အမေရိကန်သည် ယူနက်စကိုမှ နုတ်ထွက်မည်ဟု အိမ်ဖြူတော် ထုတ်ပြန်

saceditor

News Image

  • အမေရိကန်သည် ယူနက်စကိုမှ နုတ်ထွက်မည်ဟု အိမ်ဖြူတော် ထုတ်ပြန်

အမေရိကန်ပြည်ထောင်စုသည် ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှုအဖွဲ့ (ယူနက်စကို) မှ နုတ်ထွက်ရန် စီစဉ်နေသည်ဟုအိမ်ဖြူတော်၏ ထုတ်ပြန်ချက်ကို ကိုးကား၍ နယူးယောက်ပို့စ် သတင်းစာ က အင်္ဂါနေ့ (ဇူလိုင် ၂၂) တွင် ဖော်ပြခဲ့သည်။ အကြောင်းမှာ အဖွဲ့အစည်း အတွင်း အစ္စရေးနိုင်ငံအပေါ် ဖိအားပေးသော ဘက်လိုက်မှုများနှင့် တရုတ် ၏ ဩဇာလွှမ်းမိုးမှု တိုးမြင့်လာသည်ဟု စွပ်စွဲချက်များကြောင့်ဖြစ်သည်။

ဖေဖော်ဝါရီလတွင် သမ္မတ ဒေါ်နယ်ထရမ့်သည် State Department အား အမေရိကန်၏ ယူနက်စကိုအစီအစဉ်များတွင် ပါဝင်မှုကို ရက်ပေါင်း ၉၀ အတွင်း ပြန်လည်သုံးသပ်ရန် အမိန့်ပေးခဲ့သည်။ အဆိုပါ ဆောင်ရွက်ချက် သည် အမေရိကန်အကျိုးစီးပွားနှင့် မကိုက်ညီဘဲ ၎င်း၏မဟာမိတ်များကို အားနည်းစေပြီး "ဂျူးဆန့်ကျင်ရေးဝါဒ" ကို ဖြန့်ချိသည်ဟု အစိုးရ အရာရှိ များက စွပ်စွဲထားပြီး “ကုလသမဂ္ဂအဖွဲ့အစည်းများနှင့် ချိတ်ဆက်မှု လျှော့ချရေး ကြိုးပမ်းမှု” ၏ တစ်စိတ်တစ်ပိုင်းဖြစ်သည်။ 

အိမ်ဖြူတော်၏ ဒုတိယပြောရေးဆိုခွင့်ရှိသူ အန်နာကဲလီ က နယူးယောက် ပို့စ်သို့ ပြောကြားရာတွင် ယူနက်စကိုသည် "အမေရိကန်မဲဆန္ဒရှင်များ လိုလားသော အခြေခံကျသည့် မူဝါဒများနှင့် လုံးဝမကိုက်ညီဘဲ woke (လူမှုရေးတက်ကြွဝါဒ)၊ ပဋိပက္ခဖြစ်စေသော ယဉ်ကျေးမှုနှင့် လူမှုရေး လှုပ်ရှားမှုများကို ထောက်ခံသည်ဟု တွေ့ရှိရသောကြောင့်" ထရမ့်က အဖွဲ့မှ နုတ်ထွက်ရန် ဆုံးဖြတ်ခဲ့ခြင်းဖြစ်သည်။

အမေရိကန်သည် ယခင်က ၁၉၈၄ ခုနှစ်တွင် သမ္မတ ရိုနယ်ရေဂင် လက်ထက်၌ ယူနက်စကိုမှ နုတ်ထွက်ခဲ့ဖူးသည်။ ထိုစဉ်က ငွေကြေး စီမံခန့်ခွဲမှု ညံ့ဖျင်းခြင်းနှင့် အဖွဲ့၏မူဝါဒများက တတိယကမ္ဘာ သဘောတရားများကို အထောက်အပံ့ပေးကာ လွတ်လပ်သောဈေးကွက်ကိုထိခိုက်စေသည်ဟု စွပ်စွဲခဲ့သည်။ သို့သော် ၂၀၀၂ ခုနှစ်တွင် သမ္မတ ဂျော့ခ်ျ ဒဗလျူ ဘုရှ် က အီရတ်ကျူးကျော်စစ်အတွက် ကမ္ဘာ့ ထောက်ခံမှု ရရှိရန် ရည်ရွယ်၍ ယူနက်စကိုသို့ ပြန်လည်ဝင်ရောက်ခဲ့သည်။ သမ္မတ ဒေါ်နယ်ထရမ့်သည် ၎င်း၏ ပထမသက်တမ်းအတွင်း ၂၀၁၉ ခုနှစ်တွင် ယူနက်စကိုမှ နုတ်ထွက်ခဲ့ပြီး ၂၀၂၃ ခုနှစ်တွင် သမ္မတ ဂျိုးဘိုင်ဒင်က အဖွဲ့သို့ ပြန်လည်ဝင်ရောက်ခဲ့သည်။

