ယူကရိန်းသမ္မတ ဇီလန်စကီးသည် ယူကရိန်းစစ်တပ်ဦးစီးချုပ် (Chief of General Staff) ဖြစ်သူ Anatoly Bargilevich ၏ ရာထူးနေရာတွင် ဒုတိယဦးစီးချုပ် Andrey Gnatov အား မတ်လ ၁၆ ရက်တွင် အစားထိုး ခန့်အပ်လိုက်ကြောင်း ကြေညာလိုက်ပါသည်။ဦးစီးချုပ်ဟောင်း Bargilevich ကို ယူကရိန်းကာကွယ်ရေးဝန်ကြီးဌာန၏ စုံစမ်းစစ်ဆေးရေးအရာရှိချုပ်အဖြစ် ပြောင်းလဲခန့်အပ်လိုက်ပြီး အဆိုပါ ရာထူးအပြောင်းအလဲအတွက် အကြောင်းအရင်းကို ကြေညာချက်၌ ဖော်ပြ ထားခြင်းမရှိပါ။ထိုသို့ ယူကရိန်းစစ်တပ် အကြီးအကဲရာထူးအပြောင်းအလဲမှာ ကာ့ဒ်ဒေသ၌ ယူကရိန်းတပ်ဖွဲ့ဝင်များ ပိတ်ဆို့ဝန်းရံထားခံရသည့်အချိန်တွင် လုပ်ဆောင် လိုက်ခြင်းဖြစ်ပါသည်။“ကာ့ဒ်ဒေသရှိ ပိတ်မိနေသော ယူကရိန်းတပ်ဖွဲ့ဝင်များအနေဖြင့် လက်နက်ချလိုက်ပါက လူသားချင်းစာနာထောက်ထားမည်ဖြစ်ပြီး လိုအပ်သည့် ကျန်းမာရေးဝန်ဆောင်မှုနှင့် လုံခြုံမှု ဆောင်ရွက်ပေးသွားမည်ဖြစ်ကြောင်း” ရုရှားသမ္မတဗလာဒီမာပူတင်က ပြောကြားထားပြီးဖြစ်ပါသည်။ သို့ရာတွင် အဆိုပါတပ်ဖွဲ့ဝင်များအနေဖြင့် စစ်ဘက်နှင့်နိုင်ငံ့ခေါင်းဆောင်များ၏ တရားဝင်အမိန့်မရရှိဘဲ လက်နက်ချပေးရန် အခက်အခဲရှိနိုင်ကြောင်း ပူတင်က ထပ်မံ သတိပေးပြောကြားထားပါသည်။ ကိုးကား- TASSPhoto: 24 News HDဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊နစက-၃