ဘိလပ်မြေနှင့် အိမ်ဆောက်ပစ္စည်းဈေးမြှင့် ရောင်းသူများ စတင် အရေးယူနေ

saceditor

News Image

  • ဘိလပ်မြေနှင့် အိမ်ဆောက်ပစ္စည်းဈေးမြှင့် ရောင်းသူများ စတင် အရေးယူနေ

နေပြည်တော်အပါအဝင် တိုင်းဒေသကြီးနှင့် ပြည်နယ်(၆)ခုတို့တွင် ဘိလပ်မြေအပါအဝင် အိမ်ဆောက်ပစ္စည်းများကို ဝယ်ရင်းဈေးထက် ဈေးနှုန်းမြင့်မားစွာ မြှင့်တင်ရောင်းချနေသည့် အရောင်းဆိုင် (၆၀)ကျော် ကို စစ်ဆေးတွေ့ရှိခဲ့ပြီး အရေးယူရန် ဆောင်ရွက်လျက်ရှိကြောင်း ပြန်ကြားရေး ဝန်ကြီးဌာနမှ သိရသည်။ ၂၀၂၅ ခုနှစ်၊ မတ်လ ၂၈ ရက်တွင် ဖြစ်ပွား ခဲ့သည့် မန္တလေးမြေငလျင်ကြီး လှုပ်ခတ်မှုနှင့်ဆက်စပ်၍ ဈေးကွက်တွင် ဘိလပ်မြေဝယ် လိုအားမြင့်တက်ခဲ့ခြင်းကြောင့် ဈေးနှုန်းအဆမတန် မြှင့်တင် ရောင်းချခြင်းမရှိစေရေးအတွက် ပူးပေါင်းအဖွဲ့များဖြင့် စစ်ဆေးလျက် ရှိကြောင်း၊ စစ်ဆေးမှုကို နေပြည်တော်ကောင်စီနယ်မြေ၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်း ဒေသကြီးနှင့် ရှမ်းပြည်နယ်တို့ရှိ မြို့ကြီးအချို့တွင် ရောင်းဝယ်လျက်ရှိသည့် ဆောက်လုပ်ရေးပစ္စည်းဆိုင်များကို တာဝန်ရှိသူများပါဝင်သော ပူးပေါင်းအဖွဲ့များက ဧပြီလ(၂၃)ရက်တွင် ကွင်းဆင်းစစ်ဆေးဆောင်ရွက်ခဲ့ကြောင်း သိရသည်။ ထိုသို့စစ်ဆေးချက်အရ နေပြည်တော်ကောင်စီ နယ်မြေ အတွင်းရှိ မြို့နယ်(၈)မြို့နယ်မှ ဆောက်လုပ်ရေးသုံး ပစ္စည်းဆိုင် (၅၉)ဆိုင်၊ ဂိုထောင် (၁)လုံးတို့ကိုလည်းကောင်း၊ ရန်ကုန်တိုင်းဒေသကြီး အတွင်းရှိ မြို့နယ်(၃၄) မြို့နယ်မှ ဆောက်လုပ်ရေးသုံးပစ္စည်းဆိုင် (၈၇) ဆိုင်နှင့် ပြည်ပမှဘိလပ်မြေတင်သွင်းရောင်းချ သည့်ကုမ္ပဏီ (၃) ခု တို့ကို လည်းကောင်း၊ မန္တလေးတိုင်းဒေသကြီးအတွင်းရှိ မြို့နယ် (၁၁)မြို့နယ်မှ ဆောက်လုပ်ရေးသုံးပစ္စည်းဆိုင် (၈၈) ဆိုင်တို့ကိုလည်းကောင်း၊ စစ်ကိုင်းတိုင်း ဒေသကြီး အတွင်းရှိ စစ်ကိုင်းမြို့နယ်မှဆောက်လုပ်ရေးသုံး ပစ္စည်းဆိုင် (၄) ဆိုင် တို့ကိုလည်းကောင်း၊ ပဲခူးတိုင်းဒေသကြီးအတွင်းရှိ မြို့နယ် (၃) မြို့နယ်မှ ဆောက်လုပ်ရေးသုံးပစ္စည်းဆိုင် (၁၉)ဆိုင်တို့ကိုလည်းကောင်း၊ ရှမ်းပြည်နယ်အတွင်းရှိ မြို့နယ်(၃)မြို့နယ်မှ ဆောက်လုပ်ရေးသုံးပစ္စည်း ဆိုင်(၅၉)ဆိုင်တို့ကိုလည်းကောင်း၊ စုစုပေါင်းဆောက်လုပ်ရေးသုံးပစ္စည်း ဆိုင်ပေါင်း (၃၂၀)ဆိုင်ကို ပူးပေါင်းအဖွဲ့များဖြင့် စစ်ဆေးခဲ့ကြောင်း သိရ သည်။ ဆောက်လုပ်ရေးပစ္စည်းဆိုင်ပေါင်း (၃၂၀) ဆိုင်အနက် ဝယ်ရင်းဈေးထက် အမြတ်ရာခိုင်နှုန်း (၁၀) ရာခိုင်နှုန်းမှ (၁၅) ရာခိုင်နှုန်းအထိ အမြတ်ယူ ရောင်းချလျက်ရှိသည့် ဆိုင်ပေါင်း (၃၀)ဆိုင်၊ ဝယ်ရင်းဈေးထက် အမြတ်(၁၅) ရာခိုင်နှုန်းနှင့်အထက် အမြတ်ယူရောင်းချလျက်ရှိသည့် ဆိုင်(၃၂)ဆိုင်နှင့် ဘိလပ်မြေအိတ်များကို မသမာသည့် နည်းလမ်းဖြင့် ပြုလုပ်ရောင်းချသည့် ဆိုင်(၁)ဆိုင်တို့ကို စစ်ဆေးတွေ့ရှိခဲ့ရပြီး ထိုသူများ ကို တည်ဆဲဥပဒေများနှင့်အညီ အရေးယူနိုင်ရေး ဆောင်ရွက်လျက်ရှိကြောင်း၊ ဆက်လက်၍လည်း အိမ်ဆောက်ပစ္စည်းများကို ဈေးနှုန်း မြင့်မားစွာမြှင့်တင် ရောင်းချနေသူများကိုလည်း ဖော်ထုတ်အရေးယူနိုင်ရေး ဆောင်ရွက်လျက်ရှိကြောင်း သိရသည်။

ကိုးကား-NP News

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

နေရာကွက်၍ မိုးကြီးနိုင်
နေရာကွက်၍ မိုးကြီးနိုင်
စစ်ကိုင်းတိုင်းဒေသကြီး၊ ကယားပြည်နယ်၊ ရခိုင်ပြည်နယ်နှင့်ရှမ်းပြည်နယ်(မြောက်ပိုင်း)တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး နေပြည်တော်၊ ရန်ကုန် တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး အောက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်သည်။ ရွာရန်ရာနှုန်းပြည့်ဖြစ်သည်။(မိုး/ဇလ)
Tue, 13-မေလ-2025
ငလျင်ဒဏ်သင့် မန္တလေးပြည်သူ့ဆေးရုံကြီး ကိုးထပ်ဆောင် ပြန်လည်ဖွင့်လှစ်နိုင်ပြီဟုဆို
ငလျင်ဒဏ်သင့် မန္တလေးပြည်သူ့ဆေးရုံကြီး ကိုးထပ်ဆောင် ပြန်လည်ဖွင့်လှစ်နိုင်ပြီဟုဆို
