မဟာသင်္ကြန်ပွဲတော်ကာလအတွင်း ဒဂုံမြို့နယ်ရှိ ရွှေတိဂုံစေတီတော်ကြီးကို ပိတ်ရက်မရှိ ဖွင့်လှစ်ထားမည်ဖြစ်ပြီး နှစ်ဆန်းတစ်ရက်နေ့တွင် နှစ်သစ်မင်္ဂလာအခမ်းအနားကျင်းပမည်

saceditor

News Image

  • မဟာသင်္ကြန်ပွဲတော်ကာလအတွင်း ဒဂုံမြို့နယ်ရှိ ရွှေတိဂုံစေတီတော်ကြီးကို ပိတ်ရက်မရှိ ဖွင့်လှစ်ထားမည်ဖြစ်ပြီး နှစ်ဆန်းတစ်ရက်နေ့တွင် နှစ်သစ်မင်္ဂလာအခမ်းအနားကျင်းပမည်

ရန်ကုန်  မတ် ၂၅

မဟာသင်္ကြန်ပွဲတော်ကာလအတွင်း ရန်ကုန်တိုင်းဒေသကြီး ဒဂုံမြို့နယ်ရှိ ရွှေတိဂုံစေတီတာ်ကို ပိတ်ရက်မရှိ ဖွင့်လှစ်ထားမည်ဖြစ်ပြီး နှစ်ဆန်းတစ်ရက်နေ့တွင် နှစ်သစ်မင်္ဂလာ အခမ်းအနားကျင်းပသွားမည်ဖြစ်ကြောင်း ရွှေတိဂုံစေတီတော် ဘဏ္ဍာတော်ထိန်း ဂေါပကအဖွဲ့ဝင် ဦးတင်ဝထံမှ သိရသည်။

အဆိုပါ မြန်မာ့နှစ်ဆန်းတစ်ရက်‌နေ့ နှစ်သစ်မင်္ဂလာအခမ်းအနားကို မဟာသင်္ကြန်ပွဲတော်ကာလအပြီး မြန်မာ့နှစ်ဆန်းတစ်ရက်‌နေ့ (ဧပြီ ၁၇ ရက်) တွင် ရွှေတိဂုံစေတီတော်ရှိ ရှေးဟောင်းဗုဒ္ဓတန်ဆောင်းတွင် ကျင်းပသွားမည်ဖြစ်ကြောင်း သိရသည်။

မဟာသင်္ကြန်ပွဲတော်ကာလအတွင်း ရွှေတိဂုံစေတီတော်ကို နေ့စဉ် နံနက် ၅ နာရီမှ ည ၉ နာရီထိ ဖွင့်လှစ်ထားမည်ဖြစ်ကြောင်း သိရသည်။

“မဟာသင်္ကြန်ပွဲတော်ကာလအတွင်းမှာ ဥပုသ်ပြု သီလယူသူ ဘုရားဖူးတွေ များပြားတဲ့အတွက် ဘုရားကို ပိတ်ရက်မရှိ ဖွင့်ထားမှာဖြစ်သလို တန်ဆောင်းတွေမှာလဲ ဥပုသ်ပြု သီလယူသူတွေကို ဆရာတော်၊ သံဃာတော်တွေက သီလပေးတဲ့ အစီအစဉ်တွေလဲ ရှိပါမယ်။ ရင်ပြင်တော်ပေါ်မှာလဲ နေ့စဉ် ဘာသာရေး အသင်းအဖွဲ့တွေနဲ့ အလှူရှင်၊ စေတနာရှင်တွေက သင်္ကြန်ကာလမှာ မုန့်လုံးရေပေါ်၊ ရွှေရင်အေး၊ ကျောက်ကျော စတုဒိသာ ကျေးမွေးမဲ့ အစီအစဉ်တွေလဲ ရှိပါတယ်။ နှစ်ဆန်းတစ်ရက်နေ့ရောက်ရင်တော့ နှစ်ဆန်းတစ်ရက်နေ့ မနက်မှာ အရုဏ်တက်အချိန်အခါကစလို့ စေတီတော်ရဲ့ ဩဝါဒါစရိယ ဆရာတော်တွေကို အရုဏ်ဆွမ်းကပ်လှူတဲ့ အခမ်းအနားနဲ့ စေတီတော်ရဲ့ ရှေးဟောင်းဗုဒ္ဓတန်ဆောင်းမှာ နှစ်ဦး စတုဒိသာ အလှူပွဲကို  ပြုလုပ်သွားမှာဖြစ်ပါတယ်”  ဟု ဦးတင်ဝက ပြောပြသည်။

