သမ္မတပူတင်နှင့် ဆွေးနွေးသည်နှင့်တစ်ပြိုင်နက် ထူးခြားကောင်းမွန်သည့် ရလဒ်ထွက်ပေါ်မည်ဟု ထရမ့်မျှော်လင့်

sacadmin

News Image

  • သမ္မတပူတင်နှင့် ဆွေးနွေးသည်နှင့်တစ်ပြိုင်နက် ထူးခြားကောင်းမွန်သည့် ရလဒ်ထွက်ပေါ်မည်ဟု ထရမ့်မျှော်လင့်

ရုရှားသမ္မတ   ဗလာဒီမာပူတင်နှင့် ဆွေးနွေးသည်နှင့်တစ်ပြိုင်နက် ထူးခြားကောင်းမွန်သည့် ရလဒ်ထွက်ပေါ်လာမည်ဟုမျှော်လင့်ကြောင်း  အမေရိကန်သမ္မတဒေါ်နယ်ထရမ့်က ပြောကြားသည်။

မိမိတို့နှစ်ဦးကြား ဆွေးနွေးမှုများကိုလုပ်ဆောင်မည်ဖြစ်ပြီး အဆိုပါဆွေးနွေးမှုမှထူးခြားသည့် ရလဒ်ထွက်ပေါ်လာနိုင်ကြောင်း ထရမ့်က ဇန်နဝါရီလ ၃၁ ရက်တွင် အိမ်ဖြူတော်၌ကျင်းပသည့် သတင်းစာ ရှင်းလင်းပွဲ၌  သတင်းထောက်များကိုပြောသည်။

ထို့ပြင် မိမိတို့အနေဖြင့် ယူကရိန်းပဋိပက္ခကို အဆုံးသတ်နိုင်ရေးအတွက် လေးနက်သည့် ဆွေးနွေးမှုများကို လုပ်ဆောင်လျက်ရှိကြောင်း ၎င်းကဆက်ပြောသည်။ သို့ရာတွင်  ပူတင်နှင့်  ဆွေးနွေးခဲ့ခြင်းရှိ၊  မရှိဟူသော  မေးမြန်းချက်ကို  ၎င်းကအတိအကျဖြေကြားခဲ့ခြင်းမရှိပေ။

အမေရိကန်ပြည်ထောင်စုတွင်  ထရမ့်သမ္မတအဖြစ်  ဒုတိယသက်တမ်းစတင်ထမ်းဆောင်ခဲ့ပြီးချိန်မှစ၍  ရုရှားသမ္မတပူတင်နှင့် တွေ့ဆုံဆွေးနွေးရန်အသင့်ရှိသည်ဟု ထရမ့်က ထပ်တလဲလဲပြောကြားထားကြောင်းသိရသည်။                 

