ကိုလံဘီယာတွင် ငြိမ်းချမ်းရေးဆွေးနွေးမှု မအောင်မြင် လူ ၈၀ ကျော်သေဆုံး

saceditor

News Image

  • ကိုလံဘီယာတွင် ငြိမ်းချမ်းရေးဆွေးနွေးမှု မအောင်မြင် လူ ၈၀ ကျော်သေဆုံး

ကိုလံဘီယာအစိုးရနှင့် အမျိုးသားလွတ်မြောက်ရေးတပ်မတော် (Rebel National Liberation Army/ ELN) သူပုန်တပ်တို့အကြား ငြိမ်းချမ်းရေးဆွေးနွေးရန် အစိုးရ၏ကြိုးပမ်းမှုမအောင်မြင်ဘဲ ပြီးခဲ့သည့် သီတင်းပတ်ကုန်က နိုင်ငံအရှေ့မြောက်ပိုင်းတွင် အနည်းဆုံး လူ ၈၀ ကျော်သေဆုံးသွားကြောင်း ကိုလံဘီယာအရာရှိတစ်ဦး က ပြောကြားလိုက်ပါသည်။ 

ပြီးခဲ့သည့် ဇန်နဝါရီ ၁၉ ရက် (တနင်္ဂနွေနေ့)က ကိုလံဘီယာစစ်တပ်က ပြည်သူများဘေးလွတ်ရာသို့ ရွှေ့ပြောင်းရေးလုပ်ဆောင်နေစဉ် ELN သူပုန်တပ်ဖွဲ့၏ တိုက်ခိုက်မှုကြောင့် လူ ၂၀ ဒဏ်ရာရရှိသွားကြောင်း အသတ်ဖြတ်ခံရမှု အများအပြားဖြစ်ပွားနေသည့် ဆန်တန်တာမြောက်ပိုင်း အုပ်ချုပ်ရေးမှူး William Villamizar က ပြောကြားထားပါသည်။ 

သေဆုံးသူများထဲတွင် ရပ်ရွာခေါင်းဆောင် Carmelo Guerreroနှင့် ငြိမ်းချမ်းရေးသဘောတူစာချုပ်လက်မှတ်ရေးထိုးရန် ကြိုးပမ်းနေသူ ၇ ဦးတို့ ပါဝင်ကြောင်း ဇန်နဝါရီ ၁၈ ရက်(စနေနေ့)တွင် ထုတ်ပြန်သော အစိုးရ စုံစမ်းရေးအေဂျင်စီတစ်ခု၏ အစီရင်ခံစာအရ သိရပါသည်။ 

တိုက်ခိုက်မှုများမှာ ဗင်နီဇွဲလားနိုင်ငံနယ်စပ်နှင့်ထိစပ်နေသည့် ကိုလံဘီယာနိုင်ငံ အရှေ့မြောက်ပိုင်း ကာတာတမ်ဘိုဒေသရှိမြို့များတွင် ဖြစ်ပွားခဲ့ပြီး ငြိမ်းချမ်းရေး ဆွေးနွေးပွဲများတွင် ပါဝင်သူ ၃ ဦးကိုလည်း ပြန်ပေးဆွဲထားကြောင်း၊ ထောင်နှင့်ချီသော ပြည်သူများမှာ အနီးနားရှိတောတောင်များသို့ ထွက်ပြေးတိမ်းရှောင်နေကြရခြင်း သို့မဟုတ် အစိုးရကယ်ဆယ်ရေးစခန်းများတွင် ခိုလှုံခွင့်ရရေး အကူအညီတောင်းခံထားခြင်းတို့ ရှိနေကြောင်း တာဝန်ရှိသူများက  ပြောကြားထားသည်။ 