လက်ရှိကာလတွင် ဘုရားဖူးပြည်သူများ တစ်စတစ်စ များပြားလာခြင်းကြောင့် ဘုရားဖူးပြည်သူများ စိတ်ချမ်းမြေ့စွာ ဖူးမြော်နိုင်ရန် ရွှေတိဂုံစေတီတော်မြတ်ကို နံနက် ၅ နာရီမှ ည ၉ နာရီထိ ဘုရားဖူးချိန်ကို တိုးမြှင့်စီစဉ်ပေးထားကြောင်း သိရသည်။

Source: ရတနာပုံသတင်းစာ

MM-News-Category
လူမှုရေးကဏ္ဍသတင်း
လူမှုရေး-ယဉ်ကျေးမှု

ဆက်စပ်သတင်းများ

အက်စပရင်ဆေးကို နေ့စဉ်သောက်သုံးပါက အူမကြီးကင်ဆာဖြစ်နိုင်ခြေကို ကာကွယ်နိုင်
အက်စပရင်ဆေးကို နေ့စဉ်သောက်သုံးပါက အူမကြီးကင်ဆာဖြစ်နိုင်ခြေကို ကာကွယ်နိုင်
လန်ဒန် ဇွန် ၂၆အက်စပရင်ဆေးကို နေ့စဉ် သောက်သုံးပေးပါက အူမကြီး ကင်ဆာဖြစ်နိုင်ခြေကို ကာကွယ် နိုင်ကြောင်း ဇွန် ၂၅ ရက် သတင်းများအရ သိရသည်။အထူးသဖြင့် အက်စပရင်ဆေး နေ့စဉ်သောက်သုံးမှုသည် Lynch Syndrome ခေါ် မျိုးဗီဇဖောက်ပြန်မှုပြဿနာတစ်ရပ် ရှိနေသူများအတွက် အရေးကြီးကြောင်း ဗြိတိန် သုတေသန ပညာရှင်များ က ပြောကြားသည်။Lynch Syndrome မျိုးဗီဇဖောက်ပြန်မှုပြဿနာသည် အူမကြီးကင်ဆာနှင့် အခြားကင်ဆာ ရောဂါမျိုးအစားများ ဖြစ်နိုင်ခြေ မြင့်တက်နိုင်မှုနှင့် ဆက်စပ်နေသော ပြဿနာဖြစ်ကြောင်း သိရသည်။သို့ရာတွင် Lynch Syndrome ပြဿနာရှိသူများအနေဖြင့် အက်စပရင်ကို ၇၅ မီလီဂရမ်မှ ၁ဝဝ မီလီဂရမ်ကြား နေ့စဉ်သောက်သုံးပေးပါက အူမကြီးကင်ဆာဖြစ်ပွားမှုကိုကာကွယ်ရာတွင် အထောက်အကူပြုနိုင်သည်ဟု ဗြိတိန်သုတေသနပညာရှင်များက ပြောကြားကြောင်း သိရသည်။ဗြိတိန် သုတေသနပညာရှင်များ၏ အဆိုအရ Lynch Syndrome ပြဿနာရှိနေသူများသည် အသက် ၅ဝ မပြည့်မီ အူမကြီး ကင်ဆာဖြစ်ပွားနိုင်ခြေ မြင့်တက်လာကြောင်း သိရသည်။အဆိုပါ မျိုးဗီဇဖောက်ပြန်မှု ပြဿနာရှိနေသူများသည် အူမကြီးကင်ဆာရောဂါအပြင် သားအိမ် ကင်ဆာ၊ မျိုးဥအိမ်ကင်ဆာနှင့် ဆီးကျိတ်ကင်ဆာရောဂါ ဖြစ်နိုင်ခြေများနှင့် ဆက်စပ်လျက်ရှိကြောင်း သိရသည်။Source: ရတနာပုံသတင်းစာ
Fri, 27-Jun-2025
