လက်တင်အမေရိကနှင့် ကာရေဘီယံနိုင်ငံ ၅ နိုင်ငံအပေါ် ဗီဇာ ကင်းလွတ် ခွင့်မူဝါဒ ကျင့်သုံးမည်ဟု တရုတ်သမ္မတက ပြောကြား

saceditor

News Image

  • လက်တင်အမေရိကနှင့် ကာရေဘီယံနိုင်ငံ ၅ နိုင်ငံအပေါ် ဗီဇာ ကင်းလွတ် ခွင့်မူဝါဒ ကျင့်သုံးမည်ဟု တရုတ်သမ္မတက ပြောကြား

တရုတ်နိုင်ငံက လက်တင်အမေရိကနှင့် ကာရေဘီယံနိုင်ငံ ၅ နိုင်ငံပေါ် ဗီဇာကင်းလွတ်ခွင့်မူဝါဒ ကျင့်သုံးရန် ဆုံးဖြတ်ထားကြောင်း၊ ထို့ပြင် အဆိုပါ မူဝါဒလွှမ်းခြုံသော ဒေသတွင်းနိုင်ငံ အတိုင်းအတာကို အလျဉ်းသင့်သလို တိုးချဲ့သွားမည်ဖြစ်ကြောင်း တရုတ်နိုင်ငံ သမ္မတ ရှီကျင့်ဖျင်က မေ ၁၃ ရက်တွင် ပြောကြားခဲ့သည်။

ရှီကျင့်ဖျင် က ပေကျင်းမြို့၌ ကျင်းပသော တရုတ်-လက်တင်အမေရိကနှင့် ကာရေဘီယံနိုင်ငံများ အသိုက်အဝန်း (CELAC) ဖိုရမ် စတုတ္ထအကြိမ်မြောက် ဝန်ကြီးအဆင့် အစည်းအဝေး ဖွင့်ပွဲအခမ်းအနားသို့ တက်ရောက်၍ အဓိကမိန့်ခွန်း ပြောကြားစဉ်တွင် အထက်ပါအတိုင်း မှတ်ချက်ပြု ပြောကြားခဲ့ခြင်း ဖြစ်ကြောင်း သိရသည်။

ကိုးကား- ဆင်ဟွာ

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အိန္ဒိယနှင့်ပါကစ္စတန်တို့က သံတမန်များကိုအပြန်အလှန်နှင်ထုတ်
အိန္ဒိယနှင့်ပါကစ္စတန်တို့က သံတမန်များကိုအပြန်အလှန်နှင်ထုတ်
နယူးဒေလီ၊ သံတမန်ရေးအိန္ဒိယနိုင်ငံနှင့်ပါကစ္စတန်နိုင်ငံတို့က သံတမန်များကို အပြန်အလှန်နှင်ထုတ်လိုက်ကြောင်းသိရသည်။ နှင်ထုတ်ခံရသည့်သံတမန်များသည် သူလျှိုလုပ်ငန်း များကိုလုပ်ဆောင်သည်ဟူသော စွပ်စွဲချက်များဖြင့် နှင်ထုတ်ခံရခြင်းဖြစ်သည် ဟု နှစ်နိုင်ငံစလုံးမှတာဝန်ရှိသူများကပြောသည်။အိန္ဒိယအစိုးရသည် နယူးဒေလီမြို့ရှိပါကစ္စတန်သံရုံးမှ တာဝန်ရှိသူတစ်ဦးကို နှင်ထုတ်လိုက်ကြောင်းနှင့် ၂၄ နာရီအတွင်း နိုင်ငံအတွင်းမှထွက်သွားရန်လည်းတောင်းဆိုလိုက်ကြောင်း ထုတ်ပြန်ထားသည်ဟု အိန္ဒိယသတင်းဌာနတစ်ခုကဖော်ပြထားသည်။အလားတူ ပါကစ္စတန်အစိုးရကလည်း အစ္စလာမ်မာဘတ်မြို့ရှိ အိန္ဒိယသံရုံးမှ အိန္ဒိယတာဝန်ရှိသူတစ်ဦးကို နှင်ထုတ်လိုက်ပြီး ၂၄ နာရီအတွင်း နိုင်ငံအတွင်းမှ ထွက်သွားရန်တောင်းဆိုထားကြောင်း ပါကစ္စတန်နိုင်ငံခြားရေးဝန်ကြီးဌာနက ထုတ်ပြန်ထားသည်။ နှင်ထုတ်ခံရသူများသည် သက်ဆိုင်ရာနိုင်ငံအတွက် မလိုလားအပ်သူများအဖြစ်လည်း ကြေညာခံလိုက်ရကြောင်းသိရသည်။Ref: XinhuaSource: Myawady Daily Newspaper