ကိုးကား-AL JAZEERA 

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အမေရိကန်နှင့် ရုရှားတို့ကြား ဆက်ဆံရေးနောက်တစ်ဆင့် ထပ်မံတက်လှမ်းရန် ရူဘီယိုနှင့် လက်ရော့ဆွေးနွေး
အမေရိကန်နှင့် ရုရှားတို့ကြား ဆက်ဆံရေးနောက်တစ်ဆင့် ထပ်မံတက်လှမ်းရန် ရူဘီယိုနှင့် လက်ရော့ဆွေးနွေး
ဝါရှင်တန်၊ နိုင်ငံရေးအမေရိကန်နှင့် ရုရှားနိုင်ငံတို့ကြား ဆက်ဆံရေးပြန်လည်တည်ထောင်ရန်အတွက်နောက်တစ်ဆင့်ထပ်မံတက်လှမ်းရေးနှင့်စပ်လျဉ်း၍ အမေရိကန်နိုင်ငံခြားရေးဝန်ကြီး မားကို့ရူဘီယိုက ရုရှားနိုင်ငံခြားရေးဝန်ကြီး ဆာဂျီလက်ရော့နှင့် ဖုန်းမှတစ်ဆင့်ပြောဆိုဆွေးနွေးခဲ့သည်ဟု အမေရိကန်နိုင်ငံခြားရေးဝန်ကြီးဌာနက ထုတ်ပြန်သည်။ရူဘီယိုသည် ရုရှားနိုင်ငံခြားရေးဝန်ကြီး လက်ရော့နှင့် မတ်လ ၁၅  ရက်တွင် ဖုန်းမှတစ်ဆင့် ဆက်သွယ်၍   နှစ်နိုင်ငံကြားတိုက်ရိုက်ဆက်သွယ်ရေး    ပြန်လည်တည်ဆောက်ရန် ဆွေးနွေးခြင်းဖြစ်ပြီးအဆိုပါဆွေးနွေးမှုအတွင်း နှစ်နိုင်ငံကြားဆက်ဆံရေးပြန်လည်တည်ထောင်ရန်နှစ်ဖက်စလုံးက သဘောတူညီခဲ့ကြောင်း  ထုတ်ပြန်ချက်တွင် ဆက်လက်ဖော်ပြသည်။နှစ်နိုင်ငံစလုံးမှ   နိုင်ငံခြားရေးဝန်ကြီးများ၏ဆွေးနွေးမှုသည်   အမေရိကန်နှင့် ရုရှားနိုင်ငံတို့က နှစ်နိုင်ငံကြားဆက်ဆံရေးကိုပြန်လည်တည်ထောင်ရေးနှင့် ယူကရိန်းနိုင်ငံတွင် အပစ်အခတ်ရပ်စဲရေးသဘောတူညီချက်တစ်ရပ်ချမှတ်နိုင်ရေး ကြိုးပမ်းနေစဉ် ထွက်ပေါ်လာခြင်းဖြစ်ကြောင်း သိရသည်။ရူဘီယိုနှင့်လက်ရော့တို့ကြား ဆွေးနွေးမှုအတွင်းပြောကြားခဲ့သည့် အခြားအသေးစိတ်အချက်အလက်များကိုမူ ထုတ်ပြန်ထားခြင်းမရှိပေ။သို့သော် အဆိုပါဆွေးနွေးမှုအတွင်း ယီမင်နိုင်ငံအတွင်းရှိ    ဟူသီသူပုန်များအပေါ် အမေရိကန်က လုပ်ဆောင်ခဲ့သည့် လေကြောင်းတိုက်ခိုက်မှုများနှင့် အဆိုပါသူပုန်အဖွဲ့အား ပင်လယ်နီအတွင်းအမေရိကန်က ဆက်လက်တိုက်ခိုက်မည့်အစီအစဉ်များကိုလည်း ရူဘီယိုက လက်ရော့အား အကျဉ်းချုပ်ပြောကြားခဲ့ကြောင်းသိရသည်။                                   Ref:RTSource: https://myawady.net.mm/
