ဆိုက်ပရပ်နိုင်ငံတွင် အပူချိန်မြင့်တက်လာမှုကြောင့် တောမီးလောင်ကျွမ်းမှုများဖြစ်ပွား

sacadmin

News Image

  • ဆိုက်ပရပ်နိုင်ငံတွင် အပူချိန်မြင့်တက်လာမှုကြောင့် တောမီးလောင်ကျွမ်းမှုများဖြစ်ပွား

ဆိုက်ပရပ်နိုင်ငံတွင် အပူချိန်မြင့်တက်လာမှုကြောင့် တောမီးလောင်ကျွမ်းမှုများဖြစ်ပွားရာ လူနှစ်ဦးသေဆုံးပြီး လူနေအိမ် ၁၀၀ ကျော်နှင့်  စိုက်ပျိုးမြေများပျက်စီးသွားခဲ့ကြောင်း Phileleftheros သတင်းစာတွင် ဖော်ပြထားသည်။

ဆိုက်ပရပ်နိုင်ငံအတွင်း၌   အပူလှိုင်းဖြတ်သန်းမှုကြောင့် အပူချိန်သည် အချို့ဒေသများတွင်   ၄၄  ဒီဂရီကျော်အထိ မြင့်တက်လာခဲ့ပြီး တောမီးလောင်ကျွမ်းမှုများသည် လီမက်ဆိုမြို့ပြင်မှ စတင်ဖြစ်ပွားခဲ့ခြင်း ဖြစ်သည်။ တောမီးလောင်ကျွမ်းမှုများသည် ဇူလိုင်လ ၂၃ ရက်မှစတင်ခဲ့ခြင်း ဖြစ်သော်လည်း နောက်ပိုင်းတွင် လေပြင်းများတိုက်ခတ်မှုကြောင့်   တောမီးသည် မြို့၏မြောက်ပိုင်းရှိ ကျေးရွာများသို့ ကူးစက်ပျံ့နှံ့သွားခြင်းဖြစ်သည်။

တောမီးလောင်ကျွမ်းမှုအတွင်း  ရှေးဟောင်းဘုရားရှိခိုးကျောင်း   အလယ်ခေတ်အတွင်း၌   တည်ဆောက်ခဲ့သည့် တံတားကြီးနှင့် ရေအားလျှပ်စစ်ထုတ်လုပ်သည့် ကိရိယာများအပါအဝင်    နိုင်ငံ၏ ယဉ်ကျေးမှုအမွေအနှစ် အဆောက်အအုံ ခုနစ်ခုပျက်စီးသွားခဲ့ပြီး  စိုက်ပျိုးမြေ ၁၂၅ စတုရန်းကီလိုမီတာခန့်  မီးလောင်ကျွမ်းသွားခဲ့ကြောင်း  အစိုးရကထုတ်ပြန်သည့်   ကြေညာချက်တွင်  ဖော်ပြထားသည်။

ယခုဖြစ်ပွားသည့်တောမီးလောင်ကျွမ်းမှုသည်   ဆိုက်ပရပ်နိုင်ငံအတွင်း  ရာစုနှစ်ဝက်အတွင်း    အဆိုးရွားဆုံး တောမီးလောင်ကျွမ်းမှုဖြစ်လာသည်။    ပြည်သူအချို့ဒဏ်ရာရရှိခဲ့ပြီး ဒေသခံရာ ပေါင်းများစွာ မှာနေအိမ်များကို စွန့်ခွာခဲ့ရသည်။ လက်ရှိတွင် အာဏာပိုင်အဖွဲ့သည် မီးသတ်တပ်ဖွဲ့ဝင်၂၅၀ ဦးခန့်ဖြင့် တောမီးများ ငြှိမ်းသတ်နိုင်ရန်   ကြိုးပမ်းလျက်ရှိသည်။                           

