ထိုင်းနိုင်ငံတွင် တာဝန်ထမ်းဆောင်နေသော အမေရိကန်ပညာရှင် တစ်ဦး သည် ဘုရင်စနစ်ကို ပုတ်ခတ်စော်ကားမှုဖြင့် တရားစွဲဆိုခံထားရပြီး ထောင်ဒဏ်နှစ်ရှည်ချမှတ်ခံရနိုင်ကြောင်းသိရှိရသည်။ထိုင်း၏ တင်းကျပ်သော ဘုရင်စနစ်ကို မထီမဲ့မြင်ပြုမှုဆိုင်ရာဥပဒေဖြင့် နိုင်ငံခြားသား တစ်ဦး တရားစွဲခံရသည့် ရှားပါးဖြစ်စဉ်တစ်ခု ဖြစ်သည်။

ထိုင်းနိုင်ငံအလယ်ပိုင်းရှိ Naresuan တက္ကသိုလ်မှ ကထိက Paul Chambers (ထိုင်းနိုင်ငံ၏ စစ်တပ်နှင့် နိုင်ငံရေးဆိုင်ရာ သုံးသပ်ချက်များ ရေးသားသူ) အား ဧပြီ ၈ ရက်နေ့က ရဲစခန်းတွင် အမှုဖွင့် တရားစွဲဆိုခံခဲ့ရသည်။

မြန်မာနိုင်ငံတွင် ငလျင်လှုပ်ခတ်မှုကြောင့် သေဆုံးသူ ၃,၆၀၀ ဦးအထိ ရှိလာပြီဖြစ်ကြောင်း နိုင်ငံတော်စီမံအုပ်ချုပ်ရေးကောင်စီ သတင်း ထုတ် ပြန်ရေး အဖွဲ့က ဧပြီ ၇ ရက် ညပိုင်းက ထုတ်ပြန်သော သတင်းအရ သိရသည်။ ငလျင်ကြောင့် လူပေါင်း ၅,၀၁၇ ဦး ဒဏ်ရာရရှိခဲ့ပြီး လူ ၁၆၀ ဦး ပျောက်ဆုံးနေဆဲဖြစ်ကြောင်း သိရသည်။ 

ကိုးကား-Xinhua

မြန်မာနိုင်ငံတွင် မတ်လ ၂၈ ရက် ငလျင်လှုပ်ခတ်ပြီးနောက် ကပ်ဘေး ကယ်ဆယ်ရေး ရွက်ဖျင်တဲများသည် တရုတ်နိုင်ငံ၊ မန်စီမြို့ အပြည်ပြည် ဆိုင်ရာလေဆိပ်သို့ ဧပြီ ၆ ရက် ညနေပိုင်းတွင် ရောက်ရှိခဲ့သည်။ ယင်း ရွက်ဖျင်တဲများမှာ မြန်မာနိုင်ငံ၊ ရန်ကုန်မြို့သို့ ရောက်ရှိပြီးနောက် မြန်မာ နိုင်ငံ၏ ဆိုးရွားစွာ ငလျင်ဒဏ်သင့်သောဒေသများသို့ အသုတ်ခွဲပို့ဆောင် မည် ဖြစ်သည်။

အမေရိကန်နှင့် အီရန် ကိုယ်စားလှယ်အဖွဲ့တို့သည် လာမည့် ဧပြီလ ၁၂ ရက်တွင် အိုမန်နိုင်ငံတွင် တွေ့ဆုံဆွေးနွေးမှုများ ပြုလုပ်မည်ဖြစ်ကြောင်း အီရန်နိုင်ငံခြားရေးဝန်ကြီး Abbas Araghchi က ၎င်း၏ X လူမှုကွန်ရက် တွင် ကြေညာချက်ထုတ်ပြန်ထားပါသည်။ 

အမေရိကန်နှင့် အီရန်တို့သည် လာမည့်စနေနေ့ (ဧပြီ ၁၂) တွင် အဆင့်မြင့် ဆုံးနီးပါးဖြစ်သော တိုက်ရိုက်ဆွေးနွေးမှုများ ပြုလုပ်သွားကြမည်ဟု အမေရိကန်သမ္မတ ဒေါ်နယ်ထရမ့်က ဧပြီ ၇ ရက်က ပြောကြားထားပြီး အသေးစိတ်ကို ရှင်းပြခဲ့ခြင်း မရှိချေ။ 

ကိုးကား- TASS