ရန်ကုန်နှင့် မန္တလေးတွင် လေတိုက်ပြီးမိုးရွာသွန်းကာ သစ်ပင်လဲကျမှုများဖြစ်

saceditor

News Image

  • ရန်ကုန်နှင့် မန္တလေးတွင် လေတိုက်ပြီးမိုးရွာသွန်းကာ သစ်ပင်လဲကျမှုများဖြစ်

ရန်ကုန်တိုင်းနှင့် မန္တလေးတိုင်းတို့တွင် ဧပြီ ၂၉ ရက် နံနက်ပိုင်းနှင့် ဧပြီ ၂၈ ရက်ညပိုင်းတို့က လေတိုက်ပြီးမိုးရွာသွန်းမှုကြောင့် သစ်ပင်လဲကျမှုများဖြစ်ပေါ်ခဲ့ကြောင်း မီးသတ်တပ်ဖွဲ့ထံမှ သိရသည်။

ရန်ကုန်တိုင်း၊ မင်္ဂလာတောင်ညွှန့်မြို့နယ်၊ ကျီတော်ရပ်ကွက်၊ လိပ်ကန်လမ်းနှင့် ကွက်သစ်လမ်းထောင့်တွင် ယနေ့ ဧပြီ ၂၉ ရက်နံနက် ၆ နာရီခွဲခန့်က သစ်ပင် လဲကျကာလမ်းပိတ်နေသဖြင့် မင်္ဂလာတောင်ညွှန့်မြို့နယ် မီးသတ်စခန်းမှ တပ်ဖွဲ့ဝင်များဖြင့် ဖယ်ရှားရှင်းလင်းမှုများပြုလုပ်ခဲ့ကြကြောင်း သိရသည်။

ထို့ပြင် ဧပြီ ၂၈ ရက်ည ၉ နာရီ ၂၀ မိနစ်ခန့်ကလည်း မန္တလေးတိုင်း၊ ပြင်ဦးလွင်မြို့နယ်၊ ရပ်ကွက်ကြီး(၆)၊ မြို့ပတ်လမ်းတွင်သစ်ပင်လဲကျပြီး လမ်းပိတ်နေသဖြင့် ပြင်ဦးလွင်မြို့နယ် မီးသတ်စခန်းမှတပ်ဖွဲ့ဝင်များဖြင့် ဖယ်ရှားရှင်းလင်းပေးခဲ့ကြကြောင်း သိရသည်။

Source: Popular Myanmar

MM-News-Category
သဘာဝဘေးအန္တရာယ်ဆိုင်ရာသတင်းများ

ဆက်စပ်သတင်းများ

ချီလီနှင့် အာဂျင်တီးနားတို့တွင် အင်အားပြင်းငလျင်လှုပ်ခတ်မှုကြောင့် ဆူနာမီသတိပေးချက်ထုတ်ပြန်
ချီလီနှင့် အာဂျင်တီးနားတို့တွင် အင်အားပြင်းငလျင်လှုပ်ခတ်မှုကြောင့် ဆူနာမီသတိပေးချက်ထုတ်ပြန်
ချီလီနိုင်ငံနှင့် အာဂျင်တီးနားနိုင်ငံတို့ကို ဂယက်ရိုက်ခတ်သွားစေခဲ့သည့် ရစ်ချ်တာစကေး ၇ ဒသမ ၄ ပြင်းအားရှိ ငလျင်ကြောင့် ထောင်နှင့်ချီသည့် ဒေသခံများသည် ကုန်းမြင့်ပိုင်းသို့ တိမ်းရှောင်နေခဲ့ရပြီး တာဝန်ရှိသူများက ဆူနာမီသတိပေးချက် မေ ၂ ရက်က ထုတ်ပြန်ခဲ့သည်။အဆိုပါ ငလျင်သည် တောင်အမေရိက တောင်ပိုင်းဇုန် Drake Passage နှင့် Cape Horn ကြားတွင် ဒေသစံတော်ချိန် ည ၉ နာရီ ၅၈ မိနစ်ခန့်တွင် လှုပ်ခတ်ခဲ့ကြောင်း အမေရိကန်ဘူမိတိုင်းထွာရေးအဖွဲ့က ပြောကြားခဲ့သည်။ငလျင်ဗဟိုသည် အာဂျင်တီးနားနိုင်ငံ အူရွှာရီရာမြို့မှ ၂၁၉ ကီလိုမီတာအကွာတွင် ဗဟိုပြု လှုပ်ခတ်ခဲ့ခြင်းဖြစ်သည်။ကိုးကား-Eleven Media Group