Ref: Iv, TG

MWD Web Portal

MM-News-Category
သဘာဝဘေးအန္တရာယ်ဆိုင်ရာသတင်းများ

ဆက်စပ်သတင်းများ

ကမ်ချတ်စ်ကာ ငလျင် အပျက်အစီးစာရင်း တစ်ပတ်အတွင်း အပြီး ပြုစုမည်
ကမ်ချတ်စ်ကာ ငလျင် အပျက်အစီးစာရင်း တစ်ပတ်အတွင်း အပြီး ပြုစုမည်
ဇူလိုင် ၃၀ ရက် နံနက်ပိုင်းတွင် လှုပ်ခတ်သော ရုရှားနိုင်ငံ၊ ကမ်ချတ်စ်ကာ ငလျင်ကြောင့် ပျက်စီးခဲ့ရသော ပစ္စည်းဥစ္စာဆုံးရှုံးမှု စုစုပေါင်း ခန့်မှန်း ချက်ခြေကို တစ်ပတ်အတွင်း အပြီး ပြုစုနိုင်မည်ဖြစ်ကြောင်း ဒေသ အုပ်ချုပ်ရေးမှူး ဗလာဒီမာ ဆိုလိုဒို့ဗ်က ၎င်း၏ Telegram မှတစ်ဆင့် ပြောကြားလိုက်ပါသည်။အရေးပေါ်အခြေအနေ ကာကွယ်ရေးနှင့်တုံ့ပြန်ရေးကော်မတီအနေဖြင့် အရေးပေါ်အစည်းအဝေးကို ကျင်းပခဲ့ကြောင်း၊ အဆိုပါငလျင်ကြောင့် ထိခိုက်ပျက်စီးခဲ့ရသော အိမ်ခြေစာရင်းကို ဇူလိုင် ၃၁ ရက်မတိုင်မီ ပြုစု သွားမည်ဖြစ်ပြီး စုစုပေါင်း ပစ္စည်းဆုံးရှုံးမှု ခန့်မှန်းခြေကို တစ်ပတ်အတွင်း ပြီးစီးအောင် ဆောင်ရွက်မည်ဟု အုပ်ချုပ်ရေးမှူးက ဖြည့်စွက် ပြောကြား ထားပါသည်။ ယခုအခါ လက်ရှိ ရရှိထားမှု စာရင်းများအရ အစိတ်အပိုင်းတစ်ခုသော် လည်းကောင်း၊ အလုံးစုံသော်လည်းကောင်း ပျက်စီးခဲ့ရသော နေအိမ်များ အားလုံးကို ကွင်းဆင်းစစ်ဆေးသွားမည်ဟု ထပ်လောင်း ပြောကြားထား ပါသည်။ ဇူလိုင် ၃၀ ရက် နံနက်ပိုင်းက ကမ်ချတ်စ်ကာကမ်းခြေအနီး ရစ်ချက်စတာ စကေး ၈.၈ အဆင့်ရှိ အင်အားပြင်း ငလျင် လှုပ်ခတ်ခဲ့ပါသည်။ အဆိုပါ ငလျင်မှာ ၁၉၅၂ ခုနှစ်နောက်ပိုင်း ရုရှား ဒေသတွင် လှုပ်ခဲ့သည့် အပြင်း ထန်ဆုံး ငလျင် ဖြစ်ကြောင်း အာဏာပိုင်များက အတည်ပြု ပြောကြား ထားပါသည်။ကိုးကား- TASSဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Wed, 30-Jul-2025
ရုရှား၏ Kuril ကျွန်းများ ဆူနာမီဒဏ်သင့်
ရုရှား၏ Kuril ကျွန်းများ ဆူနာမီဒဏ်သင့်
