ပျော်ဘွယ်မြို့နယ်တွင် တရားမဝင်သယ်ဆောင်ရောင်းဝယ်သည့် ဓာတုပစ္စည်း Glacial Acetic Acid ၂၅၅၀၀ လီတာ ဖမ်းဆီးရမိ

sacadmin

News Image

  • ပျော်ဘွယ်မြို့နယ်တွင် တရားမဝင်သယ်ဆောင်ရောင်းဝယ်သည့် ဓာတုပစ္စည်း Glacial Acetic Acid ၂၅၅၀၀ လီတာ ဖမ်းဆီးရမိ

နေပြည်တော် ဇွန် ၂၀

မန္တလေးတိုင်းဒေသကြီး၊ ပျော်ဘွယ်မြို့နယ်၊ သပြေရိုးကျေးရွာ၌ အထောက်အထားမဲ့ သိုလှောင်ထားသည့် Glacial Acetic Acid ၃၀ လီတာစီပါ ပလတ်စတစ်ပုံး ၈၅ဝ ပုံးနှင့် အဆိုပါတရားမဝင်ပစ္စည်းများနှင့် ပါဝင်ပတ်သက်သူ ၅ ဦးတို့ကို ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့ထံမှ သိရှိရသည်။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဇွန် ၈ ရက် ညနေ ၆ နာရီ ၃၀ မိနစ်ခန့်တွင် ပျော်ဘွယ်မြို့နယ်၊ သပြေရိုးကျေးရွာ၌ စိုးသက်ပိုင်အား အထောက်ထားမဲ့သိုလှောင်ထားသည့် Glacial Acetic Acid ၃၀ လီတာစီပါ ပလတ်စတစ်ပုံး ၈၅ဝ ပုံးနှင့်အတူ ဖမ်းဆီးရမိခဲ့ခြင်းဖြစ်ပြီး စစ်ဆေးဖော်ထုတ်ချက်အရ အဆိုပါဓာတုပစ္စည်းများကို သိမ်းဆည်းရန် အခကြေးငွေပေး၍ စေခိုင်းသူဇော်လင်းဦးအား ဇွန်လ ၁၀ ရက်နေ့ ညနေ ၄ နာရီ ၃၀ မိနစ်တွင် ပုဗ္ဗသီရိမြို့နယ်၊ ဝဏ္ဏဒီပရပ်ကွက်၊  စွယ်တော်လမ်းရှိ ၎င်း၏နေအိမ်၌ လည်းကောင်း၊ ဓာတုပစ္စည်းများအား ရန်ကုန်မှပျော်ဘွယ်သို့ တာဝန်ခံသယ်ဆောင်သူ ကျော်မြင့်ဦး (ခ)ဖိုးကျော်(ခ)ဖြိုးကျော်အား ဇွန် ၁၂ ရက်နေ့ ည ၁၀ နာရီ ၃၀ မိနစ်ခန့်တွင် ဒလမြို့ရှိနေအိမ်၌ လည်းကောင်း၊ ဓာတုပစ္စည်းများအား တရားမဝင် တင်ပို့ပေးသူအောင်အောင်ဦး (ခ)ကိုခန့်အား ဇွန် ၁၄ ရက် နံနက် ၆ နာရီခန့်တွင် တာမွေမြို့နယ်၊ ၁၅၂ လမ်းရှိ နေအိမ်၌လည်းကောင်း၊ ဓာတုပစ္စည်းများအား တရားမဝင်ရောင်းချခဲ့သူ နေအောင်လှိုင်သိန်း(ခ)နေအောင်အား နံနက် ၁၀ နာရီ ၃၀ မိနစ်ခန့်တွင် အင်းစိန်မြို့နယ်၊ ရွာမအနောက်ရပ်ကွက်၊ ဖန်ချက်စက်လမ်းရှိ နေအိမ်၌လည်းကောင်း အသီးသီး ဖမ်းဆီးရမိခဲ့ကြောင်း သိရှိရသည်။

