မြန်မာနှင့် ရုရှားအကြား ဘွဲ့ဒီပလိုမာများ အသိအမှတ်ပြုရေးနှင့် အသေးစား နျူကလီးယား ဓာတ်အားပေးစက်ရုံ တည်ဆောက်ရေး သဘောတူညီချက်များ လက်မှတ်ရေးထိုး

saceditor

News Image

  • မြန်မာနှင့် ရုရှားအကြား ဘွဲ့ဒီပလိုမာများ အသိအမှတ်ပြုရေးနှင့် အသေးစား နျူကလီးယား ဓာတ်အားပေးစက်ရုံ တည်ဆောက်ရေး သဘောတူညီချက်များ လက်မှတ်ရေးထိုး

ပြည်ထောင်စုသမ္မတမြန်မာနိုင်ငံတော် နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်၏ ရုရှားနိုင်ငံသို့ သွားရောက်သည့် တရားဝင် ခရီးစဉ်တွင် နှစ်နိုင်ငံအကြား သဘောတူညီချက် ၁၀ ခု လက်မှတ်ရေးထိုးခဲ့ကြပါသည်။

အဆိုပါသဘောတူညီချက်များတွင် ဘွဲ့ဒီပလိုမာများ၊ ပညာရပ်ပိုင်းဆိုင်ရာ ဘွဲ့များအား နှစ်နိုင်ငံ အသိအမှတ်ပြုရေး သဘောတူညီချက်၊ အသေးစား နျူကလီးယားဓာတ်အားပေး စက်ရုံတည်ဆောက်ရေး အခြေခံ မူများဆိုင်ရာ စာချွန်လွှာတို့ ပါဝင်ပါသည်။ ထို့ပြင် နျူကလီးယားနှင့် ဓာတ်ရောင်ခြည် ဘေးကင်းရေးအတွက် ပူးပေါင်းဆောင်ရွက်ရန် စာချွန်လွှာကိုလည်း လက်မှတ်ရေးထိုးခဲ့ကြောင်း သိရှိရပါသည်။ 

ထပ်မံ၍ မြန်မာနိုင်ငံ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနနှင့် ရုရှားနိုင်ငံ ရန်ပုံငွေအဖွဲ့ RK-Investments တို့အကြား မြန်မာနိုင်ငံရှိ သယံဇာတထုတ်ယူရေးဆိုင်ရာ စာချွန်လွှာတစ်ခုကို လက်မှတ်ရေးထိုးခဲ့ကြပါသည်။ 

နှစ်နိုင်ငံအကြား အကောက်ခွန်ကိစ္စရပ်များ ပူးပေါင်းဆောင်ရွက်ရေး၊ ကျန်းမာရေးဝန်ကြီးဌာနများ၊ အားကစားနှင့် အာကာသဆိုင်ရာ အေဂျင်စီများအကြား စာချွန်လွှာများ လက်မှတ်ရေးထိုးခဲ့ကြပါသည်။ ထို့ပြင် ရင်းနှီးမြှုပ်နှံမှုများကို ကာကွယ်ရန်နှင့် အားပေးမြှင့်တင်ရန် သဘောတူညီချက်နှင့်ပတ်သက်သည့် ကြေညာချက်တစ်ခုကိုလည်း ချမှတ်ခဲ့ကြပါသည်။

ကိုးကား- TASS

Photo: Nation Thailand

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

တရုတ်နိုင်ငံအနေဖြင့် ဘင်္ဂလားဒေ့ရှ်နိုင်ငံတွင် တည်ငြိမ်ခိုင်မာသည့် ဒီမိုကရေစီစနစ် ဖော်ဆောင်သည်ကို မြင်တွေ့လိုကြောင်း BNP ပါတီ၏ အထွေထွေ အတွင်းရေးမှူးချုပ် Mirza Fakhrul Islam Alamgir က ဧပြီ ၂၆ တွင် ပြောကြား
