဋ္ဌမမျိုးဆက်တိုက်လေယာဉ်များဖြစ်သည့် Cheng-du J-36 နှင့် Shenyang J-50 လေယာဉ်များ၏ ရှေ့ပြေးပုံစံစမ်းသပ်မှုလုပ်ဆောင်ပြီးနောက် အမေရိကန်က ယခုမှ၎င်းတို့၏ ဆဋ္ဌမမျိုးဆက်တိုက်လေယာဉ်နှင့်ပတ်သက်၍ ထုတ်ဖော်ပြောလာခြင်းဖြစ်သည်။အမေရိကန်လေတပ်ဦးစီးချုပ် ဗိုလ်ချုပ်ကြီးဒေးဗစ်အယ်ဗင်းက    F-47    တိုက်လေယာဉ်နှင့် မောင်းသူမဲ့ ပူးတွဲတိုက်ပွဲဝင်လေယာဉ်များနှင့်ပတ်သက်သောရုပ်ပုံများကို ထုတ်ဖော်ပြသလာခြင်းဖြစ်သည်။ အဆို ပါလေယာဉ်များကို မျိုးဆက်သစ်ဝေဟင်  လွှမ်းမိုးမှုအစီအစဉ် အရ ထုတ်လုပ်နေခြင်း ဖြစ်သည်။အဆိုပါ F-47 တိုက်လေယာဉ်၏တိုက် ပွဲဝင်နိုင်သည့်နယ်ပယ်ဧရိယာသည် မိုင် ပေါင်း ၁၁၅၁ မိုင်ပတ်လည်ရှိကာ ၎င်းကို တိုက်ပွဲဝင်နိုင်သည့်ဧရိယာမိုင်ပေါင်း ၆၉၈ မိုင်သာရှိသော F-22 Raptor များနေရာ ၌အစားထိုးသွားမည်ဖြစ်သည်။ထို့ပြင် အဆိုပါတိုက်လေယာဉ်များနှင့် အတူပူးတွဲတိုက်ပွဲဝင်မည့်  မောင်းသူမဲ့လေယာဉ်များ၏ တိုက်ပွဲဝင်နိုင်သည့်ဧရိယာက မိုင်ပေါင်း  ၈၀၅  မိုင်အထိရှိမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။ F-47 နှင့် မောင်းသူမဲ့လေယာဉ်များသည် အင်ဒို-ပစိဖိတ်ဒေသအတွက်အရေးပါလာမည် ဖြစ်ကြောင်းသိရသည်။         Ref: SCMPSource: https://myawady.net.mm/ 
Thu, 15-မေလ-2025
လပေါ်သုတေသနစခန်းအတွက် နျူကလီးယားဓာတ်ပေါင်းဖို တည်ဆောက်ရန် တရုတ်နှင့်ရုရှား လက်မှတ်ထိုး
လပေါ်သုတေသနစခန်းအတွက် နျူကလီးယားဓာတ်ပေါင်းဖို တည်ဆောက်ရန် တရုတ်နှင့်ရုရှား လက်မှတ်ထိုး
ပေကျင်း၊ နည်းပညာတရုတ်နိုင်ငံနှင့်ရုရှားနိုင်ငံတို့က လပေါ်တွင် နျူကလီးယားဓာတ်ပေါင်းဖိုတည်ဆောက်ရန် သဘောတူညီချက်တစ်ခုကို လက်မှတ်ရေးထိုးလိုက်ပြီဖြစ်ကြောင်း သိရသည်။လပေါ်တွင်တည်ဆောက်မည့် သုတေသနစခန်းအား လျှပ်စစ်ဓာတ်အားပေးရန် ရည်ရွယ်၍ အဆိုပါ နျူကလီးယားဓာတ် အားပေးစက်ရုံကိုတည်ဆောက်သွားမည် ဖြစ်ပြီး ၂၀၃၆ ခုနှစ်အရောက်တွင်လုပ်ငန်းလည်ပတ်နိုင်ရန်လုပ်ဆောင်သွားမည်ဟု