အဆိုပါဓာတုပစ္စည်းများကို မူးယစ်ဆေးဝါးနှင့် စိတ်ပြောင်းဆေးဝါးများထုတ်လုပ်ရာတွင် အသုံးပြုရန်ရည်ရွယ်၍ တရားမဝင်သယ်ဆောင်ရောင်းဝယ်ခြင်းဖြစ်ကြောင်း သိရှိရပြီး ၎င်းတို့အား တရားဥပဒေအရ ဆက်လက်အရေးယူဆောင်ရွက်သွားမည်ဖြစ်ကြောင်း သိရှိရသည်။

MOI

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

ထင်ထားတာထက် လူဦးရေပိုများခဲ့တဲ့ မာယာလူမျိုးများ
ထင်ထားတာထက် လူဦးရေပိုများခဲ့တဲ့ မာယာလူမျိုးများ
မိမိတို့ လူသားမျိုးနွယ်စုထဲမှာ ရှေးအကျဆုံးသော လူနေမှုစနစ်ကို ဖန်တီးခဲ့သူများက မာယာလူမျိုး များဖြစ်တယ်လို့ သိရှိခဲ့ကြပါတယ်။  သူတို့ ရဲ့ဖြစ်တည်မှုက ရှေးဟောင်းသုတေသန ပညာရှင်များနဲ့ သမိုင်းပညာရှင်များကို အမြဲတမ်းအံ့အားသင့်စေခဲ့တာပါ။ အခုဆိုရင် သူတို့ရဲ့မြို့ဟောင်းနေရာက ယူကာတန်ကျွန်းဆွယ်ရဲ့ အပူပိုင်းသစ်တောထဲမှာ တည်ငြိမ်စွာတည်ရှိနေပါပြီ။ ဒါပေမဲ့ သုတေသန ပညာရှင်များရဲ့ လေ့လာစူးစမ်း မှုကတော့ မရပ်တန့်သွားသေးပါဘူး။အရင်တုန်းက မာယာလူမျိုးများဟာ အရေအတွက်အားဖြင့် အနည်းအကျဉ်းမျှသာရှိမယ်လို့ ပညာရှင်များက ယူဆခဲ့ ကြပါတယ်။ ဒါပေမဲ့ အဲဒီယူဆချက်က မှန်ကန်ရဲ့လားဆိုတာ အခုတွေ့ရှိချက်ကြောင့် မှေးမှိန်သွားရပါတယ်။ယခုသုတေသနပညာရှင်များရဲ့ တွေ့ရှိချက်အရဆိုရင် မာယာဒေသကြီးတစ်ခု လုံးဟာ ဟိုတစ်စုဒီတစ်စုဖြစ်နေတဲ့ မြို့ပြ နိုင်ငံငယ်လေးတွေနဲ့ တည်ရှိနေတာမျိုးမဟုတ်ဘဲ မြို့ပြနဲ့ ကျေးလက်ဒေသတို့ကို ချိတ်ဆက်ထားတဲ့ လူနေမှုစနစ်ပုံစံတစ်ခု ဖြစ်တယ်လို့ ဆိုပါတယ်။ အခုအချိန်ထိကိုပဲ လူမနေတော့တာ  နှစ်ပေါင်းထောင်ချီ ကြာမြင့်နေပြီဆိုပေမယ့်လည်း မတူးဖော် မဖော်ထုတ်ရသေးတဲ့ နေရာတွေအများ ကြီးကျန်ရှိနေပါသေးတယ်။ဒါကြောင့် အရင်တုန်းကထုတ်ပြန်ခဲ့ဖူးတဲ့ မာယာလူမျိုးအရေအတွက်ဟာ ဒီကနေ့အချိန်အခါမှာ ယခင်ယူဆခဲ့ဖူးတာ ထက်များစွာပိုနေတယ်ဆိုတာကို ‌အရင်ကထက်ပိုမိုအဆင့်မြင့်မားတဲ့ နည်းပညာ ကိရိယာတွေသုံးပြီး တိုင်းတာမှုများ ပြုလုပ်ခြင်းအားဖြင့် သိလာရတာ ဖြစ်ပါတယ်။လက်ရှိတွေ့ရှိချက်အပေါ်ယူဆချက်အရ တိုးမြင့်လာတဲ့ မာယာလူဦးရေပမာဏဟာ ၁၆ သန်းလောက်အထိကိုရှိမယ်လို့ ဆိုပါတယ်။ ဒါဟာ ယခင်ယူဆချက်ထက် ၄၆ ရာခိုင်နှုန်း