နယ်စပ်အတားအဆီးများ ဖယ်ရှားရေးဆိုင်ရာ အနာဂတ် သဘော တူညီချက်အတွက် ဥရောပသမဂ္ဂ၊ စပိန်၊ ဗြိတိန်နှင့် ဂျီဘရော်လ်တာတို့ သဘောတူညီမှုရရှိ

saceditor

News Image

  • နယ်စပ်အတားအဆီးများ ဖယ်ရှားရေးဆိုင်ရာ အနာဂတ် သဘော တူညီချက်အတွက် ဥရောပသမဂ္ဂ၊ စပိန်၊ ဗြိတိန်နှင့် ဂျီဘရော်လ်တာတို့ သဘောတူညီမှုရရှိ

နယ်စပ်အတားအဆီးများ ဖယ်ရှားရန်၊ ဒေသတွင်း သာယာဝပြောမှု မြှင့်တင်ရန် ရည်ရွယ်လျက် ဥရောပသမဂ္ဂနှင့် ဗြိတိန်နိုင်ငံကြား ဂျီဘရော်လ်တာဒေသဆိုင်ရာ အနာဂတ် သဘောတူစာချုပ်၏ အဓိက အကြောင်းအရာများနှင့် စပ်လျဉ်း၍ ဥရောပသမဂ္ဂ (အီးယူ)၊ စပိန်နှင့် ဗြိတိန်နိုင်ငံတို့မှ အဆင့်မြင့် တာဝန်ရှိသူများနှင့် ဂျီဘရော်လ်တာ ကိုယ်စားလှယ်များအကြား ဘရပ်ဆဲလ်မြို့တွင် ဇွန် ၁၁ ရက်က သဘောတူညီမှုရရှိခဲ့သည်။

“အနာဂတ် သဘောတူညီချက်သည် အချုပ်အခြာအာဏာ၊ စီရင်အုပ်ချုပ်ပိုင်ခွင့်တို့နှင့် ပတ်သက်ပြီး စပိန်၊ ဗြိတိန်နိုင်ငံတို့၏ သက်ဆိုင်ရာ တရားဝင်ရပ်တည်ချက်တွေအပေါ် ထိခိုက်မှုမဖြစ်စေပါ” ဟု ပူးတွဲ ကြေညာချက်၌ ဖော်ပြထားသည်။

အဆိုပါ အနာဂတ်သဘောတူညီချက်မှာ စပိန်နိုင်ငံနှင့် ဂျီဘရော်လ်တာဒေသကြား လူပုဂ္ဂိုလ်များ၊ ကုန်စည်များ စီးဆင်းသွားလာမှုအပေါ် စစ်ဆေးမှု၊ ထိန်းချုပ်မှုနှင့် ရုပ်ပိုင်းဆိုင်ရာ အတားအဆီး အားလုံးကို ဖယ်ရှားခြင်းဖြင့် ယင်းဒေသ၌ သာယာဝပြောမှုရှိစေရန် ရည်ရွယ်ခြင်းဖြစ်ကြောင်း ထိုပူးတွဲ ကြေညာချက်အရသိရသည်။
ရှင်ဂန်ဧရိယာ၊ ဥရောပသမဂ္ဂ ဘုံဈေးကွက်၊ အကောက်ခွန်ယူနီယံတို့ကို ဆက်လက်ထိန်းသိမ်းလျက် ယင်းသဘောတူညီချက်ကို ‌ဖော်ဆောင်သွားမည်ဖြစ်သည်။ လူပုဂ္ဂိုလ်များ လည်ပတ်သွားလာခြင်းနှင့် စပ်လျဉ်း၍ ဂျီဘရော်လ်တာဒေသနှင့် စပိန်နိုင်ငံ လာလီနီယာမြို့ကြား နယ်စပ်ဂိတ်၌ အလုပ်သွားရန်နေ့စဉ်ဖြတ်သန်းသွားလာသူများအပေါ် စစ်ဆေးမှုများ ရုပ်သိမ်းပေးမည်ဖြစ်ကာ ဂျီဘရော်လ်တာ ဆိပ်ကမ်း နှင့် လေဆိပ်တို့တွင်မူ နှစ်ဆင့်စစ်ဆေးမှုများ လုပ်ဆောင်သွားမည်ဖြစ်သည်။

ကုန်စည်များနှင့် စပ်လျဉ်း၍မူ နှစ်ဖက် အကောက်ခွန် အာဏာပိုင်များအကြား ခိုင်ခိုင်မာမာ ပူးပေါင်း ဆောင်ရွက်ခြင်း၊ ကုန်စည်များအပေါ် စစ်ဆေးမှုများ ရုပ်သိမ်းခြင်းတို့က အီးယူနှင့် ဂျီဘရော်လ်တာဒေသကြား အကောက်ခွန်ယူနီယံ (ကုန်သွယ်ရေး အတားအဆီးများ ဖယ်ရှားခြင်းနှင့် သွင်းကုန်ခွန် လျှော့ချ၊ ဖယ်ရှားခြင်း) ဆီသို့ ဦးတည်စေမည်ဖြစ်သည်။

အဆိုပါ အနာဂတ်သဘောတူညီချက်နှင့် အကျုံးဝင်သော အခြားနယ်ပယ်များအနက် အစိုးရ အထောက်အပံ့၊ အခွန်အကောက်၊ လုပ်သား၊ သဘာဝပတ်ဝန်းကျင်၊ ကုန်သွယ်ရေးနှင့် စဉ်ဆက်မပြတ် ဖွံ့ဖြိုးတိုးတက်မှု၊ ငွေကြေးခဝါချမှု တိုက်ဖျက်ရေး၊ သယ်ယူပို့ဆောင်ရေး၊ ပတ်ဝန်းကျင်၊ ပေါင်းစည်းညီညွတ်မှုနှင့် အလုပ်အကိုင် စသည်တို့ ပါဝင်ကြောင်း သိရသည်။ 

