ဟီမာချယ်ပရာဒေ့ရှ်၌ မုတ်သုံမိုးကြောင့် လူ ၃၄ ဦးသေဆုံးထား

sacadmin

News Image

  • ဟီမာချယ်ပရာဒေ့ရှ်၌ မုတ်သုံမိုးကြောင့် လူ ၃၄ ဦးသေဆုံးထား

အိန္ဒိယနိုင်ငံမြောက်ပိုင်းရှိ ဟီမာချယ် ပရာဒေ့ရှ်ပြည်နယ်၌ ပြီးခဲ့သည့် ကိုးရက်အတွင်း မုတ်သုံမိုးရွာသွန်းမှုနှင့်ဆက်စပ်၍ အနည်းဆုံးလူ ၃၄ ဦးသေဆုံးပြီး လေးဦးပျောက်ဆုံးကာ ၇၄ ဦး  ဒဏ်ရာရရှိထားကြောင်း တာဝန်ရှိသူများက ဇွန်လ ၂၉ ရက်တွင်ပြောသည်။

ထိုသို့သော ရက်အနည်းငယ်အတွင်း ပြင်းထန်သော ရာသီဥတုနှင့် ဆက်စပ်ဖြစ်ပေါ်လာသည့် ဆုံးရှုံးမှုများမှာ အမေရိကန် ဒေါ်လာ ၈ ဒသမ ၃၂ သန်းအထိရှိမည်ဟု ခန့်မှန်းရကြောင်း   ပြည်နယ်အရေးပေါ်လုပ်ငန်းအဖွဲ့၏ ထုတ်ပြန်ချက်တွင် ဖော်ပြထားသည်။

မိုးသည်းထန်စွာရွာသွန်းသည့်အတွက် ပြည်နယ်အတွင်းရှိ မြစ်များ၊ ချောင်းများတွင် ရေအမှတ်များ မြင့်တက်လျက်ရှိပြီး မိုးရွာသွန်းမှုနှင့် အတူဖြစ်ပွားသော မြေပြို မှုများကြောင့် လမ်းပေါင်း ၄၀ နီးပါးမှာ ပိတ်ဆို့လျက် ရှိကြောင်း တာဝန်ရှိသူများ၏ ထုတ်ပြန်ချက်တွင် ဖော်ပြထားသည်။

ထို့ပြင် လာမည့်နှစ်ရက်အတွင်း မိုးရွာသွန်းမှု အခြေအနေသည် ပုံမှန်သည်းထန်မှုထက် အလွန်သည်းထန်လာနိုင်သောကြောင့် မိုးလေဝသဌာနက လိမ္မော်ရောင်အဆင့် သတိပေးချက်ကို  ထုတ်ပြန်ထားကြောင်း သိရသည်။

