ထရမ့်က ပူတင်သည် “လုံးဝကို ရူးသွပ်သွားပြီ” ဟုဆို

အမေရိကန်သမ္မတ ဒေါ်နယ်ထရမ့်က ရုရှားသည် အကြောင်းပြချက် ခိုင်လုံမှုမရှိဘဲယူကရိန်းကို တိုက်ခိုက်မှုများလုပ်ဆောင်ခဲ့သည်ဟု ကိယက်ဗ် နှင့် အခြားဒေသများရှိ စစ်ရေးပစ်မှတ်များကို တိုက်ခိုက်မှုများ စတင် ပြီးနောက် ပြောဆိုခဲ့ခြင်းဖြစ်သည်။ လွန်ခဲ့သောသီတင်းပတ်အတွင်းက ယူကရိန်းဘက်မှ UAV ဒရုန်းအစင်းရေ ရာချီ၍ ရုရှားနယ်နိမိတ်အတွင်းသို့ တိုက်ခိုက်မှုများ အကြိမ်ကြိမ် ပြုလုပ်ခဲ့သည်။

လွန်ခဲ့သည့်သီတင်းပတ်က အင်္ဂါနေ့ (မေ ၂၀) မှ သောကြာနေ့ (မေ ၂၃) အတွင်း ယူကရိန်းဘက်မှ တိုက်ခိုက်လာသော ဒရုန်း ၇၆၄ စင်း ကြားဖြတ် ပစ်ချခဲ့ရသည်။ အင်္ဂါနေ့ (မေ ၂၀) က ရုရှားသမ္မတ ဗလာဒီမာ ပူတင် ကာ့စ်ခ် ဒေသသို့ သွားရောက်စဉ် ၎င်းစီးနင်းလာသည့် ရဟတ်ယာဉ်သည် ဒရုန်းတိုက်ခိုက်မှုကြီးအတွင်း ရောက်ရှိနေခဲ့သည်ဟု သတင်းများ ထွက်ပေါ် ခဲ့သည်။

ထိုတိုက်ခိုက်မှုများကို တုံ့ပြန်သည့်အနေဖြင့် ရုရှားစစ်တပ်က စနေနေ့ (မေ ၂၄) တွင် ကိယက်ဗ်ရှိ ဒရုန်းနှင့် ဒုံးကျည်ထုတ်လုပ်ရေးစက်ရုံကို အကြီးစား တိုက်ခိုက်မှုပြုလုပ်ခဲ့ပြီး တနင်္ဂနွေနေ့ (မေ ၂၅) တွင်လည်း ယူကရိန်းစစ်ရေးအဆောက်အအုံများကို ထပ်မံတိုက်ခိုက်ခဲ့သည်ဟု သတင်းများ ထွက်ပေါ်ခဲ့သည်။

အမေရိကန် သမ္မတ ဒေါ်နယ်ထရမ့်က ပူတင်နှင့် ၎င်းတို့နှစ်ဦးအကြား ကောင်းမွန်သောဆက်ဆံရေးရှိသော်လည်း မည်သည့်အကြောင်းရင်းခံမျှမရှိဘဲ ယခုကဲ့သို့ တိုက်ခိုက်မှုများအတွက် အံ့အားသင့်ကြောင်း၊ မည်သည့် တိုက်ခိုက်မှုကိုမျှ နှစ်သက်မှု မရှိကြောင်းနှင့် ပူတင် ရူးသွပ်သွားပြီ ဖြစ်ကြောင်း ၎င်း၏ Truth social media တွင်ရေးသားခဲ့သည်။

ထရမ့်က ယူကရိန်းခေါင်းဆောင် ဇီလန်စကီးကိုလည်း ပြင်းထန်စွာ ဝေဖန်ခဲ့သည်။

ကိုးကား- RT

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