ရုရှားနိုင်ငံ၏ နိုင်ငံပိုင်ငွေကြေးရန်ပုံငွေအဖွဲ့အကြီးအကဲ Kirill Dmitriev သည် Elon Musk ထံသို့ အင်္ဂါဂြိုဟ်စူးစမ်းရေးလုပ်ငန်းများတွင် အမေရိကန်- ရုရှား ပူးပေါင်းဆောင်ရွက်ရန် အဆိုပြုခဲ့သည်။ အမေရိကန် -ရုရှား ဆွေးနွေးပွဲများတွင် စီးပွားရေးသံတမန်အဖြစ် တာဝန်ထမ်းဆောင် နေသည့် Dmitriev က မတ်လ ၁၅ ရက်နေ့က X ၌ ရေးသားခဲ့သည့် ပို့စ် တစ်ခုတွင် နှစ်နိုင်ငံအကြား အာကာသပူးပေါင်းဆောင်ရွက်မှု၏ အရေးပါ ပုံကို “လူသားမျိုးနွယ်၏ ဂုဏ်သိက္ခာအတွက်” ဟု ဖော်ပြခဲ့သည်။

အမေရိကန်သမ္မတ ဒေါ်နယ်ထရမ့်သည် ၎င်း၏အထူးကိုယ်စားလှယ် Steve Witkoff သည် မကြာသေးမီက မော်စကိုတွင် ရုရှားသမ္မတ ဗလာဒီမာပူတင်နှင့်တွေ့ဆုံမှုမတိုင်မီ ကြာမြင့်စွာ စောင့်ဆိုင်းခဲ့ရသည်ဟု ဖော်ပြခဲ့ကြသည့် မီဒီယာသတင်းများကို ပြင်းပြင်းထန်ထန် ရှုတ်ချခဲ့ပြီး ထိုသတင်းများကို “အဆင့်အတန်းမရှိသော သတင်းမှားများ” ဟု ပယ်ချ ခဲ့သည်။

ဂရင်းလန်းကိုသိမ်းပိုက်ရန် အမေရိကန်သမ္မတ ဒေါ်နယ်ထရမ့်၏ အစီအစဉ်သည် အမေရိကန်နှင့် ဒိန်းမတ်ကြား စစ်ပွဲဖြစ်လာနိုင်သည်ဟု ဒိန်းမတ်လွှတ်တော်အမတ်နှင့် ကာကွယ်ရေးကော်မတီဥက္ကဋ္ဌ ရက်စ်မက်စ် ဂျာလော့ဗ်က သတိပေးလိုက်ပါသည်။ ဂရင်းလန်းကျွန်းကို အမေရိက သို့ ပေးအပ်ရန်ဆိုသည်မှာ ဒိန်းမတ်အစိုးရအတွက် မေးခွန်းထုတ်ရန် မလိုသည့် မေးခွန်းဖြစ်သည်ဟု ၎င်းကဆိုပါသည်။ 

ဖိလစ်ပိုင်သမ္မတဟောင်း ဒူတာတေးကို ဖမ်းဆီးထိန်းသိမ်းကာ နယ်သာလန် နိုင်ငံ၊ သည်ဟိတ်မြို့တရားရုံးကို လွှဲပြောင်းပေးအပ်ခဲ့ခြင်းနှင့် ပတ်သက်ပြီး ဖိလစ်ပိုင်နိုင်ငံ၌ အငြင်းပွားမှုများ ပိုမိုဖြစ်ပွားလာခဲ့ကြောင်းသိရပါသည်။