MWD Web Portal

MM-News-Category
သဘာဝဘေးအန္တရာယ်ဆိုင်ရာသတင်းများ

ဆက်စပ်သတင်းများ

မြေငလျင်သတင်း
မြေငလျင်သတင်း
မြေငလျင်သတင်း(မြန်မာစံတော်ချိန် ၀၂:၃၀ နာရီ အချိန်ထုတ်ပြန်ချက်)၂၀၂၅ ခုနှစ်၊ ဇူလိုင်လ ၁ ရက်နေ့၊ မြန်မာစံတော်ချိန် (၀၂) နာရီ၊ (၁၃)မိနစ်၊ (၁၂)စက္ကန့် အချိန်တွင် နမ့်စန်ငလျင်စခန်းမှ အရှေ့မြောက်ဘက် (၃၅) မိုင်ခန့်ကွာဝေးသော မြန်မာနိုင်ငံပြည်တွင်း (လင်းခေး မြို့၏ မြောက်-အနောက်မြောက်ဘက် (၅) မိုင်ခန့်အကွာ) မြောက်လတ္တီတွဒ် (၂၀.၄၂) ဒီဂရီ၊ အရှေ့ လောင်ဂျီတွဒ် (၉၇.၉၈) ဒီဂရီ၊ အနက် (၁၀) ကီလိုမီတာကို ဗဟိုပြု၍ အင်အားရစ်(ခ်)တာစကေး (၄.၁) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း တိုင်းထွာရရှိပါသည်။Myanmar National Portal
Tue, 1-Jul-2025
ဟီမာချယ်ပရာဒေ့ရှ်၌ မုတ်သုံမိုးကြောင့် လူ ၃၄ ဦးသေဆုံးထား
ဟီမာချယ်ပရာဒေ့ရှ်၌ မုတ်သုံမိုးကြောင့် လူ ၃၄ ဦးသေဆုံးထား
အိန္ဒိယနိုင်ငံမြောက်ပိုင်းရှိ ဟီမာချယ် ပရာဒေ့ရှ်ပြည်နယ်၌ ပြီးခဲ့သည့် ကိုးရက်အတွင်း မုတ်သုံမိုးရွာသွန်းမှုနှင့်ဆက်စပ်၍ အနည်းဆုံးလူ ၃၄ ဦးသေဆုံးပြီး လေးဦးပျောက်ဆုံးကာ ၇၄ ဦး  ဒဏ်ရာရရှိထားကြောင်း တာဝန်ရှိသူများက ဇွန်လ ၂၉ ရက်တွင်ပြောသည်။ထိုသို့သော ရက်အနည်းငယ်အတွင်း ပြင်းထန်သော ရာသီဥတုနှင့် ဆက်စပ်ဖြစ်ပေါ်လာသည့် ဆုံးရှုံးမှုများမှာ အမေရိကန် ဒေါ်လာ ၈ ဒသမ ၃၂ သန်းအထိရှိမည်ဟု ခန့်မှန်းရကြောင်း   ပြည်နယ်အရေးပေါ်လုပ်ငန်းအဖွဲ့၏ ထုတ်ပြန်ချက်တွင် ဖော်ပြထားသည်။မိုးသည်းထန်စွာရွာသွန်းသည့်အတွက် ပြည်နယ်အတွင်းရှိ မြစ်များ၊ ချောင်းများတွင် ရေအမှတ်များ မြင့်တက်လျက်ရှိပြီး မိုးရွာသွန်းမှုနှင့် အတူဖြစ်ပွားသော မြေပြို မှုများကြောင့် လမ်းပေါင်း ၄၀ နီးပါးမှာ ပိတ်ဆို့လျက် ရှိကြောင်း တာဝန်ရှိသူများ၏ ထုတ်ပြန်ချက်တွင် ဖော်ပြထားသည်။ထို့ပြင် လာမည့်နှစ်ရက်အတွင်း မိုးရွာသွန်းမှု အခြေအနေသည် ပုံမှန်သည်းထန်မှုထက် အလွန်သည်းထန်လာနိုင်သောကြောင့် မိုးလေဝသဌာနက လိမ္မော်ရောင်အဆင့် သတိပေးချက်ကို  ထုတ်ပြန်ထားကြောင်း သိရသည်။MWD Web Portal
Mon, 30-Jun-2025
ပါကစ္စတန်၌ ရုတ်တရက်ရေကြီးမှုနှင့် မိုးသည်းထန်စွာ ရွာသွန်းမှုကြောင့် ကလေး ၁၆ ဦးအပါအဝင် လူ ၃၂ ဦးသေဆုံး
ပါကစ္စတန်၌ ရုတ်တရက်ရေကြီးမှုနှင့် မိုးသည်းထန်စွာ ရွာသွန်းမှုကြောင့် ကလေး ၁၆ ဦးအပါအဝင် လူ ၃၂ ဦးသေဆုံး