“၎င်းတို့အနေဖြင့် ဘင်္ဂလားဒေ့ရှ်နိုင်ငံတွင် တည်ငြိမ်မှုကို တွေ့မြင်လိုပါကြောင်း၊ ခိုင်မာ ကြွယ်ဝသည့် ဒီမိုကရေစီ အသိုက်အဝန်းကို ဘင်္ဂလားဒေ့ရှ်နိုင်ငံတွင် တွေ့မြင်လိုပါကြောင်း” တရုတ်ကွန်မြူနစ်ပါတီ (CPC) မှ ကိုယ်စားလှယ်များနှင့် တွေ့ဆုံပွဲအပြီးတွင် Mirza Fakhrul Islam Alamgir က ပြောကြားခဲ့ပါသည်။ဒေသစံတော်ချိန် ၆း၃၀ နာရီတွင် စတင်ခဲ့သော နှစ်နာရီကြာမြင့်သည့် တွေ့ဆုံပွဲကို မြို့တော်၏ Westin Hotel တွင် ပြုလုပ်ခဲ့ပါသည်။Fakhrul က BNP နှင့် CPC ပါတီ နှစ်ပါတီအကြား တွေ့ဆုံမှုသည် နှစ်နိုင်ငံအကြား ကာလရှည်ကြာခဲ့သည့် ဆက်ဆံရေးတစ်ခုရှိခြင်းကြောင့် ဖြစ်ပါသည်ဟု ပြောကြားခဲ့ပါသည်။ “Awami League ပါတီ၏ ၁၅ နှစ်ကျော် အုပ်ချုပ်မှုကြောင့် နှစ်ပါတီအကြား ဆက်ဆံရေးသည် အနှောက်အယှက်ဖြစ်စေမည်မဟုတ်” ဟု ၎င်းက ပြောကြားခဲ့သည်။  “မိမိတို့အနေဖြင့် ထိုဆက်ဆံရေးကို ပြန်လည်မွမ်းမံနေကြပါကြောင်း၊ ထို့အတွက် တရုတ်ကွန်မြူနစ်ပါတီ (CPC) နှင့် ဆက်ဆံရေးသည် တဖြေးဖြေး နက်ရှိုင်းလာပါကြောင်း၊ အနာဂတ်တွင်လည်း ဆက်လက်တည်မြဲ စေရန် ဆောင်ရွက်သွားမည်ဖြစ်ပါကြောင်း” BNP ပါတီ၏ ခေါင်းဆောင်က ပြောကြားခဲ့ပါသည်။ “ရွေးကောက်ပွဲများသည် ဘင်္ဂလားဒေ့ရှ်နိုင်ငံ၏ ပြည်တွင်းရေးကိစ္စဖြစ်ပါကြောင်း၊ တရုတ်နိုင်ငံအနေဖြင့် မည်သည့်နိုင်ငံ၏ ပြည်တွင်းရေးကိုမျှ ဝင်ရောက်စွက်ဖက်မည် မဟုတ်ကြောင်း” Fakhrul က မေးခွန်းတစ်ခု ကို ပြန်လည်ဖြေကြားရာတွင် ပြောကြားခဲ့ပါသည်။သို့သော် ၎င်းက နိုင်ငံ၏ ရွေးကောက်ပွဲနှင့် နိုင်ငံရေးအခြေအနေများအကြောင်း တရုတ်နိုင်ငံ၏ ကိုယ်စားလှယ်များကို အကျဉ်းချုပ်ပြောကြားခဲ့ပါသည်။ဘင်္ဂလားဒေ့ရှ်နိုင်ငံဆိုင်ရာ တရုတ်သံအမတ်ကြီး Yao Wen က BNP ကိုယ်စားလှယ်များနှင့် ကောင်းမွန်သည့် ဆွေးနွေးမှုများ ရှိခဲ့ကြောင်း ပြောကြားခဲ့ပါသည်။ “မိမိတို့အနေဖြင့် ပါတီနှစ်ပါတီအကြား ပူးပေါင်းဆောင်ရွက်မှုများကိုဆွေးနွေးခဲ့ကြပြီး တရုတ်ကွန်မြူနစ် ပါတီ (CPC)နှင့် BNP တို့ နှစ်နိုင်ငံအကြား အတူတကွ တိုးမြှင့်ပူးပေါင်းဆောင်ရွက်မည့်အရေးကိစ္စကိုလည်း ဆွေးနွေးခဲ့ကြပါကြောင်း” ၎င်းက ပြောကြားခဲ့ပါသည်။ “လာမည့်ရွေးကောက်ပွဲအတွက် BNP ပါတီ၏ ရှုမြင်သုံးသပ်ချက်အကြောင်း BNP ပါတီ၏ အတွင်းရေးမှူးချုပ် က ရှင်းလင်းတင်ပြခဲ့သည်” ဟု တရုတ်ကိုယ်စားလှယ်က မေးခွန်းတစ်ခုကို ပြန်လည်ဖြေကြားရာတွင် ပြောကြားခဲ့ပါသည်။၎င်းက “ရွေးကောက်ပွဲများသည် ဘင်္ဂလားဒေ့ရှ်နိုင်ငံ၏ ပြည်တွင်းရေးကိစ္စသာဖြစ်ကြောင်းနှင့် ဘင်္ဂလားဒေ့ရှ် ပြည်သူများအနေဖြင့် ၎င်းတို့ကိုယ်တိုင်ဆုံးဖြတ်ကြမည်ဖြစ်သည်” ဟု ထပ်တလဲလဲ ပြောကြားခဲ့ပါသည်။အတွင်းရေးမှူးချုပ် Mirza Fakhrul Islam Alamgir ဦးဆောင်သော