ဘင်္ဂလားဒေ့ရှ်တွင် ယူနွတ်နှင့် တပ်မတော်ကာကွယ်ရေးဦးစီးချုပ်အကြား တင်းမာမှုများရှိနေ

saceditor

News Image

  • ဘင်္ဂလားဒေ့ရှ်တွင် ယူနွတ်နှင့် တပ်မတော်ကာကွယ်ရေးဦးစီးချုပ်အကြား တင်းမာမှုများရှိနေ

ဘင်္ဂလားဒေ့ရှ် တပ်မတော်ကာကွယ်ရေးဦးစီးချုပ် ဇမာန်က ‘ရှေ့လုပ်ငန်းစဉ်’ ဆိုင်ရာ အရေးပေါ်အစည်းအဝေးတစ်ရပ်ခေါ်ယူရန် တောင်းဆိုခဲ့ပြီးယူနွတ်အား ရွေးကောက်ပွဲများကို အမြန်ဆုံးကျင်းပစေလိုသည်ဟု တပ်မတော်ဆိုင်ရာ အရင်းအမြစ်များကဆိုသည်။ ၎င်း၏ အကြီးမားဆုံး စိုးရိမ်မှုမှာ နိုင်ငံခြားဝင်ရောက်စွက်ဖက်မှုကြောင့် နိုင်ငံတွင်း မတည်ငြိမ်မှုဖြစ်ရန် အလားအလာရှိခြင်းဖြစ်ပြီး၊ ယူနွတ်အား နိုင်ငံခြားအဖွဲ့အစည်းများ၏ ရုပ်သေးရုပ်အဖြစ် မြင်နေကြသောကြောင့် အဆိုပါအခြေအနေ ဖြစ်နိုင်ခြေရှိသည်ဟု ထုတ်ဖော်ပြောဆိုခဲ့သည်။

ဇမာန်သည် ရှိတ်ဟာဆီနာ (Sheikh Hasina) နှင့် ခါလီဒါ ဇီယာ (Khaleda Zia) တို့၏ ပါတီများကို စုစည်းကာ နိုင်ငံအတွက် ရွေးကောက်ပွဲဝင်ရန် အစီအစဉ်ရှိကြောင်း ဖော်ပြခဲ့သည်။

“တပ်မတော်၏ အဓိကစိုးရိမ်မှုမှာ ယူနွတ်၏ အုပ်ချုပ်ရေးအမိန့်များဖြင့် အကျဉ်းသားများကို လွှတ်ပေးမည့် အလားအလာ” ဖြစ်ကြောင်းကိုလည်း ဖော်ပြခဲ့သည်။

ယင်းမတိုင်မီက တပ်မတော်ကာကွယ်ရေးဦးစီးချုပ်နှင့် ဘင်္ဂလားဒေ့ရှ် တပ်မတော်သည် တစ်စိတ်တစ်ဝမ်းတည်းဖြစ်ကြောင်း နီးစပ်သူများက News18 သို့ ပြောကြားခဲ့သည်။

တပ်မတော်ဆိုင်ရာ အရင်းအမြစ်များက “တပ်တွင်း ညီညွတ်မှုကို ထိခိုက်စေနိုင်သည့် ယူနွတ်၏ လုပ်ရပ်မှာ တပ်မတော်ကာကွယ်ရေးဦးစီးချုပ် မရှိချိန်တွင် အမျိုးသားလုံခြုံရေးအကြံပေးသစ်တစ်ဦးကို တိုက်ရိုက် ခန့်အပ်ခြင်းဖြစ်သည်” ဟု ဖော်ပြခဲ့သည်။

ဘင်္ဂလားဒေ့ရှ် တပ်မတော်၏ စစ်ထောက်ချုပ် ဒု ဗိုလ်ချုပ်ကြီး ဖိုင်ဇာရ် ရာမန် (Lt Gen Faizur Rahman) သည် ယူနွတ်၏ ယုံကြည်ရသူဖြစ်သည့် အမျိုးသားလုံခြုံရေးအကြံပေး ခါလီလူရ် ရာမန် (NSA Khalilur Rahman) နှင့် လျှို့ဝှက်အစည်းအဝေး ပြုလုပ်ခဲ့သည်ဟု ဆိုသည်။