ပါကစ္စတန်နိုင်ငံ၌ ယခုသီတင်းပတ်အတွင်း ရုတ်တရက်ရေကြီးမှုနှင့် မိုးသည်း ထန်စွာရွာသွန်းမှုကြောင့် ကလေးငယ် ၁၆ ဦးအပါအဝင် လူ ၃၂ ဦးသေဆုံးကြောင်း သဘာဝဘေးစီမံခန့်ခွဲရေး တာဝန်ရှိသူများက ဇွန်လ ၂၈ ရက်တွင် ထုတ်ပြန်ထားသည်။သဘာဝဘေးကြောင့် သေဆုံးရသူများထဲတွင် ရေကြီးမှုနှင့် ဆက်စပ်၍ဖြစ်ပွားသည့် နံရံပြိုကျမှုများနှင့် မိုးကြီးမှုနှင့်ဆက် စပ်၍ဖြစ်ပွားသည့် အိမ်ခေါင်မိုးပြိုကျမှု များကြောင့် သေဆုံးသူများလည်း ပါဝင်ကြောင်း သက်ဆိုင်ရာဒေသများမှ တာဝန် ရှိသူများကပြောသည်။ထို့ပြင် ပါကစ္စတန်နိုင်ငံအတွင်း မိုးကြီးမှုနှင့် ရေကြီးမှုတို့သည် ဇူလိုင်လ ၁ ရက် အထိ   ဆက်လက်ဖြစ်ပေါ်နိုင်ကြောင်း မိုးလေဝသဌာနက သတိပေးချက် ထုတ်ပြန်ထားသည်။ပါကစ္စတန်နိုင်ငံသည် ရာသီဥတု ပြောင်းလဲမှုကြောင့်ဖြစ်ပေါ်သည့် သဘာဝဘေးကို အဆိုးဆုံးခံစားရသော နိုင်ငံများအနက် တစ်နိုင်ငံဖြစ်သည်။ပြီးခဲ့သည့်မေလတွင် ထိုနိုင်ငံ၌ မိုးသက်မုန်တိုင်းများ ကျရောက်ခြင်း၊ မိုးသီးများ ကြွေကျခြင်းတို့အပါအဝင် ပြင်းထန်သည့် မိုးလေဝသဖြစ်စဉ်များကြောင့် အနည်းဆုံး လူ ၃၂ ဦး သေဆုံးထားကြောင်း သိရသည်။MWD Portal
Sun, 29-Jun-2025
ဂရိနိုင်ငံ ချီယို့စ်ကျွန်း၌ တောမီးအရေးပေါ်အဆင့်သို့ရောက်ရှိနေ၍ ဩစတြေးလျမီးသတ်တပ်ဖွဲ့က မီးသတ်တပ်ဖွဲ့ဝင်တချို့စေလွှတ်ပေး
ဂရိနိုင်ငံ ချီယို့စ်ကျွန်း၌ တောမီးအရေးပေါ်အဆင့်သို့ရောက်ရှိနေ၍ ဩစတြေးလျမီးသတ်တပ်ဖွဲ့က မီးသတ်တပ်ဖွဲ့ဝင်တချို့စေလွှတ်ပေး
အေသင် ဇွန် ၂၅ဂရိနိုင်ငံ ချီယို့စ်ကျွန်းတွင် ဇွန် ၂၂ ရက်က စတင်လောင်ကျွမ်းခဲ့သောတောမီးမှာ ထိန်းချုပ်ရခက်သည့်အဆင့်သို့ရောက်ရှိနေသဖြင့် ဩစတြေးလျမီးသတ်တပ်ဖွဲ့က ဇွန် ၂၄ ရက်တွင် တောမီးကိုအမြန်ဆုံး ထိန်းချုပ်နိုင်ရေးအတွက် မီးသတ်တပ်ဖွဲ့ဝင်တချို့ကို စေလွှတ်ပေးခဲ့ကြောင်း ထုတ်ပြန်ခဲ့သည် ဟု ယနေ့သတင်းများတွင် ဖော်ပြထားသည်။တောမီးလောင်ကျွမ်းမှုကြောင့် ချီယို့စ်ကျွန်းတွင် သစ်တောမြေ ဧက ၆၀၀၀၀ကျော်ထိလောင်ကျွမ်း ပျက်စီးခဲ့ပြီး ဂရိမီးသတ်တပ်ဖွဲ့ အနေဖြင့် တောမီးကိုထိန်းချုပ်ရာတွင် လေကြောင်းအကူအညီ ကိုရယူထားကြောင်း၊ ရဟတ်ယာဉ် ၁၄ စင်းနှင့် လေယာဉ် လေးစင်း ကိုအသုံးပြုနေပြီး မြေပြင်မှသွား ရောက်ငြှိမ်းသတ်ရန် ခက်ခဲနေသည့်ဧရိယာများသို့ လေကြောင်း အကူအညီဖြင့် ငြှိမ်းသတ်ပေး လျက်ရှိကြောင်း၊ မြေပြင်မှလည်း မီးသတ် တပ်ဖွဲ့ဝင်များအပြင် တပ်မတော်သားများ၊ ရဲတပ်ဖွဲ့ဝင် များကလည်း ကူညီငြှိမ်းသတ်ပေးလျက်ရှိပြီး