ရုရှားနိုင်ငံ Kamchatka ကျွန်းဆွယ်တွင် အင်အားပြင်းငလျင် ထပ်မံ လှုပ်ခတ်

saceditor

News Image

  • ရုရှားနိုင်ငံ Kamchatka ကျွန်းဆွယ်တွင် အင်အားပြင်းငလျင် ထပ်မံ လှုပ်ခတ်

ရုရှားနိုင်ငံ Kamchatka ကျွန်းဆွယ်၌ ဇူလိုင် ၃၀ ရက်တွင် အင်အား ၆.၅ အဆင့်ရှိ ငလျင် ထပ်မံလှုပ်ခတ်ခဲ့ကြောင်း ရုရှားသိပ္ပံအကယ်ဒမီ ဘူမိ ရူပဗေဒ ဆိုင်ရာ ပေါင်းစပ်ဝန်ဆောင်မှုအဖွဲ့ Kamchatka ဌာနခွဲ၏ ထိုနေ့ သတင်းဖော်ပြချက်ကို ကိုးကား၍ ရုရှားမီဒီယာများက သတင်း ဖော်ပြခဲ့ ကြသည်။ ငလျင်သည် Kuril ကျွန်းစု Severo-Kurilsk ခရိုင်နှင့် ၁၇၈ ကီလိုမီတာအကွာ၌ လှုပ်ခတ်ခဲ့ခြင်းဖြစ်ကာ ငလျင်အနက်သည် ၆၈ ကီလိုမီတာဖြစ်ကြောင်း၊ ထို့နောက် အဆိုပါဒေသ၌ အင်အား ၅.၃ အဆင့် ရှိ ငလျင် နောက်ထပ်တစ်ကြိမ် လှုပ်ခတ်မှုအား တိုင်းတာတွေ့ရှိကြောင်း သတင်းတွင် ဖော်ပြထားသည်။ ရုရှားသိပ္ပံအကယ်ဒမီ ဘူမိရူပဗေဒ ဆိုင်ရာ ပေါင်းစပ်ဝန်ဆောင်မှုအဖွဲ့ Kamchatka ဌာနခွဲ၏ သတင်းအရ Kamchatka ကျွန်းဆွယ်တွင် ဇူလိုင် ၃၀ ရက်က အင်အားပြင်းငလျင် လှုပ်ခတ်ပြီးနောက် အင်အား အဆင့် ၅ နှင့် အထက်ရှိ နောက်ဆက်တွဲ ငလျင်များ အကြိမ် ၁၀၀ ကျော် ဆက်တိုက်လှုပ်ခတ်ခဲ့ပြီးဖြစ်ကြောင်း သိရသည်။ 

ကိုးကား- Xinhua

MM-News-Category
သဘာဝဘေးအန္တရာယ်ဆိုင်ရာသတင်းများ

ဆက်စပ်သတင်းများ

ရုရှားတွင် အင်အား ၈.၈ မဂ္ဂနီကျူ့ရှိ ပြင်းထန်ငလျင် ဖြစ်ပွားခဲ့သော်လည်း မျှော်မှန်းထားသည်ထက် ဆူနာမီအားနည်းရသည့် အကြောင်းရင်းကို ဘူမိပညာရှင်ထုတ်ဖော်
ရုရှားတွင် အင်အား ၈.၈ မဂ္ဂနီကျူ့ရှိ ပြင်းထန်ငလျင် ဖြစ်ပွားခဲ့သော်လည်း မျှော်မှန်းထားသည်ထက် ဆူနာမီအားနည်းရသည့် အကြောင်းရင်းကို ဘူမိပညာရှင်ထုတ်ဖော်
