အိမ်နီးချင်းများကို အစောကြီး အိပ်ရာထခိုင်းသည့် ကြက်ဖ၏ ပိုင်ရှင် ဒဏ်ရိုက်ခံရ

saceditor

News Image

  • အိမ်နီးချင်းများကို အစောကြီး အိပ်ရာထခိုင်းသည့် ကြက်ဖ၏ ပိုင်ရှင် ဒဏ်ရိုက်ခံရ

အိမ်နီးချင်းများကို မိုးသောက်ယံ၊ နံနက် ၅ နာရီ အိပ်ရာထရန် နှစ်ပေါင်းများစွာ နှိုးဆွမြည်တွန်ပေးခဲ့သည့် ကြက်ဖအား ပိုင်ဆိုင်သူ Harold Brown ကို ပတ်ဝန်းကျင် အိပ်စက်မှုကို အနှောင့်အယှက်ဖြစ်စေသည်ဟု စွဲချက်တင်ကာ ဒဏ်ကြေး ပေါင် ၄,၀၀၀ နီးပါး ပေးဆောင်ရန် တရားရုံးက အမိန့် ချမှတ်လိုက်ပါသည်။

New Forest ခရိုင်ကောင်စီ (NFDC) က Brown ၏ ကြက်ဖသည် ပတ်ဝန်းကျင် လက်မခံနိုင်သော ဆူညံသံများ ဖန်တီးခဲ့သည်ဟု စစ်ဆေးတွေ့ရှိခဲ့ပါသည်။ ၂၀၂၂ ခုနှစ်၊ အောက်တိုဘာလတွင် Hampshire ရှိ Brown ၏ နေအိမ်အနီး နေထိုင်သည့် အိမ်ထောင်စု ၈ စု ၏ စတင် တိုင်ကြားမှုများအပေါ် အဆင့်ဆင့် စစ်ဆေးလာရာ အဆိုပါ ဆုံးဖြတ်ချက် ချမှတ်ခဲ့ခြင်း ဖြစ်သည်။ 

“မိမိ၏ ကြက်ဖအသံက ၎င်း၏ပင်ကို သဘာဝအသံသာဖြစ်ပြီး ကျေးလက်နေထိုင်မှုအစိတ်အပိုင်းတစ်ခုသာ ဖြစ်ပါသည်” ဟု Brown က ခုခံပြောဆို ခဲ့သော်လည်း တရားရုံးက ဆူညံသံသည် ဥပဒေအရ လွန်ကဲနေသည်ဟု ယူဆခဲ့ပါသည်။ 

ထို့ပြင် Brown အနေဖြင့် ကြက်ဖအား နံနက် ၇ နာရီအထိ သီးသန့်နေရာ တွင်ထားရန် သို့မဟုတ် အသံကာကွယ်သည့် အဆောက်အဦဆောက်ရန် အကြံပြုခံခဲ့ရပါသည်။