ဗီယက်နမ်နိုင်ငံက ကျောင်းသားများအားလုံးကို ကျောင်းလခကင်းလွတ်ခွင့်ပေးမည်
ဗီယက်နမ်နိုင်ငံက ကျောင်းသားများအားလုံးကို ကျောင်းလခကင်းလွတ်ခွင့်ပေးမည်
ဗီယက်နမ်နိုင်ငံသည် အစိုးရစာသင် ကျောင်းများတွင် တက်ရောက်ပညာသင်ယူနေသော ကျောင်းသားများအားလုံးကို ကျောင်းလခကင်းလွတ်ခွင့်ပေးသွားမည် ဖြစ်ကြောင်းသိရသည်။ယခုနှစ်စက်တင်ဘာလမှစ၍ ကျောင်း သားများအားလုံးအား ကျောင်းလခကင်း လွတ်ခွင့်ပေးမည့်ဥပဒေကို ဗီယက်နမ် အမျိုးသားလွှတ်တော်က ဇွန်လ ၂၆ ရက် တွင်အတည်ပြုလိုက်ခြင်းဖြစ်သည်။အဆိုပါဥပဒေအရ အသက်သုံးလမှ ခြောက်နှစ်အရွယ်ရှိ မူကြိုကျောင်းသားများအားလုံးနှင့် ပထမတန်းမှ ဒွါဒသမ တန်းအထိတက်ရောက်နေသည့် ကျောင်း သားများအားလုံးသည် ကျောင်းလခ ကင်းလွတ်ခွင့်ရရှိမည်ဖြစ်သည်။အလားတူ ပုဂ္ဂလိကကျောင်းများတွင် ပညာသင်ယူနေသည့် ကျောင်းသားများအတွက်လည်း အစိုးရကကျောင်းလခများ ပေးမည်ဖြစ်သည်။ ထိုအစီအစဉ်အတွက် ဗီယက်နမ်ဒေါင် ၃၀ ဒသမ ၆ ထရီလီယံ အသုံးပြုသွားမည်ဖြစ်သည်။ Ref: XinhuaPhoto -VN Express
Fri, 27-Jun-2025
အစာအိမ်ကင်ဆာကို အစောဆုံးအဆင့်မှာပင် ဖော်ထုတ်ပေးမည့် ကမ္ဘာ့ပထမဆုံး AI ပုံစံကို Alibaba ကုမ္ပဏီ ထုတ်ဖော်ပြသ
အစာအိမ်ကင်ဆာကို အစောဆုံးအဆင့်မှာပင် ဖော်ထုတ်ပေးမည့် ကမ္ဘာ့ပထမဆုံး AI ပုံစံကို Alibaba ကုမ္ပဏီ ထုတ်ဖော်ပြသ
Alibaba Group Holding ကုမ္ပဏီက အစာအိမ်ကင်ဆာကို အစောဆုံးအဆင့် မှာပင် ဖော်ထုတ်ပေးနိုင်စေမည့်   AI ပုံစံကို  ထုတ်ဖော်ပြသလိုက်ကြောင်း သိရသည်။ အစာအိမ်ကင်ဆာ ရှာဖွေရေးလုပ်ငန်းစဉ်မှ ဆင်းသက်လာသော အမည်ဖြစ်သည့် Grape ဟုအမည်ပေးထားသော အဆိုပါ စနစ်သည် နက်ရှိုင်းစွာလေ့လာသင်ယူမှု စနစ်တစ်ခုဖြစ်ပြီး သုံးဖက်မြင် CT Scanဓာတ်ပုံများကို လေ့လာဆန်းစစ်ခြင်းဖြင့် အစာအိမ်ကင်ဆာကို ရှာဖွေဖော်ထုတ်နိုင် ခြင်းဖြစ်သည်။လက်ရှိအသုံးပြုနေသော အစာအိမ် ကင်ဆာရှာဖွေစစ်ဆေးမှု လုပ်ငန်းစဉ်တွင် အစာအိမ်မှန်ပြောင်းကြည့်သည့် လုပ်ငန်းစဉ်ပါဝင်သည်။ တရုတ်နိုင်ငံ၌ အစာအိမ် မှန်ပြောင်းကြည့်သည့် လုပ်ငန်းစဉ်ကို လုပ်ဆောင်လိုသူမှာ ၃၀ ရာခိုင်နှုန်းမျှသာရှိ ကြောင်း ကျဲကျန်းကင်ဆာဆေးရုံမှ  အစာ အိမ်ခွဲစိတ်ဆရာဝန်တစ်ဦးကပြောသည်။ယခု Alibaba ကုမ္ပဏီကထုတ်ဖော်ပြ သလိုက်သော Grape ပုံစံက ဓာတ်ရောင်ခြည်  ကျွမ်းကျင်ပညာရှင်များထက် သာလွန်ကာ တုံ့ပြန်နိုင်မှုအပိုင်းတွင် ၈၅ ဒသမ ၁ ရာခိုင်နှုန်းနှင့် တိကျမှုအပိုင်းတွင် ၉၆ ဒသမ ၈ ရာခိုင်နှုန်းရှိကြောင်း တွေ့ရသည်။တုံ့ပြန်နိုင်စွမ်းဆိုသည်မှာ ရောဂါရှာဖွေ တွေ့ရှိနိုင်စွမ်းကို လည်းကောင်း၊ တိကျမှု ဆိုသည်မှာ ကျန်းမာသောလူနာများတွင် မှားယွင်းသော ဖော်ထုတ်ချက်ကို ရှောင် ရှားနိုင်စွမ်းကို လည်းကောင်း ဆိုလိုခြင်း ဖြစ်သည်။ ဓာတ်ရောင်ခြည်ကျွမ်းကျင် ပညာရှင်များ၏တုံ့ပြန်နိုင်မှုနှင့် တိကျမှု တို့မှာ ၂၁ ဒသမ ၈ ရာခိုင်နှုန်းနှင့်    ၁၄ ရာခိုင်နှုန်းစီ အသီးသီးရှိသည်။ယင်းစနစ်ကို Alibaba ကုမ္ပဏီ၏ ဒါမို အကယ်ဒမီနှင့် ကျဲကျန်းကင်ဆာဆေးရုံ တို့ကပူးပေါင်း တီထွင်လိုက်ခြင်းဖြစ်သည်။ထိုစနစ်သည် ကမ္ဘာတစ်ဝန်း၌ အစာအိမ် ကင်ဆာရှာဖွေမှုကို အထောက်အကူပြုစေ မည်ဖြစ်ကြောင်း သိရသည်။MWD Web Portal
Fri, 27-Jun-2025
ဝါဆိုလပြည့်နေ့မှစ၍ ရွှေတိဂုံစေတီတော်တွင် တရားပွဲ၊ သီလခံယူပွဲ နှင့် ဗုဒ္ဓပူဇနိယပွဲတော်များကျင်းသွားမည်
ဝါဆိုလပြည့်နေ့မှစ၍ ရွှေတိဂုံစေတီတော်တွင် တရားပွဲ၊ သီလခံယူပွဲ နှင့် ဗုဒ္ဓပူဇနိယပွဲတော်များကျင်းပသွားမည်
လာမည့် ဝါဆိုလပြည့်နေ့မှစတင်၍ ဝါတွင်းကာလအတွင်းရွှေတိဂုံစေတီတော်မြတ်ကြီးတွင် တရားပွဲ၊ သီလခံယူပွဲ နှင့် ဗုဒ္ဓပူဇနိယပွဲတော်များကျင်းပသွားမည် ဖြစ်သည်ဟု သိရသည်။ကျင်းပရန် စီစဉ်ထားမှုတွင် ဇူလိုင်လ ၉ ရက်( ဝါဆိုလပြည့်နေ့) တွင် ဓမ္မစကြာအခါတော်နေ့အခမ်းအနား၊ ဝါဆိုရွှေကြာသင်္ကန်းကပ်လှူပူဇော်ပွဲအခမ်းအနားကို ကျင်းပမည် ဖြစ်သည်။ဩဂုတ်လ ၈ ရက် (ဝါခေါင်လပြည့်နေ့)တွင် မေတ္တာအခါတော်နေ့အခမ်းအနားနှင့် ပန်းပေါင်း ၈၄,၀၀၀ ပူဇော်ပွဲအခမ်းအနား၊ စက်တင်ဘာလ ၆ ရက် (တော်သလင်းလပြည့်နေ့)၌ ဂရုဓမ္မအခါတော်နေ့အခမ်းအနားကို ကျင်းပမည် ဖြစ်သည်။ထိုနည်းတူ အောက်တိုဘာလ ၅ ရက်(သီတင်းကျွတ်အဖိတ်နေ့) တွင်  သီတင်းကျွတ်မီးထွန်းပွဲတော်အခမ်းအနား၊ အောက်တိုဘာလ ၆ ရက်(သီတင်းကျွတ်လပြည့်)၌ အဘိဓမ္မာ အခါတော်နေ့အခမ်းအနားစသည့်  အခမ်းအနားများကို ကျင်းပသွားမည် ဖြစ်သည်ဟု သိရသည်။ထို့အပြင် ရွှေတိဂုံစေတီတော်မြတ်ကြီး၌ ဝါဆိုလပြည့်နေ့မှစ၍ သီတင်းကျွတ်လပြည့်နေ့အထိ လပြည့်၊ လကွယ်နှင့် ကြားရက် ဥပုသ်နေ့များတွင် ဘုရားဖူးပြည်သူများအနေဖြင့်  ရွှေတိဂုံစေတီတော် ဘဏ္ဍာတော် ထိန်းဂေါပကအဖွဲ့ ဩဝါဒါစရိယဆရာတော်ကြီးများထံမှ သီလခံယူဆောက်တည်နိုင်ရန် သီလခံယူပွဲများစီစဉ်ထားပြီး ရဟန်းရှင်လူ ပြည်သူအများအနေဖြင့် ပါဝင်လှူဒါန်းကုသိုလ်ပြုနိုင်ကြောင်း သိရသည်။Source: Popular Myanmar
Thu, 26-Jun-2025
မကြာမီရက်ပိုင်းအတွင်း အိမ်ရှင်နိုင်ငံအဖြစ်လက်ခံကျင်းပမည့် ၂၀၂၆ အမျိုးသမီး အာရှဖလား ခြေစစ်ပွဲစဉ်
မကြာမီရက်ပိုင်းအတွင်း အိမ်ရှင်နိုင်ငံအဖြစ်လက်ခံကျင်းပမည့် ၂၀၂၆ အမျိုးသမီး အာရှဖလား ခြေစစ်ပွဲစဉ်
၂၀၂၆ အမျိုးသမီး အာရှဖလားပြိုင်ပွဲအတွက် ခြေစစ်ပွဲပြုလုပ်ရာမှာ မြန်မာနိုင်ငံက အိမ်ရှင်နိုင်ငံအဖြစ် ဇွန်(၂၉) ရက်၌ စတင်ကျင်းပတော့မည်ဖြစ်တာကြောင့် မြန်မာအမျိုးသမီးလက်ရွေးစင်အသင်းသည် မိုးထဲရေထဲ အပြင်းအထန်လေ့ကျင့်ပြင်ဆင်နေကြပြီ ဖြစ်သည်။ယခုခြေစစ်ပွဲစဉ်တွင် မြန်မာလက်ရွေးစင်အမျိုးသမီးအသင်းအနေဖြင့် အုပ်စု(ဂ)၌ အိမ်ရှင်မြန်မာအသင်းနှင့်အတူ အိမ်နီးချင်း ဘင်္ဂလားဒေရှ့်၊ ဗဟိုအာရှအသင်းတစ်သင်းဖြစ်သည့် တက်ခ်မင်နစ္စတန်၊ အရှေ့အလယ်ပိုင်းနိုင်ငံ ဘာရိန်း အမျိုးသမီးအသင်းတို့ ယှဉ်ပြိုင်ကစားကြမည် ဖြစ်သည်။ယခုခြေစစ်ပွဲသည် အုပ်စုအတွင်း တစ်သင်းတည်းသာ ခြေစစ်ပွဲအောင်မြင်မည်ဖြစ်သည့်အတွက် ပြိုင်ဘက်အသင်း အားလုံးကို အနိုင်ကစားပြီး အိမ်ကွင်း