ရုရှားနိုင်ငံ Kamchatka ကျွန်းဆွယ်အနီး ဇူလိုင် ၃၀ ရက်တွင် အင်အား ၈.၈ မဂ္ဂနီကျူ့ရှိ ပြင်းထန်ငလျင် လှုပ်ခတ်ခဲ့ပြီး ဆူနာမီ ဖြစ်ပေါ်ခဲ့သော်လည်း မျှော်မှန်းထားသည်ထက် အားနည်းခဲ့သည်။ ထိုသို့ဖြစ်ရခြင်းမှာ ဘူမိဗေဒ ဆိုင်ရာ လက္ခဏာများနှင့် ကမ်းရိုးတန်းပုံစံတို့ကြောင့်ဖြစ်သည်။ငလျင်၏ ပြင်းထန်သောလှုပ်ရှားမှုများသည် ပင်လယ်ကြမ်းပြင်ကို ရွေ့လျား စေကာ ရေထုကြီးကို ရွေ့လျားစေပြီး ဆူနာမီဖြစ်ပေါ်စေသည်။ သို့သော် Kamchatka ငလျင်၏ ဗဟိုချက်သည် ၂၀.၇ ကီလိုမီတာ နက်ရှိုင်း သောကြောင့် ပင်လယ်ကြမ်းပြင်အား ဒေါင်လိုက်ရွေ့လျားမှု နည်းပါးစေ ခဲ့သည်။ ထို့အပြင် USGS ဘူမိဗေဒပညာရှင် Rich Briggs ၏ အဆိုအရ ငလျင်ကြောင့် ပင်လယ်ကြမ်းပြင်တွင် ချိုင့်ဝှမ်းများ မဖြစ်ပေါ်ခဲ့သဖြင့် ရေထုကို ရွေ့လျားစေသည့် အားနည်းပါးခဲ့သည်ဟု သိရှိရသည်။ ဆူနာမီ၏ အမြင့်သည် ကမ်းရိုးတန်းအနီးရှိ ပင်လယ်ကြမ်းပြင်ပုံစံနှင့် ကုန်းမြေပုံသဏ္ဍာန်တို့ပေါ်တွင်လည်း မူတည်သည်။ ကျဉ်းမြောင်းသော ပင်လယ်ကွေ့များနှင့် မတ်စောက်သည့် ကမ်းရိုးတန်းများသည် ဆူနာမီ လှိုင်းများကို ပိုမိုပြင်းထန်စေနိုင်သော်လည်း၊ အဆိုပါငလျင်တွင် ထိုသို့သော အခြေအနေများ မရှိခဲ့ပေ။ ထို့ကြောင့် ဆူနာမီသည် မျှော်မှန်းထားသည် ထက် အားနည်းခဲ့ခြင်းဖြစ်သည်။ကိုးကား- VN Expressဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Sun, 31-Aug-2025
၂၀၂၅ မန္တလေးငလျင်ဆိုင်ရာ အချက်အလက်များသိရှိနိုင်ရန်အတွက် ဝက်ဘ်ဆိုက်လွှင့်တင်ထားရှိကြောင်း အသိပေးကြေညာ
၂၀၂၅ မန္တလေးငလျင်ဆိုင်ရာ အချက်အလက်များသိရှိနိုင်ရန်အတွက် ဝက်ဘ်ဆိုက်လွှင့်တင်ထားရှိကြောင်း အသိပေးကြေညာ
နေပြည်တော် ဩဂုတ် ၃၂၀၂၅ ခုနှစ် မတ်လ ၂၈ ရက်နေ့က လှုပ်ခတ်ခဲ့သည့် အင်အားရစ်(ခ်)တာစကေး ၇ ဒသမ ၇ အဆင့်ရှိ မန္တလေးငလျင်ကြီးအပါအဝင် မြန်မာနိုင်ငံအတွင်းလှုပ်ခတ်ခဲ့သည့် မြေငလျင်သတင်းများသိရှိနိုင်စေရန်၊ ငလျင်လှုပ်ခတ်စဉ်အတွင်း ကိုယ်တိုင်ကြုံတွေ့ခံစားခဲ့ရသည့် ဖြစ်စဉ်များအား မျှဝေပေးနိုင်ရန်၊ ငလျင်ဒဏ်ကြောင့် ထိခိုက်ပျက်စီးမှုများနှင့်စပ်လျဉ်း၍ အလှူရှင်များမှ လှူဒါန်းလာနိုင်စေရန်၊ ပျက်စီးဆုံးရှုံးမှုများအတွက် လူသားချင်းစာနာထောက်ထားမှုဆိုင်ရာအကူအညီများနှင့် အလှူငွေများ ထိရောက်စွာ လှူဒါန်းနိုင်ရန်တို့အတွက် www.myanmar