ပလတ်စတစ်အမှိုက်မှသည် ပါရာစီတမောဆီသို့

sacadmin

News Image

  • ပလတ်စတစ်အမှိုက်မှသည် ပါရာစီတမောဆီသို့

ပါရာစီတမောဆိုတာ သာမန်နာကျင်ကိုက်ခဲမှုတွေ အတွက်တော့ အဖိုးနှုန်းချိုချိုနဲ့ အစွမ်းထက်တဲ့ဆေးတစ်လက်ပါ။ သူ့ကိုထုတ်လုပ်ထားတာက ဗက်တီးရီးယားပိုးတစ်မျိုးကို အသုံးပြုပြီးထုတ်လုပ်ထားတာဖြစ်ပါတယ်။ ဒီအတွက် ရေနံစိမ်းလိုမျိုး ရုပ်ကြွင်းလောင်စာများကနေ ထုတ်လုပ်ထားတာပါ။ ဒီလိုထုတ်လုပ်တဲ့အတွက် စွမ်းအင်အသုံးပြုရမှုပမာဏလည်း များပြားပြီး ကာဗွန်ဓာတ်ငွေ့ကလည်း အလွန်အကျွံထွက်ရှိပါတယ်။

ပါရာစီတမောအပြင် အခြားသော ဆေးဝါးများကို ထုတ်လုပ်နေတဲ့ စက်ရုံများ လည်ပတ်နိုင်ဖို့အတွက်  နှစ်စဉ်ရုပ်ကြွင်းလောင်စာ တန်ချိန်ထောင်ပေါင်းများစွာကို မီးရှို့နေရတာပါ။ တစ်နည်းပြောရရင် ပါရာစီတမောက အကိုက်အခဲ၊ ဖျားနာပျောက်ဆေးအဖြစ် အစွမ်းထက်ပေမယ့် တစ်ဖက်မှာလည်း သဘာဝ ပတ်ဝန်းကျင်ကို ထိခိုက်မှုတွေ ဖြစ်ပေါ်စေတာကို တွေ့ရပါတယ်။

ဒီအခြေအနေကို ပြောင်းလဲသွားစေနိုင်ဖို့အတွက် အီဒင်ဘာ့တက္ကသိုလ်ရဲ့‌ ဝေါလေ့ဓာတ်ခွဲခန်းက အဖိုး နှုန်းချိုသာသလို အစွမ်းထက်လှတဲ့ ပါရာစီတမောကိုထုတ်လုပ်နိုင်မယ့်အပြင် တစ်ဖက်မှာလည်း ကာဗွန် ဓာတ်ငွေ့ထုတ်လွှတ်မှုကို လုံးဝကင်းစင်စေနိုင်မယ့် နည်းလမ်းတစ်ခုကို ဖော်ထုတ်တွေ့ရှိလိုက်ပါတယ်။ သူတို့ရဲ့နည်းလမ်းကို အရှင်းလင်းဆုံးဖော်ပြရရင် ပတ်ဝန်းကျင်မှာ မြင်တွေ့နေကျ ပလတ်စတစ်အမှိုက်များကို  ပါရာစီတမောအဖြစ် ပြောင်းလဲစေနိုင်မယ့် နည်းလမ်းဖြစ်ပါတယ်။

သူတို့ရဲ့နည်းလမ်းကို အနှစ်ချုပ်ပြီး ပြောရမယ်ဆို ရင်တော့ မျိုးရိုးဗီဇ ပြန်လည်ပြုပြင်ထားတဲ့ E. coli ဆိုတဲ့ ဘေးဥပဒ်မဖြစ်စေသော ဗက်တီးရီးယားပိုး တစ်မျိုးကို အသုံးပြုပြီး ပလတ်စတစ်ဘူးများမှာ တွေ့ရလေ့ရှိတဲ့ တယ်ရပ်သားလစ် အက်စစ်ဓာတ်ပေါင်းကို ပါရာစီတမောအဖြစ် ပြောင်းလဲပေးတာဖြစ်ပါတယ်။

ဒီလုပ်ငန်းစဉ်ကို အခန်းတွင်း အပူချိန်မှာတင် လုပ်ဆောင်နိုင်ပြီး ကာဗွန်ဓာတ်ငွေ့ထွက်ရှိမှုလည်းကင်းစင်ပါတယ်။