မေ ၉ အခမ်းအနားတက်ရောက်ရန် ဗင်နီဇွဲလားသမ္မတ အား ပူတင် ဖိတ်ကြား
မေ ၉ အခမ်းအနားတက်ရောက်ရန် ဗင်နီဇွဲလားသမ္မတ အား ပူတင် ဖိတ်ကြား
၂၀၂၅ ခုနှစ်၊ မေ ၉ ရက်တွင် မော်စကို၌ ကျင်းပမည့် ဆိုဗီယက်အောင်ပွဲနေ့ အခမ်းအနား တက်ရောက်ရန် ရုရှားသမ္မတ ဗလာဒီမာပူတင်က ဗင်နီဇွဲလား သမ္မတ နီကိုလစ် မာဒူရိုကို ဖိတ်ကြားလိုက်ပါသည်။ ထိုဖိတ်ကြားချက်မှာ ၁၉၄၅ ခုနှစ်က မဟာမိတ်အောင်ပွဲ ရရှိစေရန် ဗင်နီဇွဲလား၏ ပါဝင်ကူညီမှု ကို မီးမောင်းထိုးပြလိုက်ခြင်း ဖြစ်ပါသည်။ သမိုင်းဝင် အောင်ပွဲခံမှု နှစ် ၈၀ ပြည့်အခမ်းအနား တက်ရောက်ရန် နိုင်ငံ အများအပြားမှ ခေါင်းဆောင်များကို ရုရှားသမ္မတက ဖိတ်ကြားထားပါသည်။ ဂျာမန်နာဇီဝါဒကို တိုက်ခိုက်ခဲ့သော မိတ်ဆွေနိုင်ငံများအနက် အီတလီနှင့် ဂျပန်တို့က မော်စကိုရှိ ရင်ပြင်နီတွင် ပြုလုပ်မည့် အဆိုပါ အခမ်းအနားတွင် စစ်ရေးပြ ပါဝင်ချီတက်ရန် တပ်ဖွဲ့ဝင်များစေလွှတ်မည်ဖြစ်ပါသည်။ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
အပစ်အခတ်ရပ်စဲရေး အဆိုပြုချက်ကို ရုရှားနိုင်ငံက သဘောတူညီခြင်း မရှိပါက ပိတ်ဆို့မှုသစ်များ ထပ်မံချမှတ်မည်ဟု G7 အဖွဲ့ခြိမ်းခြောက်
အပစ်အခတ်ရပ်စဲရေး အဆိုပြုချက်ကို ရုရှားနိုင်ငံက သဘောတူညီခြင်း မရှိပါက ပိတ်ဆို့မှုသစ်များ ထပ်မံချမှတ်မည်ဟု G7 အဖွဲ့ခြိမ်းခြောက်
ရုရှားနိုင်ငံအနေဖြင့်  အမေရိကန်က အဆိုပြုသည့်   အပစ်အခတ်ရပ်စဲရေး အဆိုပြုချက်ကို သဘောတူညီခြင်းမရှိပါက ပိတ်ဆို့မှုသစ်များ ထပ်မံချမှတ်မည်ဟု စက်မှုအင်အားကြီးနိုင်ငံ(G7) က ခြိမ်းခြောက်ပြောဆိုလိုက်ကြောင်း သိရသည်။အပစ်အခတ်ရပ်စဲရေးနှင့် စပ်လျဉ်း၍ G7 အဖွဲ့ဝင်နိုင်ငံများကြား ကွဲပြားမှုများကို ကျော်လွှားနိုင်ခဲ့ပြီး  သဘောတူညီချက် တစ်ရပ်ချမှတ်နိုင်ခဲ့ကြောင်း၊   ထို့ကြောင့် ရုရှားနိုင်ငံက ယူကရိန်းနိုင်ငံကဲ့သို့ အပစ်အခတ်ရပ်စဲရန် သဘောတူညီခြင်း မရှိပါက ပိတ်ဆို့မှုသစ်များနှင့် ရင်ဆိုင်ရမည် ဖြစ်သည်ဟု G7 အဖွဲ့မှ သံတမန်များ၏ ပြောကြားချက်ကို ကိုးကား၍   မီဒီယာများက  မတ်လ ၁၄ ရက်တွင်   ဖော်ပြသည်။ထို့ပြင် အပစ်အခတ်ရပ်စဲရေးကို