ငြိမ်းချမ်းရေးနှင့် ဖွံ့ဖြိုးရေးပါတီကို နိုင်ငံရေးပါတီအဖြစ် မှတ်ပုံတင်ခွင့်ပြုခြင်း
News Image
MM-News-Category
ဆက်စပ်သတင်းများ
ယူကရိန်းပဋိပက္ခကို ပြေလည်အောင် ဖြေရှင်းနိုင်ရေးသည် အလွယ်တကူပြီးစီးနိုင်သည့် ကိစ္စမဟုတ်ကြောင်း၊ အချိန်ယူရမည့်ကိစ္စတစ်ခုဖြစ်ကြောင်း အမေရိကန်အစိုးရက နားလည်ထားသည်ဟု အမေရိကန်နိုင်ငံခြားရေးဝန်ကြီးဌာနမှ သံတမန်ကျင့်ဝတ်ရေးရာ အကြံပေးအကြီးအကဲ မိုနီကာခရော်လီကပြောသည်။အမေရိကန်သမ္မတ ဒေါ်နယ်ထရမ့်နှင့် ရုရှားသမ္မတ ဗလာဒီမာပူတင်တို့အနေဖြင့် ပြီးခဲ့သည့်သီတင်းပတ်တွင် လုပ်ဆောင်ခဲ့သော တွေ့ဆုံဆွေးနွေးမှုသည် အလွန်ပင် အပြုသဘောဆောင်သည့် ဆွေးနွေးပွဲတစ်ခုဖြစ်ကြောင်း၊ အလားတူ မကြာသေးမီက လုပ်ဆောင်ခဲ့သည့် ထရမ့်နှင့်ယူကရိန်း သမ္မတဇီလန်စကီအပြင် ဥရောပမှ ခေါင်းဆောင်များအကြား တွေ့ဆုံဆွေးနွေးမှုကလည်း ငြိမ်းချမ်းရေးလုပ်ငန်းစဉ်အတွက်ကြီးမားသည့် အလှည့်အပြောင်းတစ်ခုဖြစ်ကြောင်း မိုနီကာခရော်လီက ဆက်ပြောသည်။အလားတူ လက်ရှိအခြေအနေ၌ ပါဝင်နေသော အဖွဲ့များအားလုံးသည် ငြိမ်းချမ်း ရေးရရှိရေးအတွက် စိတ်အားထက်သန်နေ သည်ဟု ယူဆထားကြောင်း၊ သို့သော် ယူကရိန်းပဋိပက္ခ ပြေလည်စေရေးသည် တစ်ညတည်းနှင့် အပြီးသတ်နိုင်သည့် ကိစ္စတစ်ခုမဟုတ်ကြောင်း၊ အမေရိကန်နိုင်ငံအနေဖြင့် အရှေ့အလယ်ပိုင်းဒေသ၌ ငြိမ်းချမ်းရေးလုပ်ငန်းစဉ်နှင့် ပတ်သက်၍ ဆွေးနွေး ခဲ့ပြီးဖြစ်ကြောင်းနှင့် ငြိမ်းချမ်းရေးသည် လုပ်ငန်းစဉ်တစ်ခုသာဖြစ်ကြောင်း မိုနီကာ ခရော်လီက ပြောထားသည်။ယူကရိန်းပဋိပက္ခပြေလည်ရေးနှင့် ပတ်သက်၍ ထရမ့်၊ ပူတင်၊ ဇီလန်စကီတို့ကြား သုံးပွင့်ဆိုင်အစည်းအဝေး မလုပ်ဆောင်မီ ပူတင်နှင့်ဇီလန်စကီတို့အနေဖြင့် မျက်နှာချင်းဆိုင် ဆွေးနွေးမှုကို ဦးစွာလုပ်ဆောင်သင့်ကြောင်း ထရမ့်က ဩဂုတ်လ ၁၉ ရက်တွင် ပြောထားသည်ဟု သိရသည်။MWD
ကြာသပတေးနေ့, 21-သြဂုတ်လ-2025