earthquake.gov.mm ဝက်ဘ်ဆိုက်အား လွှင့်တင်ထားသည်။အဆိုပါဝက်ဘ်ဆိုက်တွင် မြေငလျင်ဆိုင်ရာသတင်းများကို တစ်နေရာတည်းမှ ဝင်ရောက်ကြည့်ရှုနိုင်ပြီး ငလျင်လှုပ်ခတ်မှုကြောင့် ထိခိုက်ခဲ့သည့်ဖြစ်စဉ်များကိုလည်း လေ့လာနိုင်သည်။ ထို့ပြင် ကိုယ်တိုင်ကြုံတွေ့ခဲ့ရသည့် ဖြစ်စဉ်များနှင့် ထိခိုက်ခဲ့မှုများကို မျှဝေပေးခြင်းဖြင့် အလှူရှင်များက လှူဒါန်းလိုသောနေရာများအား ကိုယ်တိုင်ရွေးချယ်၍ KBZ Pay၊ CBPay၊ AYA Pay၊ OK $ နှင့် Wave Pay စသည့် မိမိနှစ်သက်ရာ Pay များဖြင့် လွယ်ကူစွာတိုက်ရိုက်လှူဒါန်းနိုင်ပြီး Online မှတစ်ဆင့် MMQR ဖြင့် လှူဒါန်းနိုင်သည်။ ပြည်ပအလှူရှင်များအနေဖြင့်လည်း Visa Card၊ Master Card များ အသုံးပြု၍ လှူဒါန်းနိုင်သည်။Website နှင့်ပတ်သက်၍ စုံစမ်းမေးမြန်းလိုပါက ၀၆၇-၃၄၀၄၇၇၇ သို့ ဆက်သွယ်မေးမြန်းနိုင်ကြောင်း သိရသည်။MOI
Mon, 4-Aug-2025
ပစိဖိတ်ငလျင်ကြောင့် ရုရှားရှိ နှစ်ပေါင်း ၅၀၀ ကျော် လှုပ်ရှားမှု မရှိခဲ့သော မီးတောင် ပြန်လည်နိုးထလာ
ပစိဖိတ်ငလျင်ကြောင့် ရုရှားရှိ နှစ်ပေါင်း ၅၀၀ ကျော် လှုပ်ရှားမှု မရှိခဲ့သော မီးတောင် ပြန်လည်နိုးထလာ
ရုရှား၏ Kamchatka ကျွန်းဆွယ်ရှိ Krasheninnikov မီးတောင်သည် ခေတ်သစ်သမိုင်းတွင် ပထမဆုံးအကြိမ် ပေါက်ကွဲခဲ့ပြီး ရုရှား၏ အရှေ့ဖျား ဒေသတွင် ကြီးမားသော ကမ်းလွန်ငလျင်ကြောင့် မီးတောင် လှုပ်ရှားမှုများပြန်လည်ဖြစ်ပေါ်လာခဲ့သည်ဟု ဒေသခံအာဏာပိုင်များက ပြောကြား ခဲ့သည်။Kamchatka မီးတောင်ပေါက်ကွဲမှုဆိုင်ရာလေ့လာစောင့်ကြည့်ရေးအဖွဲ့ (KVERT) ၏အဆိုအရ ဒေသစံတော်ချိန် တနင်္ဂနွေနံနက် ၄:၅၀ တွင် ပေါက်ကွဲမှုဖြစ်ပွားခဲ့ပြီး ၁,၈၅၆ မီတာမြင့်သော မီးတောင်ထိပ်မှ ၆,၀၀၀ မီတာအမြင့်ရှိ ပြာမှုန်များကို လေထုအတွင်းသို့ ထုတ်လွှတ်နေခဲ့သည်။KVERT အဖွဲ့ခေါင်းဆောင် Olga Girina က RIA Novosti သတင်းဌာန အား " နှစ်ပေါင်း ၅၀၀ ကျော်အတွင်း Krasheninnikov မီးတောင်၏ ပထမဆုံး သမိုင်းဝင် ပေါက်ကွဲမှုဖြစ်ပြီး