အမေရိကန်သည် အထူးစစ်ဆင်ရေး၏ ရည်မှန်းချက်များကို ပြီးမြောက်အောင်လုပ်ဆောင်ခြင်းမှ ရုရှားကို ရပ်တန့်နိုင်မည်မဟုတ်ကြောင်း ရုရှားနိုင်ငံ နိုင်ငံခြား ရေးဒုတိယဝန်ကြီး Sergey Ryabkov က ပြောကြား ခဲ့သည်။

အမေရိကန်ပြည်ထောင်စုသည် ရုရှားကို ထိခိုက်စေရန် အခွင့်အလမ်းအားလုံးကိုအသုံးပြုရန်ကြိုးပမ်းသော်လည်း အထူးစစ်ဆင်ရေး၏ တာဝန်များကိုပြီးမြောက်အောင်ဆောင်ရွက်မည့် ရုရှားနိုင်ငံကို တားဆီးနိုင်မည်မဟုတ်ကြောင်း Sergei Ryabkov က ပြောကြားခဲ့ကြောင်း TASS သတင်းဌာနက ဖော်ပြထားသည်။

ကိုးကား - TASS သတင်းဌာန

ယူကရိန်းသမ္မတ ဇယ်လင်စကီးသည် ယူကရိန်းနိုင်ငံအား NATO အဖွဲ့ဝင် အဖြစ်တရားဝင်ဖိတ်ကြားခြင်းဖြင့် ရုရှား ထိန်းချုပ်မှုအောက်ရှိနယ်မြေများကို ပြန်လည် သိမ်းယူ ခြင်းမပြုဘဲ ယူကရိန်းပဋိပက္ခကို အဆုံးသတ်ရန် အသင့် ရှိကြောင်း SkyNews သတင်းဌာန၏ သတင်းထောက်ချုပ် Stuart Ramsay နှင့်တွေဆုံမေးမြန်းခန်းတွင် ပြောကြား ခဲ့သည်။

ယူကရိန်းသမ္မတ ဇယ်လင်စကီးသည် ရုရှားထိန်းချုပ်မှု အောက်ရှိ နယ်မြေသစ်များပါ၀င်သည့် အပစ်အခတ် ရပ်စဲရေး အဆိုပြုချက်ကို ဖော်ပြခဲ့သည်။

Sky News နှင့် အင်တာဗျူးတစ်ခုတွင် ဇယ်လင်စကီးက ရုရှား-ယူကရိန်းပဋိပက္ခ၏ ပြင်းထန်သည့်အဆင့်ကို ရပ်တန့်ရန်အတွက် လက်ရှိ ယူကရိန်း ထိန်းချုပ်မှုအောက်ရှိ နယ်မြေများကို နေတိုးအဖွဲ့၏ ကာကွယ်မှုအောက်တွင် ထားရှိရန်အတွက် ဆောင်ရွက်ပေးရန်လိုအပ်ကြောင်း ပြောကြားခဲ့ပြီး ထိုအခိုက်အတန့်တွင် ရုရှားက လက်ရှိ ထိန်းချုပ်ထားသော နယ်မြေသစ်များကို ခေတ္တထိန်းချုပ် ထားနိုင်ကြောင်း ၎င်းက အကြုံပြုခဲ့ပြီး နောက်ပိုင်းမှသာအဆိုပါ နယ်မြေများကို သံတမန်နည်းလမ်းများဖြင့် ပြန်လည်ရယူမည်ဖြစ်ကြောင်း ၎င်း၏ ရည်မှန်းချက်ကို ရှင်းလင်းပြောကြားခဲ့ပါသည်။

၎င်းအဆိုပြုချက်သည် ရုရှား-ယူကရိန်းစစ်ပွဲ၏ အပြင်းထန်ဆုံးအဆင့်ကို ရပ်တန့်ရန်နှင့် ယူကရိန်း၏ လုံခြုံရေးကို အာမခံရန် ရည်ရွယ်ပြီး ၎င်းအစီအစဉ်ကို မြန်မြန် ဆန်ဆန်လုပ်ဆောင်ရန်လိုအပ်ကြောင်း ဇယ်လင်စကီး က ပြောကြားခဲ့ပါသည်။