ပစိဖိတ်သမုဒ္ဒရာတွင် အလွန်ပြင်းထန်သောငလျင် လှုပ်ခတ်ပြီးနောက် ဗုဒ္ဓဟူးနေ့ (ဇူလိုင် ၃၀) နံနက်စောစောကာလအတွင်း ရုရှား၏ မြောက်ပိုင်း Kuril ကျွန်းများသို့ ဆူနာမီလှိုင်းများ ရိုက်ခတ်ခဲ့သည်ဟု ဒေသဆိုင်ရာ အရာရှိများက အတည်ပြုခဲ့သည်။ ထိုအခြေအနေကြောင့် Severo-Kurilsk ကမ်းရိုးတန်းမြို့မှ နေထိုင်သူများ အရေးပေါ် ရွှေ့ပြောင်း ခဲ့ရသည်။Kamchatka ကမ်းခြေအနီး၌ ရစ်ချက်စတာစကေး ၈.၈ အဆင့်ရှိ ငလျင် တစ်ခု လှုပ်ခတ်ပြီးနောက် ပထမဆုံးဆူနာမီလှိုင်းသည် Severo-Kurilsk ကမ်းခြေသို့ ရိုက်ခတ်ခဲ့ကြောင်း Sakhalin ဒေသအုပ်ချုပ်ရေးမှူး Valery Limarenko ကပြောကြားခဲ့သည်။ အာဏာပိုင်များက မြို့နေလူဦးရေ ၂,၅၀၀ ကျော်ခန့်ကို ကမ်းရိုးတန်းမှဝေးရာ အမြင့်ပိုင်းနေရာများသို့ အရေးပေါ် ရွှေ့ပြောင်းရန် အမိန့်ထုတ်ပြန်ခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 30-Jul-2025
earthquake
မြေငလျင်သတင်း (မြန်မာစံတော်ချိန် ၀၆း၁၅ နာရီ အချိန်ထုတ်ပြန်ချက်)
၂၀၂၅ ခုနှစ်၊ ဇူလိုင်လ ၃၀ ရက်နေ့၊ မြန်မာစံတော်ချိန် (၀၅) နာရီ၊ (၅၄) မိနစ်၊ (၅၄) စက္ကန့် အချိန်တွင် နေပြည်တော်မြေငလျင်စခန်းမှ အရှေ့မြောက်ဘက် (၄၀၅၇) မိုင်ခန့်ကွာဝေးသော မြန်မာနိုင်ငံပြည်ပ (Off east coast of Kamchatka)၊ မြောက်လတ္တီတွဒ် (၅၂.၅၅) ဒီဂရီ၊ အရှေ့လောင်ဂျီတွဒ် (၁၆၀.၀၃) ဒီဂရီ၊ အနက် (၄၄)ကီလိုမီတာခန့်ကို ဗဟိုပြု၍ အင်အားရစ်(ခ်)တာ စကေး (၇.၈) အဆင့်ရှိ အင်အားအလွန်ပြင်းထန်သော မြေငလျင်တစ်ခု လှုပ်ရှားသွားကြောင်း တိုင်းထွာရရှိပါသည်။မိုး/ဇလ
Wed, 30-Jul-2025
ဂျပန်နိုင်ငံတွင် တိုကျိုအနီးဒေသများသို့ လှိုင်းများ ရိုက်ခတ်လာနိုင်မှုကြောင့် လူ ၁.၉ သန်းအား ရွှေ့ပြောင်းရန် အကြံပြုချက်ထုတ်ပြန်
ဂျပန်နိုင်ငံတွင် တိုကျိုအနီးဒေသများသို့ လှိုင်းများ ရိုက်ခတ်လာနိုင်မှုကြောင့် လူ ၁.၉ သန်းအား ရွှေ့ပြောင်းရန် အကြံပြုချက်ထုတ်ပြန်
ဂျပန်နိုင်ငံတစ်ဝှမ်းရှိ လူ ၁.