လာအိုနိုင်ငံအတွင်းသို့ ယခုနှစ်ပထမ ၁၀ လအတွင်း ပြည်ပခရီးသွား ၃ ဒသမ ၃ သန်း ဝင်ရောက်
News Image
ဗီယင်ကျန် နိုဝင်ဘာ ၂၈
လာအိုနိုင်ငံအတွင်းသို့ ယခုနှစ် ပထမ ၁၀ လအတွင်း ပြည်ပခရီးသွား ၃ ဒသမ ၃ သန်းဝင်ရောက်ခဲ့ပြီး ယမန်နှစ် အလားတူကာလကထက် အရေအတွက်အားဖြင့် ၁၉ ရာခိုင်နှုန်း မြင့်တက်လာခဲ့ကြောင်း နိုဝင်ဘာ ၂၈ ရက်တွင် လာအိုနိုင်ငံပြန်ကြားရေး၊ ယဉ်ကျေးမှုနှင့် ခရီးသွာလုပ်ငန်းဝန်ကြီးဌာနက ပြောကြားသည်။
ဇန်နဝါရီလမှ အောက်တိုဘာလအတွင်း ထိုင်း၊ ဗီယက်နမ်နှင့် တရုတ်နိုင်ငံမှခရီးသွားများ လာအိုနိုင်ငံအတွင်းသို့ အများဆုံးလာရောက်ခဲ့ကြောင်း ၎င်းဝန်ကြီးဌာနက ထပ်လောင်းပြောကြားသည်။
၂၀၂၄ ခုနှစ်တွင် ကျရောက်သည့် လာအိုခရီးသွားနှစ်အတွင်း လာအိုအစိုးရသည် ပြည်ပနိုင်ငံ အများအပြားမှ ခရီးသွားများကို ပြည်ဝင်ခွင့်ဗီဇာကင်းလွတ်ခွင့်ပြုခဲ့ပြီး နိုင်ငံအတွင်းသို့ လာရောက်ရန် ဆွဲဆောင်ခဲ့သည်။ ၂၀၂၄ ခုနှစ် လာအိုခရီးသွားနှစ်ဆိုင်ရာ ကြိုးပမ်းမှုအဖြစ် ခရီးသွားလုပ်ငန်းတာဝန်ရှိသူများသည် ဟိုတယ်များ၊ တည်းခိုရိပ်သာများ၊ စားသောက်ဆိုင်များအပါအဝင် ခရီးသွားနေရာများကို အဆင့်မြှင့်တင်ခဲ့ကြောင်း သိရသည်။
လာအိုအစိုးရအနေဖြင့် ၂၀၂၅ ခုနှစ်အတွင်း ခရီးသွားလုပ်ငန်းကဏ္ဍကိုမြှင့်တင်ရာတွင် ကဏ္ဍပေါင်းစုံနှင့် ပူးပေါင်းဆောင်ရွက်မည်ဖြစ်ကာ အစိုးရ၊ ပုဂ္ဂလိက ပူးပေါင်းဆောင်ရွက်မှုကိုမြှင့်တင်မည်ဟု လာအိုနိုင်ငံ အမျိုးသားလွှတ်တော်အစည်းအဝေးတွင် ဝန်ကြီးချုပ်ဆိုနီဆေးဆီဖန်ဒုံးက ပြောကြားသည်။
ကိုးကား-ဆင်ဟွာ
Source- ကြေးမုံသတင်းစာ