နေပြည်တော် ဩဂုတ် ၂၀မသန်စွမ်းသူများကိုယ်တိုင် ဆန္ဒမဲပေးနိုင်ရေးအသိပညာပေးခြင်းနှင့် မြန်မာအီလက်ထရောနစ်မဲပေးစက် လက်တွေ့စမ်းသပ်အသုံးပြုခြင်းအစီအစဉ်ကို ယနေ့ နံနက် ၁၀ နာရီတွင် လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန စုပေါင်းအစည်းအဝေးခန်းမ၌ ကျင်းပရာလူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာစိုးဝင်း၊ ပြည်ထောင်စုရွေးကောက်ပွဲကော်မရှင်အဖွဲ့ဝင် ဦးအောင်လွင်ဦး၊ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန ဒုတိယဝန်ကြီး ဒေါက်တာသန်းစိုး၊ နေပြည်တော်ကောင်စီ၊ ကောင်စီဝင် ဦးမြင့်စိုးနှင့် တာဝန်ရှိသူများ၊ မသန်စွမ်းသူကိုယ်စားလှယ်များ တက်ရောက်ကြသည်။ပူးပေါင်းဆောင်ရွက်ဦးစွာ ပြည်ထောင်စုဝန်ကြီးက ပြည်ထောင်စုရွေးကောက်ပွဲကော်မရှင်အနေဖြင့် မသန်စွမ်းသူများ၊ အထူးသဖြင့် အမြင်အာရုံမသန်စွမ်းသူများ လျှို့ဝှက်ဆန္ဒမဲပေးနိုင်ရေးအတွက် မျက်မမြင်လက်စမ်းစာ (Braille) ကို အခြေခံသည့် မြန်မာအီလက်ထရောနစ်မဲပေးစက်ကို တီထွင်ပြုလုပ်ပေးမှုသည် အားလုံးပါဝင်ဆောင်ရွက်နိုင်သည့် ရွေးကောက်ပွဲဖြစ်စေရန် ကြိုးစားပေးရာရောက်ပါကြောင်း၊ မျက်မမြင်လက်စမ်းစာ (Braille) မတတ်ကျွမ်းသည့် အမြင်အာရုံမသန်စွမ်းသူများအပါအဝင် ကိုယ်အင်္ဂါမသန်စွမ်းသူ၊ အကြားအာရုံမသန်စွမ်းသူများအနေဖြင့် ကိုယ်တိုင် သို့မဟုတ် လိုအပ်ပါက မသန်စွမ်းသူကိုယ်တိုင်ရွေးချယ်သည့် အကူလူပုဂ္ဂိုလ်ဖြင့် ဆန္ဒမဲပေးနိုင်ရေး ဆောင်ရွက်ထားရှိကြောင်း၊ မကြာမီကျင်းပမည့် ပါတီစုံဒီမိုကရေစီအထွေထွေရွေးကောက်ပွဲတွင် မဲဆန္ဒပေးပိုင်ခွင့်ရှိသည့် မသန်စွမ်းသူအားလုံး တက်တက်ကြွကြွပါဝင်ဆန္ဒမဲပေးရန်နှင့် မြန်မာနိုင်ငံမသန်စွမ်းသူများ အသင်းချုပ်အပါအဝင် ယနေ့တက်ရောက်လာသော မသန်စွမ်းကိုယ်စားလှယ်များ၊ တာဝန်ရှိသူများက ပံ့ပိုးပူးပေါင်းဆောင်ရွက်ပေးရန် ပြောကြားသည်။ဆက်လက်၍ ပြည်ထောင်စုရွေးကောက်ပွဲကော်မရှင်အဖွဲ့ဝင် ဦးအောင်လွင်ဦးက ပါတီစုံဒီမိုကရေစီအထွေထွေရွေးကောက်ပွဲတွင် မြန်မာအီလက်ထရောနစ် မဲပေးစက်အသုံးပြုရခြင်းနှင့် စပ်လျဉ်း၍ ရှင်းလင်းပြောကြားခဲ့ပြီး တာဝန်ရှိသူတစ်ဦးက မြန်မာအီလက်ထရောနစ် မဲပေးစက်နှင့် စပ်လျဉ်း၍ ရှင်းလင်းတင်ပြသည်။လက်တွေ့စမ်းသပ်မဲပေးဆက်လက်၍ မသန်စွမ်းသူများက မြန်မာအီလက်ထရောနစ်မဲပေးစက်ဖြင့် လက်တွေ့စမ်းသပ်မဲပေးခြင်းအစီအစဉ်များ ဆောင်ရွက်ပြီး မြန်မာအီလက်ထရောနစ်မဲပေးစက်ဖြင့် မဲပေးခြင်းအားဖြင့် မသန်စွမ်းသူများကိုယ်တိုင် အခြားသူတစ်ဦးဦး၏ အကူအညီမပါဘဲ လျှို့ဝှက်ဆန္ဒမဲပေးနိုင်မည်ဖြစ်ကြောင်း သိရသည်။MOI
