နယူးယောက် နိုက်ကလပ် ပစ်ခတ်မှုတွင် လူ ၁၁ ဦး သေနတ်ပစ်ခံရ ၊ ၃ ဦးသေဆုံး

sacadmin

News Image

  • နယူးယောက် နိုက်ကလပ် ပစ်ခတ်မှုတွင် လူ ၁၁ ဦး သေနတ်ပစ်ခံရ ၊ ၃ ဦးသေဆုံး

နယူးယောက်မြို့ ဘရွတ်ကလင်းအရပ်ရှိ နိုက်ကလပ်တစ်ခုတွင် ညအချိန် ပစ်ခတ်မှုဖြစ်ပွားခဲ့ရာ လူသုံးဦး သေဆုံးပြီး ရှစ်ဦး ဒဏ်ရာရရှိခဲ့ကြောင်း သြဂုတ် ၁၇ ရက်က မြို့တော်ရဲတပ်ဖွဲ့ကို ကိုးကား၍ NBC သတင်း၌ ဖော်ပြခဲ့သည်။ Crown Heights အနီးရှိ Taste of The City Lounge ကလပ်တွင် ပစ်ခတ်မှုဖြစ်ပွားခဲ့ကြောင်း နယူးယောက် ရဲတပ်ဖွဲ့ ရဲမင်းကြီး Jessica Tisch က သတင်းစာရှင်းလင်းပွဲ၌ ပြောကြားခဲ့သည်။ 

အရှေ့တိုင်းစံတော်ချိန် နံနက် ၃း၃၀ နာရီ (ဂရင်းနစ်စံတော်ချိန် ၀၈၃၀) မတိုင်မီ တာဝန်ရှိသူများက ပစ်ခတ်မှုဖြစ်ပွားကြောင်း ဖုန်းခေါ်ဆိုမှုများ ကို တုံ့ပြန် ဆောင်ရွက်ခဲ့ကြောင်း ထပ်မံပြောဆိုခဲ့သည်. သေဆုံးသူ သုံးဦး မှာ အမျိုးသားများဖြစ်ကြောင်းနှင့် အခင်းဖြစ်ရာနေရာတွင်ပင် သေဆုံး ခဲ့ကြောင်း ရဲတပ်ဖွဲ့၏ ထုတ်ပြန်ချက်အရ သိရသည်။ 

လူအုပ်အတွင်း အငြင်းပွားမှုကြောင့် ပစ်ခတ်မှုဖြစ်ပွားခဲ့ပြီး အခင်းဖြစ်ရာ နေရာတွင် အနည်းဆုံးကျည်ခွံ ၃၆ ခု တွေ့ရှိခဲ့သည်။ အဆိုပါဖြစ်ရပ်တွင် ပစ်ခတ်သူများစွာ ပါဝင်ခဲ့ကြောင်း ရဲတပ်ဖွဲ့က စုံစမ်းစစ်ဆေးလျက်ရှိကြောင်းနှင့် တစ်ဦးတစ်ယောက်ကိုမျှ ဖမ်းဆီးထားခြင်းမရှိကြောင်း Tisch က ထပ်မံပြောဆိုခဲ့သည်။ 

အမျိုးသား ငါးဦးနှင့် အမျိုးသမီး သုံးဦး ဆေးရုံတွင် ကုသမှုခံယူလျက်ရှိပြီး အသက်အန္တရာယ် စိုးရိမ်ရသည့် အခြေအနေတွင် မရှိကြောင်း ၎င်းက ပြောဆိုခဲ့သည်။ “ယင်းသည် နယူးယောက်မြို့တွင် ဖြစ်ပွားခဲ့သည် ကြောက်မက်ဖွယ် ပစ်ခတ်မှုတစ်ခုဖြစ်ပါသည်” ဟု Tisch က ပြောဆို ခဲ့သည်။ 

ကိုးကား- Xinhua

Photo Crd to tasnimnews

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

ယူကရိန်းက အမေရိကန်နှင့် လက်နက်သဘောတူညီမှုအတွက် ဥရောပ က ဒေါ်လာ ၁၀၀ ဘီလီယံ ပေးဆောင်စေလိုသည်ဟု FT သတင်းတွင် ဖော်ပြ
ယူကရိန်းက အမေရိကန်နှင့် လက်နက်သဘောတူညီမှုအတွက် ဥရောပ က ဒေါ်လာ ၁၀၀ ဘီလီယံ ပေးဆောင်စေလိုသည်ဟု FT သတင်းတွင် ဖော်ပြ