Sat, 3-မေလ-2025
၆.၂ အဆင့် ငလျင် နယူးဇီလန်၌ လှုပ်ခတ်
၆.၂ အဆင့် ငလျင် နယူးဇီလန်၌ လှုပ်ခတ်
နယူးဇီလန်နိုင်ငံ အနောက်ဘက်ကမ်းရိုးတန်းအနီးတွင် ဧပြီ ၃၀(ဗုဒ္ဓဟူး) ရက် ဒေသစံတော်ချိန် နံနက် ၁ နာရီကျော်အတွင်း ရစ်ချက်စတာစကေး ၆.၂ အဆင့် ငလျင်လှုပ်ခတ်ခဲ့ကြောင်း အမေရိကန် ဘူမိဗေဒ လေ့လာရေး ဌာနက သတင်းထုတ်ပြန်ထားပါသည်။ထိုငလျင်သည် နယူးဇီလန်ရှိ Invercargill မြို့၏ အနောက်တောင်ဘက် ကီလိုမီတာ ၃၀၀ (မိုင် ၁၈၇) အကွာနှင့် ပင်လယ်ရေမျက်နှာပြင်အောက် ကီလိုမီတာ ၁၀ (၆ မိုင်) အနက်တွင် ဗဟိုချက်ဖြစ်ပေါ်ခဲ့သော်လည်း နိုင်ငံသားများသည် ငလျင်ကို ခံစားမိခြင်း မရှိကြောင်း၊ ပျက်စီးဆုံးရှုံးမှု မဖြစ်ပေါ်ခဲ့ကြောင်း နယူးဇီလန် ဘူမိဗေဒသိပ္ပံအေဂျင်စီက သတင်းထုတ်ပြန် ထားပါသည်။လူဦးရေ ၅ သန်းသာ နေထိုင်သော နယူးဇီလန်သည် ငလျင်နှင့် မီးတောင် ပေါက်ကွဲမှုများ မကြာခဏဖြစ်ပွားလေ့ရှိသည့် ပစိဖိတ်သမုဒ္ဒရာ မီးလက်စွပ် (Ring of Fire) ပေါ်တွင် တည်ရှိပါသည်။ ကိုးကား- အေပီPhoto: 3AWဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Wed, 30-Apr-2025
မိုးသည်းထန်မှုကြောင့် မယ်ဆိုင်မှာ ရေကြီး
မိုးသည်းထန်မှုကြောင့် မယ်ဆိုင်မှာ ရေကြီး
ထိုင်းနိုင်ငံ၊ ချင်းရိုင်ပြည်နယ်၊ မယ်ဆိုင်မြို့တွင် မိုးသည်းထန်စွာ ရွာသွန်းမှု ကြောင့် ဧပြီ ၂၉ ရက်(အင်္ဂါနေ့)တွင် မြစ်ချောင်းများရေလျှံကာ မြစ်ကမ်း ဘေး လူနေရပ်ကွက်များနှင့် လမ်းများပေါ်သို့ ရေတက်လာခဲ့သည်။       ဒေသခံများသည် ၂၀၂၄ ခုနှစ်ကကဲ့သို့ ရေကြီးရေလျှံမှုများ ထပ်ဖြစ်လာမည် ကို စိုးရိမ်သောကြောင့် ဧပြီ ၃၀ ရက်နေ့၊ နံနက်အစောပိုင်းမှစကာဘေးလွတ်ရာသို့ ရွှေ့ပြောင်းခြင်းနှင့် ပိုင်ဆိုင်သည့်ပစ္စည်းများကို