ကိုးကား- Xinhua

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ရုရှားက ယူကရိန်းမှကျဆုံး စစ်သည်ရုပ်အလောင်း ၆၀၀၀ ကျော်ကို ပြန်လည်လွှဲပြောင်း ပေးအပ်
ရုရှားက ယူကရိန်းမှကျဆုံး စစ်သည်ရုပ်အလောင်း ၆၀၀၀ ကျော်ကို ပြန်လည်လွှဲပြောင်း ပေးအပ်
ရုရှားနိုင်ငံသည် ယူကရိန်းနှင့်ဖြစ်ပွားသည့် ပဋိပက္ခအတွင်း ယူကရိန်းမှ ကျဆုံးသွားသည့် စစ်သည်များ၏ ရုပ်အလောင်း ၆၀၀၀ ကျော်ကို ယူကရိန်းသို့ပြန်လည်လွှဲပြောင်း ပေးအပ်လိုက်ကြောင်း ပဋိပက္ခနှင့် စပ်လျဉ်း၍ ရုရှားစေ့စပ် ညှိနှိုင်းရေးမှူးဖြစ်သည့် ဗလာဒီမာမက်ဒင်စကီ ကပြောသည်။ရုရှားဘက်က   ယူကရိန်းသို့ ကျဆုံးစစ်သည် ၆၀၆၀ ၏ရုပ်အလောင်းများကို ပြန်လည်လွှဲပြောင်းပေးစဉ် ယူကရိန်းက ရုရှားသို့ ရုရှားနိုင်ငံမှ ကျဆုံးစစ်သည် ၇၈ ဦး၏  ရုပ်အလောင်းများကို  ပြန်လည်လွှဲပြောင်းပေးကြောင်း  ဗလာဒီမာမက်ဒင်စကီက ဇွန်လ ၁၆ ရက်တွင်ပြောသည်။ယခုလအစောပိုင်းတွင် တူကီယဲနိုင်ငံ၌ ကျင်းပခဲ့သော ရုရှား-ယူကရိန်း မျက်နှာချင်းဆိုင် ဆွေးနွေးမှုအတွင်း ရရှိခဲ့သော သဘောတူညီချက်ကို အကောင်အထည် ဖော်သည့်အနေဖြင့် ယခုကဲ့သို့လွှဲပြောင်းပေးခြင်း ဖြစ်ကြောင်း မက်ဒင်စကီကပြော ထားသည်ဟု သိရသည်။MWD Web Portal
Tue, 17-Jun-2025
အမေရိကန်၏ ဝေဟင်ဆီဖြည့် လေယာဉ်အစင်း ၃၀ ကျော် အရှေ့အလယ်ပိုင်းသို့ ရောက်ရှိလာ
အမေရိကန်၏ ဝေဟင်ဆီဖြည့် လေယာဉ်အစင်း ၃၀ ကျော် အရှေ့အလယ်ပိုင်းသို့ ရောက်ရှိလာ
အမေရိကန်နိုင်ငံမှ  ဝေဟင်ဆီဖြည့် လေယာဉ်အစင်း ၃၀ ကျော်သည် အတ္တလန္တိတ်သမုဒ္ဒရာကို ကျော်ဖြတ်ပြီးနောက် အရှေ့အလယ်ပိုင်းဒေသသို့ ရောက်ရှိလာပြီဖြစ်ကြောင်း Military Watch မဂ္ဂဇင်းက ဇွန်လ ၁၆ ရက်တွင်ဖော်ပြထားသည်။အမေရိကန်က ယခုကဲ့သို့ဝေဟင်ဆီ ဖြည့်လေယာဉ်အစင်းရေ အများအပြားကို စေလွှတ်ခြင်းသည် ထူးခြားသည့်လုပ်ရပ်တစ်ခုဖြစ်ကြောင်း၊ အဆိုပါလုပ်ရပ်ကြောင့် လက်ရှိဖြစ်ပွားနေသော အစ္စရေး-အီရန် စစ်ပွဲတွင် အမေရိကန်၏နက်ရှိုင်းစွာပါဝင်မှုရှိလာနိုင်သည်ကို ဖော်ပြနေကြောင်း ထိုမဂ္ဂဇင်းက သုံးသပ်ဖော်ပြထားသည်။အစ္စရေး-အီရန်ပဋိပက္ခအတွင်း အမေရိကန်နိုင်ငံ၏ အကျိုးစီးပွားများကို ထိခိုက်လာပါက ထိုပဋိပက္ခတွင် အမေရိကန်က တိုက်ရိုက်ပါဝင်လာနိုင်ကြောင်း သမ္မတ ဒေါ်နယ်ထရမ့်က သတိပေးထားသည်။လေကြောင်းပျံသန်းမှုစောင့်ကြည့်ရေးဆိုင်ရာ အချက်အလက်များအရ အမေရိကန်မှ C-135 နှင့် KC-46 ဝေဟင်ဆီဖြည့်လေယာဉ်များသည် အရှေ့အလယ်ပိုင်းသို့‌ ရောက်ရှိနေပြီဖြစ်ကြောင်း၊ ထိုလေယာဉ်များသည် အစ္စရေးလေတပ်ကို ကူညီရန် သို့မဟုတ်   ထိုပဋိပက္ခတွင် အမေရိကန်ပါဝင်လာပါက ၎င်းတို့၏ တိုက်လေယာဉ်များ နှင့်ဗုံးကြဲလေယာဉ်များအတွက် အကူအညီ ရစေရန်ဖြစ်ကြောင်း အဆိုပါမဂ္ဂဇင်းက ခန့်မှန်းထားသည်။တစ်ချိန်တည်းမှာပင် လက်ရှိဖြစ်ပွားနေသော အစ္စရေး-အီရန်ပဋိပက္ခ၌ အမေရိကန်က ထောက်လှမ်းရေးသတင်းများ၊ ဂြိုဟ်တုမှပစ်မှတ်ရှာဖွေမှု အချက်အလက်များနှင့် ဒုံးကျည်ကာကွယ်ရေးစနစ်များကို ထောက်ပံ့ပေးနေစဉ် အနောက်နိုင်ငံအချို့မှဆီဖြည့်လေယာဉ်များက အစ္စရေးကို ကူညီပေးနေကြောင်း သိရသည်။MWD Web Portal