အရင်းအမြစ်များအရ အမျိုးသားလုံခြုံရေးအကြံပေးအသစ်နှင့် ယူနွတ် တို့၏ ရည်မှန်းချက်မှာ တပ်မတော်ကာကွယ်ရေးဦးစီးချုပ်အား ရာထူးမှ ဖယ်ရှားရန်ဖြစ်သော်လည်း၊ တပ်မှူးအများစုက ရွေးကောက်ပွဲများကို အမြန်ဆုံးကျင်းပရန် လိုလားနေကြောင်း သိရသည်။

တစ်ဖက်တွင်လည်း တပ်မတော်ကာကွယ်ရေးဦးစီးချုပ်သည် မည်သည့် အရပ်ဘက်အုပ်စု၏ ဖိအားကိုမျှ လက်မခံရန် ရှင်းရှင်းလင်းလင်း ဆုံးဖြတ်ထားပြီး၊ ၎င်း၏ ရုံးနှင့်နေအိမ်ဝန်းကျင်တွင် ဆန္ဒပြလှုပ်ရှားမှုများကို ပိတ်ဆို့ တားဆီးထားကြောင်းသိရှိရသည်။

“ဇမာန်သည် ဒီမိုကရေစီအတွက် ပါတီအားလုံး ပူးပေါင်းပါဝင်သည့် ရွေးကောက်ပွဲကျင်းပရန် နောက်ကွယ်တွင် ချိတ်ဆက်ဆောင်ရွက်မှုများပြုလုပ်ပြီးဖြစ်သည်” ဟု အရင်းအမြစ်များက ဆိုသည်။