ကိုးကား- The Guardian 

ဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

ရန်ကုန်-ပဲခူးကားလမ်းတွင် လမ်းဘေးရပ်ထားသည့် ၁၈ ဘီးကားကို ၆ ဘီးကားကအနောက်မှဝင်တိုက် ၁ ဦး‌သေဆုံး
ရန်ကုန်-ပဲခူးကားလမ်းတွင် လမ်းဘေးရပ်ထားသည့် ၁၈ ဘီးကားကို ၆ ဘီးကားကအနောက်မှဝင်တိုက် ၁ ဦး‌သေဆုံး
ရန်ကုန်တိုင်း၊ လှည်းကူးမြို့နယ်ရှိ ရန်ကုန်-ပဲခူးကားလမ်းမကြီးပေါ်တွင် လမ်းဘေးရပ်ထားသည့် ၁၈ ဘီးကားကို ၆ ဘီးကားမှဝင်တိုက်မိခဲ့မှု မေလ ၄ ရက် မွန်းတည့် ၁၂ နာရီကျော်ခန့်ကဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရသည်။လှည်းကူးမြို့နယ်၊ ရဲမွန်ကျေးရွာရှိ ရန်ကုန်-ပဲခူးကားလမ်းမဘေးတွင်ရပ်ထားသော NISSAN (၁၈)ဘီးကားအား MITSUBISHI CANTER (၆)ဘီးကားက အရှိန်မထိန်းနိုင်ဘဲနောက်မှဝင်တိုက်မိကာ ကားခေါင်းခန်းအတွင်း၌ လူညပ်နေသဖြင့် လှည်းကူးမြို့နယ်မီးသတ်စခန်း၊ မင်္ဂလာဒုံမြို့နယ်မီးသတ်စခန်းတို့မှတပ်ဖွဲ့ဝင်များက ကယ်ဆယ်မှုများပြုလုပ်ခဲ့ကြကြောင်း သိရသည်။ဖြစ်စဥ်ကြောင့် ၆ ဘီးကားပေါ်မှ အမျိုးသားတစ်ဦး ထိခိုက်ဒဏ်ရာများရရှိ၍ အခင်းဖြစ်နေရာ၌‌ သေဆုံးသွားခဲ့ပြီး အမျိုးသား(၂)ဦးနှင့် အမျိုးသမီး(၂)ဦးတို့တွင်လည်း ထိခိုက်ဒဏ်ရာများ (စိုးရိမ်ရနှင့် မစိုးရိမ်ရ) ရရှိခဲ့ကြောင်း သိရသည်။ထို့ကြောင့် ‌သေဆုံးသူ၏ ရုပ်အလောင်းနှင့် ထိခိုက်ဒဏ်ရာရသူများအား လှည်းကူးမြို့နယ် ကြက်ခြေနီသူနာပြုတပ်ဖွဲ့၊ ဓမ္မဂုဏ်ရောင် လူမှုကူညီရေးအသင်း၊ ဂရုဏာ လူမှုကူညီရေးအသင်း၊ Medical လူငယ်များ လူမှုကူညီရေးအသင်းတို့မှ လှည်းကူးမြို့နယ်ပြည်သူ့ဆေးရုံသို့ပို့ဆောင်ပေးခဲ့ကြကြောင်း သိရသည်။Source: Popular Myanmar
Mon, 5-မေလ-2025
မနီလာလေဆိပ် ဝင်ပေါက်အတွင်း ယာဉ်တိုက်မှုဖြစ်၍ လူနှစ်ဦး သေဆုံး
မနီလာလေဆိပ် ဝင်ပေါက်အတွင်း ယာဉ်တိုက်မှုဖြစ်၍ လူနှစ်ဦး သေဆုံး
ဖိလစ်ပိုင်နိုင်ငံ မြို့တော်မနီလာရှိ နီနွိုင်အကွီနို နိုင်ငံတကာလေဆိပ်(အင်န်အေအိုင်အေ) ဝင်ပေါက်အတွင်း မေလ ၄ ရက်နေ့က ယာဉ်တိုက်မှုဖြစ်ခဲ့သောကြောင့် လေးနှစ်အရွယ် မိန်းကလေးအပါအဝင် လူနှစ်ဦး ‌သေဆုံးခဲ့ပြီး အများအပြားဒဏ်ရာရခဲ့သည်ဟု ကြက်ခြေနီအဖွဲ့က ပြောကြားခဲ့သည်။ယာဉ်သည် အင်န်အေအိုင်အေ တာမင်နယ်ဝမ်း ဝင်ပေါက်အနီးရှိ အပြင်လက်ရန်းကို