G20 အစည်းအဝေးကို ဘရာဇီးနိုင်ငံ Rio de Janeiro မြို့၌ ကျင်းပပြုလုပ်မည်

sacadmin

News Image

  • G20 အစည်းအဝေးကို ဘရာဇီးနိုင်ငံ Rio de Janeiro မြို့၌ ကျင်းပပြုလုပ်မည်

G20 အစည်းအဝေးကို ၂၀၂၄ ခုနှစ် နိုဝင်ဘာလ ၁၈ ရက်မှ ၁၉ ရက်အထိ ဘရာဇီးနိုင်ငံ Rio de Janeiro မြို့၌  ကျင်းပပြုလုပ်မည်ဖြစ်ပါသည်။  G20 တွင် အမေရိကန်၊ ရုရှား၊ တရုတ်၊ ဂျာမနီ၊ ဗြိတိန်၊ ဘရာဇီး၊ အိန္ဒိယနိုင်ငံများအပါအဝင်  ၁၉ နိုင်ငံက အဖွဲ့ဝင်အဖြစ် ပါဝင်ပါသည်။ ယခုအစည်းအဝေးသို့ အဖွဲ့ဝင်နိုင်ငံများမှ နိုင်ငံခေါင်းဆောင်များအပြင် အာဖရိကသမဂ္ဂနှင့် ဥရောပသမဂ္ဂခေါင်းဆောင်များပါ  တက်ရောက်ကြမည်ဖြစ်ကြောင်း သိရှိရပါသည်။

ဘရာဇီးနိုင်ငံသည်  G20 အလှည့်ကျဥက္ကဌတာဝန်ကို ၂၀၂၃ ခုနှစ် ဒီဇင်ဘာလ ၁ ရက်မှ ၂၀၂၄ ခုနှစ် နိုဝင်ဘာလ ၃၀ ရက်အထိ တာဝန်ယူလျက်ရှိပါသည်။

Source- https://sdg.iisd.org

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

UAE သမ္မတ အယ်လ်နာဟာယန်ကို ကျေးဇူးတင်ကြောင်း ပူတင် ပြောကြား
UAE သမ္မတ အယ်လ်နာဟာယန်ကို ကျေးဇူးတင်ကြောင်း ပူတင် ပြောကြား
ယူကရိန်း-ရုရှား အကျဉ်းသားလဲလှယ်ရေးလုပ်ငန်းများအတွက် ကူညီခဲ့မှုအပေါ် အထူးကျေးဇူးတင်ရှိပါကြောင်း ရုရှားသမ္မတဗလာဒီမာပူတင်က UAE သမ္မတ မိုဟာမက် ဘင် ဇာယက် အယ်လ်နာဟာယန်နှင့် ဖုန်းဆက်သွယ်ကြရာတွင် ပြောကြားလိုက်ပါသည်။ UAE ကြိုးပမ်းမှုများကြောင့် အီစတာပွဲတော်မတိုင်မီ (ဧပြီ ၁၉) တွင် ရုရှားစစ်မှုထမ်း ၂၄၆ ဦးသည် ၎င်းတို့ နေအိမ်ပြန်ရောက်ခဲ့ကြသည် ဟု ကရင်မလင်က ထုတ်ပြန်ထားပါသည်။   UAE ၏ အကျဉ်းသားလဲလှယ်ရေး စီစဉ်မှုများအတွက် ကူညီပေးမှုကို ပူတင်က ချီးကျူးခဲ့ပါသည်။ ကိုးကား- ကရင်မလင်ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Thu, 1-မေလ-2025
ယူကရိန်းသတ္တုအရင်းအမြစ်များအား အမေရိကန် ဝင်ရောက်လုပ်ကိုင်ခွင့်ရမည့်သဘောတူညီချက် အမေရိကန်နှင့် ယူကရိန်း လက်မှတ်ရေးထိုးပြီး
