အင်အားကြီးငလျင်ကြောင့် မဟာမြတ်မုနိဘုရားကြီး အပါအဝင် ရှေးဟောင်းစေတီ၊ အဆောက်အဦး (၆၀) ကျော် ထိခိုက်ပျက်စီး

saceditor

News Image

  • အင်အားကြီးငလျင်ကြောင့် မဟာမြတ်မုနိဘုရားကြီး အပါအဝင် ရှေးဟောင်းစေတီ၊ အဆောက်အဦး (၆၀) ကျော် ထိခိုက်ပျက်စီး
  • အင်အားကြီးငလျင်ကြောင့် မဟာမြတ်မုနိဘုရားကြီး အပါအဝင် ရှေးဟောင်းစေတီ၊ အဆောက်အဦး (၆၀) ကျော် ထိခိုက်ပျက်စီး
  • အင်အားကြီးငလျင်ကြောင့် မဟာမြတ်မုနိဘုရားကြီး အပါအဝင် ရှေးဟောင်းစေတီ၊ အဆောက်အဦး (၆၀) ကျော် ထိခိုက်ပျက်စီး

အင်အားကြီးငလျင်ကြောင့် မန္တလေး မဟာမြတ်မုနိဘုရားကြီး အပါအဝင် ရှေးဟောင်းစေတီ၊ အဆောက်အဦး (၆၁) ခု ထိခိုက်ပျက်စီးခဲ့ကြောင်း သိရသည်။

မတ်လ ၂၈ ရက်၊ မွန်းလွဲ ၁၂ နာရီ ၅၁ မိနစ်က အင်အားရစ်ချ်တာစကေး(၇ ဒသမ ၇) ရှိ အင်အားအလွန်ပြင်းထန်သော မြေငလျင်လှုပ်ခတ်မှုကြောင့် စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ရှမ်းပြည်နယ်၊ နေပြည်တော်ကောင်စီနယ်မြေ နှင့် ပဲခူးတိုင်းဒေသကြီးတို့တွင် ငလျင်ဒဏ်ကို ပြင်းပြင်းထန်ထန်ခံစားခဲ့ရပြီး အသက်အိုးအိမ်များ ပျက်စီးဆုံးရှုံးခဲ့ကြရသည်။

အဆိုပါ ပျက်စီးဆုံးရှုံးမှုများအတွင်း သာသနိကအဆောက်အဦများ ဘုရားစေတီများ၊ ရှေးဟောင်းအမွေအနှစ်များစွာပါဝင်ခဲ့ပြီး မန္တလေးမြို့ ရှိ မဟာမုနိ ဘုရားကြီး၊ ကုသိုလ်တော်ဘုရား၊ မန္တလေးမြို့ရိုး၊ မစိုးရိမ်စာသင်တိုက်၊ မန္တလေးနာရီစင်၊ စိန်ဂျိုးဆက်ဘုရားကျောင်း ၊ မန္တလေးတက္ကသိုလ်၊ ရွှေစာရံဘုရားတို့ ထိခိုက်ပျက်စီးမှုအချို့ရှိခဲ့ကြောင်း သိရသည်။

ထို့ပြင် စစ်ကိုင်းမြို့တွင်လည်း စစ်ကိုင်းတံတား၊ ဆွမ်းဦးပုညရှင်စေတီ၊ ဂျပန်ဘုရား၊ ဥမင်သုံးဆယ်ဘုရား၊ ကောင်းမှုတော်စေတီတော်၊ တောင်ပေါ်သီလရှင်တိုက်၊ ကမ္ဘာကျော်ကျောင်း၊ လေးကျွန်းမြေ အုတ်ကျောင်း၊စေတီလှ၊ ၉ ပေစေတီတော် နှင့် ကျောင်းတိုက်(စစ်ကိုင်း)၊ ကက်ကြေးဆေးလိပ်တိုက်၊ ထူပါရုံကျောင်း၊ မဟာခိုနန်းကျောင်း၊ ငါးထပ်ကြီးကျောင်းတို့လည်း ထိခိုက်ပျက်စီးခဲ့ရကြောင်း သိရသည်။
