ထရမ့်က ရုရှားသည် ယူကရိန်းထက် ပို၍ညှိနှိုင်းရလွယ်ကူသည်ဟု ဆို

saceditor

News Image

  • ထရမ့်က ရုရှားသည် ယူကရိန်းထက် ပို၍ညှိနှိုင်းရလွယ်ကူသည်ဟု ဆို

အမေရိကန်သမ္မတ ဒေါ်နယ်ထရမ့်က ရုရှားနှင့် ယူကရိန်းနိုင်ငံတို့အကြား စစ်ပြေငြိမ်းရေး ညှိနှိုင်းဆောင်ရွက်ရာတွင် ယူကရိန်းထက် ရုရှားနှင့် ဆက်ဆံရသည်မှာ ပိုမိုလွယ်ကူသည်ဟု ပြောကြားခဲ့သည်။ 

မတ်လ ၇ ရက်(သောကြာ)နေ့က သတင်းထောက်များနှင့်တွေ့ဆုံရာတွင် သတင်းထောက်တစ်ဦးက ယူကရိန်းတွင် ရုရှား၏လတ်တလော စစ်ရေး လုပ်ဆောင်မှုများကို ဖော်ပြပြီး ထရမ့်အား သမ္မတဗလာဒီမာပူတင်သည် ငြိမ်းချမ်းရေးကိုလိုလားသည်ဟု ပြောဆိုမှုနှင့်ပတ်သက်ပြီး ထရမ့်၏ ယုံကြည်မှုအားမေးမြန်းခဲ့ခြင်းအပေါ် ထရမ့်က ယုံကြည်မှုရှိကြောင်းနှင့် ရုရှားနှင့်ဆက်ဆံရေးအခြေအနေကောင်းမွန်မှုရှိကြောင်း ပြန်လည်ဖြေကြားခဲ့ပါသည်။

ဆက်လက်၍ ယူကရိန်းနှင့်ဆက်ဆံရသည်က ပိုမိုခက်ခဲသည်ဟု သုံးသပ် ရပါကြောင်း ပြောကြားခဲ့ပါသည်။

ထရမ့်က ၎င်း၏ Truth Social ပလက်ဖောင်းတွင် “စစ်ပြေငြိမ်းရေးနှင့် ငြိမ်းချမ်းရေးဆိုင်ရာ နောက်ဆုံးသဘောတူညီချက်ရရှိသည်အထိ ရုရှား အပေါ် ထပ်မံပိတ်ဆို့မှုများနှင့် အကောက်ခွန်များ တိုးမြှင့်ရန် စဉ်းစား နေကြောင်း” ရေးသားခဲ့သည်။

လွန်ခဲ့သည့် သီတင်းပတ်တွင် ထရမ့်သည် ကိယက်ဗ်သို့ လက်နက်များ ပေးပို့မှုအားလုံးကို ရပ်ဆိုင်းခဲ့ပြီး ထောက်လှမ်းရေးသီတင်းမျှဝေမှုကို ကန့်သတ်ခဲ့သည်။ အဆိုပါလုပ်ဆောင်ချက်သည် ထရမ့်နှင့် ဗလာဒီမာ ဇီလန်စကီးတို့အကြား အိမ်ဖြူတော်တွင် ဖြစ်ပွားခဲ့သော အများသိ ငြင်းခုန်မှုအပြီးတွင် ဖြစ်ပွားခဲ့ပြီး စစ်ပြေငြိမ်းရေးစည်းမျဉ်းများနှင့် လုံခြုံရေးအာမခံချက်များနှင့်ပတ်သက်၍ ဆက်လက်ဖြစ်ပွားနေသော သဘောထားကွဲလွဲမှုများကို မီးမောင်းထိုးပြခဲ့သည်။

အမေရိကန်နှင့် ယူကရိန်း ညှိနှိုင်းဆွေးနွေးသူများသည် လာမည့် သီတင်းပတ်အစောပိုင်းတွင် ဆော်ဒီအာရေဗျ၌တွေ့ဆုံရန် စီစဉ်ထားသည်။လွန်ခဲ့သည့်လက အမေရိကန်သည် ရီယာ့ဒ်နှင့် အစ္စတန်ဘူလ်တွင် ရုရှားနှင့် နှစ်နိုင်ငံချင်းဆွေးနွေးပွဲများပြုလုပ်ခဲ့ပြီး ထိုဆွေးနွေးပွဲများသည် ဘိုင်ဒင်အုပ်ချုပ်ရေးအဖွဲ့က ၂၀၂၂ ခုနှစ်တွင် မော်စကိုနှင့် ဆက်ဆံရေး ရပ်ဆိုင်းခဲ့ပြီးနောက် ပထမဆုံးအကြိမ် အမြင့်ဆုံးအဆင့် နှစ်နိုင်ငံချင်း ဆွေးနွေးပွဲများ ဖြစ်သည်။