ဝင်တိုက်ကာ လျှောက်လမ်းအတွင်း ဝင်ရောက်ခဲ့သည်ဟု ယာဉ်တိုက်မှုနှင့် ပတ်သက်၍ သတင်းထုတ်ပြန်ရာတွင် လေဆိပ်က ပြောကြားခဲ့သည်။“အထူးသဖြင့် ဆိုရှယ်မီဒီယာပေါ်မှ ပျံ့နှံ့ခဲ့တဲ့ ဓါတ်ပုံတွေကြောင့် ဒီဖြစ်ရပ်နဲ့ပတ်သက်တဲ့ စိုးရိမ်ပူပန်မှုတွေကို ကျွန်တော်တို့ နားလည်ပါတယ်။ ထင်ယောင်ထင်မှား သုံးသပ်တာမျိုးတွေ မလုပ်ကြဖို့နဲ့ မကြာခင်ထုတ်ပြန်လာမယ့် အတည်ပြုချက်တွေကို စောင့်ကြဖို့ တိုက်တွန်းပါတယ်” ဟု အင်န်အေအိုင်အေ၏ သတင်းထုတ်ပြန်ချက်တွင် ဖေါ်ပြထားသည်။အခင်းဖြစ်ပွားရာနေရာတွင် ရောက်ရှိနေသည့် ဖိလစ်ပိုင်ကြက်ခြေနီအသင်းက အဆိုပါဖြစ်ရပ်ကြောင့် အမျိုးသားတစ်ဦးနှင့် လေးနှစ်အရွယ် မိန်းကလေးတစ်ဦး ‌သေဆုံးခဲ့ကြောင်း ပြောကြားခဲ့သည်။ဒေသတွင်းမီဒီယာများက ဆိုရှယ်မီဒီယာပလက်ဖောင်းများပေါ်တွင် တင်ခဲ့သည့်ဓါတ်ပုံများ၌ လူအချို့ မြေပြင်တွင် လဲကျနေခဲ့သည်ကို တွေ့ရသည်။ဝင်ပေါက်တစ်လျှောက်ရှိ မှန်များကွဲအက်နေကာ လေဆိပ်တံခါးများကို ဝင်တိုက်ပြီးနောက် အနက်ရောင် လေးဘီးယက် လမ်းကြမ်းမောင်းယာဉ်တစ်စီး အတော်ထိခိုက်ပျက်စီးသွားခဲ့သည်ကိုလည်း တွေ့ရသည်။ဒဏ်ရာရရှိသူများကို ကုသပေးနေကြောင်းနှင့် ယာဉ်မောင်းဖြစ်သူကို ရဲတပ်ဖွဲ့က ထိန်းသိမ်းထားကြောင်း အင်န်အေအိုင်အေ က ပြောကြားခဲ့သည်။Source: Popular Myanmar
Mon, 5-မေလ-2025
မေလ ၅ ရက်မှစ၍ Skype ဝန်ဆောင်မှု ရှိတော့မည်မဟုတ်
မေလ ၅ ရက်မှစ၍ Skype ဝန်ဆောင်မှု ရှိတော့မည်မဟုတ်
Skype ပလက်ဖောင်းသည် မေလ ၅ ရက်မှစ၍ အလုပ်လုပ်တော့မည်မဟုတ်ကြောင်း Microsoft နည်းပညာအထောက်အပံ့ဝက်ဘ်ဆိုက်တွင် ကြေညာထားပါသည်။ အစောပိုင်းက Skype အား မေလတွင် အထောက်အပံ့ပေးခြင်း ရပ်ဆိုင်းမည်ဖြစ်ပြီး အသုံးပြုသူများ၏ အကောင့်များကို Microsoft Teams ဝန်ဆောင်မှုသို့ ပြောင်းရွှေ့ပေးသွားမည်ဟု ကုမ္ပဏီကပြောကြားထားပါသည်။Skype ဝန်ဆောင်မှုကို ၂၀၀၃ ခုနှစ်တွင် စတင်ခဲ့ပြီး Microsoft က ၂၀၁၁ ခုနှစ်တွင် ဝယ်ယူခဲ့ပါသည်။ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊နစက-၃
Sat, 3-မေလ-2025
အများပြည်သူဆိုင်ရာ ရုပ်သံထုတ်လွှင့်ဌာနများအတွက် ဖက်ဒရယ်ရန်ပုံငွေကို အမေရိကန်သမ္မတ အဆုံးသတ်မည်
အများပြည်သူဆိုင်ရာ ရုပ်သံထုတ်လွှင့်ဌာနများအတွက် ဖက်ဒရယ်ရန်ပုံငွေကို အမေရိကန်သမ္မတ အဆုံးသတ်မည်
