ပဲခူးတိုင်းဒေသကြီး၊ ထန်းတပင်မြို့နယ်ရှိ စာသင်ကျောင်း ၁၆ ကျောင်းအား လက်နက်ကိုင်အကြမ်းဖက်သမားများက ပညာရေးကဏ္ဍ တိုးတက်မြင့်မားစေရန် စာသင်ကျောင်းများ ဖွင့်လှစ်သင်ကြားမှုကို နှောင့်ယှက်ဖျက်ဆီးမှုများကြောင့် ယာယီပိတ်သိမ်း

sacadmin

News Image

  • ပဲခူးတိုင်းဒေသကြီး၊ ထန်းတပင်မြို့နယ်ရှိ စာသင်ကျောင်း ၁၆ ကျောင်းအား လက်နက်ကိုင်အကြမ်းဖက်သမားများက ပညာရေးကဏ္ဍ တိုးတက်မြင့်မားစေရန် စာသင်ကျောင်းများ ဖွင့်လှစ်သင်ကြားမှုကို နှောင့်ယှက်ဖျက်ဆီးမှုများကြောင့် ယာယီပိတ်သိမ်း

လက်နက်ကိုင်အကြမ်းဖက်အဖွဲ့များသည် မျိုးဆက်သစ်ကလေးသူငယ်များ၏ ပညာရေး တိုးတက်မြင့်မားစေရန် စာသင်ကျောင်းများ ဖွင့်လှစ်သင်ကြားနေမှုအား နှောင့်ယှက်ဖျက်ဆီးလိုသည့် ရည်ရွယ်ချက်များဖြင့် ကျောင်းသုံးပုံနှိပ်စာအုပ်များ၊ စာရေးကိရိယာများအား လုယက်ယူဆောင် ဖျက်ဆီးခြင်း၊ ပညာရေးဝန်ထမ်းများနှင့် ကျောင်းသား/သူများအား ခြိမ်းခြောက်ဖမ်းဆီးခြင်း၊ သတ်ဖြတ်ခြင်း၊ ပညာရေးဆိုင်ရာ အဆောက်အအုံများအား မိုင်းထောင်ဖောက်ခွဲခြင်းများစသည့် အကြမ်းဖက်မှုလုပ်ရပ်များအား လုပ်ဆောင်လျက်ရှိပါသည်။
 

ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဇွန် ၆ ရက်တွင် ပဲခူးတိုင်းဒေသကြီး၊ ထန်းတပင် မြို့နယ်အတွင်း ဇီးဖြူသောင်ကျေးရွာရှိ အခြေခံပညာအထက်တန်းကျောင်း၊ ဂွေးကုန်းကျေးရွာရှိ အခြေခံပညာအထက်တန်းကျောင်းခွဲ၊ အုန်းပင်ကျေးရွာရှိ အခြေခံပညာအလယ်တန်းကျောင်း၊ မိုးမခ ကျေးရွာရှိ အခြေခံပညာမူလတန်းလွန်ကျောင်း၊ သရက်ပင်ကျေးရွာရှိ အခြေခံပညာမူလတန်းလွန်ကျောင်း၊ ပျဉ်းမပင်ကျေးရွာရှိ အခြေခံပညာမူလတန်းလွန်ကျောင်း၊ သပြေကုန်းကျေးရွာရှိ အခြေခံပညာ မူလတန်းလွန်ကျောင်း၊ ပွဲသာကျေးရွာရှိ အခြေခံပညာမူလတန်းလွန်ကျောင်း၊ ဂွေးပင်ရိုးကျေးရွာရှိ အခြေခံပညာမူလတန်းလွန်ကျောင်း၊ နောင်ချိုကျေးရွာရှိ အခြေခံပညာမူလတန်းလွန်ကျောင်း၊ ဒိုးစိမ့်ကျေးရွာရှိ အခြေခံပညာမူလတန်းလွန်ကျောင်း၊ စပါးကျီကျေးရွာရှိ အခြေခံပညာမူလတန်း လွန်ကျောင်း၊ ဗျက်ကလေးကျေးရွာရှိ အခြေခံပညာမူလတန်းလွန်ကျောင်း၊ အင်းယားကြီးကျေးရွာရှိ အခြေခံပညာမူလတန်းလွန်ကျောင်း၊ ပိတောက်ကုန်းကျေးရွာရှိ အခြေခံပညာမူလတန်းလွန်ကျောင်းနှင့် ချောင်းကမ်းကျေးရွာရှိ အခြေခံပညာအလယ်တန်းကျောင်းခွဲ၊ စုစုပေါင်း စာသင်ကျောင်း ၁၆ ကျောင်း တို့အား လက်နက်ကိုင်အကြမ်းဖက်သမားများက စာသင်ကျောင်းများ ဖွင့်လှစ်သင်ကြားမှုကို နှောင့်ယှက်ဖျက်ဆီးမှုများကြောင့် ကျောင်းဆရာ/ဆရာမများ၊ ကျောင်းသား/သူများ၏ လုံခြုံမှုနှင့်နယ်မြေ ဒေသလုံခြုံရေးအခြေအနေအရ ယာယီပိတ်သိမ်းခဲ့ရကြောင်း သိရသည်။
 

အထက်ပါဖြစ်စဉ်မှ ပညာရေးကဏ္ဍ တိုးတက်မြင့်မားစေရန် စာသင်ကျောင်းများ ဖွင့်လှစ် သင်ကြားမှုကို နှောင့်ယှက်ဖျက်ဆီးမှုများကြောင့် ကျောင်းသား/သူများ၏ ပညာသင်ယူမှုအား နှောင့်နှေးကြန့်ကြာစေသည့်အပြင် နိုင်ငံတော်၏ ပညာရေးကဏ္ဍ တိုးတက်မှုအား ပျက်စီးစေသဖြင့် စာသင်ကျောင်းများ ပြန်လည်ဖွင့်လှစ်နိုင်ရေးနှင့် နယ်မြေဒေသတည်ငြိမ်အေးချမ်းရေးအတွက် လုံခြုံရေးတပ်ဖွဲ့ဝင်များက လိုအပ်သည့် လုံခြုံရေးလုပ်ငန်းစဉ်များနှင့်အညီ ဆောင်ရွက်လျက်ရှိကြောင်း သတင်းရရှိသည်။

MOHA

MM-News-Category
လုံခြုံရေးကဏ္ဍသတင်းများ
လုံခြုံရေး-ပြည်တွင်းသတင်း

ဆက်စပ်သတင်းများ

ဂါဇာရှိအကူအညီပေးရေးစင်တာအနီး အစ္စရေး၏တိုက်ခိုက်မှု လူ ၂၈ ဦး သေဆုံး
ဂါဇာရှိအကူအညီပေးရေးစင်တာအနီး အစ္စရေး၏တိုက်ခိုက်မှု လူ ၂၈ ဦး သေဆုံး
ဂါဇာကမ်းမြောင်ဒေသရှိ အကူအညီပေးရေးစင်တာအနီး၌ ဇွန်လ ၁၁ ရက်တွင် အစ္စရေး၏တိုက်ခိုက်မှုကြောင့် ပါလက်စတိုင်းပြည်သူအနည်းဆုံး ၂၈ ဦး သေဆုံးကြောင်းနှင့် လူအများအပြားဒဏ်ရာရရှိသွားကြောင်း ပါလက်စတိုင်းသတင်းဌာနတစ်ခုကဖော်ပြထားသည်။အလားတူ ဂါဇာကမ်းမြောင်အလယ်ပိုင်း နျူဆိုင်းရတ်မြို့မြောက်ပိုင်းရှိ ဒုက္ခသည်စခန်းတစ်ခုကို