၉ သန်းကျော်အား ပိုမိုဘေးကင်းရာသို့ ရွှေ့ပြောင်းရန် တိုက်တွန်းထားပြီး ကမ်းရိုးတန်းဒေသများတွင် ဆူနာမီ လှိုင်းများ ရိုက်ခတ်ကာ နိုင်ငံတစ်ဝှမ်း သယ်ယူပို့ဆောင်ရေး နှောင့်နှေးမှု များ ဖြစ်ပေါ်နေသည်။ သို့သော် လှိုင်းအရွယ်အစားမှာ ယခင် ခန့်မှန်းထား သည်ထက် အလွန်သေးငယ်နေသည်။မီးသတ်နှင့် ဘေးအန္တရာယ်စီမံခန့်ခွဲရေး အေဂျင်စီ (FDMA) မှ ပြည်နယ် ၂၁ ခုရှိ လူဦးရေ ၁,၉၀၅,၅၉၆ ဦးအား သက်ဆိုင်ရာဒေသအလိုက် ရွှေ့ပြောင်းရန် အမိန့်ထုတ်ပြန်ခဲ့သည်။ အများဆုံးရွှေ့ပြောင်းရသူများမှာ ဟော့ကိုင်းဒိုး၊ ကနာဂါဝါ နှင့် ဝါကာယာမား ပြည်နယ်များမှ ဖြစ်သည်။ပထမဆုံးလှိုင်းများသည် ဂျပန်နိုင်ငံ၏ မြောက်ဘက်အကျဆုံးကျွန်း ဟော့ကိုင်းဒိုးသို့ ရိုက်ခတ်ခဲ့ပြီး၊ Reuters နှင့် Nippon News Network တို့မှ မျှဝေသည့် ဗီဒီယိုတွင် လူအများ ခေါင်မိုးများပေါ်တွင် ခိုလှုံနေသည် ကို တွေ့ရသည်။ ဇူလိုင် ၃၀ ရက်နေ့ နံနက်ပိုင်းတွင် ဟော့ကိုင်းဒိုးကျွန်း၏ အချို့နေရာများတွင် ဆူနာမီသတိပေးအချက်ပြသံများ ထွက်ပေါ် ခဲ့သည်။ဂျပန်မိုးလေဝသ အေဂျင်စီ၏ အချက်အလက်များအရ အရှေ့ဘက် ကမ်းရိုးတန်းတစ်လျှောက် ၃၀ မှ ၅၀ စင်တီမီတာအထိ မြင့်မားသည့် ဆူနာမီလှိုင်းများ ဖြစ်ပေါ်ခဲ့ပြီး တိုကျိုမြို့တော် ဧရိယာသို့ တဖြည်းဖြည်း နီးကပ်လာနေသည်။ ယခင်ခန့်မှန်းထားသည့် ၃ မီတာအထိ မြင့်မားမည် ဟူသော ခန့်မှန်းချက်ထက် နိမ့်ကျနေသော်လည်း အခြေအနေ ပြောင်းလဲ လာနိုင်ပြီး နောက်ထပ်လှိုင်းများ ဆက်လက်ရိုက်ခတ်နိုင်သည်။သယ်ယူပို့ဆောင်ရေးလုပ်ငန်းများလည်း နှောင့်နှေးမှုများရှိနေပြီး တိုကျို မြောက်ဘက် ပစိဖိတ်ကမ်းရိုးတန်းရှိ ဆန်ဒိုင်း အပြည်ပြည်ဆိုင်ရာ လေဆိပ်၏ ပြေးလမ်းကို ပိတ်ထားသည်။ ဟော့ကိုင်းဒိုး၊ အအိုမိုရီ နှင့် တိုကျိုပင်လယ်ကွေ့မှ ဖယ်ရီသင်္ဘောများလည်း ယာယီရပ်နား ထားသည်။ဆန်ဒိုင်း၏ တောင်ဘက်တွင် တည်ရှိသည့် ဖူကူရှီးမားနျူကလီးယား စက်ရုံတွင် ယခုအချိန်အထိ ထူးခြားဖြစ်စဉ်မရှိသေးပေ။ ၂၀၁၁ ခုနှစ်က ဆိုးရွားသည့် ငလျင်နှင့် ဆူနာမီတို့ကြောင့် ထိုစက်ရုံတွင် ပြင်းထန်သည့် နျူကလီးယား မတော်တဆမှု ဖြစ်ပွားခဲ့သည်။ စက်ရုံကို ကြီးကြပ်သည့် အစိုးရပိုင် TEPCO (Tokyo Electric Power Company) က ဝန်ထမ်း အားလုံးကို အမြင့်ပိုင်းနေရာများသို့ ရွှေ့ပြောင်းပြီးဖြစ်ကြောင်း၊ ထိခိုက် ဒဏ်ရာရသူမရှိဘဲ စက်ရုံတွင် ပုံမှန်မဟုတ်သည့် အခြေအနေများ မရှိကြောင်း ထုတ်ပြန်ခဲ့သည်။ကိုးကား- CNNဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 30-Jul-2025