အမြင့်ပိုင်း နေရာများသို့ ပြောင်းရွှေ့နေကြသည်။     မယ်ဆိုင်တွင် ဧပြီ ၃၀ ရက်နေ့၊ နံနက်ပိုင်းမှစကာ အဆက်မပြတ် ရွာသွန်း နေသောမိုးကြောင့် ရေကြီးရေလျှံမှုအခြေအနေသည် စိုးရိမ်ဖွယ်ရာ ဖြစ်လာကြောင်း သဘာဝဘေးကာကွယ်ရေးနှင့် လျော့ပါးရေးဦးစီးဌာနက ဧပြီ ၃၀ ရက်နေ့၊ မွန်းလွဲ ၁ နာရီတွင် သတင်းထုတ်ပြန်ခဲ့သည်။       “Hug Mae Sai” ၏ ဖေ့စ်ဘုတ်ပေ့ချ်တွင် ဖော်ပြချက်အရ မိုင်လုံခွန် ကျေးရွာတွင် လမ်းများစွာ ရေမြုပ်လျက်ရှိသည် ဟု ဆိုသည်။ ရေပမာဏ အရမ်းမများသေးသော်လည်း ရပ်ရွာများ၏ လမ်းများနှင့် လမ်းကြားများရှိ အစိတ်အပိုင်များ ရေနစ်မြုပ်နေပြီဖြစ်ကာ မိုးအဆက်မပြတ် ဆက်လက် ရွာသွန်းနေမှုကြောင့် အချို့နေရာများတွင် နေရာအနှံ့ ရေလွှမ်းမိုးမှုများ ဖြစ်နေခဲ့သည်။     မယ်ဆိုင်ခရိုင်နှင့် မြန်မာနိုင်ငံ၊ တာချီလိတ်မြို့ကို ဆက်သွယ်ထားသည့် အမှတ် ၁ ချစ်ကြည်ရေးတံတားဝန်းကျင် အခြေအနေသည် ပိုမို ဆိုးရွားလျက် ရှိသည်။ အထူးသဖြင့် မယ်ဆိုင်ရှိ မြစ်ကမ်းဘေး လူနေရပ်ကွက်များ အတွင်းသို့ ရေများရောက်ရှိလာခဲ့သဖြင့် နယ်စပ်နှစ်ဖက်လုံးတွင် ရေကြီး ရေလျှံနေသည်။         ကိုဆိုင်ခရိုင်ခွဲတွင် မြစ်ကြောင်းများ ရေလျှံမှုကြောင့် အနီးရှိ လူနေ ရပ်ကွက်များသို့ ရေဝင်၍ ဘေးလွတ်ရာသို့ ရွှေ့ပြောင်းရသည့် ဒေသခံ ပြည်သူများပိုများလာကာ ပစ္စည်းများကို အမြင့်ပိုင်းနေရာများသို့ ရွှေ့ပြောင်းလျက်ရှိကြသည်။ ဒေသခံများစွာသည် ၂၀၂၄ ခုနှစ် ရေဘေးအန္တရာယ်မျိုး ပြန်ကြုံရမည်ကို စိုးရိမ်လျက်ရှိကြသည်။           ဒေသဆိုင်ရာ တာဝန်ရှိသူများက အခြေအနေကို အနီးကပ်စောင့်ကြည့်နေပြီး ရေဆက်လက်မြင့်တက်နေပါက အရေးပေါ်အစီအမံများအတွက် ပြင်ဆင်လျက်ရှိကြောင်း သိရှိရပါသည်။ကိုးကား- Popular Journal
Wed, 30-Apr-2025
ကျောက်ကြမ်းပြတ်ရွေ့နှင့် ပတ်သက်၍အလွန်အမင်းစိုးရိမ်ဖွယ်မရှိ
ကျောက်ကြမ်းပြတ်ရွေ့နှင့် ပတ်သက်၍အလွန်အမင်းစိုးရိမ်ဖွယ်မရှိ