သဘောတူညီရန်အတွက်   ရုရှားနိုင်ငံအား  G7 အဖွဲ့ဝင်နိုင်ငံများက  ထောက်ခံကြောင်း ၎င်းအဖွဲ့ကထုတ်ပြန်သည့် ကြေညာချက်တွင် ဖော်ပြထားကြောင်း သိရသည်။အကယ်၍ ရုရှားနိုင်ငံက အပစ်အခတ် ရပ်စဲရေးကို သဘောတူညီခြင်းမရှိပါက G7 အဖွဲ့ဝင်နိုင်ငံများအနေဖြင့် ရုရှားနိုင်ငံ၏ ရေနံဈေးနှုန်းများကို ထိန်းချုပ်ကန့်သတ်ခြင်းအားဖြင့်   စွမ်းအင်ကဏ္ဍအပေါ် ပိတ်ဆို့မှုအသစ်များ ချမှတ်၍  ယူကရိန်းနိုင်ငံသို့ အကူအညီများ ဆက်လက်ပေးအပ်ရန် ဆွေးနွေးခဲ့ကြကြောင်း သိရသည်။Source: https://myawady.net.mm/ 
အန်ဒရေရူဒင်ကို ဦးဆောင်သည့် ရုရှားကိုယ်စားလှယ်အဖွဲ့ မြောက်ကိုရီးယားသို့ ရောက်ရှိ
အန်ဒရေရူဒင်ကို ဦးဆောင်သည့် ရုရှားကိုယ်စားလှယ်အဖွဲ့ မြောက်ကိုရီးယားသို့ ရောက်ရှိ
ရုရှားဒုတိယနိုင်ငံခြားရေး ဝန်ကြီး အန်ဒရေရူဒင်ကို ဦးဆောင်သည့် ရုရှားကိုယ်စားလှယ်အဖွဲ့သည် မြောက်ကိုရီးယားနိုင်ငံသို့ ရောက်ရှိလာခဲ့ကြောင်း KCNA  သတင်းအေဂျင်စီက မတ်လ ၁၅ ရက်တွင်ဖော်ပြသည်။ရူဒင်ကိုသည် ရုရှားအစိုးရက ယူကရိန်းနိုင်ငံအတွင်း  အထူးစစ်ဆင်ရေးစတင် ဆင်နွှဲပြီးနောက်ပိုင်းမှစ၍ မြောက်ကိုရီးယားနိုင်ငံနှင့် ဆက်ဆံရေးဖော်ဆောင်ရာတွင် ပါဝင်ခဲ့သူဖြစ်ပြီး ၎င်း၏ယခုခရီးစဉ်သည် ယူကရိန်းတွင် အပစ်အခတ်ရပ်စဲရေး သဘောတူညီချက်ချမှတ်ရန် အမေရိကန်က အဆိုပြုပြီးနောက် ထွက်ပေါ်လာခြင်းဖြစ်ကြောင်း သိရသည်။ထို့ပြင် ရူဒင်ကိုသည် ယူကရိန်းလက်နက်ကိုင် ပဋိပက္ခစတင်ဖြစ်ပွားသည့် အစောပိုင်းကာလတွင်လည်း ငြိမ်းချမ်းရေး ဆွေးနွေးသည့် ရုရှားကိုယ်စားလှယ် အဖွဲ့ဝင်တစ်ဦးအဖြစ် တာဝန်ယူခဲ့သူဖြစ်သည်။ သို့သော် ၎င်း၏  မြောက်ကိုရီးယားခရီးစဉ်နှင့် စပ်လျဉ်း၍  အသေးစိတ်ဖော်ပြထားခြင်း မရှိပေ။မြောက်ကိုရီးယားနိုင်ငံသည် လက်ရှိတွင် ရုရှားနိုင်ငံနှင့် ကာကွယ်ရေးအရ ပူးပေါင်း ဆောင်ရွက်လျက်ရှိပြီး နှစ်နိုင်ငံဆက်ဆံရေးမှာ တိုးတက် ကောင်းမွန်လျက်ရှိသည်။             Source: https://myawady.net.mm/
ပူတင်ကြေညာချက်မှာ အင်မတန် ကောင်းမွန်သည့် အလားအလာ ရှိကြောင်း ဒေါ်နယ်ထရမ့် ပြောကြား