ယူကရိန်းက အမေရိကန်ထုတ် လက်နက်ပစ္စည်းများ ဒေါ်လာ ၁၀၀ ဘီလီယံ ဝယ်ယူရန် အဆိုပြုထားပြီး ယင်းအတွက် ငွေကြေး ထောက်ပံ့မှု ကို ဥရောပမှရယူရန် စီစဉ်နေကြောင်း Financial Times (FT) သတင်း တွင် ဖော်ပြထားသည်။ ကိယက်ဗ်အစိုးရသည် အမေရိကန်ထံမှ လုံခြုံရေး အာမခံချက်များရရှိရန် ကြိုးပမ်းနေခြင်း ဖြစ်သည်။ယူကရိန်းခေါင်းဆောင် ဗလာဒီမာ ဇီလန်စကီးနှင့် အနောက်ဥရောပ နိုင်ငံများမှ ခေါင်းဆောင်များသည် တနင်္လာနေ့ (ဩဂုတ် ၁၈) က အမေရိကန် သမ္မတ ဒေါ်နယ်ထရမ့်နှင့် ဝါရှင်တန်တွင် တွေ့ဆုံဆွေးနွေးခဲ့ကြသည်။ ယခင်အစိုးရလက်ထက်က ယူကရိန်းအား ကန့်သတ်ချက်မရှိ ထောက်ပံ့မှု များကို မကြာခဏ မေးခွန်းထုတ်ခဲ့ဖူးသော ထရမ့်က လွန်ခဲ့သည့်လက NATO အဖွဲ့ဝင်နိုင်ငံများက ယူကရိန်းသို့ပေးပို့သည့် အမေရိကန်ထုတ် လက်နက်များအတွက် ကုန်ကျစရိတ်ကို ကျခံရမည်ဟု ကြေညာခဲ့သည်။FT ၏ ဖော်ပြချက်အရ လက်နက်ဝယ်ယူမှု အဆိုပြုချက်အပြင် ယူကရိန်း ကုမ္ပဏီများနှင့် ပူးပေါင်း၍ ဒရုန်းများထုတ်လုပ်ရန် ဒေါ်လာ ၅၀ ဘီလီယံ တန်ကြေးရှိ သဘောတူညီချက်တစ်ခုကိုလည်း စီစဉ်နေသည်။ အဆိုပြုချက် တွင် အသေးစိတ်အချက်အလက်များ အနည်းငယ်သာ ပါဝင်သော်လည်း ယူကရိန်းသည် Patriot လေကြောင်းရန်ကာကွယ်ရေးဒုံးပစ်စနစ် အနည်းဆုံး ၁၀ စုံကို ဝယ်ယူရန် ရည်ရွယ်ထားကြောင်း FT က ဖော်ပြသည်။ယူကရိန်း၏ ဥရောပမဟာမိတ်နိုင်ငံများသည် ကိယက်ဗ်၏ လိုအပ်ချက် များကို ဖြည့်ဆည်းရန် လက်နက်ထုတ်လုပ်မှု မြှင့်တင်ရာတွင် အခက်အခဲ များ ကြုံတွေ့နေရပြီး ယူကရိန်းတပ်များသည် ရုရှားတပ်ဖွဲ့များနှင့် ရင်ဆိုင်ရာတွင် နယ်မြေများ တဖြည်းဖြည်းဆုံးရှုံးလျက်ရှိသည်။သောကြာနေ့ (ဩဂုတ် ၁၅) က အလက်စကာတွင် တွေ့ဆုံဆွေးနွေးခဲ့ ပြီးနောက် ရုရှားသမ္မတ ဗလာဒီမာ ပူတင်သည် ယူကရိန်းအတွက် လုံခြုံရေးအာမခံချက်များကို သဘောတူရန် အဆင်သင့်ဖြစ်နေကြောင်း ထရမ့်ကပြောကြားခဲ့သော်လည်း သီးသန့်အချက်အလက်များကိုမူ မဖော် ပြခဲ့ပေ။ဥရောပနိုင်ငံအချို့က ငြိမ်းချမ်းရေးထိန်းသိမ်းရေးတပ်ဖွဲ့များစေလွှတ်ရန် ကမ်းလှမ်းခဲ့ပြီး ယူကရိန်းက အနောက်နိုင်ငံများအား NATO ၏ စုပေါင်း ကာကွယ်ရေးစနစ်နှင့် ညီမျှသော အာမခံချက်များပေးရန် အထူး တိုက်တွန်း ခဲ့ဖူးသည်။ သို့သော် ရုရှားဘက်မှမူ ယူကရိန်းနယ်မြေအတွင်း အနောက် နိုင်ငံများ၏ တပ်ဖွဲ့များ တပ်စွဲခြင်းကို လုံးဝသည်းမခံနိုင်ကြောင်း ရှင်းလင်းစွာ ထုတ်ဖော်ပြောဆိုထားသည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
တနင်္လာနေ့, 18-သြဂုတ်လ-2025
ဂါဇာကမ်းမြောင်ဒေသ အပစ်အခတ်ရပ်စဲရန် အစွမ်းကုန် တွန်းအားပေးမည် ဟု အီဂျစ် ထပ်မံအလေးထား ပြောကြား
