ပါကစ္စတန်၌ ရုတ်တရက်ရေကြီးမှုနှင့် မိုးသည်းထန်စွာ ရွာသွန်းမှုကြောင့် ကလေး ၁၆ ဦးအပါအဝင် လူ ၃၂ ဦးသေဆုံး

dpWEB1234

News Image

  • ပါကစ္စတန်၌ ရုတ်တရက်ရေကြီးမှုနှင့် မိုးသည်းထန်စွာ ရွာသွန်းမှုကြောင့် ကလေး ၁၆ ဦးအပါအဝင် လူ ၃၂ ဦးသေဆုံး

ပါကစ္စတန်နိုင်ငံ၌ ယခုသီတင်းပတ်အတွင်း ရုတ်တရက်ရေကြီးမှုနှင့် မိုးသည်း ထန်စွာရွာသွန်းမှုကြောင့် ကလေးငယ် ၁၆ ဦးအပါအဝင် လူ ၃၂ ဦးသေဆုံးကြောင်း သဘာဝဘေးစီမံခန့်ခွဲရေး တာဝန်ရှိသူများက ဇွန်လ ၂၈ ရက်တွင် ထုတ်ပြန်ထားသည်။

သဘာဝဘေးကြောင့် သေဆုံးရသူများထဲတွင် ရေကြီးမှုနှင့် ဆက်စပ်၍ဖြစ်ပွားသည့် နံရံပြိုကျမှုများနှင့် မိုးကြီးမှုနှင့်ဆက် စပ်၍ဖြစ်ပွားသည့် အိမ်ခေါင်မိုးပြိုကျမှု များကြောင့် သေဆုံးသူများလည်း ပါဝင်ကြောင်း သက်ဆိုင်ရာဒေသများမှ တာဝန် ရှိသူများကပြောသည်။

ထို့ပြင် ပါကစ္စတန်နိုင်ငံအတွင်း မိုးကြီးမှုနှင့် ရေကြီးမှုတို့သည် ဇူလိုင်လ ၁ ရက် အထိ   ဆက်လက်ဖြစ်ပေါ်နိုင်ကြောင်း မိုးလေဝသဌာနက သတိပေးချက် ထုတ်ပြန်ထားသည်။

ပါကစ္စတန်နိုင်ငံသည် ရာသီဥတု ပြောင်းလဲမှုကြောင့်ဖြစ်ပေါ်သည့် သဘာဝဘေးကို အဆိုးဆုံးခံစားရသော နိုင်ငံများအနက် တစ်နိုင်ငံဖြစ်သည်။

ပြီးခဲ့သည့်မေလတွင် ထိုနိုင်ငံ၌ မိုးသက်မုန်တိုင်းများ ကျရောက်ခြင်း၊ မိုးသီးများ ကြွေကျခြင်းတို့အပါအဝင် ပြင်းထန်သည့် မိုးလေဝသဖြစ်စဉ်များကြောင့် အနည်းဆုံး လူ ၃၂ ဦး သေဆုံးထားကြောင်း သိရသည်။

MWD Portal

MM-News-Category
သဘာဝဘေးအန္တရာယ်ဆိုင်ရာသတင်းများ

ဆက်စပ်သတင်းများ

ရုရှားတွင် အင်အား ၈.၈ မဂ္ဂနီကျူ့ရှိ ပြင်းထန်ငလျင် ဖြစ်ပွားခဲ့သော်လည်း မျှော်မှန်းထားသည်ထက် ဆူနာမီအားနည်းရသည့် အကြောင်းရင်းကို ဘူမိပညာရှင်ထုတ်ဖော်
ရုရှားတွင် အင်အား ၈.၈ မဂ္ဂနီကျူ့ရှိ ပြင်းထန်ငလျင် ဖြစ်ပွားခဲ့သော်လည်း မျှော်မှန်းထားသည်ထက် ဆူနာမီအားနည်းရသည့် အကြောင်းရင်းကို ဘူမိပညာရှင်ထုတ်ဖော်