အလားတူ အမရပူရမြို့နယ်တွင်လည်း နဂါးရုံဘုရား၊ နန်းဦးဆုတောင်းပြည့်ဘုရား၊ ပုထိုးတော်ကြီး၊ရွှေဂူကြီး၊ရွှေရင်းရဲစေတီ၊ တောင်တမံ ဗူးဘုရား၊ စန္ဓာမုနိဘုရား၊ တောင်မင်းကြီးဘုရား၊ ဆင်ကြိုရွှေဂူကပ်ကျောင်း၊ ပိဋကက်ကျောင်းတိုက်၊ ကွန်ရင်စီကျောင်း၊သက်တော်ရှည်၊ သက်တော်ရ၊ ဦးလင်းဘုရား၊ ကျွန်းကျောင်း၊ ဘုရားသုံးဆူ၊ ဗားကရာအုတ်တံတိုင်း၊ ရွှေတိုက် (ရဲတိုက်)၊ နန်းမြင့် (ရဲတိုက်)နှင့် ရတနာမဉ္ဇူ ဘုရားတို့တွင်လည်း ပျက်စီးမှုအချို့ ရှိခဲ့ကြောင်း သိရသည်။

ပင်းယမြို့ဟောင်းတွင်လည်း ရှေးဟောင်းစေတီ၊ အဆောက်အဦများဖြစ်သည့် ရွှေစည်းခုံ(ပင်းယ)၊ရွှေတောင်တော်စေတီ၊ အောင်စည်းခုံ စေတီ၊ ဂူကြီးသုံးလုံး၊ ဆေးအိုးဖိုအုပ်စု၊ မင်္ဂလာစေတီအုပ်စုတို့အပါအဝင် အင်းဝမြို့ဟောင်းရှိ မယ်နုအုတ်ကျောင်းလေးထပ်ကြီးကျောင်း၊ တောင်ဘီလူးရွာ လောကထိပ်ဦးဘုရား၊ ရတနာဆီမီးဘုရား၊ ဆင်ကျုံးခံတပ်ကျောက်စာ၊ နန်းမြင့်မျှော်စင်၊ လောကသရဖူ၊ လောကထိပ်ဦး၊ ရွှေစည်းခုံစေတီတော်(အင်းဝ)၊ သစ္စာတိုက်ဘုရားတို့သည့်လည်း ပြိုကျပျက်စီးမှုအချို့ရှိခဲ့ကြောင်း သိရသည်။

ထို့ပြင် ကျောက်ဆည်မြို့ရှိ တမုတ်ရွှေဂူကြီးဘုရား၊ မင်းကွန်းရှိ မြသိန်းတန်စေတီ၊ မင်းကွန်းပုထိုးတော်ကြီး၊ ရှမ်းပြည်နယ်၊ မောက်မယ်မြို့ရှိ မောက်စံကျောင်းနှင့် ပြည်မြို့၊ မှော်ဇာမြို့အနီး သုံးပန်လှကျောင်းတို့သည်လည်း ထိခိုက်ပျက်စီးခဲ့ကြောင်း သိရသည်။

Source​: NP News 

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

တရုတ်က Shenzhou-20 အာကာသယာဉ်ကိုလွှတ်တင်
တရုတ်က Shenzhou-20 အာကာသယာဉ်ကိုလွှတ်တင်
တရုတ်နိုင်ငံက   ၎င်းတို့၏ကိုယ်ပိုင်အာကာသစခန်းဖြစ်သည့်   ထျန်းကုန်း၌ သိပ္ပံစမ်းသပ်ချက်များစွာကို လုပ်ဆောင်မည့် Shenzhou-20 အာကာသယာဉ်ကို ဧပြီလ ၂၄ ရက်တွင် အောင်မြင်စွာလွှတ်တင်လိုက် ကြောင်းသိရသည်။အဆိုပါအာကာသယာဉ်တွင် အာကာသယာဉ်မှူးသုံးဦးလိုက်ပါသွားပြီး ၎င်းတို့အနေဖြင့် အာကာသအတွင်းနေထိုင်မည့် သူများ ဒဏ်ရာရရှိပါက လွယ်လင့်တကူ ကုသမှုပေးနိုင်မည့် သိပ္ပံစမ်းသပ်ချက်များ၊ ထျန်းကုန်းအာကာသစခန်းကို အာကာသ အတွင်းလွင့်မျောနေသည့်အမှိုက်သရိုက်များ၏ ထိခိုက်မှုအန္တရာယ်များမှကာကွယ်ပေးနိုင်မည့်စနစ်များကို တပ်ဆင်စမ်းသပ်မှုများလုပ်ဆောင်သွားမည်ဖြစ်သည်။Shenzhou-20 အာကာသယာဉ်ကို Long March 2F ဒုံးပျံပေါ်တွင်တင်ဆောင်၍ တရုတ်နိုင်ငံအနောက်မြောက်ပိုင်းရှိ ကျူကွမ်ဂြိုဟ်တုလွှတ်တင်ရေးစင်တာမှ ဒေသစံတော်ချိန် ညနေ ၅ နာရီ ၁၇ မိနစ် တွင်လွှတ်တင်လိုက်ခြင်းဖြစ်သည်။ ၅ နာရီ ၃၆ မိနစ်တွင်မူ အာကာသယာဉ်သည် ပတ်လမ်းအတွင်းသို့အောင်မြင်စွာဝင်ရောက်သွားကြောင်းသိရသည်။      Ref: SCMPSource: https://myawady.net.mm/ 
Fri, 25-Apr-2025
ထူးခြားမြစ်ရေ မြင့်တက်ခဲ့သည့် ဧရာဝတီမြစ်
ထူးခြားမြစ်ရေ မြင့်တက်ခဲ့သည့် ဧရာဝတီမြစ်
ဧရာဝတီမြစ်ရေသည် ယနေ့ ဧပြီ ၂၄ ရက်နေ့ (၁၂)နာရီခွဲအချိန် တိုင်းထွာချက်အရ မြစ်ကြီးနားမြို့တွင် (၄၈၈) စင်တီမီတာသို့ရောက်ရှိခဲ့ကာ (၁)ရက်အတွင်း (၇)ပေခွဲခန့်မြင့်တက်ခဲ့သည့်အတွက် ထူးခြားမြစ်ရေမြင့်တက်ခဲ့ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနက အသိပေးချက်အရ သိရသည်။ဧရာဝတီမြစ် အထက်ပိုင်းတွင်မြင့်တက်ခဲ့သည့် အဆိုပါမြစ်ရေသည် နောက်(၁) ရက်မှ (၅)ရက်အတွင်း ဗန်းမော်၊ ရွှေကူ၊ ကသာနှင့်သပိတ်ကျင်းမြို့တို့တွင် (၅)ပေခွဲမှ (၉)ပေခွဲခန့် မြင့်တက်လာနိုင်ကြောင်း ဆိုသည်။ထို့နည်းတူ နောက်(၅)ရက်မှ (၈)ရက်အတွင်း မန္တလေး၊ စစ်ကိုင်း၊ မြင်းမူ၊ ပုခုက္ကူ၊ ‌ညောင်ဦးမြို့တို့တွင် (၄)ပေခွဲမှ (၅)ပေခွဲခန့်၊ နောက်(၈)ရက်မှ (၁၃)ရက်အတွင်း ချောက်၊ မင်းဘူး၊ မကွေး၊ အောင်လံ၊ ပြည် ၊ ဆိပ်သာ ၊ ဟင်္သာတနှင့်ဇလွန်မြို့တို့တွင် (၃)ပေခွဲမှ(၄)ပေခွဲအထိ လက်ရှိရေမှတ်များအထက်မြင့်တက်လာနိုင်သည်ဟု အသိပေးထားသည်။ထို့ကြောင့် မြစ်ကြောင်းများအတွင်းလာနေသည့် ရေယာဉ်၊ လှေ၊ သင်္ဘောများအနေဖြင့် ဂရုပြုသင့်ကြောင်းနှင့်သဲသောင်ခုံများတွင် စိုက်ပျိုးရေးလုပ်ကိုင်နေထိုင်ကြသူများအနေဖြင့်လည်း မြစ်ရေတိုးလာနိုင်သည်ကို ဂရုပြုနေထိုင်သင့်သည်ဟု မိုး/ဇလ ကအသိ ပေးထားသည်။Source: Popular Myanmar