မော်စကိုသည် ခရိုင်းမီးယားနှင့် ရုရှားနိုင်ငံ၏ တစ်စိတ်တစ်ပိုင်း ဖြစ်လာရန် မဲပေးခဲ့သော အခြားဒေသနေရာလေးခုအပေါ် ကိယက်ဗ်၏ တောင်းဆိုမှု များကို စွန့်လွှတ်ရန် ၎င်း၏ ခိုင်မာသောရပ်တည်ချက်ကို ထုတ်ဖော်ပြောဆိုထားသည်။

ကိုးကား-RT

ဘာသာပြန်ဆိုသူ-ဦးဝင်းဇော်ထွန်း၊ဒုတိယညွှန်ကြားရေးမှူး၊နစက-၂

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် နှင့် တရုတ်ပြည်သူ့သမ္မတနိုင်ငံသမ္မတ မစ္စတာ ရှီကျင့်ဖျင် တွေ့ဆုံဆွေးနွေး , နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် နှင့် တရုတ်ပြည်သူ့သမ္မတနိုင်ငံသမ္မတ မစ္စတာ ရှီကျင့်ဖျင် တွေ့ဆုံဆွေးနွေး
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် နှင့် တရုတ်ပြည်သူ့သမ္မတနိုင်ငံသမ္မတ မစ္စတာ ရှီကျင့်ဖျင် တွေ့ဆုံဆွေးနွေး
ရုရှားဖက်ဒရေးရှင်းနိုင်ငံတွင် ကျင်းပပြုလုပ်ခဲ့သည့် ၁၉၄၁-၁၉၄၅ မဟာမျိုးချစ်စစ်ပွဲကြီး အောင်ပွဲ နှစ်(၈၀)ပြည့်အထိမ်းအမှတ် စစ်ရေးပြအခမ်းအနားသို့ တက်ရောက်ခဲ့သည့် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ် မှူးကြီး မင်းအောင်လှိုင် သည် ယနေ့ဒေသစံတော်ချိန် ညနေပိုင်းတွင် တရုတ်ပြည်သူ့သမ္မတနိုင်ငံသမ္မတ မစ္စတာရှီကျင့်ဖျင် နှင့် Soluex Hotel Moscow ရှိ BEIJING ဧည့်ခန်းမဆောင်၌ တွေ့ဆုံဆွေးနွေးခဲ့ကြသည်။အဆိုပါ တွေ့ဆုံဆွေးနွေးပွဲသို့ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော် ဝန်ကြီးချုပ်နှင့်အတူ ကောင်စီတွဲဖက်အတွင်းရေးမှူး ဗိုလ်ချုပ်ကြီး ရဲဝင်းဦး၊ ကောင်စီဝင် ဗိုလ်ချုပ်ကြီး မောင်မောင်အေး၊ ဒေါက်တာ ဘရွှေ၊ ခွန်စံလွင်၊ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေ၊ ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိကြီးများ၊ ဒုတိယဝန်ကြီးများ၊ ရုရှားနိုင်ငံဆိုင်ရာ မြန်မာနိုင်ငံသံအမတ်ကြီး နှင့် တာဝန်ရှိသူတို့ တက်ရောက်ကြပြီး တရုတ်ပြည်သူ့သမ္မတနိုင်ငံသမ္မတနှင့်အတူ တရုတ်ကွန်မြူနစ်ပါတီ ဗဟိုကော်မတီ၊ ပေါ လစ်ဗျူရို၏ အမြဲတမ်းကော်မတီအဖွဲ့ဝင်၊ တရုတ်ကွန်မြူနစ်ပါတီ ဗဟိုကော်မတီ၏ အတွင်းရေးမှူးအဖွဲ့ဝင်၊ တရုတ်ကွန်မြူနစ်ပါတီဗဟိုကော်မတီရုံးအကြီးအကဲဖြစ်သူ Mr. CAI Qi ၊ တရုတ်ကွန်မြူနစ်ပါတီ ဗဟိုကော်မတီ၏ပေါလစ်ဗျူရိုအဖွဲ့ဝင်၊ တရုတ် ကွန်မြူနစ်ပါတီဗဟိုကော်မတီ၏ နိုင်ငံခြားရေးရာ ကော်မရှင်အကြီးအကဲ၊ နိုင်ငံခြား ရေးဝန်ကြီး Mr. WANG Yi ၊ တရုတ်ပြည်သူ့သမ္မတနိုင်ငံဝန်ကြီးများနှင့် အဆင့်မြင့် အရာရှိကြီးများ၊ ရုရှားနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီးနှင့် တာဝန်ရှိသူများ တက်ရောက်ကြသည်။ထိုသို့တွေ့ဆုံရာတွင် တရုတ်ပြည်သူ့သမ္မတ နိုင်ငံသမ္မတ မစ္စတာရှီကျင့်ဖျင်က မြန်မာနိုင်ငံတွင် ဖြစ်ပေါ်ကြုံတွေ့ခဲ့ရသည့် မန္တလေးငလျင်ကြီးကြောင့် ထိခိုက်ပျက်စီးခဲ့ရမှုများနှင့် ဆုံးရှုံးရမှုများအတွက် မြန်မာနိုင်ငံအစိုးရ၊ ပြည်သူလူထုနှင့်ထပ်တူ ဝမ်းနည်းရပါကြောင်း၊ မြန်မာနိုင်ငံအစိုးရနှင့် ပြည်သူတို့အတူတကွ လက်တွဲ၍ ပြန်လည်တည်ဆောက်ရေးနှင့် ပြန်လည်ထူထောင်ရေးလုပ်ငန်းများကို အကောင်းဆုံး ဆက်လက်ဆောင်ရွက်သွားနိုင်မည်ဟု ယုံကြည်ပါကြောင်းနှင့် တရုတ်နိုင်ငံအနေဖြင့်လည်း လိုအပ်သည်များကို ကူညီဆောင်ရွက်ပေးသွားမည်ဖြစ်ကြောင်း၊ တရုတ်-မြန်မာ ဆက်ဆံရေးသည် ယခုနှစ်တွင် ၇၅ နှစ်ရောက်ရှိပြီဖြစ်ကြောင်း၊ တရုတ်နိုင်ငံအနေဖြင့် မြန်မာနိုင်ငံ၏ဖွံ့ဖြိုးတိုးတက်ရေး၊ အချုပ်အခြာအာဏာနှင့် မြန်မာနိုင်ငံတည်ငြိမ်အေးချမ်းရေးတို့ကို အမြဲထောက်ခံအားပေးလျက်ရှိကြောင်း၊ မြန်မာနိုင်ငံဖွံ့ဖြိုးတိုးတက်ရေးနှင့် ငြိမ်းချမ်းရေးလုပ်ငန်းများတွင် ဆက်လက်ကူညီဆောင်ရွက်ပေးသွားမည်ဖြစ်ကြောင်းဖြင့် ပြောကြားသည်။နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်က ပြန်လည်ပြောကြားရာတွင် မိမိတို့မြန်မာနိုင်ငံတွင် ငလျင်သဘာဝဘေးဒဏ်ဖြစ်ပေါ်ခဲ့မှုကြောင့် ခက်ခဲမှုများနှင့် ရင်ဆိုင်ကြုံတွေ့နေရသည့်အချိန်၌ အဆွေတော်အနေဖြင့် မြန်မာပြည်သူလူထုနှင့်ထပ်တူ ဝမ်းနည်းကြောင်း သဝဏ်လွှာပေးပို့ခဲ့ပြီး အမြန်ဆုံးကျော်ဖြတ်နိုင်ပါစေကြောင်းကို ဆုမွန်ကောင်းတောင်းပေးခဲ့ပါကြောင်း၊ ထို့ပြင် ငလျင်လှုပ်ခတ်မှုအပြီး ကယ်ဆယ်ရေးလုပ်ငန်းများ ဆောင်ရွက်ရန်အတွက် အရေးအကြီးဆုံးအချိန်ဖြစ်သည့် (Golden Hour)တွင် တရုတ်နိုင်ငံမှ ကူညီကယ်ဆယ်ရေးအဖွဲ့များသည် ငလျင်လှုပ်ခတ်ပြီး ၁၈ နာရီအကြာ၌ မြန်မာနိုင်ငံသို့ ပထမဆုံးရောက်ရှိလာခဲ့ပြီး လိုအပ်သည့် ကူညီကယ်ဆယ်ရေးလုပ်ငန်းများကို ဆောင်ရွက်ပေးခဲ့ကြောင်း၊ တရုတ်နိုင်ငံအစိုးရ အနေဖြင့် မြန်မာနိုင်ငံအတွက် အရေးပေါ်လူသားချင်း စာနာထောက်ထားမှု အကူအညီများကိုလည်း ပေးအပ်ခဲ့ကြောင်း၊ မြန်မာနိုင်ငံအစိုးရနှင့်ပြည်သူများအနေဖြင့် တရုတ်နိုင်ငံအစိုးရ၏ ကူညီဆောင်ရွက်ပေးမှုများအပေါ် အစဉ်အမြဲကျေးဇူးတင်အမှတ်ရနေမည်ဖြစ်ပါကြောင်း၊ ပြန်လည်ထူထောင်ရေးလုပ်ငန်းများသည် ရေရှည်ဆောင်ရွက်ရမည့်လုပ်ငန်းစဉ်ဖြစ်သည့်အတွက် တရုတ်နိုင်ငံအနေဖြင့် လိုအပ်သည်များကိုဆက် လက်ကူညီပံ့ပိုးဆောင်ရွက်ပေးနိုင်ရေး