အမေရိကန်ပြည်ထောင်စု ကျန်းမာရေးနှင့် လူသားဝန်ဆောင်မှုဌာန (The US Department of Health and Human Service - HHS) သည် ဝန်ထမ်း ၈၀,၀၀၀ ဦးအား လျော်ကြေးငွေ ဒေါ်လာ ၂၅,၀၀၀ ပေးအပ်ပြီး အလုပ်မှ နုတ်ထွက်ရန် ကမ်းလှမ်းထားကြောင်း၊ ထိုလုပ်ဆောင်ချက်မှာ သမ္မတဒေါ်နယ်ထရမ့်၏ ဖက်ဒရယ် အစိုးရဝန်ထမ်းများ လျှော့ချရေး အစီအစဉ်၏ တစ်စိတ်တစ်ပိုင်းဖြစ်ကြောင်း သိရပါသည်။
မြောက်ကိုရီးယားနိုင်ငံ၏ ပထမဆုံး နျူကလီးယားစွမ်းအင်သုံး ရေငုပ်သင်္ဘောကို မြောက်ကိုရီးယားခေါင်းဆောင် ကင်ဂျုံအန်းက မိတ်ဆက် ပြသလိုက်ကြောင်း နိုင်ငံပိုင်သတင်းမီဒီယာမှ မတ်လ ၈ ရက်နေ့(စနေနေ့)တွင် သတင်း ထုတ်ပြန်ခဲ့ပါသည်။
ကင်ဂျုံအန်းအနေဖြင့် အဆိုပါရေငုပ်သင်္ဘော တည်ဆောက်မှုလုပ်ငန်းစဉ်အကြောင်းကို အသေးစိတ်ရှင်းလင်းပြောကြားခဲ့သော်လည်း တည်ဆောက် ခဲ့သည့်နေရာနှင့် နည်းပညာဆိုင်ရာအချက်အလက်များကို အသေးစိတ် ပြောကြားခဲ့ခြင်း မရှိပါ။
ရုရှားသည် ယူကရိန်းနှင့် အပစ်အခတ်ရပ်စဲခြင်းမပြုပါက ရုရှားနိုင်ငံ အပေါ် စီးပွားရေးပိတ်ဆို့မှု တိုးမြှင့်လုပ်ဆောင်သွားမည်ဖြစ်ကြောင်းအမေရိကန်သမ္မတထရမ့်က ပြောကြားပြီးနောက် ရေနံဈေးနှုန်းမတည်ငြိမ်မှုများ ဖြစ်ပေါ်လာပါသည်။ အကယ်၍ ရုရှားအနေဖြင့် ယူကရိန်း နှင့်စစ်ပွဲအား ရပ်တန့်မည်ဆိုပါက ရုရှား၏ စွမ်းအင်ကဏ္ဍအပေါ် စီးပွားရေးပိတ်ဆို့မှုများကို ဖြေလျှော့ပေးသွားမည်ဟုလည်း အမေရိကန် က ထုတ်ပြန်ထားပါသည်။
၂၀၂၅ ခုနှစ်၊ မတ်လ ၃ ရက်မှ စတင်၍ အမေရိကန်မှ တရုတ်သို့ တင်သွင်းသည့် လယ်ယာထွက်ကုန်ပစ္စည်းများအပေါ် တရုတ်နိုင်ငံက အကောက်ခွန်နှုန်းထား တိုးမြှင့်သတ်မှတ်လိုက်ပါသည်။ တရုတ်နိုင်ငံသည် လယ်ယာထွက်ကုန်ပစ္စည်းများအတွက် အကြီးဆုံး နိုင်ငံခြားဈေးကွက်ဖြစ်သည့်အတွက် အဆိုပါကိစ္စသည် တရုတ်နှင့် အမေရိကန်အကြား ကုန်သွယ်ရေးစစ်ပွဲကို ဖြစ်ပေါ်စေမည့် အလားအလာကို ပြသနေပါသည်။ ကြေညာခဲ့သည့် တရုတ်နိုင်ငံ၏ အကောက်ခွန်နှုန်းထား ၁၅ ရာခိုင်နှုန်း တိုးမြှင့်မှုတွင် ကြက်သား၊ ဂျုံ၊ ပြောင်း အစရှိသော ပစ္စည်းများ ပါဝင်ပြီး အကောက်ခွန် နှုန်းထား ၁၀ ရာခိုင်နှုန်း တိုးမြှင့်မှုတွင် ပဲပိစပ်၊ ဝက်သား၊ အမဲသားနှင့