Fri, 25-Apr-2025
ဘိလပ်မြေစျေးမြှင့်ပြီးရောင်းသည့် အရောင်းဆိုင် (၆၀)ကျော်ကို အရေးယူရန်ဆောင်ရွက်နေ
ဘိလပ်မြေစျေးမြှင့်ပြီးရောင်းသည့် အရောင်းဆိုင် (၆၀)ကျော်ကို အရေးယူရန်ဆောင်ရွက်နေ
ဘိလပ်မြေဝယ်လိုအားမြင့်တက်နေချိန်တွင် စျေးကွက်အတွင်း၌ စျေးနှုန်းမြှင့်တင်ပြီးရောင်းချနေသည့် အရောင်းဆိုင်(၆၀)ကျော်ကို အရေးယူနိုင်ရန်ဆောင်ရွက်လျက်ရှိကြောင်း သိရသည်။တာဝန်ရှိသူများပါဝင်သော ပူးပေါင်းအဖွဲ့ဝင်များသည် နေပြည်တော်ရှိ မြို့နယ်(၈)မြို့နယ်မှ ဆောက်လုပ်ရေးသုံးပစ္စည်းဆိုင်(၅၉)ဆိုင်နှင့် ဂိုထောင်(၁)လုံး၊ ရန်ကုန်တိုင်းရှိ မြို့နယ်(၃၄)မြို့နယ်မှ ဆောက်လုပ်ရေးသုံးပစ္စည်းဆိုင်(၈၇)ဆိုင်နှင့် ပြည်ပမှ ဘိလပ်မြေတင်သွင်းရောင်းချသည့် ကုမ္ပဏီ(၃)ခု၊ မန္တလေးတိုင်းရှိ မြို့နယ်(၁၁)မြို့နယ်မှ ဆောက်လုပ်ရေးသုံးပစ္စည်းဆိုင်(၈၈)ဆိုင်တို့ကို စစ်ဆေးခဲ့ကြသည်။ထို့ပြင် ပဲခူးတိုင်းရှိ မြို့နယ်(၃)မြို့နယ်မှ ဆောက်လုပ်ရေးသုံးပစ္စည်းဆိုင်(၁၉)ဆိုင်၊ စစ်ကိုင်းတိုင်းရှိ စစ်ကိုင်းမြို့နယ်မှ ဆောက်လုပ်ရေးသုံးပစ္စည်းဆိုင်(၄)ဆိုင်၊ ရှမ်းပြည်နယ်ရှိ မြို့နယ်(၃)မြို့နယ်မှ ဆောက်လုပ်ရေးသုံးပစ္စည်းဆိုင်(၅၉)ဆိုင်တို့ကို ဧပြီ ၂၃ ရက်ကကွင်းဆင်းစစ်ဆေးခဲ့ကြသည်။ထိုသို့ စစ်ဆေးရာမှ ဝယ်ရင်းဈေးထက် အမြတ် ရာခိုင်နှုန်း ၁၀ ရာခိုင်နှုန်းမှ ၁၅ ရာခိုင်နှုန်းအထိအမြတ်ယူရောင်းချလျက်ရှိသည့်(၃၀)ဆိုင်၊ ဝယ်ရင်းဈေးထက် အမြတ်ရာခိုင်နှုန်း ၁၅ ရာခိုင်နှုန်းနှင့်အထက် အမြတ်ယူရောင်းချလျက်ရှိသော(၃၂)ဆိုင်နှင့် ဘိလပ်မြေအိတ်များအား မသမာသည့်နည်းလမ်းဖြင့် ပြုလုပ်ရောင်းချသည့် တောင်ကြီးမြို့ အနောက်မြို့ပတ်လမ်း၊ ရတနာသီရိရပ်ကွက်တွင် ဖွင့်လှစ်ထားသော ပြည့်စုံအောင်အိမ်ဆောက်ပစ္စည်းအရောင်းဆိုင်ပိုင်ရှင် စိုးတင့်အောင်အပါအဝင် (၈)ဦး တို့ကို