မတ် ၂၈ ရက်က လှုပ်ခတ်ခဲ့သည့် မန္တလေး ငလျင်ကြီးကြောင့် ပျက်စီးမှုများရှိခဲ့သည့် မန္တလေးပြည်သူ့ဆေးရုံကြီးရှိ အထွေထွေရောဂါကု (၉) ထပ်ဆောင်ကို ပြန်လည်ဖွင့်လှစ်နိုင်ပြီဖြစ်ကြောင်း သိရသည်။ယင်းသို့ ပြန်လည်ဖွင့်လှစ်နိုင်ရန် ကျန်းမာရေးဝန်ကြီးဌာန၊ ဆရာဝန်၊ ဆရာမများနှင့်အတူ လက်တွဲ၍ ဧရာဝတီဖောင်ဒေးရှင်းမှ အင်ဂျင်နီယာများ၊ ကျွမ်းကျင်လုပ်သား နှစ်ရာကျော်တို့က မေတ္တာဖြင့် တာဝန်ယူ ဆောင်ရွက်ပေးခဲ့ကြောင်း သိရသည်။ဧရာဝတီဖောင်ဒေးရှင်းအနေဖြင့်လည်း မန္တလေးပြည်သူ့ဆေးရုံကြီး (၉)ထပ်ဆောင် ပြန်လည်ဖွင့်လှစ်နိုင်ရန်အတွက် အပျက်အစီးများ ရှင်းလင်းခြင်း၊ ပျက်စီးခဲ့သည့် အစိတ်အပိုင်းများ ပြုပြင်မွမ်းမံပေးခြင်း၊ လိုအပ်သည့် အဲကွန်းများ ဖြည့်စွက်တပ်ဆင်ပေးခြင်း၊ M&E လုပ်ငန်းများ စစ်ဆေးပြုပြင်ပေးခြင်းနှင့် သန့်ရှင်းရေးတို့ကို ဧရာဝတီဖောင်ဒေးရှင်းက တာဝန်ယူ ဆောင်ရွက်ပေးခဲ့ခြင်း ဖြစ်သည်။Source: Popular Myanmar
Mon, 12-မေလ-2025
ချင်းတွင်းမြစ်ကူးတံတား (ထမံသီ) တည်ဆောက်ရေး လုပ်ငန်းတွင် ပင်းမာကမ်းနှင့် ထမံသီကမ်းအထိ တံတားဆက်ပြီးစီး
ချင်းတွင်းမြစ်ကူးတံတား (ထမံသီ) တည်ဆောက်ရေးလုပ်ငန်းတွင် ပင်းမာကမ်းနှင့် ထမံသီကမ်းအထိ တံတားဆက်ပြီးစီး
စစ်ကိုင်းတိုင်းဒေသကြီး၊ ဟုမ္မလင်းခရိုင်၊ ဟုမ္မလင်းမြို့နယ်အတွင်း ဆောက်လုပ်နေသည့် ချင်းတွင်းမြစ်ကူးတံတား (ထမံသီ) တည်ဆောက်ရေးလုပ်ငန်းများသည် ပင်းမာကမ်းနှင့်ထမံသီကမ်းအထိ တံတားဆက်ပြီးစီးပြီဖြစ်ကြောင်း သိရသည်။ယင်းချင်းတွင်းမြစ်ကူး တံတား(ထမံသီ)ကို ဟုမ္မလင်းခရိုင်၊ ဟုမ္မလင်းမြို့နယ်နှင့် နာဂကိုယ်ပိုင်အုပ်ချုပ်ခွင့်ရဒေသအတွင်းရှိ လေရှီးမြို့- ပန်ဆပ် – ဆွမ္မရာမြို့လမ်းပေါ်တွင် ချင်းတွင်းမြစ်အားဖြတ်၍ တည်ဆောက်နေခြင်းလည်း ဖြစ်သည်။ထိုမြစ်ကူးတံတား(ထမံသီ) တည်ဆောက်ပြီးစီးပါက ဟုမ္မလင်းမြို့နယ်နှင့်လေရှီးမြို့နယ်တို့မှ ဒေသခံပြည်သူများသည် ကူးသန်းသွားလာမှုလွယ်ကူမြန်ဆန်လာမည်လည်း ဖြစ်သည်။ချင်းတွင်းမြစ်ကူးတံတား(ထမံသီ)သည် သံကူကွန်ကရစ် တံတားအမျိုးအစားဖြစ်ပြီး တံတားအရှည် ၈၀၁ မီတာ၊ အကျယ် ၉.၄ မီတာ၊ တံတားအခန်းပေါင်း ၁၅ ခန်း၊ ရေလမ်းကင်းလွတ် အမြင့် ၄၀ ပေ(HFL) ဖြင့်တည်ဆောက်နေဆဲဖြစ်သည်။Source: Popular Myanmar