ပိုမိုမြင့်မားလာတာ ဖြစ်ပါတယ်။ ဒါ့အပြင် အရင်အချိန်တွေတုန်းကသတ်မှတ်ထားတဲ့ မာယာလူမျိုးများရဲ့ နယ်မြေထက် အခုတွေ့ရှိတဲ့နယ်မြေက ပိုမိုကြီးမားတာကိုလည်း တွေ့ရှိရပါတယ်။သုတေသနပညာရှင်များရဲ့တွေ့ရှိချက်အရ မာယာလူမျိုးများနေထိုင်ခဲ့တဲ့ ဒေသတစ်ခုလုံးဟာ စတုရန်းမိုင် ၃၆၀၀၀ အထိရှိတယ်လို့ဆိုပါတယ်။ အခုစူးစမ်းလေ့လာမှုမှာ အသုံးပြုတဲ့နည်းပညာက အဆင့်မြင့်လှတဲ့ LiDar နည်းပညာဖြစ်ပြီး မာယာလူမျိုးတို့နဲ့ပတ်သက်တဲ့ အသစ်အသစ်သော တွေ့ရှိချက်တွေကိုလည်း ထပ်မံတွေ့ရှိဖို့ ရှိနေပါတယ်။Ref: IEကိုထက်MWD
Wed, 13-Aug-2025
ရုရှားတပ်မတော်အတွက် ပြည်ပမှအဝတ်အထည်များတင်သွင်းမှုကို ရုရှားအစိုးရတားမြစ်
ရုရှားတပ်မတော်အတွက် ပြည်ပမှအဝတ်အထည်များတင်သွင်းမှုကို ရုရှားအစိုးရတားမြစ်
ရုရှားတပ်မတော်တွင် အသုံးပြုနေသော ယူနီဖောင်းများနှင့် အခြားဆက်စပ်အဝတ် အထည်များ ပြည်ပမှတင်သွင်းမှုကို ရုရှားအစိုးရက တားမြစ်လိုက်ပြီဖြစ်ကြောင်း သိရသည်။ရုရှားသမ္မတဗလာဒီမာပူတင်က အဆိုပါ တားမြစ်မိန့်ကို  ဩဂုတ်လ ၁၁ ရက်တွင် လက်မှတ်ရေးထိုးလိုက်ခြင်းဖြစ်ပြီး ယင်းအမိန့်သည် ၂၀၂၆ ခုနှစ် ဇန်နဝါရီလ ၁ ရက် မှစ၍ အသက်ဝင်မည်ဖြစ်သည်။အဆိုပါအမိန့်တွင်ဖော်ပြထားချက်များ အရ ရုရှားတပ်မတော်အတွက် လိုအပ်နေသော ယူနီဖောင်းများနှင့် ဆက်စပ်အဝတ် အထည်များအားလုံးကို နိုင်ငံအတွင်းရှိ ရုရှားနိုင်ငံပိုင် ကုမ္ပဏီများကသာ ချုပ်လုပ်ပေးရမည်ဖြစ်ကြောင်း၊ ၂၀၂၇ ခုနှစ်မှစ၍ အဝတ်အထည်များ ထုတ်လုပ်ရာ၌ အသုံးပြုသော ချည်မျှင်များနှင့်ကုန်ကြမ်းပစ္စည်းများကိုပါ ရုရှားနိုင်ငံ၌သာ ထုတ်လုပ်ရမည် ဖြစ်ကြောင်းနှင့် နောက်ဆုံးတွင် ပြည်ပမှ တင်သွင်းမှုများအားလုံးကို ရပ်တန့်ရမည် ဖြစ်ကြောင်း သိရသည်။     Ref: XinhuaMWD
Wed, 13-Aug-2025
အင်္ဂလန်၌ နေ့အပူချိန်များ မြင့်တက်လာသည့်အတွက် ကျန်းမာရေး သတိပေးချက် ထုတ်ပြန်ထား
အင်္ဂလန်၌ နေ့အပူချိန်များ မြင့်တက်လာသည့်အတွက် ကျန်းမာရေး သတိပေးချက် ထုတ်ပြန်ထား