နယူးယောက်ပို့စ်၏ သတင်းတွင် ယူနက်စကို၏ ကျားမနှင့် လူမျိုးရေး ခွဲခြားမှုဆိုင်ရာ အစီအစဉ်များကို ထရမ့်အုပ်ချုပ်ရေး၏ ပြန်လည် သုံးသပ်မှု တွင် ကန့်ကွက်ချက်အဖြစ် ဖော်ပြထားသည်။ ထို့အပြင် အစ္စရေး နိုင်ငံ အပေါ် ကုလသမဂ္ဂအဖွဲ့၏ ကာလရှည်ကြာ ဖိအားပေးမှုဆိုင်ရာ အမေရိကန် စွပ်စွဲချက်များကိုလည်း ထပ်လောင်းထောက်ပြထားသည်။

အိမ်ဖြူတော်၏ ဒုတိယပြောရေးဆိုခွင့်ရှိသူ အန်နာကဲလီ၏အဆိုအရ "တရုတ်သည် ၎င်း၏ အကျိုးစီးပွားနှင့်ကိုက်ညီသော ကမ္ဘာ့စံနှုန်းများကို မြှင့်တင်ရန် ယူနက်စကိုအပေါ် ဩဇာသက်ရောက်မှုကို အသုံးချခဲ့သည်" ဟု အမေရိကန်အုပ်ချုပ်ရေးက ယုံကြည်ကြောင်း ဖော်ပြခဲ့သည်။ အမေရိကန်၏ အဖွဲ့ဝင်အဖြစ် နောက်ဆုံးပြန်လည်ရောက်ရှိစဉ်က ပေကျင်း အစိုးရက "ယူနက်စကိုတွင် ထိပ်တိုက်တွေ့မှုနှင့် သဘောထားကွဲလွဲမှု များကို ရှောင်ရှားရန်" ဝါရှင်တန်အား တိုက်တွန်းခဲ့သည်။

အစ္စရေးအရာရှိများက ယခင်က ယူနက်စကိုအား ဂျူးဆန့်ကျင်ရေး ဝါဒ ဖြန့်ချိမှုဖြင့် စွပ်စွဲခဲ့ပြီး အထူးသဖြင့် အစ္စရေးသိမ်းပိုက်ထားသော ပါလက်စတိုင်း နယ်မြေရှိ ယဉ်ကျေးမှုအမွေအနှစ်နေရာများကို အသိအမှတ်ပြုမှုနှင့် ပတ်သက်၍ အငြင်းပွားမှုများ ရှိခဲ့သည်။ အစ္စရေးသည် ၂၀၁၉ ခုနှစ်တွင် အမေရိကန်နှင့်အတူ ယူနက်စကိုမှ နုတ်ထွက်ခဲ့သည်။ ယူနက်စကိုက ပါလက်စတိုင်းရှိ ဂျူးလူမျိုးတို့၏ သမိုင်းဝင်အမွေအနှစ်များကို လျစ်လျူ ရှုထားကြောင်း စွပ်စွဲချက်ကို ငြင်းဆိုခဲ့သည်။

ကိုးကား- RT

ဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

ကမ္ဘာ့ဩဇာအကြီးဆုံး နိုင်ငံကူးလက်မှတ်အဖြစ် စင်ကာပူနိုင်ငံကူးလက်မှတ် ရပ်တည်
ကမ္ဘာ့ဩဇာအကြီးဆုံး နိုင်ငံကူးလက်မှတ်အဖြစ် စင်ကာပူနိုင်ငံကူးလက်မှတ် ရပ်တည်
လန်ဒန် ဇူလိုင် ၂၄ဗြိတိန်အခြေစိုက် ဟင်နလေ နိုင်ငံကူးလက်မှတ်အညွှန်းကိန်း အစီရင်ခံစာအရ စင်ကာပူနိုင်ငံကူး လက်မှတ်သည် ယခုနှစ်တွင်လည်း ကမ္ဘာ့ဩဇာအကြီးဆုံး နိုင်ငံကူး လက်မှတ်အဖြစ် ရပ်တည်နေ ကြောင်း ဇူလိုင် ၂၃ ရက် သတင်း များတွင် ရေးသားဖော်ပြထားသည်။စင်ကာပူနိုင်ငံကူး လက်မှတ် ကိုင်​ဆောင်ထားသူများအနေဖြင့် ကမ္ဘာ့နိုင်ငံပေါင်း ၁၉၃ နိုင်ငံသို့ ဗီဇာမဲ့ သွားရောက်ခွင့်ရှိကြောင်း ဟင်နလေ နိုင်ငံကူးလက်မှတ် အညွှန်းကိန်းအစီရင်ခံစာ (၂၀၂၅) တွင် ဖော်ပြထားသည်။စင်ကာပူနိုင်ငံကူး လက်မှတ်သည် ၂၀၂၄ ခုနှစ်ကလည်း ဂျပန်၊ ဂျာမနီ၊ အီတလီ၊ စပိန်၊ ပြင်သစ် နိုင်ငံကူး လက်မှတ်များနှင့်အတူ ကမ္ဘာ့ဩဇာအကြီးဆုံး နိုင်ငံကူးလက်မှတ်အဖြစ် ပူးတွဲရပ်တည်နိုင် ခဲ့သည်။ယခုနှစ်၏ကမ္ဘာ့ဒုတိယဩဇာ အကြီးဆုံး နိုင်ငံကူးလက်မှတ် များမှာ ဂျပန်နိုင်ငံကူးလက်မှတ် နှင့် တောင်ကိုရီးယားနိုင်ငံကူး လက်မှတ်များ ဖြစ်ကြကြောင်း သိရသည်။အမေရိကန်နိုင်ငံ၏ နိုင်ငံကူး လက်မှတ်မှာမူ ကမ္ဘာ့ဩဇာအကြီး ဆုံးနိုင်ငံကူးလက်မှတ်များ အညွှန်း ကိန်းတွင် အဆင့် ၁၀ သို့ ကျဆင်း ခဲ့ရသည်။ကမ္ဘာ့ဩဇာအရှိန်အဝါအနည်း ဆုံးနိုင်ငံကူးလက်မှတ်မှာ အာဖဂန် နစ္စတန်နိုင်ငံကူးလက်မှတ်ဖြစ်ပြီး ကမ္ဘာ့နိုင်ငံ ၂၅ နိုင်ငံသို့သာ ဗီဇာမဲ့ သွားရောက်ခွင့် ရှိကြောင်း သိရသည်။Ref: XinhuaTrs: KKOPhoto - Scandasia
Fri, 25-Jul-2025
သံလွင်မြစ်ရေ ဘားအံမြို့၏ စိုးရိမ်ရေမှတ်အထက် ဆက်လက်တည်ရှိနိုင်
သံလွင်မြစ်ရေ ဘားအံမြို့၏ စိုးရိမ်ရေမှတ်အထက် ဆက်လက်တည်ရှိနိုင်
နေပြည်တော် ဇူလိုင် ၂၄ယနေ့နံနက် ၁၁ နာရီခွဲအချိန်တိုင်းထွာချက်အရ သံလွင်မြစ်ရေသည် ဘားအံမြို့တွင် ယင်းမြို့၏ စိုးရိမ်ရေမှတ်သို့ ရောက်ရှိနေပြီး နောက်တစ်ရက်အတွင်း နှစ်ပေခန့်မြင့်တက်လာနိုင်ကာ ယင်းမြို့၏စိုးရိမ်ရေမှတ်အထက် ဆက်လက်တည်ရှိနိုင်သည်။ သို့ဖြစ်ပါ၍ ဘားအံမြို့နယ်အတွင်းရှိ မြစ်ကမ်းအနီးနှင့် မြေနိမ့်ပိုင်းနေထိုင်သူများအနေဖြင့် ရေဘေးလွတ်ရာနေရာများသို့ ရှောင်ရှားနိုင်ရန် မိုးလေ၀သနှင့် ဇလဗေဒညွှန်ကြားမှုဦးစီးဌာနက သတိပေးနှိုးဆော်ထားကြောင်း သိရသည်။မိုး/ဇလ
