ဘယ်လာရုစ်အစိုးရအဖွဲ့ နုတ်ထွက်မှု ကြေညာချက်

saceditor

News Image

  • ဘယ်လာရုစ်အစိုးရအဖွဲ့ နုတ်ထွက်မှု ကြေညာချက်

ဖေဖော်ဝါရီ ၃ ရက်တွင် ဘယ်လာရုစ် ဝန်ကြီးချုပ် ရိုမန် ဂိုလိုဗချင်ကို လက်မှတ်ရေးထိုးထားသည့် အမိန့်အရ ဘယ်လာရုစ်အစိုးရအဖွဲ့သည် ရာထူးမှ နုတ်ထွက်လိုက်ကြောင်း အစိုးရအဖွဲ့ သတင်းထုတ်ပြန်ချက်အရ သိရှိရသည်။

ဘယ်လာရုစ် ဖွဲ့စည်းပုံအခြေခံဥပဒေအရ ရွေးကောက်ပွဲတွင် အနိုင်ရရှိသည့် အစိုးရသစ်မတက်မီတွင် လက်ရှိအစိုးရသည် ရာထူးမှ နုတ်ထွက်ရမည်ဖြစ်ကြောင်း သတင်းထုတ်ပြန်ချက်အရ သိရပါသည်။ ထိုအမိန့်မှာ လက်မှတ်ရေးထိုးသည့်နေ့တွင် အတည်ဖြစ်သည်ဟု ဖော်ပြထားပါသည်။ 

သို့သော် “ဘယ်လာရုစ်သမ္မတနိုင်ငံဝန်ကြီးများကောင်စီဥပဒေ” အရ အစိုးရအဖွဲ့သည် နုတ်ထွက်ပြီးနောက် သမ္မတ၏ အမိန့်ညွှန်ကြားချက်အရ အစိုးရသစ် မဖွဲ့စည်းမီအချိန်ထိ ၎င်း၏ လုပ်ငန်းတာဝန်များကို ဆက်လက်တာဝန်ထမ်းဆောင်ရန် ဖြစ်ပါသည်။