Thu, 15-မေလ-2025
dmitry peskov
ယူကရိန်းနှင့်တိုက်ရိုက်ဆွေးနွေးရန် ရုရှားက အစ္စတန်ဘူသို့ ကိုယ်စားလှယ်အဖွဲ့စေလွှတ်မည်
ရုရှားအစိုးရက ယူကရိန်းနှင့်ပြုလုပ်မည့် တိုက်ရိုက်ဆွေးနွေးမှုအတွက် အစ္စတန်ဘူ မြို့သို့ကိုယ်စားလှယ်အဖွဲ့ကိုစေလွှတ်သွားမည်ဖြစ်ကြောင်း၊ ယူကရိန်းဘက်က လည်း အလားတူလုပ်ဆောင်မည်ဟု မျှော်လင့်ကြောင်း ရုရှားသမ္မတရုံးမှ ပြောရေးဆိုခွင့်ရှိသူ ဒီမီထရီပက်စကော့ ကပြောသည်။ရုရှားသမ္မတ ဗလာဒီမာပူတင်က ယူကရိန်းနှင့်တိုက်ရိုက်ဆွေးနွေးမှုကို မေလ ၁၅ ရက်တွင် တူကီယဲနိုင်ငံ အစ္စတန်ဘူ မြို့၌ပြန်လည်စတင်ရန် အဆိုပြုထားသော်လည်း ယခုအချိန်အထိ ယူကရိန်း ဘက်က ဆွေးနွေးပွဲသို့ကိုယ်စားလှယ်ကို စေလွှတ်မှုရှိ၊ မရှိနှင့်ပတ်သက်၍ မည်သို့မျှ မထုတ်ပြန်ထားစဉ် ပက်စကော့ကယခု ကဲ့သို့ပြောလာခြင်းဖြစ်သည်။ပူတင်၏ကမ်းလှမ်းမှုကို အမေရိကန် သမ္မတဒေါ်နယ်ထရမ့်ကကြိုဆိုထားပြီး ယူကရိန်းသမ္မတဇီလန်စကီးက ဆွေးနွေးမှုအတွက် အသင့်ရှိသည်ဟုပြောဆိုထား သော်လည်း ပူတင်နှင့်သာတိုက်ရိုက်ဆွေးနွေးလိုသည်ဟု ထုတ်ပြန်ထားကြောင်း သိရသည်။Ref: RTSource: Myawady Daily Newspaper
Thu, 15-မေလ-2025
အိန္ဒိယအရှေ့မြောက်ပိုင်း အရူနာချယ်ပရာဒေ့ရှ်ပြည်နယ်နေရာများကို အမည်ပြောင်းလဲမှု အိန္ဒိယအစိုးရပယ်ချ
အိန္ဒိယအရှေ့မြောက်ပိုင်း အရူနာချယ်ပရာဒေ့ရှ်ပြည်နယ်နေရာများကို အမည်ပြောင်းလဲမှု အိန္ဒိယအစိုးရပယ်ချ
ဒေလီ    မေ ၁၄အရူနာချယ်ပရာဒေ့ရှ်ပြည်နယ်အတွင်းရှိနေရာများအား တရုတ်နိုင်ငံက အမည်ပြောင်းလဲမှုကို အိန္ဒိယအစိုးရက ယနေ့တွင် ပယ်ချခဲ့ကြောင်း သိရသည်။အိန္ဒိယနိုင်ငံအရှေ့မြောက်ပိုင်းပြည်နယ်တစ်ခုဖြစ်သည့် အရူနာချယ်ပရာဒေ့ရှ် ပြည်နယ်သည် တရုတ်နိုင်ငံနှင့် နယ်မြေချင်းထိစပ်နေသည့်ပြည်နယ်ဖြစ်သည်။သို့ရာတွင် အရူနာချယ်ပရာဒေ့ရှ်ပြည်နယ်ကို တိဗက်တောင်ပိုင်း၏ အစိတ်အပိုင်းအဖြစ် တရုတ်နိုင်ငံက ပိုင်ဆိုင်ခွင့်တောင်းဆိုထားရာ ၎င်းတောင်းဆိုချက်ကို အိန္ဒိယအစိုးရကလည်း ပယ်ချခဲ့သည်။တရုတ်နိုင်ငံအနေဖြင့် အရူနာချယ်ပရာဒေ့ရှ်ပြည်နယ်အတွင်းရှိ အချို့နေရာများ၏ အမည်များကို ပြင်ဆင်ထားကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက ယနေ့တွင် ထုတ်ဖော်ပြောကြားထားသည်။သို့ရာတွင် တရုတ်နိုင်ငံ၏ အဆိုပါလုပ်ဆောင်ချက်ကို အိန္ဒိယနိုင်ငံခြားရေးဝန်ကြီးဌာနက ပယ်ချခဲ့ပြီး အရူနာချယ်ပရာဒေ့ရှ် ပြည်နယ်မှာ အိန္ဒိယအချုပ်အခြာပိုင်နယ်မြေသာဖြစ်ကြောင်း ပြောကြားခဲ့သည်။ရှေးယခင်က တရုတ်နိုင်ငံသည် အရူနာချယ်ပရာဒေ့ရှ် ပြည်နယ်အတွင်းရှိ နေရာများကို အမည်များ ပြောင်းလဲပြင်ဆင်ရန် ကြိုးစားခဲ့ဖူးကြောင်း သိရသည်။Source: ရတနာပုံသတင်းစာ
Thu, 15-မေလ-2025
Trump က မထင်မှတ်တာတွေ စလုပ်ပြီ ...
Trump က မထင်မှတ်တာတွေ စလုပ်ပြီ ...
အမေရိကန်သမ္မတ ဒေါ်နယ်ထရမ့်သည် မေလ ၁၄ရက် နံနက်ပိုင်းက ဆော်ဒီအာရေဗျနိုင်ငံ ရီယက်မြို့တွင် ဆီးရီးယား သမ္မတသစ် အာမက် အယ်လ်ရှာရာနှင့် တွေ့ဆုံခဲ့သည်ဟု အိမ်ဖြူတော်အရာရှိတစ်ဦးက ပြောကြောင်း The New York Times သတင်းတွင် ဖော်ပြထားသည်။ထရမ့်သည် အာရပ်နိုင်ငံ ၆ နိုင်ငံမှ ခေါင်းဆောင်များနှင့် ထိပ်သီး အစည်းအဝေးမတိုင်မီ ဆီးရီးယားသမ္မတသစ်နှင့် နာရီဝက်ခန့် စကားပြောဆိုခဲ့သည်ဟုဆိုသည်။အဆိုပါတွေ့ဆုံမှုကို အိမ်ဖြူတော်က အသေးစိတ်မထုတ်ပြန်ခဲ့သော်လည်း အယ်လ်ကေဒါ အဖွဲ့ခွဲတစ်ခုကို ဦးဆောင်ခဲ့ဖူးပြီး ယင်းအဖွဲ့နှင့် အဆက် အသွယ်ဖြတ်ကာ ပုံရိပ်ကို ပြုပြင်ပြောင်းလဲရန် ကြိုးပမ်းခဲ့သည့် ဆီးရီးယား ခေါင်းဆောင်သစ်အတွက် သမ္မတထရမ့်နှင့် တွေ့ဆုံမှုသည် အလှည့်အပြောင်း တစ်ခု ဖြစ်လာသည်။သမ္မတဟောင်း ဘာရှားအယ်လ်အာဆတ်ကို ဆီးရီးယားခေါင်းဆောင်သစ်၏ မဟာမိတ်အဖွဲ့က ပြီးခဲ့သည့် ဒီဇင်ဘာလတွင် ဖြုတ်ချပြီးနောက် ၎င်း၏အစိုးရအဖွဲ့သည် ဆီးရီးယားအပေါ် ကျန်ရှိနေသေးသော