ကိုးကား-News 18

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ပူတင်က ဇီလန်စကီနှင့် ငြိမ်းချမ်းရေး ဆွေးနွေးနိုင်သော်လည်း ယူကရိန်းဘက်တွင် လက်မှတ်ထိုးမည့်သူ မရှိဟုဆို
ပူတင်က ဇီလန်စကီနှင့် ငြိမ်းချမ်းရေး ဆွေးနွေးနိုင်သော်လည်း ယူကရိန်းဘက်တွင် လက်မှတ်ထိုးမည့်သူ မရှိဟုဆို
ရုရှားသမ္မတဗလာဒီမာပူတင်က ၎င်းအနေဖြင့် ယူကရိန်းသမ္မတ ဗိုလိုဒိုမာဇီလန်စကီနှင့်တွေ့ဆုံ၍ ငြိမ်းချမ်းရေးကိုဆွေးနွေးနိုင်သော်လည်း ရရှိလာသော ငြိမ်းချမ်းရေးသဘောတူညီချက်ကို လက်မှတ်ထိုးရန် ယူကရိန်းဘက်တွင် လက်မှတ်ထိုးမည့်သူ မရှိကြောင်းပြောသည်။စိန့်ပီတာစဘာ့ အပြည်ပြည်ဆိုင်ရာ စီးပွားရေးဖိုရမ်၌ ဇွန်လ ၁၈ ရက်နှောင်းပိုင်းတွင် နိုင်ငံတကာမှမီဒီယာများ၏ မေးမြန်းချက်ကိုပြန်ဖြေစဉ် ပူတင်က  ယခုကဲ့သို့ ပြောဆိုထားခြင်းဖြစ်သည်။ ထို့ပြင် ရုရှားနိုင်ငံအနေဖြင့် ဇီလန်စကီ၏တရားဝင်မှုနှင့်ပတ်သက်၍ ပူပန်မှုရှိကြောင်း ရုရှားသမ္မတက ဆက်ပြောသည်။"တကယ်လို့များ  ယူကရိန်းဘက်က သူတို့ကိုယ်စား တစ်ယောက်ယောက်ကို ကိုယ်စားပြုဖို့ယုံကြည်စွာအပ်နှံချင်တယ် ဆိုရင်တော့ ဇီလန်စကီကိုယ်တိုင်လာနိုင်ပါတယ်။ ဒါပေမဲ့ မေးစရာရှိတဲ့ တစ်ချက်က ဘယ်သူက သဘောတူညီချက်မှာလက်မှတ်ထိုးမှာလဲ" ဟု ပူတင်ကပြောသည်။ဇီလန်စကီ၏သမ္မတသက်တမ်းသည် ပြီးခဲ့သည့်နှစ်တွင် ကုန်ဆုံးသွားပြီဖြစ်သော်လည်း မာရှယ်လော ထုတ်ပြန်ထားသည့်အတွက် နောက်ထပ်ရွေးကောက်ပွဲ ကျင်းပနိုင်ခြင်းမရှိသောကြောင့် သမ္မတအသစ် ကိုတင်မြှောက်နိုင်ခြင်း မရှိကြောင်း သိရသည်။ထို့ပြင်လက်ရှိတာဝန်ထမ်းဆောင်နေသော ယူကရိန်းအစိုးရတာဝန်ရှိသူများကို ဇီလန်စကီကခန့်အပ်ထားခြင်းဖြစ်ကြောင်း၊ထို့ကြောင့် ဇီလန်စကီလက်အောက်တွင် တာဝန်ထမ်းဆောင်နေကြသူများ၏ လုပ်ပိုင်ခွင့်နှင့်ပတ်သက်၍ နောက်ထပ်မေးခွန်း ထုတ်ရမည်ဖြစ်ကြောင်း ပူတင်က ဆက်ပြောထားသည်။MWD Web Portal
Fri, 20-Jun-2025
အင်ဒိုနီးရှားသမ္မတက SPIEF အတွက် အဓိကဧည့်သည်တစ်ဦးဖြစ်ဟု ရုရှားသမ္မတပြော
အင်ဒိုနီးရှားသမ္မတက SPIEF အတွက် အဓိကဧည့်သည်တစ်ဦးဖြစ်ဟု ရုရှားသမ္မတပြော