မီးတောင်မှ မီးခိုးငွေ့များနှင့်အတူ ချော်ရည်များ စီးကျလာမှုကြောင့် တောင်၏မြောက်ဘက်ပိုင်းတွင် တောင်ကုန်းငယ် တစ်ခု ဖြစ်ပေါ်လာနေသည်” ဟု ပြောကြားခဲ့သည်။ အဆိုပါမီးတောင်ကို ရုရှားစူးစမ်းရှာဖွေသူ Stepan Krasheninnikov ၏အမည်ပေးထားပြီး Kronotsky သဘာဝထိန်းသိမ်းရေး နယ်မြေ အတွင်းရှိ မီးတောင်ဒေသအတွင်း မီးတောင်နှစ်ခုသည် ဆင့်ကဲတည်ရှိ နေပြီး Petropavlovsk-Kamchatsky ဒေသ၏မြို့တော်မှ ကီလိုမီတာ ၅၀ ခန့်အကွာတွင် တည်ရှိသည်။Krasheninnikov မီးတောင်တွင် နောက်ဆုံးချော်ရည်ယိုစိမ့်မှုမှာ လွန်ခဲ့သောနှစ်ပေါင်း ၄၀ ကျော်ကဖြစ်ပွားခဲ့ပြီး ၁၉၆၃ ခုနှစ်တွင် မီးတောင် လှုပ်ရှားမှုမှ ချော်ရည်အချို့ထွက်ရှိခဲ့သော်လည်း ယခုအချိန်အထိ ကြီးမားသည့် ပေါက်ကွဲမှု မှတ်တမ်းမရှိခဲ့ပေ။မီးတောင်ဆိုင်ရာ လေ့လာစောင့်ကြည့်ရေးအဖွဲ့ KVERT သည် လေကြောင်း သတိပေးအဆင့်ကို အစိမ်းရောင် (သာမန်) မှ လိမ္မော်ရောင် (သတိ) အဆင့် သို့ တိုးမြှင့်လိုက်ပြီး မီးတောင်ပြာမှုန်များ အရှေ့ဘက်သို့ ကီလိုမီတာ ၇၅ အကွာအထိ ပျံ့နှံ့သွားကြောင်း ထုတ်ပြန်ခဲ့သည်။ သဘာဝထိန်းသိမ်းရေး နယ်မြေအတွင်း ပြာမှုန်အနည်အနှစ်များ ကျရောက်မှုကို မြင်တွေ့ရသော်လည်း အနီးရှိမြို့များအထိ မကျရောက်ခဲ့ကြောင်း ဒေသတွင်း မီဒီယာများက ထုတ်ပြန်ခဲ့သည်။ကိုးကား- RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Sun, 3-Aug-2025
ရုရှားနိုင်ငံ Kamchatka ကျွန်းဆွယ်တွင် အင်အားပြင်းငလျင် ထပ်မံ လှုပ်ခတ်
ရုရှားနိုင်ငံ Kamchatka ကျွန်းဆွယ်တွင် အင်အားပြင်းငလျင် ထပ်မံ လှုပ်ခတ်
ရုရှားနိုင်ငံ Kamchatka ကျွန်းဆွယ်၌ ဇူလိုင် ၃၀ ရက်တွင် အင်အား ၆.၅ အဆင့်ရှိ ငလျင် ထပ်မံလှုပ်ခတ်ခဲ့ကြောင်း ရုရှားသိပ္ပံအကယ်ဒမီ ဘူမိ ရူပဗေဒ ဆိုင်ရာ ပေါင်းစပ်ဝန်ဆောင်မှုအဖွဲ့ Kamchatka ဌာနခွဲ၏ ထိုနေ့ သတင်းဖော်ပြချက်ကို ကိုးကား၍ ရုရှားမီဒီယာများက သတင်း ဖော်ပြခဲ့ ကြသည်။ ငလျင်သည် Kuril ကျွန်းစု Severo-Kurilsk ခရိုင်နှင့် ၁၇၈ ကီလိုမီတာအကွာ၌ လှုပ်ခတ်ခဲ့ခြင်းဖြစ်ကာ ငလျင်အနက်သည် ၆၈ ကီလိုမီတာဖြစ်ကြောင်း၊ ထို့နောက် အဆိုပါဒေသ၌ အင်အား ၅.