ယူကရိန်းသတ္တုအရင်းအမြစ်များအား အမေရိကန် ဝင်ရောက်လုပ်ကိုင်ခွင့်ရမည့်သဘောတူညီချက် အမေရိကန်နှင့် ယူကရိန်း လက်မှတ်ရေးထိုးပြီး
ယူကရိန်း၏ သတ္တုအရင်းအမြစ်များကို အမေရိကန်က ဝင်ရောက်အသုံးပြုနိုင်မည့် သဘောတူညီချက်ကို အမေရိကန်နှင့် ယူကရိန်းတို့ လက်မှတ်ရေးထိုးလိုက်ကြကြောင်း Bloomberg သတင်းစာက ဖော်ပြထားပါသည်။အဆိုပါသဘောတူညီချက်အရ အမေရိကန်သည် အလူမီနီယမ်၊ ဂရက်ဖိုက်၊ ရေနံနှင့် သဘာဝဓာတ်ငွေ့ထုတ်လုပ်မှုဆိုင်ရာ ရင်းနှီးမြှုပ်နှံမှုစီမံကိန်း အသစ်များတွင် ဦးစားပေးဝင်ရောက်လုပ်ကိုင်ခွင့် ရရှိမည်ဖြစ်သည်။ထိုသဘောတူညီချက်သည် ယူကရိန်းအရေးနှင့်ပတ်သက်၍ ဝါရှင်တန်၏ ငြိမ်းချမ်းရေးဖြေရှင်းနိုင်မည့်ဆန္ဒကို ပြသခြင်းဖြစ်ကြောင်း၊ အမေရိကန် အစိုးရသည် လွတ်လပ်ပြီး အချုပ်အခြာအာဏာပိုင်ဆိုင်ပြီး စည်ပင်သာယာသော ယူကရိန်းကို ရေရှည်တည်တံ့စေရန် ကတိပြုထားကြောင်းကို ရုရှားအား ရှင်းလင်းစွာ အသိပေးပြသခြင်းဖြစ်သည် ဟု အမေရိကန် ဘဏ္ဍာရေးဝန်ကြီး Scott Bessent က ထုတ်ပြန်ပြောကြားထားပါသည်။သဘောတူညီချက်အရ နှစ်နိုင်ငံသည် ရင်းနှီးမြှုပ်နှံမှုရန်ပုံငွေတစ်ခုကို ဖန်တီးကြရမည်ဖြစ်ပြီး ယူကရိန်းဘက်မှ သတ္တုတူးဖော်ရေး လိုင်စင်အသစ်များမှ ရရှိသော အမြတ်၏ ၅၀% ကို အဆိုပါရန်ပုံငွေသို့ ထည့်ဝင်မည်ဖြစ်ပါသည်။ ရန်ပုံငွေစီမံခန့်ခွဲမှုတွင် အမေရိကန်နှင့် ယူကရိန်းတို့သည် တူညီသည့် မဲပေးပိုင်ခွင့် ရရှိမည်ဖြစ်ပါသည်။ယူကရိန်းဘက်မှ အမေရိကန်သို့ တိုက်ရိုက်ကြွေးမြီဆိုင်ရာ တာဝန်များပါဝင်ခြင်းမရှိ ဟု သဘောတူညီချက်တွင် ဖော်ပြထားသည်။ ရုရှား၏ ကာကွယ်ရေးလုပ်ငန်းနှင့် စစ်တပ်အား ငွေကြေးထောက်ပံ့ခဲ့သည့် နိုင်ငံများ သို့မဟုတ် ပုဂ္ဂိုလ်များကို ယူကရိန်းပြန်လည် တည်ဆောက်ရေးလုပ်ငန်းများတွင် ပါဝင်ခွင့်မပြု ဟု Bessent က ထပ်လောင်း အလေးပေးပြောကြားခဲ့သည်။ယူကရိန်း၏ ဒုတိယဝန်ကြီးချုပ်နှင့် စီးပွားရေးဝန်ကြီး Yulia Svyrydenko က Facebook တွင် ထိုသဘောတူညီချက်ကို လက်မှတ်ရေးထိုးခြင်းကို အတည်ပြုဖော်ပြထားပါသည်။ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Thu, 1-မေလ-2025
