ပန်းတနော်မြို့နယ်တွင် ကွမ်းရွက်များ အရောင်းအဝယ်ကောင်းမွန်နေ

saceditor

News Image

  • ပန်းတနော်မြို့နယ်တွင် ကွမ်းရွက်များ အရောင်းအဝယ်ကောင်းမွန်နေ

ပန်းတနော်  မတ် ၁၀

ဧရာဝတီတိုင်းဒေသကြီး ပန်းတနော်မြို့နယ်တွင် ကွမ်းရွက်များ ဝယ်ယူမှုအားကောင်းပြီး အရောင်းအဝယ် ကောင်းမွန်နေကြောင်း ပန်းတနော်မြို့နယ်မှ ကွမ်းရွက်နှင့် ကွမ်းသီးရောင်းဝယ်ရေးပွဲရုံပိုင်ရှင် ဒေါ်သီတာက ပြောပြာ၍ သိရသည်။

ပန်းတနော်မြို့နယ်တွင် မတ်ပထမပတ်မှ ယနေ့ထိ ကွမ်းရွက်များဝယ်ယူမှု ကောင်းမွန်လာပြီး တစ်ရက်လျှင် ပိဿာချိန် ၃၅၀၀ မှ ၅၅၀၀ ထိ ကွမ်းရွက်ပိဿာချိန် အများအပြားအရောင်းအဝယ် ကောင်းမွန်နေကြောင်း သိရသည်။

“ပန်းတနော်ကနေ တင်ပို့ရောင်းချနေတဲ့ ကွမ်းရွက်တွေက အရည်အသွေးကောင်းမွန်ပါတယ်။ လတ်ဆတ်မှုအပေါ်မူတည်ပြီး ဈေးအနိမ့်အမြင့်ရှိပါတယ်။ ပြီးခဲ့တဲ့ ရက်ပိုင်းကတည်းက ဒေသထွက်ကွမ်းရွက် ပိဿာချိန်များများ အရောင်းအဝယ်ဖြစ်ခဲ့တာပါ။ လက်ရှိလဲ ကွမ်းရွက်တွေအရောင်းအဝယ်ကောင်းမွန်နေပါတယ်။ ဒေသထွက်ကွမ်းရွက်တွေဝယ်ယူမှု ကောင်းလာတဲ့အတွက် ကွမ်းစိုက်သူတွေ အဆင်ပြေနေပါတယ်” ဟု ပန်းတနော်မြို့နယ်မှ ကွမ်းရွက်နှင့် ကွမ်းသီးရောင်းဝယ်ရေးပွဲရုံပိုင်ရှင် ဒေါ်သီတာက ပြောပြသည်။

ပန်းတနော်မြို့နယ်မှ ထွက်ရှိသည့် ဒေသထွက်ကွမ်းရွက်များကို စနစ်တကျ ရွေးထုတ်သန့်စင်ပြီး ခြင်းများဖြင့်ထည့်ကာ ဝယ်ယူသည့်ဝယ်လက်များထံကို တင်ပို့ ရောင်းချလျက်ရှိကြောင်း၊ အဆိုပါ ဒေသထွက်ကွမ်းရွက် ၁၀ ပိဿာလျှင် ငွေကျပ် ၇၅၀၀၀ ထိပေါက်ဈေးရှိကြောင်း သိရသည်။

Source: ရတနာပုံသတင်းစာ

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

ရေနံဈေးနှုန်းမတည်ငြိမ်မှုများ ဖြစ်ပေါ်နေ
ရေနံဈေးနှုန်းမတည်ငြိမ်မှုများ ဖြစ်ပေါ်နေ