မီးငြှိမ်းသတ်နိုင်ရေးအတွက် လူအင်အား ၆၀၀ ခန့်ထိအသုံးပြုထားကြောင်း သိရသည်။“ကျွန်တော်တို့ကုမ္ပဏီအနေနဲ့ ဂရိတောမီးကို ကူညီငြိမ်းသတ်ဖို့ အတွက် ရဟတ်ယာဉ်တချို့နဲ့ ဝန်ထမ်းတချို့ စေလွှတ်ပေးထားပါတယ်။ ကျွန်တော်တို့အတွက် ဂရိနိုင်ငံကို ငါးနှစ်ဆက်တိုက် ကူညီပေးနိုင်ခဲ့တာဖြစ်ပါတယ်။ ဂရိပြည်သူတွေနဲ့အတူ ရပ်တည်ကြောင်းပြောကြားလိုပါတယ်”ဟု ပုဂ္ဂလိကကုမ္ပဏီတစ်ခုဖြစ်သည့် McDermott Aviation ကုမ္ပဏီ တည်ထောင်သူ ဂျွန်မက်ဒါမော့က ပြောကြားခဲ့သည်။Ref: Sputnik NewsTrs: Sai SatYDNB Newspaper
Thu, 26-Jun-2025
ကိုလံဘီယာနိုင်ငံ အနောက်မြောက်ပိုင်း ဘီလိုခရိုင်တွင် ဘီလိုခရိုင်တွင် မိုးရွာသွန်းပြီး မြေပြိုမှုကြောင့် လူရှစ်ဦးသေဆုံး ငါးဦးဒဏ်ရာရရှိ
ကိုလံဘီယာနိုင်ငံ အနောက်မြောက်ပိုင်း ဘီလိုခရိုင်တွင် ဘီလိုခရိုင်တွင် မိုးရွာသွန်းပြီး မြေပြိုမှုကြောင့် လူရှစ်ဦးသေဆုံး ငါးဦးဒဏ်ရာရရှိ
ဘိုဂိုတာ ဇွန် ၂၅ ကိုလံဘီယာနိုင်ငံ အနောက်မြောက်ပိုင်း ဂရန်နီဇယ်ဒေသ ဘီလိုခရိုင်တွင် မြေပြိုမှုကြောင့် လူရှစ်ဦး သေဆုံးခဲ့ပြီး ငါးဦး ဒဏ်ရာရရှိခဲ့ကြောင်း ဒေသဆိုင်ရာ အာဏာပိုင်များက ပြောကြားခဲ့သည်ဟု ယနေ့သတင်းများအရ သိရသည်။ကိုလံဘီယာနိုင်ငံ အနောက်မြောက်ပိုင်းမှာ ဇွန် ၂၄ရက်က မိုးသည်းထန်စွာရွာသွန်းပြီးနောက် လာနီဂရာချောင်းရေလျှံကာ မြေပြိုမှုဖြစ်ပွားခဲ့ကြောင်း၊ မြေပြိုမှုကြောင့် အယ်ပီနာရပ်ကွက်ရှိလူနေအိမ် ၁၀ လုံး ပျက်စီးကာ လူသေဆုံးမှု၊ ထိခိုက်ဒဏ်ရာရရှိမှု များရှိခဲ့ကြောင်း သိရသည်။"ဇွန် ၂၄ မနက် ၃ နာရီ ၂၅ မိနစ်လောက်က ဂရန်နီဇယ်ဒေသ လာနီဂရာချောင်းရေလျှံကာ မြေပြိုမှုဖြစ်ပွားခဲ့ပါတယ်။ အခုထိတော့ သေဆုံးသူ ရှစ်ဦးနဲ့ ဒဏ်ရာ ရရှိသူ ငါးဦးကို အတည်ပြုခဲ့ပါတယ်။ ဒီဖြစ်ရပ်အတွက် များစွာစိတ်မကောင်း ဖြစ်ရပါတယ်”ဟု ဘီလိုခရိုင် မြို့တော်ဝန် လော်ရန် က ပြောကြားခဲ့သည်။ထို့ပြင် မြေပြိုမှုဖြစ်ပွားခဲ့သည့် ဒေသအတွက် အရေးပေါ်ရှာဖွေ ကယ်ဆယ်ရေးများ ရှင်းလင်းရေးနှင့် ပြန်လည်တည်ဆောက်ရေးများဆောင်ရွက်ရန်ကယ်ဆယ် ရေးအဖွဲ့များ စေလွှတ်ထားကြောင်း၊ အဆိုပါနေရာမှ ဒေသခံများကိုလည်း ဘေးလွှတ်ရာ နေရာများသို့ ရွှေ့ပြောင်းကာ ယာယီစခန်းများတွင် နေထိုင်ခွင့်ပြုထားသည်ဟု ၎င်း ဆက်လက်ပြောကြားခဲ့ ကြောင်း သိရသည်။Ref: Sputnik NewsTrs: KZYDNB Newspaper
Thu, 26-Jun-2025