မေတ္တာရပ်ခံလိုပါကြောင်း။တရုတ်နိုင်ငံအနေဖြင့် မြန်မာနိုင်ငံအရေးကိစ္စများနှင့်ပတ်သက်၍ ဒေသတွင်းနှင့် နိုင်ငံတကာမျက်နှာစာတွင် မြန်မာနိုင်ငံဘက်မှ ရပ်တည်ပေးသည့်အတွက်လည်း ကျေး ဇူးတင်ရှိပါကြောင်း၊ မြန်မာနိုင်ငံအနေဖြင့် ယခုနှစ်ကုန်ပိုင်းတွင် ပါတီစုံဒီမိုကရေစီ အထွေထွေရွေးကောက်ပွဲတစ်ရပ်ကို အောင်မြင်စွာ ကျင်းပပြုလုပ်နိုင်ရေး ကြိုတင် ပြင်ဆင်မှုများကို ဆောင်ရွက်လျက်ရှိကြောင်းနှင့် ရွေးကောက်ပွဲကျင်းပပြုလုပ်ချိန်တွင် နိုင်ငံတကာမှ လေ့လာရေးအဖွဲ့များကိုလည်း ဖိတ်ကြားနိုင်ရေး စီစဉ်ဆောင်ရွက်လျက်ရှိကြောင်း၊ တရုတ်နိုင်ငံ၏ အိမ်နီးချင်းနိုင်ငံများနှင့်အတူ အေးအတူပူအမျှ အနာဂတ် မျှဝေသော အသိုက်အဝန်းတစ်ခုကို တည်ဆောက်သွားရန်နှင့် အိမ်နီးချင်း နိုင်ငံများဆိုင်ရာ လုပ်ငန်းများအတွက် အခြေခံအသစ်များ ဖော်ဆောင်သွားနိုင်ရေး ကြိုးပမ်းဆောင်ရွက်နေမှုအပေါ် မြန်မာနိုင်ငံအနေဖြင့် အားပေးထောက်ခံပါကြောင်း၊ ယနေ့တွေ့ဆုံမှုသည် နှစ်နိုင်ငံဆက်ဆံရေးနှင့် ပူးပေါင်းဆောင်ရွက်မှုတိုးမြှင့်ရေးကို များစွာအထောက်အကူ ဖြစ်စေသည့်အပြင် နှစ်နိုင်ငံအကြား နီးကပ်စွာ ဆက်လက်ပူးပေါင်းဆောင်ရွက်သွားနိုင်မည်ဟု ယုံကြည်ပါကြောင်းဖြင့် ပြောကြားသည်။ဆက်လက်၍ တရုတ်ပြည်သူ့သမ္မတနိုင်ငံသမ္မတမှ ဆွေးနွေးပြောကြားရာတွင် တရုတ်နိုင်ငံအနေဖြင့် နိုင်ငံတကာဆက်ဆံရေးတွင် ငြိမ်းချမ်းစွာ အတူယှဉ်တွဲနေထိုင်ရေးမူကြီး ၅ ရပ်နှင့်အညီ ဆောင်ရွက်လျက်ရှိမှု၊ ဒေသတွင်းနှင့် နိုင်ငံတကာမျက်နှာစာတွင် မြန်မာနိုင်ငံဘက်မှ ရပ်တည်ပေးလျက်ရှိမှု၊ မြန်မာနိုင်ငံတွင် ကျင်းပပြုလုပ်မည့် ပါတီစုံဒီမိုကရေစီ အထွေထွေရွေးကောက်ပွဲနှင့်ပတ်သက်၍ မြန်မာနိုင်ငံ၏ ကြိုတင်ပြင်ဆင်နေမှုများနှင့် ရွေးကောက်ပွဲအား အားပေးထောက်ခံလျက်ရှိမှု တို့နှင့်ပတ်သက်၍ ဆွေးနွေးပြောကြားသည်။ထို့နောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော် ဝန်ကြီးချုပ်နှင့် တရုတ်ပြည်သူ့သမ္မတနိုင်ငံသမ္မတ တို့သည် နှစ်နိုင်ငံဆက်ဆံမှု တိုးမြှင့်ဆောင်ရွက်ရေး၊ ကဏ္ဍပေါင်းစုံတွင် ပူးပေါင်းဆောင်ရွက်မှုများ မြှင့်တင်နိုင်ရေး၊ ဆွေမျိုးပေါက်ဖော် ချစ်ကြည်ရင်းနှီးမှုနှင့် အေးအတူပူအမျှ အသိုက်အဝန်းတည်ဆောက်ရေး၊ ဒေသတွင်းတည်ငြိမ် အေးချမ်းရေးဆိုင်ရာကိစ္စရပ်များတွင် ပူးပေါင်းဆောင်ရွက်ရေးတို့နှင့် ပတ်သက်၍ ခင်မင်ရင်းနှီးစွာ အမြင်ချင်း ဖလှယ်ဆွေးနွေးခဲ့ကြသည်။တွေ့ဆုံပွဲအပြီးတွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော် ဝန်ကြီးချုပ်နှင့် တရုတ်ပြည်သူ့သမ္မတနိုင်ငံသမ္မတတို့သည် ရင်းရင်းနှီးနှီးနှုတ်ဆက်ခဲ့ကြကြောင်း သတင်းရရှိသည်။