ရုရှားနိုင်ငံ Kamchatka ကျွန်းဆွယ်အနီး ဇူလိုင် ၃၀ ရက်တွင် အင်အား ၈.၈ မဂ္ဂနီကျူ့ရှိ ပြင်းထန်ငလျင် လှုပ်ခတ်ခဲ့ပြီး ဆူနာမီ ဖြစ်ပေါ်ခဲ့သော်လည်း မျှော်မှန်းထားသည်ထက် အားနည်းခဲ့သည်။ ထိုသို့ဖြစ်ရခြင်းမှာ ဘူမိဗေဒ ဆိုင်ရာ လက္ခဏာများနှင့် ကမ်းရိုးတန်းပုံစံတို့ကြောင့်ဖြစ်သည်။ငလျင်၏ ပြင်းထန်သောလှုပ်ရှားမှုများသည် ပင်လယ်ကြမ်းပြင်ကို ရွေ့လျား စေကာ ရေထုကြီးကို ရွေ့လျားစေပြီး ဆူနာမီဖြစ်ပေါ်စေသည်။ သို့သော် Kamchatka ငလျင်၏ ဗဟိုချက်သည် ၂၀.၇ ကီလိုမီတာ နက်ရှိုင်း သောကြောင့် ပင်လယ်ကြမ်းပြင်အား ဒေါင်လိုက်ရွေ့လျားမှု နည်းပါးစေ ခဲ့သည်။ ထို့အပြင် USGS ဘူမိဗေဒပညာရှင် Rich Briggs ၏ အဆိုအရ ငလျင်ကြောင့် ပင်လယ်ကြမ်းပြင်တွင် ချိုင့်ဝှမ်းများ မဖြစ်ပေါ်ခဲ့သဖြင့် ရေထုကို ရွေ့လျားစေသည့် အားနည်းပါးခဲ့သည်ဟု သိရှိရသည်။ ဆူနာမီ၏ အမြင့်သည် ကမ်းရိုးတန်းအနီးရှိ ပင်လယ်ကြမ်းပြင်ပုံစံနှင့် ကုန်းမြေပုံသဏ္ဍာန်တို့ပေါ်တွင်လည်း မူတည်သည်။ ကျဉ်းမြောင်းသော ပင်လယ်ကွေ့များနှင့် မတ်စောက်သည့် ကမ်းရိုးတန်းများသည် ဆူနာမီ လှိုင်းများကို ပိုမိုပြင်းထန်စေနိုင်သော်လည်း၊ အဆိုပါငလျင်တွင် ထိုသို့သော အခြေအနေများ မရှိခဲ့ပေ။ ထို့ကြောင့် ဆူနာမီသည် မျှော်မှန်းထားသည် ထက် အားနည်းခဲ့ခြင်းဖြစ်သည်။ကိုးကား- VN Expressဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
တနင်္ဂနွေနေ့, 31-သြဂုတ်လ-2025
စပိန်နှင့်ပေါ်တူဂီတို့၌ တောမီးလောင်မှုများကိုရင်ဆိုင်နေရစဉ် သေဆုံးသူဦးရေမြင့်တက်လာ
စပိန်နှင့်ပေါ်တူဂီတို့၌ တောမီးလောင်မှုများကိုရင်ဆိုင်နေရစဉ် သေဆုံးသူဦးရေမြင့်တက်လာ
စပိန်နိုင်ငံနှင့်ပေါ်တူဂီနိုင်ငံတို့၌ တောမီးလောင်မှုများကို ရင်ဆိုင်နေရစဉ် သေဆုံးသူအရေအတွက် သည်လည်း မြင့်တက်လာကြောင်း သိရသည်။ ဩဂုတ်လ ၁၈ ရက်တွင် မီးသတ်သမား ထောင်ပေါင်းများစွာသည် စစ်သည်များ၊ မီးသတ်လေယာဉ်များ၏ အကူအညီဖြင့် တောမီးလောင်မှုများကို ငြှိမ်းသတ်နေကြောင်း၊ တစ်ချိန်တည်းမှာပင် သေဆုံးသူခြောက်ဦး အထိရှိလာပြီ ဖြစ်ကြောင်း တာဝန်ရှိသူများက ပြောသည်။မြေထဲပင်လယ်တောင်ပိုင်း ဒေသအပေါ် အပူလှိုင်းဖြတ်မှုများ၊ မိုးခေါင်မှုများကြောင့် အိုင်ဘီရီယံ ကျွန်းဆွယ်၌ တောမီးလောင်မှုများ ဖြစ်ပွားလာခြင်း ဖြစ်သည်။တောမီးကြောင့်သေဆုံးသူများအနက်နှစ်ဦးသည် မီးသတ်သမားများဖြစ်ပြီး နှစ်ဦးစလုံးသည် ယာဉ်မတော်တဆမှုများ ဖြစ်ပွားစဉ် သေဆုံးခဲ့ရခြင်း ဖြစ်ကြောင်းနှင့် အဆိုပါ သေဆုံးမှုများကြောင့် စပိန်နိုင်ငံ၌လေးဦးနှင့် ပေါ်တူဂီနိုင်ငံ၌ နှစ်ဦးတို့ဖြစ်ကြောင်း တာဝန်ရှိသူများက ပြောသည်။အလားတူ မြေထဲပင်လယ်တောင်ပိုင်းဒေသရှိ တူကီယဲနိုင်ငံတွင်လည်း တောမီးလောင်ကျွမ်းမှုဖြစ်ပွားရာ အဆိုပါတောမီးကို ထိန်းချုပ်နိုင်ပြီဖြစ်ကြောင်း တာဝန်ရှိသူများကပြောသည်။ မိုးရွာသွန်းခြင်းနှင့် အပူချိန် လျော့ကျသွားခြင်းတို့ကြောင့် မီးသတ်သမားများအနေဖြင့် မီးလောင်မှုများကို အလွယ်တကူ ငြှိမ်းသတ်နိုင်ခြင်း ဖြစ်သည်။စပိန်နိုင်ငံ၌လောင်ကျွမ်းနေသော တောမီးကိုငြှိမ်းသတ်နိုင်ရေးအတွက် ပြင်သစ်၊အီတလီ၊ ဆလိုဗက်ကီးယားနှင့် နယ်သာလန်နိုင်ငံတို့က   မီးသတ်လေယာဉ်များကူညီပေးထားသည်။ ထို့အတူ ပေါ်တူဂီနိုင်ငံကိုလည်း ဆွီဒင်နှင့်မော်ရိုကိုနိုင်ငံတို့က လေကြောင်းကူညီမှုများ ပေးထားသည်။လက်ရှိဖြစ်ပေါ်နေသည့် အခြေအနေသည် အလွန်ရှုပ်ထွေးခက်ခဲသည့် အခြေအနေဖြစ်ကြောင်း စပိန်ကာကွယ်ရေးဝန်ကြီးက ပြောထားသည်။            Ref: RTMWD
အင်္ဂါနေ့, 19-သြဂုတ်လ-2025
ပါကစ္စတန်နိုင်ငံတွင် ရေကြီးရေလျှံမှုကြောင့် လူ ၃၁၃ ဦး သေဆုံးခဲ့ပြီးဖြစ်
ပါကစ္စတန်နိုင်ငံတွင် ရေကြီးရေလျှံမှုကြောင့် လူ ၃၁၃ ဦး သေဆုံးခဲ့ပြီးဖြစ်