Tue, 17-Jun-2025
ရုရှားနှင့် အမေရိကန်သမ္မတတို့ ဖုန်းဖြင့်ဆက်သွယ်၍ ယူကရိန်းနှင့် အစ္စရေး-အီရန်အရေး ဆွေးနွေး
ရုရှားနှင့် အမေရိကန်သမ္မတတို့ ဖုန်းဖြင့်ဆက်သွယ်၍ ယူကရိန်းနှင့် အစ္စရေး-အီရန်အရေး ဆွေးနွေး
ရုရှားနိုင်ငံသမ္မတ ပူတင်နှင့် အမေရိကန်နိုင်ငံသမ္မတ ထရမ့်တို့သည် ဇွန် ၁၄ ရက်တွင် ဖုန်းဖြင့် ဆက်သွယ်၍ ယူကရိန်းအခြေအနေနှင့် အစ္စရေးက အီရန်အပေါ် စစ်ရေးလှုပ်ရှားမှုတို့နှင့်စပ်လျဉ်း၍ ဆွေးနွေးခဲ့ကြကြောင်း ရုရှားသမ္မတ လက်ထောက် Yuri Ushakov က ထိုနေ့တွင် မီဒီယာများကို ပြောကြားခဲ့သည်။နှစ်ဖက်အနေဖြင့် မိနစ် ၅၀ ကြာ ဆွေးနွေးခဲ့ပြီး ဖုန်းဖြင့်ဆက်သွယ်ဆွေးနွေးမှုသည် “အကျိုးရှိကြောင်း” Yuri Ushakov က ဆိုသည်။ ပူတင်က ဖုန်းဖြင့်ဆက်သွယ်ဆွေးနွေးရာတွင် ရုရှားနှင့် ယူကရိန်းတို့ စစ်သုံ့ပန်းချင်း လဲလှယ်မှုအခြေအနေကို မိတ်ဆက်ပြောကြားခဲ့ပြီး ရုရှားအနေဖြင့် ဇွန် ၂၂ ရက်ပြီးနောက် ယူကရိန်းနှင့် ဆက်လက်ဆွေးနွေးညှိနှိုင်းလိုကြောင်း အတည်ပြုခဲ့သည်။ ပူတင်က အီရန်အပေါ် အစ္စရေး၏ စစ်ရေး လှုပ်ရှားမှု ကိုရှုတ်ချခဲ့ပြီး နှစ်နိုင်ငံအတွက် စေ့စပ်ညှိနှိုင်းပေးလိုကြောင်း ပြောကြားခဲ့သည်။ထရမ့်က အစ္စရေးနှင့် အီရန်တို့၏ အခြေအနေသည် “အလွန်အမင်း စိုးရိမ်ပူပန်စေ”ကြောင်း ပြောကြားခဲ့ပြီး တစ်ချိန်တည်းတွင် အစ္စရေးက အီရန်အပေါ် တိုက်ခိုက်မှုသည် “ထိရောက်မှုရှိ” ကြောင်း၊ အမေရိကန် ဆွေးနွေး ညှိနှိုင်းရေးကိုယ်စားလှယ်အနေဖြင့် အီရန်နှင့်အတူ အီရန်နျူကလီးယားအရေး နှင့်စပ်လျဉ်း၍ သက်ဆိုင်ရာ လုပ်ငန်းများ ပြန်လည်လုပ်ဆောင်သွားလိုကြောင်းလည်း ပြောကြားခဲ့သည်။ ထရမ့်က ယူကရိန်း အကျပ် အတည်းအား ဆောလျင်စွာ အဆုံးသတ်ရန် မျှော်လင့်ကြောင်း ပြောကြားခဲ့သည်။နှစ်နိုင်ငံခေါင်းဆောင်များက ဆွေးနွေးရာတွင် နှစ်နိုင်ငံက ဒုတိယကမ္ဘာစစ်ကာလအတွင်း ရဲဘော်ရဲဘက် သံယောဇဉ်အကြောင်းပြောကြားခဲ့ပြီး အပြန်အလှန်၏ “အပြုသဘောဆောင်သော ပုဂ္ဂိုလ်ရေး ဆက်ဆံမှု” အပေါ် ကျေနပ်မှုရှိကြကြောင်း ပြောကြားခဲ့သည်ဟု Yuri Ushakov က ဆိုသည်။ ကိုးကား - Xinhua
Mon, 16-Jun-2025
ဗီယက်နမ်လွှတ်တော်က ခရိုင်အဆင့် အုပ်ချုပ်မှုယန္တရားကို ဖျက်သိမ်း
ဗီယက်နမ်လွှတ်တော်က ခရိုင်အဆင့် အုပ်ချုပ်မှုယန္တရားကို ဖျက်သိမ်း