အဖွဲ့ဝင် ၇ ဦးပါဝင်သည့် BNP ကိုယ်စားလှယ်အဖွဲ့သည် အဆိုပါ တွေ့ဆုံဆွေးနွေးပွဲသို့ တက်ရောက်ခဲ့ပါသည်။အဆိုပါကိုယ်စားလှယ်အဖွဲ့၏ အဖွဲ့ဝင်များအဖြစ် အမြဲတမ်းကော်မတီ၊ အဖွဲ့ဝင် Nazrul Islam Khan ၊ ဥက္ကဋ္ဌ၏ အကြံပေးကောင်စီ အဖွဲ့ဝင် Ismail Zabiullah၊ ဥပဒေရေးရာ အတွင်းရေးမှူး Kaiser Kamal ၊ ဥက္ကဋ္ဌ၏ နိုင်ငံခြားရေးရာအကြံပေးကော်မတီ၊အဖွဲ့ဝင် Humayun Kabir၊ မီဒီယာလုပ်ငန်းအဖွဲ့ဝင် Mahmuda Habiba နှင့် BNP ဥက္ကဋ္ဌ၏ ကိုယ်ရေးအရာရှိ ABM Abdus Sattar တို့ပါဝင်ပါသည်။ CPC ကိုယ်စားလှယ်အဖွဲ့ကို CPC ဗဟိုကော်မတီ၏ ပြည်ပရေးရာဌာနအောက်ရှိ အရှေ့တောင်အာရှနှင့် တောင် အာရှရေးရာဗျူရိုဌာန၊ ညွှန်ကြားရေးမှူးချုပ် Peng Xiubin ဦးဆောင်ပါသည်။ အဖွဲ့ဝင်များအဖြစ် ဒုတိယညွှန်ကြားရေးမှူး Chen Xuanbo၊ တတိယအတွင်းဝန် Chen Yongpei နှင့် သံမှူး Zhang Guyu တို့ ပါဝင်ပါသည်။ဘင်္ဂလားဒေ့ရှ်နိုင်ငံဆိုင်ရာ တရုတ်သံအမတ်ကြီး Yao Wen သည်လည်း နိုင်ငံရေးရာဌာန၊ ညွှန်ကြားရေးမှူး Zhang Jing နှင့် နိုင်ငံရေးရာဌာန သံမှူး Liu Hongru တို့လိုက်ပါလျက် အဆိုပါ တွေ့ဆုံဆွေးနွေးပွဲသို့ တက်ရောက်ခဲ့ပါသည်။ တရုတ်ကွန်မြူနစ်ပါတီ ကိုယ်စားလှယ်အဖွဲ့သည် ဧပြီ ၂၇ ရက်နေ့တွင် ဂျာမတ်အီအစ္စလာမ် ပါတီနှင့်လည်း တွေ့ဆုံခဲ့ကြကြောင်း သိရှိရပါသည်။အဆိုပါ တွေ့ဆုံပွဲတွင် ဘင်္ဂလားဒေ့ရှ်ပါတီဘက်က ဘင်္ဂါလီ၁ဒသမ ၂သန်း (၁၂သိန်း) အတွက် ရခိုင်ပြည်နယ်တွင် လွတ်လပ်သည့်ပြည်နယ် ထူထောင်ပေးရန် တောင်းဆိုထားသည့်အချက်လည်း ပါဝင်ကြောင်း သိရှိရပါသည်။“တရုတ်အစိုးရသည် မြန်မာနိုင်ငံနှင့် ကောင်းမွန်သည့် ဆက်ဆံရေးရှိသောကြောင့် ဘင်္ဂါလီများအတွက် ရခိုင် ပြည်လွတ်မြောက်ရန် အရေးပါသော အခန်းကဏ္ဍကဆောင်ရွက်ပေးနိုင်သည်” ဟု ၎င်းကပြောကြားခဲ့သည်။ ဂျာမတ်ပါတီခေါင်းဆောင် Syed Abdullah Md Taher က ဒေသတွင်းလုံခြုံရေးကိစ္စကိုလည်း ဆွေးနွေးခဲ့ ပါသည်။အဆိုပါဒေသတွင် မည်သူကမျှ အခြားတစ်ဦးအပေါ် ရန်လိုသည့်သဘောထား မရှိဟု ဆိုပါသည်။Taher က ပါတီအချင်းချင်း တွေ့ဆုံဆွေးနွေးခြင်းသည် CCP နှင့် ဆက်ဆံရေးတိုးမြှင့်ရန် Jamaat အတွက် အခွင့်အလမ်းတစ်ခုဖြစ်ကြောင်း အလေးပေးပြောကြားခဲ့ပါသည်။၎င်းက ရေနက်ဆိပ်ကမ်းနှင့် ဒုတိယမြောက် ပဒ္ဒမာတံတား Teesta Barrage တည်ဆောက်ရေးလုပ်ငန်း အတွက် ရင်းနှီးမြှုပ်နှံမှုများကို ဖိတ်ခေါ်ခဲ့ပါသည်။ရေနက်ဆိပ်ကမ်းမှတစ်ဆင့် ရေချိုသယံဇာတစီးပွားရေးကို