သုတေသနပညာရှင်များအသုံးပြုထားတဲ့ အဓိက နည်းလမ်းက ဘီယာချက်လုပ်မှုနဲ့ အလားသဏ္ဌာန်တူတဲ့ အချဉ်ဖောက်ခြင်း နည်းစနစ်ကိုအသုံးပြုပြီး ပိုလီ အီသိုင်လင်းတယ် ရပ်သားလိတ်ဆိုတဲ့ ပလတ်စတစ် အမှိုက်တွေကို ၂၄ နာရီအတွင်း ပါရာစီတမောအဖြစ် ပြောင်းလဲပေးတာပါ။ ဓာတ်ခွဲခန်းရဲ့စမ်းသပ်မှုအရ ထွက်ရှိလာတဲ့ ဓာတုပစ္စည်း ၉၀ ရာခိုင်နှုန်းက ပါရာစီတမောများသာ ဖြစ်တဲ့အတွက် ဒီလုပ်ငန်းစဉ်က အောင်မြင်မှု ရှိတယ်ဆိုတာကို အတိအကျဖော်ပြနေ ပါတယ်။    နှစ်စဉ်တန်ချိန်သန်း ၃၅၀ ကျော်အထိထွက်ရှိနေတဲ့ ပလတ်စတစ်အမှိုက်များကို  ဒီနည်းနဲ့ အသုံးဝင်အောင် လုပ်နိုင်မှာဖြစ်ပါတယ်။