ဥပဒေအရအရေးယူနိုင်ရန် ဆက်လက်ဆောင်ရွက်လျက်ရှိသည်။ထို့ပြင် ပူးပေါင်းအဖွဲ့ဝင်များသည် အိမ်ဆောက်ပစ္စည်းများနှင့် ဘိလပ်မြေဈေးနှုန်းများကို စျေးနှုန်းမြင့်မားစွာမြှင့်တင်ရောင်းချသူများအား ဆက်လက်ဖော်ထုတ်အရေးယူနိုင်ရေးဆောင်ရွက်လျက်ရှိသည်။Source: Popular Myanmar
Fri, 25-Apr-2025
အပူဒဏ်အန္တရာယ်ကာကွယ်ရေးနှိုးဆော်ချက်
အပူဒဏ်အန္တရာယ်ကာကွယ်ရေးနှိုးဆော်ချက်
နွေရာသီတွင် ရာသီဥတုပူပြင်းလာပြီ ဖြစ်သဖြင့် ခန္ဓာကိုယ်အတွင်းရှိ ရေနှင့်ဓာတ်ဆားဓာတ်များ ဆုံးရှုံးမှု ပိုမိုများပြားပါသည်။ အပူဒဏ် အန္တရာယ်ကြောင့် မိတ်နှင့် ယားဖုများထွက်ခြင်း၊ ပင်ပန်းနွမ်းနယ်ခြင်း၊ မူးဝေခြင်း၊ ခေါင်းကိုက်ခြင်း၊ ကြွက်တက်ခြင်း၊ ချွေးခြောက်ခြင်း၊ ကိုယ်အပူချိန်မြင့်တက်ခြင်း၊ သတိလစ်ခြင်းတို့အပြင် ပြင်းထန်စွာခံစားရပါက အသက်အန္တရာယ် ထိခိုက်နိုင်ပါသည်။ပြည်သူများအနေဖြင့် အပူဒဏ်အန္တရာယ်ကြောင့် မလိုလားအပ်သော အကျိုးဆက်များ မဖြစ်ပေါ်စေရေးအတွက် (၁) ကလေးသူငယ်များ၊ သက်ကြီးရွယ်အိုများနှင့် ဆီးချိုရောဂါ၊ နှလုံးရောဂါ၊ သွေးတိုးရောဂါအခံရှိသူများအနေဖြင့် နေ့လယ်နေ့ခင်းအချိန်တွင် အရိပ်ရာအေးမြ၍ လေဝင်လေထွက်ကောင်းသော နေရာများတွင် နားနေပါ။(၂) ပူပြင်းသည့် နေရောက်အောက်တွင် ပြင်းထန်စွာအလုပ်လုပ်ခြင်းနှင့် ကိုယ်လက်လှုပ်ရှားမှုပြုလုပ်ခြင်းတို့ကို ရှောင်ကြဉ်ပါ။(၃) ပူပြင်းသည့်နေရောင်အောက်တွင် သွားလာလှုပ်ရှားရန်၊ အလုပ်လုပ်ရန် လိုအပ်ပါကလည်း အရိပ်လုံလောက်စွာရနိုင်သည့် ဦးထုပ်များ ဆောင်းသွားပါ။ အရိပ်ရအေးမြသည့် နေရာများတွင် ခေတ္တ အနားယူခြင်းကိုလည်း မကြာခဏ ပြုလုပ်ပါ။(၄) အလင်းပြန်သော အဖြူရောင် (သို့မဟုတ်) အရောင်ဖျော့သော ပွပွချောင်ချောင် ချည်ထည်များကို ဝတ်ဆင်ပါ။ (၅) နေပူထဲမှ ပြန်လာပြီး ချက်ချင်းရေချိုးခြင်းနှင့် နံနက် (၁၀)နာရီမှ ညနေ (၅) နာရီအထိ လွင်တီးခေါင်ပြင်၊ မြစ်ကမ်းနား၊ ရေချိုးဆိပ်များ၌ အဝတ်လျှော်ဖွပ်ခြင်း၊ ရေချိုးခြင်း စသည်တို့ကို ရှောင်ကြဉ်ပါ။(၆) ပူပြင်းသော