အင်ဒိုနီးရှားသမ္မတ ပရာဘိုဝိုဆူဘီယန်တိုသည် ရုရှားနိုင်ငံ၌ကျင်းပသော ၂၀၂၅ ခုနှစ် စိန့်ပီတာစဘာ့အပြည်ပြည်ဆိုင်ရာ စီးပွားရေးဖိုရမ် (SPIEF) အတွက် အဓိက ဧည့်သည်တစ်ဦးဖြစ်ကြောင်း ရုရှားသမ္မတ ဗလာဒီမာပူတင်က ဇွန်လ ၁၉ ရက်တွင် ပြောသည်။အင်ဒိုနီးရှားသမ္မတသည် ရုရှားနိုင်ငံသို့ တရားဝင်ချစ်ကြည်ရေးခရီးရောက်ရှိနေစဉ် ရုရှားသမ္မတက လက်ခံတွေ့ဆုံခြင်း ဖြစ်သည်။ ထို့နောက် သမ္မတနှစ်ဦးသည် ဇွန်လ၂ဝ ရက်တွင်ပြုလုပ်မည့် SPIEF ၏မျက်နှာစုံညီအစည်းအဝေး၌ ပါဝင်သွားမည်ဖြစ်ကြောင်း ပူတင်ကပြောသည်။ရုရှားနိုင်ငံနှင့် အင်ဒိုနီးရှားနိုင်ငံတို့ကြား နှစ်နိုင်ငံဆက်ဆံရေးနယ်ပယ်တစ်ခုလုံးနှင့်ပတ်သက်၍ အသေးစိတ်ဆွေးနွေးရန် ပူတင်က ပရာဘိုဝို​ဆူဘီယန်တိုကို SPIEF သို့ဖိတ်ခေါ်ခဲ့ခြင်းဖြစ်သည်။ နှစ်နိုင်ငံဆက်ဆံရေးသည် တဖြည်းဖြည်းတိုးတက်လာကြောင်း၊ ကုန်သွယ်မှုသည်လည်း မြင့်မားလာကြောင်းနှင့် နယ်ပယ်ပေါင်းစုံတွင်လည်း ပူးပေါင်းဆောင်ရွက်မှုများရှိလာကြောင်း ပူတင်ကပြောသည်။ Ref: RTPhoto- Sputnik
Fri, 20-Jun-2025
ထွက်ပေါ်လာသောအသံဖိုင်နှင့်ပတ်သက်၍ ထိုင်းဝန်ကြီးချုပ်က လူထုကိုတောင်းပန်စကားဆို
ထွက်ပေါ်လာသောအသံဖိုင်နှင့်ပတ်သက်၍ ထိုင်းဝန်ကြီးချုပ်က လူထုကိုတောင်းပန်စကားဆို
ထိုင်းနိုင်ငံဝန်ကြီးချုပ် ပေထုန်ထန် ရှင်နာဝပ်က ကမ္ဘောဒီးယားဝန်ကြီးချုပ်ဟောင်း ဟွန်ဆန်နှင့် ဆွေးနွေးထားသည့် အသံဖိုင်ထွက်ပေါ်လာပြီးနောက် ထိုအသံ ဖိုင်ပါပြောဆိုချက်များနှင့်ပတ်သက်၍ ဇွန်လ ၁၉ ရက်တွင် လူထုကိုတောင်းပန် စကားဆိုလိုက်ကြောင်းသိရသည်။ထိုင်းဝန်ကြီးချုပေထုန်ထန်ရှင်နာဝပ်က အသံဖိုင်ထွက်ပေါ်လာမှုနှင့်ပတ်သက်၍ တောင်းပန်ကြောင်း၊ ထိုပြောဆိုမှုကို အသံဖမ်းထားမည်ဟုမသိရှိကြောင်း သတင်းစာရှင်းလင်းပွဲတွင်ပြောသည်။ထိုင်းဝန်ကြီးချုပ်သည် ထွက်ပေါ်လာသော အသံဖိုင်ပါပြောဆိုချက်များနှင့်ပတ်သက်၍ ထိုင်းတပ်မတော်အကြီးအကဲများနှင့်တွေ့ဆုံဆွေးနွေးပြီးနောက် ယခုကဲ့သို့ တောင်းပန်လိုက်ခြင်းဖြစ်သည်။ ထို့ပြင် အစိုးရအဖွဲ့အနေဖြင့် ထိုင်းနိုင်ငံ၏အချုပ်အခြာအာဏာကို ကာကွယ်ရေးအတွက် တပ်မတော်နှင့်အတူ ညီညွတ်စွာ ရပ်တည်သွားမည်ဖြစ်ကြောင်းနှင့် ပြောဆိုမှုမှန်သမျှကိုလည်း ဂရုစိုက်သွားမည်ဖြစ်ကြောင်း ထိုင်းဝန်ကြီးချုပ်က လူထုကိုကတိပြုထားသည်။Ref. The NationPhoto - CNAMWD Web Portal