အမေရိကန်သမ္မတ Donald Trump က National Public Radio (NPR) နှင့် Public Broadcasting Service (PBS) တို့သည် ဘက်လိုက်သည် ဟု ဆိုကာ အဆိုပါဌာနများအတွက် ဗဟိုအစိုးရ၏ ရန်ပုံငွေထောက်ပံ့မှု အဆုံးသတ်ရေး သမ္မတ၏ အထူးအမိန့်ကို လက်မှတ်ရေးထိုးခဲ့ပါသည်။ကြာသပတေးနေ့ (မေ ၁) တွင် လက်မှတ်ရေးထိုးခဲ့သည့် အဆိုပါ သမ္မတ အမိန့်တွင် အများပြည်သူဆိုင်ရာ ရုပ်သံလွှင့်ကော်ပိုရေးရှင်းနှင့် ဗဟိုအစိုးရ ဌာနနှင့် အေဂျင်စီ အားလုံးအနေဖြင့် ၎င်းရုပ်သံလွှင့်ဌာနနှစ်ခုကို ရန်ပုံငွေ ပေးအပ်မှု ရပ်ဆိုင်းရန် ညွှန်ကြားထားပါသည်။NPR နှင့် PBS သည် အခွန်ထမ်းဆောင်သူများ၏ ငွေကြေးများနှင့် ဘက်လိုက်မှုဝါဒနှင့် လက်ဝဲဝါဒဖြန့်မှုများကို လှုံ့ဆော်နေသည်ဟု အိမ်ဖြူတော်က စွပ်စွဲထားသည်။ ယင်းဌာနများသည် “ဒီမိုကရက်တစ် ပါတီနှင့် ယင်းပါတီ၏ နိုင်ငံရေးသဘောထားများအတွက် စေတနာ့ဝန်ထမ်း ပံ့ပိုးကူညီမှုများကို သိသိသာသာ ပြုလုပ်ခဲ့သည်” ဟု အိမ်ဖြူတော်က ဆိုပါသည်။အိမ်ဖြူတော်က လိင်ပိုင်းဆိုင်ရာ မတူကွဲပြားမှုပြဿနာကို အသားပေး ဖော်ပြထားသည့် ကလေးသူငယ်ဆိုင်ရာ အစီအစဉ်များနှင့်ပတ်သက်၍လည်း ဝေဖန်ခဲ့ပါသည်။PBS က ထိုသမ္မတ၏အထူးအမိန့်သည် “ဥပဒေနှင့်လုံးဝမကိုက်ညီ” ဟု ကြေညာချက်ထုတ်ပြန်ခဲ့ပါသည်။ အဆိုပါအမိန့်သည် အမေရိကန်လူထု အတွက် ပညာပေးအစီအစဉ်များ ထုတ်လွှင့်ပြသနိုင်မှုစွမ်းရည်ကို ခြိမ်းခြောက် နေသည်ဟု အဆိုပါဌာနက ဆိုပါသည်။ကိုးကား-NHK Worldဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
Sat, 3-မေလ-2025
တရုတ်နိုင်ငံအစိုးရက မြန်မာနိုင်ငံအား ကူညီပေးသည့် ၁၁ သုတ်မြောက် အရေးပေါ် လူသားချင်းစာနာမှု ငလျင်ဘေး ကယ်ဆယ်ရေးပစ္စည်းများ မြန်မာနိုင်ငံသို့ ရောက်ရှိပြီး လွှဲပြောင်းပေးခဲ့
တရုတ်နိုင်ငံအစိုးရက မြန်မာနိုင်ငံအား ကူညီပေးသည့် ၁၁ သုတ်မြောက် အရေးပေါ် လူသားချင်းစာနာမှု ငလျင်ဘေး ကယ်ဆယ်ရေးပစ္စည်းများ မြန်မာနိုင်ငံသို့ ရောက်ရှိပြီး လွှဲပြောင်းပေးခဲ့