ကိုးကား -TASS 

Photo: Mehr News Agency

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အသုံးစရိတ်ပိုမိုတောင်းဆိုမှုကြောင့် ဂျပန်အစိုးရက အမေရိကန်နှင့် အစည်းအဝေးကို ဖျက်သိမ်း
အသုံးစရိတ်ပိုမိုတောင်းဆိုမှုကြောင့် ဂျပန်အစိုးရက အမေရိကန်နှင့် အစည်းအဝေးကို ဖျက်သိမ်း
ဂျပန်အစိုးရအနေဖြင့် ကာကွယ်ရေးအသုံးစရိတ်ကို ပိုမိုသုံးစွဲရန် အမေရိကန်ဘက်က တောင်းဆိုမှုကြောင့် ၎င်းတို့နှစ်နိုင်ငံကြား နှစ်စဉ်ဆောင်ရွက်သည့်အဆင့်မြင့် အရာရှိအဆင့် ကာကွယ်ရေးဆိုင်ရာ အစည်းအဝေးကို ဖျက်သိမ်းလိုက်ကြောင်း သိရသည်။အဆိုပါနှစ်နိုင်ငံကြား လုံခြုံရေးအစည်းအဝေးအဖြင့် အမေရိကန် နိုင်ငံခြားရေးဝန်ကြီး မာကိုရူဘီယိုနှင့် ကာကွယ်ရေးဝန်ကြီး ပိဟက်ဆက်တို့က ဂျပန်နိုင်ငံခြားရေးဝန်ကြီး တာကဲရှီအီဝါယာ၊ ကာကွယ်ရေးဝန်ကြီး ဗိုလ်ချုပ်ကြီး နာကာတာနီတို့နှင့် ဇူလှိုင်လ ၁ ရက်တွင် ဝါရှင်တန်မြို့၌ တွေ့ဆုံရန်စီစဉ်ထားသည်။သို့သော် ဂျပန်နိုင်ငံအနေဖြင့် GDP ၏ ၃ ဒသမ ၅ ရာခိုင်နှုန်းကို ကာကွယ်ရေး အသုံးစရိတ်အဖြစ် အသုံးပြုရန် အမေရိကန်အစိုးရက တောင်းဆိုသောကြောင့် ဂျပန်နိုင်ငံဘက်က ထိုအစည်းအဝေးကို ဖျက်သိမ်းလိုက်ခြင်းဖြစ်သည်။ ကာကွယ်ရေးအသုံးစရိတ်တိုးမြှင့်ရန် တောင်းဆိုမှုက ယခင် တောင်းဆိုမှုဖြစ်သည့် ၃ ရာခိုင်နှုန်းထက် ပိုများနေသည်။Ref : SCMPMWD Daily Newspaper
Sun, 22-Jun-2025
ထိုင်းဝန်ကြီးချုပ် ရာထူးမှ နုတ်ထွက်ခြင်းမရှိသလို လွှတ်တော်ကိုလည်း ဖျက်သိမ်းမည်မဟုတ်
ထိုင်းဝန်ကြီးချုပ် ရာထူးမှ နုတ်ထွက်ခြင်းမရှိသလို လွှတ်တော်ကိုလည်း ဖျက်သိမ်းမည်မဟုတ်
ထိုင်းနိုင်ငံဝန်ကြီးချုပ် ပေထုန်တ် ရှင်နာဝပ်အနေဖြင့် လက်ရှိဖြစ်ပွားနေသော နိုင်ငံရေးအကျပ်အတည်းကြောင့် ရာထူးမှ နုတ်ထွက်ခြင်းမရှိသလို လွှတ်တော်ကိုလည်း ဖျက်သိမ်းသွားမည်မဟုတ်ကြောင်း အာဏာရဖူထိုင်းပါတီမှ တာဝန်ရှိသူတစ်ဦးက ဇွန်လ ၂၁ ရက်တွင် ပြောသည်။နိုင်ငံက ရင်ဆိုင်နေရသော ပဋိပက္ခများကို အကောင်းဆုံးကိုင်တွယ်ဖြေရှင်းနိုင်ရန် တာဝန်ကို ဆက်လက်ထမ်းဆောင်မည်ဖြစ်ကြောင်း ဝန်ကြီးချုပ်ကပြောသည်ဟု ခရီးသွားလုပ်ငန်းဝန်ကြီးက လူမှုကွန်ရက်တွင် တင်ထားသည်။ ထိုင်းဝန်ကြီးချုပ်က ကမ္ဘောဒီးယားဝန်ကြီးချုပ်ဟောင်း ဟွန်ဆန်နှင့် ဖုန်းပြောသည့် အသံဖိုင်ပေါက်ကြားပြီးနောက် နိုင်ငံရေးအကျပ်အတည်းနှင့် ရင်ဆိုင်နေရခြင်းဖြစ်သည်။Ref : TSTMWD Daily Newspaper