အစ္စရေးကဒရုန်းဖြင့် တိုက်ခိုက်မှု လုပ်ဆောင်သောကြောင့် လူနှစ်ဦးသေဆုံးကြောင်း AL Awda ဆေးရုံ မှတာဝန်ရှိသူများကပြောသည်။ထို့ပြင် ခန်ယူနစ်မြို့အနောက်မြောက်ပိုင်းရှိ ဒုက္ခသည်များ နေထိုင်လျက်ရှိသည့်ရွက်ဖျင်တဲတစ်ခုသည် အစ္စရေး၏ လေကြောင်းမှတိုက်ခိုက်မှုအတွင်း ထိမှန် ခံရမှုကြောင့် လူလေးဦးသေဆုံးကြောင်း  နက်ဆာဆေးရုံမှ သတင်းအရင်းအမြစ်များက ပြောသည်။တစ်ချိန်တည်းမှာပင် အစ္စရေးတပ်ဖွဲ့များသည် အနောက်ဘက်ကမ်းခြေဒေသ၌ စစ်ဆင်ရေးများကို တိုးမြှင့်လုပ်ဆောင်လျက်ရှိကြောင်းနှင့် တမ်မွန်မြို့အတွင်းသို့ ဝင်ရောက်လာကြောင်း WAFA သတင်းဌာနက ဖော်ပြထားသည်။Ref: XinhuaMWD Daily Newspaper
Thu, 12-Jun-2025
ဖားကန့်ဒေသ၊မှော်စီစာကျေးရွာအတွင်း အမျိုးသားသုံးဦး အသတ်ခံရ
ဖားကန့်ဒေသ၊ မှော်စီစာကျေးရွာအတွင်း အမျိုးသားသုံးဦး အသတ်ခံရ
ကချင်ပြည်နယ်၊ဖားကန့်မြို့၊လုံးခင်းကျေးရွာအုပ်စု၊ မှော်စီစာကျေးရွာ၊မှော်စီစာမိန်းလမ်းမ လမ်းဆုံထောင့်တွင် ယနေ့ (ဇွန်လ ၁၂ ရက်) နံနက်ပိုင်းက အမျိုးသားသုံးဦး သေဆုံးလျှက်ရှိသည်ကို တွေ့ရှိခဲ့ရကြောင်း ဒေသခံများထံမှ သိရသည်။အဆိုပါသေဆုံးသူသုံးဦးမှာ မှော်စီစာကျေးရွာတွင် နေထိုင်သည့် အိမ်ရာမဲ့များဖြစ်ကြပြီး မှော်စီစာစျေးရှိ ဆိုင်ခန်းများတွင် အိပ်လေ့ရှိကြောင်း နှင့် စျေးသည်များက အရက်ဖိုး၊ဆေးဖိုးပေးကာ လက်တိုလက်တောင်း ခိုင်းစေသူများဖြစ်ကြောင်း ဒေသခံများကပြောသည်။“မနက်ကသူတို့တွေကို လမ်းဆုံမှာ လာပစ်သွားတယ်လို့လည်း ပြောကြတယ်။ ဘယ်သူက လာပစ်သွားတာကိုတော့ မသိရဘူး။ ကျွန်တော်တွေ့တဲ့အချိန်မှာတော့ အလောင်းက သွေးတွေခြောက်နေပြီ။ ယင်နဲ့ ပုရွက်ဆိတ်တချို့တောင် အုံနေပြီ” ဟု အမည်မဖော်လိုသည့် ဒေသခံတစ်ဦးက ဆိုသည်။ဖားကန့်ဒေသအတွင်း လုံခြုံရေးယူနေသော တပ်မတော်နှင့် PDF ပူးပေါင်းအဖွဲ့တို့အကြား ယမန်နေ့က တိုက်ပွဲများဖြစ်ပွားခဲ့ပြီး ည ၉ နာရီအချိန်က လက်နက်ကြီးကျည်ကျရောက်မှုကြောင့် လုံးခင်းအုပ်စုအတွင်းရှိ ကျောက်စိမ်းတူးဖော်ရေး လုပ်ကွက်အတွင်း မီးလောင်မှုများလည်း ဖြစ်ပွားမှုရှိခဲ့ကြောင်း ဒေသခံများထံမှ သိရသည်။Source: NP News