ဗီယက်နမ်အမျိုးသားလွှတ်တော်သည် ဇွန်လ ၁၆ ရက် (တနင်္လာနေ့)တွင် ဖွဲ့စည်းပုံ အခြေခံဥပဒေအပေါ် ပြင်ဆင်အတည်ပြုခဲ့ပြီး ခရိုင်အဆင့် အုပ်ချုပ်မှုယန္တရားအား အပြီးအပိုင် ဖျက်သိမ်းလိုက်သည်။ ကွန်မြူနစ် နိုင်ငံဖြစ်သည့် ဗီယက်နမ်၏ အုပ်ချုပ်ရေးစနစ်အပေါ် ကြီးမားသော ပြုပြင်ပြောင်းလဲမှုတစ်ရပ်လည်း ဖြစ်သည်။ ခရိုင်အဆင့်အုပ်ချုပ်ရေးကို ဖျက်သိမ်းရန် လွှတ်တော် ကိုယ်စားလှယ်များက တစ်ညီတစ်ညွတ်တည်း သဘောတူညီခဲ့ကြပြီး ၂၀၂၅ ခုနှစ်၊ ဇူလိုင်လ ၁ ရက်နေ့တွင် စတင်အကျိုးသက်ရောက်မည်ဖြစ်သည်။ ယခုအခါ အစိုးရအဖွဲ့ ယန္တရားတွင် ပြည်နယ် (သို့မဟုတ်) တိုင်းဒေသကြီးအဆင့်နှင့် ကွန်မြူး အဆင့် (မြို့၊ ရပ်ကွက်နှင့် အထူးဇုန်) ဟူ၍ နှစ်ဆင့်သာ ကျန်ရှိမည် ဖြစ်သည်။ဗီယက်နမ်အစိုးရအဖွဲ့၏ အုပ်ချုပ်မှုယန္တရားတွင် ထိုသို့ ၅ ပုံ ၁ ပုံ လျှော့ချခြင်းဖြင့် နှစ်စဉ် အသုံးစရိတ်ကို ဒေါ်လာဘီလီယံနှင့်ချီ သက်သာစေရန် ရည်ရွယ်သည်။ ယခုနှစ် ဖေဖော်ဝါရီလတွင် အစိုးရဝန်ကြီးဌာနအရေအတွက်ကိုလည်း သိသိသာသာလျှော့ချခဲ့သဖြင့် အလုပ်အကိုင်နေရာ ၂၃,၀၀၀ ဆုံးရှုံးမှုဖြစ်ခဲ့သည်။ ဗီယက်နမ်အစိုးရအနေဖြင့် အမေရိကန်သမ္မတ ဒေါ်နယ်ထရမ့်နှင့် အာဂျင်တီးနား သမ္မတ Javier Milei တို့၏ အစိုးရအသုံးစရိတ်များ လျှော့ချသည့်နည်းလမ်းများအတိုင်း တူညီစွာ ဆောင်ရွက်ခြင်းဖြစ်သည်။ဗီယက်နမ်နိုင်ငံအနေဖြင့် ၂၀၃၀ ပြည့်နှစ်တွင် အလယ်အလတ် ဝင်ငွေ ရှိသည့် နိုင်ငံဖြစ်လာစေရန်နှင့် မြန်ဆန်၊ တည်ငြိမ်ပြီး ရေရှည်တည်တံ့သော ဖွံ့ဖြိုးတိုးတက်မှုရရှိရန်အတွက် ယခုလိုအစိုးရ၏ အုပ်ချုပ်မှု ယန္တရားအတွင်း ပြုပြင်ပြောင်းလဲရေးများ အလျင်အမြန် လုပ်ဆောင်ရန် လိုအပ်ခြင်း ဖြစ်ကြောင်း ဗီယက်နမ်ကွန်မြူနစ်ပါတီ အတွင်းရေးမှူးချုပ်နှင့် ထိပ်ပိုင်း အမျိုးသားရေးခေါင်းဆောင် To Lam က ပြောကြားခဲ့သည်။ တနင်္လာနေ့ (ဇွန် ၁၆) တွင် လွှတ်တော်က ကွန်မြူးအဆင့် အုပ်ချုပ်မှုအဖွဲ့ကိုလည်း ပြင်ဆင်ဖွဲ့စည်းရန် မဲပေးအတည်ပြုခဲ့ပြီး ကွန်မြူး အရေအတွက်ကို ၁၀,၀၀၀ ကျော်မှ ၃,၃၀၀ အထိ လျှော့ချမည် ဖြစ်သည်။ ထိုသို့ဆောင်ရွက်မှုကြောင့် မြို့နှင့် ကွန်မြူးအဆင့်တွင် အချိန်ပိုင်း အလုပ်အကိုင် နေရာ ၁၂၀,၀၀၀ ခန့် ဆုံးရှုံးမည်ဖြစ်သည်။ ပို့ကုန်တင်ပို့မှုအပေါ် အဓိက မှီခိုသည့် ဗီယက်နမ်နိုင်ငံသည် ပြီးခဲ့သည့် နှစ်တွင် စီးပွားရေး ဖွံ့ဖြိုးတိုးတက်မှုရာခိုင်နှုန်း ၇.၁ ရာခိုင်နှုန်းသို့ ရောက်ရှိခဲ့ပြီးနောက် ယခုနှစ်တွင် ၈% ရရှိရန် ရည်မှန်းထားသည်။ ဗီယက်နမ် နိုင်ငံအပေါ် ကုန်သွယ်ခွန် ၄၆ % ကောက်ခံမည် ဟူ၍ အမေရိကန်သမ္မတ ထရမ့်က ခြိမ်းခြောက်ပြောဆိုသဖြင့် ဗီယက်နမ်အစိုးရသည် အမေရိကန် နှင့် အရေးပေါ် ညှိနှိုင်းဆွေးနွေးလျက်ရှိသည်။ ကိုးကား -MSNဘာသာပြန်ဆိုသူ- ဒေါ်မေသူခိုင်၊လက်ထောက်ညွှန်ကြားရေးမှူး၊ နစက-၃
Mon, 16-Jun-2025