ပါကစ္စတန်နိုင်ငံ အနောက်မြောက်ပိုင်း Khyber Pakhtunkhwa ပြည်နယ် တွင် မိုးသည်းထန်စွာ ဆက်တိုက်ရွာသွန်းမှုကြောင့် လူ ၃၁၃ ဦး သေဆုံး ခဲ့ပြီး လူပေါင်း ၁၅၀ ဦးထက်မနည်း ပျောက်ဆုံးခဲ့ကြောင်း ပါကစ္စတန် နိုင်ငံ အရာရှိက ဩဂုတ် ၁၇ ရက်တွင် ပြောကြားခဲ့သည်။ အဆိုပါပြည်နယ် Buner ဒေသရှိ အဆောက်အအုံ အပျက်အစီးများ အောက်တွင် အနည်းဆုံး လူ ၁၅၀ ဦး ပိတ်မိလျက်ရှိပြီး အနီးအနားရှိ Shangla ဒေသတွင်လည်း ပျောက်ဆုံးသူများရှိကြောင်း Khyber Pakhtunkhwa ပြည်နယ် ဘေးအန္တရာယ်ဆိုင်ရာ စီမံခန့်ခွဲမှု အာဏာပိုင် အဖွဲ့ (PDMA) ညွှန်ကြားရေးမှူးချုပ် Asfandyar Khattak က ပြည်နယ် မြို့တော် Peshawar ၌ ကျင်းပသော သတင်းစာရှင်းလင်းပွဲတွင် ပြောကြား ခဲ့သည်။ထိုနေ့တွင်ပင် မြို့တော် အစ္စလာမ်မာဘတ်တွင် ကျင်းပသော သတင်းစာ ရှင်းလင်းပွဲ၌ ပါကစ္စတန် အမျိုးသားဘေးအန္တရာယ်ဆိုင်ရာ စီမံခန့်ခွဲမှု အာဏာပိုင်အဖွဲ့ (NDMA) ညွှန်ကြားရေးမှူးချုပ် Inam Haider Malik က လာမည့်ရက်သတ္တပတ်အနည်းငယ်အတွင်း မုတ်သုံမိုး ၃ ကြိမ် ရွာသွန်းမည် ဟု ခန့်မှန်းထားပြီး မိုးသည်းထန်စွာ ရွာသွန်းမှုကြောင့် အစ္စလာမာဘတ်၊ ရာဝါလ်ပင်ဒီနှင့် လာဟိုး စသည့် မြို့ကြီးများတွင် မြို့တွင်းရေကြီးမှုများ ဖြစ်ပေါ်နိုင်ကြောင်း ပြောကြားခဲ့သည်။နွေရာသီ၏ ပြင်းထန်သော အပူချိန်မြင့်မားမှုကြောင့် ပါကစ္စတန် နိုင်ငံ အတွင်း မုတ်သုံရာသီဥတုသည် စက်တင်ဘာလအစောပိုင်းအထိ ကြာမြင့်မည် ဟု ခန့်မှန်းရကြောင်း၊ အမျိုးသားဘေးအန္တရာယ်ဆိုင်ရာ စီမံခန့်ခွဲမှု အာဏာပိုင်အဖွဲ့ (NDMA) က သဘာဝဘေးသင့်ဒေသများတွင် ပျက်စီး ဆုံးရှုံးမှုများကို အကဲဖြတ်ရန်၊ ဆက်သွယ်ရေး စသည့် အခြေခံ အဆောက် အအုံများကို ဦးစားပေးပြန်လည်တည်ဆောက်ရန်နှင့် ဘေးဒဏ်သင့်မှု ပြင်းထန်သောဒေသများသို့ ကူညီကယ်ဆယ်ရေး အထောက်အပံ့ပစ္စည်း များ ဖြန့်ဖြူးပေးရန် ညွှန်ကြားသွားမည်ဖြစ်ကြောင်း Malik က ပြောကြား ခဲ့သည်။ကိုးကား- Xinhua
တနင်္လာနေ့, 18-သြဂုတ်လ-2025
ပါကစ္စတန်နိုင်ငံ အနောက်မြောက်ပိုင်း၌ သဘာဝဘေးများကြောင့် ၄၈ နာရီအတွင်း သေဆုံးသူ ၃၀၇ ဦးအထိရှိ
ပါကစ္စတန်နိုင်ငံ အနောက်မြောက်ပိုင်း၌ သဘာဝဘေးများကြောင့် ၄၈ နာရီအတွင်း သေဆုံးသူ ၃၀၇ ဦးအထိရှိ