Thu, 12-Jun-2025
ဂျပန်က တာဝေးပစ်ဒုံးကျည်များ စမ်းသပ်မှု စစ်ဆန့်ကျင်ရေး ဖွဲ့စည်းပုံကို ချိုးဖောက်ခြင်းဖြစ်ဟု တရုတ်ပြော
ဂျပန်က တာဝေးပစ်ဒုံးကျည်များ စမ်းသပ်မှု စစ်ဆန့်ကျင်ရေး ဖွဲ့စည်းပုံကို ချိုးဖောက်ခြင်းဖြစ်ဟု တရုတ်ပြော
ဂျပန်နိုင်ငံက လုပ်ဆောင်သည့် အသံနှုန်းလွန် ဒုံးကျည်များနှင့် သင်္ဘောဖျက် တာဝေးပစ်ဒုံးကျည်များကို စမ်းသပ်မှုက စစ်ဆန့်ကျင်ရေး ဖွဲ့စည်းပုံကို ချိုးဖောက် ခြင်းဖြစ်ကြောင်းနှင့် ဒေသတွင်းလုံခြုံရေးကို လျော့ပါးစေမည်ဖြစ်ကြောင်း တရုတ် အစိုးရကပြောသည်ဟု ပြည်တွင်းသတင်း ဌာနများက ဇွန်လ ၁၁ ရက်တွင်ဖော်ပြ ထားသည်။ဂျပန်နိုင်ငံအနေဖြင့် တာဝေးပစ်ခတ်နိုင်သော ဒုံးကျည်များကို ထုတ်လုပ်ခြင်းက ၎င်းတို့ကိုယ်တိုင်တိုက်ခိုက်ရေး လက်နက်များကို ပိုင်ဆိုင်နိုင်ခွင့် မရှိစေရဟုဖော်ပြထားသော  စစ်ဆန့်ကျင်ရေးဖွဲ့စည်းပုံကို ချိုးဖောက်နေခြင်း ဖြစ်ကြောင်း  တရုတ် ပြည်သူ့လွတ်မြောက်ရေး တပ်မတော်၏ နေ့စဉ်သတင်းစာက ဖော်ပြထားခြင်း ဖြစ်သည်။ဂျပန်နိုင်ငံက ဖူဂျီတောင်အနီး၌ ဇွန်လ ၈ ရက်တွင် ကျည်စစ်ကျည်မှန်အသုံးပြု စစ်ရေးလေ့ကျင့်စဉ် အဆင့်မြှင့်တင်ထား သော Type 12 မြေပြင်မှ သင်္ဘောပစ်ဒုံး ကျည်များ၊ Hyper Velocity Gliding Projectile(HVGP) အမည်ရှိ အသံနှုန်းလွန်ဒုံးကျည်တို့ကို စမ်းသပ်ပစ်ခတ်လိုက်ခြင်း ဖြစ်သည်။သင်္ဘောပစ်ဒုံးကျည်များကို ကျူရှူးကျွန်းစု၌ လည်းကောင်း၊ HVGP ဒုံးကျည် များကို   ဟော့ကိုင်းဒိုး၌ လည်းကောင်း ဖြန့်ကြက် သွားမည်ဖြစ်ကြောင်း ဂျပန် သတင်းဌာနများက ထုတ်ပြန်ထားသည်။ ထိုသို့သော ဒုံးကျည် များကို ဖြန့်ကြက်နေရာချထားခြင်းသည် ဒေသတစ်ခုလုံး၏ ငြိမ်းချမ်းရေးကို ထိခိုက်စေမည်ဟု တရုတ် သတင်းစာကဖော်ပြထားသည်။MWD Web Portal