Sun, 22-Jun-2025
အရှေ့အလယ်ပိုင်းအရေးတွင် တရုတ်နိုင်ငံက ငြိမ်းချမ်းရေး‌ကို ဆောင်ကြဉ်းသည့်နိုင်ငံဖြစ်လာနိုင်
အရှေ့အလယ်ပိုင်းအရေးတွင် တရုတ်နိုင်ငံက ငြိမ်းချမ်းရေး‌ကို ဆောင်ကြဉ်းသည့်နိုင်ငံဖြစ်လာနိုင်
အစ္စရေးနှင့်အီရန်တို့ကြားဖြစ်ပွားနေသည့်ပဋိပက္ခသည် သီတင်းပတ်တစ်ပတ်ကို ကျော်လွန်လာချိန်တွင် အရှေ့အလယ်ပိုင်းအရေးနှင့်ပတ်သက်၍ တရုတ်နိုင်ငံက  ငြိမ်းချမ်းရေးကို ဆောင်ကြဉ်းသည့်နိုင်ငံ ဖြစ်လာနိုင်ကြောင်း လေ့လာသူများကပြောသည်။တရုတ်သမ္မတရှီကျင့်ဖျင်သည် ရုရှားသမ္မတဗလာဒီမာပူတင်နှင့် ဇွန်လ ၁၉ ရက်တွင် တယ်လီဖုန်းဖြင့် ဆွေးနွေးစကားဆိုစဉ် တရုတ်နိုင်ငံက အရှေ့အလယ်ပိုင်းရှိ ပဋိပက္ခဖြစ်ပွားနေသော နိုင်ငံများအားလုံးနှင့် ခိုင်မာသော ဆက်ဆံရေးကိုထိန်းသိမ်းသွားရန်ဆန္ဒရှိကြောင်း၊ အရှေ့အလယ်ပိုင်းဒေသ၌ ငြိမ်းချမ်းရေးကို ပြန်လည်ဆောင်ကြဉ်းရာတွင် အပြုသဘောဆောင်သောအခန်းကဏ္ဍမှ ပါဝင်သွားမည်ဖြစ်ကြောင်း ပြောထားသည်။တရုတ်နိုင်ငံသည် ၂၀၂၃ ခုနှစ်အတွင်း ဆော်ဒီအာရေဗျနှင့် အီရန်နိုင်ငံတို့ကြားရှိ ခါးသီးလှသောဆက်ဆံရေးကို ပြန်လည်နွေးထွေးအောင် ဆောင်ရွက်ပေးနိုင်သည့် နိုင်ငံတစ်နိုင်ငံအဖြစ် မှတ်ကျောက်အတင် ခံထားရသောကြောင့် အရှေ့အလယ်ပိုင်းတွင် ငြိမ်းချမ်းရေးကိုဆောင်ကြဉ်းပေးနိုင်စွမ်းရှိသူဖြစ်ကြောင်း လေ့လာသူများက သုံးသပ်ထားသည်။အလားတူ တရုတ်နိုင်ငံသည် လက်ရှိဖြစ်ပွားနေသော အရှေ့အလယ်ပိုင်းအရေးနှင့်ပတ်သက်၍ အမေရိကန်နှင့် ထိပ်တိုက်တွေ့ဆုံမှုကို ရှောင်ရှားနိုင်ရေးအတွက် စစ်ရေးအရတိုက်ရိုက်ပါဝင်မှုကို ရွေးချယ်ခြင်းမရှိဘဲ  ငြိမ်းချမ်းရေးရစေမည့်လမ်းကိုသာ ရွေးချယ်ခြင်းဖြစ်ကြောင်း လေ့လာသူများကဆိုသည်။တရုတ်တာဝန်ရှိသူများသည် အစ္စရေး နှင့်အီရန်တို့ကြား အပြန်အလှန်တိုက်ခိုက် မှုများစတင်ဖြစ်ပွားကတည်းက အဆိုပါ နှစ်နိုင်ငံအနေဖြင့် အပစ်အခတ်ရပ်စဲရန် အကြိမ်ကြိမ်တောင်းဆိုထားကြောင်းသိရသည်။                    Ref: TSTMWD Web Portal
Sun, 22-Jun-2025