ပါကစ္စတန်နိုင်ငံ အနောက်မြောက်ပိုင်းရှိ ခိုင်ဘာပတ်တန်ခွာပြည်နယ်၌ မိုးသည်း ထန်စွာရွာသွန်းမှုနှင့် ဆက်စပ်ဖြစ်ပွားသည့် သဘာဝဘေးများကြောင့် ၄၈ နာရီအတွင်း လူပေါင်း ၃၀၇ ဦးသေဆုံးကြောင်း သဘာဝဘေးအန္တရာယ်စီမံခန့်ခွဲရေး အာဏာပိုင်အဖွဲ့က ဩဂုတ်လ ၁၆ ရက်တွင် ထုတ်ပြန်ထားသည်။သေဆုံးသူများအနက်  ၉၀ ဒသမ ၆ ရာခိုင်နှုန်းသည်    ရုတ်တရက်ရေကြီးမှုကြောင့်  သေဆုံးရခြင်းဖြစ်ကြောင်း၊ ၆ ဒသမ ၄ ရာခိုင်နှုန်းသည် ခေါင်မိုးများပြိုကျမှုကြောင့်ဖြစ်ကြောင်း ထုတ်ပြန်ချက်တွင် ဆက်လက်ဖော်ပြထားသည်။ပြည်နယ်အတွင်းရှိ    ခရိုင် ၁၁ ခုတွင် မိုးများသည်းထန်စွာ ရွာသွန်းခြင်း၊ ရေကြီးမှုဖြစ်ပွားခြင်း၊ မိုးကြိုးပစ်ခြင်းများကြောင့် ပျောက်ဆုံးသူအများအပြား ရှိနေကြောင်းနှင့်  ပျက်စီးဆုံးရှုံးမှုများသည်လည်း ကြီးမားကြောင်း ကယ်ဆယ်ရေးအဖွဲ့များကပြောသည်။အဆိုပါပျက်စီးမှုများအောက်၌ ပိတ်မိနေသူများစွာ ရှိနေကြောင်း၊ အချို့ပျောက်ဆုံးသူများမှာ ရေစီးဖြင့်မျောပါ သွားသူများဖြစ်ကြောင်း၊ ကယ်ဆယ်ရေးအဖွဲ့များက ဒဏ်ရာရရှိသူများကို ကယ်ဆယ်ရေး၊ သေဆုံးသူများ၏  အလောင်းများကို ဆယ်ယူရေးလုပ်ငန်းများ ဦးစားပေး ဆောင်ရွက်နေကြောင်းနှင့်     မြေပြင်၌လက်ရှိအခြေအနေသည်  အရေးပေါ်အခြေအနေ ဖြစ်ပေါ်နေကြောင်း ကယ်ဆယ်ရေးအဖွဲ့များ၏ ထုတ်ပြန်ချက်တွင် ဖော်ပြထားသည်။ပါကစ္စတန်နိုင်ငံ၌  မုတ်သုံစတင်ဝင်ရောက်သည့်    ဇွန်လ ၂၆ ရက်မှစ၍ သဘာဝဘေးများကြောင့် နိုင်ငံတစ်ဝန်းတွင်သေဆုံးသူ ၆၃၄ ဦးနှင့် ဒဏ်ရာရရှိသူ ၇၆၈ ဦးရှိပြီဖြစ်ကြောင်း၊ ထိုသို့သေဆုံးသူများတွင် ခိုင်ဘာပတ်တန်ခွာပြည်နယ်က သေဆုံးသူ ၃၇၈ ဦးဖြင့်  အများဆုံးဖြစ်ကြောင်း သိရသည်။MWD
တနင်္ဂနွေနေ့, 17-သြဂုတ်လ-2025
အိန္ဒိယနှင့်ပါကစ္စတန်တွင် ရုတ်တရက်ရေကြီးမှုကြောင့် လူပေါင်း ရာနှင့်ချီ သေဆုံး
အိန္ဒိယနှင့်ပါကစ္စတန်တွင် ရုတ်တရက်ရေကြီးမှုကြောင့် လူပေါင်း ရာနှင့်ချီ သေဆုံး