ပရိသတ်အားပေးမှုနှင့် အခွင့်အရေး ယူသွားနိုင်ရန်လိုအပ်ကြောင်း MFFက မြန်မာပရိတ်သတ်အား နှိုးဆော်ထားသည်။မြန်မာ့လက်ရွေးစင်အမျိုးသမီး အသင်းသည် AFC Women’s Asian Cup သမိုင်းတလျှောက် ၂၀၀၃၊ ၂၀၀၆၊ ၂၀၁၀၊ ၂၀၁၄ ၊ ၂၀၂၂ တို့တွင် အာရှဖလား ခြေစစ်ပွဲများကို အောင်မြင်ခဲ့ပြီး နောက်ဆုံးအဆင့်အထိ တက်ရောက်ကစားခွင့် ရရှိခဲ့သည့် သမိုင်းအစဉ်အလာ ရှိခဲ့ဖူးသည်။အသင်းအနေဖြင့် ဖီဖာအဆင့်သတ်မှတ်ချက်အဆင့် ၅၅ နေရာတွင်ရပ်တည်နေကာ ပြည်တွင်းလိဂ်ကလပ်များရှိ ကစားသမားများဖြင့်အဓိကဖွဲ့စည်းထားသည်။လက်ရှိမြန်မာလက်ရွေးစင်အမျိုးသမီးအသင်းနှင့် တွေ့ဆုံရမည့် ဘင်္ဂလားဒေရှ့် အသင်းသည် ဖီဖာအဆင့် (၁၂၈)ရှိကာ အင်္ဂလန်သား ပရီမီးယားလိဂ် ကစားသမားဟောင်း နည်းပြ ပီတာဘတ္တလာဖြစ်ပြီး၊ ကစားသမား အားလုံးမှာ ဘင်္ဂလားဒေရှ့် အမျိုးသမီးလိဂ် ပြည်တွင်းကစားသမားများဖြင့်သာ ဖွဲ့စည်းထားသော အသင်းတစ်သင်းဖြစ်သည်။ဘာရိန်းအမျိုးသမီး လက်ရွေးစင် အသင်းသည် ဖီဖာအဆင့် (၉၂)ဖြင့် အုပ်စုတွင်း မြန်မာအသင်းပြီးပါက ဖီဖာအဆင့် ဒုတိယအမြင့်ဆုံးအသင်းဖြစ်ကာအသင်းကို ပြည်တွင်းနည်းပြ ခါလစ်အလ်ဟာဘင်က တာဝန်ယူကိုင်တွယ်ထားပြီး ကစားသမားများမှာ ဘာရိန်း၊ ဆော်ဒီအာရေဗျ၊ အမေရိကန်အသင်းများရှိ ကစားသမားများကို အခြေခံဖွဲ့စည်းထားသည်။တာ့ခ်မင်နစ္စတန် အမျိုးသမီးလက်ရွေးစင်အသင်းသည် ဖီဖာအဆင့် ၁၄၁ ဖြစ်ပြီး ပြည်တွင်းနည်းပြ ခါမီလ်မင်ဂါဇို ကတာဝန်ယူထားကာ အသင်းအား ၂၀၁၆ ခုနှစ်မှ စတင်ဖွဲ့စည်းခဲ့ပြီး အမျိုးသမီး အာရှဖလား ခြေစစ်ပွဲစဉ်ကိုယခုနှစ်မှသာ စတင်ဝင်ရောက်ယှဉ်ပြိုင်ခြင်းဖြစ်သည်။ပုံစာ- ခြေစစ်ပွဲစဉ်အတွက် မိုးထဲရေထဲ အပြင်းအထန် လေ့ကျင့်ပြင် ဆင်နေသည့် မြန်မာအမျိုးသမီးလက်ရွေးစင်အသင်းSource: Popular Myanmar
Thu, 26-Jun-2025
၂၀၂၅ ခုနှစ် အပြည်ပြည်ဆိုင်ရာ အိုလံပစ်နေ့အထိမ်းအမှတ် ဂျူဒိုပြိုင်ပွဲ ကျင်းပ
၂၀၂၅ ခုနှစ် အပြည်ပြည်ဆိုင်ရာ အိုလံပစ်နေ့အထိမ်းအမှတ် ဂျူဒိုပြိုင်ပွဲ ကျင်းပ