ပူတင်က ဇီလန်စကီနှင့် ငြိမ်းချမ်းရေး ဆွေးနွေးနိုင်သော်လည်း ယူကရိန်းဘက်တွင် လက်မှတ်ထိုးမည့်သူ မရှိဟုဆို
ပူတင်က ဇီလန်စကီနှင့် ငြိမ်းချမ်းရေး ဆွေးနွေးနိုင်သော်လည်း ယူကရိန်းဘက်တွင် လက်မှတ်ထိုးမည့်သူ မရှိဟုဆို
ရုရှားသမ္မတဗလာဒီမာပူတင်က ၎င်းအနေဖြင့် ယူကရိန်းသမ္မတ ဗိုလိုဒိုမာဇီလန်စကီနှင့်တွေ့ဆုံ၍ ငြိမ်းချမ်းရေးကိုဆွေးနွေးနိုင်သော်လည်း ရရှိလာသော ငြိမ်းချမ်းရေးသဘောတူညီချက်ကို လက်မှတ်ထိုးရန် ယူကရိန်းဘက်တွင် လက်မှတ်ထိုးမည့်သူ မရှိကြောင်းပြောသည်။စိန့်ပီတာစဘာ့ အပြည်ပြည်ဆိုင်ရာ စီးပွားရေးဖိုရမ်၌ ဇွန်လ ၁၈ ရက်နှောင်းပိုင်းတွင် နိုင်ငံတကာမှမီဒီယာများ၏ မေးမြန်းချက်ကိုပြန်ဖြေစဉ် ပူတင်က  ယခုကဲ့သို့ ပြောဆိုထားခြင်းဖြစ်သည်။ ထို့ပြင် ရုရှားနိုင်ငံအနေဖြင့် ဇီလန်စကီ၏တရားဝင်မှုနှင့်ပတ်သက်၍ ပူပန်မှုရှိကြောင်း ရုရှားသမ္မတက ဆက်ပြောသည်။"တကယ်လို့များ  ယူကရိန်းဘက်က သူတို့ကိုယ်စား တစ်ယောက်ယောက်ကို ကိုယ်စားပြုဖို့ယုံကြည်စွာအပ်နှံချင်တယ် ဆိုရင်တော့ ဇီလန်စကီကိုယ်တိုင်လာနိုင်ပါတယ်။ ဒါပေမဲ့ မေးစရာရှိတဲ့ တစ်ချက်က ဘယ်သူက သဘောတူညီချက်မှာလက်မှတ်ထိုးမှာလဲ" ဟု ပူတင်ကပြောသည်။ဇီလန်စကီ၏သမ္မတသက်တမ်းသည် ပြီးခဲ့သည့်နှစ်တွင် ကုန်ဆုံးသွားပြီဖြစ်သော်လည်း မာရှယ်လော ထုတ်ပြန်ထားသည့်အတွက် နောက်ထပ်ရွေးကောက်ပွဲ ကျင်းပနိုင်ခြင်းမရှိသောကြောင့် သမ္မတအသစ် ကိုတင်မြှောက်နိုင်ခြင်း မရှိကြောင်း သိရသည်။ထို့ပြင်လက်ရှိတာဝန်ထမ်းဆောင်နေသော ယူကရိန်းအစိုးရတာဝန်ရှိသူများကို ဇီလန်စကီကခန့်အပ်ထားခြင်းဖြစ်ကြောင်း၊ထို့ကြောင့် ဇီလန်စကီလက်အောက်တွင် တာဝန်ထမ်းဆောင်နေကြသူများ၏ လုပ်ပိုင်ခွင့်နှင့်ပတ်သက်၍ နောက်ထပ်မေးခွန်း ထုတ်ရမည်ဖြစ်ကြောင်း ပူတင်က ဆက်ပြောထားသည်။MWD Web Portal
Fri, 20-Jun-2025
အင်ဒိုနီးရှားသမ္မတက SPIEF အတွက် အဓိကဧည့်သည်တစ်ဦးဖြစ်ဟု ရုရှားသမ္မတပြော
အင်ဒိုနီးရှားသမ္မတက SPIEF အတွက် အဓိကဧည့်သည်တစ်ဦးဖြစ်ဟု ရုရှားသမ္မတပြော