ဇယ်လင်စကီးသည် ရုရှားက သိမ်းပိုက်ထားသော နယ်မြေများကို ပြန်လည်ရယူခြင်းမရှိဘဲ လက်ရှိစစ်ပွဲကို နိဂုံးချုပ်လိုကြောင်း ထုတ်ဖော်ပြောကြားခဲ့သည်မှာ ရုရှား -ယူကရိန်း ပဋိပက္ခစတင်ချိန်မှစ၍ ယခုအချိန်ထိ ပထမ ဆုံးအကြိမ်ဖြစ်ကြောင်း ဖော်ပြထားပါသည်။

ကိုးကား - Sky News Interview

ရှားတပ်မတော်သည် ယူကရိန်းစစ်တပ်၏ စစ်လေယာဉ်ကွင်းများရှိ အဆောက်အအုံများနှင့် စွမ်းအင်ဆိုင်ရာ အခြေခံအဆောက်အအုံများကို တိုက်ခိုက်ခဲ့ကြောင်း နိုဝင်ဘာလ ၃၀ ရက်နေ့ ရုရှားကာကွယ်ရေးဝန်ကြီးဌာန၏ အထူးစစ်ဆင်ရေး ဆိုင်ရာတိုးတက်မှု အစီရင်ခံစာတွင် ဖော်ပြထားသည်။

ထို့အပြင် ရုရှားတပ်ဖွဲ့များသည် လွန်ခဲ့သည့် ၂၄ နာရီ အတွင်း ယူကရိန်းလက်နက်ကိုင် စစ်သွေးကြွ ၁,၅၁၀ ဦး အထိချေမှုန်းခဲ့ကြောင်း ရုရှားကာကွယ်ရေးဝန်ကြီးဌာနက ကြေညာခဲ့သည်။

ရုရှားတပ်ဖွဲ့ဝင်များသည် ယူကရိန်းနိုင်ငံ Chernomorsk ဆိပ်ကမ်းအနီး ရိုမေးနီးယားမှ ရောက်ရှိလာသော ATACMS နှင့် Storm Shadow ဒုံးကျည်များ တင်ဆောင်လာသော ရထားလာရာ ရထားလမ်းများကို ပစ်ခတ်တိုက်ခိုက်ခဲ့ကြောင်း ရုရှားလိုလားသူများ၏ သတင်းရင်းမြစ်ကို ကိုးကား၍  Sputnik သတင်းဌာနက ဖော်ပြထားသည်။

ကိုးကား- Sputnik သတင်းဌာန

က်ကိုရီးယားခေါင်းဆောင် ကင်ဂျုံအန်းသည် ရုရှားနိုင်ငံအတွင်းသို့ ထိုးစစ်ဆင်ရန်အတွက် အနောက်နိုင်ငံများ၏ ယူကရိန်းအပေါ်ခွင့်ပြုချက်ကို ရှုတ်ချခဲ့ကြောင်း RIA Novosti သတင်းဌာနကဖော်ပြထားသည်။

မြောက်ကိုရီးယားခေါင်းဆောင်ကင်ဂျုံအန်းသည်ရုရှားကာကွယ်ရေးဝန်ကြီး အန်ဒရီဗျဲလူးဆော့ဗ်နှင့် တွေ့ဆုံစဉ်ရုရှားနယ်မြေအတွင်းသို့ အနောက်နိုင်ငံများက တာဝေးပစ်လက်နက်များဖြင့် တိုက်ခိုက်ရန် ယူကရိန်းအား ပေးထားသော ခွင့်ပြုချက်ကို ရှုတ်ချခဲ့ကြောင်း Korean Central News Agency (KCNA) က ဖော်ပြခဲ့သည်။

သတင်းအေဂျင်စီ၏ဖော်ပြချက်အရ မြောက်ကိုရီးယား ခေါင်းဆောင် ကင်ဂျုံအန်းက အဆိုပါအပြုအမူသည် စစ်ရေးအရတိုက်ရိုက်ဝင်ရောက်စွက်ဖက်မှုဟုခေါ်ဆိုခဲ့ကြောင်းသိရှိရသည်။