ရုရှားသည် ယူကရိန်းနှင့် အပစ်အခတ်ရပ်စဲခြင်းမပြုပါက ရုရှားနိုင်ငံ အပေါ် စီးပွားရေးပိတ်ဆို့မှု တိုးမြှင့်လုပ်ဆောင်သွားမည်ဖြစ်ကြောင်းအမေရိကန်သမ္မတထရမ့်က ပြောကြားပြီးနောက် ရေနံဈေးနှုန်းမတည်ငြိမ်မှုများ ဖြစ်ပေါ်လာပါသည်။ အကယ်၍ ရုရှားအနေဖြင့် ယူကရိန်း နှင့်စစ်ပွဲအား ရပ်တန့်မည်ဆိုပါက ရုရှား၏ စွမ်းအင်ကဏ္ဍအပေါ် စီးပွားရေးပိတ်ဆို့မှုများကို ဖြေလျှော့ပေးသွားမည်ဟုလည်း အမေရိကန် က ထုတ်ပြန်ထားပါသည်။ တစ်ဖန် ရုရှားနိုင်ငံက အဖွဲ့ဝင်အဖြစ် ပါဝင်သော OPEC + အဖွဲ့က လာမည့် ဧပြီလမှစ၍ အဖွဲ့အစည်းအနေဖြင့် တင်ပို့မည့် ရေနံများ၏ ဈေးနှုန်းကို တိုးမြှင့်သွားမည်ဖြစ်ကြောင်း အသိပေးထားပါသည်။ OPEC + အနေဖြင့် ရေနံ၏ ရောင်းလိုအားနှင့် ဝယ်လိုအား ဈေးကွက်ကို ထိန်းချုပ် နိုင်စွမ်း ရှိသည်ဟုလည်း ပြောကြားထားပါသည်။ ထိုအခြေအနေများကြောင့် ရေနံဈေးနှုန်းများအပေါ် ရိုက်ခတ်မှုများ ဖြစ်ပေါ်နေပြီး စွမ်းအင်ကဏ္ဍတွင် ရင်းနှီးမြှုပ်နှံနေသည့် လုပ်ငန်းရှင် များက OPEC အဖွဲ့ထံမှ ရေနံ၏ ရောင်းလိုအားနှင့် ဝယ်လိုအား ဈေးကွက် ခန့်မှန်းချက်ကို ယခုအပတ်ထဲတွင် တောင်းခံထားကြောင်း သိရှိရ ပါသည်။ ကိုးကား -Reutersဘာသာပြန်ဆိုသူ-ဒေါ်မေသူဌေး၊ ဦးစီးအရာရှိ၊နစက-၃
တရုတ်၏ အကောက်ခွန်နှုန်းထားအသစ် အမေရိကန်မှ တရုတ်သို့ တင်သွင်းသည့် လယ်ယာထွက်ကုန်ပစ္စည်းများအပေါ် သက်ရောက်မှုရှိ
တရုတ်၏ အကောက်ခွန်နှုန်းထားအသစ် အမေရိကန်မှ တရုတ်သို့ တင်သွင်းသည့် လယ်ယာထွက်ကုန်ပစ္စည်းများအပေါ် သက်ရောက်မှုရှိ
၂၀၂၅ ခုနှစ်၊ မတ်လ ၃ ရက်မှ စတင်၍ အမေရိကန်မှ တရုတ်သို့ တင်သွင်းသည့် လယ်ယာထွက်ကုန်ပစ္စည်းများအပေါ် တရုတ်နိုင်ငံက အကောက်ခွန်နှုန်းထား တိုးမြှင့်သတ်မှတ်လိုက်ပါသည်။ တရုတ်နိုင်ငံသည် လယ်ယာထွက်ကုန်ပစ္စည်းများအတွက် အကြီးဆုံး နိုင်ငံခြားဈေးကွက်ဖြစ်သည့်အတွက် အဆိုပါကိစ္စသည် တရုတ်နှင့် အမေရိကန်အကြား ကုန်သွယ်ရေးစစ်ပွဲကို ဖြစ်ပေါ်စေမည့် အလားအလာကို ပြသနေပါသည်။ ကြေညာခဲ့သည့် တရုတ်နိုင်ငံ၏ အကောက်ခွန်နှုန်းထား ၁၅ ရာခိုင်နှုန်း တိုးမြှင့်မှုတွင် ကြက်သား၊ ဂျုံ၊ ပြောင်း အစရှိသော ပစ္စည်းများ ပါဝင်ပြီး အကောက်ခွန် နှုန်းထား ၁၀ ရာခိုင်နှုန်း တိုးမြှင့်မှုတွင် ပဲပိစပ်၊ ဝက်သား၊ အမဲသားနှင့် အသီးများ ပါဝင်ပါသည်။ မတ်လ ၁၀ ရက်(တနင်္လာ)နေ့၌ အမေရိကန်မှ တရုတ်သို့ တင်ပို့ပြီး ဧပြီ လ ၁၂ ရက်တွင် တရုတ်သို့ တင်သွင်းမည့် ကုန်ပစ္စည်းများအပေါ် အဆိုပါအကောက်ခွန်နှုန်းထား သက်ရောက်မည် မဟုတ်ကြောင်း တရုတ်နိုင်ငံက ထုတ်ပြန်ထားပါသည်။ လက်ရှိအချိန်အထိ တရုတ်အစိုးရအနေဖြင့် အမေရိကန်ကုမ္ပဏီ ၁၅ ခုကို တရုတ်ကုန်ပစ္စည်းများ ဝယ်ယူခွင့်မရရန် တားမြစ်ထားပြီး ထိုကုမ္ပဏီများအထဲတွင် အမေရိကန်စစ်တပ်အတွက် Drone ဝယ်ယူနေသည့် ကုမ္ပဏီများ ပါဝင်ကြောင်း သိရှိရပါသည်။ ထို့အပြင် တရုတ်နိုင်ငံတွင် စီးပွားရေး ပြုလုပ်ရန် ပိတ်ဆို့ခံထားရသည့် အမေရိကန်ကုမ္ပဏီ ၁၀ ခု ရှိကြောင်း သတင်းရရှိပါသည်။ ကိုးကား -New York Timesဘာသာပြန်ဆိုသူ-ဒေါ်မေသူဌေး၊ ဦးစီးအရာရှိ၊နစက-၃
ပန်းတနော်မြို့နယ်တွင် ကွမ်းရွက်များ အရောင်းအဝယ်ကောင်းမွန်နေ
ပန်းတနော်မြို့နယ်တွင် ကွမ်းရွက်များ အရောင်းအဝယ်ကောင်းမွန်နေ
ပန်းတနော်  မတ် ၁၀ဧရာဝတီတိုင်းဒေသကြီး ပန်းတနော်မြို့နယ်တွင် ကွမ်းရွက်များ ဝယ်ယူမှုအားကောင်းပြီး အရောင်းအဝယ် ကောင်းမွန်နေကြောင်း ပန်းတနော်မြို့နယ်မှ ကွမ်းရွက်နှင့် ကွမ်းသီးရောင်းဝယ်ရေးပွဲရုံပိုင်ရှင် ဒေါ်သီတာက ပြောပြာ၍ သိရသည်။ပန်းတနော်မြို့နယ်တွင် မတ်ပထမပတ်မှ ယနေ့ထိ ကွမ်းရွက်များဝယ်ယူမှု ကောင်းမွန်လာပြီး တစ်ရက်လျှင် ပိဿာချိန် ၃၅၀၀ မှ ၅၅၀၀ ထိ ကွမ်းရွက်ပိဿာချိန် အများအပြားအရောင်းအဝယ် ကောင်းမွန်နေကြောင်း သိရသည်။“ပန်းတနော်ကနေ တင်ပို့ရောင်းချနေတဲ့ ကွမ်းရွက်တွေက အရည်အသွေးကောင်းမွန်ပါတယ်။ လတ်ဆတ်မှုအပေါ်မူတည်ပြီး ဈေးအနိမ့်အမြင့်ရှိပါတယ်။ ပြီးခဲ့တဲ့ ရက်ပိုင်းကတည်းက ဒေသထွက်ကွမ်းရွက် ပိဿာချိန်များများ အရောင်းအဝယ်ဖြစ်ခဲ့တာပါ။ လက်ရှိလဲ ကွမ်းရွက်တွေအရောင်းအဝယ်ကောင်းမွန်နေပါတယ်။ ဒေသထွက်ကွမ်းရွက်တွေဝယ်ယူမှု ကောင်းလာတဲ့အတွက် ကွမ်းစိုက်သူတွေ အဆင်ပြေနေပါတယ်” ဟု ပန်းတနော်မြို့နယ်မှ ကွမ်းရွက်နှင့် ကွမ်းသီးရောင်းဝယ်ရေးပွဲရုံပိုင်ရှင် ဒေါ်သီတာက ပြောပြသည်။ပန်းတနော်မြို့နယ်မှ ထွက်ရှိသည့် ဒေသထွက်ကွမ်းရွက်များကို စနစ်တကျ ရွေးထုတ်သန့်စင်ပြီး ခြင်းများဖြင့်ထည့်ကာ ဝယ်ယူသည့်ဝယ်လက်များထံကို တင်ပို့ ရောင်းချလျက်ရှိကြောင်း၊ အဆိုပါ ဒေသထွက်ကွမ်းရွက် ၁၀ ပိဿာလျှင် ငွေကျပ် ၇၅၀၀၀ ထိပေါက်ဈေးရှိကြောင်း သိရသည်။Source: ရတနာပုံသတင်းစာ
ဗီယက်နမ်နိုင်ငံ၌ ယခုနှစ် ပထမနှစ်လအတွင်း ကော်ဖီတင်ပို့မှု မြင့်တက်ပြီး ဝင်ငွေ ကန်ဒေါ်လာ ၁ ဒသမ ၅၈ ဘီလီယံရရှိ
ဗီယက်နမ်နိုင်ငံ၌ ယခုနှစ် ပထမနှစ်လအတွင်း ကော်ဖီတင်ပို့မှု မြင့်တက်ပြီး ဝင်ငွေ ကန်ဒေါ်လာ ၁ ဒသမ ၅၈ ဘီလီယံရရှိ
ဟနွိုင်း  မတ် ၁၀ဗီယက်နမ်နိုင်ငံ၏ ကော်ဖီတင်ပို့မှုမှာ ယခုနှစ် ပထမနှစ်လအတွင်း ၂၆ ဒသမ ၂ ရာခိုင်နှုန်း မြင့်တက်လာကြောင်း ဗီယက်နမ်သတင်းအေဂျင်စီက စိုက်ပျိုးရေးနှင့် သဘာဝပတ်ဝန်းကျင်ဝန်ကြီးဌာနကို ကိုးကားပြီး မတ် ၁၀ ရက်တွင် ဖော်ပြထားသည်။ဗီယက်နမ်နိုင်ငံသည် ယင်းကာလအတွင်း ကော်ဖီတန်ချိန် ၂၈၄၀၀၀ တင်ပို့နိုင်ခဲ့ပြီး ဝင်ငွေ အမေရိကန် ဒေါ်လာ ၁ ဒသမ ၅၈ ဘီလီယံ ရရှိခဲ့ကြောင်း အဆိုပါ ဝန်ကြီးဌာနက ပြောသည်။ဇန်နဝါရီလနှင့် ဖေဖော်ဝါရီလတွင် ပျမ်းမျှကော်ဖီဈေးနှုန်းမှာ တစ်တန်လျှင် အမေရိကန်ဒေါ်လာ ၅၅၇၄ ဒသမ ၅ ဒေါ်လာရှိပြီး ယမန်နှစ် အလားတူကာလနှင့်နှိုင်းယှဉ်လျှင် ၇၆ ဒသမ ၃ ရာခိုင်နှုန်း မြင့်တက်လာကြောင်း သိရသည်။ဗီယက်နမ်နိုင်ငံသည် ယခုနှစ်တွင် ကော်ဖီတင်ပို့မှုမှ ဝင်ငွေ အမေရိကန်ဒေါ်လာ ၆ ဘီလီယံရရှိရေး မျှော်မှန်းလုပ်ဆောင်လျက်ရှိသည်။Source: မြန်မာ့အလင်းသတင်းစာ
တရုတ်(တိုင်ပေ) ချစ်ပ်ကုမ္ပဏီကြီးက အမေရိကန်တွင် အမေရိကန် ဒေါ်လာ ၁၀ဝ ဘီလီယံ ရင်းနှီးမြှုပ်နှံရန် စီစဉ်