ကမ္ဘောဒီးယားနိုင်ငံသည် ထိုင်းနိုင်ငံနှင့် နယ်စပ်အငြင်းပွားမှုအတွက် အပြည်ပြည်ဆိုင်ရာတရားရုံးမှ ဝင်ရောက်ဖျန်ဖြေရန် တောင်းဆို
ကမ္ဘောဒီးယားနိုင်ငံသည် ထိုင်းနိုင်ငံနှင့် နယ်စပ်အငြင်းပွားမှုအတွက် အပြည်ပြည်ဆိုင်ရာတရားရုံးမှ ဝင်ရောက်ဖျန်ဖြေရန် တောင်းဆို
ကမ္ဘောဒီးယားအစိုးရသည် ထိုင်းနိုင်ငံနှင့် နယ်နိမိတ်အငြင်းပွားမှု ဖြစ်ပွား နေသော ဒေသ (၄) ခုအတွက် အပြည်ပြည်ဆိုင်ရာတရားရုံး (ICJ) သို့ တရားဝင်အဆိုပြုလွှာ တင်သွင်းကာ ဖျန်ဖြေရေးတောင်းဆိုလိုက်သည်။“ကမ္ဘောဒီးယားသည် နယ်နိမိတ်အငြင်းပွားမှုများကို ဖြေရှင်းရန် အပြည်ပြည်ဆိုင်ရာဥပဒေအပေါ်အခြေခံသည့် ငြိမ်းချမ်းသောနည်းလမ်းကို ရွေးချယ်ပြီး အပြည်ပြည်ဆိုင်ရာတရားရုံး (ICJ) ၏ ဆုံးဖြတ်ချက်ယန္တရားကို အသုံးပြုမည်” ဟု ကမ္ဘောဒီးယားဝန်ကြီးချုပ် ဟွန်မနက် က ဇွန် ၁၅ ရက်က ဖေ့စ်ဘွတ် တွင် ကြေညာခဲ့သည်။ ၎င်းနှင့်အတူ တာမွမ်းသုံ၊ တာမွမ်းတော့်၊ တာကရ ဘေးနှင့် မွမ်းဘေးအပါအဝင် ဒေသ (၄) ခုရှိ နယ်နိမိတ်အငြင်းပွားမှုများ အတွက် ICJ မှ ဖြန်ဖြေပေးရန် တောင်းဆိုသည့် လုပ်ငန်းစဉ်ကို စတင် လိုက်ခြင်းဖြစ်သည်။နယ်နိမိတ်အငြင်းပွားမှုအတွက် ICJ သို့ တင်သွင်းသည့် အဆိုပြုလွှာကို ဇွန် ၁၆ ရက်တွင် နယ်သာလန်နိုင်ငံဆိုင်ရာ ကမ္ဘောဒီးယား သံအမတ်ကြီး က The Hague ရှိ ICJ ဌာနချုပ်သို့ ပို့ဆောင်ခဲ့သည်” ကမ္ဘောဒီးယား လိုချင်သည်က အိမ်နီးချင်းနိုင်ငံများနှင့် နယ်နိမိတ်သတ်မှတ်ရာတွင်တရားမျှတမှုနှင့် ပွင့်လင်းမြင်သာမှုသာဖြစ်ပြီး နောင်လာ နောက်သားများ ဤအချင်းအရာများတွင် မပတ်သက်စေရန်ပင်” ဟု ဟွန်မနက်က ပြောကြားခဲ့သည်။ဟွန်မနက်က “လွန်ခဲ့သော နှစ် ၆၃ က ဇွန် ၁၅၊ ၁၉၆၂ ခုနှစ်တုန်းက ICJ ကနေ ပရာ့ဗီဟီးယားဘုရားကျောင်းသည် ကမ္ဘောဒီးယား နိုင်ငံပိုင်ဆိုင်ကြောင်း “သမိုင်းဝင်ဆုံးဖြတ်ချက်” ချမှတ်ပေးခဲ့ဖူးသည်” ဟု ထောက်ပြ ပြောဆို ခဲ့ပါသည်။ အဆိုပါဖြစ်ရပ်နှစ်ခုကြား နှစ် ၆၀ ကျော်ကွာခြားသော်လည်း ကမ္ဘောဒီးယား၏ ရည်မှန်းချက်နှင့် ခံယူချက်ကတော့ ဘယ်တော့မှ မပြောင်းလဲပါ” ဟု ၎င်းက ပြောကြားခဲ့ပါသည်။ဇွန် ၁၆ က ထုတ်ပြန်သော တုံ့ပြန်ချက်တွင် ထိုင်းနိုင်ငံခြားရေးဝန်ကြီးဌာန ၏ စာချုပ်နှင့်ဥပဒေရေးရာဌာန (DTLA) ညွှန်ကြားရေးမှူးချုပ် မစ္စတာ ဘန်ဂျမင် ဆူကန်ဂျာနာဂျီက “ထိုင်းနိုင်ငံသည် အဆိုပါကိစ္စနှင့် ပတ်သက်၍ ကမ္ဘောဒီးယား သို့မဟုတ် ICJ ထံမှ တရားဝင် အကြောင်းကြားချက် မရရှိသေးသဖြင့် ကမ္ဘောဒီးယား၏အဆိုပြုလွှာ၏ ဥပဒေ အခြေခံ သို့မဟုတ် အကြောင်းအရာကို နားလည်နိုင်ခြင်းမရှိသေးကြောင်း” ပြောကြားခဲ့သည်။ DTLA သည် အဆိုပါအမှုကို လေ့လာရန်နှင့် လိုအပ်ပါက ခုခံချေပရန် အပြည်ပြည်ဆိုင်ရာဥပဒေအဖွဲ့တစ်ဖွဲ့ကို ဖွဲ့စည်းထားသည်။ သို့သော် မစ္စတာ ဘန်ဂျမင်က ၁၉၆၀ ပြည့်နှစ်ကတည်းက