MWD Web Portal

နည်းပညာသတင်း
 

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

ကမ္ဘောဒီးယားနိုင်ငံ ကမ်းခြေဒေသများတွင် မိုးသည်းထန်စွာ ရွာသွန်းမှုကြောင့် မြေပြိုကျကာ လူနှစ်ဦးပျောက်ဆုံးနေ
ကမ္ဘောဒီးယားနိုင်ငံ ကမ်းခြေဒေသများတွင် မိုးသည်းထန်စွာ ရွာသွန်းမှုကြောင့် မြေပြိုကျကာ လူနှစ်ဦးပျောက်ဆုံးနေ
ဖနွမ်းပင် ဇွန် ၂၄ ကမ္ဘောဒီးယားနိုင်ငံ ကမ်းခြေဒေသများဖြစ်သည့် ဖရဲသီဟာနု ပြည်နယ်နှင့် ကော့ကုံးပြည်နယ်တို့တွင် မိုးသည်းထန်စွာရွာသွန်းကာ ရေကြီးရေလျှံမှုဖြစ်ပေါ်နေမှုကြောင့် ဇွန် ၂၃ ရက်က မြေပြိုကျကာ ဒေသခံနှစ်ဦး ပျောက်ဆုံးနေကြောင်း ကမ္ဘောဒီးယား အာဏာပိုင်အဖွဲ့အစည်းက ထုတ် ပြန်ခဲ့သည်ဟု ယနေ့သတင်းများ တွင် ဖော်ပြထားသည်။ ပျောက်ဆုံးနေသူ နှစ်ဦးအနက် တစ်ဦးမှာ ဖရဲသီဟာနုပြည်နယ် သီဟာနှောင့်ဗီးလ်မြို့မှ အသက် ၅၄ နှစ်အရွယ် ထရိုင်ဖဲလေဆိုသည့်အမျိုးသမီးဖြစ်ပြီး ကျန်တစ်ဦးကိုမူ အတည်မပြုနိုင်သေးဘဲ ရဲတပ်ဖွဲ့ဝင်များက ကြိုးစား ရှာဖွေနေဆဲဖြစ်ကြောင်း သီဟာနှောင့်ဗီးမြို့ ရဲတပ်ဖွဲ့က ထုတ်ပြန်ခဲ့သည်။ "မြေပြိုကျမှုကြောင့် ပျောက်ဆုံးနေတဲ့အမျိုးသမီးဟာ စားဖိုမှူး တစ်ယောက်ဖြစ်ပြီး အလုပ်ပြီးလို့ မော်တော်ဆိုင်ကယ်နဲ့ နေအိမ် ကို ပြန်လာရာမှာ ရေလွှမ်းနေတဲ့ လမ်းကို ဖြတ်သန်းမောင်းနှင်စဉ် မြေပြိုကျသွားခဲ့ပြီး ရေစီးနဲ့အတူ ပျောက်ဆုံးသွားခဲ့ပါတယ်။ ကယ်ဆယ်ရေးဝန်ထမ်းတွေနဲ့ ရဲတပ်ဖွဲ့ ဝင်တွေကလည်း အမြန်ဆုံးရှာဖွေတွေ့ ရှိနိုင်ဖို့ ကြိုးစားနေပါတယ်”ဟု သီဟာနှောင့်ဗီးလ်မြို့ အာဏာပိုင် အဖွဲ့အစည်းမှ ပြောရေးဆိုခွင့်ရှိသူ ဒါရာဗူသ်က ပြောကြားခဲ့သည်။ မိုးရေချိန်မြင့်မားစွာ ရွာသွန်းနေဆဲဖြစ်သည့်အတွက် ရေကြီးရေလျှံမှုအခြေအနေမှာ ပိုမိုဆိုးရွား လာနိုင်ကြောင်းလည်း ကမ္ဘောဒီးယား မိုးလေ၀သဦးစီးဌာနက ထုတ်ပြန်ခဲ့သည်။ Ref: Russia Today Trs: Sai SatYDNB NewspaperPhoto : Asian News Network
Wed, 25-Jun-2025
အင်ဒိုနီးရှားနိုင်ငံတွင် ပူပြင်းခြောက်သွေ့သည့်ကာလ တိုတောင်းနိုင်ကြောင်း အင်ဒိုနီးရှားမိုးလေဝသအေဂျင်စီ ထုတ်ပြန်
အင်ဒိုနီးရှားနိုင်ငံတွင် ပူပြင်းခြောက်သွေ့သည့်ကာလ တိုတောင်းနိုင်ကြောင်း အင်ဒိုနီးရှားမိုးလေဝသအေဂျင်စီ ထုတ်ပြန်