နေပြည်တော် ဇွန် ၂၅မြန်မာနိုင်ငံအိုလံပစ်ကော်မတီဥက္ကဋ္ဌ အားကစားနှင့်လူငယ်ရေးရာဝန်ကြီးဌာန ပြည်ထောင်စုဝန်ကြီး Jeng Phang နော်တောင်သည် ဒုတိယဝန်ကြီး ဦးထိန်လင်း၊ တာဝန်ရှိသူများနှင့်အတူ ယနေ့မွန်းလွဲပိုင်းတွင် မြန်မာနိုင်ငံ အမျိုးသမီးအားကစားအဖွဲ့ချုပ်မှ တာဝန်ရှိသူများနှင့် တွေ့ဆုံရာ မြန်မာနိုင်ငံ အမျိုးသမီးအားကစားအဖွဲ့ချုပ်ဥက္ကဋ္ဌနှင့် တာဝန်ရှိသူများက အမျိုးသမီးထုကျန်းမာကြံ့ခိုင်စေရေးနှင့် အမျိုးသမီးအားကစားကဏ္ဍ ဖွံ့ဖြိုးတိုးတက်စေရေးတို့အတွက် ဆောင်ရွက်လျက်ရှိသည့် လုပ်ငန်းစဉ်များ၊ ရှေ့ဆက်လက်ဆောင်ရွက်သွားမည့် လုပ်ငန်းအစီအမံများနှင့်ပတ်သက်၍ ဆွေးနွေးတင်ပြကြရာ ပြည်ထောင်စုဝန်ကြီးက လိုအပ်သည်များကို ပေါင်းစပ်ညှိနှိုင်းဖြည့်ဆည်း ဆောင်ရွက်ပေးသည်။ထို့နောက် ပြည်ထောင်စုဝန်ကြီးသည် နေပြည်တော်အားကစားလေ့ကျင့်ရေးစခန်း(Gold Camp)ရှိ ဂျူဒိုလေ့ကျင့်ရေးအားကစားခန်းမ၌ ကျင်းပသည့် (၃၃)ကြိမ်မြောက် အရှေ့တောင်အာရှအား ကစားပြိုင်ပွဲသို့ ဝင်ရောက်ယှဉ်ပြိုင်ရန် စခန်းဝင်လေ့ကျင့်လျက်ရှိသည့် အားကစားသမားများအား လက်ရည်ဆန်းစစ်ခြင်းနှင့် ၂၀၂၅ ခုနှစ် အပြည်ပြည် ဆိုင်ရာအိုလံပစ်နေ့အထိမ်းအမှတ် ဂျူဒိုနှင့် ဂျူဂျစ် ဆုပြိုင်ပွဲယှဉ်ပြိုင်ကစားနေမှုကို ကြည့်ရှုအားပေးသည်။ယနေ့ပြိုင်ပွဲ ပွဲစဉ်များအဖြစ် ဂျူဒို(အမျိုးသား/ အမျိုးသမီး) ခေတ္တပြိုင်ပွဲများနှင့် ဝိတ်တန်းအလိုက် တစ်ဦးချင်းအတိုက်ပြိုင်ပွဲများ၊ ဝိတ်တန်းအလိုက် ဂျူဂျစ်ဆုအတိုက်ကစားပြိုင်ပွဲများကို ယှဉ်ပြိုင်ကစားခဲ့ကြသည်။ပြိုင်ပွဲများအပြီးတွင် ဆုပေးပွဲအခမ်းအနားကို ဆက်လက်ကျင်းပပြီး ပြည်ထောင်စုဝန်ကြီး၊ ဒုတိယဝန်ကြီးနှင့် တာဝန်ရှိသူများက ပြိုင်ပွဲများတွင် ဆုရရှိကြသူများကို တစ်ဦးချင်းဆုတံဆိပ်နှင့် အမှတ်တရ လက်ဆောင်ပစ္စည်းများ ပေးအပ်ချီးမြှင့်ခဲ့ကြောင်း သိရသည်။MOI
Thu, 26-Jun-2025
© Copyright 2024 SAC All Rights Reserved.