Mon, 12-မေလ-2025
SUV လောကကို အလှည့်အပြောင်းဖြစ်လာစေမယ့် Jeep ရဲ့ လျှပ်စစ်စွမ်းအင်သုံး SUV
SUV လောကကို အလှည့်အပြောင်းဖြစ်လာစေမယ့် Jeep ရဲ့ လျှပ်စစ်စွမ်းအင်သုံး SUV
အမေရိကန်နိုင်ငံရဲ့ နာမည်ကျော်ကားကုမ္ပဏီ တစ်ခုဖြစ်တဲ့ Jeep က SUV ကားလောကကို တစ်ခေတ်ဆန်းသစ်စေမယ့် SUV တစ်မျိုးကို ထုတ်ဖော်ပြသလိုက်ပါပြီ။ အဲဒီ SUV ကိုတော့ သမားရိုးကျဖြစ်တဲ့ အင်ဂျင်တွေအသုံးပြုသွားမှာ မဟုတ်ဘဲ လျှပ်စစ်စွမ်းအင်သုံး မော်တာတွေနဲ့ မောင်းနှင်လည်ပတ်သွားမှာဖြစ်ပါတယ်။သူ့မှာအမျိုးအစားသုံးမျိုး ခွဲခြားထားပါတယ်။ ရှေ့ယက်ဘီးအမျိုးအစားနဲ့ အတူမြင်းကောင်ရေ ၂၁၃ ကောင်အားမှသည်၃၇၅ ကောင်အားအထိရှိတဲ့ အမျိုးအစား တွေကိုခွဲထားတာဖြစ်ပါတယ်။ အဆင့်အမြင့်ဆုံး အမျိုးအစားမှာဆိုရင် နောက်ယက်အတွက် မော်တာတပ်ဆင်ထားပြီး ရှေ့ဘီးမှာကုပ်အား လုံးဝမရှိသည့်တိုင်အောင် ဆင်ခြေလျှောအမြင့် ၂၀ ရာခိုင်နှုန်းကို အသာအယာတက်နိုင်မယ်လို့ဆိုပါတယ်။ အကွာအဝေးကတော့ ကီလိုမီတာ ၆၅၀ အထိသွားနိုင်မှာပါ။Source: https://myawady.net.mm/ 
Mon, 12-မေလ-2025
Huawei က PC များအတွက် HarmonyOS PC ကို ထုတ်ဖော်ပြသ
Huawei က PC များအတွက် HarmonyOS PC ကို ထုတ်ဖော်ပြသ
တရုတ်နိုင်ငံရဲ့ Huawei ကုမ္ပဏီက သူတို့ရဲ့နည်းပညာထုတ်ကုန်များအတွက် အနောက်နိုင်ငံများအပေါ် မှီခိုနေရမှုကို တဖြည်းဖြည်းနဲ့လျှော့ချလာတာ အခုဆိုရင် ခရီးတစ်ခုအထိပေါက်နေပြီလို့ဆိုရမှာပါ။ အကြောင်းရင်းကတော့ ကွန်ပျူတာများအတွက် စက်လည်ပတ်မှုစနစ် (OS) ကို ဖန်တီးထုတ်လုပ်လိုက်နိုင်လို့ပါပဲ။အဲဒီ OS ကိုHarmony OS PC လို့အမည်ပေးထားပါတယ်။ ဒီစနစ်ဟာ Huawei ကုမ္ပဏီရဲ့ ပင်တိုင်စစ်စစ် OS တစ်ခုပါ။ဒီ OS ကို Huawei ရဲ့ Harmony OS Computer Technology and Ecosystem Communication ဆိုတဲ့ပွဲမှာ တရားဝင် ထုတ်ဖော် မိတ်ဆက်ခဲ့တာဖြစ်ပါတယ်။အဲဒီ OS မှာအမျိုးအစား သုံးမျိုးရှိပြီး အဲဒါတွေကတော့ Harmony OS Base၊ Harmony OS Ecosystem နဲ့ Harmony OS Experience တို့ပဲဖြစ်ပါတယ်။Harmony