အင်္ဂလန်နိုင်ငံတစ်ဝန်း၌ နေ့အပူချိန်များ မြင့်တက်လာသည့်အတွက် ကျန်းမာရေး တာဝန်ရှိသူများက အပူနှင့်သက်ဆိုင်သော ကျန်းမာရေးသတိပေးချက်ကို ထုတ်ပြန်ထားကြောင်း သိရသည်။အင်္ဂလန်နိုင်ငံအနေဖြင့် ယခုနှစ်အတွင်း လေးကြိမ်မြောက်အပူလှိုင်းဖြစ်ပေါ်မှုနှင့် ရင်ဆိုင်နေရခြင်း ဖြစ်ပြီး ဩဂုတ်လ ၁၂ ရက်တွင် ဒေသအချို့၌ အပူချိန်မှာ ၃၄ ဒီဂရီ စင်တီဂရိတ်အထိ မြင့်တက်လာသည်ကို တွေ့ရကြောင်း      မိုးလေဝသဌာနက ထုတ်ပြန်ထားသည်။ထို့ကြောင့်    ပယင်းရောင်အဆင့် ကျန်းမာရေးသတိပေးချက်ကို အင်္ဂလန်နိုင်ငံရှိ ဒေသငါးခုအတွက် လည်းကောင်း၊ အဝါရောင်အဆင့် ကျန်းမာရေး သတိပေးချက်ကို တစ်နိုင်ငံလုံးအတွက်လည်းကောင်း ထုတ်ပြန်ထားခြင်းဖြစ်သည်။ အချိန်ကာလမှာ ဩဂုတ်လ ၁၂ ရက်မှ ၁၃ ရက် ညအထိဖြစ်သည်။လေဖိအားများရပ်ဝန်းဖြစ်ပေါ်မှုကြောင့်သာမက    တောင်လေတိုက်ခတ်မှုတို့ပေါင်းဆုံခြင်းကြောင့်   အင်္ဂလန်နိုင်ငံနှင့်ဝေးပြည်နယ်တို့တွင် အပူချိန်များမြင့်တက်နေမည်ဖြစ်ကြောင်း၊ နေရာဒေသအများစု၌ အပူချိန်သည် ၃၀ ဒီဂရီစင်တီဂရိတ်အထက်ရှိနေမည်ဖြစ်ကြောင်း မိုးလေဝသဌာန၏ ထုတ်ပြန်ချက်တွင် ဖော်ပြထားသည်။ယင်းကဲ့သို့ အပူချိန်များမြင့်တက်လာသည့်အတွက် ကျန်းမာရေးအခြေအနေနှင့် သက်ကြီးရွယ်အို စောင့်ရှောက်ရေး လုပ်ငန်းများအပေါ် သက်ရောက်မှုများရှိလာ နိုင်သောကြောင့် ယခုကဲ့သို့ သတိပေးချက်ထုတ်ပြန်ထားရခြင်း ဖြစ်ကြောင်း တာဝန်ရှိသူများက ပြောသည်။       Ref: XinhuaMWD
Wed, 13-Aug-2025
မြို့ပြနှင့်ကျေးလက်ကွာဟမှုမရှိရေး ဖျောက်ဆိပ်ကျေးရွာအဝင်လမ်းအား ကွန်ကရစ်ခင်းပေး
မြို့ပြနှင့်ကျေးလက်ကွာဟမှုမရှိရေး ဖျောက်ဆိပ်ကျေးရွာအဝင်လမ်းအား ကွန်ကရစ်ခင်းပေး
ကျောက်ဆည်၊ ဩဂုတ်-၁၃မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်တွင် မြို့ပြနှင့်ကျေးလက်ကွာဟမှု မရှိစေရေး ၂၀၂၅-၂၀၂၆ ဘဏ္ဍာနှစ်တွင် မြို့နယ်ကျေးလက်လမ်းဖွံ့ဖြိုးရေးဦးစီးဌာနမှ ဖျောက်ဆိပ်ပင်ကျေးရွာ အဝင်လမ်း အား ကွန်ကရစ်လမ်းအဖြစ် အဆင့်မြှင့်တင်ပေးလျက်ရှိရာ (၂၅)ရာခိုင်နှုန်း ပြီးစီးပြီဖြစ်ကြောင်း  သိရသည်။ အဆိုပါကျေးရွာအဝင်လမ်းသည် ကျောက်ဆည်-စက်မှုဇုံ၊-ခရိုင်ချင်းဆက်လမ်းနှင့် ဆက်သွယ်ထားသော လမ်းဖြစ်ပြီး ကျေးရွာသူ/ကျေးရွာသားများ၏  လူမှုရေး၊ စီးပွားရေး၊ ကျန်းမာရေး စသည့်ကဏ္ဍမျိုးစုံ အသုံးပြုလျက်ရှိသည့်အတွက် ပြည်သူများ လူမှုဘဝဖွံ့ဖြိုးတိုးတက်ရေး ပြည်ထောင်စုခွင့်ပြုရန်ပုံငွေ (၁၂၃.