အွန်လိုင်းတွင် ပျံ့နှံ့နေသော ကျောက်ကြမ်းပြတ်ရွေ့နှင့်ပတ်သက်၍ အလွန်အမင်းစိုးရိမ်ဖွယ်မရှိကြောင်း NP News က မိုးလေဝသနှင့် ဇလဗေဒ ပညာရှင် ဦးဝင်းနိုင်ကို မေးမြန်းထားချက်အရ သိရသည်။ လူမှုကွန်ရက် ဖေ့စ်ဘွတ်ခ်စာမျက်နှာထက်တွင် ကျောက်ကြမ်းပြတ်ရွေ့နှင့်ပတ်သက်၍ အလွန်အမင်းချဲ့ကားပြောဆိုမှုများရှိနေသည့်အပေါ် NP News က မေးမြန်းခဲ့ရာ ဦးဝင်းနိုင်က ပြန်လည်ရှင်းပြခဲ့ခြင်းဖြစ်သည်။ မြန်မာနိုင်ငံတွင် စစ်ကိုင်း ပြတ်ရွေ့အပါအဝင် ကျောက်ကြမ်းပြတ်ရွေ့၊ ကဘော်ပြတ်ရွေ့၊ ရွှေတြိဂံ ပြတ်ရွေ့၊ မိုးမိတ်ပြတ်ရွေ့၊ ချင်းတွင်းပြတ်ရွေ့၊ ဒေးဒရဲပြတ်ရွေ့စသော ပြတ်ရွေ့များရှိကြောင်းသိရသည်။ အဆိုပါပြတ်ရွေ့ကို ကျောက်ကြမ်း ရွာကို အစွဲပြုကာ ခေါ်ဆိုခဲ့ခြင်းဖြစ်ပြီး ရှမ်းပြည်နယ်မှ ထိုင်းနိုင်ငံဘက် အထိ (၅၁၀) ကီလိုမီတာခန့်အရှည်တည်ရှိကြောင်း သိရသည်။ ကျောက်ကြမ်း ပြတ်ရွေ့ကြောင့် (၁၉၁၂) ခုနှစ်တွင် မြန်မာနိုင်ငံ၌ ရစ်ချ်တာစကေး ၈ ဖြင့် မေမြို့အနီး၌ အင်အားအပြင်းဆုံး မြေငလျင် လှုပ်ခတ်မှု ဖြစ်ပွားခဲ့သေးသည်။ “တကယ်အတိအကျ ကြိုတင်ပြီး ခန့်မှန်း၍ မရပါကြောင်း၊ မိမိ အနေဖြင့် ပြောမယ်ဆိုရင်ပါက စစ်ကိုင်းပြတ်ရွေ့ကြီး အပေါ်က ငလျင်ကြီး လှုပ်လိုက်သည့်အတွက် ကျောက်ကြမ်းပြတ်ရွေ့အပါအဝင် ကျန်သည့် ပြတ်ရွေ့ အသေးလေးများ အများကြီးရှိရာ ယင်းတို့ကို သက်ရောက်မှု ဖြစ်ပေါ်ကြောင်း၊ မြေပြင်အက် ကွဲမှုအပိုင်းလည်း ဖြစ်ပေါ်ခြင်းများ ရှိကြောင်း၊ ထို့အပြင် ငလျင်၏သက်ရောက်မှု၊ ငလျင်ကြီး၏သက်ရောက်မှုကြောင့် ပြတ်ရွေ့များလှုပ်ရှားသွားသည်မှာ မှန်ကြောင်း၊ သို့သော် ထိုသို့ လှုပ်ရှား သွားခြင်းကြောင့် ၎င်းတို့ဆီမှာ ငလျင်ငယ်များ လှုပ်သည်သာရှိမည် ဖြစ်ကြောင်း၊ ငလျင်ကြီးတော့ ယခုရက်ပိုင်းအတွင်း ၊ လပိုင်းအတွင်းမှာ လှုပ်လာစရာ အကြောင်းမရှိကြောင်း၊ အယူအဆဖြင့် တွေးပြီးတော့ ဖြစ်နိုင်ခြေရှိသည် ကို တွေးကြည့်သည့် သဘောဖြစ်ပါကြောင်း”ဟု ၎င်းကပြောသည်။ သို့သော် ငလျင်ကြောများပေါ်တွင် မြို့များတည်ရှိသည့်အတွက် ငလျင်နှင့် ပတ်သက် သောအန္တရာယ်ကို မည်သူမဆို အမြဲသတိထားနေသင့်ကြောင်း ၎င်းက ဆိုသည်။ “အဓိကကတော့ စိုးရိမ်ကြောင့်ကြမှု လွန်ကဲခြင်းမျိုး မဖြစ်ရန် အပြင် သိပ္ပံနည်းကျကျမှန်းဆပြီးတော့ ခန့်မှန်းသည့်နည်းလမ်းကလွဲ၍ ကျန်သည့်ကြိုတင်ခန့်မှန်းဟောကိန်းထုတ်ခြင်းကို ယုံကြည်မှု လွန်ကဲကာ ထိုခန့်မှန်းချက် နောက်ကို လိုက်မသွားရန် လိုကြောင်း၊ မဟုတ်ပါက စိတ်သောက တောက်လျှောက်ရနေပြီး အိမ်ထဲမနေရဲ အပြင်ပဲထွက်အိပ် ရသည်အဖြစ်မျိုး ဖြစ်နေလိမ့်မည်”ဟု ၎င်းက အကြံပြုပြောသည်။ လက်ရှိတွင် မြန်မာနိုင်ငံ၌ မတ်လ (၂၈) ရက်က အင်အား (၇ ဒသမ ၇) ဖြင့် လှုပ်ခတ်ခဲ့သော မန္တလေးငလျင်ကြီးအပါအဝင် ဧပြီ (၂၂)ရက် အထိ နောက်ဆက်တွဲငလျင်ငယ် စုစုပေါင်း (၁၅၃) ကြိမ်လှုပ်ခတ်ခဲ့ကြောင်း မိုးလေဝသနှင့်ဇလဗေဒပြန်ကြားမှုဦးစီးဌာန၏ ဧပြီလ (၂၁)ရက်၊ ညနေ (၄)နာရီဝန်းကျင် ထုတ်ပြန်ချက်အရ သိရသည်။ ငလျင်သည် မည်သည့် အချိန်၊ မည်သည့်နေရာတွင်လှုပ်ရှားမည်ကို ယနေ့အချိန်ထိ ကမ္ဘာပေါ်တွင် မည်သည့်နိုင်ငံ၊ မည်သည့်ငလျင်ပညာရှင်မှ တိတိကျကျ ကြိုတင်မခန့် မှန်းနိုင်သော သဘာဝဘေးတစ်မျိုး ဖြစ်ကြောင်း ပညာရှင်များက ဆိုထား သည်။ကိုးကား-NP News
Tue, 29-Apr-2025
ရန်ကုန်နှင့် မန္တလေးတွင် လေတိုက်ပြီးမိုးရွာသွန်းကာ သစ်ပင်လဲကျမှုများဖြစ်
ရန်ကုန်နှင့် မန္တလေးတွင် လေတိုက်ပြီးမိုးရွာသွန်းကာ သစ်ပင်လဲကျမှုများဖြစ်
ရန်ကုန်တိုင်းနှင့် မန္တလေးတိုင်းတို့တွင် ဧပြီ ၂၉ ရက် နံနက်ပိုင်းနှင့် ဧပြီ ၂၈ ရက်ညပိုင်းတို့က လေတိုက်ပြီးမိုးရွာသွန်းမှုကြောင့် သစ်ပင်လဲကျမှုများဖြစ်ပေါ်ခဲ့ကြောင်း မီးသတ်တပ်ဖွဲ့ထံမှ သိရသည်။ရန်ကုန်တိုင်း၊ မင်္ဂလာတောင်ညွှန့်မြို့နယ်၊ ကျီတော်ရပ်ကွက်၊ လိပ်ကန်လမ်းနှင့် ကွက်သစ်လမ်းထောင့်တွင် ယနေ့ ဧပြီ ၂၉ ရက်နံနက် ၆ နာရီခွဲခန့်က သစ်ပင် လဲကျကာလမ်းပိတ်နေသဖြင့် မင်္ဂလာတောင်ညွှန့်မြို့နယ် မီးသတ်စခန်းမှ တပ်ဖွဲ့ဝင်များဖြင့် ဖယ်ရှားရှင်းလင်းမှုများပြုလုပ်ခဲ့ကြကြောင်း သိရသည်။ထို့ပြင် ဧပြီ ၂၈ ရက်ည ၉ နာရီ ၂၀ မိနစ်ခန့်ကလည်း မန္တလေးတိုင်း၊ ပြင်ဦးလွင်မြို့နယ်၊ ရပ်ကွက်ကြီး(၆)၊ မြို့ပတ်လမ်းတွင်သစ်ပင်လဲကျပြီး လမ်းပိတ်နေသဖြင့် ပြင်ဦးလွင်မြို့နယ် မီးသတ်စခန်းမှတပ်ဖွဲ့ဝင်များဖြင့် ဖယ်ရှားရှင်းလင်းပေးခဲ့ကြကြောင်း သိရသည်။Source: Popular Myanmar
Tue, 29-Apr-2025
အမေရိကန်၊ နယူးဂျာစီ တောမီးလောင်မှုအခြေအနေ ထိန်းချုပ်နိုင်
အမေရိကန်၊ နယူးဂျာစီ တောမီးလောင်မှုအခြေအနေ ထိန်းချုပ်နိုင်
အမေရိကန်နိုင်ငံ၊ နယူးဂျာစီပြည်နယ်တောင်ပိုင်းတွင် အင်္ဂါနေ့ (ဧပြီလ ၂၂ ရက်) က ဧက ၈၅၀၀ ကျော် လောင်ကျွမ်းစေသည့် တောမီးလောင်ကျွမ်းမှုဖြစ်ခဲ့ပြီး မီးသတ်သမားများ၏ ကြိုးပမ်းငြှိမ်းသတ်မှုကြောင့်ဗုဒ္ဓဟူးနေ့ (ဧပြီလ ၂၃ ရက်) တွင် မီးဘေးအခြေအနေ ပြန်လည် ထိန်းချုပ်လာနိုင်ပြီ ဖြစ်သည်ဟု သိရပါသည်။အိုးရှင်းကောင်တီ၊ Greenwood သစ်တော တောရိုင်းတိရစ္ဆာန် စီမံခန့်ခွဲမှု ဧရိယာ၌ အင်္ဂါနေ့ (ဧပြီလ ၂၂ ရက်) နံနက်ပိုင်းက တောမီးစတင် လောင်ကျွမ်းခဲ့ခြင်းဖြစ်ပြီး လက်ရှိ ၁၀၀ ရာခိုင်နှုန်းထိ ထိန်းချုပ်နိုင်ခဲ့ပြီဟု နယူးဂျာစီ သစ်တောမီးသတ်ဌာနက ပြောကြားပါသည်။ မီးလောင်မှုဖြစ်ရသည့် အကြောင်းရင်းကို စုံစမ်းစစ်ဆေးနေဆဲဖြစ်ကြောင်း သိရပါ သည်။ ဗုဒ္ဓဟူးနေ့ (ဧပြီ ၂၃ ရက်) နံနက်ပိုင်းက အိုးရှင်းကောင်တီ နေထိုင်သူများအား မဖြစ်မနေ ရွှေ့ပြောင်းကြရန် ခေတ္တနယူးဂျာစီ ပြည်နယ်အုပ်ချုပ်ရေးမှူး တာဟီရှာဝေးက အရေးပေါ်အခြေအနေကြေညာခဲ့ပါသည်။ သို့သော် မီးဘေးထိန်းချုပ်မှု အခြေအနေကောင်းမွန်လာသည့်အတွက် အမိန့်ကို ပြန်လည် ပယ်ဖျက်လိုက်ကြောင်း သိရပါသည်။မီးလောင်မှုကြောင့် သေဆုံး၊ ထိခိုက်ဒဏ်ရာရသူ မရှိသော်လည်း လာဆေး မြို့နယ်ရှိ စက်မှုပန်းခြံတစ်ခု၌ လုပ်ငန်းအများအပြား မီးလောင်ပျက်စီးခဲ့ကြောင်း သိရပါသည်။ကိုးကား-NSS
Thu, 24-Apr-2025
© Copyright 2024 SAC All Rights Reserved.