OS Base မှာ Harmony OS kernel ကိုအဓိက အသုံးပြုထားတာဖြစ်ပြီး ဂရပ်ဖစ်ပိုင်းနဲ့ အသွင်အပြင်ပိုင်းမှာဆိုရင် Ark Engine ကိုအသုံးပြုထားတာဖြစ်ပါတယ်။ လုံခြုံရေးအတွက်ဆိုရင်တော့ Star Shield ကိုအသုံးပြုထားတာပါ။ ဒါ့အပြင် တခြားသော လုပ်ဆောင်ချက်များစွာကိုလည်း ထည့်သွင်းပေးထားတယ်လို့သိရပါတယ်။Harmony OS Ecosystem မှာဆိုရင် အထူးအပလီကေးရှင်းပေါင်း ၁၅၀ ကျော်နဲ့အတူ တစ်ကမ္ဘာလုံးမှာ အသုံးပြုနေတဲ့ အပလီကေးရှင်းပေါင်း ၂၀၀၀ ကျော်နဲ့ လိုက်လျောညီထွေဖြစ်အောင် ဖန်တီးထားပါတယ်။ Harmony OS Experience မှာဆိုရင် ပြင်ပဆက်စပ်ကိရိယာပေါင်း ၁၀၀၀ ကျော်နဲ့ချိတ်ဆက်နိုင်ဖို့ထောက်ပံ့ပေးထားပါတယ်။  Source: https://myawady.net.mm/ 
Mon, 12-မေလ-2025
သီရိလင်္ကာ၌ ခရီးသည်တင်ဘတ်စကား ချောက်ထဲထိုးကျမှုကြောင့် လူ ၂၁ ဦးသေဆုံး
သီရိလင်္ကာ၌ ခရီးသည်တင်ဘတ်စကား ချောက်ထဲထိုးကျမှုကြောင့် လူ ၂၁ ဦးသေဆုံး
ကိုလံဘို  မေ ၁၁သီရိလင်္ကာနိုင်ငံ ကိုလံဘိုမြို့၌ အရှေ့ဘက် ၈၆ မိုင်ခန့်အကွာတွင် ယနေ့ ခရီးသည်တင်ဘတ်စကားတစ်စီး တောင်ပေါ်လမ်းမှ ချောက်ထဲသို့ ထိုးကျခဲ့ကြောင်း သိရသည်။ခရီးသည်တင် ဘတ်စကားချောက်ထဲထိုးကျမှုသည် ကော့မာလီအမည်ရှိ မြို့ငယ်တစ်မြို့အနီး ဖြစ်ပွားခဲ့ခြင်းဖြစ်ပြီး ဖြစ်စဉ်အတွင်း လူ ၂၁ ဦး သေဆုံးခဲ့ရကြောင်း သိရသည်။ထို့ပြင် အဆိုပါ ခရီးသည်တင်ဘတ်စကား မတော်တဆမှုတွင် လူ ၁၄ ဦးလည်း ဒဏ်ရာများရရှိခဲ့ကြောင်း သီရိလင်္ကာတာဝန်ရှိသူများက ပြောကြားထားသည်။ချောက်ထဲထိုးကျခဲ့သည့် ခရီးသည်တင်ဘတ်စကားပေါ်တွင် လူဦးရေ ၅၀ ခန့် လိုက်ပါလာကြောင်း သိရသည်။အဆိုပါ ခရီးသည်တင်ဘတ်စကားမှာ နိုင်ငံပိုင်ကုမ္ပဏီတစ်ခုက ပိုင်ဆိုင်သည့် ခရီးသည်တင် ဘတ်စကားဖြစ်ကြောင်း သီရိလင်္ကာတာဝန်ရှိသူများက ပြောကြားထားသည်။သီရိလင်္ကာနိုင်ငံ၌ အထူးသဖြင့် တောင်ကုန်းတောင်တန်းထူထပ်သည့် ဒေသများ၌ ယာဉ်မတော်တဆမှုများ မကြာခဏ ဖြစ်ပွားတတ်ကြောင်း သိရသည်။Source: ရတနာပုံသတင်းစာ 
Mon, 12-မေလ-2025
© Copyright 2024 SAC All Rights Reserved.