ဂျကာတာ ဇွန် ၂၄အင်ဒိုနီးရှားနိုင်ငံတွင် နွေရာသီကာလအတွင်း ပူပြင်းခြောက်သွေ့သည့် ကာလရှည်ကြာလေ့ရှိသော်လည်း ယခုနှစ်အတွင်း ပူပြင်းခြောက်သွေ့သည့် ရာသီဥတုသည် ကာလတိုတောင်းနိုင်ကြောင်း အင်ဒိုနီးရှားမိုးလေဝသအေဂျင်စီက ထုတ်ပြန်ခဲ့သည်ဟု ယနေ့သတင်းများတွင် ဖော်ပြထားသည်။အင်ဒိုနီးရှားနိုင်ငံတွင် ယခုနှစ် နွေရာသီကာလသည် ပုံမှန်အတိုင်းပင် ပူပြင်းခြောက်သွေ့မည်ဖြစ်ကြောင်း အင်ဒိုနီးရှားမိုးလေ၀သ နှင့် ဘူမိရူပအေဂျင်စီက ယခုနှစ် အစောပိုင်းတွင် ကြိုတင်ခန့်မှန်းချက် ထုတ်ပြန်ထားကြောင်း၊ ပုံမှန်အားဖြင့် နွေရာသီကာလသည် ဧပြီလတွင် စတင်ခဲ့ခြင်းဖြစ်သော် လည်း ယခုနှစ်တွင် ဧပြီလ၌ပင် ပူပြင်းခြောက်သွေ့မှုနှုန်း မြင့်မားလာခြင်းမရှိသည့်အတွက် ယခင် နှစ်များကထက် ပူပြင်းခြောက် သွေ့မှုကာလ တိုတောင်းမည်ဖြစ်ကြောင်း၊ ပူပြင်းခြောက်သွေ့သည့် ကာလ တိုတောင်းနိုင်သဖြင့် စပါးစိုက်ပျိုးသူများအတွက် အခွင့်အလမ်းကောင်းများရရှိနိုင်ပြီး စပါးအထွက်နှုန်းမှာလည်း ယခင်နှစ်များကထက် မြင့်တက်လာနိုင်သည့် အခြေအနေကောင်းတစ်ရပ် ဖြစ်လာနိုင်ပြီး စပါးအထွက်နှုန်းမှာ ပုံမှန်ပမာဏဖြစ်သည့် တန်ချိန် ၁၄ ဒသမ ၉၃ သန်း ၂၁ ဒသမ ဒသမ ၇၆ သန်းထိ မြင့်တက်လာနိုင်သည်ဟု အင်ဒိုနီးရှား မိုးလေဝသအေဂျင်စီ က ခန့်မှန်းထားကြောင်း သိရသည်။"ဒီနှစ်အစောပိုင်းက ကြိုတင် ခန့်မှန်းချက်တွေအရ ၂၀၂၅ ခုနှစ် မှာ ပူပြင်းခြောက်သွေ့မှုနှုန်းဟာ ပုံမှန်ထက် မြင့်တက်လာနိုင်တယ် လို့ ထုတ်ပြန်ထားပြီးဖြစ်ပါတယ်။ ဒါပေမဲ့ ပုံမှန်ဧပြီလမှာ ပူပြင်း ခြောက်သွေ့မှုနှုန်း မြင့်တက်နေပေမဲ့ ဒီနှစ်မှာတော့ ပူပြင်းခြောက် သွေ့တဲ့ရာသီဥတု ဖြစ်မလာသေးဘူး။ ဒါကြောင့် ပုံမှန်နှစ်ထက် ပူပြင်းခြောက်သွေ့တဲ့ ကာလတိုသွားနိုင်တယ်”ဟု အင်ဒိုနီးရှား မိုးလေဝသအေဂျင်စီမှ ပြောရေး ဆိုခွင့်ရှိသူ ကာနာဝါကီက ပြော ကြားခဲ့သည်။Ref: Russia TodayTrs: Sai SatYDNB NewspaperPhoto - Reuters
Wed, 25-Jun-2025
drought
မက္ကဆီကိုနိုင်ငံတွင် ဇွန်လအတွင်း မိုးသည်းထန်စွာရွာသွန်းမှုကြောင့် မိုးခေါင်မှု ၁၃ ရာခိုင်နှုန်းကျဆင်း
