ဗျူနို့စ်အေရိစ်   ဖေဖော်ဝါရီ ၁၂

အာဂျင်တီးနားနိုင်ငံ ပါတာဂိုနီးယားနယ်မြေတွင် ဇန်နဝါရီလ နောက်ဆုံးပတ်မှစ၍ တောမီးလောင်ကျွမ်းမှုဖြစ်ပွားနေပြီး တောမီးကို ငြှိမ်းသတ်နိုင်ရန် ကြိုးပမ်းနေသော်လည်း လေတိုက်နှုန်းမြင့်မားမှုကြောင့် တောမီးလောင်ကျွမ်းမှုသည် ဖေဖော်ဝါရီ ၁၁ ရက်မှစ၍ အာဂျင်တီးနားနိုင်ငံ အရှေ့မြောက်ဘက်ပိုင်းသို့ ကူးစက်လောင်ကျွမ်းမှုဖြစ်ပွားနေကြောင်း Asociación de Sociedades Rurales de Corrientes ကထုတ်ပြန်ခဲ့သည်ဟု ယနေ့သတင်းများတွင် ဖော်ပြထားသည်။

အေသင်   ဖေဖော်ဝါရီ ၁၂

ဂရိလွှတ်တော် အမတ်များသည် လွှတ်တော်ဥက္ကဋ္ဌဟောင်း ကွန်စတန်တိုင်းတာဆိုလပ်စ်ကို ဂရိသမ္မတသစ်အဖြစ် ယနေ့တွင် ရွေးချယ်တင်မြှောက်နိုင်ခဲ့ကြောင်း သိရသည်။

လွှတ်တော်ဥက္ကဋ္ဌဟောင်း ကွန်စတန်တိုင်းတာဆိုလပ်စ်ကို ဂရိသမ္မတသစ်အဖြစ် လက်ရှိကွန်ဆာဗေးတစ်အစိုးရက အမည်စာရင်းတင်သွင်းထားခြင်းဖြစ်သည်။

နေပြည်တော် ဖေဖော်ဝါရီ ၁၂

ပြည်ထောင်စုသမ္မတမြန်မာနိုင်ငံတော် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး သတိုးမဟာသရေစည်သူ သတိုးသီရိသုဓမ္မ မင်းအောင်လှိုင်နှင့် ဇနီးဒေါ်ကြူကြူလှတို့က တည်ခင်းဧည့်ခံသည့် ၂၀၂၅ ခုနှစ် (၇၈) နှစ်မြောက် ပြည်ထောင်စုနေ့အထိမ်းအမှတ်ဂုဏ်ပြုညစာစားပွဲ အခမ်းအနားကို ယနေ့ညပိုင်းတွင် နေပြည်တော်ရှိ မြို့တော်ခန်းမဥပစာရင်ပြင်၌ ကျင်းပသည်။

ကိုပင်ဟေဂင် ဖေဖော်ဝါရီ ၁၁

ခေါင်းကိုက်ရောဂါ ခံစားနေရသူများသည် ကိုယ့်ကိုယ်ကို အဆုံးစီရင်နိုင်ခြေ သာမန်လူများထက် ပို၍မြင့်မားနိုင်ဖွယ်ရှိကြောင်း သုတေသနပညာရှင်၏ အဆိုကိုကိုးကား၍ ဖေဖော်ဝါရီ ၁၀ ရက်သတင်းများအရ သိရသည်။

ခေါင်းကိုက်ရောဂါကြောင့် အဆက်မပြတ်နာကျင်ကိုက်ခဲနေရသူများသည် ပုံမှန်လူများနှင့် နှိုင်းယှဉ်ပါက ကိုယ့်ကိုယ်ကိုယ် အဆုံးစီရင်ရန် ကြိုပမ်းလာနိုင်ခြေ နှစ်ဆပိုမြင့်မားကြောင်း အမေရိကန်နှင့် ဒိန်းမတ်သုတေသနပညာရှင်များ၏ အဆိုအရ သိရသည်။