ဒုတိယကမ္ဘာစစ်အောင်နိုင်ခြင်းက ဆိုဗီယက်နှင့် ရုရှားလူမျိုးတို့၏ အောင်ပွဲဆွတ်ခူးမှုကို ကိုယ်စားပြုကြောင်း ရုရှားသမ္မတပြောကြား
ဒုတိယကမ္ဘာစစ်အောင်နိုင်ခြင်းက ဆိုဗီယက်နှင့် ရုရှားလူမျိုးတို့၏ အောင်ပွဲဆွတ်ခူးမှုကို ကိုယ်စားပြုကြောင်း ရုရှားသမ္မတပြောကြား
ကြီးမြတ်သော မိမိနိုင်ငံအတွက် စစ်ပွဲ (Great Patriotic War) ၏ အောင်ပွဲသည် ဆိုဗီယက်နှင့် ရုရှားလူမျိုးတို့၏ အောင်ပွဲဖြစ်သည် ဟု ရုရှားသမ္မတ ဗလာဒီမာ ပူတင်က မေလ ၁ရက်နေ့တွင် ပြုလုပ်သည့် ပညာရေးညီလာခံတစ်ခုတွင် ပြောကြားလိုက်ပါသည်။ “ဆိုဗီယက်ခေတ်က လူများသည် ဤအောင်ပွဲနေ့ကို သီချင်းများဖြင့်ဖော်ညွှန်းလေ့ရှိကြပါတယ်၊ အဆိုပါနေ့သည် မျက်ရည်ကျရသည့်နေ့လည်း ဖြစ်ပါကြောင်း၊ သို့သော် ပထမဆုံးအနေဖြင့် ထိုအရာသည် အောင်ပွဲနေ့ပါပဲ။ ဒုတိယကမ္ဘာစစ် သို့မဟုတ် “ကြီးမြတ်သော မိမိနိုင်ငံအတွက် စစ်ပွဲအတွင်းက ဖြစ်ရပ်တွေအားလုံးသည် မိမိတို့ ဆိုဗီယက်လူမျိုးများနှင့် ရုရှားလူမျိုးများ၏ အောင်မြင်မှုပါ” ဟု ရုရှားသမ္မတက ပြောခဲ့ပါသည်။မေလ ၉ ရက် အောင်ပွဲနေ့သည် ရုရှားနိုင်ငံအတွက်သာမက မိသားစုတိုင်းအတွက်ပါ အထူးအရေးပါသောနေ့ဖြစ်ကြောင်း” ၎င်းက ထည့်သွင်းပြောကြားခဲ့ပါသည်။ Great Patriotic War သည် ရုရှားတို့က ဒုတိယကမ္ဘာစစ်အတွင်း (၁၉၄၁-၁၉၄၅) ဂျာမနီနှင့် တိုက်ခိုက်ခဲ့သော အဓိကစစ်ပွဲများကို ရည်ညွှန်းပါသည်။  ရုရှားနိုင်ငံတွင် မေ ၉ ရက်ကို နှစ်စဉ် Victory Day အဖြစ် ကြီးကျယ်စွာ ကျင်းပလေ့ရှိပြီး စစ်အတွင်း အသက်ပေးခဲ့သူများအား ဂုဏ်ပြုလေ့ရှိပါသည်။ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Thu, 1-မေလ-2025
ယူကရိန်း စစ်ရပ်စဲရေး တောင်းဆိုမှုများကို အယုံအကြည်မရှိဟု ရုရှား နိုင်ငံခြားရေးဝန်ကြီး ပြောကြား
ယူကရိန်း စစ်ရပ်စဲရေး တောင်းဆိုမှုများကို အယုံအကြည်မရှိဟု ရုရှား နိုင်ငံခြားရေးဝန်ကြီး ပြောကြား
ယူကရိန်းအစိုးရ၏ စစ်ရပ်စဲရေးတောင်းဆိုမှုများကို ရုရှားယုံကြည်မှု မရှိဟု ရုရှားနိုင်ငံခြားရေးဝန်ကြီး Sergey Lavrov က ဘရာဇီးနိုင်ငံ၌ ကျင်းပသော BRICS နိုင်ငံခြားရေးဝန်ကြီးများ အစည်းအဝေးတွင် ပြောကြား လိုက်သည်။ အမေရိကန်သမ္မတ Donald Trump ၏ အဆိုပြုချက်ဖြစ်သည့် စွမ်းအင်အခြေခံအဆောက်အအုံများကို ပစ်မှတ်ထား တိုက်ခိုက်မှုယာယီရပ်စဲရေး ရက် ၃၀ ကို ရုရှားဘက်မှ အပြည့်အဝလိုက်နာခဲ့သော်လည်း၊ ယူကရိန်းအစိုးရ၏ ရန်လိုသောလုပ်ရပ်များကို ထိန်းချုပ်နိုင်ခြင်းမရှိခဲ့ဟု ယူကရိန်းအစိုးရ၏ ချိုးဖောက်မှုများကို ထောက်ပြခဲ့ပါသည်။ “မိမိတို့ ကိုယ်စားလှယ်များက ၎င်းတို့ ချိုးဖောက်မှုအကြိမ်ရေ ၂၀၀ ခန့်ကို မှတ်တမ်းတင်ထားပြီးဖြစ်ပါကြောင်း၊ ထိုစာရင်းများကို ကုလသမဂ္ဂနှင့် အမေရိကန်နိုင်ငံခြားရေးဝန်ကြီး Marco Rubio ထံ ပေးပို့ခဲ့ပြီး ဖြစ်ပါကြောင်း၊ ထို့ကြောင့် ၎င်းတို့၏ စစ်ရပ်စဲရေးတောင်းဆိုမှုများ၏ တန်ဖိုးကို မိမိတို့ သိနေပါပြီ” ဟု Lavrov က ပြောကြားခဲ့သည်။ ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Thu, 1-မေလ-2025
ကဘော်ချိုင့်ဝှမ်းကို အိန္ဒိယက ပိုင်သည့် သဘောပြောခြင်းမှာ မဖြစ်သင့်သော ကိစ္စဖြစ်ကြောင်း နိုင်ငံတော်စီမံအုပ်ချုပ်ရေးကောင်စီ သတင်းထုတ်ပြန်ရေး အဖွဲ့ ဖြေကြား
ကဘော်ချိုင့်ဝှမ်းကို အိန္ဒိယက ပိုင်သည့် သဘောပြောခြင်းမှာ မဖြစ်သင့်သော ကိစ္စဖြစ်ကြောင်း နိုင်ငံတော်စီမံအုပ်ချုပ်ရေးကောင်စီ သတင်းထုတ်ပြန်ရေးအဖွဲ့ ဖြေကြား
BJP ပါတီမှ လွှတ်တော်အမတ်ပြောသည့် ကဘော်ချိုင့်ဝှမ်းကို အိန္ဒိယက ပိုင်သည့် သဘောပြောခြင်းမှာ မဖြစ်သင့်သောကိစ္စဖြစ်ကြောင်း နိုင်ငံတော်စီမံအုပ်ချုပ်ရေးကောင်စီက ထုတ်ပြန်ချက်တွင် ထည့်သွင်းပြောကြားထားသည်။ “မြန်မာ-အိန္ဒိယ နယ်နိမိတ်ကိစ္စသည် နှစ်နိုင်ငံအစိုးရများအကြားမှာ တရားဝင်ဆွေးနွေးတိုင်းတာ အတည်ပြုပြီး ဆောင်ရွက်နေသည့် နိုင်ငံတော်အဆင့်ကိစ္စများ ဖြစ်ပါသည်။ ၎င်းကို မဏိပူရပြည်နယ်မှ အချို့သော နိုင်ငံရေးပါတီများနှင့် လွှတ်တော်အမတ်များသည် ၎င်းတို့၏ နိုင်ငံရေးမဲဆွယ်ရန် စကားလုံးတစ်ခုအဖြစ် မကြာခဏ ပြောဆိုနေသည်ကို စိတ်မကောင်းဖွယ်တွေ့ရှိနေရသည်” ဟု ထုတ်ပြန်ချက်တွင် ရေးသားထားသည်။ ၂၀၁၁ ခုနှစ်က မဏိပူရပြည်နယ် BJP ပါတီခေါင်းဆောင် ရှန်တီကူးမားက ကဘော်ချိုင့်ဝှမ်းကို မဏိပူရက ပိုင်သင့်ကြောင်း ပြောခဲ့ပြီး၊ ၂၀၁၃ ခုနှစ် မဲဆွယ်မှုတွင်လည်း အဆိုပါ ပါတီကပင် ၎င်းတို့ပါတီကို မဲပေးလျှင် ကဘော်ချိုင့်ဝှမ်းကို ပြန်တောင်းပေးမည်ဆိုပြီး မဲဆွယ်ခဲ့ကာ ယခုတွင်လည်း BJP ပါတီ၏ မဏိပူရပြည်နယ် ပါလီမန်လွှတ်တော်အမတ်က ကဘော်ချိုင့်ဝှမ်းဒေသကို အိန္ဒိယက ပိုင်သည်ဆိုသည့်သဘော ပြောဆိုခြင်းသည် မဖြစ်သင့်သည့်ကိစ္စဖြစ်ကြောင်း ထုတ်ပြန်ချက်တွင် ရေးသားထားသည်။ “အိန္ဒိယနိုင်ငံက တာဝန်ရှိသူများအနေနှင့် နိုင်ငံတော်အဆင့် သဘောတူဆောင်ရွက်နေသော ကိစ္စများကို ပြည်နယ်တစ်ခု၊ ပါတီ တစ်ခုက ဖျက်လိုဖျက်ဆီး ပြောဆိုနေမှုများကို လိုအပ်သလို ထိန်းကြောင်းတည့်မတ်ပေးရန် လိုအပ်ပါတယ်။ ကဘော်ချိုင့်ဝှမ်းဒေသသည် သမိုင်းနှင့်ယှဉ်ပြီး မြန်မာနိုင်ငံပိုင်ဖြစ်သလို လက်ရှိတွင်လည်း နှစ်နိုင်ငံအစိုးရများက လက်ခံအတည်ပြုထားသော မြန်မာနိုင်ငံ၏ ပိုင်နက် နယ်မြေများ ဖြစ်ပါသည်” ဟု ထုတ်ပြန်ချက်တွင် ဖော်ပြထားသည်။ အိန္ဒိယနိုင်ငံနှင့် မြန်မာနိုင်ငံ အကြားတည်ရှိနေသော အိမ်နီးချင်းကောင်း မိတ်ဆွေကောင်း ဆက်ဆံရေးများကို မြန်မာနိုင်ငံဘက်က အမြဲရပ်တည် ထိန်းသိမ်းဆောင်ရွက်လျက်ရှိသကဲ့သို့ အိန္ဒိယနိုင်ငံအနေနှင့်လည်း ရှိရင်းစွဲ ချစ်ကြည်ရင်းနှီးသည့် နှစ်နိုင်ငံဆက်ဆံရေးကို တန်ဖိုးထားပြီး မြန်မာနိုင်ငံ၏ အချုပ်အခြာအာဏာနယ်မြေပိုင်ဆိုင်မှုကို လေးစားသင့်သည့်အတွက် နှစ်နိုင်ငံ ဆက်ဆံရေးကို ထိခိုက်ပျက်ပြားစေမည့် ပြုမူပြောဆိုမှုများနှင့်ပတ်သက်၍ နိုင်ငံတော်အစိုးရအနေဖြင့် လိုအပ်သလို ထိန်းသိမ်းဆောင်ရွက်သင့်ကြောင်း ပြောကြားလိုပါသည်ဟု ဆက်သွယ်မေးမြန်းသည့်အပေါ် သတင်းထုတ်ပြန်ရေးအဖွဲ့က ဖြေကြားထားသည်။ကိုးကား-NP News