Sat, 10-မေလ-2025
အမေရိကန်သို့ နိုင်ငံတော်ခရီးစဉ်သွားရောက်နေသော ကနေဒါ ဝန်ကြီးချုပ် နှင့် ထရမ့် “ယဉ်ကျေးစွာ အပြန်အလှန် အချေအတင်ပြောဆို”
အမေရိကန်သို့ နိုင်ငံတော်ခရီးစဉ်သွားရောက်နေသော ကနေဒါ ဝန်ကြီးချုပ် နှင့် ထရမ့် “ယဉ်ကျေးစွာ အပြန်အလှန် အချေအတင်ပြောဆို”
အမေရိကန်သမ္မတ ဒေါ်နယ်ထရမ့်က အမေရိကန်သို့ နိုင်ငံတော်ခရီးစဉ်ရောက်ရှိနေသော ကနေဒါဝန်ကြီးချုပ် မာ့ခ်ကာနီနှင့် အိမ်ဖြူတော်၌ တွေ့ဆုံဆွေးနွေးခဲ့ပြီး ၎င်းတို့နှစ်ဦးက သတင်းထောက်များနှင့်အတူ တွေ့ဆုံရာတွင် “ကနေဒါကိုသိမ်းပိုက်ခြင်း ၊ စည်းကြပ်ခွန်” စသည့် အကြောင်းအရာများနှင့်ပတ်သက်၍ ယဉ်ကျေးစွာ အပြန်အလှန် အချေအတင်ပြောဆိုခဲ့ကြသည်။အကယ်၍ ကနေဒါနိုင်ငံက အမေရိကန်နိုင်ငံ၏ ၅၁ ခုမြောက် ပြည်နယ်ဖြစ်လာပါက ယင်းမှာ “သာယာ လှပသော အိမ်ထောင်ရေး” တစ်ခုဖြစ်လိမ့်မည်ဟု ထရမ့်က သတင်းထောက်၏ မေးမြန်းမှုကို ဖြေကြားရာတွင် မာ့ခ်ကာနီက “ကနေဒါက ဘယ်တော့မှ ရောင်းကုန်ပစ္စည်းမဟုတ်” ဟူ၍ ချက်ချင်းတုံ့ပြန်ခဲ့ပြီး ထရမ့်က “ဘယ်တော့မှ ဆိုသည့်စကားကို ဘယ်တော့မှ မပြောနှင့်” ဟု ပြန်ပြောခဲ့သည်။စည်းကြပ်ခွန်ကိစ္စရပ်နှင့်စပ်လျဉ်း၍ မာ့ခ်ကာနီက “ကနေဒါသည် အမေရိကန်နိုင်ငံ၏ အကြီးဆုံး ဖောက်သည် ဖြစ်ကြောင်း” ထရမ့်အား သတိပေးခဲ့ရာ ထရမ့်ကမူ အမေရိကန်အနေဖြင့် “ကနေဒါ၏ မော်တော်ကား၊ သံမဏိကို မလိုအပ်ကြောင်း၊ “ကနေဒါကို ထောက်ပံ့ငွေပေးစရာ အကြောင်းမရှိ” ကြောင်း၊ ထို့အပြင် ကနေဒါ ထုတ်ကုန်များအပေါ် စည်းကြပ်ခွန် ကင်းလွတ်ခွင့်ပြုမည်မဟုတ်ကြောင်း အခိုင်အမာ ပြောကြားခဲ့သည်။မာ့ခ်ကာနီဦးဆောင်သော လစ်ဘရယ်ပါတီက ဧပြီ ၂၈ ရက်တွင် ကနေဒါ အောက်လွှတ်တော် ရွေးကောက်ပွဲ တွင် အနိုင်ရခဲ့ပြီး မာ့ခ်ကာနီက ဝန်ကြီးချုပ်အဖြစ် ဆက်လက်တာဝန်ထမ်းဆောင်ခဲ့သည်။ “အမေရိကန်က မိမိတို့၏ မြေနေရာ၊ အရင်းအမြစ်၊ ရေအရင်းအမြစ်သာမက မိမိတို့၏ နိုင်ငံကိုပါ လိုချင်တပ်မက်ဖြစ်နေသည်”၊ ထရမ့်က “မိမိတို့ကို ဖြိုလှဲရန်၊ အမေရိကန်က မိမိတို့ကို သိမ်းပိုက်ရန် ကြိုးစားနေသည်။ သို့သော် ဒါက မည်သည့်အခါမျှ ဖြစ်လာမည်မဟုတ်ပါ” ဟူ၍ မာ့ခ်ကာနီက အောင်ပွဲခံမိန့်ခွန်းတွင် ပြောကြားခဲ့သည်။ထရမ့်က “ကနေဒါကို သိမ်းပိုက်မည့်” စိတ်ကူးကို လူသိရှင်ကြား အကြိမ်ကြိမ်အဆိုပြုခဲ့ပြီး “စီးပွားရေး အင်အား” ဖြင့် အဆိုပါ ရည်မှန်းချက်ကို ဖော်ဆောင်လိုကြောင်း ပြောကြားခဲ့သည်။ ထရမ့်၏ ယင်းအဆိုမှာ “အတည်” ဖြစ်ကြောင်း အိမ်ဖြူတော်အရာရှိ၏စကားကို ကိုးကား၍ အမေရိကန် မီဒီယာက သတင်းဖော်ပြ ခဲ့သည်။ “အမေရိကန်က ကနေဒါကို နှစ်စဉ် ကန်ဒေါ်လာ ၂၀၀ ဘီလီယံ၊ ထို့အပြင် အခမဲ့ စစ်ရေး ကာကွယ် ပေးမှုနှင့် အခြားသော အထောက်အပံ့များ မည်သည့်အတွက်ကြောင့် ထောက်ပံ့ရသနည်း။ ၎င်းတို့၏ မော်တော်ကားလည်း မိမိတို့အနေဖြင့် မလိုပါ။ စွမ်းအင်အရင်းအမြစ်လည်း မလိုပါ။ သစ်သားလည်း မလိုပါ။ ဘာမှမလိုအပ်ပါ” “၎င်းတို့အနေဖြင့် မိမိတို့၏အကူအညီမပါလျှင် ဘာမှ မတတ်နိုင်ပါ” ဟူ၍ ထရမ့်က မာ့ခ်ကာနီ ခရီးစဉ်မရောက်ရှိသေးခင် ဆိုရှယ်မီဒီယာတွင် ရေးသားဖော်ပြခဲ့သည်။ မှီငြမ်း ။ Xinhua
Thu, 8-မေလ-2025
အိန္ဒိယ-ပါကစ္စတန် ပဋိပက္ခ ဖြေရှင်းရန် ဖျန်ဖြေသူ မလိုအပ်နိုင်ကြောင်း ရုရှားဆီနိတ်တာ ပြောကြား
အိန္ဒိယ-ပါကစ္စတန် ပဋိပက္ခ ဖြေရှင်းရန် ဖျန်ဖြေသူ မလိုအပ်နိုင်ကြောင်း ရုရှားဆီနိတ်တာ ပြောကြား
လက်ရှိဖြစ်ပွားနေသော အိန္ဒိယနှင့်ပါကစ္စတန်တို့အကြား ပဋိပက္ခကို ငြိမ်းချမ်းစွာဖြေရှင်းဆောင်ရွက်နိုင်ရန် ကြားဝင်ဖျန်ဖြေသူ မလိုအပ်နိုင်ကြောင်း ရုရှားဆီနိတ်တာ တစ်ဦးက TASS သို့ ပြောကြားလိုက်ပါသည်။စစ်ကို ငြိမ်းချမ်းရေးဆွေးနွေးမှုများနှင့် သံတမန်ရေးရာကြိုးပမ်းမှုများဖြင့် အဆုံးသတ်ကြလိမ့်မည်ဟု မိမိယုံကြည်ပါကြောင်း၊ နှစ်ဖက်စလုံးသည် သဘောတူညီမှုရရှိရန် မျှော်လင့်ထားပါကြောင်း၊ အကယ်၍ နိုင်ငံတကာက ကြားဝင်ဖျန်ဖြေမှု လိုအပ်ပါက ထိုအရာအတွက် လုပ်ဆောင်နိုင်သူများ ရှိလိမ့်မည်ဖြစ်ပါကြောင်း၊ သို့သော် ထိုသို့ လိုအပ်လိမ့်မည်လည်း မထင်ပါကြောင်း ရုရှားဖက်ဒရေးရှင်းကောင်စီ၏ အပြည်ပြည်ဆိုင်ရာကော်မတီ ဒုတိယဥက္ကဋ္ဌ(၁) Andrey Denisov က ပြောကြားလိုက်ခြင်းဖြစ်ပါသည်။“နှစ်နိုင်ငံအကြား ပဋိပက္ခ ဆက်လက်မကျယ်ပြန့်လာစေရန် မိမိတို့ မျှော်လင့်ပါကြောင်း၊ နှစ်ဖက်စလုံးသည် အခြေအနေကို ပိုမိုမပြင်းထန်လာစေရေး ရှောင်ရှားနိုင်ကြရန် ဉာဏ်ပညာရှိစွာ ဆောင်ရွက်နိုင်မည်” ဟု ယုံကြည်ပါကြောင်း ၎င်းက ဖြည့်စွက်ပြောကြားခဲ့ပါသည်။ကိုးကား-TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Thu, 8-မေလ-2025
ဒေါ်နယ်ထရမ့်က Persian Gulf အား Arabian Gulf အဖြစ် အမည်ပြောင်းလဲရန် စီစဉ်
ဒေါ်နယ်ထရမ့်က Persian Gulf အား Arabian Gulf အဖြစ် အမည်ပြောင်းလဲရန် စီစဉ်