၀၉)ကျပ်သန်း အကုန်အကျခံကာ winner myanmar ကုမ္ပဏီမှ (၂လက်မx၄လက်မ)ကျောက်များဖြင့် ထု(၆)လက်မ၊ အကျယ်(၁၄)ပေ ကျောက်သားထု ခင်းပြီး ၎င်းကျောက်သားလမ်းပေါ်တွင် အကျယ်(၁၂)ပေ၊ ထု(၇)လက်မ ကွန်ကရစ်ခင်းပေးခြင်းလုပ်ငန်းများ ဆောင်ရွက်ပေးခြင်းဖြစ်ကြောင်းနှင့် လမ်းရေရှည် တည်တံ့ရေးနှင့်အရည်အသွေးပြည့်မီရေး   မြို့နယ်ကျေးလက် လမ်းဖွံ့ဖြိုးရေးဦးစီးဌာနမှ အနီးကပ်ကြီးကြပ် ဆောင်ရွက်လျက်ရှိကြောင်း သိရသည်။ လမ်းအဆင့်မြှင့်တင်ခြင်းလုပ်ငန်းများ ပြီးစီးသွားပါက ဖျောက်ဆိပ်ပင်ကျေးရွာမှ ကျေးရွာမှ အိမ်ခြေ (၁၀၀၇)အိမ်၊ လူဦးရေ(၆၅၉၈)ဦးတို့၏ လူမှုဘဝများဖွံ့ဖြိုးတိုးတက်လာမည်ဖြစ်ကြောင်းနှင့် အခြားကျေးရွာပြည်သူများနှင့် ကူးလူး ဆက်သွယ်ရာ၌ ရာသီမရွေး  သွားလာနိုင်မည်ဖြစ်ကြောင်း သိရှိရသည်။  သက်မောင်(ကျောက်ဆည်)                                                                                                                    
Wed, 13-Aug-2025
ထိုင်းနိုင်ငံ Uthai Thani ပြည်နယ်ရှိ ပုဂ္ဂလိကကျောင်းတွင် အထက်တန်း ကျောင်းသားက ဆရာမအား ရိုက်နှက်မှုဖြစ်စဉ်ကို ပညာရေးဝန်ကြီးဌာန က ချက်ချင်းစုံစမ်းစစ်ဆေး
ထိုင်းနိုင်ငံ Uthai Thani ပြည်နယ်ရှိ ပုဂ္ဂလိကကျောင်းတွင် အထက်တန်း ကျောင်းသားက ဆရာမအား ရိုက်နှက်မှုဖြစ်စဉ်ကို ပညာရေးဝန်ကြီးဌာန က ချက်ချင်းစုံစမ်းစစ်ဆေး
ထိုင်းနိုင်ငံ Uthai Thani ပြည်နယ်ရှိ ပုဂ္ဂလိကကျောင်းတစ်ခုတွင် အထက်တန်း ကျောင်းသားတစ်ဦးက ၎င်း၏စာမေးပွဲရလဒ်များကို ကျေနပ်မှု မရှိသဖြင့် ဆရာမတစ်ဦးအား ရိုက်နှက်မှုဖြစ်ပွားခဲ့ပြီး ယခုအခါ ပညာရေး ဝန်ကြီးဌာနက စုံစမ်းစစ်ဆေးမှုများ ချက်ချင်းစတင် လုပ်ဆောင်လျက် ရှိသည်။ ပညာရေးဝန်ကြီး Narumon Pinyosinwat က အဆိုပါဖြစ်ရပ်အား