Fri, 20-Jun-2025
အိန္ဒိယက ပါကစ္စတန် နှင့်ဆက်ဆံရေး ပြေလည်စေရန် တတိယနိုင်ငံ၏ ကြားဝင်မှုကို မည်သည့်အခါမျှ လက်ခံမည်မဟုတ်
အိန္ဒိယက ပါကစ္စတန် နှင့်ဆက်ဆံရေး ပြေလည်စေရန် တတိယနိုင်ငံ၏ ကြားဝင်မှုကို မည်သည့်အခါမျှ လက်ခံမည်မဟုတ်
အိန္ဒိယနိုင်ငံသည် ပါကစ္စတန်နိုင်ငံနှင့် ဆက်ဆံရေးပြေလည်စေရန် တတိယနိုင်ငံ ၏ကြားဝင်ဖျန်ဖြေမှုကို မည်သည့်အခါမျှ လက်ခံမည် မဟုတ်ကြောင်း အိန္ဒိယဝန်ကြီးချုပ် နာရန်ဒရာမိုဒီက အမေရိကန်သမ္မတ ဒေါ်နယ်ထရမ့်ကို ပြောသည်။ထရမ့်က ကနေဒါနိုင်ငံ၌ ကျင်းပသော G-7 ထိပ်သီး အစည်းအဝေးမှ အချိန်မတိုင်မီ ထွက်ခွာလာပြီးနောက် ဇွန်လ ၁၇ ရက်တွင် မိုဒီနှင့် ၃၅ မိနစ်ကြာ ဖုန်းပြောစဉ် မိုဒီက၎င်း၏ ရပ်တည်ချက်နှင့်ပတ်သက်၍ ပိုမို ခိုင်မာအောင် ပြောဆိုလိုက်ခြင်းဖြစ်သည်။“ဝန်ကြီးချုပ်မိုဒီက ကြားဝင်ဖျန်ဖြေမှုကို ဘယ်တော့မှလက်မခံဖူးသလို လက်ရှိ မှာလည်း လက်မခံဘဲ နောင်တွင်လည်း လက်ခံသွားမည် မဟုတ်ကြောင်းကို အခိုင် အမာပြောခဲ့ပါတယ်။ ဒီကိစ္စနဲ့ပတ်သက်ပြီး အိန္ဒိယနိုင်ငံမှာ နိုင်ငံရေးစည်းလုံးမှုက အပြည့်အဝရှိပြီးသားပါ” ဟု အိန္ဒိယနိုင်ငံခြားရေးဝန်ကြီး ဗစ်ကရမ်မစ်စရီက ဇွန်လ ၁၈ ရက်တွင်ပြောသည်။ထရမ့်နှင့်မိုဒီတို့ကြား ဖုန်းဆက်စကားပြောရန် အမေရိကန်ဘက်က စတင်ဖုန်း ခေါ်ခြင်းဖြစ်ကြောင်း၊ ထရမ့်က မိုဒီကို အမေရိကန်နိုင်ငံသို့လာရန် ဖိတ်ခေါ်ခဲ့ကြောင်း၊ သို့သော် လက်ရှိဦးစားပေး ဆောင်ရွက်ရမည့် ကိစ္စရပ်များ ရှိနေသေးသည့်အတွက် မိုဒီက ထရမ့်၏ ဖိတ်ခေါ်မှုကို ငြင်းဆိုလိုက်ကြောင်း ဗစ်ကရမ်မစ်စရီက သတင်းစာ ရှင်းလင်းပွဲတွင် ပြောသည်။အိန္ဒိယနှင့် ပါကစ္စတန်နိုင်ငံတို့ကြား ပြီးခဲ့သည့်လတွင် တစ်ဖက်နှင့်တစ်ဖက် တိုက်ခိုက်မှုများဖြစ်ပွားပြီးနောက် နှစ်နိုင်ငံဆက်ဆံရေး တင်းမာနေစဉ် မိုဒီကယခုကဲ့သို့ ပြောလာခြင်းဖြစ်သည်။ အဆိုပါနှစ်နိုင်ငံကြား အပစ်အခတ် ရပ်စဲသွားသည့်အချိန်တွင် ထရမ့်က၎င်း၏ ကြားဝင်မှုကြောင့်သာ အပစ်အခတ်ရပ်စဲခြင်း ဖြစ်သည်ဟု ပြောထားသော်လည်း မိုဒီဘက်က ငြင်းဆိုထားကြောင်း သိရသည်။MWD Portal