တရုတ်နိုင်ငံတောင်ပိုင်း ကွမ်ရှီးကျန်း ကိုယ်ပိုင်အုပ်ချုပ်ခွင့်ရဒေသတွင် ရေကြီးမှုကြောင့် လူဦးရေ ၄၃ဝ ကျော်ကို ဘေးလွတ်ရာရွှေ့ပြောင်း
တရုတ်နိုင်ငံတောင်ပိုင်း ကွမ်ရှီးကျန်း ကိုယ်ပိုင်အုပ်ချုပ်ခွင့်ရဒေသတွင် ရေကြီးမှုကြောင့် လူဦးရေ ၄၃ဝ ကျော်ကို ဘေးလွတ်ရာရွှေ့ပြောင်း
ပေကျင်း ဇွန် ၂၄တရုတ်နိုင်ငံတောင်ပိုင်း ကွမ်ရှီးကျန်းကိုယ်ပိုင်အုပ်ချုပ်ခွင့်ရဒေသတွင် မိုးသည်းထန်စွာရွာသွန်းကာ ရေကြီးရေလျှံမှုကြောင့် လူဦးရေ ၄၃၀ ကျော်ကို ဇွန် ၂၃ ရက်က ဘေးလွတ်ရာ ရွှေ့ပြောင်းပေးနိုင်ခဲ့ကြောင်း ယနေ့သတင်းများအရ သိရသည်။တရုတ်နိုင်ငံတောင်ပိုင်း ကွမ်ရှီးကျန်းကိုယ်ပိုင်အုပ်ချုပ်ခွင့်ရဒေသတွင် အထက်တန်းကျောင်းဝင်ခွင့် စာမေးပွဲဖြေဆိုရန် သင်ကြားပေးနေသော ဆရာ၊ ဆရာမ ဦးရေ ၃၀ နှင့် စာမေးပွဲဖြေဆိုရန်ပြင်ဆင်နေသော ကျောင်းသား၊ ကျောင်းသူ ဦးရေ ၄၀၀ ကျော် ရှိကြောင်း၊ မိုးသည်းထန်စွာ ရွာသွန်းကာ ရေကြီးမှုကြောင့် စာမေးပွဲဖြေဆိုရန်ပြင်ဆင်နေသော ကျောင်းသား၊ ကျောင်းသူများ တက်ရောက်ရာ Tian'e ကောင်တီ တိုင်းရင်းသား အထက်တန်းကျောင်းသည် ဒေသ ၏ မြေနိမ့်ပိုင်းတွင် တည်ရှိသဖြင့် ဇွန် ၂၂ ရက်ကစ၍ အဆိုပါကျောင်း မှာ စတင်ရေနစ်မြုပ်ခဲ့ကြောင်း၊ ထို့ကြောင့် ဘေးလွတ်ရာသို့ ရွှေ့ ပြောင်းမှုများကို နိုင်ငံ့အရေးပေါ် ကယ်ဆယ်ရေးအဖွဲ့က ဆောင်ရွက်ပေးခဲ့ကြောင်း သိရသည်။အထက်တန်းကျောင်းဝင်ခွင့် စာမေးပွဲဖြေဆိုရန် သင်ကြားပေးနေသော ဆရာ၊ ဆရာမများနှင့် စာသင်နေသော ကျောင်းသား၊ ကျောင်းသူများကို ရေလွှမ်းမိုးမှု ဖြစ်ပွားရာမှ ရေဘေးလွတ်ရာ ဒုတိယထပ် အဆောင်များနှင့် စာသင်ခန်းအဆောက်အအုံများသို့ ဇွန် ၂၂ ရက်ကစပြီး ရွှေ့ပြောင်း ပေးခဲ့ရကာ ဇွန် ၂၃ ရက် နံနက် ၄ နာရီတွင် အလုံးစုံရွှေ့ပြောင်းနိုင်ခဲ့သော်လည်း ဇွန် ၂၃ ရက် နံနက်ပိုင်းတွင် မိုးသည်းထန်စွာ ထပ်မံ ရွာသွန်းမှုကြောင့် ကျောင်းသား များနှင့် ဆရာ၊ ဆရာမများကို အရန်စာမေးပွဲနေရာအဖြစ် ဒေသအတွင်းရှိ အခြားကျောင်းသို့ ပြောင်းရွှေ့ခဲ့ရကြောင်း သိရသည်။ ယနေ့မှ ဇွန် ၂၆ ရက်ထိမိုးသက်မုန်တိုင်းများ ဖြစ်လာနိုင်သဖြင့် ရေကြီးရေလျှံမှုများဖြစ်ပေါ်လာနိုင်သဖြင့် အနီရောင်သတိပေးချက်ထုတ်ပြန်ထားပြီး လာမည့် ရက်များအတွင်း တရုတ်နိုင်ငံ၏ နေရာတော်တော်များများတွင် မိုးဆက်တိုက်ရွာသွန်းနိုင်သည်ဟု တရုတ်မိုးလေဝသဌာနက ခန့်မှန်း ထားကြောင်း သိရသည်။Ref: Sputnik NewsTrs: KZPhoto - Xinhua
Wed, 25-Jun-2025
© Copyright 2024 SAC All Rights Reserved.