ဂါဇာကမ်းမြောင်ဒေသ အပစ်အခတ်ရပ်စဲရန် အစွမ်းကုန် တွန်းအားပေးမည် ဟု အီဂျစ် ထပ်မံအလေးထား ပြောကြား
အီဂျစ်နိုင်ငံ ဝန်ကြီးချုပ် Mostafa Kamal Madbouly သည် ဩဂုတ် ၁၇ ရက်တွင် ခရီးစဉ်အဖြစ် ရောက်ရှိနေသည့် ပါလက်စတိုင်း ဝန်ကြီးချုပ် Mohammad Mustafa နှင့် တွေ့ဆုံဆွေးနွေးရာ၌ အီဂျစ်နိုင်ငံအနေဖြင့် ပါလက်စတိုင်းလုပ်ငန်းအား ခိုင်မာစွာ ထောက်ခံအားပေးကြောင်း၊ ဂါဇာ ကမ်းမြောင်ဒေသ အပစ်ရပ်မှုအား ဆက်လက်၍ အစွမ်းကုန် တွန်းအား ပေးသွားမည်ဖြစ်ပြီး ရာဖာနယ်စပ်ဂိတ်မှတစ်ဆင့် ဂါဇာကမ်းမြောင်ဒေသ သို့ လူသားချင်းစာနာထောက်ထားမှု အကူအညီပစ္စည်းများ စဉ်ဆက် မပြတ် ပေးပို့သွားမည်ဖြစ်ကြောင်း ထပ်မံအလေးထား ပြောကြားခဲ့သည်။Mostafa Kamal Madbouly နှင့် Mohammad Mustafa တို့သည် အီဂျစ်နိုင်ငံ New Alamein မြို့၌ တွေ့ဆုံဆွေးနွေးခဲ့ခြင်းဖြစ်ကြောင်းအီဂျစ်နိုင်ငံ အစိုးရအဖွဲ့က ထိုနေ့တွင် ကြေညာချက် ထုတ်ပြန်ခဲ့ခြင်း ဖြစ်သည်။ Mostafa Kamal Madbouly က အီဂျစ်အနေဖြင့် ပါလက်စတိုင်း သားများအား နှင်ထုတ်ရန်၊ ပါလက်စတိုင်းလုပ်ငန်းအား ဖျက်ဆီးရန် သို့မဟုတ် ပါလက်စတိုင်း ပိုင်နက်နယ်မြေအတွင်း အိမ်ရာများ ဆက်လက် ဖြိုဖျက်ခြင်း သို့မဟုတ် အခြေချနေထိုင်ရန်နေရာ တိုးချဲ့တည်ဆောက်ခြင်း ကြိုးပမ်းမှု ရည်ရွယ်ချက်မှန်သမျှကို အတိအလင်းကန့်ကွက်ကြောင်း ပြောကြားခဲ့သည်။Mostafa Kamal Madbouly က နိုင်ငံတကာအသိုင်းအဝိုင်းအနေဖြင့် ကုလသမဂ္ဂတွင် မကြာသေးမီက ကျင်းပသော ပါလက်စတိုင်း အရေးကိစ္စအား ငြိမ်းချမ်းစွာဖြေရှင်းရေးနှင့် “နှစ်နိုင်ငံ ဖြေရှင်းမှုနည်းလမ်း” အကောင် အထည်ဖော်ရေး အဆင့်မြင့် နိုင်ငံတကာအစည်းအဝေး ရလဒ်များကို အကောင်အထည်ဖော်ဆောင်ရန်လည်း တိုက်တွန်းခဲ့သည်။ ယင်းသည် “နှစ်နိုင်ငံ ဖြေရှင်းမှု နည်းလမ်း” အား အထောက်အကူဖြစ်စေမည့် မှန်ကန်သည့် ခြေလှမ်းဖြစ်ကြောင်း ၎င်းက ဆိုသည်။Mohammad Mustafa က အာရပ်နိုင်ငံနှင့် အစ္စလာမ်မစ်နိုင်ငံများသည် ဂါဇာကမ်းမြောင်ဒေသ ပြန်လည်တည်ဆောက်ရေး အစီအစဉ်အား တစ်ပြေးညီ အသိအမှတ်ပြုကြကြောင်း၊ ပြန်လည်တည်ဆောက်မှုသည် ပါလက်စတိုင်းပြည်သူများ နေရပ်စွန့်ခွာစေရန်မလိုအပ်သည့် အခြေအနေ တွင် အကောင်အထည်ဖော်နိုင်ကြောင်း၊ ၎င်းအနေဖြင့် လှူဒါန်း ကူညီ ပေးသည့် နိုင်ငံပေါင်းများစွာနှင့် ထိတွေ့ဆက်ဆံမှု လုပ်ဆောင်ခဲ့ပြီး ဖြစ်ကာဂါဇာကမ်းမြောင်ဒေသ ပြန်လည်တည်ဆောက်ရေးအတွက် ပြင်ဆင်မှုများ လုပ်ဆောင်ခဲ့ကြောင်း အလေးထား ပြောကြားခဲ့သည်။ရက်ပေါင်း ၆၀ ကြာ အပစ်အခတ်ရပ်စဲမှုနှင့် ဖမ်းဆီးထိန်းသိမ်းခံထားရသူ အချို့အား ပြန်လွှတ်ပေးရန် သဘောတူညီချက်တစ်ခု ရရှိရန်အတွက် ဟားမက်နှင့် အစ္စရေးတို့သည် ဇူလိုင် ၆ ရက်မှစ၍ ကာတာနိုင်ငံ မြို့တော် ဒိုဟာ၌ ကြားခံဆွေးနွေးညှိနှိုင်းမှု ထပ်မံလုပ်ဆောင်ခဲ့သည်။ အပစ်အခတ်ရပ်စဲမှုနည်းလမ်းနှင့် စပ်လျဉ်း၍ ဟားမက်ဘက်က အကြံပြုချက် အား သဘောတူညီမှုမရှိခြင်းကြောင့် အစ္စရေးဘက်က ဇူလိုင် ၂၄ ရက် တွင် ဆွေးနွေးညှိနှိုင်းသူများကို ပြန်လည်ခေါ်ယူ၍ အစားထိုး နည်းလမ်း ကို ရှာဖွေခဲ့သည်။ ထို့ပြင် ဩဂုတ် ၈ ရက်တွင် အစ္စရေးစစ်တပ်မှ ဂါဇာ ကမ်းမြောင်ဒေသရှိ မြောက်ပိုင်း ဂါဇာမြို့အား တိုက်ခိုက်သိမ်းပိုက်မည့် အစီအစဉ်ကို ထုတ်ပြန်ခဲ့သည်။ အဆိုပါအစီအစဉ်သည် အစ္စရေး ပြည်တွင်း နှင့် ပြည်ပ၌ ကန့်ကွက်မှုနှင့် ပြစ်တင်ရှုတ်ချမှုများ ခံခဲ့ရသည်။ကိုးကား- Xinhua
တနင်္လာနေ့, 18-သြဂုတ်လ-2025
နယူးယောက် နိုက်ကလပ် ပစ်ခတ်မှုတွင် လူ ၁၁ ဦး သေနတ်ပစ်ခံရ ၊ ၃ ဦးသေဆုံး
နယူးယောက် နိုက်ကလပ် ပစ်ခတ်မှုတွင် လူ ၁၁ ဦး သေနတ်ပစ်ခံရ ၊ ၃ ဦးသေဆုံး
နယူးယောက်မြို့ ဘရွတ်ကလင်းအရပ်ရှိ နိုက်ကလပ်တစ်ခုတွင် ညအချိန် ပစ်ခတ်မှုဖြစ်ပွားခဲ့ရာ လူသုံးဦး သေဆုံးပြီး ရှစ်ဦး ဒဏ်ရာရရှိခဲ့ကြောင်း သြဂုတ် ၁၇ ရက်က မြို့တော်ရဲတပ်ဖွဲ့ကို ကိုးကား၍ NBC သတင်း၌ ဖော်ပြခဲ့သည်။ Crown Heights အနီးရှိ Taste of The City Lounge ကလပ်တွင် ပစ်ခတ်မှုဖြစ်ပွားခဲ့ကြောင်း နယူးယောက် ရဲတပ်ဖွဲ့ ရဲမင်းကြီး Jessica Tisch က သတင်းစာရှင်းလင်းပွဲ၌ ပြောကြားခဲ့သည်။ အရှေ့တိုင်းစံတော်ချိန် နံနက် ၃း၃၀ နာရီ (ဂရင်းနစ်စံတော်ချိန် ၀၈၃၀) မတိုင်မီ တာဝန်ရှိသူများက ပစ်ခတ်မှုဖြစ်ပွားကြောင်း ဖုန်းခေါ်ဆိုမှုများ ကို တုံ့ပြန် ဆောင်ရွက်ခဲ့ကြောင်း ထပ်မံပြောဆိုခဲ့သည်. သေဆုံးသူ သုံးဦး မှာ အမျိုးသားများဖြစ်ကြောင်းနှင့် အခင်းဖြစ်ရာနေရာတွင်ပင် သေဆုံး ခဲ့ကြောင်း ရဲတပ်ဖွဲ့၏ ထုတ်ပြန်ချက်အရ သိရသည်။ လူအုပ်အတွင်း အငြင်းပွားမှုကြောင့် ပစ်ခတ်မှုဖြစ်ပွားခဲ့ပြီး အခင်းဖြစ်ရာ နေရာတွင် အနည်းဆုံးကျည်ခွံ ၃၆ ခု တွေ့ရှိခဲ့သည်။ အဆိုပါဖြစ်ရပ်တွင် ပစ်ခတ်သူများစွာ ပါဝင်ခဲ့ကြောင်း ရဲတပ်ဖွဲ့က စုံစမ်းစစ်ဆေးလျက်ရှိကြောင်းနှင့် တစ်ဦးတစ်ယောက်ကိုမျှ ဖမ်းဆီးထားခြင်းမရှိကြောင်း Tisch က ထပ်မံပြောဆိုခဲ့သည်။ အမျိုးသား ငါးဦးနှင့် အမျိုးသမီး သုံးဦး ဆေးရုံတွင် ကုသမှုခံယူလျက်ရှိပြီး အသက်အန္တရာယ် စိုးရိမ်ရသည့် အခြေအနေတွင် မရှိကြောင်း ၎င်းက ပြောဆိုခဲ့သည်။ “ယင်းသည် နယူးယောက်မြို့တွင် ဖြစ်ပွားခဲ့သည် ကြောက်မက်ဖွယ် ပစ်ခတ်မှုတစ်ခုဖြစ်ပါသည်” ဟု Tisch က ပြောဆို ခဲ့သည်။ ကိုးကား- XinhuaPhoto Crd to tasnimnews