မြှင့်တင်သင့်ကြောင်း ၎င်းက ပြောကြားခဲ့ပါသည်။ ဘင်္ဂလားဒေ့ရှ်နိုင်ငံမှ ကျောင်းသားများကို ပညာသင်ဆုများ ထောက်ပံ့ပေးရန်အတွက်လည်း တောင်းဆိုခဲ့ပါသည်။ရွေးကောက်ပွဲများနှင့် ပြန်လည်ပြုပြင်ရေးအပေါ် Taher က တရုတ်ကိုယ်စားလှယ်များသည် မည်သည့် အချိန်နှင့် မည်သို့ ရွေးကောက်ပွဲကျင်းပပြုလုပ်မည်ကိုသိရှိလိုကြကြောင်းနှင့် အကြံပေးချုပ်အနေဖြင့် ပါတီက ဆောင်ရွက်ရမည့် အချိန်ကာလကန့်သတ်ချက်ကို ချမှတ်ပေးထားခြင်းရှိမရှိ သိရှိလိုကြပါသည်။တရုတ်နိုင်ငံကိုယ်စားလှယ်များက “ပေကျင်းသည် မည်သည့်နိုင်ငံ၏ ပြည်တွင်းရေးကိစ္စများကိုမဆို ဝင်ရောက် စွက်ဖက်ခြင်းမပြုကြောင်း၊ ဘင်္ဂလားဒေ့ရှ်နိုင်ငံ၏ ရွေးကောက်ပွဲကိစ္စနှင့်ပတ်သက်၍လည်း အလားတူပင် ဖြစ်ကြောင်း” ပြောကြားခဲ့ပါသည်။CCP ကိုယ်စားလှယ်အဖွဲ့ကို CCP ဗဟိုကော်မတီ၏ ပြည်ပရေးရာဌာနအောက်ရှိ အရှေ့တောင်အာရှနှင့် တောင်အာရှရေးရာဗျူရိုဌာနက Peng Jiubin ဦးဆောင်ပါသည်။Jamaat ကိုယ်စားလှယ်အဖွဲ့တွင် လက်ထောက်အတွင်းရေးမှူးချုပ် Rafiqul Islam Khan နှင့် Ehsanul Mahbub Zobayer၊ ပြည်သူ့ဆက်ဆံရေးဌာန၊ အတွင်းရေးမှူး Matiur Rahman Akand ၊ အမှုဆောင် ကောင်စီအဖွဲ့ဝင် Muhammad Selim Uddin နှင့် Nurul Islam Bulbul တို့ပါဝင်ပါသည်။Source: The Business Standardhttps://www.tbsnews.net/bangladesh/politics/jamaat-proposes-independent-arakan-state-during-meeting-chinese-communist-party
Tue, 29-Apr-2025
ဒေါ်နယ်ထရမ့်က ၎င်း၏နိုင်ငံတစ်ခုတည်းကိုသာမက တစ်ကမ္ဘာလုံးကိုပါ အုပ်ချုပ်နေဟုဆို
ဒေါ်နယ်ထရမ့်က ၎င်း၏နိုင်ငံတစ်ခုတည်းကိုသာမက တစ်ကမ္ဘာလုံးကိုပါ အုပ်ချုပ်နေဟုဆို
အမေရိကန်သမ္မတ ဒေါ်နယ်ထရမ့်က ယခုဆိုလျှင် ၎င်း၏နိုင်ငံ တစ်ခုတည်း ကိုသာမက တစ်ကမ္ဘာလုံးကိုပါ အုပ်ချုပ်နေပြီး ၎င်း၏ ဒုတိယသက်တမ်း အာဏာသက်ရောက်မှုကို “အလွန်ပျော်ရွှင်စွာ လုပ်ကိုင်နေသည်” ဟု ပြောကြားခဲ့ပါသည်။သမ္မတထရမ့်က The Atlantic မဂ္ဂဇင်းနှင့် အင်တာဗျူးတစ်ခုတွင် ယခုကဲ့သို့ ပြောကြားခဲ့ခြင်းဖြစ်ပြီး ၎င်း၏ ဒုတိယသက်တမ်း ပထမ (၁၀၀) ရက်အတွေ့အကြုံကို မျှဝေခဲ့ပါသည်။ ၎င်းအနေဖြင့် ပထမသက်တမ်း အစောပိုင်းကထက် ယခုအချိန်တွင် ပိုမိုကောင်းမွန်စွာ လုပ်ဆောင်နေသည် ဟုလည်း ဆိုပါသည်။“ပထမတစ်ကြိမ်မှာတော့ နိုင်ငံကိုအုပ်ချုပ်ရင်းဖြင့် အသက်ရှင် ကျန်ရစ်ရန် နှစ်မျိုးဆောင်ရွက်ရကြောင်း၊ သစ္စာဖောက်များနှင့် ရုန်းကန်ခဲ့ရကြောင်း” ဟု ၎င်းက ရှင်းပြခဲ့ပြီး “ဒုတိယအကြိမ်တွင် နိုင်ငံကိုရော ကမ္ဘာကြီးကိုပါ အုပ်ချုပ်နေကြောင်း” ၎င်းက ထပ်လောင်းပြောကြားခဲ့ပါသည်။ထို့အပြင် အစိုးရအကြီးအကဲများနှင့် နီးစပ်သူတချို့က သမ္မတထရမ့်သည် အားလုံးထက် ပိုပျော်နေပြီး “မျက်လုံးထဲ၌ တောက်ပနေသည်” ဟု The Atlantic ကို ပြောပြခဲ့ကြရာ ထရမ့်က ဤသည်မှာ မှန်ကန်သည့်အချက် ဖြစ်ပြီး ၎င်းအနေဖြင့် “အရေးကြီးသည့်အလုပ်များ” လုပ်ဆောင်ရခြင်းကို အလွန်နှစ်သက်ကြောင်း အတည်ပြုခဲ့ပါသည်။“မိမိလုပ်ဆောင်နေသည့်အရာများကို ကြည့်ရင်း အရမ်းပျော်နေပါသည်၊ မိမိဆောင်ရွက်ရသည့်အရာများက တကယ့်ကို အရေးကြီးသည့်အရာများ ဖြစ်ပါသည်” ဟု ၎င်းက ဆိုပါသည်။ ထို့အပြင် ၎င်းအား တတိယ သက်တမ်း ထပ်မံရပ်တည်နိုင်မလားဆိုသည့် မေးခွန်းလည်း မေးမြန်းခံရပါသည်။ တရားဝင်အားဖြင့် ထိုကဲ့သို့လုပ်ဆောင်ရန် ဥပဒေအရ အခွင့်အရေး မရှိ သော်လည်း ၎င်းက အဆိုပါကိစ္စအကြောင်းကို မကြာခဏ ပြောဆိုလေ့ ရှိသည်။ ယခင်က ၎င်း၏ပြောဆိုချက်များကြောင့် ထရမ့်သည် အမေရိကန် ရွေးကောက်ပွဲစနစ်ကို ပြုပြင်ပြောင်းလဲပြီး အာဏာဆက်လက် ရယူ ထားရန် ကြိုးစားနိုင်သည်ဆိုသည့် စိုးရိမ်မှုများ ပေါ်ပေါက်ခဲ့ဖူးသည်။ သို့သော် ရီပတ်ပလီကန် ပါတီထိပ်တန်းခေါင်းဆောင်အချို့က ဤသည်မှာ ထရမ့်၏ နောက်ပြောင်သည့်ပြောဆိုမှုသာဖြစ်သည်ဟု ဆိုခဲ့ကြပါသည်။ ထို့အပြင် ၎င်း၏တရားဝင် အွန်လိုင်းစတိုးတွင် “Trump 2028” ဆိုသည့် ပစ္စည်းများပေါ်လာခြင်းကလည်း အဆိုပါ စိုးရိမ်မှုများကို ပိုမိုအားကောင်း စေခဲ့သည်။သို့သော် ထရမ့်က ၎င်းသည် ဒုတိယသက်တမ်းအပြီးတွင် အာဏာ ဆက်လက် ရယူရန် တကယ့်အစီအစဉ်မရှိကြောင်း ပြောဆိုခဲ့ပြီး ဤသည်မှာ လွန်စွာ ရှုပ်ထွေးသည့် ကိစ္စဖြစ်သည်ဟု ဝန်ခံခဲ့ပါသည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 29-Apr-2025
ခေတ်သစ် ကိုလိုနီဝါဒကို ဆန့်ကျင်ရန်အတွက် ရုရှား - အာဖရိက ဖိုရမ် တစ်ခုကျင်းပ
ခေတ်သစ် ကိုလိုနီဝါဒကို ဆန့်ကျင်ရန်အတွက် ရုရှား - အာဖရိက ဖိုရမ် တစ်ခုကျင်းပ
မော်စကို၏ နိုင်ငံတကာဆက်ဆံရေးအင်စတီကျု (MGIMO) သည် ယခု သီတင်းပတ်အတွင်း ပထမဆုံး ရုရှား-အာဖရိက လူငယ်သံတမန်များ ဖိုရမ်အတွက် နိုင်ငံပေါင်း ၂၀ ကျော်မှ ကိုယ်စားလှယ်များအား ကြိုဆိုခဲ့ပါသည်။ အခမ်းအနားသည် ခေတ်သစ်ကိုလိုနီဝါဒကို တိုက်ဖျက်ရန်နှင့် ယဉ်ကျေးမှုချိတ်ဆက်မှုများ ဖွံ့ဖြိုးလာစေရန် ဦးတည်ချက်ထားခဲ့သည်။ဖိုရမ်တွင် အယ်လ်ဂျီးရီးယား၊ ဘီနင်၊ ချဒ်၊ ဗဟိုအာဖရိကသမ္မတနိုင်ငံ၊ ဂီနီဘစ်ဆော၊ အီဂျစ်၊ ဇင်ဘာဘွေ၊ ကင်မရွန်း၊ ကင်ညာ၊ မော်ရီတေးနီးယား၊ မိုဇမ်ဘစ်၊ ဂါဘွန်၊ ဘူရွန်ဒီနှင့် ဆီရှဲလ်စသည့် နိုင်ငံများမှ သံတမန် ၅၀ ခန့်ကို ဖိုရမ်က ကြိုဆိုခဲ့ပါသည်။ ဖိုရမ်၏ အဓိက ခေါင်းစဉ်ဖြစ်သော “သံတမန် ရေးရာ အောင်ပွဲ” သည် ဒုတိယကမ္ဘာစစ်တွင် ဂျာမနီနိုင်ငံ ကျဆုံးခြင်း နှစ် ၈၀ ပြည့် အထိမ်းအမှတ် အတွက် ရည်ရွယ်ပါသည်။ရုရှားနိုင်ငံခြားရေးဝန်ကြီး ဆာဂေးလာဗရော့ဗ်က တက်ရောက်လာသူများအား ကြိုဆိုနှုတ်ခွန်းဆက်စကား ပြောကြားခဲ့ပြီး ဖွင့်ပွဲအခမ်းအနားအတွင်းအခြားဟောပြောသူ MGIMO တက္ကသိုလ်ပါမောက္ခချုပ် အနာတိုလီတော်ကူးနော့ဗ်၊ ရုရှားသမ္မတ၏ အရှေ့အလယ်ပိုင်းနှင့် အာဖရိကအတွက် အထူးကိုယ်စားလှယ် မစ်ခေး ဘော့ဒန်နော့ဗ်နှင့် အထက်လွှတ်တော် အမတ် အလက်ဆန်ဒရာ ဗိုလိုရှင် တို့ တက်ရောက်ခဲ့ပါသည်။ ခေတ်သစ်ကိုလိုနီစနစ် ဆန့်ကျင်ရေးဆိုင်ရာ ဆွေးနွေးပွဲအတွင်း ရုရှား နိုင်ငံခြားရေးဌာန ပြောရေးဆိုခွင့်ရှိသူ မာရီယာဇာခါရိုဗာနှင့် ဆေရှယ်လီ ဒုတိယသမ္မတဟောင်း ဗင့်ဆင့် မာရီတွန်တို့အပါအဝင် ဟောပြောသူများသည် တရားမျှတသော ကမ္ဘာ့စည်းစနစ်အပြင် နိုင်ငံရေးနှင့် စီးပွားရေး ပူးပေါင်းဆောင်ရွက်မှုကို ဆွေးနွေးခဲ့ကြပါသည်။ကိုးကား-Myanmar National Post
Tue, 29-Apr-2025
ရုရှားဖက်ဒရေးရှင်းနှင့် ကျူးဘားနိုင်ငံတို့သည် တစ်ဖက်သတ် အတင်း အကျပ် အရေးယူဆောင်ရွက်မှုများကို ဆန့်ကျင်သည့် ကြေညာချက်တစ်ရပ်ကို လက်မှတ်ရေးထိုး
ရုရှားဖက်ဒရေးရှင်းနှင့် ကျူးဘားနိုင်ငံတို့သည် တစ်ဖက်သတ် အတင်း အကျပ် အရေးယူဆောင်ရွက်မှုများကို ဆန့်ကျင်သည့် ကြေညာချက်တစ်ရပ်ကို လက်မှတ်ရေးထိုး
ရုရှားနိုင်ငံခြားရေးဝန်ကြီး ဆာဂေးလာဗရော့ဖ်နှင့် ကျူးဘားနိုင်ငံခြားရေးဝန်ကြီး ဘရူနိုရိုဒရီဂက်စ်ပါရီလျာတို့သည် BRICS နိုင်ငံများ၏ နိုင်ငံခြားရေးဝန်ကြီးများအစည်းအဝေးတွင် တစ်ဖက်သတ် အတင်းအကျပ် အရေးယူဆောင်ရွက်မှုများ၏ ဆိုးကျိုးများကို ကာကွယ်ရန်၊ လျှော့ချရန်နှင့် လျော်ကြေးပေးရန် နည်းလမ်းများဆိုင်ရာ ပူးတွဲကြေညာစာတမ်းကို လက်မှတ်ရေးထိုးခဲ့ပါသည်။အဆိုပါတွေ့ဆုံမှုအတွင်း ရုရှားနိုင်ငံခြားရေးဝန်ကြီး ဆာဂေးလာဗရော့ဖ်က ကျူးဘားနိုင်ငံသည် BRICS ၏ မိတ်ဖက်နိုင်ငံအဖြစ် အဖွဲ့အစည်း၏ လုပ်ငန်းများတွင် “တက်ကြွပြီး အပြုသဘောဆောင်သော အခန်းကဏ္ဍ” မှ ပါဝင်ဆောင်ရွက်လိမ့်မည်ဟု ယုံကြည်ကြောင်း ပြောကြားခဲ့ပါသည်။ ကျူးဘားနိုင်ငံခြားရေးဝန်ကြီးက