ထိုင်းနိုင်ငံသည် ICJ ၏ တရားစီရင်ပိုင်ခွင့်ကို အသိအမှတ်မပြုကြောင်း ထောက်ပြခဲ့သည်။ ၎င်းက “ICJ သည် နှစ်နိုင်ငံစလုံးက တရားရုံး၏ တရားစီရင်ပိုင်ခွင့်ကို အသိ အမှတ်ပြုမှသာ နယ်နိမိတ်အငြင်းပွားမှုများကို ဆုံးဖြတ်နိုင်သည်”ဟု အတိအလင်း ပြောကြားခဲ့သည်။မစ္စတာ ဘန်ဂျမင်က ထပ်လောင်းပြောကြားရာတွင် ၂၀၀၀ ပြည့်နှစ်က ထိုင်းနှင့်ကမ္ဘောဒီးယားတို့ လက်မှတ်ရေးထိုးခဲ့သော MOU 43 တွင် နှစ်နိုင်ငံသည် နယ်နိမိတ်ပြဿနာကို တစ်ဖက်သတ်ဥပဒေရေးရာလုပ်ဆောင်ချက်များဖြင့် မဟုတ်ဘဲ ဆွေးနွေးညှိနှိုင်းမှုများဖြင့်သာ ဖြေရှင်း ရမည်ဟု အလေးအနက်ထားဖော်ပြထားကြောင်း ဖော်ပြခဲ့သည်။ ICJ မှ အဆိုပါကိစ္စနှင့်ပတ်သက်၍ မည်သည့်မှတ်ချက်မျှ မပြုသေးပါ။ ဖနွမ်းပင်၏ အဆိုပါတရားရေးလုပ်ငန်းစဉ်ကို ဇွန် ၁၄-၁၅ ရက်က ဖနွမ်းပင်မြို့တွင် ကျင်းပခဲ့သော နယ်နိမိတ်ပူးတွဲကော်မရှင် (JBC) ၏ ဆဋ္ဌမအကြိမ်မြောက် အစည်းအဝေးပြီးဆုံးပြီးနောက် စတင်ခဲ့ခြင်း ဖြစ်သည်။ ၂၀၁၂ ခုနှစ်က ဘန်ကောက်မြို့တွင် နောက်ဆုံးကျင်းပခဲ့ပြီးနောက် ၁၂ နှစ်ကြာ ရပ်နားထားပြီး ပထမဆုံးအကြိမ် ကျင်းပခြင်းဖြစ်သည်။ကမ္ဘောဒီးယား နယ်စပ်ရေးရာဝန်ကြီးဌာန အတွင်းဝန် လမ်ချီးယားက နှစ်နိုင်ငံသည် အငြင်းပွားနေသော ဒေသ ၄ ခုလုံးကို တရားမျှတ၍ ရည်ရွယ်ချက်ရှိရှိနှင့် ရေရှည်တည်တံ့သော ဆုံးဖြတ်ချက်ရရှိရန် ICJ သို့ ပူးတွဲတင်သွင်းရန် အဆိုပြုခဲ့သည်။ ၎င်းက “ထိုင်းနိုင်ငံသည် ICJ ၏ တရားစီရင်ပိုင်ခွင့်ကို ဆက်လက်ငြင်းဆန်ပါက ကမ္ဘောဒီးယားတွင် တစ်ဖက်သတ်လုပ်ငန်းစဉ်စတင်ရန် အခွင့်အရေးရှိသည်” ဟု ပြောကြား ခဲ့သည်။ဇွန် ၁၃ ရက်က ကမ္ဘောဒီးယားပြည်သူ့ပါတီ (CPP) ဥက္ကဋ္ဌ ဆီးနိတ်ဥက္ကဋ္ဌ ဟွန်ဆန်က ကမ္ဘောဒီးယားသည် အငြင်းပွားမှုများကို ထိုင်းနှင့်ရင်ဆိုင်ရန် လက်နက်ကိုင်ဖြေရှင်းမှုများဖြင့်မဟုတ်ဘဲ ငြိမ်းချမ်းသော နည်းလမ်းများနှင့် ဥပဒေနည်းလမ်းတကျ ဖြေရှင်းရန် ကြိုးပမ်းမှုများကို အပြည်ပြည်ဆိုင်ရာအသိုင်းအဝိုင်း၏ ထောက်ခံမှုကို တောင်းခံကြောင်း အတည်ပြု ပြောကြားခဲ့သည်။ ဇွန် ၁၆ ရက် ထုတ်ပြန်ချက်တွင် မစ္စတာဟွန်ဆန်က အိမ်နီးချင်း နိုင်ငံသည် ယနေ့ နယ်စပ်ဂိတ်များကို ပြန်လည်ဖွင့်လှစ်ခြင်းမရှိပါက ထိုင်းမှ သစ်သီးဝလံနှင့်ဟင်းသီးဟင်းရွက်များ တင်သွင်းမှုအားလုံးကို တားမြစ်မည် ဟု နောက်တစ်ကြိမ် သတိပေးခဲ့သည်။ ၎င်းက ဝန်ကြီးချုပ် ဟွန်မနက်က ထိုင်းဝန်ကြီးချုပ်ထံ အဆိုပါအစီအမံကို အသိပေးပြီးဖြစ်ကြောင်း ပြောကြား ခဲ့သည်။မစ္စတာဟွန်ဆန်က ကမ္ဘောဒီးယားသည် အငြင်းပွားမှုကို ICJ သို့ ဆောင်ရွက်ရခြင်း၏ အကြောင်းရင်းမှာ ငြိမ်းချမ်းသောဖြေရှင်းနည်းကို ရှာဖွေရန်ဖြစ်ကြောင်း၊ အဘယ့်ကြောင့်ဆိုသော် နှစ်နိုင်ငံသည် အငြင်းပွားနေသော ဒေသ ၄ ခုနှင့်ပတ်သက်၍ နှစ်နိုင်ငံသဘောတူညီချက် ရရှိရန် ခက်ခဲနေသောကြောင့်ဖြစ်ကြောင်း အတိအလင်း ပြောကြားခဲ့သည်။ ကမ္ဘောဒီးယားသည် ထိုင်းနိုင်ငံအား ICJ တွင် ပူးတွဲတင်သွင်းရန် မကြာခဏ တောင်းဆိုခဲ့သော်လည်း အောင်မြင်မှုမရှိခဲ့ပေ။နှစ်နိုင်ငံအကြား နယ်နိမိတ်အငြင်းပွားမှုများသည် ၂၀ ရာစုအစောပိုင်း ပြင်သစ်ကိုလိုနီခေတ် အင်ဒိုချိုင်းနားကျွန်းဆွယ်တွင် ကီလိုမီတာ ၈၀၀ ရှည်လျားသော နယ်နိမိတ်မျဉ်းသတ်မှတ်ရာမှ စတင်ခဲ့ခြင်းဖြစ်သည်။၁၉၆၂ ခုနှစ်တွင် ICJ က ပရီဗီဟီးယားဘုရားကျောင်းသည် ကမ္ဘောဒီးယား ပိုင်ဖြစ်ကြောင်း ဆုံးဖြတ်ခဲ့သည်။ ၂၀၁၃ ခုနှစ်တွင် ICJ က ဘုရားကျောင်း အနီးရှိ နယ်မြေကို ကမ္ဘောဒီးယားသို့ ပေးအပ်ခဲ့သည်။ သို့သော် ထိုင်းနိုင်ငံ က တရားရုံး၏ တရားစီရင်ပိုင်ခွင့်ကို ငြင်းဆန်ခဲ့ပြီး ၂၀၀၈ ခုနှစ်မှစ၍ နှစ်နိုင်ငံအကြား ပဋိပက္ခများတွင် အနည်းဆုံး လူ ၂၈ ဦး သေဆုံးခဲ့သည်။ကိုးကား- VN Expressဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Mon, 16-Jun-2025
US လောင်စာဖြည့်လေယာဉ်များ အရှေ့အလယ်ပိုင်းသို့ ဦးတည်ထွက်ခွာ
US လောင်စာဖြည့်လေယာဉ်များ အရှေ့အလယ်ပိုင်းသို့ ဦးတည်ထွက်ခွာ
တနင်္လာနေ့ (ဇွန် ၁၆) တွင် Military Watch Magazine ၏ ဖော်ပြချက်အရ အမေရိကန်ပြည်ထောင်စုသည် လောင်စာဖြည့်လေယာဉ် ၃၀ ကျော်ကို အတ္တလန်တိတ်သမုဒ္ဒရာကိုဖြတ်ကာ အရှေ့အလယ်ပိုင်းဒေသသို့ စေလွှတ်ခဲ့ကြောင်း သိရှိရပါသည်။ ယင်းဂျာနယ်က ဤကဲ့သို့သော ထောက်ပံ့မှုသည် ယခင်က မရှိခဲ့ဖူးကြောင်းနှင့် အမေရိကန်သည် အစ္စရေး-အီရန် စစ်ပွဲတွင် ပိုမိုနက်ရှိုင်းစွာ ပါဝင်လာနိုင်ကြောင်း ညွှန်းဆိုထားပါသည်။အနောက်ဂျေရုဆလင်နှင့် တီဟီရန်တို့၏ တိုက်ခိုက်မှုသည် လေးရက်တိုင်ရှိသွားခဲ့ပြီဖြစ်ပြီး လွန်ခဲ့သော သီတင်းပတ်က အစ္စရေး တပ်ဖွဲ့များသည် အီရန်၏ နျူကလီးယားနှင့် စစ်ရေးအချက်အချာနေရာများကို လေကြောင်း တိုက်ခိုက်မှုများပြုလုပ်ခဲ့ပြီး အဆင့်မြင့်စစ်ဘက်အရာရှိကြီးများနှင့် သိပ္ပံ ပညာရှင်များကို ချေမှုန်းခဲ့ပါသည်။ အီရန်ဘက်မှလည်း တယ်လ်အဗစ် နှင့် ဟိုင်ဖာကဲ့သို့သော အစ္စရေးမြို့ကြီးများကို လက်တုံ့ပြန်သည့် ဒုံးကျည်များဖြင့် တိုက်ခိုက်မှုများ လုပ်ဆောင်ခဲ့ပါသည်။အမေရိကန်က အစ္စရေး၏ တိုက်ခိုက်မှုကို ထောက်ခံကြောင်း ဖော်ပြခဲ့ပြီး သမ္မတ ဒေါ်နယ်ထရမ့်က အဆိုပါတိုက်ခိုက်မှုများသည် လုပ်ဆောင်သင့်သည်ဟု ပြောကြားခဲ့ပါသည်။ ၎င်းက အမေရိကန်နှင့် မိတ်ဖက်များ၏ အကျိုးစီးပွားများ ခြိမ်းခြောက်ခံရပါက ဝါရှင်တန်အနေဖြင့် တိုက်ရိုက်ပါဝင်နိုင်ကြောင်း သတိပေးခဲ့သော်လည်း အမေရိကန် တပ်ဖွဲ့များ မည်သို့မည်ပုံ ပါဝင်မည်ဆိုသည့် အစီအစဉ်ကို ထုတ်ပြန်ခြင်း မရှိသေးပေ။သို့သော် လေယာဉ်လမ်းကြောင်း ခြေရာခံအချက်အလက်များအရ အမေရိကန်သည် KC-135 နှင့် KC-46 