Thu, 12-Jun-2025
ညမထွက်ရအမိန့် ထုတ်ထားသော်လည်း လော့အိန်ဂျလိမြို့၌ ဆူပူအုံကြွမှုများ ဆက်လက်ဖြစ်ပွား
ညမထွက်ရအမိန့် ထုတ်ထားသော်လည်း လော့အိန်ဂျလိမြို့၌ ဆူပူအုံကြွမှုများ ဆက်လက်ဖြစ်ပွား
အမေရိကန်ပြည်ထောင်စု ကယ်လီဖိုးနီးယားပြည်နယ်ရှိ လော့အိန်ဂျလိမြို့၌ ဖြစ်ပွားနေသော ဆူပူဆန္ဒပြမှုများကို ထိန်းသိမ်းနိုင်ရေးအတွက် သမ္မတထရမ့်က အမျိုးသား အစောင့်တပ်ဖွဲ့နှင့် မရိန်းတပ်ဖွဲ့တို့ကို စေလွှတ်ကာ  ညမထွက်ရအမိန့် ထုတ်ပြန်ထားသော်လည်း ဆူပူအုံကြွမှုများ ဆက်လက်ဖြစ်ပွားလျက် ရှိကြောင်း သိရသည်။အမေရိကန်သမ္မတဒေါ်နယ်ထရမ့်၏ မူဝါဒအရ နိုင်ငံအတွင်း ဗီဇာသက်တမ်း ကျော်လွန်နေထိုင်သူများ၊ ခိုးဝင်နေထိုင်သူများကို ဗဟိုအစိုးရ တာဝန်ရှိသူများက ဝင်ရောက်ဖမ်းဆီးမှုများ လုပ်ဆောင်စဉ် ဆန္ဒပြမှုများနှင့် ရင်ဆိုင်ရပြီး ထိုဆန္ဒပြမှုများက ဆူပူအုံကြွမှုဆီသို့ ကူးပြောင်းလာခြင်းဖြစ်သည်။ဇွန်လ ၁၀ ရက်ညပိုင်းအထိ အမေရိကန် ပြည်တွင်းသတင်းဌာနများ၏ ထုတ်ပြန် ချက်များကိုကြည့်ပါက အဆိုပါဆူပူအုံကြွမှုများသည် လော့အိန်ဂျလိမြို့၌သာမက အခြား မြို့ပေါင်း ၁၀ မြို့ကျော်တွင်လည်း အလားတူ ဆူပူဆန္ဒပြမှုများဖြစ်ပွားနေပြီ ဖြစ်ကြောင်း တွေ့ရသည်။အဆိုပါဆန္ဒပြမှုများတင် ဦးဆောင်ပါဝင်သူများသည် အခကြေးငွေရယူထားသည့် ဆူပူအုံကြွသူများ ဖြစ်ကြောင်း၊ လော့အိန်ဂျလိမြို့တွင် အုံကြွမှုများဖြစ်ပွားစေရန်    ကောင်းစွာလေ့ကျင့်ထားသည့် သွေးထိုးလှုံ့ဆော်သူများက လုပ်ဆောင်နေခြင်း ဖြစ်ကြောင်း ထရမ့်က ပြောထားသည်ဟု သိရသည်။MWD Web Portal
Thu, 12-Jun-2025
ရန်ကုန်တိုင်းဒေသကြီး၊ မှော်ဘီမြို့နယ်၌ လက်လုပ်မိုင်း တစ်လုံး ပေါက်ကွဲခဲ့မှုကြောင့် အမျိုးသား တစ်ဦးနှင့် အမျိုးသမီး ကိုးဦးတို့ ထိခိုက်ဒဏ်ရာရရှိမှု မှတ်တမ်းဓာတ်ပုံ။ , ရန်ကုန်တိုင်းဒေသကြီး၊ မှော်ဘီမြို့နယ်၌ လက်လုပ်မိုင်း တစ်လုံး ပေါက်ကွဲခဲ့မှုကြောင့် အမျိုးသား