မက္ကဆီကိုစီးတီး ဇွန် ၂၄မက္ကဆီကိုနိုင်ငံတွင် ဇွန်လ အတွင်း မိုးသည်းထန်စွာရွာသွန်းမှု ဖြစ်ပေါ်ခဲ့ပြီးနောက် ရင်ဆိုင်နေ ရသည့် မိုးခေါင်မှုပြဿနာမှာ ၁၃ ရာခိုင်နှုန်းထိ ကျဆင်းလာ ကြောင်း အမျိုးသားရေထု ကော်မရှင်(NWC)က ထုတ်ပြန်ခဲ့ သည်ဟု ယနေ့သတင်းများတွင်ဖော်ပြထားသည်။မက္ကဆီကိုနိုင်ငံတွင် မေ ၁၅ ရက်မှစ၍ မိုးရာသီစတင်ခဲ့ခြင်းဖြစ် ပြီး ဇွန်လအတွင်း မိုးရေချိန်အမြင့် ဆုံးရွာသွန်းကာရေကြီးရေလျှံမှုပင် ဖြစ်ပေါ်ခဲ့ကြောင်း၊ ဇွန်လအတွင်း မိုးရွာသွန်းမှုမြင့်မားခဲ့ခြင်းကြောင့် မိုးခေါင်မှုဖြစ်ပေါ်နေသည့် ၆၇ ဒသမ ၈ ရာခိုင်နှုန်းထိရှိရာမှသည်၅၄ ဒသမ ၄ ရာခိုင်နှုန်းထိလျော့ကျ သွားခဲ့ကြောင်း၊ မက္ကဆီကိုနိုင်ငံ တွင် မိုးခေါင်မှုမှာအရေးပေါ်အခြေ အနေထိရောက်ရှိနေရာမှ ဇွန်လ အတွင်း မိုးရွာသွန်းမှုကြောင့် အရေးပေါ်အခြေအနေကို ပြန် လည် ရုပ်သိမ်းရနိုင်ကြောင်း အမျိုးသားကော်မရှင်(NWC) က ထုတ်ပြန်ခဲ့သည်။"မက္ကဆီကိုနိုင်ငံမှာ မေ ၁၅ ရက်ကစတင်ပြီးတော့ မိုးရွာသွန်းမှုဖြစ်ပေါ်ခဲ့ပါတယ်။ မိုးခေါင်တဲ့ အခြေအနေမှာ အခုလို မိုးရွာသွန်း လာတာက ကောင်းမွန်တဲ့ ပြောင်းလဲမှုတစ်ရပ်ဖြစ်ခဲ့ပါတယ်။ ဒါပေမဲ့ မိုးခေါင်တဲ့ပြဿနာကို သိသိသာသာလျော့ကျလာတာမရှိပါဘူး။ ဇွန်လမှာတော့ မုန်တိုင်း တွေ ဝင်ရောက်လာပြီး မိုးသည်း ထန်စွာရွာသွန်းမှုကြောင့် ရေကြီး ရေလျှံမှုတွေ့ဖြစ်ပေါ်ခဲ့ပြီး မိုးခေါင်မှု ပြဿနာကသိသိသာသာလျော့ကျ လာခဲ့ပါတယ်။ ရင်ဆိုင်နေရတဲ့ မိုးခေါင်မှုက ၆၇ ဒသမ ၈ ရာခိုင် နှုန်းထိရှိရာကနေ ၅၄ ဒသမ ၄ ရာခိုင်နှုန်းထိ လျော့ကျလာခဲ့ပါ တယ်။ စုစုပေါင်းလျော့ကျလာတဲ့ ပမာဏက ၁၃ ရာခိုင်နှုန်းကျော် ရှိပါတယ်”ဟု အမျိုးသားရေထု ကော်မရှင်(NWC)မှ သုတေသီ တစ်ဦးက ပြောကြားခဲ့ကြောင်း သိရသည်။Ref: Russia TodayTrs: Sai SatYDNB Newspaper 
Wed, 25-Jun-2025
spaceX
Space-X ကုမ္ပဏီက Transporter-14 မစ်ရှင်ဖြင့်​ ​ဂြိုဟ်တုအစင်း ၇၀ ကို လွှတ်တင်ခဲ့
ဝါရှင်တန် ဇွန် ၂၄အမေရိကန်နိုင်ငံ အခြေစိုက် Space- X ကုမ္ပဏီသည် Transporter-14 မစ်ရှင်ဖြင့် ဂြိုဟ်တု အမျိုးမျိုး အစင်း ၇ဝ ကို ဇွန် ၂၃ ရက်တွင် လွှတ်တင်ခဲ့ကြောင်း သိရသည်။အထက်ပါဂြိုဟ်တုများ သယ်ဆောင်ထားသော ဖယ်လ်ကွန် ဒုံးပျံကို ကယ်လီဖိုးနီးယားပြည်နယ် ဗင်ဒန်ဘာ့ဂ် အာကာသစခန်း မှတစ်ဆင့် လွှတ်တင်ခဲ့သည်။ Transporter-14 မစ်ရှင်လွှတ်တင်ပြီး ၈ ဒသမ၅ မိနစ်အကြာတွင် ဖယ်လ်ကွန် ၉ ဒုံးပျံ၏ ပထမအဆင့် ပင်မဒုံးယာဉ်သည် ပစိဖိတ်သမုဒ္ဒရာအတွင်း စောင့်ဆိုင်းနေသည့် မောင်းသူမဲ့ တွဲရေယာဉ်ပေါ်သို့ အောင်မြင်စွာပြန်လည် ဆင်းသက်နိုင်ခဲ့သည်။လွှတ်တင်ပြီး ၅၄ မိနစ်ခန့်အကြာတွင် ဖယ်လ်ကွန် ၉ ၏ ထိပ်ဖူးအဆင့်ဒုံးယာဉ်သည် သယ်ဆောင်ထားသော ဂြိုဟ်တုအစင်း ၇၀ ကို နှစ်နာရီကြာအချိန်ယူ၍ သက်ဆိုင်ရာပတ်လမ်းများပေါ်သို့ ပို့ဆောင်ပေးနိုင်ခဲ့ပြီး Transporter 14 မစ်ရှင်ဖြင့် လွှတ်တင်ခဲ့သော ဂြိုဟ်တုများထဲတွင် အငယ်စားဂြိုဟ်တုများ ကျူဆက်ဂြိုဟ်တုငယ်များ ကမ္ဘာ့လေထုလွှာအတွင်း ပြန်လည်ဝင်ရောက်မည့် စမ်းသပ်ဂြိုဟ်တုငယ်များပါဝင်ပြီး ကွယ်လွန်သူများ၏ အရိုးပြာများနှင့် လူသားတို့၏ မျိုးဗီဇအခြေခံမော်လီကျုး(ဒီအင်န်အေ)များ ထည့်သွင်းထားသည့် ဂြိုဟ်တု တစ်စင်းလည်း ပါဝင်သည်။Ref: Russia TodayTrs: KKDPhoto - SpaceYDNB Newspaper
Wed, 25-Jun-2025
ပရောဂျက်ကွီပါ အင်တာနက်ဝန်ဆောင်မှုဂြိုဟ်တုကွန်ရက်အတွက် ဂြိုဟ်တု ၂၇ စင်းကို United Launch Alliance ကုမ္ပဏီက အက်တလပ်စ်- ၅ ဒုံးပျံဖြင့် လွှတ်တင်
ပရောဂျက်ကွီပါ အင်တာနက်ဝန်ဆောင်မှုဂြိုဟ်တုကွန်ရက်အတွက် ဂြိုဟ်တု ၂၇ စင်းကို United Launch Alliance ကုမ္ပဏီက အက်တလပ်စ်- ၅ ဒုံးပျံဖြင့် လွှတ်တင်
ဝါရှင်တန် ဇွန် ၂၄ Amazon ကုမ္ပဏီ၏ ပရောဂျက်ကွီပါ အင်တာနက်ဝန်ဆောင် မူဂြိုဟ်တုကွန်ရက်အတွက် ဂြိုဟ်တု ၂၇ စင်းကို United Launch Alliance (ULA) ၏ အက်တလပ်စ်-၅ ဒုံးပျံဖြင့် ဖလော်ရီဒါပြည်နယ် ကိပ်ကာနေဗာရယ်လ် အာကာသ စခန်းမှတစ်ဆင့် ဇွန် ၂၃ ရက်တွင် လွှတ်တင်ခဲ့ကြောင်း သိရသည်။ Amazon ကုမ္ပဏီသည် မူလ က အဆိုပါဂြိုဟ်တု ၂၇ စင်းကို ဇွန် ၁၆ ရက်တွင် လွှတ်တင်ရန်စီစဉ် ခဲ့သော်လည်း အက်တလပ်စ်ဒုံးပျံယာဉ် ဒုံးအင်ဂျင်ပြဿနာတစ်ရပ်ကြောင့် ဇွန် ၂၃ ရက်မှပင် လွှတ်တင်နိုင်ခဲ့ခြင်း ဖြစ်ကြောင်း သိရသည်။၎င်းဂြိုဟ်တုများသည် ပရော ဂျက်ကွီပါ ဂြိုဟ်တုကွန်ရက် အတွက် United Launch Alliance ကုမ္ပဏီက လွှတ်တင်ပေးခဲ့သော ဒုတိယအသုတ်ဂြိုဟ်တု များဖြစ်ကြသည်။ပရောဂျက်ကွီပါ ဂြိုဟ်တု ကွန်ရက်အတွက် ပထမအသုတ် ဂြိုဟ်တု ၂၇ စင်းကို ယခုနှစ် ဧပြီ၂၈ ရက်တွင်United Launch Alliance ကုမ္ပဏီက လွှတ်တင်ပေးခဲ့ပြီးဖြစ်သည်။Amazon ကုမ္ပဏီသည် ပရောဂျက်ကွီပါ အင်တာနက်ဝန်ဆောင်မှု ဂြိုဟ်တုကွန်ရက်ကို