တာဝန်ရှိသူများက မေလ ၁၄ ရက်တွင် ပြောသည်။တရုတ်အမျိုးသားအာကာသအာဏာပိုင်အဖွဲ့နှင့် ရုရှားအာကာသအေဂျင်စီဖြစ်သည့် Roscosmosတို့က ထိုသဘောတူညီချက်ကို ပြီးခဲ့သည့်သီတင်းပတ်တွင် လက်မှတ်ထိုးခဲ့ခြင်းဖြစ်သည်။တရုတ်နိုင်ငံနှင့်ရုရှားနိုင်ငံတို့က ၂၀၃၀ ပြည့်နှစ်အလွန်တွင် လ၏တောင်ဝင်ရိုးစွန်း၌ အမြဲတမ်း သုတေသနစခန်းတစ်ခုကိုတည်ဆောက်ကာ လူသားများနေထိုင်နိုင်ရေးအတွက် သုတေသနများ လုပ်သွားမည်ဖြစ်ကြောင်းသိရသည်။Ref:  SCMPSource: https://myawady.net.mm/ 
Thu, 15-မေလ-2025
တန့်ယန်း မြို့နယ်အတွင်း ကျရောက်နေသည့် ဧက သုံးရာကျော်နယ်မြေကို နမ့်ပွန်း ကြိုးပြင်ကာကွယ်တော အဖြစ် သတ်မှတ်
တန့်ယန်း မြို့နယ်အတွင်း ကျရောက်နေသည့် ဧက သုံးရာကျော်နယ်မြေကို နမ့်ပွန်း ကြိုးပြင်ကာကွယ်တောအဖြစ် သတ်မှတ်
ရှမ်းပြည်နယ်၊ တန့်ယန်းခရိုင်၊ တန့်ယန်း မြို့နယ်အတွင်း ကျရောက်နေသည့် ဧရိယာအကျယ်အဝန်း (၃၂၅)ဧကရှိသောနယ်မြေကို “နမ့်ပွန်း ကြိုးပြင်ကာကွယ်တော”အဖြစ် သတ်မှတ်လိုက်ကြောင်း သိရသည်။ထိုသို့သတ်မှတ်ခြင်းကို ပြည်ထောင်စုသမ္မတမြန်မာနိုင်ငံတော်အစိုးရ၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနက ၂၀၁၈ခုနှစ်တွင် ပြဋ္ဌာန်းထားသည့် သစ်တောဥပဒေပုဒ်မ၆၊ ပုဒ်မခွဲ(င) အရ အပ်နှင်းထားသောလုပ်ပိုင်ခွင့်များကိုကျင့်သုံးလျက် သတ်မှတ်လိုက်ခြင်းဖြစ်သည်။နမ့်ပွန်းကြိုးပြင်ကာကွယ်တော သတ်မှတ်ခြင်းအားဖြင့် အဆိုပါဧရိယာအတွင်း သစ်တောဦးစီးဌာနက စိုက်ပျိုးထားသည့်တားမြစ်သစ်စာရင်းဝင် ထင်းရှူးပင်များအားထိန်းသိမ်းကာကွယ်နိုင်မည့်အပြင် ယင်းစိုက်ခင်းဧရိယာအတွင်း ကျူးကျော်ဝင်ရောက်ဖျက်ဆီးမှုများအား ထိရောက်စွာ တားဆီးကာကွယ်နိုင်မည်ဖြစ်ခြင်း၊ ဧရိယာအတွင်းနေထိုင်ကျက်စားလျက်ရှိသည့် ရှဉ့်၊ တောကြက်၊ ခါနှင့် ငှက်စသည့် တိရစ္ဆာန်များအတွက် ကျက်စားရာဒေသအား ထိန်းသိမ်းနိုင်မည်ဖြစ်ခြင်းစသည့် အကျိုးကျေးဇူးများရရှိနိုင်မည်ဖြစ်သည်ဟု