   Ref: RT

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ယူကရိန်းငြိမ်းချမ်းရေး အတွက် အမေရိကန်နှင့် ရုရှားတို့၏ စေ့စပ်ဆွေးနွေးမှုများကို ဆော်ဒီအာရေဗျတွင် ထပ်မံကျင်းပမည်
ယူကရိန်းငြိမ်းချမ်းရေး အတွက် အမေရိကန်နှင့် ရုရှားတို့၏ စေ့စပ်ဆွေးနွေးမှုများကို ဆော်ဒီအာရေဗျတွင် ထပ်မံကျင်းပမည်
ယူကရိန်းငြိမ်းချမ်းရေးနှင့် စပ်လျဉ်း၍ ဖြေရှင်းနိုင်ရန်အတွက် အမေရိကန်နှင့် ရုရှားနိုင်ငံတို့ကြား စေ့စပ်ဆွေးနွေးမှုများကို မတ်လ ၂၃ ရက်တွင် ဆော်ဒီအာရေဗျနိုင်ငံ၌ ထပ်မံ ကျင်းပမည်ဖြစ်ကြောင်း အမေရိကန် သံတမန်တစ်ဦးဖြစ်သူ စတိဝှစ်ကော့က ပြောသည်။ဆော်ဒီအာရေဗျနိုင်ငံ ဂျက်ဒါမြို့၌ ထပ်မံကျင်းပမည့် ဆွေးနွေးပွဲသို့ အမေရိကန် အမျိုးသားလုံခြုံရေး အကြံပေး မိုက်ဝေါ့၊ နိုင်ငံခြားရေးဝန်ကြီး  မားကို့ရူဘီယိုတို့ တက်ရောက်မည်ဖြစ်ပြီး ယူကရိန်းနှင့်ရုရှားတို့ကြား အပစ်အခတ်ရပ်စဲရေးနှင့် စပ်လျဉ်း၍ အသေးစိတ် အချက်အလက်များကို အပြီးသတ် ဆွေးနွေးမည်ဖြစ်ကြောင်း အမေရိကန်သမ္မတ   ဒေါ်နယ်ထရမ့်၏ အထူးသံတမန်ဝှစ်ကော့က Fox သတင်းဌာနနှင့် ပြုလုပ်သည့် တွေ့ဆုံမေးမြန်းခန်း၌ ပြောကြားခြင်းဖြစ်သည်။အမေရိကန်နှင့်  ရုရှားနိုင်ငံတို့သည် ပြီးခဲ့သည့်လအတွင်းကလည်း  ဆော်ဒီအာရေဗျနှင့် တူကီယဲနိုင်ငံတို့တွင် တွေ့ဆုံဆွေးနွေးမှုများ ကျင်းပခဲ့ပြီး နှစ်နိုင်ငံစလုံးအနေဖြင့် ယူကရိန်းပဋိပက္ခကို အဆုံးသတ်ရေး၊ အမေရိကန်နှင့် ရုရှားတို့ကြား သံတမန်ရေး၊ စီးပွားရေးဆက်ဆံမှုများ တိုးတက်လာစေရေး လုပ်ဆောင်ရန် သဘောတူညီခဲ့ကြကြောင်း သိရသည်။ဒေါ်နယ်ထရမ့်၏   အထူးသံတမန် ဝှစ်ကော့သည် ယူကရိန်းအရေးနှင့် စပ်လျဉ်း၍ ရုရှားသမ္မတ ဗလာဒီမာပူတင်နှင့် နှစ်ကြိမ်တိုင်တိုင်  တွေ့ဆုံဆွေးနွေး ထားပြီးဖြစ်သည်။Source: https://myawady.net.mm/ 
ရုရှား-အမေရိကန် ကျွမ်းကျင်သူအဖွဲ့ မကြာမီ အစည်းအဝေးကျင်းပမည်
ရုရှား-အမေရိကန် ကျွမ်းကျင်သူအဖွဲ့ မကြာမီ အစည်းအဝေးကျင်းပမည်
ရုရှားနှင့်အမေရိကန်ကျွမ်းကျင်သူအဖွဲ့တို့သည် လာမည့်ရက်များအတွင်း ဆွေးနွေးပွဲကျင်းပမည်ဖြစ်ပြီး ယူကရိန်းကိစ္စ ဖြေရှင်းရေးကဏ္ဍအချို့ကို ဆွေးနွေးမည်ဖြစ်ကြောင်း ကရင်မလင်က ထုတ်ပြန်ထားပါသည်။အမေရိကန်အထူးကိုယ်စားလှယ် စတိဝစ်ကော့ကလည်း အဆိုပါ ဆွေးနွေးပွဲကို အတည်ပြုပြောကြားထားပြီး ဆော်ဒီနိုင်ငံ ဂျပ်ဒါမြို့တွင် ကျင်းပရန် စီစဉ်ထားကြောင်း၊ ထိုဆွေးနွေးပွဲတွင် နှစ်ဖက်ခေါင်းဆောင်များ၏ ဆွေးနွေးမှုများအရ ပင်လယ်နက်ကိစ္စ ပြန်လည်စတင်ဆွေးနွေးမည်ဖြစ်ပြီး စွမ်းအင်အခြေခံအဆောက်အအုံများကို ရုရှားနှင့် ယူကရိန်းတို့ အပြန်အလှန်တိုက်ခိုက်မှုများ ရပ်ဆိုင်းရေးအတွက် စေ့စပ်ညှိနှိုင်းကြမည်ဖြစ်ကြောင်းပြောကြားထားပါသည်။ကိုးကား- TASS ဘာသာပြန်ဆိုသူ-ဦးကျော်ဇေယျ၊ဒုတိယညွှန်ကြားရေးမှူး၊နစက-၃ 
အီလွန်မက်က ဆန့်ကျင်ဘက် လက်ဝဲယိမ်းအစွန်းရောက်များက ၎င်းကို လုပ်ကြံရန်စီစဉ်နေဟုပြော
အီလွန်မက်က ဆန့်ကျင်ဘက် လက်ဝဲယိမ်းအစွန်းရောက်များက ၎င်းကို လုပ်ကြံရန်စီစဉ်နေဟုပြော
အမေရိကန်သမ္မတအဖြစ် ဒေါ်နယ်ထရမ့် ဒုတိယအကြိမ် တာဝန်ယူခဲ့သည့် အစိုးရအဖွဲ့တွင် အီလွန်မက် ဦးဆောင်သော DOGE က ဖက်ဒရယ် ရန်ပုံငွေသုံးစွဲမှုများနှင့်ပတ်သက်၍ စိစစ်လျှော့ချမှုများ ဆောင်ရွက်လျက် ရှိပြီး အမေရိကန်ပြည်သူများ၏ အခွန်ငွေများအပေါ် မလိုလားအပ်သော အဂတိမကင်းသည့် လုပ်ဆောင်ခဲ့မှုများ တွေ့ရှိခဲ့မှုနှင့်ပတ်သက်၍ ထုတ်ပြန်ခဲ့မှုများအပေါ် မကျေနပ်သူများက မက်ကို လုပ်ကြံရန် စီစဉ်နေ ကြသည်ဟု မက် ကပြောကြားခဲ့သည်။ဖက်ဒရယ်ရန်ပုံငွေသုံးစွဲမှုများကို စစ်ဆေးတွေ့ရှိချက်များအရ ယခင် အစိုးရ၏အတားအဆီးမဲ့သုံးစွဲမှုများအပေါ် DOGE က စစ်ဆေးထုတ်ပြန်ထားရှိခဲ့ပြီး မလိုလားအပ်သည့် ဝန်ထမ်းအင်အား ပိုလျှံနေမှုများကိုလည်း လျှော့ချမှုများ ဆောင်ရွက်လျက်ရှိသည်။သို့သော် ပြိုင်ဘက်ဒီမိုကရက်တို့က Trump အစိုးရအဖွဲ့၏ MAGA မူဝါဒ အရ ဆောင်ရွက်နေခြင်းကို ဝေဖန်တိုက်ခိုက်မှုများပြုလုပ်ခဲ့ပြီး DOGE ဦးဆောင်သူ မက်၏ ကိုယ်ပိုင်စီးပွားရေးလုပ်ငန်းများနှင့် ဆက်စပ်နေသည့် အရာများကို ဖျက်စီးခြင်းများ လုပ်ဆောင်ခဲ့ကြသည်။ယခုတွင်ဆန့်ကျင်ဘက်လက်ဝဲယိမ်းအစွန်းရောက်တို့က ၎င်းတို့၏ အယူအဆနှင့် ဆန့်ကျင်သည့်လုပ်ဆောင်မှုများကို အကောင်အထည်ဖော် ဆောင်ရွက်နေသည့် အီလွန်မက်ကို လုပ်ကြံရန်စီစဉ်နေမှုကို မက်က ထုတ်ဖော်ပြောဆိုခဲ့ခြင်းဖြစ်သည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