ရုရှား၏ထောက်ခံမှုအတွက် ကျေးဇူးတင်ကြောင်းဖော်ပြရင်း “မိမိတို့နိုင်ငံနှစ်ခုတွင် စီးပွားရေး၊ ပညာရေး၊ ယဉ်ကျေးမှုနှင့် သိပ္ပံဆိုင်ရာ ပူးပေါင်းဆောင်ရွက်မှုများ အပါအဝင် ကောင်းမွန် သော နှစ်နိုင်ငံဆက်ဆံရေးရှိသည်” ဟု ပြောကြားခဲ့ပါသည်။ရုရှားနိုင်ငံခြားရေးဝန်ကြီးဌာနက ရုရှားနိုင်ငံခြားရေးဝန်ကြီး ဆာဂေး လာဗရော့ဖ်နှင့် ကျူးဘားနိုင်ငံခြားရေးဝန်ကြီးတို့သည် “ရိုးရာယုံကြည်မှုနှင့် ထောက်ခံမှုပြည့်ဝသော စိတ်ဓာတ်ဖြင့် နှစ်နိုင်ငံအကြား မဟာဗျူဟာမြောက် မိတ်ဖက်ပြုမှုဆိုင်ရာ အရေးပါသော အကြောင်းအရာများကို ထင်ဟပ်စွာ ဆွေးနွေးခဲ့ကြောင်း” ထုတ်ပြန်ခဲ့သည်။ ထို့အပြင် “မော်စကိုနှင့် ဟာဗားနား တို့အကြား နိုင်ငံရေးအရ ပြင်းထန်သော ဆက်သွယ်မှု အရှိန်အဟုန်ကို ထိန်းသိမ်းရန်နှင့် ကုန်သွယ်ရေးစီးပွားရေးအပါအဝင် အဓိကနယ်ပယ် များတွင် ပူးပေါင်းဆောင်ရွက်မှုကို နက်ရှိုင်းစေရန် နှစ်ဖက်စလုံး၏ စိတ်အားထက်သန်မှုကို အလေးပေး ဖော်ပြခဲ့သည်” ဟု ဆိုပါသည်။အဆိုပါအစည်းအဝေးတွင် နှစ်ဖက်စလုံးသည် ကုလသမဂ္ဂ၊ EAEU၊ BRICS နှင့် အခြားဘက်စုံပူးပေါင်းဆောင်ရွက်မှုများတွင် ပူးပေါင်းဆောင်ရွက်မှုကို မြှင့်တင်ရန်၊ တစ်ဖက်သတ် တရားမဝင်သော အရေးယူပိတ်ဆို့မှုများ ချမှတ်ခြင်းကို လုံးဝလက်မခံနိုင်ကြောင်း နှစ်နိုင်ငံ၏တစ်သားတည်းသော သဘောထားကို ထပ်လောင်းဖော်ပြခဲ့သည်။ရုရှားနှင့် ကျူးဘားနိုင်ငံခြားရေးဝန်ကြီးများသည် အမေရိကန်မှ ကျူးဘားကျွန်းအပေါ် ကုန်သွယ်ရေး၊ စီးပွားရေးနှင့် ငွေကြေးပိတ်ဆို့မှုများကို ချက်ချင်းရပ်တန့်ရန်နှင့် ကျူးဘားကို အမေရိကန်၏ “အကြမ်းဖက်မှုကို အားပေးသော နိုင်ငံများ” စာရင်းမှ ဖယ်ရှားရန် လိုအပ်မှုနှင့်စပ်လျဉ်း၍ ပူးတွဲထုတ်ပြန်ချက်ကို ကိုလည်း အတည်ပြုခဲ့ကြသည်။ကိုးကား- TassPhoto: mid.ru
Tue, 29-Apr-2025
ဘယ်လာရုစ် သမ္မတ အလက်ဇန်းဒါးလူကာရှန်ကိုနှင့် ရုရှားသမ္မတ ဗလာဒီမာပူတင်တို့သည် ဗော်ဂိုဂရက်မြို့တွင် လေးနာရီကြာ ဆွေးနွေးမှု ပြုလုပ်
ဘယ်လာရုစ် သမ္မတ အလက်ဇန်းဒါးလူကာရှန်ကိုနှင့် ရုရှားသမ္မတ ဗလာဒီမာပူတင်တို့သည် ဗော်ဂိုဂရက်မြို့တွင် လေးနာရီကြာ ဆွေးနွေးမှု ပြုလုပ်