အမေရိကန်နှင့် အနောက်အုပ်စုတို့သည် ယူကရိန်း အာဏာပိုင်များအား ၎င်းတို့၏ ကိုယ်ပိုင် တာဝေးပစ်လက်နက်များဖြင့် ရုရှားပိုင်နက်ကို တိုက်ခိုက်ရန် တွန်းအားပေးခဲ့ကြောင်း၊ ရုရှားသည် ရန်လိုနေသော တပ်ဖွဲ့များကို အတိုင်းအတာတစ်ခုအထိ ၎င်းတန်ဖိုးကို ပြန်လည်ပေးဆောင်ရန် လုပ်ဆောင်ရမည်ဖြစ်ကြောင်း မြောက်ကိုရီးယားခေါင်းဆောင်က ပြောကြားခဲ့ပါသည်။

နယ်ချဲ့သမားများ၏ ကြီးစိုးမှုရန်မှ ၎င်း၏ ပိုင်နက်နယ်မြေ၏ ဂုဏ်သိက္ခာကိုကာကွယ်ရန် ရုရှား၏ ကြိုးပမ်းမှုများကို ထောက်ခံကြောင်း ၎င်းက အလေး အနက် ပြောကြားခဲ့ကြောင်း ဖော်ပြထားသည်။

ကိုးကား - RIA Novosti

ယူကရိန်းတွင် ရုရှားတပ်မတော်၏ နေ့စဥ် ဆုံးရှုံးမှုများသည် ဆိုးရွားသောမှတ်တိုင်သစ်များကို ဖြတ်ကျော်နေကြောင်း Newsweek သတင်းဌာနမှ ဖော်ပြထား သည်။

ရုရှားတပ်မတော်၏ ကျဆုံးမှုစာရင်းသည် တစ်ရက်တည်းတွင်ပင် စစ်သည်၂,၀၀၀ ကျော်ရှိခဲ့ကြောင်း ယူကရိန်းကာကွယ်ရေးဝန်ကြီးဌာနက သောကြာနေ့ နံနက်တွင်ပြောကြားခဲ့ပြီး လွန်ခဲ့သော သီတင်းပတ် အနည်းငယ်ကပင် ရောက်ရှိခဲ့သည့် ဆိုးရွားသော ကျဆုံးမှုစံချိန်တင်မှုကို ချိုးဖျက်ခဲ့သည်ဟု ဖော်ပြထားသည်။

ရုရှားနိုင်ငံ၏တပ်ဖွဲ့များသည်နိုဝင်ဘာလ ၂၈ ရက်မှ ၂၉ ရက်အတွင်း လူပေါင်း ၂,၀၃၀ခန့် ဆုံးရှုံးခဲ့ရပြီး တစ်ရက်တည်းတွင် လူပေါင်း ၂,၀၀၀ ကျော် ဆုံးရှုံးခဲ့ ကြောင်း ယူကရိန်းကာကွယ်ရေးဝန်ကြီးဌာန၏ လူမှု ကွန်ရက် Post တစ်ခုတွင်ဖော်ပြထားသည်။

ရုရှားနိုင်ငံသည် နိုဝင်ဘာ ၁၁ ရက်နေ့က စစ်သည် ၁,၉၅၀ ဦးခန့် ဆုံးရှုံးခဲ့ရပြီး ယခင်နေ့စဉ်သေဆုံးသူ အရေအတွက်စာရင်းတွင် အမြင့်ဆုံး ဖြစ်ခဲ့ကြောင်း ယူကရိန်းနိုင်ငံက သတင်းထုတ်ပြန်ခဲ့သည်။

နောက်ဆုံးရကိန်းဂဏန်းများသည် မှန်ကန်မှုရှိပါက ၂၀၂၂ ခုနှစ်၊ ဖေဖော်ဝါရီလ ၂၄ ရက်နေ့ ရုရှား-ယူကရိန်း စစ်ပွဲစတင်ချိန်မှစ၍ ယခုအချိန်အထိ ရုရှား တပ်မတော်၏ စုစုပေါင်းကျဆုံးသူအရေအတွက်သည် ၇၃၈,၆၆၀ဦး အထိရှိလာမည်ဖြစ်ကြောင်း ဖော်ပြထားသည်။

ကိုးကား - Newsweek

ရုရှားတပ်မတော်မှ တပ်ဖွဲ့ဝင်များသည် Tornado (MLRS) ဘက်စုံသုံး ဒုံးကျည်များကို အသုံးပြု၍ Kharkov ဒေသရှိ မောင်းသူမဲ့လေယာဉ်များရှိသည့် ယူကရိန်းတပ်ဖွဲ့ဝင်များ၏ နေရာကို ဝင်ရောက်တိုက်ခိုက်ခဲ့ရာ ယူကရိန်းစစ်သည် ၆၀ ကျော်နှင့် စစ်ကား ၁၀ စီးကျော် ပျက်စီးခဲ့ကြောင်း ရုရှားကာကွယ်ရေး ဝန်ကြီး ဌာနက သတင်းထုတ်ပြန်ခဲ့သည်။

ကိုးကား- Ministry of Defence of the Russian Federation

ရုရှားတပ်ဖွဲ့များသည် ယခုသီတင်းပတ်အတွင်း Donetsk ပြည်သူ့သမ္မတနိုင်ငံနှင့် Kharkov ဒေသများတွင် ရန်သူ့ နယ်မြေလေးခုကို သိမ်းပိုက်နိုင်ခဲ့ကြောင်း  ရုရှား ကာကွယ်ရေးဝန်ကြီးဌာန၏ အပတ်စဉ် အထူးစစ်ဆင် ရေးတိုးတက်မှုနှင့် ပတ်သက်၍ ရှင်းလင်းချက်တွင် ဖော်ပြထားသည်။

ရုရှားတပ်ဖွဲ့ဝင်များသည် ယူကရိန်းစစ်သွေးကြွ အကျဉ်း သား ၃၄ ဦးကို ဖမ်းဆီးနိုင်ခဲ့ပြီး ၎င်းတို့အနက် ၁၇ ဦး သည် ရုရှားနိုင်ငံ Kursk စစ်ရေးနယ်မြေတွင် လက်နက်ချခဲ့ ပါသည်။ 

ရုရှားတပ်မတော်၏ Tsentr တပ်ဖွဲ့သည် ယူကရိန်း တို့၏ တန်ပြန်တိုက်ခိုက်မှု ၅၃ ခုကို ချေမှုန်းနိုင်ခဲ့ပြီး  ယူကရိန်းတပ်ဖွဲ့ဝင် ၂,၉၀၀ ကျော် ဆုံးရှုံးမှုရှိခဲ့ကြောင်း ဖော်ပြထားသည်။

ရုရှားတိုက်ခိုက်ရေးတပ်ဖွဲ့၏ တာဝန်ယူရာ Sever ဒေသ တွင် ယူကရိန်းစစ်သည် ၂,၄၂၀ဦး အထိ ဆုံးရှုံးခဲ့ရကြောင်း ဖော်ပြထားသည်။ 

ရုရှားတပ်မတော်၏ Zapad တပ်ဖွဲ့သည် ယူကရိန်းတို့၏ တန်ပြန်တိုက်ခိုက်မှု ၂၈ ခုကို ချေမှုန်းနိုင်ခဲ့ပြီး ယူကရိန်းစစ်သည်  ၃,၁၅၀ ဦး ကျော် ဆုံးရှုံးခဲ့ရကြောင်း ဖော်ပြထားသည်။

ရုရှားတပ်မတော်၏ Yug တိုက်ခိုက်ရေးတပ်ဖွဲ့၏ တာဝန် ကျရာဒေသတွင် ယူကရိန်းစစ်သည်၂,၇၀၀ကျော် ဆုံးရှုံးခဲ့ရကြောင်း ဖော်ပြထားသည်။

ရုရှားလေကြောင်းရန် ကာကွယ်ရေးစနစ်များသည် Neptune ဒုံးပျံတစ်စင်း၊ ATACMS ဒုံးကျည် ၁၀ စင်း၊ HAMMER ဗုံး ၁၅ လုံးနှင့် ယူကရိန်းဒရုန်း ၃၅၃ စင်းတို့ကိုပစ်ချနိုင်ခဲ့ကြောင်း ရုရှားကာကွယ်ရေးဝန်ကြီးဌာန၏ အပတ်စဉ်အထူးစစ်ဆင်ရေးတိုးတက်မှုနှင့်ပတ်သက်၍ ရှင်းလင်းချက်တွင်ဖော်ပြထားသည်။

