ရန်ကုန် ဖေဖော်ဝါရီ ၁၁
ရွှေတိဂုံစေတီတော် ဘဏ္ဍာတော်ထိန်းဂေါပကအဖွဲ့က ကြီးမှူးကျင်းပသည့် (၁၇)ကြိမ်မြောက် မြန်မာ့ရိုးရာထမနဲလှူဒါန်းပွဲတော်နှင့် ထမနဲထိုးပြိုင်ပွဲကို ယနေ့ညနေပိုင်းတွင် ရွှေတိဂုံစေတီတော် အရှေ့ဘက်မုခ် အာဇာနည်လမ်းရှိ ထန်းပင်ကုန်း၌ ကျင်းပသည်။
ဆိုးလ် ဖေဖော်ဝါရီ ၁၀
တောင်ကိုရီးယားနိုင်ငံ၌ ရေနံသိုလှောင်ကန် ပေါက်ကွဲမှုကြောင့် အလုပ်သမားတစ်ဦးသေဆုံးပြီး အခြားတစ်ဦး ဒဏ်ရာရခဲ့ကြောင်း ယနေ့ ဆင်ဟွာသတင်းအရ သိရသည်။
ဆိုးလ်မြို့တော် အရှေ့တောင်ဘက် ကီလိုမီတာ ၃၀၀ ခန့်အကွာ အူဆန်ရှိ စက်ရုံတွင် ယနေ့ဒေသစံတော်ချိန် နံနက် ၁၁ နာရီ ၁၅ မိနစ်ခန့်တွင် ပေါက်ကွဲမှု ဖြစ်ပွားခဲ့ခြင်းဖြစ်သည်။
ဖနောင်ပင် ဖေဖော်ဝါရီ ၁၀
ကမ္ဘောဒီးယားနိုင်ငံ၏ ပြည်ပကုန်သွယ်မှုပမာဏသည် ၂၀၂၅ ခုနှစ် ဇန်နဝါရီလတွင် အမေရိကန်ဒေါ်လာ ၅ ဒသမ ၀၅ ဘီလီယံအထိရှိခဲ့ပြီး ယမန်နှစ် အလားတူ ကာလကထက် ၂၄ ဒသမ ၆ ရာခိုင်နှုန်း တိုးတက်လာကြောင်း ယနေ့တွင် တရားဝင်ထုတ်ပြန်ခဲ့သည်။
ဆိုးလ် ဖေဖော်ဝါရီ ၉
တောင်ကိုရီးယားနိုင်ငံ ဂျယ်ဂျူလေကြောင်းလိုင်းမှ ခရီးသည်တင် လေယာဉ်တစ်စင်း ယမန်နှစ်က မတော်မဆမှုဖြစ်ပွားပြီးနောက် တောင်ကိုရီးယားနိုင်ငံရှိ လေဆိပ်အားလုံးတွင် မီးလောင်မှုကြိုတင်စောင့်ကြည့်ရေး ကင်မရာနှင့် ငှက်စောင့်ကြည့်ရေး ရေဒါများတပ်ဆင်ရန် တောင်ကိုရီးယားတာဝန်ရှိသူများက ညွှန်ကြားခဲ့ကြောင်း ယနေ့ ဗွီအင်န်အိတ်ပရက်သတင်းဌာနမှ သိရသည်။