တရားမဝင် ရွှေ့ပြောင်းနေထိုင်သူများ မိမိသဘောဆန္ဒအလျောက် ထွက်ခွာမည်ဆိုပါက ဒေါ်လာ ၁၀၀၀ ပေးမည်ဟုဆို

အမေရိကန်အစိုးရသည် တရားမဝင် ရွှေ့ပြောင်းနေထိုင်သူများကို နိုင်ငံအတွင်းမှ ဆန္ဒအလျောက်ထွက်ခွာပါက ဒေါ်လာ ၁,၀၀၀ ထောက်ပံ့ကြေးနှင့် လေယာဉ်လက်မှတ် အခမဲ့ပေးဆောင်မည်ဖြစ်ကြောင်း အမိမြေ လုံခြုံရေးဌာန (DHS) က တနင်္လာနေ့ (မေ ၅) တွင် ထုတ်ပြန်ခဲ့ပါသည်။ 

DHS ၏ မူဝါဒအရ သတ်မှတ်ချက်ပြည့်မီသူများကို CBP Home App မှတစ်ဆင့် ထွက်ခွာလိုကြောင်း လျှောက်ထားခွင့်ပြုပါသည်။ ပါဝင်သူများကို ချုပ်နှောင်ခြင်းပြုလုပ်မည် မဟုတ်ဘဲ ၎င်းတို့၏ ဆန္ဒအလျောက် ထွက်ခွာကြောင်း အတည်ပြုပြီးနောက် ဘဏ္ဍာရေးထောက်ပံ့မှုများ ရရှိမည်ဖြစ် ပါသည်။ 

သမ္မတ ဒေါ်နယ်ထရမ့်သည် အစီအစဉ်၏ အကျိုးကျေးဇူးများကို အလေးပေးပြောကြားခဲ့ပြီး အချို့သော ပါဝင်သူများသည် အနာဂတ်တွင် တရားဝင် ပြန်လာရန် အရည်အချင်းပြည့်မီနိုင်သည်ဟု ဖော်ပြခဲ့ပါသည်။ “၎င်းတို့နှင့် လက်တွဲပြီး ဆောင်ရွက်သွားမည်ဖြစ်ပါသည်။ ၎င်းတို့အနေဖြင့် အလုပ်ဖြင့် ပြန်လာနိုင်ပါသည်။ ၎င်းတို့သည် လူကောင်းများဖြစ်ပါက မိမိတို့နိုင်ငံက ပြန်လက်ခံမည်ဖြစ်ပါသည်။ မိမိတို့ လိုအပ်သည့်သူများ၊ မိမိတို့နိုင်ငံကို ချစ်မြတ်နိုးသော ဝီရိယရှိသည့် ပုဂ္ဂိုလ်များအတွက် အမေရိကားက လက်ခံနေမှာပါ” ဟု မေ ၅ (တနင်္လာနေ့)က အိမ်ဖြူတော်တွင် ပြုလုပ်သည့်အခမ်းအနားတွင် ၎င်းက ပြောကြားခဲ့ပါသည်။

ကိုးကား-Myanmar National Post