Fri, 25-Jul-2025
အားကောင်းသောလေဖိအားနည်းရပ်ဝန်း နောက် ၂၄ နာရီအတွင်း မုန်တိုင်းငယ်အဖြစ် ရောက်ရှိနိုင်
အားကောင်းသောလေဖိအားနည်းရပ်ဝန်း နောက် ၂၄ နာရီအတွင်း မုန်တိုင်းငယ်အဖြစ် ရောက်ရှိနိုင်
နေပြည်တော် ဇူလိုင် ၂၄ယနေ့ည ၉နာရီခွဲအချိန် တိုင်းထွာချက်အရ ဘင်္ဂလားပင်လယ်အော် မြောက်ပိုင်းတွင် ဖြစ်ပေါ်နေသော လေဖိအားနည်းရပ်ဝန်း (Low Pressure Area) သည် အနောက်-အနောက်မြောက်ဘက်သို့ ဖြည်းညင်းစွာရွေ့လျားခဲ့ပြီး ပိုမိုအားကောင်းလာကာ အားကောင်းသော လေဖိအားနည်းရပ်ဝန်း (Well Marked Low Pressure Area) အဖြစ်သို့ ရောက်ရှိခဲ့သည်။ အဆိုပါအားကောင်းသော လေဖိအားနည်းရပ်ဝန်းသည် အနောက်-အနောက်မြောက်ဘက်သို့ ဆက်လက်ရွေ့လျားနိုင်ပြီး နောက် ၂၄ နာရီအတွင်း အိန္ဒိယနိုင်ငံ အနောက် ဘင်္ဂလားပြည်နယ်နှင့် ဘင်္ဂလားဒေ့ရှ်နိုင်ငံကမ်းခြေတို့တွင် ပိုမိုအားကောင်းလာနိုင်ကာ မုန်တိုင်းငယ် (Depression) အဖြစ်သို့ ရောက်ရှိနိုင်သည်။ ထိုမှ တစ်ဆင့် နောက်နှစ်ရက်အတွင်းအိန္ဒိယနိုင်ငံ အနောက်ဘင်္ဂလားပြည်နယ် ဩရိဿပြည်နယ်မြောက်ပိုင်း၊ ဂျက်ခမ်းပြည်နယ်နှင့် ယင်း နှင့်ဆက်စပ်လျက်ရှိသော ချက်တစ်ဂတ် ပြည်နယ်မြောက်ပိုင်းတို့သို့ ဖြတ်ကျော်နိုင်သည်ဟု ခန့်မှန်းရသည်။အဆိုပါ အားကောင်းသောလေဖိအားနည်းရပ်ဝန်း၏အရှိန်ကြောင့် လည်းကောင်း၊ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေ အားအလွန်ကောင်းနေခြင်းကြောင့်လည်းကောင်း ယနေ့ ညမှ ဇူလိုင် ၂၈ ရက်အတွင်း နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး အချို့ဒေသများ တွင် ဒေသအလိုက်နှင့် နေရာကွက်၍မိုးကြီးမည်ဖြစ်သည်။မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ တွင် မကြာခဏ မိုးသက်လေပြင်းများကျရောက်ပြီး လှိုင်းအလွန်ကြီး မည်။ မိုးသက်လေပြင်းကျစဉ် ရေပြင်၊ မြေပြင်လေသည် တစ်နာရီလျှင် ၄၅ မိုင်ထိ တိုက်ခတ်နိုင်သည်။ လှိုင်းအမြင့်မှာ မြန်မာ့ကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့တွင် ၁၄ ပေမှ ၁၆ ပေခန့် ရှိနိုင်သည်။သို့ဖြစ်ပါ၍ မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ် ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေ ခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်း စသည့် သဘာဝဘေး အန္တရာယ်များ ဖြစ်ပေါ်နိုင်သဖြင့် အဆိုပါဒေသများရှိ ကုန်းမြင့်ဒေသ အနီးတွင် နေထိုင်ကြသူများအနေဖြင့် မြေပြိုမှုအန္တရာယ်၊ မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှု များကို ကြိုတင်သတိပြုရှောင်ရှားနိုင်ရန်နှင့် ပြည်တွင်းရေကြောင်း သွားလာရေး၊ လေကြောင်းပျံသန်းရေးနှင့် ဆည်မြောင်းတာတမံများ အနေဖြင့် လိုအပ်သည်များ ကြိုတင်ပြင်ဆင်ဆောင်ရွက်ထားနိုင်ရန် သတိပေးနှိုးဆော်ထားကြောင်း သိရသည်။(မိုး/ဇလ)
Fri, 25-Jul-2025
ရုရှားအရှေ့ဖျားဒေသတွင် ခရီးသည်တင်လေယာဉ် တစ်စင်းပျက်ကျ၊ လိုက်ပါလာသူအားလုံးသေဆုံး
ရုရှားအရှေ့ဖျားဒေသတွင် ခရီးသည်တင်လေယာဉ် တစ်စင်းပျက်ကျ၊ လိုက်ပါလာသူအားလုံးသေဆုံး
ရုရှားနိုင်ငံ အရှေ့ဖျားဒေသရှိမြို့ကြီးတစ်မြို့အနီးတွင် ခရီးသည်တင်လေယာဉ် ပျက်ကျမှုအတွင်း လိုက်ပါလာသူအားလုံးသေဆုံးသွားကြောင်း ရုရှားထောက်လှမ်းရေးအေဂျင်စီက  ဇူလိုင်လ ၂၄ ရက်တွင် ထုတ်ပြန်သည်။အဆိုပါ An-24 အမျိုးအစားခရီးသည်တင်လေယာဉ်ပေါ်တွင်  ခရီးသည်များအပါအဝင်  စုစုပေါင်း  ၄၉  ဦးလိုက်ပါလာပြီး တင်ဒါမြို့အနီးတွင် ဒေသစံတော်ချိန် မွန်းလွဲ ၁ နာရီခန့်က ပျက်ကျသွားခြင်းဖြစ်သည်။   အဆိုပါလေယာဉ်ပေါ်တွင် လေယာဉ်မှူးနှင့်  အမှုထမ်းခြောက်ဦး ပါဝင်ကြောင်းသိရသည်။အင်ဂျင်နှစ်လုံးတပ် An-24 ခရီးသည်တင်လေယာဉ်သည် ဒေသတွင်းအချက်အချာကျသည့် ခါဗာရော့ဗ်မှ   အခြားပြည်တွင်းခရီးစဉ်များအား ပျံသန်းနေစဉ် ပျက်ကျခြင်းဖြစ်သည်။  ပျက်ကျသွားသည့်  လေယာဉ်အပျက်အစီးများကို တင်ဒါလေဆိပ် မှ ၁၅ ကီလိုမီတာအကွာရှိသစ်တောထူထပ်သည့်  တောင်ကြောအတွင်း၌ ပြန်လည်တွေ့ရှိခဲ့ကြကြောင်းသိရသည်။လေယာဉ်ပျက်ကျရသည့်အကြောင်းရင်းကိုမူ  အာဏာပိုင်အဖွဲ့က  စစ်ဆေးလျက်ရှိသည်။An-24 အမျိုးအစားလေယာဉ်များကို ၁၉၆၀ ပြည့်နှစ်များမှစ၍ လေကြောင်းခရီးစဉ်များတွင် စတင်အသုံးပြုခဲ့သော်လည်း လက်ရှိအချိန်အထိ ရုရှားနိုင်ငံရှိအလွန်ဝေးကွာသည့် ခရီးလမ်းကြောင်းများတွင်   ဆက်လက်အသုံးပြုလျက်ရှိကြောင်း သိရသည်။Ref: RT, Xinhua
Fri, 25-Jul-2025
ဒုတိယဝန်ကြီးချုပ်နှင့် ပြည်ထောင်စုဝန်ကြီး ဦးသန်းဆွေ ဦးဆောင်သည့် ကိုယ်စားလှယ်အဖွဲ့နှင့် တရုတ်နိုင်ငံတကာဖွံ့ဖြိုးမှုပူးပေါင်းဆောင်ရွက်ရေးအေဂျင်စီ (CIDCA) ဥက္ကဋ္ဌ ဦးဆောင်သည့် ကိုယ်စားလှယ်အဖွဲ့တို့ တွေ့ဆုံဆွေးနွေး