ဆိုသည်။သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနသည် ယခုနှစ်အတွင်း ကြိုးဝိုင်းတော၁၄ခု၊ ကြိုးပြင်ကာကွယ်တော၁၅၆ခု စုစုပေါင်း ၁၇၀ ဖွဲ့စည်းသတ်မှတ်သွားရန် ရည်ရွယ်ထားကြောင်းလည်း သိရပြီး အခုလက်ရှိ၌ တစ်နိုင်ငံလုံးအတိုင်းအတာဖြင့် ကြိုးဝိုင်းတော ၈၂၆ခု၊ ကြိုးပြင်ကာကွယ်တော ၄၉၃ခု ဖွဲ့စည်းသတ်မှတ်ထားပြီး နိုင်ငံ့ဧရိယာ၏ ၂၆ရာခိုင်နှုန်းနီးပါး ဖွဲ့စည်းသတ်မှတ်ထားနိုင်ကြောင်း သိရသည်။Source: Popular Myanmar
Thu, 15-မေလ-2025
WHO
ကမ္ဘာ့ကျန်းမာရေးအဖွဲ့ ရန်ပုံငွေပြတ်တောက်မှုကြောင့် လုပ်ငန်းဆောင်ရွက်မှုများလျှော့ချထားရ
ကမ္ဘာ့ကျန်းမာရေးအဖွဲ့အနေဖြင့် ရန်ပုံ ငွေပြတ်တောက်မှုကြောင့် အဖွဲ့၏ လုပ်ငန်းဆောင်ရွက်မှုများကိုလျှော့ချထားရကြောင်း ကမ္ဘာ့ကျန်းမာရေးအဖွဲ့မှ ညွှန် ကြားရေးမှူးချုပ်က မေလ ၁၄ ရက်တွင် ပြောထားသည်။အမေရိကန်ပြည်ထောင်စုက ကမ္ဘာ့ ကျန်းမာရေးအဖွဲ့မှနုတ်ထွက်ကာ ရန်ပုံ ငွေဖြတ်တောက်သွားပြီးနောက် လေးလ အကြာတွင် အဖွဲ့၏လုပ်ငန်းဆောင်ရွက် မှုများကို ထက်ဝက်အထိလျှော့ချထားရ ကြောင်း ၎င်းကရသုံးငွေစာရင်းကော်မတီ အစည်းအဝေးတွင် ပြောသည်။  အမေရိကန်သမ္မတ ဒေါ်နယ်ထရမ့်က ဇန်နဝါရီလတွင် သမ္မတအဖြစ် ကျမ်းကျိန်ပြီးနောက် ပထမဆုံးနေ့မှာပင် ကမ္ဘာ့ကျန်းမာရေးအဖွဲ့မှ နုတ်ထွက်ကြောင်း ​ကြေညာခဲ့ခြင်းဖြစ်သည်။အမေရိကန်၏ဥပဒေအရ နိုင်ငံအနေဖြင့် အဖွဲ့အစည်းတစ်ခုမှနုတ်ထွက်မည် ဆိုပါက တစ်နှစ်ကြိုတင်သတိပေးရမည်ဖြစ်ကြောင်းနှင့် ထိုတစ်နှစ်စာကုန်ကျ စရိတ်များကိုလည်း ပေးရမည်ဖြစ်ကြောင်း ဖော်ပြထားသည်ဟုသိရသည်။ Ref: AGCSource: Myawady Daily Newspaper
Thu, 15-မေလ-2025
ဝန်ထမ်း ၆,၀၀၀ ခန့် မိုက်ခရိုဆော့ အလုပ်ဖြုတ်မည်
ဝန်ထမ်း ၆,၀၀၀ ခန့် မိုက်ခရိုဆော့ အလုပ်ဖြုတ်မည်