နိုင်ငံတကာ အရေးယူပိတ်ဆို့မှုများကို ဖယ်ရှားရန် ကြိုးပမ်းနေသည်။၂၀၁၁ ခုနှစ်စတင်ခဲ့သည့် ဆန္ဒပြဆန့်ကျင်မှုများကို အာဆတ်အစိုးရက ရက်စက်စွာ နှိမ်နင်းမှုများကြောင့် ပြည်တွင်းစစ်အဖြစ်သို့ ရောက်ရှိသွားပြီး ပိတ်ဆို့အရေးယူမှုများ ချမှတ်ခံခဲ့ရသည်။ဥရောပနိုင်ငံများက ဆီးရီးယားအပေါ် အရေးယူပိတ်ဆို့မှုများကို လျှော့ချရန် လုပ်ဆောင်နေသော်လည်း အမေရိကန်က အလွှာပေါင်းစုံတွင် စီးပွားရေး ကန့်သတ်ပိတ်ဆို့မှုများ ဆက်လက်လုပ်ဆောင်ခဲ့သောကြောင့် ဆီးရီးယား၏ စီးပွားရေးပြိုလဲလုနီးပါး အခြေအနေသို့ ရောက်ရှိခဲ့သည်။ဆော်ဒီသို့ ရောက်နေသည့် သမ္မတထရမ့်သည် တူရကီသမ္မတ ရီဆပ် တေယပ် အာဒိုဂန်၊ ဆော်ဒီအိမ်ရှေ့မင်းသား မိုဟာမက် ဘင်ဆယ်လ်မန် တို့နှင့် တွေ့ဆုံပြီးနောက် ဆီးရီးယားအပေါ် အရေးယူပိတ်ဆို့မှုများ ရုပ်သိမ်းရန်လည်း ဆုံးဖြတ်ခဲ့သည်။ကိုးကား- AFPPhoto: CNN
Wed, 14-မေလ-2025
လက်တင်အမေရိကနှင့် ကာရေဘီယံနိုင်ငံ ၅ နိုင်ငံအပေါ် ဗီဇာ ကင်းလွတ် ခွင့်မူဝါဒ ကျင့်သုံးမည်ဟု တရုတ်သမ္မတက ပြောကြား
လက်တင်အမေရိကနှင့် ကာရေဘီယံနိုင်ငံ ၅ နိုင်ငံအပေါ် ဗီဇာ ကင်းလွတ် ခွင့်မူဝါဒ ကျင့်သုံးမည်ဟု တရုတ်သမ္မတက ပြောကြား
တရုတ်နိုင်ငံက လက်တင်အမေရိကနှင့် ကာရေဘီယံနိုင်ငံ ၅ နိုင်ငံပေါ် ဗီဇာကင်းလွတ်ခွင့်မူဝါဒ ကျင့်သုံးရန် ဆုံးဖြတ်ထားကြောင်း၊ ထို့ပြင် အဆိုပါ မူဝါဒလွှမ်းခြုံသော ဒေသတွင်းနိုင်ငံ အတိုင်းအတာကို အလျဉ်းသင့်သလို တိုးချဲ့သွားမည်ဖြစ်ကြောင်း တရုတ်နိုင်ငံ သမ္မတ ရှီကျင့်ဖျင်က မေ ၁၃ ရက်တွင် ပြောကြားခဲ့သည်။ရှီကျင့်ဖျင် က ပေကျင်းမြို့၌ ကျင်းပသော တရုတ်-လက်တင်အမေရိကနှင့် ကာရေဘီယံနိုင်ငံများ အသိုက်အဝန်း (CELAC) ဖိုရမ် စတုတ္ထအကြိမ်မြောက် ဝန်ကြီးအဆင့် အစည်းအဝေး ဖွင့်ပွဲအခမ်းအနားသို့ တက်ရောက်၍ အဓိကမိန့်ခွန်း ပြောကြားစဉ်တွင် အထက်ပါအတိုင်း မှတ်ချက်ပြု ပြောကြားခဲ့ခြင်း ဖြစ်ကြောင်း သိရသည်။ကိုးကား- ဆင်ဟွာ
Wed, 14-မေလ-2025