ရုရှား အရှေ့ဖျားဒေသတွင် အင်အားအလွန်ပြင်းထန်သော ငလျင် လှုပ်ခတ်မှုကြောင့် ဆူနာမီသတိပေးချက်များ ထုတ်ပြန်
ရုရှား အရှေ့ဖျားဒေသတွင် အင်အားအလွန်ပြင်းထန်သော ငလျင် လှုပ်ခတ်မှုကြောင့် ဆူနာမီသတိပေးချက်များ ထုတ်ပြန်
ရုရှား၏ Kamchatka ကျွန်းဆွယ်ကမ်းရိုးတန်းအနီး အင်အားပြင်း ငလျင် လှုပ်ခတ်မှုကြောင့် ရုရှားအရှေ့ဖျားဒေသ ကမ်းရိုးတန်း တစ်လျှောက် အတွက် ဆူနာမီသတိပေးချက်ထုတ်ပြန်ခဲ့ပြီး ဂျပန်၊ အလာစကာနှင့် ဟာဝိုင်အီဒေသများတွင်လည်း အန္တရာယ်ရှိသော လှိုင်းကြီးများ ရိုက်ခတ် နိုင်ကြောင်း သတိပေးထားသည်။ရုရှားသိပ္ပံအကယ်ဒမီ၏ ဘူမိရူပဗေဒဆိုင်ရာဝန်ဆောင်မှုအဖွဲ့ (Geophysical Service of the Russian Academy of Sciences) က ဒေသစံတော်ချိန် ဗုဒ္ဓဟူးနေ့ နံနက် ၁၁:၃၀ ခန့်တွင် Petropavlovsk-Kamchatsky မြို့၏ အရှေ့တောင်ဘက် ၁၃၆ ကီလိုမီတာအကွာကို ဗဟိုပြု၍ အင်အား ၇.၅ ရှိငလျင်လှုပ်ခတ်ခဲ့သည်ဟု ကနဦးထုတ်ပြန်ခဲ့ပြီး နောက်ပိုင်းတွင် အမေရိကန်ဘူမိဗေဒစစ်တမ်းကောက်ယူရေးအဖွဲ့ (USGS) မှ အင်အား ၈.၇ ရှိကြောင်းထုတ်ပြန်ခဲ့သည်။ရုရှားအရေးပေါ်ဌာနက Avacha Bay ကမ်းရိုးတန်းတစ်လျှောက် ဆူနာမီ အတွက် အရေးပေါ်သတိပေးချက်ထုတ်ပြန်ခဲ့ပြီး Kamchatka ကျွန်းဆွယ် ကမ်းခြေတစ်လျှောက် အန္တရာယ်ရှိသောလှိုင်းကြီးများ ဖြစ်ပေါ်လာနိုင်ကြောင်း သတိပေးခဲ့သည်။Emergency Situations ဝန်ကြီးဌာန၏ Kamchatka ရုံးခွဲက "Aleutsky ခရိုင်တွင် ၃၂ စင်တီမီတာအထိ၊ Ust-Kamchatsky တွင် ၂၀ စင်တီမီတာ အထိ၊ Petropavlovsk-Kamchatsky ခရိုင်တွင် ၆ စင်တီမီတာအထိ ဆူနာမီလှိုင်းများ ရိုက်ခတ်နိုင်သည်" ဟု ပြောကြားခဲ့သည်။ လှိုင်းအမြင့် မှာ မကြီးမားသော်လည်း ကမ်းခြေမှ ဝေးရာသို့ ရွှေ့ပြောင်းရန် လိုအပ်ပြီး ဆူနာမီကို ကြည့်ရှုရန် ကမ်းစပ်သို့ မချဉ်းကပ်ကြရန် အန္တရာယ် သတိပေးချက် ထုတ်ပြန်ထားသည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 30-Jul-2025