ကြာသပတေးနေ့, 21-သြဂုတ်လ-2025
, 
, 
, 
ကြာသပတေးနေ့, 21-သြဂုတ်လ-2025
ကြာသပတေးနေ့, 21-သြဂုတ်လ-2025
နေပြည်တော် ဩဂုတ် ၁၉ပါတီစုံဒီမိုကရေစီ အထွေထွေရွေးကောက်ပွဲ အောင်မြင်စွာကျင်းပနိုင်ရန် ရွေးကောက်ပွဲကော်မရှင် အဖွဲ့ခွဲအဆင့်ဆင့်ရှိဥက္ကဋ္ဌ အဖွဲ့ဝင်များနှင့် ဝန်ထမ်းများအတွက် ရွေးကောက်ပွဲဆိုင်ရာ စွမ်းရည်မြှင့်သင်တန်းဖွင့်ပွဲအခမ်းအနားကို ယနေ့နံနက်ပိုင်းက နေပြည်တော်ရှိ ပြည်ထောင်စုရွေးကောက်ပွဲကော်မရှင်ရုံး၌ကျင်းပရာ ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးသန်းစိုး၊ အဖွဲ့ဝင်များ၊ တိုင်းဒေသကြီး၊ ပြည်နယ်၊ ပြည်ထောင်စုနယ်မြေနှင့် ခရိုင်ရွေးကောက်ပွဲကော်မရှင် အဖွဲ့ခွဲအဆင့်ဆင့်မှ ဥက္ကဋ္ဌနှင့်အဖွဲ့ဝင်များ၊ တာဝန်ရှိသူများ တက်ရောက်ကြသည်။အခမ်းအနားတွင် ပြည်ထောင်စုရွေးကောက်ပွဲကော်မရှင်ဥက္ကဋ္ဌက ရွေးကောက်ပွဲကို ၂၀၂၅ ခုနှစ် ဒီဇင်ဘာ ၂၈ ရက်တွင် စတင်ကျင်းပမည်ဖြစ်ပြီး ယခုကျင်းပမည့်ရွေးကောက်ပွဲတွင် ယခင်ရွေးကောက်ပွဲများနှင့်မတူသည့် အချက်သုံးချက်ရှိကြောင်း၊ ပထမဆုံးအချက်မှာ ရွေးကောက်ပွဲစနစ်ဖြစ်ကြောင်း၊ လာမည့်ရွေးကောက်ပွဲတွင် ယခင်ကျင့်သုံးခဲ့သည့် FPTP စနစ်အပြင် FPTP နှင့် PR စနစ် ပေါင်းစပ်ထား သည့် ရောနှောထားသော ကိုယ်စားလှယ်အချိုးကျစနစ်( Mixed Member Proportional - MMP)ကို အသုံးပြုဆောင်ရွက်မည်ဖြစ်ပြီး ယခုသင်တန်းတွင် အသေးစိတ် ဆွေးနွေးပို့ချပေးမည်ဖြစ်ကြောင်း၊ ဒုတိယအချက်အနေဖြင့် မဲပေးသည့်စနစ်ဖြစ်ပြီး ကြိုတင်မဲများမှလွဲ၍ ရွေးကောက်ပွဲကျင်းပသည့်နေ့ မဲရုံများတွင် မဲပေးရာ၌ မြန်မာအီလက်ထရောနစ် မဲပေးစက်များဖြင့် ခလုတ်နှိပ်မဲပေးရမည်ဖြစ်ကြောင်း၊ နောက်တစ်ချက်အနေဖြင့် ရွေးကောက်ပွဲကျင်းပသည့် ပုံစံဖြစ်ပြီး ရွေးကောက်ပွဲကို အပိုင်းများခွဲ၍ ကျင်းပ သွားမည်ဖြစ်ကြောင်း၊ ရွေးကောက်ပွဲဆိုင်ရာ ဥပဒေ၊ နည်းဥပဒေများကို ပြဋ္ဌာန်းထုတ်ပြန်ထားပြီး ကော်မရှင်အဖွဲ့ခွဲအဆင့်ဆင့်သို့ ဖြန့်ဝေပေးနိုင်ရေး ဆောင်ရွက် ထားကြောင်း၊ ကော်မရှင်အဖွဲ့ခွဲအဆင့်ဆင့်သည် မိမိတို့အတွက်အားဖြစ်ပါကြောင်း၊ ကော်မရှင်အဖွဲ့ခွဲများရှိ အများယုံကြည်လေးစားခြင်းခံရသော ပုဂ္ဂိုလ်များ၊ ဌာနဆိုင်ရာအဖွဲ့ဝင်များ၊ ရွေးကောက်ပွဲဝန်ထမ်းများအနေဖြင့် အောင်မြင်အောင်ဆောင်ရွက်နိုင်မည်ကို ယုံကြည်ပါကြောင်း၊ အတူလက်တွဲပြီး ရွေးကောက်ပွဲအောင်မြင်စွာကျင်းပနိုင်ရေး ဆောင်ရွက်ကြရမည်ဖြစ်ကြောင်း ပြောကြားသည်။ရွေးကောက်ပွဲဆိုင်ရာစွမ်းရည်မြှင့်သင်တန်းကို ဩဂုတ် ၁၉ ရက်မှ ၂၁ ရက်အထိ ဖွင့်လှစ်မည်ဖြစ်ပြီး ဗီဒီယိုကွန်ဖရင့်မှတစ်ဆင့် တက်ရောက်သည့် သင်တန်းသား သင်တန်းသူများအပါအဝင် စုစုပေါင်း ၂၀၀ တက်ရောက်လျက်ရှိကြောင်း သိရသည်။MOI
ဗုဒ္ဓဟူးနေ့, 20-သြဂုတ်လ-2025
ရုရှားနိုင်ငံအား နိုင်ငံတကာအလယ်တွင် အထီးကျန်စေရေး ဥရောပ၏ လုပ်ဆောင်ချက်မှာ ကျရှုံးခဲ့ရကြောင်း ဥရောပသမဂ္ဂအဖွဲ့ဝင် ၂၇ နိုင်ငံ ခေါင်းဆောင်များ ဗီဒီယိုမှတစ်ဆင့် ပြုလုပ်သော အစည်းအဝေးအပြီး တွင် ဟန်ဂေရီဝန်ကြီးချုပ် ဗစ်တာ အော်ဗန်က ၎င်း၏ Facebook စာမျက်နှာတွင် ရေးသားဖော်ပြလိုက်ပါသည်။တတိယကမ္ဘာစစ် ခြိမ်းခြောက်မှု လျှော့ချနိုင်ရေး တစ်ခုတည်းသော နည်းလမ်းမှာ ဒေါ်နယ်ထရမ့်နှင့် ပူတင်တို့ စေ့စပ်ညှိနှိုင်းနိုင်မှသာ အောင်မြင်မည်ဖြစ်ကာ လက်ရှိ ကျင့်သုံးနေသော ရုရှားအား နိုင်ငံတကာ အလယ် အထီးကျန်စေရေး ပြုလုပ်နေသည့် ဥရောပ၏ မဟာဗျူဟာမှာ ကျရှုံးသွားပြီ ဖြစ်သည်ကို ယခုအစည်းအဝေးတွင် အတည်ပြုခဲ့ကြကြောင်း၊ယူကရိန်းပဋိပက္ခ ဖြေရှင်းနိုင်မည့် တစ်ခုတည်းသော နည်းလမ်းမှာ စစ်တိုက်ရန် မဟုတ်ဘဲ သံတမန်နည်းလမ်းဖြင့်သာ အဖြေရှာနိုင်မည်ကို အတည်ပြုခဲ့ကြကြောင်း၊ ထို့ပြင် ယူကရိန်းအနေဖြင့် ဥရောပသမဂ္ဂ အဖွဲ့ဝင် ဖြစ်ရခြင်းမှာ မည်သည့် လုံခြုံရေးအာမခံချက်မှ မရသလို အကျိုးမရှိ အန္တရာယ်လည်း များပါကြောင်း အော်ဗန်က ဆိုထားပါသည်။ ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ ဝန်ကြီး-၃
ဗုဒ္ဓဟူးနေ့, 20-သြဂုတ်လ-2025