ဒုတိယဝန်ကြီးချုပ်နှင့် ပြည်ထောင်စုဝန်ကြီး ဦးသန်းဆွေ ဦးဆောင်သည့် ကိုယ်စားလှယ်အဖွဲ့နှင့် တရုတ်နိုင်ငံတကာဖွံ့ဖြိုးမှုပူးပေါင်းဆောင်ရွက်ရေးအေဂျင်စီ (CIDCA) ဥက္ကဋ္ဌ ဦးဆောင်သည့် ကိုယ်စားလှယ်အဖွဲ့တို့ တွေ့ဆုံဆွေးနွေး
နေပြည်တော် ဇူလိုင် ၂၄ဒုတိယဝန်ကြီးချုပ်နှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေဦးဆောင်သည့် ကိုယ်စားလှယ်အဖွဲ့နှင့် တရုတ်နိုင်ငံတကာဖွံ့ဖြိုးမှုပူးပေါင်းဆောင်ရွက်ရေးအေဂျင်စီ (CIDCA) ဥက္ကဋ္ဌ Mr. Chen Xiaodong ဦးဆောင်သည့် ကိုယ်စားလှယ် အဖွဲ့တို့သည် ယနေ့နံနက် ၉ နာရီခွဲတွင် နေပြည် တော်ရှိ Park Royal Hotel ၌ တွေ့ဆုံဆွေးနွေးသည်။တွေ့ဆုံပွဲတွင် မန္တလေးငလျင်ကြီးအလွန် ပြန်လည်ထူထောင်ရေးကိစ္စရပ်များနှင့်စပ်လျဉ်း၍ တရုတ်နိုင်ငံတကာဖွံ့ဖြိုးမှု ပူးပေါင်းဆောင်ရွက်ရေးအေဂျင်စီက ကူညီပံ့ပိုးပေးနိုင်မည့်အခြေအနေ၊ မြန်မာအစိုးရ နှင့် CIDCA တို့အကြား ပူးပေါင်းဆောင်ရွက်မှုမြှင့်တင်သွားရေး၊ ဆောက်လုပ်ရေး၊ ကျန်းမာရေး၊ အခြေခံအဆောက်အအုံနှင့် ဘေးအန္တရာယ်ဆိုင်ရာ စီမံခန့်ခွဲမှုကဏ္ဍများ၌ ဦးစားပေးအကောင်အထည် ဖော်လိုသည့် စီမံကိန်းများ၊ မြန်မာနိုင်ငံနှင့် တရုတ်နိုင်ငံအကြား ဆွေမျိုးပေါက်ဖော် ချစ်ကြည်ရင်းနှီးမှု ပိုမိုနက်ရှိုင်းစေရန်နှင့် မဟာဗျူဟာကျသည့် ပူးပေါင်းဆောင်ရွက်မှုများမှတစ်ဆင့် အေးအတူပူအမျှ အသိုက်အဝန်းထူထောင်မှုအရှိန်အဟုန်ကို ဆက်လက်မြှင့်တင်သွားရေးတို့ကို ဆွေးနွေးကြသည်။အစည်းအဝေးသို့ စီမံကိန်းနှင့်ဘဏ္ဍာရေးဝန်ကြီးဌာန၊ နိုင်ငံခြားရေးဝန်ကြီးဌာန၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊ သာသနာရေးနှင့်ယဉ်ကျေးမှုဝန်ကြီးဌာန၊ ကျန်းမာရေးဝန်ကြီးဌာန၊ ဆောက်လုပ်ရေးဝန်ကြီးဌာန၊ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနတို့မှ ပြည်ထောင်စုဝန်ကြီးများ၊ ဒုတိယဝန်ကြီးများ၊ နေပြည်တော်ကောင်စီဝင်၊ ဌာနဆိုင်ရာတာဝန်ရှိသူများ၊ မြန်မာနိုင်ငံဆိုင်ရာ တရုတ်နိုင်ငံသံအမတ်ကြီး၊ CIDCA မှ တာဝန်ရှိသူများနှင့် တရုတ်သံရုံးမှ သံတမန်များ တက်ရောက်ကြသည်။အစည်းအဝေးအပြီးတွင် ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီးနှင့် တရုတ်နိုင်ငံတကာဖွံ့ဖြိုးမှု