ဘိုးအင်းကုမ္ပဏီက အလုပ်သမား ၁၇၀၀၀ ကျော် လျှော့ချမည်
News Image
အမေရိကန်၏ လေကြောင်းအာကာသ ပစ္စည်းများထုတ်လုပ်ရေး ကုမ္ပဏီဖြစ်သည့် ဘိုးအင်း ကုမ္ပဏီက လာမည့်လများအတွင်း အလုပ်သမား ၁၀ ရာခိုင်နှုန်းဝန်းကျင်ဖြစ်သည့် လူအင်အား ၁၇၀၀၀ ကျော်လျှော့ချမည်ဖြစ်ကြောင်း ထုတ်ပြန်ကြေညာထားသည်။
ဘိုးအင်းကုမ္ပဏီအနေဖြင့် ဆုံးရှုံးမှုများ မြင့်တက်လာနေစဉ်နှင့် သပိတ်မှောက်မှုတစ်ခုကြောင့် ရောင်းအားကောင်းသော ၎င်းတို့၏ လေယာဉ်များ ထုတ်လုပ်မှုကို ရပ်ဆိုင်းနေရစဉ် ယခုကဲ့သို့ အလုပ်သမားများကို လျှော့ချမည့်အစီအစဉ် ကြေညာလိုက်ခြင်းဖြစ်သည်။
လျှော့ချခံရမည့် အလုပ်သမားများထဲတွင် သာမန်ဝန်ထမ်းများသာမက အမှုဆောင်များ၊ မန်နေဂျာ များလည်း ပါဝင်နေကြောင်း ကုမ္ပဏီ၏ ဥက္ကဋ္ဌအသစ်နှင့် အမှုဆောင်အရာရှိချုပ် ကယ်လီအော့ဘာ့က ပြောသည်။
အဆိုပါဘိုးအင်း ကုမ္ပဏီသည် ကမ္ဘာတစ်ဝန်း၌ အလုပ်သမား အင်အားပေါင်း ၁၇၀၀၀၀ နီးပါးကို အလုပ်အကိုင်နေရာများ ဖန်တီးပေးထားနိုင်ကြောင်း ထုတ်ပြန်ချက်တွင် ဖော်ပြထားသည်။
Source- Myawady Webportal