ပုဂ္ဂလိကပညာရေးကော်မရှင် (Opec) မှတစ်ဆင့် အရေးယူစုံစမ်းရန် ညွှန်ကြားခဲ့ပြီး ဖြစ်ကြောင်း ထုတ်ပြန်ခဲ့သည်။ ဆရာမမှ မုံချောင်း ရဲစခန်း တွင် အမှုဖွင့်တိုင်ကြားခဲ့ပြီး ကျောင်းသားအား ကျောင်းတက်ရောက်ရန် ယာယီရပ်ဆိုင်းခဲ့ကာ နောက်ပိုင်းတွင် ကျောင်းမှ ထုတ်ပယ်ခဲ့သည်။ပညာရေးဒုတိယဝန်ကြီး Rinthipond Varinvatchararoj က "ဆရာများ အပေါ် အကြမ်းဖက်မှုကို လုံးဝသည်းမခံပါ" ဟု ပြင်းပြင်းထန်ထန် ရှုတ်ချ ခဲ့ပြီး ကျောင်းသား၏ စိတ်ကျန်းမာရေးအခြေအနေ၊ ပညာရေးဖိအားနှင့် အခြားအချက်များကို နက်နက်နဲနဲ စုံစမ်းသွားမည်ဖြစ်ကြောင်း ပြောကြား ခဲ့သည်။ ထို့အပြင် ပညာရေးစနစ်အတွင်း စိတ်ဖိစီးမှုလျှော့ချရေး နှင့် စိတ်ကျန်းမာရေးပံ့ပိုးမှုများ ပိုမိုလိုအပ်နေကြောင်း ထောက်ပြကာ ကျောင်း များတွင် စိတ်ပညာရှင်များ ပိုမိုထားရှိရန် အကြံပြုခဲ့သည်။Opec အတွင်းရေးမှူးချုပ် Monthon Phaksuwan က ဖြစ်ရပ်အပြီးတွင် နောင်တွင် အလားတူဖြစ်ရပ်များ ထပ်မံမဖြစ်ပွားစေရန် ကာကွယ်ရေး နည်းလမ်းများ ချမှတ်သွားမည်ဟု ပြောကြားခဲ့သည်။အဆိုပါဖြစ်ရပ်သည် ထိုင်းနိုင်ငံတွင် ပညာရေးဖိအားနှင့် ကျောင်းသားများ၏ စိတ်ကျန်းမာရေး အပေါ် ပြန်လည်သုံးသပ်မှုများ ပိုမိုလိုအပ်နေကြောင်း ပညာရေးဝန်ကြီးဌာနက အသိအမှတ်ပြုခဲ့သည်။ကိုးကား- Bangkok Postဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Wed, 13-Aug-2025
အခြေခံပညာ ဆရာ ဆရာမများ အထူးမွမ်းမံသင်တန်း အမှတ်စဉ်(၈၀) သင်တန်းဖွင့်ပွဲကျင်းပ
အခြေခံပညာ ဆရာ ဆရာမများ အထူးမွမ်းမံသင်တန်း အမှတ်စဉ်(၈၀) သင်တန်းဖွင့်ပွဲကျင်းပ
နေပြည်တော် ဩဂုတ် ၁၁အခြေခံပညာ ဆရာ ဆရာမများ အထူးမွမ်းမံသင်တန်းအမှတ်စဉ် (၈၀) ၏ သင်တန်းဖွင့်ပွဲ အခမ်းအနားကို ယနေ့နံနက် ၇ နာရီတွင် နိုင်ငံ့ဝန်ထမ်းတက္ကသိုလ် (အထက်မြန်မာပြည်) ရတနာခန်းမ၌ ကျင်းပရာ ပြည်ထောင်စုရာထူးဝန်အဖွဲ့ အဖွဲ့ဝင်ဦးဆန်းမြင့်နှင့် တာဝန်ရှိသူများ၊ ပညာရေးဝန်ကြီးဌာနမှ တာဝန်ရှိသူများ၊ နိုင်ငံ့ဝန်ထမ်းတက္ကသိုလ် (အထက်မြန်မာပြည်) ပါမောက္ခချုပ်၊ ဒုတိယပါမောက္ခချုပ်များ၊ ဖိတ်ကြားထားသည့် ဧည့်သည်တော်များ၊ တက္ကသိုလ်သင်ကြား/စီမံဌာနများမှ တာဝန်ရှိပုဂ္ဂိုလ်များနှင့် သင်တန်းသား သင်တန်းသူများ တက်ရောက်ကြသည်။ဦးစွာ ပြည်ထောင်စုရာထူးဝန်အဖွဲ့ အဖွဲ့ဝင် ဦးဆန်းမြင့်က ဖွံ့ဖြိုးတိုးတက်ပြီး တည်ငြိမ်အေးချမ်းသော နိုင်ငံတော်တည်ဆောက်ရာတွင် ပညာရေးသည် အခြေခံလိုအပ်ချက်ဖြစ်၍ ဆရာ ဆရာမများအနေဖြင့် နိုင်ငံတော်နှင့် နိုင်ငံသားတို့၏ အကျိုးစီးပွားကိုရှေးရှုပြီး ကဏ္ဍအလိုက်၊ အဆင့်အလိုက် မိမိတို့၏ပညာရေး လုပ်ငန်းတာဝန်များကို စွမ်းရည်ထက်မြက်စွာဖြင့် တာဝန်ယူမှု၊ တာဝန်ခံမှုတို့နှင့် ပေါင်းစပ်ပြီး နိုင်ငံတော်အတွက် ဗလငါးတန်နှင့်ပြည့်စုံသည့် ပညာတတ်လူ့စွမ်းအားအရင်းအမြစ်များ စဉ်ဆက်မပြတ် မွေးထုတ်နိုင်စေရန် လေ့ကျင့်ဖွင့်လှစ်ပေးခြင်းဖြစ်ပါကြောင်း၊ စိတ်ဓာတ်၊ စည်းကမ်း၊ ခံယူချက်နှင့် ယုံကြည်ချက် ခိုင်မာအားကောင်းပြီး နိုင်ငံ့ဝန်ထမ်းကောင်း ဆရာ ဆရာမများဖြစ်အောင် ပြုမူနေထိုင်ကြရန် တိုက်တွန်းမှာကြားသည်။ အဆိုပါ သင်တန်းသို့ ပညာရေးဝန်ကြီးဌာနမှ သင်တန်းသား ၉၆ ဦး၊ သင်တန်းသူ ၃၈၇ ဦး၊ စုစုပေါင်း ၄၈၃ ဦး တက်ရောက် မည်ဖြစ်ပြီး သင်တန်းကာလမှာ ရက်သတ္တငါးပတ်ကြာမြင့်မည်ဖြစ်သည်။ဆက်လက်၍ အဖွဲ့ဝင် ဦးဆန်းမြင့်သည် တက္ကသိုလ်စစ်ရေးပြကွင်း၌ အရာထမ်းငယ် သင်တန်းအမှတ်စဉ် (၁၀၃) နှင့် စာရေးဝန်ထမ်း အမှတ်စဉ် (၁၁၃) တို့မှ သင်တန်းသား သင်တန်းသူများ၏ သင်တန်းဆင်း စစ်ရေးပြလေ့ကျင့်နေမှုကိုလည်းကောင်း၊ တက္ကသိုလ်ရှိ အသားစားကြက်ခြံတွင် သင်တန်းရိက္ခာအတွက် အသားစားကြက်များ မွေးမြူထားရှိမှုကိုလည်းကောင်း၊ သင်တန်းရိက္ခာအတွက် တက္ကသိုလ်မှ စိုက်ပျိုးထားရှိသော ရာသီသီးနှံများနှင့် သင်တန်းအိပ်ဆောင်အလိုက် သင်တန်းသူ သင်တန်းသားများ စိုက်ပျိုးထားရှိသည့် ရာသီသီးနှံ စိုက်ခင်းများကိုလည်းကောင်း ကြည့်ရှုစစ်ဆေးသည်။ ညနေပိုင်းတွင် အရာထမ်းငယ် သင်တန်းအမှတ်စဉ် (၁၀၃)မှ သင်တန်းသူများထားရှိသည့် စံပယ်ဆောင်သို့သွားရောက်၍ သင်တန်းသူများနှင့်အတူညနေစာ သုံးဆောင်ခဲ့ကြောင်းသိရသည်။MOI
Tue, 12-Aug-2025
© Copyright 2024 SAC All Rights Reserved.