၃ အဆင့် ရှိ ငလျင် နောက်ထပ်တစ်ကြိမ် လှုပ်ခတ်မှုအား တိုင်းတာတွေ့ရှိကြောင်း သတင်းတွင် ဖော်ပြထားသည်။ ရုရှားသိပ္ပံအကယ်ဒမီ ဘူမိရူပဗေဒ ဆိုင်ရာ ပေါင်းစပ်ဝန်ဆောင်မှုအဖွဲ့ Kamchatka ဌာနခွဲ၏ သတင်းအရ Kamchatka ကျွန်းဆွယ်တွင် ဇူလိုင် ၃၀ ရက်က အင်အားပြင်းငလျင် လှုပ်ခတ်ပြီးနောက် အင်အား အဆင့် ၅ နှင့် အထက်ရှိ နောက်ဆက်တွဲ ငလျင်များ အကြိမ် ၁၀၀ ကျော် ဆက်တိုက်လှုပ်ခတ်ခဲ့ပြီးဖြစ်ကြောင်း သိရသည်။ ကိုးကား- Xinhua
Fri, 1-Aug-2025
ရုရှားနိုင်ငံ ကမ်ချက်ကာကျွန်းဆွယ်ကမ်းလွန်တွင် ပြင်းအား ၈ ဒသမ ၈ စကေးရှိ ငလျင်လှုပ်ခတ်ပြီး ဆူနာမီလှိုင်းများရိုက်ခတ်
ရုရှားနိုင်ငံ ကမ်ချက်ကာကျွန်းဆွယ်ကမ်းလွန်တွင် ပြင်းအား ၈ ဒသမ ၈ စကေးရှိ ငလျင်လှုပ်ခတ်ပြီး ဆူနာမီလှိုင်းများရိုက်ခတ်
ပစိဖိတ်သမုဒ္ဒရာအတွင်း၌ ဇူလိုင်လ ၃၀ ရက်အစောပိုင်းက အင်အားပြင်းငလျင် လှုပ်ရှားမှုကြောင့်  ရုရှားနိုင်ငံအရှေ့ဖျားဒေသ၌ ဆူနာမီလှိုင်းများရိုက်ခတ်ခဲ့ကြောင်း သိရသည်။ပြင်းအား ၈ ဒသမ ၈ ရစ်(ခ်)တာစကေးရှိ အဆိုပါငလျင်သည် ရုရှားနိုင်ငံ ကမ်ချက် ကာကျွန်းဆွယ်၏ကမ်းလွန်တွင် လှုပ်ခတ်ခဲ့ခြင်းဖြစ်ပြီး နောက်ပိုင်းတွင် ဆူနာမီလှိုင်း များသည် ကူရေးလ်ကျွန်းစုများတွင် ရိုက်ခတ်ခဲ့ခြင်းဖြစ်သည်။ ဆူနာမီလှိုင်းများ ရိုက်ခတ် ခြင်းကြောင့် အာဏာပိုင်အဖွဲ့က ကျွန်းပေါ်ရှိ ဆီဗာရိုနှင့် ကူးရစ်ခ်မြို့မှ ဒေသခံများအား ဘေးကင်းရာသို့  အချိန်မီရွှေ့ပြောင်းပေးခဲ့ရသည်။ဒေသခံပြည်သူများသည် ဘေးကင်းသည့်အချိန်အထိ ကုန်းမြင့်များပေါ်သို့ ရွှေ့ပြောင်းခဲ့ရပြီး အာဏာပိုင်အဖွဲ့က ဒေသတွင်းရှိ    ပြည်သူများ၏ ဘေးအန္တရာယ် ကင်းရှင်းရေးအတွက် လိုအပ်သည့် တုံ့ပြန်မှုများကို လုပ်ဆောင်ခဲ့ကြောင်း အရေးပေါ်ဝန်ဆောင်မှုအဖွဲ့က      ထုတ်ပြန်ထားသည်။ဆူနာမီလှိုင်းရိုက်ခတ်မှုကြောင့် လူအသေအပျောက်နှင့် ထိခိုက်ဒဏ်ရာရရှိမှုအခြေ အနေများကို အာဏာပိုင်များက ထုတ်ပြန် ထားခြင်းမရှိသော်လည်း ဆီဗာရိုနှင့်ကူးရစ်ခ်မြို့ရှိ ငါးပြုပြင် စီမံထုတ်လုပ်ရေး စက်ရုံတွင်  ရေကြီးမှုများဖြစ်ပွားခြင်းကြောင့် အာဏာပိုင်အဖွဲ့က စက်ရုံမှ ဝန်ထမ်း များကို ရွှေ့ပြောင်းပေးခဲ့ရကြောင်း သိရသည်။Ref: RtMWD Portal
Thu, 31-Jul-2025
ကမ်ချတ်စ်ကာ ငလျင် အပျက်အစီးစာရင်း တစ်ပတ်အတွင်း အပြီး ပြုစုမည်
ကမ်ချတ်စ်ကာ ငလျင် အပျက်အစီးစာရင်း တစ်ပတ်အတွင်း အပြီး ပြုစုမည်
ဇူလိုင် ၃၀ ရက် နံနက်ပိုင်းတွင် လှုပ်ခတ်သော ရုရှားနိုင်ငံ၊ ကမ်ချတ်စ်ကာ ငလျင်ကြောင့် ပျက်စီးခဲ့ရသော ပစ္စည်းဥစ္စာဆုံးရှုံးမှု စုစုပေါင်း ခန့်မှန်း ချက်ခြေကို တစ်ပတ်အတွင်း အပြီး ပြုစုနိုင်မည်ဖြစ်ကြောင်း ဒေသ အုပ်ချုပ်ရေးမှူး ဗလာဒီမာ ဆိုလိုဒို့ဗ်က ၎င်း၏ Telegram မှတစ်ဆင့် ပြောကြားလိုက်ပါသည်။အရေးပေါ်အခြေအနေ ကာကွယ်ရေးနှင့်တုံ့ပြန်ရေးကော်မတီအနေဖြင့် အရေးပေါ်အစည်းအဝေးကို ကျင်းပခဲ့ကြောင်း၊ အဆိုပါငလျင်ကြောင့် ထိခိုက်ပျက်စီးခဲ့ရသော အိမ်ခြေစာရင်းကို ဇူလိုင် ၃၁ ရက်မတိုင်မီ ပြုစု သွားမည်ဖြစ်ပြီး စုစုပေါင်း ပစ္စည်းဆုံးရှုံးမှု ခန့်မှန်းခြေကို တစ်ပတ်အတွင်း ပြီးစီးအောင် ဆောင်ရွက်မည်ဟု အုပ်ချုပ်ရေးမှူးက ဖြည့်စွက် ပြောကြား ထားပါသည်။ ယခုအခါ လက်ရှိ ရရှိထားမှု စာရင်းများအရ အစိတ်အပိုင်းတစ်ခုသော် လည်းကောင်း၊ အလုံးစုံသော်လည်းကောင်း ပျက်စီးခဲ့ရသော နေအိမ်များ အားလုံးကို ကွင်းဆင်းစစ်ဆေးသွားမည်ဟု ထပ်လောင်း ပြောကြားထား ပါသည်။ ဇူလိုင် ၃၀ ရက် နံနက်ပိုင်းက ကမ်ချတ်စ်ကာကမ်းခြေအနီး ရစ်ချက်စတာ စကေး ၈.၈ အဆင့်ရှိ အင်အားပြင်း ငလျင် လှုပ်ခတ်ခဲ့ပါသည်။ အဆိုပါ ငလျင်မှာ ၁၉၅၂ ခုနှစ်နောက်ပိုင်း ရုရှား ဒေသတွင် လှုပ်ခဲ့သည့် အပြင်း ထန်ဆုံး ငလျင် ဖြစ်ကြောင်း အာဏာပိုင်များက အတည်ပြု ပြောကြား ထားပါသည်။ကိုးကား- TASSဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Wed, 30-Jul-2025
© Copyright 2024 SAC All Rights Reserved.