တရုတ်နိုင်ငံအစိုးရက မြန်မာနိုင်ငံအား ကူညီပေးသည့် ၁၁ သုတ်မြောက် အရေးပေါ် လူသားချင်းစာနာမှု ငလျင်ဘေးကယ်ဆယ်ရေးပစ္စည်းများသည် မေ ၂ ရက် ညပိုင်းတွင် ရန်ကုန်မြို့သို့ ရောက်ရှိခဲ့သည်။ အဆိုပါ ကယ်ဆယ်ရေးပစ္စည်းများကို မြန်မာနိုင်ငံဆိုင်ရာ တရုတ်သံရုံးမှ သံမှူး အိုးယန်သောက်ပင်းနှင့် ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်း တို့က မေ ၃ ရက်တွင် လွှဲပြောင်းပေးအပ်မှု လုပ်ဆောင်ခဲ့သည်။ယခုအသုတ် ကယ်ဆယ်ရေးပစ္စည်းများတွင် အသင့်တပ်ဆင်ရန်နေအိမ် အလုံးရေ ၃၄၀ ပါဝင်ကြောင်း သိရသည်။ မတ် ၂၈ ရက်တွင် လှုပ်ခတ်ခဲ့သော မြန်မာနိုင်ငံ အင်အားပြင်း မန္တလေး ငလျင်ကြီးကြောင့် မေ ၂ ရက်အထိ သေဆုံးသူ ၃,၈၃၉ ဦး၊ ဒဏ်ရာရရှိသူ ၅,၁၀၅ ဦး၊ ပျောက်ဆုံးသူ ၁၀၁ ဦး ရှိကြောင်း‌ “The Global New Light of Myanmar” ၏ မေ ၃ ရက် သတင်းဖော်ပြချက်အရ သိရသည်။ ကိုးကား- Xinhuaဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
Sat, 3-မေလ-2025
အိမ်နီးချင်းများကို အစောကြီး အိပ်ရာထခိုင်းသည့် ကြက်ဖ၏ ပိုင်ရှင် ဒဏ်ရိုက်ခံရ
အိမ်နီးချင်းများကို အစောကြီး အိပ်ရာထခိုင်းသည့် ကြက်ဖ၏ ပိုင်ရှင် ဒဏ်ရိုက်ခံရ
အိမ်နီးချင်းများကို မိုးသောက်ယံ၊ နံနက် ၅ နာရီ အိပ်ရာထရန် နှစ်ပေါင်းများစွာ နှိုးဆွမြည်တွန်ပေးခဲ့သည့် ကြက်ဖအား ပိုင်ဆိုင်သူ Harold Brown ကို ပတ်ဝန်းကျင် အိပ်စက်မှုကို အနှောင့်အယှက်ဖြစ်စေသည်ဟု စွဲချက်တင်ကာ ဒဏ်ကြေး ပေါင် ၄,၀၀၀ နီးပါး ပေးဆောင်ရန် တရားရုံးက အမိန့် ချမှတ်လိုက်ပါသည်။New Forest ခရိုင်ကောင်စီ (NFDC) က Brown ၏ ကြက်ဖသည် ပတ်ဝန်းကျင် လက်မခံနိုင်သော ဆူညံသံများ ဖန်တီးခဲ့သည်ဟု စစ်ဆေးတွေ့ရှိခဲ့ပါသည်။ ၂၀၂၂ ခုနှစ်၊ အောက်တိုဘာလတွင် Hampshire ရှိ Brown ၏ နေအိမ်အနီး နေထိုင်သည့် အိမ်ထောင်စု ၈ စု ၏ စတင် တိုင်ကြားမှုများအပေါ် အဆင့်ဆင့် စစ်ဆေးလာရာ အဆိုပါ ဆုံးဖြတ်ချက် ချမှတ်ခဲ့ခြင်း ဖြစ်သည်။ “မိမိ၏ ကြက်ဖအသံက ၎င်း၏ပင်ကို သဘာဝအသံသာဖြစ်ပြီး ကျေးလက်နေထိုင်မှုအစိတ်အပိုင်းတစ်ခုသာ ဖြစ်ပါသည်” ဟု Brown က ခုခံပြောဆို ခဲ့သော်လည်း တရားရုံးက ဆူညံသံသည် ဥပဒေအရ လွန်ကဲနေသည်ဟု ယူဆခဲ့ပါသည်။ ထို့ပြင် Brown အနေဖြင့် ကြက်ဖအား နံနက် ၇ နာရီအထိ သီးသန့်နေရာ တွင်ထားရန် သို့မဟုတ် အသံကာကွယ်သည့် အဆောက်အဦဆောက်ရန် အကြံပြုခံခဲ့ရပါသည်။ကိုးကား- The Guardian ဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Fri, 2-မေလ-2025
© Copyright 2024 SAC All Rights Reserved.