တရုတ်(တိုင်ပေ) ချစ်ပ်ကုမ္ပဏီကြီးက အမေရိကန်တွင် အမေရိကန် ဒေါ်လာ ၁၀ဝ ဘီလီယံ ရင်းနှီးမြှုပ်နှံရန် စီစဉ်
တရုတ် (တိုင်ပေ) ချစ်ပ်ထုတ်လုပ်ရေးကုမ္ပဏီကြီး TSMC ၏ အမေရိကန် တွင် အမေရိကန်ဒေါ်လာ ၁၀ဝ ဘီလီယံ ရင်းနှီးမြှုပ်နှံရန်အစီအစဉ်သည် တရုတ်(တိုင်ပေ)-အမေရိကန် ဆက်ဆံရေးအတွက် သမိုင်းဝင်  အခိုက်အတန့် တစ်ခုဖြစ်ကြောင်း တရုတ် (တိုင်ပေ)သမ္မတလိုင်ချန်တေးက မတ်လ ၆ ရက်တွင် ထုတ်ဖော်ပြောဆိုခဲ့သည်။ နိုင်ငံခြားထုတ်ချစ်ပ်များပေါ်တွင် အခွန်စည်းကြပ်မှုလုပ်ဆောင်မည်ဟု အမေရိကန်သမ္မတ ဒေါ်နယ်ထရမ့် က ခြိမ်းခြောက်ခဲ့ပြီးနောက် Apple နှင့် Nvidia ကုမ္ပဏီတို့ကို ၎င်း၏ ဖောက်သည်များကြားတွင် ထည့်သွင်းရေတွက်သည့် TSMC ကုမ္ပဏီ သည် အဆိုပါအစီအစဉ်ကို ယခုသီတင်းပတ်အတွင်း ထုတ်ပြန် ကြေညာ ခဲ့ခြင်းဖြစ်သည်။ထို့ပြင် TSMC ကုမ္ပဏီ၏ အမေရိကန်တွင် ရင်းနှီးမြှုပ်နှံမှုစုစုပေါင်းသည် အမေရိကန်ဒေါ်လာ ၁၆၅ ဘီလီယံအထိ ရှိလာမည်ဖြစ်ပြီး အမေရိကန် သမိုင်းတွင် အကြီးမားဆုံးနိုင်ငံခြား တိုက်ရိုက်ရင်းနှီးမြှုပ်နှံမှုတစ်ခုဖြစ်ကြောင်း TSMC ကပြောကြားခဲ့သည်။ TSMC ကုမ္ပဏီ၏စီအီးအိုဖြစ်သူ C.C. Wei နှင့် ပူးတွဲသတင်းစာရှင်းလင်းပွဲတစ်ခုအတွင်း တရုတ် (တိုင်ပေ) သမ္မတ လိုင်ချန်တေးသည် တရုတ်(တိုင်ပေ)-အမေရိကန်ဆက်ဆံရေးအတွက် သမိုင်းဝင် အခိုက်အတန့်ကို ချီးကျူးဂုဏ်ပြုခဲ့ကြောင်း သိရသည်။တရုတ်(တိုင်ပေ)သည် အမေရိကန်ချစ်ပ်လုပ်ငန်းကို ခိုးယူခဲ့ကြောင်း ဒေါ်နယ်ထရမ့်က စွပ်စွဲပြောဆိုခဲ့ပြီး ၁၀ဝ ရာခိုင်နှုန်း အခွန် စည်းကြပ်မှုများ လုပ်ဆောင်သွားမည်ဟု ခြိမ်းခြောက်ပြောဆိုခဲ့ပြီးနောက် TSMC ကုမ္ပဏီ ၏ ရင်းနှီးမြှုပ်နှံမှုအစီအစဉ်ထွက်ပေါ်လာခြင်းဖြစ်သည်။ တရုတ် (တိုင်ပေ) ကို ၎င်း၏ ပိုင်နက်နယ်မြေအဖြစ် ရှုမြင်ထားသော တရုတ်အစိုးရက တရုတ်(တိုင်ပေ)ကျွန်းအပေါ် စစ်ရေးနှင့်နိုင်ငံရေးအရဖိအားပေးမှုများ အရှိန်မြှင့်လုပ်ဆောင်နေချိန်တွင် တရုတ်(တိုင်ပေ)-အမေရိကန် ဆက်ဆံရေးအတွက် သမိုင်းဝင်အခိုက်အတန့် တစ်ခုဖြစ်သော အဆိုပါ ရင်းနှီးမြှုပ်နှံမှု ထွက်ပေါ်လာခြင်းဖြစ်သည်။ကိုးကား-NP News