ပူတင်ကြေညာချက်မှာ အင်မတန် ကောင်းမွန်သည့် အလားအလာ ရှိကြောင်း ဒေါ်နယ်ထရမ့် ပြောကြား
ရုရှားခေါင်းဆောင် ဗလာဒီမာပူတင်က ယူကရိန်းစစ်ဖြေရှင်းနိုင်ရေးနှင့်ပတ်သက်၍ မတ်လ ၁၃ ရက် (ကြာသပတေးနေ့)တွင် ထုတ်ပြန်လိုက်သည့် ကြေညာချက်သည် “အင်မတန် ကတိကဝတ် ကောင်းမွန်သော အလားအလာ ရှိသည်” ဟု အမေရိကန်သမ္မတ ဒေါ်နယ်ထရမ့်က ပြောကြားလိုက်ပါသည်။ပူတင်၏ ကြေညာချက်သည် အလွန်ကောင်းမွန်ပြီး အလားအလာရှိသော်လည်း ပြီးပြည့်စုံပြီဟု ပြောမရသေးပါကြောင်း” ဒေါ်နယ်ထရမ့်က NATO အကြီးအကဲ Mark Rutte နှင့် အိမ်ဖြူတော်၌ တွေ့ဆုံစဉ်အတွင်း ပြောကြားလိုက်ခြင်း ဖြစ်ပါသည်။ကိုးကား- TASSPhoto: Mintဘာသာပြန်ဆိုသူ-ဦးကျော်ဇေယျ၊ဒုတိယညွှန်ကြားရေးမှူး၊နစက-၃
ရုရှား၊ ယူကရိန်းတို့နှင့် ဆွေးနွေးနေပြီဖြစ်ကြောင်း အမေရိကန် အမျိုးသားလုံခြုံရေးအကြံပေး ပြောကြား
ရုရှား၊ ယူကရိန်းတို့နှင့် ဆွေးနွေးနေပြီဖြစ်ကြောင်း အမေရိကန် အမျိုးသားလုံခြုံရေးအကြံပေး ပြောကြား
အမေရိကန်အစိုးရသည် ယခုအခါ ရုရှား၊ ယူကရိန်းတို့နှင့် အမြင်များ ဖလှယ်ဆွေးနွေးနေပြီး၊ အခြားသော ယူကရိန်းကိစ္စဖြေရှင်းနိုင်ရေး နည်းလမ်း များကို ဆွေးနွေးနေသည်ဟု အမေရိကန် အမျိုးသားလုံခြုံရေးအကြံပေး Mike Waltz က Fox News ကို အတည်ပြုပြောကြားလိုက်ပါသည်။“မိမိတို့အနေဖြင့် ရုရှားဘက်က တာဝန်ရှိသူများနှင့် ဆွေးနွေးနေသလို ယူကရိန်းဘက်ရှိ တာဝန်ရှိသူများနှင့်လည်း ဆွေးနွေးနေပါသည်။ သမ္မတ ထရမ့်က စေ့စပ်ညှိနှိုင်းမှု အကျွမ်းကျင်ဆုံးတစ်ဦးဖြစ်ပြီး ယခုစစ်ပွဲကို ပြီးဆုံးစေရန် မျှော်မှန်းထားပါသည်” ဟု သူက ပြောကြားပါသည်။Fox News မှ သတင်းထောက်တစ်ဦးက ယူကရိန်းသည် NATO ထဲသို့ ဝင်မည်မဟုတ်ကြောင်း၊ သဘောတူညီမှုဖြင့် Donbass နှင့် အခြားဒေသများကို ရုရှားထံ ပေးအပ်ရနိုင်ကြောင်း ခန့်မှန်းပြောဆိုထားပါသည်။ Mike Waltz က ထိုမှန်းဆချက်အပေါ် တုံ့ပြန်ဖြေကြားခဲ့ခြင်း မရှိချေ။ ကိုးကား- TASSPhoto: WSJဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
© Copyright 2024 SAC All Rights Reserved.