နေရောင်အောက်တွင် အလွန်အေးသောအခန်းနှင့် ကားအတွင်းမှ ပူပြင်းသော နေရောင်ထဲသို့ ချက်ချင်းထွက်ခြင်းနှင့် အလွန်အေးသော အခန်းနှင့် ကားအတွင်းသို့ ချက်ချင်းဝင်ရောက်ခြင်းတို့ကို ရှောင်ကြဉ်ပါ။ (၇) အရက်သေစာသောက်သုံးခြင်းကြောင့် အပူဒဏ်အန္တရာယ်ကို ပိုမိုခံစားရစေနိုင်ပြီး ဖြစ်ပွားပါက ပိုမို ပြင်းထန်စွာ ခံစားရနိုင်သဖြင့် ရှောင်ကြဉ်ပါ။(၈) ခန္ဓာကိုယ်အတွင်း ရေနှင့်ဓာတ်ဆားဓာတ်များ ဆုံးရှုံးမှုမဖြစ်ပေါ်စေရန်နှင့် ရေနှင့် ဓာတ်ဆားရည်ကို လုံလောက်အောင် သောက်သုံးပါ။(၉) မိတ်နှင့်ယားဖုများ ထွက်ပါက ရေအေးဝတ်ကပ်ခြင်း၊ သနပ်ခါးလိမ်းခြင်းတို့ကို ပြုလုပ်ပါ။(၁၀)      အပူဒဏ်အန္တရာယ်ခံစားနေရသော လူနာအား အရိပ်ရအေးမြ၍ လေဝင်လေထွက်ကောင်းသော နေရာတွင်ထားရှိခြင်း၊ ရေနှင့်ဓာတ်ဆားရည်များ သောက်သုံးစေခြင်း၊ လူနာ၏ ခန္ဓာကိုယ်အပူချိန်အမြန်ကျဆင်းစေရန် နဖူး၊ လည်ပင်း၊ ချိုင်းကြား (၂) ဖက်နှင့် ပေါင်ခြံ (၂) ဖက်တို့အား ရေအေးပတ်တိုက်ပေးခြင်း စသည်တို့အား ဦးစွာဆောင်ရွက်၍ နီးစပ်ရာဆေးရုံ/ ဆေးခန်း/ ကျန်းမာရေးဌာနသို့ အမြန်ဆုံး သွားရောက်ပြသ၍ ကုသမှုခံယူစေပါ။ကိုးကား-MRTV 
Thu, 24-Apr-2025
Meta ၏ဉာဏ်ရည်တုသည် လူကဲ့သို့မြင်နိုင်၊ ဆင်ခြင်နိုင်၊ ပူးပေါင်းနိုင်ပြီ
Meta ၏ဉာဏ်ရည်တုသည် လူကဲ့သို့မြင်နိုင်၊ ဆင်ခြင်နိုင်၊ ပူးပေါင်းနိုင်ပြီ
Meta ၏ FAIR အဖွဲ့သည် စက်ရုပ်၏မြင်သိနားလည်မှုနှင့် ဉာဏ်ရည်ကို တော်လှန်ရန် ရည်ရွယ်၍ ဒီဇိုင်းထုတ်တီထွင်ထားသော အစဉ်အလာမှ ဖေါက်ထွက်သော ကိရိယာငါးခုကို ထုတ်ဖော်ပြသခဲ့သည်။ ဤကိရိယာများသည် ပိုမိုပြတ်သားသောအမြင်၊ လေးနက်သော ကျိုးကြောင်းဆင်ခြင်မှုနှင့် လူမှုဆက်ဆံရေးအသိအမြင်ကို မြှင့်တင်ပေးပါသည်။စက်ရုပ်များသည် သဘာဝဘာသာစကားကို အသုံးပြု၍ အရာဝတ္တုများကို မှတ်သားရှာဖွေဖော်ထုတ်နိုင်သည်၊ လူသားများနှင့် ထိထိရောက်ရောက် ပူးပေါင်းလုပ်ဆောင်နိုင်သည်၊ ကိုယ်တိုင်လည်း လွတ်လပ်စွာ လေ့လာသင်ယူနိုင်ပြီဖြစ်သည်။ ၎င်းသည် ပိုမိုထက်မြက်သော AI သက်သက်မျှသာ မဟုတ်ပါ။ ဉာဏ်ရည်တု AI သည် အာရုံဖြင့်သိနိုင်စွမ်းရှိသည်၊ တွေးခေါ်နိုင်စွမ်းရှိသည်၊ ညှိနှိုင်းနိုင်စွမ်းရှိသော မိတ်ဖက်တစ်ဦးကဲ့သို့လည်း ဖြစ်လာပါသည်။Source: Popular Myanmar