Thu, 19-Jun-2025
အစ္စရေးနှင့် အီရန်ရှိ ဂျပန်နိုင်ငံသားများကို ကယ်တင်ရန်အတွက် ဂျပန် ကိုယ်ပိုင်ကာကွယ်ရေးတပ်ဖွဲ့ပိုင် သယ်ယူပို့ဆောင်ရေး လေယာဉ်များအား အသင့်ပြင်ဆင်ထားရန် ကာကွယ်ရေးဝန်ကြီး ညွှန်ကြား
အစ္စရေးနှင့် အီရန်ရှိ ဂျပန်နိုင်ငံသားများကို ကယ်တင်ရန်အတွက် ဂျပန် ကိုယ်ပိုင်ကာကွယ်ရေးတပ်ဖွဲ့ပိုင် သယ်ယူပို့ဆောင်ရေး လေယာဉ်များအား အသင့်ပြင်ဆင်ထားရန် ကာကွယ်ရေးဝန်ကြီး ညွှန်ကြား
အစ္စရေးနှင့်အီရန်ရှိ ဂျပန်နိုင်ငံသားများကို ကယ်တင်ရန်အတွက် ဂျပန်ကိုယ်ပိုင်ကာကွယ်ရေးတပ်ဖွဲ့ပိုင် C-2 အမျိုး အစား သယ်ယူပို့ဆောင်ရေးလေယာဉ် (၂) စီးအား အာဖရိကဦးချိုဒေသရှိ Djibouti မြို့၌ အသင့် စောင့်ဆိုင်း ထားရှိရန် ဂျပန်ကာကွယ်ရေးဝန်ကြီးက ဇွန်လ ၁၈ ရက်နေ့တွင် ညွှန်ကြားခဲ့သည်။ အစ္စရေးနိုင်ငံတွင် ဂျပန်နိုင်ငံသား ၁၀၀၀ ခန့်နှင့် အီရန်နိုင်ငံတွင် ၂၈၀ ခန့်ရှိကြောင်း ဂျပန်နိုင်ငံခြားရေးဝန်ကြီးဌာနက ထုတ်ပြန်ပြောကြားခဲ့သည်။အစ္စရေးနှင့် အီရန်နိုင်ငံတို့ရှိ လေကြောင်းခရီးစဉ်များမှာ လက်ရှိတွင် ရပ်နားထားလျက်ရှိသဖြင့် အဆိုပါဒေသများမှ ပြန်လည်ထွက်ခွာလိုကြသည့် ဂျပန်နိုင်ငံသားများအား ကယ်ဆယ်နိုင်ရေးအတွက် ဂျပန်အစိုးရအနေဖြင့် ပြင်ဆင် လျက်ရှိပါသည်။ထို့အပြင် အစ္စရေးနှင့် အီရန်နိုင်ငံတို့တွင် လေဆိပ်များ ပြန်လည်ဖွင့်လှစ်သည်နှင့် ဂျပန်နိုင်ငံသားများအား လေကြောင်းမှ ပြန်လည်ကယ်တင်နိုင်ရေးအတွက် ပြင်ဆင်သည့်အနေဖြင့် ဂျပန်လေကြောင်းကိုယ်ပိုင်ကာကွယ်ရေး တပ်ဖွဲ့မှ တပ်ဖွဲ့ဝင် ၁၂၀ ခန့်သည်လည်း အဆင်သင့်ဖြစ်လျှင်ဖြစ်ခြင်း Djibouti သို့ ထွက်ခွာမည်ဖြစ်သည်။ကာကွယ်ရေးဝန်ကြီးဌာနနှင့် ဂျပန်ကိုယ်ပိုင်ကာကွယ်ရေးတပ်ဖွဲ့တို့သည် နိုင်ငံခြားရေးဝန်ကြီးဌာနနှင့် အနီးကပ် ပူးပေါင်းလျက် ပြည်ပနိုင်ငံများရှိ ဂျပန်နိုင်ငံသားများ ဘေးကင်းလုံခြုံရေးအတွက် တတ်စွမ်းသရွေ့ ဆောင်ရွက် သွားမည်ဖြစ်ကြောင်း ဂျပန်ကာကွယ်ရေးဝန်ကြီး Nakatani ကပြောကြားခဲ့သည်။ကိုးကား- NHKအလွတ်သဘောဘာသာပြန်သူ-ဦးထက်ထက်အောင်၊ နစက(၄)