အမေရိကန်သမ္မတ ဒေါ်နယ်ထရမ့်သည် အမေရိကန်ပြည်ထောင်စုတွင် ဘာသာစကားစံနှုန်းကို ပြောင်းလဲရန် ကြေညာပြီးနောက် တစ်ဆက်တည်းမှာပင် ပါရှန်ပင်လယ်ကွေ့ (Persian Gulf) အား အာရေဘီယံ ပင်လယ်ကွေ့ (Arabian Gulf) အဖြစ် အမည်ပြောင်းရန် အဆိုပြုထားကြောင်း အစိုးရ သတင်းရင်းမြစ်များက အေပီသတင်းဌာနသို့ ပြောကြားထားပါသည်။ ၎င်းတို့အဆိုအရ Trump သည် လာမည့် ဆော်ဒီအာရေဗျနိုင်ငံသို့ သွားရောက် လည်ပတ်စဉ်တွင် အဆိုပါ ဆုံးဖြတ်ချက်ကို အကောင်အထည်ဖော်ရန် စီစဉ်ထားပါသည်။ အာရပ်နိုင်ငံများကလည်း ထိုအမည်ပြောင်းခြင်းကို တွန်းအားပေးလျက်ရှိပါသည်။ အမေရိကန်သမ္မတ ဒေါ်နယ်ထရမ့်အနေဖြင့် ပထဝီဝင်အမည်ကို ပြောင်းလဲရန်ကြိုးပမ်းခဲ့သည်မှာ ယခုအခါ ပထမဆုံးအကြိမ် မဟုတ်တော့ပေ။ ဒေါ်နယ်ထရမ့်သည် ဇန်နဝါရီလနှောင်းပိုင်းတွင် မက္ကဆီကို ပင်လယ်ကွေ့အား အမေရိကန်ပင်လယ်ကွေ့ဟု အမည်ပြောင်းလဲရန်အမိန့်ထုတ်ပြန်ခဲ့ပါသည်။ ပထဝီဝင်အမည်များ ပြောင်းလဲခြင်းမှာ မည်သည့်နိုင်ငံ၏ အခွင့်အာဏာတွင် မပါဝင်ကြောင်း ကုလသမဂ္ဂက နောက်ပိုင်းတွင် ထုတ်ဖော်ပြောကြားခဲ့ပါသည်။ကိုးကား-TASSPhoto: NDTVဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Thu, 8-မေလ-2025
ဒုတိယကမ္ဘာစစ် အောင်ပွဲနေ့ကို မေ ၈ ရက်ဟု ထရမ့်ကြေညာ
ဒုတိယကမ္ဘာစစ် အောင်ပွဲနေ့ကို မေ ၈ ရက်ဟု ထရမ့်ကြေညာ
အမေရိကန်သမ္မတ ဒေါ်နယ်ထရမ့်က မေ ၈ ရက်ကို ဒုတိယကမ္ဘာစစ် အောင်ပွဲနေ့အဖြစ် သတ်မှတ်လိုက်ကြောင်း ကြေညာချက်ကို မေလ ၇ ရက်တွင် လက်မှတ်ရေးထိုးထုတ်ပြန်လိုက်ပါသည်။အိမ်ဖြူတော်မှ ထုတ်ပြန်သော ယင်းကြေညာချက်၌  မဟာမိတ်တို့၏ အမျိုးသားရေးဆိုရှယ်လစ်ဝါဒနှင့် ဖက်ဆစ်ဝါဒအပေါ် အောင်ပွဲကို မိမိ အသိအမှတ်ပြုလိုက်ပါကြောင်း၊ အမေရိကန်သည် အဆိုပါစစ်ပွဲအတွင်း လူ ၂၅၀,၀၀၀ ခန့် ဆုံးရှုံးခဲ့ရပါကြောင်း ၊ အမေရိကန်စစ်သားများ၏ စွန့်လွှတ် အနစ်နာခံမှုမရှိပါက ထိုစစ်ပွဲကို အောင်မြင်နိုင်ခဲ့မည် မဟုတ်ပါကြောင်း၊ ယနေ့ကမ္ဘာမှာလည်း လုံးဝကွဲပြားနေမည်ဖြစ်ကြောင်း၊ မိမိတိုင်းပြည်၊ လွတ်လပ်ရေးနှင့် အနောက်တိုင်းယဉ်ကျေးမှု  ရပ်တည်ရေးအတွက် အသက် ပေးလှူခဲ့သူအားလုံးကို မိမိဂုဏ်ပြုမိပါကြောင်း  ဖြည့်စွက်ဖော်ပြထားပါသည်။ဒေါ်နယ်ထရမ့်သည်   ပြီးခဲ့သည့် မေ ၂ ရက်က ၎င်း၏ Truth Social တွင် ပထမကမ္ဘာစစ်အောင်ပွဲနေ့ကို နိုဝင်ဘာ ၁၁ ရက်ကိုလည်းကောင်း၊ ဒုတိယကမ္ဘာစစ်၏ အောင်ပွဲနေ့ကို မေ ၈ ရက်ကိုလည်းကောင်း သတ်မှတ်မည် ဖြစ်ကြောင်း ရေးသားဖော်ပြခဲ့ဖူးပါသည်။ ထို့အပြင် ဒုတိယကမ္ဘာစစ် အောင်ပွဲအတွက် အမေရိကန်သည် အခြားနိုင်ငံများထက် ပိုမိုပါဝင်ခဲ့ ရကြောင်း ၎င်းက ထပ်လောင်းဖော်ပြထားပါသည်။ရုရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ Maria Zakharova က “အမေရိကန်သည် ၎င်း၏ပါဝင်မှုကို အလွန်အမင်း ကြီးကျယ်အောင် ပြောနေသည်ဟု တုန့်ပြန်ပြောကြားလိုက်ပြီး လက်ရှိတွင် အမေရိကန် ပြည်သူများနှင့် အစိုးရတို့သည် ၎င်းတို့၏ ကိုယ်ပိုင်သမိုင်းကြောင်းအမှန်ကို မသိရှိကြပါ” ဟု ဖြည့်စွက်ပြောကြားထားပါသည်။ကိုးကား- TASS Photo: Hindustan Timesဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Thu, 8-မေလ-2025
ဂျာမန် EU အမတ် ၂ ဦး မော်စကိုသို့ သွားရောက်မည်
ဂျာမန် EU အမတ် ၂ ဦး မော်စကိုသို့ သွားရောက်မည်
ဥရောပပါလီမန်အမတ် မက်ဇ်မား (Max Marx) နှင့် အန်ဒရီယာ ဂျိုးဇီ (Andreas Josef) တို့သည် ရုရှားနိုင်ငံ၊ မော်စကိုမြို့သို့ လာမည့်ရက်များအတွင်း သွားရောက်မည်ဖြစ်ပြီး ၎င်းတို့၏ခရီးစဉ်သည် EU အာဏာပိုင်များ၏ ကန့်ကွက်မှုကို ရင်ဆိုင်ရမည်ဖြစ်သည်။EU သည် ရုရှားနှင့် တရားဝင်အဆက်အသွယ်လျှော့ချထားပြီး၊ အထူးသဖြင့် ယူကရိန်းစစ်ပွဲကြောင့် သံတမန်ရေးအရဆက်ဆံမှုများ အားနည်းနေသည်။သို့သော် အဆိုပါဂျာမန်အမတ်များက “ငြိမ်းချမ်းရေးအတွက် ဆွေးနွေးမှုများလိုအပ်သည်” ဟု ယူဆကာ ရုရှားနှင့် တိုက်ရိုက်ဆက်သွယ်ရန် ဆုံးဖြတ်ခဲ့ခြင်းဖြစ်သည်။ဘရပ်ဆဲလ်က ထိုကဲ့သို့သော ခရီးစဉ်များကို မထောက်ခံသော်လည်း ၎င်းတို့သည် ဥရောပ၏ စည်းမျဉ်းများကို ဖောက်ဖျက်ခြင်းမရှိဟု ဆိုသည်။ရုရှားနိုင်ငံခြားရေးဝန်ကြီးဌာနက အဆိုပါခရီးစဉ်ကို “အပြုသဘောဆောင်သော လှုပ်ရှားမှု” အဖြစ် ကြိုဆိုခဲ့ပြီး “နားလည်မှုနှင့် ငြိမ်းချမ်းရေးအတွက် ဆွေးနွေးမှုများလိုအပ်သည်” ဟု ပြောကြားခဲ့သည်။မော်စကိုတွင် ၎င်းတို့သည် ရုရှားအစိုးရနှင့် ပြည်တွင်းနိုင်ငံရေးပါတီများနှင့် တွေ့ဆုံဆွေးနွေးမည်ဖြစ်ပြီး၊ ယူကရိန်းပဋိပက္ခနှင့် ဥရောပ-ရုရှား ဆက်ဆံရေး အပေါ်အမြင်များကို ဖလှယ်မည်ဖြစ်သည်။အချို့သော EU အမတ်များက “ရုရှားနှင့် ဆက်ဆံခြင်းသည် ဥရောပ၏ ညီညွတ်မှုကို အားနည်းစေသည်” ဟု ဝေဖန်ခဲ့သည်။သို့သော် မတ်စ်မား နှင့် ဂျိုးဇီတို့က “စစ်ပွဲကိုအဆုံးသတ်ရန် ဆွေးနွေးမှုများလိုအပ်ပြီး ရုရှားနှင့် ဆက်သွယ်မှုမရှိပါက အဖြေရှာရန်ခက်ခဲမည်” ဟု ပြန်လည်ချေပခဲ့သည်။ကိုးကား- RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Thu, 8-မေလ-2025
© Copyright 2024 SAC All Rights Reserved.