ကိုးကား- Ministry of Defence of the Russian Federation

နယ်သာလန်နိုင်ငံသည် Patriot လေကြောင်းရန် ကာကွယ်ရေးစနစ်သုံး ဒုံးကျည်သုံးစင်းကို ယူကရိန်းသို့ ထောက်ပံ့ပေးခဲ့ကြောင်း နယ်သာလန် ကာကွယ်ရေးဝန်ကြီး Ruben Brekelmans က နိုဝင်ဘာလ၂၈ ရက်၊ ကြာသပတေးနေ့တွင် ပြောကြားခဲ့ကြောင်း RIA Novosti က ဖော်ပြခဲ့သည်။

ယူကရိန်းနိုင်ငံသားများသည် ပြင်းထန်သည့် ဆောင်းရာသီ တွင် တိုက်ခိုက်မှုများ ဆိုးရွားစွာ ရင်ဆိုင်နေရသည့် အတွက် ၎င်းတို့ကို Patriot လေကြောင်းရန် ကာကွယ် ရေးစနစ် လောင်ချာသုံးစင်းပေးခဲ့ကြောင်း  Brekelmans က ၎င်း၏ လူမှုကွန်ရက်တွင် ရေးသားခဲ့သည်။

နယ်သာလန်နိုင်ငံမှ ယူကရိန်းသို့ ပေးအပ်သည့် စစ်ရေးအကူအညီ စုစုပေါင်းသည် ယူရို ၃.၇၆ ဘီလီယံခန့် ရှိကြောင်း အစောပိုင်းသတင်းများတွင် ဖော်ပြခဲ့သည်။

ကိုးကား - RIA Novosti

ရုရှားနိုင်ငံ သမ္မတ ဗလာဒီမာပူတင်သည် အထူးစစ်ဆင် ရေးဇုန်အတွင်း အခြေအနေများနှင့် ရုရှား၏နောက်ဆုံးပေါ်လက်နက်များအကြောင်းကို ၎င်း၏CSTO မိတ်ဖက်နိုင်ငံ များအား နိုဝင်ဘာလ ၂၈ ရက်နေ့၊ ကာဇက်စတန်နိုင်ငံ Astana တွင် ကျင်းပပြုလုပ်နေသည့် CSTO ထိပ်သီး အစည်းအဝေးတွင် ရှင်းလင်းပြောကြားခဲ့ကြောင်း ကရင် မလင်သတင်းဌာနက ဖော်ပြထားသည်။

ရုရှားနိုင်ငံသည် Oreshnik ဒုံးကျည်ဖြင့် တိုက်ခိုက်ရန် အတွက် ကာကွယ်ရေးစစ်ဦးစီးချုပ်နှင့် ကာကွယ်ရေး ဝန်ကြီးဌာနတို့သည် လက်ရှိအချိန်တွင် ယူကရိန်းရှိ ပစ်မှတ်များကို ရွေးချယ်နေကြကြောင်း၊ ယူကရိန်းရှိ ဆုံးဖြတ်ချက်ချရေးစင်တာများသည် Oreshnik တိုက်ခိုက်မှုများအတွက် ပစ်မှတ်များဖြစ်လာနိုင်ကြောင်း၊ ရုရှားသည် တာဝေးပစ်ဒုံးကျည်များ အသုံးပြုမှုနှင့် ပတ်သက်၍ နေတိုးအား သတိပေးခဲ့ကြောင်း၊ ရုရှား၏ ဒုံးကျည်ထုတ်လုပ်မှုသည် NATO အဖွဲ့၏ စုပေါင်း ထုတ်လုပ်မှုထက် ၁၀ ​​ဆ ရှိကြောင်း၊  ရုရှားသည် အသံထက်မြန်သော ဒုံးကျည်ထုတ်လုပ်မှုကို လေးပုံ တစ်ပုံ တိုးမြှင့်မည်ဖြစ်ကြောင်း၊ Oreshnik ဒုံးကျည် များသည် ပြိုင်ဘက်မရှိသေးကြောင်း၊ ကမ္ဘာပေါ်တွင် ရုရှား၏ Oreshnik နှင့်ညီမျှသည့် အမျိုးအစား မရှိ သေးကြောင်း၊ မကြာခင်အချိန်အထိ အမျိုးအစားတူ ပေါ်လာနိုင်မည်မဟုတ်ကြောင်း သမ္မတပူတင်က ရှင်းပြ ခဲ့ပါသည်။