Thu, 24-Apr-2025
တရုတ်နိုင်ငံက လပေါ်တွင် နျူကလီးယား ဓာတ်အားပေးစက်ရုံ တည်ဆောက်ရန် စဉ်းစားနေ
တရုတ်နိုင်ငံက လပေါ်တွင် နျူကလီးယား ဓာတ်အားပေးစက်ရုံ တည်ဆောက်ရန် စဉ်းစားနေ
တရုတ်နိုင်ငံက  ရုရှားနိုင်ငံနှင့်ပူးတွဲတည်ဆောက်ရန် စီစဉ်နေသည့် အပြည်ပြည်ဆိုင်ရာ   လသုတေသနစခန်းကို လျှပ်စစ်ဓာတ်အားပေးနိုင်စေရေးအတွက် လ ပေါ်တွင် နျူကလီးယားဓာတ်အားပေးစက်ရုံတစ်လုံးကို တည်ဆောက်ရန် စဉ်းစားနေကြောင်း အရာရှိကြီးတစ်ဦး၏ ဧပြီလ ၂၃ ရက်တင်ပြချက်တစ်ခုတွင် ဖော်ပြထားသည်ကိုတွေ့ရသည်။တရုတ်နိုင်ငံသည် ၂၀၃၀ ပြည့်နှစ်တွင် လပေါ်သို့ အာကာသယာဉ်မှူးများကို စေလွှတ်ပြီး လူနေထိုင်နိုင်သော အမြဲတမ်း အခြေစိုက်စခန်းတစ်ခုကို တည်ဆောက်ရန် ဆောင်ရွက်လျက်ရှိသည်။မူလက လပေါ်တွင်လိုအပ်သောလျှပ်စစ်ဓာတ်အားများအတွက် အလွန်ကြီးမားသော ဆိုလာပြားများကို တပ်ဆင်အသုံးပြုသွားမည်ဟု တရုတ်နိုင်ငံကရည်ရွယ်ထားသည်။ ထိုအချိန်က လပေါ်တွင် နျူကလီးယား ဓာတ်အားပေးစက်ရုံ တည်ဆောက်၍ လျှပ်စစ်ဓာတ်အားပေးရန် ရုရှားအစိုးရက အဆိုပြုခဲ့ခြင်းဖြစ်သည်။ယခုအခါ ရှန်ဟိုင်းမြို့တွင်လုပ်ဆောင်ပြီး နိုင်ငံပေါင်း ၁၇ နိုင်ငံနှင့် နိုင်ငံတကာ အဖွဲ့အစည်းများမှ တာဝန်ရှိသူများတက်ရောက်သည့် အခမ်းအနားတစ်ခု၌ တရုတ်တာဝန်ရှိသူ တစ်ဦးဖြစ်သည့် ပိုင်ကျိုးယုကလပေါ်တွင် နျူကလီးယားဓာတ်အားပေးစက်ရုံတည်ဆောက်သွားမည်ဟု အတည်ပြုပြောခဲ့ခြင်းဖြစ်သည်။အနာဂတ်တွင် အပြည်ပြည်ဆိုင်ရာလ သုတေသနစခန်း၌ လက်တွဲအလုပ်လုပ်ရန် နိုင်ငံပေါင်း ၅၀၊ သုတေသနအဖွဲ့ ၅၀၀ နှင့် ပြည်ပသုတေသီ ၅၀၀၀ တို့ကို တရုတ်အစိုးရက ဖိတ်ခေါ်သွားမည်ဖြစ်သည်။Source: https://myawady.net.mm/နည်းပညာသတင်း 
Thu, 24-Apr-2025
© Copyright 2024 SAC All Rights Reserved.