အီရန်က အမေရိကန်ရင်းနှီးမြှုပ်နှံမှုဖြင့် အရှေ့အလယ်ပိုင်းနိုင်ငံများ ယူရေနီယမ် စွမ်းအင်မြှင့်တင်ခြင်းအတွက် အကျိုးတူပူးပေါင်းအဖွဲ့ ဖွဲ့ရန် အဆိုပြု
အီရန်က အမေရိကန်ရင်းနှီးမြှုပ်နှံမှုဖြင့် အရှေ့အလယ်ပိုင်းနိုင်ငံများ ယူရေနီယမ် စွမ်းအင်မြှင့်တင်ခြင်းအတွက် အကျိုးတူပူးပေါင်းအဖွဲ့ ဖွဲ့ရန် အဆိုပြု
အီရန်နိုင်ငံသည် အမေရိကန်ရင်းနှီးမြှုပ်နှံမှုဖြင့် အရှေ့အလယ်ပိုင်းနိုင်ငံ များ ပူးပေါင်းဆောင်ရွက်မည့် ယူရေနီယမ် စွမ်းအင်မြှင့်တင်ခြင်း လုပ်ငန်းစဉ်အတွက် အကျိုးတူပူးပေါင်းအဖွဲ့ ဖွဲ့ရန် အဆိုပြုခဲ့ကြောင်း The New York Times သတင်းစာအရ သိရပါသည်။ အီရန်နိုင်ငံခြားရေးဝန်ကြီး Abbas Araghchi က မေ ၁၁ ရက် (တနင်္ဂနွေနေ့) က အိုမန်နိုင်ငံတွင် အမေရိကန်အထူးကိုယ်စားလှယ် ကိုယ်စားလှယ် စတီဗင် ဝစ်ကော့ဖ်ထံ ထိုအစီအစဉ်ကို အဆိုပြုခဲ့သည်ဟု သတင်းစာက ဖော်ပြသည်။ ယင်းအစီအစဉ်မှာ အစ္စလာမစ်သမ္မတ နိုင်ငံ အနေဖြင့်  ၎င်း၏နျူကလီးယားအစီအစဉ်အား အပြည့်အဝစွန့်လွှတ်ရန် အမေရိကန်၏ တောင်းဆိုချက်အတွက် အစားထိုးနည်းလမ်းတစ်ခုအဖြစ် ရှုမြင်ရပါသည်။ ထိုအကျိုးတူပူးပေါင်းရေးအဖွဲ့တွင် ဆော်ဒီအာရေဗျနှင့် အာရပ်စော်ဘွားများပြည်ထောင်စုတို့ကို ပါဝင်နိုင်သည့် နိုင်ငံများအဖြစ် ဖော်ပြထားပါသည်။ အီရန်၏ အဆိုပြုချက်တွင် နိုင်ငံသုံးနိုင်ငံပါဝင်သော နျူကလီးယား ပူးပေါင်းအဖွဲ့တစ်ခု ထူထောင်ရန် ပါဝင်ပြီး အီရန်က ယူရေနီယမ်ကို ၃.၆၇% အထိ ချဲ့ထွင်ကာ အခြားအာရပ်နိုင်ငံများသို့ အရပ်ဘက် ရည်ရွယ်ချက်များအတွက် ထောက်ပံ့သွားမည်ဖြစ်ပါသည်။ ထို့အပြင် အမေရိကန် အပါအဝင် အခြားနိုင်ငံများမှ လေ့လာသူများကို အီရန်၏ နျူကလီးယားစက်ရုံများတွင် ထားရှိနေစေရန် အဆိုပြုထားပါသည်။ ယင်းနေ့တွင် အီရန်နှင့် အမေရိကန်တို့သည် အီရန်၏ နျူကလီးယားအစီအစဉ်နှင့် ပတ်သက်သည့် အခြေအနေများ ဖြေရှင်းရန် စတုတ္ထအကြိမ်မြောက် ဆွေးနွေးပွဲကို ပြုလုပ်ခဲ့ကြပါသည်။ ကိုးကား - TASSPhoto: Apa.azဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Wed, 14-မေလ-2025
© Copyright 2024 SAC All Rights Reserved.