တနင်္လာနေ့, 18-သြဂုတ်လ-2025
တရုတ်နိုင်ငံ၏ အကူအညီဖြင့် လုပ်ဆောင်လျက်ရှိသည့် မြေမြှုပ်မိုင်း ရှင်းလင်းရေး အစီအစဉ်က ကမ္ဘောဒီးယားပြည်သူ ၂.၆ သန်းကျော်အား အကျိုးပြုခဲ့ဟု ကမ္ဘောဒီးယား တာဝန်ရှိသူ ပြော
တရုတ်နိုင်ငံ၏ အကူအညီဖြင့် လုပ်ဆောင်လျက်ရှိသည့် မြေမြှုပ်မိုင်း ရှင်းလင်းရေး အစီအစဉ်က ကမ္ဘောဒီးယားပြည်သူ ၂.၆ သန်းကျော်အား အကျိုးပြုခဲ့ဟု ကမ္ဘောဒီးယား တာဝန်ရှိသူ ပြော
တရုတ်နိုင်ငံ၏ အကူအညီဖြင့် လုပ်ဆောင်လျက်ရှိသည့် မြေမြှုပ်မိုင်း ရှင်းလင်းရေး အစီအစဉ်အရ ကမ္ဘောဒီးယားနိုင်ငံ၌ မြေမြှုပ်မိုင်းများနှင့် မပေါက်ကွဲသေးသော စစ်လက်နက်ပစ္စည်းများ (UXO) ၏ အန္တရာယ် ရှိ‌နေသည့် မြေဧရိယာ ၁၆၀ စတုရန်းကီလိုမီတာကျော်အား ရှင်းလင်းနိုင် ခဲ့ကာ ပြည်သူ ၂.၆ သန်းကျော်အား အကျိုးပြုခဲ့သည်ဟု မြေမြှုပ်မိုင်း ရှင်းလင်းရေးဆိုင်ရာ အကြီးအကဲတစ်ဦးက ဩဂုတ် ၁၆ ရက်၌ ပြောကြား ခဲ့သည်။ကမ္ဘောဒီးယား မြေမြှုပ်မိုင်းအန္တရာယ် တုံ့ပြန်ဆောင်ရွက်ရေးဗဟိုဌာန (CMAC) ၏ ညွှန်ကြားရေးမှူးချုပ် ဟန်ရာတာနာက တရုတ်နိုင်ငံ၏ အထောက် အပံ့ဖြင့် ၂၀၁၈ ခုနှစ်မှ ၂၀၂၆ ခုနှစ် ဖေဖော်ဝါရီလအထိ ကမ္ဘောဒီးယား မြေမြှုပ်မိုင်းရှင်းလင်းရေး စီမံချက် ဖော်ဆောင်ရာ၌ CMAC အား ထောက်ပံ့မှု များအတွက် တရုတ်ပြည်သူများနှင့် တရုတ်နိုင်ငံအစိုးရအား များစွာ ကျေးဇူးတင်ရှိကြောင်း ၎င်း၏ Facebook စာမျက်နှာ၌ ရေးသား ဖော်ပြခဲ့သည်။CMAC အနေဖြင့် မြေမြှုပ်မိုင်း သို့မဟုတ် မပေါက်ကွဲသေးသော စစ်လက်နက်ပစ္စည်းများ၏ အန္တရာယ်ရှိနေသည့် မြေဧရိယာ ၁၆၀ စတုရန်းကီလိုမီတာကျော်အား ၂၀၁၈ ခုနှစ်မှ ၂၀၂၅ ခုနှစ် ဇူလိုင်လအထိ ထုတ်ပြန်ခဲ့ကာ မြေမြှုပ်မိုင်း သို့မဟုတ် မပေါက်ကွဲသေးသော စစ်လက်နက် ပစ္စည်းပေါင်း ၉၅,၇၀၀ ကျော်အား ရှာဖွေရှင်းလင်းနိုင်ခဲ့သည့်အတွက် ဒေသခံပြည်သူ ၂.၆ သန်းကျော်အား အကျိုးပြုခဲ့သည်ဟု ၎င်းက ပြောကြားသည်။ကမ္ဘောဒီးယားနိုင်ငံသည် မြေမြှုပ်မိုင်းများနှင့် စစ်အကြွင်းအကျန် ပေါက်ကွဲ စေတတ်သောပစ္စည်းများကြောင့် အဆိုးရွားဆုံး ထိခိုက်ခံစားခဲ့ရသည့် နိုင်ငံတစ်နိုင်ငံဖြစ်ကာ ၁၉၉၈ ခုနှစ်တွင် ပြီးဆုံးခဲ့သည့် ဆယ်စုနှစ် သုံးခုကြာ စစ်ပွဲနှင့် ပြည်တွင်းပဋိပက္ခများ၏ အကျိုးဆက်အဖြစ် မြေမြှုပ်မိုင်း နှင့် အခြားစစ်လက်နက်ပစ္စည်း ၄ သန်းမှ ၆ သန်းခန့်အထိ ကျန်ရှိနေဆဲဖြစ်ကြောင်း သိရသည်။အမေရိကန်က ၁၉၆၅ ခုနှစ် အောက်တိုဘာလမှ ၁၉၇၃ ခုနှစ် ဩဂုတ်လ အထိ ကမ္ဘောဒီးယားရှိ နေရာပေါင်း ၁၁၃,၇၁၆ ခုအား အခေါက်ရေ ၂၃၀,၅၁၆ ကြိမ်ဖြင့် စစ်လက်နက်ပစ္စည်းတန်ချိန် ၂.၇၅ သန်းကျော် ကြဲချ ခဲ့သည်ဟု Yale တက္ကသိုလ်၏ သုတေသနမှတ်တမ်းအရ သိရသည်။ မြေမြှုပ်မိုင်းများနှင့် မပေါက်ကွဲသေးသည့် စစ်လက်နက်ပစ္စည်းများကြောင့် ၁၉၇၉ ခုနှစ်မှ ၂၀၂၅ ခုနှစ် ဇွန်လအထိ လူပေါင်း ၁၉,၈၄၃ ဦး အသက် ဆုံးရှုံးခဲ့ပြီး လူပေါင်း ၄၅,၂၆၇ ဦးမှာလည်း ကိုယ်လက်အင်္ဂါများ ဆုံးရှုံး ခဲ့ရကြောင်း ကမ္ဘောဒီးယား၏ တရားဝင် အစီရင်ခံစာတစ်စောင်၌ ဖော်ပြ ထားသည်။ အရှေ့တောင်အာရှနိုင်ငံဖြစ်သည့် ကမ္ဘောဒီးယားနိုင်ငံက မြေမြှုပ်မိုင်းနှင့် မပေါက်ကွဲသေးသည့် စစ်လက်နက်ပစ္စည်း အမျိုးအစား အားလုံးကို ၂၀၃၀ ပြည့်နှစ် နောက်ဆုံးထား၍ ဖယ်ရှားရှင်းလင်းသွားမည် ဟု ကတိကဝတ်ပြုထားကြောင်း သိရသည်။ ကိုးကား- Xinhua
တနင်္လာနေ့, 18-သြဂုတ်လ-2025
ထိုင်းနိုင်ငံမှ မလေးရှားခရီးသွားများ မီးရှို့တိုက်ခိုက်ခံရမှုဖြစ်စဉ် အပြီး ခရီးသွားလာရေး လုံခြုံမှု မြှင့်တင်ရန် ကတိပြု
ထိုင်းနိုင်ငံမှ မလေးရှားခရီးသွားများ မီးရှို့တိုက်ခိုက်ခံရမှုဖြစ်စဉ် အပြီး ခရီးသွားလာရေး လုံခြုံမှု မြှင့်တင်ရန် ကတိပြု
ထိုင်းနိုင်ငံ၏ ခရီးသွားလာရေးနှင့် အားကစားဝန်ကြီးဌာနသည် ဗန်ကောက် မြို့လယ်တွင် အလုပ်လက်မဲ့တစ်ဦးမှ မလေးရှားနိုင်ငံသား စုံတွဲတစ်တွဲ အား မီးရှို့တိုက်ခိုက်မှုဖြစ်စဉ်အပြီး ခရီးသွား ဧည့်သည်များ၏ လုံခြုံရေး အား မြှင့်တင်ရန်ကတိပြုခဲ့သည်။ဝန်ကြီးဌာနမှ ခရီးသွားများနှင့် ဒေသခံများ၏ ယုံကြည်မှုကို ပြန်လည် ရရှိစေရန် လုံခြုံရေးအစီအမံများ ပိုမိုကောင်းမွန်လာမည်ဟု ကြေညာ ခဲ့သည်။ ခရီးသွားရဲတပ်ဖွဲ့မှူး ဒုတိယဗိုလ်မှူးကြီး Saksira Phuak-um မှလည်း အလားတူ ကတိကဝတ်ပြုခဲ့သည်။အဆိုပါဖြစ်စဉ်တွင် မလေးရှားနိုင်ငံသား One Yik Leong (၂၆ နှစ်) နှင့် ၎င်း၏ချစ်သူ Gan Xiao Zhen (၂၇ နှစ်) တို့အား Varakorn Pubthaisong (၃၀ နှစ်) မှ မီးရှို့တိုက်ခိုက်ခဲ့ခြင်းဖြစ်သည်။ ၎င်းသည် ဗန်ကောက် မြို့လယ် ရှိ Big C စတိုးဆိုင်အနီးတွင် စုံတွဲအား ဓာတုပစ္စည်းဖြင့် လောင်းချပြီး မီးရှို့ခဲ့သည်။ဒဏ်ရာပြင်းထန်စွာရရှိခဲ့သော ယင်းစုံတွဲကို ဆေးရုံသို့ အမြန်ပို့ဆောင် ခဲ့သည်။ တိုက်ခိုက်သူအား ဖမ်းဆီးမိပြီး ရဲတပ်ဖွဲ့သို့ လွှဲအပ်ခဲ့ပြီး ၎င်းသည် အလုပ်လက်မဲ့ဖြစ်နေမှုကြောင့် စိတ်ဖိစီးမှုဖြင့် ထိုကဲ့သို့ လုပ်ဆောင်ခဲ့သည်ဟု ဖော်ပြခဲ့သည်။ဒဏ်ရာရခရီးသွားများအတွက် ထိုင်းအစိုးရမှ လျော်ကြေးငွေပေးအပ်ရန် ကတိပြုထားပြီး မလေးရှားအစိုးရကလည်း ထိုင်းအာဏာပိုင်များ၏ စုံစမ်းစစ်ဆေးမှုကို ယုံကြည်ကြောင်း ထုတ်ပြန်ခဲ့သည်။အဆိုပါဖြစ်ရပ်သည် ထိုင်း၏ ခရီးသွားလုပ်ငန်းကို COVID-19 မတိုင်မီ အဆင့်သို့ ပြန်လည်ရောက်ရှိရန် ကြိုးပမ်းမှုများအတွက် အဟန့်အတား ဖြစ်စေခဲ့သည်။ သို့သော် ထိုင်းနိုင်ငံသည် အာရှတွင် ပြည်ပခရီးသွားများ အများဆုံးလာရောက်လည်ပတ်လေ့ရှိသော ခရီးသွားနေရာအဖြစ် ဆက်လက် ရပ်တည်နေဆဲဖြစ်သည်။ကိုးကား- Bangkok Postဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
တနင်္လာနေ့, 18-သြဂုတ်လ-2025
အမေရိကန် အမျိုးသားအစောင့်တပ် တပ်ဖွဲ့ဝင်များသည် မြို့တော်ကို ကင်းလှည့်စဉ် သေနတ်များ ကိုင်ဆောင်ခွင့် ရရှိမည်
အမေရိကန် အမျိုးသားအစောင့်တပ် တပ်ဖွဲ့ဝင်များသည် မြို့တော်ကို ကင်းလှည့်စဉ် သေနတ်များ ကိုင်ဆောင်ခွင့် ရရှိမည်
အမေရိကန်စစ်တပ်၏ထုတ်ပြန်ချက်ကို ဆန့်ကျင်ကာ အမျိုးသား အစောင့် တပ်ကိုယ်စားလှယ်တစ်ဦးက မြို့တော်ဝါရှင်တန်ကိုစောင့်ကြပ်ရန် တပ်ဖွဲ့ဝင်များသည် လက်နက်များကိုင်ဆောင်နိုင်ကြောင်း အတည်ပြု ခဲ့သည်။ "အမျိုးသားအစောင့်တပ် တပ်ဖွဲ့ဝင်များသည် ၎င်းတို့ တာဝန် ထမ်းဆောင်စဉ်နှင့် လေ့ကျင့်ရေး အစီအစဉ်များတွင် လက်နက်များကိုင်ဆောင်နိုင်သည်" ဟု ဝါရှင်တန် ဒီစီတွင် ဖြန့်ကြက်ထားသော အမျိုးသားအစောင့်တပ်၏ ပြောရေးဆိုခွင့်ရှိသူ Staff Sgt. Craig Clapper က ဩဂုတ် ၁၇ ရက်နေ့တွင် NPR သို့ ပြောကြားခဲ့သည်။Staff Sgt. Clapper ၏ ထုတ်ပြန်ချက်သည် ဩဂုတ် ၁၄ ရက်နေ့က အမေရိကန်စစ်တပ်၏ ကြေညာချက်နှင့် ဆန့်ကျင်နေပြီး ထိုကြေညာချက် တွင် ဝါရှင်တန်၏ အများပြည်သူဆိုင်ရာနေရာများကို စောင့်ကြပ်မည့် အမျိုးသားအစောင့်တပ် တပ်ဖွဲ့ဝင်များသည် လက်နက်များ မကိုင်ဆောင် ဘဲ ကျည်ကာအင်္ကျီကိုသာ ဝတ်ဆင်မည်ဖြစ်ပြီး ၎င်းတို့၏ သေနတ်များကို လက်နက်ဂိုထောင်များတွင် ထားရှိမည်ဖြစ်ကာ လိုအပ်သော အခြေအနေ များတွင်သာ ထုတ်ပေးမည်ဟု ဖော်ပြထားသည်။ Clapper က ဝါရှင်တန် သို့ စေလွှတ်ထားသော အစောင့်တပ်ဖွဲ့၏ အဓိက ရည်မှန်းချက်မှာ အရပ်ဘက် အာဏာပိုင်များကို ပံ့ပိုးရန်နှင့် ပြည်သူ့လုံခြုံရေးကို သေချာ စေရန်ဖြစ်ကြောင်း အလေးထားပြောကြားခဲ့သည်။ဝါရှင်တန် မြို့တော်၏ တရားဝင်အမည်ဖြစ်သော "District of Columbia" (DC) ၏ လုံခြုံရေးစနစ်ကို ဒေသခံအစိုးရမှ ကွန်ဂရက်၏ တိုက်ရိုက် ကြီးကြပ်မှုဖြင့် အုပ်ချုပ်လျက်ရှိသည်။သို့သော် ဩဂုတ် ၁၁ ရက်တွင် သမ္မတ ဒေါ်နယ်ထရမ့်က ပြည်သူ့ လုံခြုံရေးအရေးပေါ်အခြေအနေ ကြေညာကာ " Home Rule Act " ၏ ပုဒ်မ ၇၄၀ ကိုအသုံးပြုပြီး ဖက်ဒရယ်တပ်ဖွဲ့များနှင့် အမျိုးသား အစောင့် တပ်များကို မြို့တော်သို့ စေလွှတ်ခဲ့သည်။ ယခုအချိန်တွင် အမျိုးသား အစောင့်တပ် စစ်သည် ၈၀၀ ခန့် ဝါရှင်တန်သို့ ရောက်ရှိနေပြီဖြစ်သည်။ အိမ်ဖြူတော်၏ထုတ်ပြန်ချက်အရ အဆိုပါ အစီအမံသည် မြို့တော် အတွင်း ဂိုဏ်းဂဏဆိုင်ရာရာဇဝတ်မှု၊ လူငယ်အကြမ်းဖက်မှု၊ မူးယစ်ဆေးနှင့် အိမ်ခြေရာမဲ့ပြဿနာများ ကိုဖြေရှင်းရန် ရည်ရွယ်သည်ဟုဆိုသည်။သို့သော် ဝါရှင်တန် မြို့တော်ဝန် Muriel Bowser က မြို့တွင်း အကြမ်းဖက် မှုများ ယခုနှစ်တွင် ၂၆% ကျဆင်းကာ နှစ် ၃၀ အတွင်း အနိမ့်ဆုံး အဆင့် သို့ရောက်ရှိခဲ့ကြောင်း ပြောကြားခဲ့သည်။ မြို့တော်ဝန်က ဒီစီ၏ အကန့် အသတ်ဖြင့်ရရှိထားသော ကိုယ်ပိုင်အုပ်ချုပ်ခွင့်အာဏာသည် “ထိုကဲ့သို့သော စမ်းသပ်မှုမျိုး မကြုံဖူးသေး" ဟု ဝေဖန်ခဲ့သည်။ မကြာသေးမီက လူထု ထောင်နှင့်ချီကာ ဖက်ဒရယ်တပ်ဖွဲ့များ စေလွှတ်ခြင်းကို ဆန့်ကျင်ဆန္ဒပြမှု များ ပြုလုပ်ခဲ့သည်။Georgetown တက္ကသိုလ် ဥပဒေပါမောက္ခ Rosa Brooks (ယခင် ဒီစီ ရဲတပ်ဖွဲ့ အရန်အရာရှိ) က အစောင့်တပ်များအား မြို့ပေါ်ရှိလမ်းများတွင် စောင့်ကြပ်ခိုင်းခြင်းသည် ထိတ်လန့်ဖွယ်ရာ အကျိုးဆက်များ ဖြစ်စေ နိုင်ကြောင်း သတိပေးခဲ့သည်။ အကြောင်းမှာ ထိုတပ်ဖွဲ့များသည် နေ့စဉ် တရားဥပဒေစိုးမိုးရေးလုပ်ငန်းအတွက် အထူးလေ့ကျင့်ထားခြင်း မရှိ သောကြောင့်ဖြစ်သည်။အဆိုပါ ဆုံးဖြတ်ချက်အား ရီပတ်ဘလီကန်များ ဦးဆောင်သော ပြည်နယ် များမှ ထောက်ခံခဲ့ပြီး အနောက်ဗာဂျီးနီးယား၊ တောင်ကယ်ရိုလိုင်းနားနှင့် အိုဟိုင်းယိုး ပြည်နယ်များမှ အုပ်ချုပ်ရေးမှူးများက ၎င်းတို့၏ အမျိုးသား အစောင့်တပ် တပ်ဖွဲ့များကို ဝါရှင်တန်သို့ အကူအညီပေးရန် စေလွှတ်မည် ဟု ကြေညာခဲ့သည်။ကိုးကား- VN Expressဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
တနင်္လာနေ့, 18-သြဂုတ်လ-2025
© Copyright 2024 SAC All Rights Reserved.