Oreshnik ဒုံးကျည်များ၏ ကြီးမားသော တိုက်ခိုက်မှု၏ အကျိုးသက်ရောက်မှုသည် နျူကလီးယားလက်နက်များ အသုံးပြုမှုနှင့် နှိုင်းယှဉ်နိုင်မည်ဖြစ်ကြောင်း၊ Oreshnik ဒုံးကျည်၏ ထိခိုက်ပျက်စီးနိုင်သော ဒြပ်စင်များ၏ အပူချိန်သည် ၄,၀၀၀ ဒီဂရီစင်တီဂရိတ်အထိရှိပြီး၊ Oreshnik ပေါက်ကွဲမှု၏ ဗဟိုချက်ရှိ အရာအားလုံးသည် အခြေခံ အားဖြင့် အမှုန်အမွှားများအဖြစ်သို့ ပြောင်းလဲသွားနိုင် ကြောင်း၊ ရုရှားနိုင်ငံ၏ပိုင်နက်ထဲသို့ ယူကရိန်းဘက်မှ ပစ်လွှတ်လိုက်သည့် ဒုံးကျည်များကို တုံ့ပြန်သည့်အနေဖြင့်ယူကရိန်းရှိအဆောက်အအုံများကို တိုက်ခိုက်မှုအသစ်များ ဆက်လက်လုပ်ဆောင်မည်ဖြစ်ကြောင်း၊ ရုရှားသည် ၎င်း၏နယ်မြေပေါ်တွင် ဖြစ်ပွားနေသောတိုက်ခိုက်မှုများ အပေါ်တုံ့ပြန်၍ ယူကရိန်း၏ စစ်တပ်အဆောက်အအုံ များကို ဒုံးကျည်ပေါင်း ၁၀၀ ခန့်ဖြင့် တိုက်ခိုက်ခဲ့ကြောင်း ဗလာဒီမီယာပူတင်က CSTO ထိပ်သီးအစည်းအဝေးတွင် ပြောကြားခဲ့သည်။

ကိုးကား - kremlin.ru

“စစ်ပွဲအတွင်း ယူကရိန်းတပ်မတော်မှ တပ်ဖွဲ့ဝင် အနည်းဆုံး ၆၀၀၀၀ မှ ၁၀၀,ဝဝဝ ထက်မနည်း သေဆုံးခဲ့ပြီး နောက်ထပ် ၄၀၀,ဝဝဝသည်  ဒဏ်ရာ အပြင်းအထန်ရဖွယ်ရှိကာ ဆက်လက်တိုက်ပွဲဝင်ရန် မဖြစ်နိုင်” ဟု The Economist သတင်းက ရေးသား ဖော်ပြသည်။

ယူကရိန်းစစ်တပ်၏ အသက် (၁၈ နှစ်မှ ၄၉ နှစ်) အတွင်း စစ်ကြိုခေတ် အမျိုးသားလူဦးရေ၏ ၀.၅ ရာခိုင်နှုန်းကျော် သေဆုံးခဲ့ကြောင်း၊“ပဋိပက္ခအတွင်း ​​တိုက်ပွဲတွင်ပါဝင်သည့် ယူကရိန်းစစ်သား ၈ ယောက် တွင် ၁ ယောက်ခန့် ဒဏ်ရာအပြင်းအထန် ရရှိလျက် ရှိပြီး တိုက်ပွဲဝင်နေသည့် အယောက်၂၀ တွင် ၁ ယောက် သေဆုံးနေရသည်”ဟု သတင်းစာ၌ ရေးသားဖော်ပြ ထားသည်။

ကိုးကား - The Economist