Thu, 1-မေလ-2025
ပူတင်၏ “အောင်ပွဲနေ့” စစ်ရပ်စဲရေး အဆိုပြုချက်သည် ကိယက်နှင့် တိုက်ရိုက်ဆွေးနွေးမှုလမ်းကြောင်းဖွင့်ပေးနိုင်ဟု လာဗရော့ဆို
ပူတင်၏ “အောင်ပွဲနေ့” စစ်ရပ်စဲရေး အဆိုပြုချက်သည် ကိယက်နှင့် တိုက်ရိုက်ဆွေးနွေးမှုလမ်းကြောင်းဖွင့်ပေးနိုင်ဟု လာဗရော့ဆို
ရုရှားနိုင်ငံခြားရေးဝန်ကြီး ဆာဂေးလာဗရော့က သမ္မတ ဗလာဒီမာပူတင် ၏ မေလ ၉ ရက်နေ့ (ရုရှား၏ အောင်ပွဲနေ့) အခမ်းအနား အထိမ်းအမှတ်အဖြစ် စစ်ရပ်စဲရေးအဆိုပြုချက်သည် ယူကရိန်းနှင့် တိုက်ရိုက် အပစ်အခတ်ရပ်စဲရေးနှင့် ငြိမ်းချမ်းရေးဆွေးနွေးမှုများ စတင်နိုင်ရန် အခွင့်အလမ်းတစ်ရပ် ဖြစ်ကြောင်း ပြောကြားခဲ့သည်။လာဗရော့အဆိုအရ ရုရှားအစိုးရသည် စစ်ရေးအခြေအနေများကို တည်ငြိမ်စေရန်နှင့် နိုင်ငံတကာညှိနှိုင်းမှုများ စတင်နိုင်ရန် ယင်းအဆိုကို တင်သွင်းခြင်း ဖြစ်သည်။ သို့သော် ယူကရိန်းဘက်မှ လက်မခံပါက ရုရှားက ၎င်း၏ စစ်ဆင်ရေးများကို ဆက်လက်ဆောင်ရွက်မည်ဟုလည်း သတိပေးခဲ့သည်။ပူတင်၏ အဆိုတွင် ယူကရိန်းက ရုရှားထိန်းချုပ်ထားသော ဒွန်ဘတ်စ်နှင့် ခရိုင်းမီးယားဒေသများကို အသိအမှတ်ပြုရန်နှင့် NATO အဖွဲ့ဝင်မဖြစ်ရန် ကန့်သတ်ချက်များ ပါဝင်နိုင်သည်။အနောက်နိုင်ငံများက ယင်းအဆိုကို “စစ်ရေးအကျပ်အတည်းမှ ရုရှား အား အချိန်ဆွဲရန် ကြိုးပမ်းမှု” အဖြစ် ဝေဖန်ထားသည်။ယူကရိန်းသမ္မတ ဇီလန်စကီးက ရုရှား၏ စစ်ရပ်စဲရေးအဆိုကို ယုံကြည်စိတ်ချရခြင်းမရှိဟု ငြင်းဆိုခဲ့ပြီး ရုရှားတပ်များ ယူကရိန်းမြေမှ ဆုတ်ခွာမှသာ အစစ်အမှန်ငြိမ်းချမ်းရေးဖြစ်နိုင်ကြောင်း ပြောကြားခဲ့သည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 30-Apr-2025
© Copyright 2024 SAC All Rights Reserved.