အင်ဒိုနီးရှားသမ္မတ ပရာဘိုဝိုဆူဘီယန်တိုသည် ရုရှားနိုင်ငံ၌ကျင်းပသော ၂၀၂၅ ခုနှစ် စိန့်ပီတာစဘာ့အပြည်ပြည်ဆိုင်ရာ စီးပွားရေးဖိုရမ် (SPIEF) အတွက် အဓိက ဧည့်သည်တစ်ဦးဖြစ်ကြောင်း ရုရှားသမ္မတ ဗလာဒီမာပူတင်က ဇွန်လ ၁၉ ရက်တွင် ပြောသည်။အင်ဒိုနီးရှားသမ္မတသည် ရုရှားနိုင်ငံသို့ တရားဝင်ချစ်ကြည်ရေးခရီးရောက်ရှိနေစဉ် ရုရှားသမ္မတက လက်ခံတွေ့ဆုံခြင်း ဖြစ်သည်။ ထို့နောက် သမ္မတနှစ်ဦးသည် ဇွန်လ၂ဝ ရက်တွင်ပြုလုပ်မည့် SPIEF ၏မျက်နှာစုံညီအစည်းအဝေး၌ ပါဝင်သွားမည်ဖြစ်ကြောင်း ပူတင်ကပြောသည်။ရုရှားနိုင်ငံနှင့် အင်ဒိုနီးရှားနိုင်ငံတို့ကြား နှစ်နိုင်ငံဆက်ဆံရေးနယ်ပယ်တစ်ခုလုံးနှင့်ပတ်သက်၍ အသေးစိတ်ဆွေးနွေးရန် ပူတင်က ပရာဘိုဝို​ဆူဘီယန်တိုကို SPIEF သို့ဖိတ်ခေါ်ခဲ့ခြင်းဖြစ်သည်။ နှစ်နိုင်ငံဆက်ဆံရေးသည် တဖြည်းဖြည်းတိုးတက်လာကြောင်း၊ ကုန်သွယ်မှုသည်လည်း မြင့်မားလာကြောင်းနှင့် နယ်ပယ်ပေါင်းစုံတွင်လည်း ပူးပေါင်းဆောင်ရွက်မှုများရှိလာကြောင်း ပူတင်ကပြောသည်။ Ref: RTPhoto- Sputnik
Fri, 20-Jun-2025
ထွက်ပေါ်လာသောအသံဖိုင်နှင့်ပတ်သက်၍ ထိုင်းဝန်ကြီးချုပ်က လူထုကိုတောင်းပန်စကားဆို
ထွက်ပေါ်လာသောအသံဖိုင်နှင့်ပတ်သက်၍ ထိုင်းဝန်ကြီးချုပ်က လူထုကိုတောင်းပန်စကားဆို
ထိုင်းနိုင်ငံဝန်ကြီးချုပ် ပေထုန်ထန် ရှင်နာဝပ်က ကမ္ဘောဒီးယားဝန်ကြီးချုပ်ဟောင်း ဟွန်ဆန်နှင့် ဆွေးနွေးထားသည့် အသံဖိုင်ထွက်ပေါ်လာပြီးနောက် ထိုအသံ ဖိုင်ပါပြောဆိုချက်များနှင့်ပတ်သက်၍ ဇွန်လ ၁၉ ရက်တွင် လူထုကိုတောင်းပန် စကားဆိုလိုက်ကြောင်းသိရသည်။ထိုင်းဝန်ကြီးချုပေထုန်ထန်ရှင်နာဝပ်က အသံဖိုင်ထွက်ပေါ်လာမှုနှင့်ပတ်သက်၍ တောင်းပန်ကြောင်း၊ ထိုပြောဆိုမှုကို အသံဖမ်းထားမည်ဟုမသိရှိကြောင်း သတင်းစာရှင်းလင်းပွဲတွင်ပြောသည်။ထိုင်းဝန်ကြီးချုပ်သည် ထွက်ပေါ်လာသော အသံဖိုင်ပါပြောဆိုချက်များနှင့်ပတ်သက်၍ ထိုင်းတပ်မတော်အကြီးအကဲများနှင့်တွေ့ဆုံဆွေးနွေးပြီးနောက် ယခုကဲ့သို့ တောင်းပန်လိုက်ခြင်းဖြစ်သည်။ ထို့ပြင် အစိုးရအဖွဲ့အနေဖြင့် ထိုင်းနိုင်ငံ၏အချုပ်အခြာအာဏာကို ကာကွယ်ရေးအတွက် တပ်မတော်နှင့်အတူ ညီညွတ်စွာ ရပ်တည်သွားမည်ဖြစ်ကြောင်းနှင့် ပြောဆိုမှုမှန်သမျှကိုလည်း ဂရုစိုက်သွားမည်ဖြစ်ကြောင်း ထိုင်းဝန်ကြီးချုပ်က လူထုကိုကတိပြုထားသည်။Ref. The NationPhoto - CNAMWD Web Portal
Fri, 20-Jun-2025
© Copyright 2024 SAC All Rights Reserved.