အမေရိကန်-ရုရှား သဘောတူညီချက်နှင့်အညီ ရုရှားနှင့်ယူကရိန်းတို့ စစ်သုံ့ပန်းများလဲလှယ်ခဲ့
အမေရိကန်-ရုရှား သဘောတူညီချက်နှင့်အညီ ရုရှားနှင့်ယူကရိန်းတို့ စစ်သုံ့ပန်းများလဲလှယ်ခဲ့
ရုရှားသမ္မတ Vladimir Putin နှင့် အမေရိကန်သမ္မတ Donald Trump တို့အကြား သဘောတူညီချက်အရ ရုရှားနှင့်ယူကရိန်းတို့သည် စစ်သုံ့ပန်း အရေအတွက် ရာနှင့်ချီကာ အပြန်အလှန် လဲလှယ်ခဲ့ကြသည်။ရုရှားသည် ယူကရိန်းစစ်သုံ့ပန်း ၁၇၅ ဦးနှင့် အရေးပေါ်ဆေးကုသရန် လိုအပ်နေသော ပြင်းထန်ဒဏ်ရာရရှိထားသူ စစ်သည် ၂၂ ဦးကို လွှဲပြောင်းပေးခဲ့သည်ဟု ရုရှား ကာကွယ်ရေးဝန်ကြီးဌာနက မတ်လ ၁၉ ရက်နေ့၌ ပြောကြားခဲ့သည်။အပြန်အလှန်အားဖြင့် ရုရှားစစ်မှုထမ်း ၁၇၅ ဦးကို ယူကရိန်းက ပြန်လည် လွှဲပြောင်းပေးခဲ့ကြောင်း အဆိုပါဝန်ကြီးဌာနက ပြောသည်။Putin နှင့် Trump တို့ မတ်လ ၁၈ ရက်နေ့ တယ်လီဖုန်းဆက်သွယ်ဆွေးနွေးမှု၌ အဆိုပါလဲလှယ်မှုများအတွက် ဆွေးနွေးကာ သဘောတူညီခဲ့ကြခြင်း ဖြစ်သည်။ယူကရိန်းခေါင်းဆောင် ဇီလန်စကီးကလည်း ယင်းကဲ့သို့လဲလှယ်မှုကို ထောက်ခံအတည်ပြုခဲ့ကာ အပြန်အလှန်လဲလှယ်မှုများ ဆောင်ရွက်နိုင်ခဲ့ခြင်းဖြစ်သည်။ကိုးကား-NHK Worldဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
Trump က ၂၀၂၈ တွင် တတိယအကြိမ် ဝင်ရောက်ယှဉ်ပြိုင်ဦးမည်ဟုဆို
Trump က ၂၀၂၈ တွင် တတိယအကြိမ် ဝင်ရောက်ယှဉ်ပြိုင်ဦးမည်ဟုဆို
အမေရိကန်ဖွဲ့စည်းပုံအခြေခံဥပဒေတွင် သမ္မတတစ်ဦးသည် နှစ်ကြိမ်ထက်ပို၍ ရွေးကောက်တင်မြှောက်ခံခွင့်မရှိကြောင်း ပြဋ္ဌာန်းထားသော်လည်း ၂၀၂၈ ခုနှစ်တွင် ဒေါ်နယ်ထရမ့်အနေဖြင့် ထိုသတ်မှတ်ချက်ကို ကျော်လွှားကာ ထပ်မံ၍ ဝင်ရောက်ယှဉ်ပြိုင်လိမ့်မည်ဟု ယခင်က ထရမ့်၏ အကြံပေးနှင့် မဟာဗျူဟာကျွမ်းကျင်သူ စတိဗ်ဘန်နန်က ပြောကြား လိုက်သည်။အမေရိကန်ဖွဲ့စည်းပုံအခြေခံဥပဒေ၏ ၂၂ ကြိမ်မြောက်ပြင်ဆင်ချက်အရ "မည်သူတစ်ဦးတစ်ယောက်မျှ သမ္မတရာထူးအတွက် နှစ်ကြိမ်ထက်ပို၍ ရွေးကောက်တင်မြှောက်ခံခွင့် မရှိစေရ" ဟု ပြဋ္ဌာန်းထားသည်။ သို့သော် ၂၀၁၆ ခုနှစ်က ထရမ့်၏ ရွေးကောက်ပွဲကမ်ပိန်းကို ဦးဆောင်ခဲ့သူ ဘန်နန် ကမူ ထရမ့်အနေဖြင့် တတိယသက်တမ်းအတွက် ဝင်ရောက် ယှဉ်ပြိုင် နိုင်မည်ဟု ဆိုသည်။"သမ္မတထရမ့်သည် ၂၀၂၈ တွင် ထပ်မံဝင်ရောက်ယှဉ်ပြိုင်မည်ကို ကောင်းစွာ ယုံကြည်ကြောင်းနှင့် ၎င်းကိုယ်တိုင်ကလည်း ဝင်ရောက် ယှဉ်ပြိုင်ခွင့် ရရှိရေး ကြိုးပမ်းသွားမည်" ဟု ဘန်နန်က မတ်လ ၁၉ ရက်နေ့တွင် News Nation သို့ ပြောကြားခဲ့သည်။"ထရမ့်ကဲ့သို့သောပုဂ္ဂိုလ်သည် ကံကောင်းလွန်းမှသာ ရာစုနှစ် တစ်ခုအတွင်း တစ်ခါခန့်သာ ပေါ်လာတတ်ကာ လက်ရှိတွင်လည်း ထရမ့်၏ စွမ်းဆောင်မှုများသည် ရလဒ်ကောင်းများရရှိလျက်ရှိပြီး ၂၀၂၈ တွင် ထပ်မံရွေးကောက်ခံစေလိုသည်" ဟု ၎င်းက ဆက်လက် ပြောကြား ခဲ့သည်။ဖွဲ့စည်းပုံအခြေခံဥပဒေအရ ကန့်သတ်ထားရှိမှုများကို နည်းလမ်းတကျ ကျော်လွှားနိုင်ရေးကိုလည်း ဆောင်ရွက်သွားမည်ဖြစ်သည်ဟု ဘန်နန်က ပြောဆိုခဲ့သည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
ထရမ့်နှင့်ဇီလန်စကီးတို့ ဖုန်းဖြင့်ဆက်သွယ်ဆွေးနွေး
ထရမ့်နှင့်ဇီလန်စကီးတို့ ဖုန်းဖြင့်ဆက်သွယ်ဆွေးနွေး
ရုရှား-ယူကရိန်းပဋိပက္ခအဆုံးသတ်နိုင်ရေးအတွက် ထရမ့်က အလေးပေး ဆောင်ရွက်လျက်ရှိရာ မတ်လ ၁၈ ရက်နေ့တွင် ထရမ့်က ပူတင်နှင့် အချိန် ၂ နာရီကျော်ကြာ တယ်လီဖုန်းဖြင့် ဆက်သွယ်ဆွေးနွေးခဲ့ပြီး နောက်တစ်ရက်တွင် ဇီလန်စကီးနှင့်ထပ်မံ ဆက်သွယ်ဆွေးနွေးခဲ့ပါသည်။နှစ်ဘက်အဆိုပြုချက်များကို စေ့စပ်ညှိနှိုင်းပေးနိုင်ရေးအတွက် ပူတင်၏ အကြံပြုချက်များအပေါ် ဇီလန်စကီးနှင့်ထပ်မံဆွေးနွေးရာတွင် ကိယက်ဗ် သည် ရက် ၃၀ ကြာအပစ်အခတ်ရပ်စဲရေးကို လိုက်နာဆောင်ရွက်မည်ဖြစ်ပြီး မော်စကိုအနေဖြင့်လည်း အပြန်အလှန်လိုက်နာရန် လိုအပ်သည် ဟု ဇီလန်စကီးက ဆိုသည်။ထရမ့်က ဇီလန်စကီးနှင့် ဆွေးနွေးမှုတွင် ကောင်းမွန်သော ရလဒ်များရရှိခဲ့သည်ဟုဆိုကာ ဆွေးနွေးခဲ့သည့်အကြောင်းအရာများကို အမေရိကန် နိုင်ငံခြားရေးဝန်ကြီး Marco Rubio နှင့် အမျိုးသားလုံခြုံရေးအကြံပေးပုဂ္ဂိုလ် Michael Waltz တို့က ထုတ်ပြန်ပေးသွားမည်ဖြစ်ကြောင်း သိရှိရပါသည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
© Copyright 2024 SAC All Rights Reserved.