တစ်ဦးနှင့် အမျိုးသမီး ကိုးဦးတို့ ထိခိုက်ဒဏ်ရာရရှိမှု မှတ်တမ်းဓာတ်ပုံ။ , ရန်ကုန်တိုင်းဒေသကြီး၊ မှော်ဘီမြို့နယ်၌ လက်လုပ်မိုင်း တစ်လုံး ပေါက်ကွဲခဲ့မှုကြောင့် အမျိုးသား တစ်ဦးနှင့် အမျိုးသမီး ကိုးဦးတို့ ထိခိုက်ဒဏ်ရာရရှိမှု မှတ်တမ်းဓာတ်ပုံ။
ရန်ကုန်တိုင်းဒေသကြီး၊ မှော်ဘီမြို့နယ်၌ လက်လုပ်မိုင်း တစ်လုံး ပေါက်ကွဲခဲ့မှုကြောင့် အမျိုးသား တစ်ဦးနှင့် အမျိုးသမီး ကိုးဦးတို့ ထိခိုက်ဒဏ်ရာရရှိ
အစွန်းရောက်အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများနှင့် တရားဥပဒေစိုးမိုးရေးအတွက် ဝိုင်းဝန်းဆောင်ရွက်နေသော အုပ်ချုပ်ရေးပိုင်းဆိုင်ရာ တာဝန်ရှိသူများအား ထိခိုက်ဒဏ်ရာရရှိစေရန် ရည်ရွယ်ချက်များဖြင့် အကြမ်းဖက်ဖောက်ခွဲရေးလုပ်ရပ်များအား ငွေကြေးထောက်ပံ့ကာ နောက်ကွယ်မှ သွေးထိုးမြှောက်ပင့်လှုံ့ဆော်မှုများဖြင့် အများပြည်သူသွားလာအသုံးပြုသော လမ်းမကြီးများ၊ ရထားလမ်းများ၊ ဌာနဆိုင်ရာ ရုံးအဆောက်အအုံများနှင့် လူနေအိမ်များအား ဖောက်ခွဲရေးပစ္စည်းကိရိယာများ အသုံးပြု၍ မိုင်းထောင်ဖောက်ခွဲခြင်း၊ အဝေးမှ ပစ်ခတ်ဖောက်ခွဲခြင်းများ ပြုလုပ်လျက်ရှိပါသည်။ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဇွန် ၉ ရက် ည ၇ နာရီတွင် ရန်ကုန်တိုင်းဒေသကြီး၊ မှော်ဘီမြို့နယ်၊ အောက်ဝါးနက်ချောင်းကျေးရွာရှိ ပူးပေါင်းစစ်ဆင်ရေးနှင့်လေထီးသင်တန်းကျောင်း အုတ်တံတိုင်းဘေး၌ လက်လုပ်မိုင်း တစ်လုံး ပေါက်ကွဲမှုဖြစ်ပွားကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ “ဝါဖူး” အထည်ချုပ်စက်ရုံမှ မှော်ဘီမြို့နယ်၊ ကြာဖြူကန်ကျေးရွာနေ ဦးဝင်းကျော်(၄၀)နှစ် မောင်းနှင်ပြီး အထည်ချုပ်ဝန်ထမ်းများ လိုက်ပါလာသည့် YGN-14/ 9B-XXXX ISUZU CANTER မော်တော်ယာဉ်သည် အဆိုပါနေရာအရောက်၌ အကြမ်းဖက်သမားများ ထောင်ထားသည့် လက်လုပ်မိုင်း တစ်လုံး ပေါက်ကွဲခဲ့မှုကြောင့် ယာဉ်ပေါ်တွင် လိုက်ပါလာသည့် “ဝါဖူး” အထည်အချုပ်စက်ရုံမှ အလုပ်သမားများဖြစ်သည့် ဦးကျော်ရဲအောင်(၃၃)နှစ်၊ ဒေါ်မြမြဆင့်(၄၅)နှစ်၊ ဒေါ်ထွေးထွေးရီ(၄၁)နှစ်၊ မအိပိုပိုသက်(၂၃)နှစ်၊ ဒေါ်အေးမာထွန်း(၄၃)နှစ်၊ မဇင်မာသင်း(၂၉)နှစ်၊ ဒေါ်အိအိပြုံး(၃၅)နှစ်၊ မဝေနှင်းစိုး(၂၈)နှစ်၊ ဒေါ်လေးလေးနွယ်(၅၀)နှစ်၊ ဒေါ်နွယ်နွယ်ဝါ(၃၃)နှစ်၊ စုစုပေါင်း အမျိုးသား တစ်ဦး၊ အမျိုးသမီး ကိုးဦး တို့တွင် မိုင်းပေါက်ကွဲစ ထိမှန်ဒဏ်ရာများ ရရှိခဲ့ကြောင်း သိရသည်။အထက်ပါဖြစ်စဉ်မှ အကြမ်းဖက်မှုကျူးလွန်ခဲ့သူများအား ဥပဒေနှင့်အညီ ထိရောက်စွာ အရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းဖော်ထုတ်လျက်ရှိကြောင်း သတင်းရရှိပါသည်။MOHA
Wed, 11-Jun-2025
attack
ကရင်ပြည်နယ်၊ ကော့ကရိတ်မြို့နယ်၌ ပညာရေးကဏ္ဍတိုးတက်မြင့်မားရေးအတွက် ပညာသင်ကြားပေးနေသည့်နေရာများသို့ အကြမ်းဖက်အဖွဲ့(စိစစ်ဆဲ)က လက်နက်ကြီးဖြင့် ပစ်ခတ်တိုက်ခိုက်ခဲ့မှု
လက်နက်ကိုင်အကြမ်းဖက်သမားများသည် အပြစ်မဲ့ အရပ်သားပြည်သူများ နေထိုင်ရာ မြို့၊ ရပ်ကွက်၊ ကျေးရွာများအတွင်း၌ တိုက်ပွဲများဖော်ဆောင်ခြင်း၊ လက်နက်ကြီး၊ ရှော့တိုက်ဒုံး၊ Drop Bomb များဖြင့် ပစ်ခတ်တိုက်ခိုက်ခြင်းများအား လုပ်ဆောင်လျက်ရှိပါသည်။ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဇွန် ၁၀ ရက် မွန်းလွဲ ၁ နာရီတွင် ကရင်ပြည်နယ်၊ ကော့ကရိတ်မြို့နယ်၊ ပိုင်ရပ်ကျေးရွာသို့ အကြမ်းဖက်အဖွဲ့(စိစစ်ဆဲ)က အများပြည်သူထိခိုက်စေရန် ရည်ရွယ်၍ လက်နက်ကြီးဖြင့် ပစ်ခတ်ခဲ့ရာ ပိုင်ရပ်ကျေးရွာအခြေခံပညာအလယ်တန်းကျောင်းမှ ကျောင်းသား/ကျောင်းသူများအား လုံခြုံရေးအခြေအနေအရ ခေတ္တပြောင်းရွှေ့ စာသင်ကြားပေးနေသည့် အဆိုပါကျေးရွာရှိ ဦးကုလား(စိစစ်ဆဲ)၏နေအိမ်ရှေ့ မြေကွက်လပ်သို့ လက်နက်ကြီးဗုံးသီး တစ်လုံး ကျရောက်ပေါက်ကွဲခဲ့မှုကြောင့် ပိုင်ရပ်ကျေးရွာအခြေခံပညာအလယ်တန်းကျောင်းမှ ရုံးအကူဝန်ထမ်းဖြစ်သူ ဒေါ်မိသဇင်(၃၆)နှစ်နှင့် ကျောင်းသား/ကျောင်းသူများဖြစ်ကြသည့် မောင်ဝေယံအောင်(၈)နှစ်၊ မလရိပ်ချို(၁၀)နှစ်နှင့် မသူဇာအေး(၆)နှစ်တို့ လေးဦးတွင် ဗုံးသီးပေါက်ကွဲစထိမှန် ဒဏ်ရာများရရှိကာ သေဆုံးသွားခဲ့ပြီး ပိုင်ရပ်ကျေးရွာနေ လုပ်အားပေးဆရာမဖြစ်သူ မမိုးသူဇာ(၂၅)နှစ်နှင့် ကျောင်းသား/ ကျောင်းသူများဖြစ်ကြသည့် မစိုးစိုးစံ(၅)နှစ်၊ မအေးအေးမိုး(၈)နှစ်၊ မောင်အောင်ကျော်သူ(၄)နှစ်၊ မမျိုးစန္ဒာထွန်း(၆)နှစ်၊ မမျိုးသန္တာဦး(၇)နှစ်၊ မောင်လော်ချမ်း(၇)နှစ်၊ စောစံမြင့်အောင်(၇)နှစ်၊ မရွှေဇင်ထက်(၁၀)နှစ်၊ မယဉ်သူအေး(၉)နှစ်၊ မထွန်းရတနာ(၇)နှစ်၊ မောင်ကောင်းစည်သူစိုး(၇)နှစ်၊ မောင်လင်းလက်အောင်(၇)နှစ်၊ မချစ်မြတ်နိုး(၇)နှစ်၊ မငယ်ငယ်(၇)နှစ်၊ မမေလဝန်း(၇)နှစ်၊ မအိနန္ဒာဖြိုး (၇)နှစ်၊ မသွန်းသွန်းအိမ်စည်လင်း(၉)နှစ်၊ မသီသီဖြိုး(၉)နှစ်တို့ ၁၉ ဦးတို့တွင် မိုင်းပေါက်ကွဲစထိမှန် ဒဏ်ရာများရရှိခဲ့၍ ထိခိုက်ဒဏ်ရာရရှိသူများအား ကညင်ကတိုက်ကျေးရွာရှိ ကျေးလက်ဆေးပေးခန်းနှင့် မော်လမြိုင်မြို့ပြည်သူ့ဆေးရုံသို့ ပို့ဆောင်ဆေးကုသပေးလျက်ရှိကြောင်း သိရသည်။ထိုသို့ အပြစ်မဲ့ အရပ်သားပြည်သူများ အေးချမ်းစွာနေထိုင်လျက်ရှိသော မြို့၊ ရပ်ကွက်၊ ကျေးရွာများအတွင်းသို့ အကြမ်းဖက်သမားများမှ တိုက်ပွဲများဖော်ဆောင်ခြင်းနှင့် လက်နက်ကြီး၊ ရှော့တိုက်ဒုံး၊ Drop Bomb များဖြင့် ပစ်ခတ်တိုက်ခိုက်ခြင်းများ လုပ်ဆောင်မှုကြောင့် နိုင်ငံ့ဝန်ထမ်း တစ်ဦး အပါအဝင် လုပ်အားပေးဆရာမနှင့် ကျောင်းသား/ကျောင်းသူအချို့ သေဆုံး၊ ထိခိုက်ဒဏ်ရာ ရရှိခဲ့မှုအပေါ် ဒေသခံပြည်သူများက လုံးဝလက်ခံနိုင်ခြင်းမရှိဘဲ ဆန့်ကျင်ကန့်ကွက်လျက်ရှိကြောင်းနှင့် လုံခြုံရေးတပ်ဖွဲ့ဝင်များက လိုအပ်သော လုံခြုံရေးလုပ်ငန်းများကို ပြည်သူလူထုနှင့်ပူးပေါင်းကာ တိုးမြှင့်လုပ်ဆောင်လျက်ရှိကြောင်း သတင်းရရှိပါသည်။MOHA
Wed, 11-Jun-2025
© Copyright 2024 SAC All Rights Reserved.