ကမ္ဘာ့ကုန်သွယ်ရေးစည်းစနစ်ကို ဖျက်ဆီးခြင်းက အမေရိကန် စီးပွားရေးအတွက် ဆိုးရွားသော ပေးဆပ်မှုများ ဆောင်ကြဉ်းပေးမည်ဟု ဗြိတိန် မီဒီယာဆို
ကမ္ဘာ့ကုန်သွယ်ရေးစည်းစနစ်ကို ဖျက်ဆီးခြင်းက အမေရိကန် စီးပွားရေးအတွက် ဆိုးရွားသော ပေးဆပ်မှုများ ဆောင်ကြဉ်းပေးမည်ဟု ဗြိတိန် မီဒီယာဆို
ထရမ့်အစိုးရ၏ လတ်တလော ကမ္ဘာ့ကုန်သွယ်ရေးစနစ်နှင့် မဟာဗျူဟာမြောက် မဟာမိတ်များကို ပစ်မှတ်ထားသော အစွန်းရောက်မူဝါဒများသည် အမေရိကန် ဦးဆောင်တည်ထောင်ထားသော တံခါးဖွင့် ကုန်သွယ်မှုစနစ်ကို ဖျက်ဆီးလျက်ရှိရာ အမေရိကန်စီးပွားရေးအတွက် ဆိုးရွားသော ပေးဆပ်မှုများ ဆောင်ကြဉ်း ပေးလိမ့်မည်ဟု ဗြိတိန် “Financial Times” ဝက်ဘ်ဆိုက်၏ မကြာသေးမီရက်က ထုတ်ပြန်ခဲ့သော ၎င်းသတင်းဌာန ထိပ်တန်း စီးပွားရေး သုံးသပ်သူ Martin Wolf ၏ ဆောင်းပါးတွင် ပြောကြားခဲ့သည်။ ဆောင်းပါးအနှစ်ချုပ်မှာ အောက်ပါအတိုင်းဖြစ်သည်။အမေရိကန်က ကနေဒါ၊ မက္ကဆီကိုတို့အပေါ် စည်းကြပ်ခွန် ၂၅ ရာခိုင်နှုန်းတိုးမြှင့်ကောက်ခံခဲ့ရာ နောက်ဆက်တွဲအနေဖြင့် ဥရောပသမဂ္ဂမှ အမေရိကန်သို့တင်သွင်းသော ကုန်ပစ္စည်းများမှာလည်း မြင့်မားသော စည်းကြပ်ခွန် များနှင့် ရင်ဆိုင်ရမည်ဖြစ်ကြောင်း ခန့်မှန်းထားသည်။ ထိုလုပ်ရပ်မှာ အမေရိကန်က ၎င်းဦးဆောင် တည်ဆောက်ခဲ့သော ကမ္ဘာ့ကုန်သွယ်ရေးစနစ်ကို စွန့်ပယ်လျက်ရှိခြင်း၏ အမှတ်သင်္ကေတဖြစ်သည်။အမေရိကန် ကုန်သွယ်ရေး လိုငွေပြမှုသည် ကုန်သွယ်ရေးမိတ်ဖက်များ၏ မမျှတသော လုပ်ရပ်များကြောင့် မဟုတ်ကြောင်း၊ “စည်းကြပ်ခွန်နှင့်လိုငွေပြမှုကို ဖြေရှင်းတာက လေအပြည့်ဖြည့်ထားတဲ့ လေပူဖောင်းကို ဖျစ်ညှစ်နေတာနဲ့ အတူတူပဲ” ဟု နိုင်ငံတကာ ငွေကြေးရန်ပုံငွေအဖွဲ့  ထိပ်တန်း စီးပွားရေးပညာရှင် Maurice Obstfeld က အလေးအနက် ပြောကြားခဲ့သည်။အမေရိကန်က “ဥရောပသမဂ္ဂ ထူထောင်ခြင်းသည် အမေရိကန်အပေါ် အခွင့်ကောင်းယူရန် ဖြစ်သည်” ဟု ပြစ်တင်ဝေဖန်ခဲ့သည်။ ဒိန်းမတ် စီးပွားရေး ပညာရှင် Jesper Jensen က အမေရိကန်သည် ကုန်ပစ္စည်း ကုန်သွယ်ရေးကိုသာ အာရုံစိုက်နေပြီး ဝန်ဆောင်မှုကုန်သွယ်ရေးနှင့် အရင်းအနှီးအမြတ်များအပေါ် လျစ်လျူရှု ခဲ့ကြောင်း၊ အကယ်၍ ယူရိုဇုန်ရှိ အမေရိကန်၏ဝန်ဆောင်မှု ကုန်သွယ်ရေးပိုလျှံငွေနှင့် အရင်းအနှီး အမြတ်ငွေစသည်တို့ကို ၎င်း၏ ကုန်သွယ်ရေးလိုငွေပြမှုနှင့် ခုနှိမ်လိုက်ပါက ယူရိုဇုန်တစ်ခုလုံးနှင့် အမေရိကန် ၏ နှစ်ဖက်လက်ကျန်ငွေစာရင်း (current account) သည် လက်တွေ့တွင် တန်းတူညီမျှနီးနီးရှိကြောင်း ထောက်ပြခဲ့သည်။မက္ကဆီကိုနှင့် ကနေဒါ၏ အမေရိကန် ကုန်ပစ္စည်းများတင်ပို့မှုသည် ၎င်းနိုင်ငံ ၂၀၂၃ ခုနှစ် ပြည်တွင်း ထုတ်ကုန်တန်ဖိုး (GDP) ၏ ၂၇ ရာခိုင်နှုန်းနှင့် ၂၁ ရာခိုင်နှုန်း အသီးသီးရှိရာ အမေရိကန်၏ စည်းကြပ်ခွန် တိုးမြှင့်ခြင်းက အဆိုပါနိုင်ငံ နှစ်နိုင်ငံအတွက် ကြီးမားသော စီးပွားရေးကုန်ကျစရိတ်များ ဆောင်ကြဉ်း ပေးမည်ဖြစ်ကြောင်း၊ ဥရောပသမဂ္ဂ၏ ထိုအချိုးအစားမှာ ၂.၉ ရာခိုင်နှုန်းသာရှိ၍ စည်းကြပ်ခွန်တိုးမြှင့်ခြင်း သက်ရောက်မှုက သိပ်ကြီးမားမည်မဟုတ်ကြောင်း၊ “သို့သော် ထိုအချက်သည်လည်း မျှတမှုမရှိသော အသိတရားမရှိသည့် စီးပွားရေးတိုက်ပွဲလုပ်ရပ်တစ်ခုအနေဖြင့် ရှိနေဆဲဖြစ်ကြောင်း၊ ဥရောမသမဂ္ဂအနေဖြင့် မဖြစ်မနေ ပြန်လည်တုံ့ပြန်မှာဖြစ်ပြီး အတ္တလန်တိတ်ဖြတ်ကျော် ဆက်ဆံရေးမှာ ထာဝရပျက်စီးမှု ခံစား ရမည်ဖြစ်ကြောင်း” ၎င်းက ထောက်ပြခဲ့သည်။ အမေရိကန်သည် မဟာမိတ်များက တုံ့ပြန်လိုက်သော စီးပွားရေး၊ နိုင်ငံရေး နှစ်မျိုး၏ တိုက်ခိုက်မှုတွင် မိမိကိုယ်ကိုယ်တန်ပြန်တိုက်စားမှု မုချဖြစ်ပေါ်စေပြီး နောက်ဆုံးတွင် “ဆိုးရွားစွာ ပေးဆပ်ရလိမ့်မည်” ဟု ၎င်းက ပြောကြားခဲ့သည်။ ကိုးကား-ဆင်ဟွာ
© Copyright 2024 SAC All Rights Reserved.