ပူးပေါင်းဆောင်ရွက်ရေးအေဂျင်စီ ဥက္ကဋ္ဌတို့က လူ့စွမ်းအားအရင်းအမြစ် ဖွံ့ဖြိုးတိုးတက်ရေးဆိုင်ရာ နားလည်မှုစာချွန်လွှာ လက်မှတ်ရေးထိုးခြင်းနှင့် ကျန်းမာရေးဝန်ကြီးဌာန ပြည်ထောင်စုဝန်ကြီးနှင့် တရုတ်နိုင်ငံတကာ ဖွံ့ဖြိုးမှုပူးပေါင်းဆောင်ရွက်ရေးအေဂျင်စီဥက္ကဋ္ဌတို့က တရုတ်-မြန်မာချစ်ကြည်ရေး အဆင့်မြင့်အထူးကုဆေးရုံကြီးစီမံကိန်း အကောင်အထည်ဖော်ဆောင်ရွက်နိုင်ရေး ဖြစ်နိုင်ခြေလေ့လာ သုံးသပ်မှုအတွက် စာလွှာလက်မှတ်ရေးထိုးလဲလှယ်ခြင်းတို့ကို ဆောင်ရွက်ခဲ့ကြကြောင်း သတင်းရရှိသည်။                          MOI
Fri, 25-Jul-2025
ဩစတြေးလျနိုင်ငံတောင်ပိုင်းရှိ ပင်လယ်ပြင်တွင် အဆိပ်ရှိရေညှိများစွာ ပေါက်ရောက်နေ
ဩစတြေးလျနိုင်ငံတောင်ပိုင်းရှိ ပင်လယ်ပြင်တွင် အဆိပ်ရှိရေညှိများစွာ ပေါက်ရောက်နေ
ကင်ဘာရာ   ဇူလိုင် ၂၃ဩစတြေးလျ နိုင်ငံတောင်ပိုင်းရှိ ပင်လယ်ပြင်တွင် အဆိပ်ရှိ ရေညှိများစွာပေါက်ရောက်နေကြောင်း ပြည်နယ် သဘာဝပတ်ဝန်းကျင်ဆိုင်ရာတာဝန်ရှိသူများက ယနေ့တွင် ပြောကြားခဲ့သည်။ဩစတြေးလျ နိုင်ငံတောင်ပိုင်းရှိ ပင်လယ်ပြင်တွင် အဆိပ်ရှိရေညှိများစွာ ပေါက်ရောက်နေခြင်းသည် ရေနေသတ္တဝါ မျိုးစိတ်များစွာ ပျက်စီးစေကာ ဒေသတွင်းခရီးသွားလာရေးနှင့် ငါးဖမ်းလုပ်ငန်းကို အနှောင့်အယှက်ဖြစ်စေသည့်အတွက် မပေါ့ဆသင့်ကြောင်း ပြည်နယ်ဝန်ကြီးချုပ် ပီတာမာလင်နူ့ကတ်က ပြောကြားခဲ့သည်။ထိုရေညှိများပေါက်ရောက်ရာရေပြင်ဧရိယာသည် စတုရန်းကီလိုမီတာ ၅၀၀၀ ကျော်ကျယ်ဝန်းပြီး သမုဒ္ဒရာအပူချိန်များ မြင့်တက်လာခြင်းကြောင့် ရေညှိများပိုမိုပွားများ ပေါက်ရောက်လာခဲ့ခြင်းဖြစ်ကြောင်း ပြည်နယ်သဘာဝပတ်ဝန်းကျင်ဆိုင်ရာ တာဝန်ရှိသူများ၏ ပြောကြားချက်အရ သိရသည်။အဆိုပါ ရေညှိများတွင် အဆိပ်အတောက်များပါပြီး စားသုံးမိသော ရေနေသတ္တဝါမျိုးစိတ်များကို သေကြေစေကြောင်း၊ ထို့ပြင် ရေပြင်အတွင်းရှိ အောက်ဆီဂျင်ကို စုပ်ယူသွားသဖြင့် ရေနေသတ္တဝါများ အသက်ရှူကျပ်သေဆုံးမှုများဖြစ်ပေါ်ခဲ့ကြောင်း၊ ထိုရေညှိများကို ဖယ်ရှားရှင်းလင်းရန်စီစဉ်နေပြီးခန့်မှန်းခြေအားဖြင့် အမေရိကန်ဒေါ်လာ ၉ ဒသမ ၁၁ သန်းကုန်ကျမည်ဖြစ်ကြောင်း ပြည်နယ်သဘာဝပတ်ဝန်းကျင်ဌာနမှ သိရသည်။ရတနာပုံသတင်းစာ
Thu, 24-Jul-2025
© Copyright 2024 SAC All Rights Reserved.