ဘယ်လာရုစ်သမ္မတ အလက်ဇန်းဒါးလူကာရှန်ကိုနှင့် ရုရှားသမ္မတ ဗလာ ဒီမာပူတင်တို့၏ ဗော်ဂိုဂရက်တွင် ပြုလုပ်သောစေ့စပ်ဆွေးနွေးမှုသည် လေးနာရီ ကြာမြင့်ခဲ့ပါသည်။“ညှိနှိုင်းမှုပြီးသွားပါပြီ။ ဘယ်လာရုစ်သမ္မတ အလက်ဇန်းဒါး လူကာရှန်ကို နှင့်ရုရှားသမ္မတ ဗလာဒီမာပူတင်တို့သည် မျက်နှာချင်းဆိုင်ပြီး ၄ နာရီကြာ စကားပြောခဲ့ပါသည်” ဟု သမ္မတရုံးနှင့် နီးစပ်သော Telegram လိုင်း၏ ထုတ်ပြန်ချက်တွင် ဖော်ပြထားပါသည်။အစောပိုင်းတွင် နှစ်နိုင်ငံခေါင်းဆောင်များသည် “Great Heritage - Common Future” ဖိုရမ်တွင် ပါဝင်ခဲ့ကြပြီး စတာလင်ဂရက် တိုက်ပွဲ၏ သူရဲကောင်းများအတွက် အောက်မေ့ဖွယ် လွမ်းသူ့ပန်းခွေချခဲ့ကြသည်။ အစည်းအဝေးတွင် နိုင်ငံ့ခေါင်းဆောင်များသည် ရုရှားနှင့် ဘယ်လာရုစ်ကြား ဆက်ဆံရေး ဖွံ့ဖြိုးတိုးတက်ရေးနှင့် မဟာဗျူဟာမြောက် မိတ်ဖက်ဆက်ဆံရေးဆိုင်ရာ ကိစ္စရပ်များကို ဆွေးနွေးခဲ့ကြကြောင်း သိရှိရပါသည်။ကိုးကား - Tass
Tue, 29-Apr-2025
Kursk ဒေသ စစ်ဆင်ရေး အောင်မြင်စွာ ပြီးဆုံးကြောင်း ကာချုပ်က ပူတင်ထံ အစီရင်ခံတင်ပြ
Kursk ဒေသ စစ်ဆင်ရေး အောင်မြင်စွာ ပြီးဆုံးကြောင်း ကာချုပ်က ပူတင်ထံ အစီရင်ခံတင်ပြ
ယူကရိန်းတပ်များ လက်ထဲမှ Kursk ဒေသလွတ်မြောက်ရေး စစ်ဆင်ရေးကြီးမှာ လုံးဝပြီးဆုံးသွားပြီဖြစ်ကြောင်း ရုရှားတပ်မတော်ကာကွယ်ရေး ဦးစီးချုပ် ဂျီရာဆီမော့ဗ်၏ သတင်းပေးပို့မှုကို ရုရှားသမ္မတ ဗလာဒီမာ ပူတင် လက်ခံရရှိပြီးဖြစ်ကြောင်း ကရင်မလင်ပြောခွင့်ရ Dmitry Peskov က ပြောကြားလိုက်ပါသည်။“ယနေ့(ဧပြီ ၂၈ ရက်)တွင် Kursk ဒေသရှိ နောက်ဆုံးကျေးရွာ ဂေါ်နယ်ကျေးရွာကို ယူကရိန်းတပ်များလက်ထဲမှ ပြန်လည်သိမ်းပိုက်နိုင်ခဲ့ပါကြောင်း၊ ယခုတိုက်ပွဲတွင် အထူးချီးကျူးထိုက်သော တပ်ဖွဲ့များမှာ ၇၂ ကြည်း တပ်မဌာနချုပ်၏ ၂၂ ကြည်းတပ်ရင်း၊ ၈၁၀ နှင့် ၄၀ ရေတပ် ခြေလျင် သီးခြားဗျူဟာများ၊ ၁၇၇ ရေတပ်ခြေလျင်သီးခြားတပ်ရင်းနှင့် ၁၄၂၇ ကြည်းတပ်ရင်းတို့ ဖြစ်ပါကြောင်း၊ ယခု Kursk ဒေသကို ထိုးစစ်ဆင်နွှဲပြီး အပြီးသတ်ချေမှုန်းပြီးဖြစ်ပါကြောင်း” ကာကွယ်ရေးဦးစီးချုပ်က  ပြောကြား ခဲ့ပါသည်။Kursk ဒေသတွင် ယူကရိန်းစစ်တပ်မှ ဆုံးရှုံးခဲ့ရသည့် စစ်သည်အင်အား ၇၆,၀၀၀ ကျော်ရှိခဲ့ကြောင်း၊ ယူကရိန်း၏ စစ်လက်နက်ပစ္စည်းပေါင်း ၇,၇၀၀ ကျော်ကို ဖျက်ဆီးနိုင်ခဲ့ကြောင်း တပ်မတော်ကာကွယ်ရေးဦးစီးချုပ်က ဆိုထားပါသည်။ Kursk ဒေသအား ပြန်လည်သိမ်းပိုက်ရာတွင် မြောက်ကိုရီးယား စစ်သည်များ၏ ပူးပေါင်းဆောင်ရွက်မှုကဏ္ဍကိုလည်း ကာကွယ်ရေးဦးစီးချုပ်က အထူးချီးကျူးဖော်ပြခဲ့ပါသည်။ကိုးကား- TASS ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Mon, 28-Apr-2025
© Copyright 2024 SAC All Rights Reserved.