မိုက်ခရိုဆော့ကုမ္ပဏီကြီးက ၎င်း၏ စုစုပေါင်းဝန်ထမ်းအင်အား၏ ၃ ရာခိုင်နှုန်း နီးပါးကို အလုပ်ဖြုတ်မည်ဟု ကြေညာလိုက်သည်။အလုပ်လက်မဲ့ဖြစ်မည့် ဝန်ထမ်းအင်အားစုစုပေါင်းကို ထုတ်ဖော်မပြောသော်လည်း၊ အလုပ်သမား ၆,၀၀၀ ခန့် ပါဝင်မည်ဖြစ်သည်။ မိုက်ခရိုဆော့တွင် ပြီးခဲ့သည့် ဇွန်လ အထိ အချိန်ပြည့်အလုပ်သမား စုစုပေါင်း ၂၂၈,၀၀၀ ဦး ရှိခဲ့ပြီး၊ ၎င်းတို့၏ ၅၅% မှာ အမေရိကန်ပြည်ထောင်စုတွင် အလုပ်လုပ်ကိုင်နေသူများ ဖြစ်သည်။အဆင့်အသီးသီးတွင် အလုပ်ဖြုတ်မည့်ဝန်ထမ်းများရှိမည်ဖြစ်သော်လည်း အထူးသဖြင့် စီမံခန့်ခွဲမှုအဆင့်များကို လျှော့ချရန် အာရုံစိုက်မည်ဟု မိုက်ခရိုဆော့မှ တာဝန်ရှိသူများကပြောကြားခဲ့သည်။ အလုပ်ဖြုတ်သိမ်းမှုအကြောင်း အသိပေးစာများကို အင်္ဂါနေ့က ပေးပို့ခဲ့သည်။“ပြောင်းလဲနေသော ဈေးကွက်တွင် ကုမ္ပဏီအား အောင်မြင်စွာ ဆက်လက်ရပ်တည်နိုင်ရန်အတွက် လိုအပ်သည့် ပြောင်းလဲမှုများကို ဆက်လက်အကောင်အထည်ဖော်သွားမည်” ဟု ကုမ္ပဏီ၏ ထုတ်ပြန်ချက်တွင် ဖော်ပြထားသည်။မိုက်ခရိုဆော့သည် AI နည်းပညာနှင့် Azure Cloud-Computing စီမံကိန်းများအတွက် ဒေတာစင်တာများတည်ဆောက်ရန် ငွေကြေးပမာဏများစွာအကုန်အကျခံနေရသည့်အတွက် လတ်တလောနှစ်များအတွင်း ကုန်ကျစရိတ်များကို ထိန်းချုပ်ရန် ဖိအားများနှင့် ရင်ဆိုင်နေရသည်။ ဝန်ထမ်းများကို အလုပ်ဖြုတ်ပစ်သော်လည်း ယခုဘဏ္ဍာရေးနှစ်တွင် ဆာဗာလုပ်ငန်းများအတွက် ဒေါ်လာ ၈၀ ဘီလီယံခန့် အကုန်အကျခံသုံးစွဲသွားမည်ဟု မိုက်ခရိုဆော့က ပြောကြားထားသည်။အခြားနည်းပညာကုမ္ပဏီများကလည်း ယခုနှစ်အတွင်း လူအင်အားလျှော့ချမှုများ ပြုလုပ်မည်ဟု ကြေညာခဲ့သည်။ Meta ကုမ္ပဏီကြီးကလည်း ဇန်နဝါရီလတွင် စွမ်းဆောင်ရည်အပေါ်အခြေခံ၍ ဝန်ထမ်း ၅ ရာခိုင်နှုန်းခန့်ကို ထုတ်ပယ်မည်ဖြစ်ပြီး ထိုနေရာများအတွက် အသစ်ခန့်အပ်မည်ဟု ပြောကြားခဲ့သည်။ Salesforce Inc. ကုမ္ပဏီကလည်း  AI နည်းပညာကို အဓိကထားသည့် နေရာအသစ်များအတွက် ဝန်ထမ်း ၁,၀၀၀ ကျော်ကို လျှော့ချမည်ဟုပြောကြားခဲ့သည်။Source: Popular Myanmar
Thu, 15-မေလ-2025
© Copyright 2024 SAC All Rights Reserved.