Thu, 19-Jun-2025
ပညာရပ်ဆိုင်ရာကျွမ်းကျင်မှုများရရှိရန်အတွက် မြောက်ကိုရီးယား အလုပ်သမားများကို ရုရှားနိုင်ငံရှိ ဒရုန်းထုတ်လုပ်ရေးစက်ရုံသို့ စေလွှတ်မည်
ပညာရပ်ဆိုင်ရာကျွမ်းကျင်မှုများရရှိရန်အတွက် မြောက်ကိုရီးယား အလုပ်သမားများကို ရုရှားနိုင်ငံရှိ ဒရုန်းထုတ်လုပ်ရေးစက်ရုံသို့ စေလွှတ်မည်
မောင်းသူမဲ့လေယာဉ်များ၏ လုပ်ကိုင်ဆောင်ရွက်ပုံနည်းစနစ်များအား လေ့လာသင်ယူကာ အမြင်ချင်း ဖလှယ်၍ ထုတ်လုပ်မှုမြှင့်တင်ရန်အတွက် မြောက်ကိုရီးယားက ရုရှားနိုင်ငံရှိ ဒရုန်းထုတ်လုပ်ရေးစက်ရုံသို့ အလုပ်သမားများစေလွှတ်သွားရန် စီစဉ်လျက်ရှိပါသည်။ယူကရိန်းအား ကျူးကျော်စစ်ဆင်နွှဲနေသည့်ကြားက ရုရှားနိုင်ငံသည် ၎င်း၏ ဒရုန်းထုတ်လုပ်မှု လုပ်ငန်းများ တိုးမြှင့်လုပ်ဆောင်လျက်ရှိပြီး  ရုရှားနှင့်မြောက်ကိုရီးယားတို့၏ စစ်ဘက်ဆိုင်ရာပူးပေါင်း ဆောင်ရွက်မှုများ နက်ရှိုင်းစွာဆက်လက်ဆောင်ရွက်လျက်ရှိသည်။ တစ်ချိန်တည်းမှာပင် မြောက်ကိုရီးယား အနေဖြင့်၎င်း၏ တပ်မတော်အား တောင့်တင်းခိုင်မာအောင် ရည်ရွယ်လုပ်ဆောင်လျက်ရှိသည်။ရုရှားနှင့် မြောက်ကိုရီးယား နှစ်နိုင်ငံတို့သည် ပြီးခဲ့သည့်နှစ် ဇွန်လအတွင်းက မဟာဗျူဟာမိတ်ဖက်စာချုပ်ကိုလက်မှတ်ရေးထိုးခဲ့ပြီး အဆိုပါသဘောတူစာချုပ်အရ အရေးပေါ်အခြေအနေမျိုးတွင် တစ်နိုင်ငံနှင့်တစ်နိုင်ငံ စစ်ရေးဆိုင်ရာအကူအညီများပေးအပ်ရန် တာဝန်ရှိပေသည်။ထို့ကြောင့် မြောက်ကိုရီးယားက ၎င်း၏တပ်ဖွဲ့များကို ရုရှားသို့ စေလွှတ်ခဲ့ခြင်းဖြစ်သည်။မြောက်ကိုရီးယားနိုင်ငံမှ စေလွှတ်မည့်အလုပ်သမား ၂၅၀၀၀ အား ရုရှားနိုင်ငံအလယ်ပိုင်း၊ Tatarstan ရှိ Alabuga အထူးစီးပွားရေးဇုန်တွင် ခန့်ထားသွားမည်ဟုတ်/ မဟုတ်အပေါ် မေးခွန်းထုတ်စရာရှိနေသေးကြောင်း NHK သတင်းစာမျက်နှာတွင် ရေးသားဖော်ပြထားပါသည်။ကိုးကား - NHKအလွတ်သဘောဘာသာပြန်သူ-ဦးထက်ထက်အောင်၊နစက(၄)
Thu, 19-Jun-2025
© Copyright 2024 SAC All Rights Reserved.