လောင်စာဖြည့်လေယာဉ်များကို အရှေ့အလယ်ပိုင်းဒေသသို့ စတင်ပို့ဆောင်နေပြီဖြစ်ပါသည်။ Military Watch Magazine က အဆိုပါလေယာဉ်များသည် အစ္စရေး လေတပ်၏ လုပ်ငန်းများကို ပံ့ပိုးရန်(သို့) အမေရိကန်အနေဖြင့် လက်ရှိပဋိပက္ခတွင် ပိုမိုပါဝင်လာပါက ၎င်းတို့၏ တိုက်လေယာဉ်များနှင့် ဗုံးကြဲလေယာဉ်များအတွက် လောင်စာဖြည့်တင်းရန် ရည်ရွယ်နိုင်ကြောင်း ဆိုပါသည်။ယင်းအစီရင်ခံစာ၌ အခြားသောအနောက်နိုင်ငံများမှ လောင်စာဖြည့် ယာဉ်များသည်လည်း အစ္စရေး၏ လေကြောင်း လောင်စာဖြည့် လုပ်ငန်းများတွင် ပါဝင်နေကြောင်းလည်း ဖော်ပြထားပါသည်။ အမေရိကန်သည် ထောက်လှမ်းရေးသတင်းအချက်အလက်၊ ဂြိုဟ်တုစနစ် ထောက်လှမ်းမှုနှင့် လေကြောင်းရန်ကာကွယ်ရေး အထောက်အပံ့များကိုလည်း ထောက်ပံ့ ပေးနေသည်ဟု ယုံကြည်ရပါသည်။တနင်္ဂနွေနေ့ (ဇွန် ၁၅) က Axios သတင်းဌာန၏ အစီရင်ခံချက်အရ အစ္စရေးအရာရှိများသည် အမေရိကန်ကို စစ်ဆင်ရေးတွင် တိုက်ရိုက် ပါဝင်ရန် တောင်းဆိုခဲ့ကြောင်း၊ အထူးသဖြင့် အီရန်၏ Fordow ယူရေနီယမ် ထပ်တိုးသန့်စင်ရေးစက်ရုံကို တိုက်ခိုက်ရာတွင် အကူအညီတောင်းခံခဲ့ကြောင်း ဖော်ပြခဲ့ပါသည်။ သို့သော် အမေရိကန်ဘက်မှ အဆိုပါတောင်းဆိုမှုကို ငြင်းပယ်ခဲ့ကြောင်း၊ ထရမ့်အစိုးရအနေဖြင့် ထိုသို့ပါဝင်မှုမျိုးကို စဉ်းစားမထားကြောင်း အရာရှိကြီးတစ်ဦးက ပြောကြားခဲ့ပါသည်။သို့သော် တီဟီရန်က ဝါရှင်တန်၏ အနောက်ဂျေရုဆလင်ကို ထောက်ခံမှုသည် အမေရိကန်ကို အစ္စရေး၏ အီရန်အပေါ် ရန်လိုမှုတွင် ပူးပေါင်း ပါဝင်သူအဖြစ် အတည်ပြုလိုက်ခြင်းဖြစ်သည်ဟု ပြောဆိုခဲ့ပါသည်။ အီရန်စစ်တပ်၏ ခိုင်လုံသော သတင်းအရင်းအမြစ်များကလည်း တီဟီရန် ၏ အစ္စရေးတိုက်ခိုက်မှုများကို တုံ့ပြန်မှုသည် “လာမည့်ရက်များအတွင်း အစ္စရေးအစိုးရ သိမ်းပိုက်ထားသော နေရာများနှင့် ဒေသတွင်းရှိ အမေရိကန်စခန်းများအထိ ပျံ့နှံ့သွားမည်” ဟု ဖော်ပြခဲ့ကြောင်း သိရ ပါသည်။ထိုဖော်ပြချက်ကို တုံ့ပြန်သည့်အနေဖြင့် ထရမ့်က အီရန်က အမေရိကန် တပ်ဖွဲ့များကို တိုက်ခိုက်ပါက စစ်ရေးအရတုံ့ပြန်မှုဖြစ်ပေါ်လာမည်ဟု သတိပေးခဲ့ပြီး ၎င်း၏ Truth Social လူမှုကွန်ရက်စာမျက်နှာတွင် “အကယ်၍ အီရန်သည် အမေရိကန်ကို မည်သည့်နည်းနှင့်မဆို တိုက်ခိုက်လာပါက အမေရိကန်စစ်တပ်၏ ပြင်းထန်သောတိုက်ခိုက်မှုကို ယခင်တစ်ကြိမ်တစ်ခါမျှမကြုံဖူးသော အဆင့်ဖြင့် ကြုံတွေ့ရမည်” ဟု ရေးသားခဲ့ပါသည်။ ၎င်းက အမေရိကန်သည် “အစ္စရေး၏ အီရန်အပေါ် တိုက်ခိုက်မှုနှင့် မည်သို့မျှ သက်ဆိုင်ခြင်းမရှိကြောင်း” ပြောကြားခဲ့ပြီး တီဟီရန်ကို ညှိနှိုင်းဆွေးနွေးမှုများဆီသို့ ပြန်လည်ရောက်ရှိရန် တိုက်တွန်းခဲ့ပါသည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Mon, 16-Jun-2025
© Copyright 2024 SAC All Rights Reserved.