ဂြိုဟ်တု အစင်းပေါင်း ၃၂၀၀ ဖြင့် ဖွဲ့စည်း တည်ဆောက်ရန် စီစဉ်ထားကြောင်း သိရသည်။Amazon ၏ ပရောဂျက်ကွီပါ ဂြိုဟ်တုကွန်ရက် တည်ဆောက်ရေးမစ်ရှင်များအနက် အများစုကို United Launch Alliance ကုမ္ပဏီ က တာဝန်ယူ လွှတ်တင်ပေးမည် ဖြစ်ကြောင်း သိရသည်။Ref: Sputnik NewsTrs: KKOYDNB Newspaper
Wed, 25-Jun-2025
သက်မဲ့ဂြိုဟ်တုတစ်စင်းအဖြစ် ငြိမ်သက်နေသော ဂြိုဟ်တုတစ်စင်းထံမှ ရဒီယိုအချက်ပြလှိုင်းထုတ်လွှတ်မှုကို ဩစတြေးလျသိပ္ပံပညာရှင်များ ထောက်လှမ်းတွေ့ရှိ
သက်မဲ့ဂြိုဟ်တုတစ်စင်းအဖြစ် ငြိမ်သက်နေသော ဂြိုဟ်တုတစ်စင်းထံမှ ရဒီယိုအချက်ပြလှိုင်းထုတ်လွှတ်မှုကို ဩစတြေးလျသိပ္ပံပညာရှင်များ ထောက်လှမ်းတွေ့ရှိ
ကင်ဘာရာ ဇွန် ၂၄ နှစ်ပေါင်းများစွာ သက်မဲ့ ဂြိုဟ်တုတစ်စင်းအဖြစ် ငြိမ်သက်နေသော ဂြိုဟ်တုတစ်စင်းထံမှ ရေဒီယိုအချက်ပြလှိုင်းထုတ်လွှတ်မှုကို ဩစတြေးလျ သိပ္ပံပညာရှင်များက ထောက်လှမ်းတွေ့ရှိခဲ့ကြောင်း ဇွန် ၂၃ ရက် သတင်းများ အရ သိရသည်။အဆိုပါရေဒီယိုအချက်ပြလှိုင်း ထုတ်လွှတ်မှုကို ဩစတြေးလျသိပ္ပံ ပညာရှင်များက ပတ်သ်မိုင်ဒါအမည် ရှိရေဒီယိုတယ်လီစကုပ်ဖြင့်ထောက်လှမ်း တွေ့ရှိခဲ့ခြင်းဖြစ်သည်။၎င်း ရေဒီယိုအချက်ပြလှိုင်း ထုတ်လွှတ်မှုသည် အမေရိကန် အစိုးရ အမျိုးသားလေကြောင်းနှင့် အာကာသ  စီမံခန့်ခွဲရေးအေဂျင်စီက လွှတ်တင်ထားသည့် ရီလေး-၂ အမည်ရှိ ဂြိုဟ်တု တစ်စင်းမှ ပေါ်ထွက်လာသည့် ရေဒီယိုစွမ်းအင်လှိုင်း ဖြစ်နိုင်သည် ဟု ဩစတြေးလျ သိပ္ပံပညာရှင်များ က ယူဆထားသည်။နာဆာအဖွဲ့သည် ရီလေး-၂ ဂြိုဟ်ဟုကို ၁၉၆၄ ခုနှစ် ဇန်နဝါရီလတွင် လွှတ်တင်ခဲ့ပြီး ၁၉၆၇ ခုနှစ်တွင် ၎င်းဂြိုဟ်တု၏မစ်ရှင် ကို အဆုံးသတ်ခဲ့ရာ သက်မဲ့ဂြိုဟ်တုအဖြစ် ကမ္ဘာကို နှစ်ပေါင်း ၆၀ ကြာ လှည့်ပတ်နေသော ရီလေး-၂ ဂြိုဟ်တုကို ဥက္ကာအမှုန်အစတစ်ခု ဝင်တိုက်မှုကြောင့် ၎င်းဂြိုဟ်တု ကိုယ်ထည်မှ ရေဒီယိုစွမ်းအင်လှိုင်း ဖွင့်ထွက်ခဲ့ခြင်း ဖြစ်နိုင်ကြောင်း ဩစတြေးလျ သုတေသန ပညာရှင်များက ပြောကြားသည်။ ကမ္ဘာပတ်လမ်းကြောင်းပေါ်၌ သက်မဲ့ဂြိုဟ်တုပေါင်း ၃၀၀၀ ကျော်ထိ ရှိနေကြောင်း သိပ္ပံပညာ ရှင်များ၏ အဆိုအရ သိရသည်။Ref: Russia TodayTrs: KKOYDNB Newspaper  
Wed, 25-Jun-2025
© Copyright 2024 SAC All Rights Reserved.