ရုရှားနိုင်ငံ၊ Kuril ကျွန်းများနှင့် Kamchatka တွင် ပြင်းအား ၈.၇ အထိ စံချိန်တင် ငလျင်တစ်ခု လှုပ်ခတ်ခဲ့ပြီး ၁၉၅၂ နောက်ပိုင်း အပြင်းထန် ဆုံးဖြစ်
ရုရှားနိုင်ငံ၊ Kuril ကျွန်းများနှင့် Kamchatka တွင် ပြင်းအား ၈.၇ အထိ စံချိန်တင် ငလျင်တစ်ခု လှုပ်ခတ်ခဲ့ပြီး ၁၉၅၂ နောက်ပိုင်း အပြင်းထန် ဆုံးဖြစ်
ရုရှားနိုင်ငံ၊ Kuril ကျွန်းများနှင့် Kamchatka တွင် မကြာသေးမီ ဆယ်စုနှစ်များအတွင်း အပြင်းထန်ဆုံး ငလျင်တစ်ခု ဖြစ်သည့် ပြင်းအား ၈.၇ ရှိသော အင်အားပြင်းငလျင်တစ်ခု ဇူလိုင် ၃၀ ရက်က ဖြစ်ပွား ခဲ့သည်။ ပထမအကြိမ် ငလျင်သည် ဒေသစံတော်ချိန် နံနက် ၁၁း၃၀ တွင် စတင်ခဲ့သည်။ Petropavlovsk-Kamchatsky တွင် ပြင်းထန်မှုသည်ပြင်းအား ရစ်ချက်စတာစကေး ၈ အထိရောက်ရှိခဲ့သည်။ ပရိဘောဂများနှင့် အသုံးအဆောင်ပစ္စည်းများ ပြုတ်ကျပြီး အချက်ပေးသံများ ပြတ်တောက်သွားကြောင်း ဒေသခံများက သတင်းပေးပို့သည်။Yelizovo လေဆိပ်တွင် လေယာဉ်ပျံသန်းမှုခရီးစဉ် ခြောက်ကြိမ် နှောင့်နှေး ခဲ့ပြီး မျက်နှာကျက်များနှင့် စတိုးဆိုင်များ ပျက်စီးခဲ့သည်။ မြို့ထဲ၌ ယာဉ်ကြောပိတ်ဆို့မှုများ ဖြစ်ပေါ်ခဲ့သည်။Avacha ပင်လယ်အော်ကမ်းရိုးတန်းအတွက် ဆူနာမီသတိပေးချက် ထုတ်ပြန် ထားပြီး Yelizovsky ခရိုင်တွင် 4 မီတာအထိ လှိုင်းကြီးနိုင်ကြောင်း မှတ်တမ်း တင်ထားသည်။ မြို့ထဲတွင် ဥသြသံများ မြည်နေပြီး ဘေးလွတ်ရာသို့ ရွှေ့ပြောင်းမှုများ လုပ်ဆောင်နေပါသည်။ အမေရိကန်ပြည်ထောင်စု၏ Alaska၊ Hawaii၊ California နှင့် Oregon တို့အပြင် ဂျပန်ကမ်းရိုးတန်းတွင်လည်း ဆူနာမီသတိပေးချက် ထုတ်ပြန် ထားသည်။ ကမ်ချတ်ကာတွင် ပြင်းအား ၅ ဒသမ ၈ ရှိသည့် ဒုတိယ ငလျင်တစ်ခု လှုပ်ခတ်သွားပြီဖြစ်ကြောင်း သိရသည်။ ပြည်သူများ၏ ဘေးကင်းရေးအတွက် အာဏာပိုင်များက ဆောင်ရွက်ပေးလျက်ရှိသည်။ကိုးကား- အင်တာနက်စာမျက်နှာ
Wed, 30-Jul-2025
© Copyright 2024 SAC All Rights Reserved.