အိန္ဒိယနှင့် ပါကစ္စတန်နိုင်ငံတို့တွင် သောကြာနေ့ (ဩဂုတ် ၁၅) က ပြင်းထန်သောမိုးရွာသွန်းမှုနှင့် ရုတ်တရက်ရေကြီးမှုများကြောင့် လူဦးရေ ၂၈၀ ကျော် သေဆုံးပြီး ရာနှင့်ချီကာ ပျောက်ဆုံးနေကြောင်း နှစ်နိုင်ငံမှ အရာရှိများက ထုတ်ပြန်ခဲ့သည်။ ကယ်ဆယ်ရေးတပ်ဖွဲ့များက နှစ်နိုင်ငံရှိ တောင်တန်းဒေသ ခရိုင်နှစ်ခုမှ လူ ၁,၆၀၀ ခန့်ကို အောင်မြင်စွာ ရွှေ့ပြောင်း နိုင်ခဲ့သည်။ဩဂုတ်လ ၁၅ ရက်နေ့တွင် ဖြစ်ပွားခဲ့သော ရေကြီးမှုမတိုင်မီ အိန္ဒိယ၏ ဂျမူးနှင့် ကက်ရှ်မီးယား ပြည်နယ်တွင် ၁၄ ရက်နေ့က မိုးသည်းထန်စွာ ရွာသွန်းမှုကြောင့် Chasoti ကျေးရွာ၌ လူ ၄၆ ဦး သေဆုံးကာ ပျက်စီးမှုများ အမြောက်အမြားဖြစ်ပွားခဲ့ကြောင်း PTI သတင်းဌာနက ဖော်ပြခဲ့သည်။ ဂျမူးနှင့် ကက်ရှ်မီးယား ဝန်ကြီးချုပ် Omar Abdullah က သောကြာနေ့ တွင် သေဆုံးသူအရေအတွက်ကို ၆၀ အထိမြင့်တက်လာကြောင်း ထုတ်ပြန် ခဲ့ပြီး လူ ၇၅ ဦးခန့် ပျောက်ဆုံးနေသေးကြောင်း ဖော်ပြခဲ့သည်။ရုတ်တရက်ရွာသွန်းခဲ့သည့် မိုးသည်းထန်မှုများကြောင့် ရေကြီးမှုသည် မြောက်ဘက်နှင့် အနောက်မြောက်ဘက်သို့ အလျင်အမြန် ပျံ့နှံ့ကာ ပါကစ္စတန်နိုင်ငံအတွင်းသို့ ဝင်ရောက်ခဲ့သည်။ AP သတင်းတွင် ဖော်ပြချက် အရ အဆိုပါအခြေအနေသည် များစွာသောပျက်စီးမှုများကို ဖြစ်ပေါ်စေ ခဲ့ပြီး ဒါဇင်ချီ၍ ဒဏ်ရာရရှိခဲ့ပြီး ထောင်နှင့်ချီကာ အိုးမဲ့အိမ်မဲ့ ဖြစ်ခဲ့ ရသည်။ အထူးသဖြင့် ပါကစ္စတန်၏ Khyber Pakhtunkhwa ပြည်နယ် တွင် အခြေအနေဆိုးရွားခဲ့သည်။ Khyber Pakhtunkhwa ပြည်နယ်ရှိ အရေးပေါ်ဝန်ဆောင်မှုဌာန ပြောရေးဆိုခွင့်ရှိသူတစ်ဦးက ကယ်ဆယ်ရေး အဖွဲ့များသည် ဒေသတွင်း ရုတ်တရက်ရေကြီးမှုနှင့် မြေပြိုမှုများကြောင့် ပိတ်မိနေသော ခရီးသွား ၂,၀၀၀ ကျော်ကို ကယ်တင်ရန် နာရီပေါင်း များစွာ ကြိုးပမ်းခဲ့ကြရသည်ဟု ဆိုသည်။ ပါကစ္စတန်ဝန်ကြီးချုပ် Shehbaz Sharif က ရေကြီးမှုဒဏ်ခံစားနေရသူများနှင့် ခရီးသွားအားလုံးကို အမြန်ဆုံး ရွှေ့ပြောင်းကယ်ဆယ်ရန် အမိန့်ထုတ်ပြန်ခဲ့သည်။အိန္ဒိယနိုင်ငံ၊ ကက်ရှ်မီးယားဒေသ Kishtwar ခရိုင်ရှိ Chasoti ကျေးရွာရှိ ကုန်းမြင့်ပိုင်းတွင်တည်ရှိသော ဟိန္ဒူဘုရားကျောင်း Amarnath Yatra သည် မော်တော်ယာဉ်ဖြင့်သွားရောက်နိုင်သည့် နောက်ဆုံးနေရာဖြစ်ပြီး ဇူလိုင် ၂၅ ရက်မှ စက်တင်ဘာ ၅ ရက်အထိ ခွင့်ပြုမည်ဖြစ်သော နှစ်စဉ် ဘုရားဖူးခရီးစဉ်၏ တစ်စိတ်တစ်ပိုင်းဖြစ်သည်။ အရာရှိများက ဘုရားဖူး ခရီးသွားလာခွင့်ကို ယာယီရပ်ဆိုင်းထားကြောင်း ကြေညာခဲ့သည်။ဤသည်မှာ ဟိမဝန္တာဒေသတွင် လွန်ခဲ့သည့် သီတင်းနှစ်ပတ်အတွင်း ဖြစ်ပွားခဲ့သော ဒုတိယမြောက် ပြင်းထန်သည့် အရေးပေါ် အခြေအနေ ဖြစ်သည်။ ယခင်က ဩဂုတ် ၅ ရက်တွင် မိုးသည်းထန်စွာ ရွာသွန်းမှုကြောင့် ဖြစ်ပေါ်လာသော ရုတ်တရက်ရေကြီးမှုများက အိန္ဒိယနိုင်ငံ မြောက်ပိုင်း Uttarakhand ပြည်နယ်ရှိ ကျေးရွာတစ်ခုကို ပျက်စီးစေခဲ့သည်။ ဒေသခံ အာဏာပိုင်များ၏ ထုတ်ပြန်ချက်အရ လူ ၅ ဦး သေဆုံးခဲ့ပြီး ၁,၁၂၆ ဦးကို ဘေးသင့်ဒေသမှ ကယ်တင်နိုင်ခဲ့သည်။ နီပေါနိုင်ငံသား ၂၄ ဦး အပါအဝင် အနည်းဆုံး ၆၈ ဦးမှာ ပျောက်ဆုံးနေဆဲဖြစ်သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
တနင်္ဂနွေနေ့, 17-သြဂုတ်လ-2025
အိန္ဒိယနိုင်ငံ ကက်ရှမီးယားဒေသ၌ ရုတ်တရက်မိုးသည်းထန်စွာ ရွာသွန်းမှုကြောင့် အနည်းဆုံးလူ ၄၀ သေဆုံးပြီး ၂၂၀ ကျော်ပျောက်ဆုံးနေ
အိန္ဒိယနိုင်ငံ ကက်ရှမီးယားဒေသ၌ ရုတ်တရက်မိုးသည်းထန်စွာ ရွာသွန်းမှုကြောင့် အနည်းဆုံးလူ ၄၀ သေဆုံးပြီး ၂၂၀ ကျော်ပျောက်ဆုံးနေ
အိန္ဒိယနိုင်ငံ   ကက်ရှမီးယားဒေသ၌ ရုတ်တရက်မိုးသည်းထန်စွာရွာသွန်းမှုကြောင့် ရေကြီးမှုများ ဖြစ်ပွားရာ အနည်းဆုံးလူ ၄၀ သေဆုံးပြီး ၁၂၀ ကျော်ဒဏ်ရာရရှိထားကာ ၂၂၀ ကျော် ပျောက်ဆုံးနေကြောင်း တာဝန်ရှိသူများက ပြောသည်။ကက်ရှမီးယားဒေသ ကစ်ရှဝါခရိုင်မှချိုဆီတီအမည်ရှိ တောင်ပေါ်ကျေးရွာ၌ဩဂုတ်လ ၁၄ ရက်တွင် မိုးသည်းထန်စွာ ရွာသွန်းမှုဖြစ်ပွားခြင်းဖြစ်ပြီး ထိုမိုးရွာသွန်းမှုကြောင့် ရုတ်တရက်ရေကြီးကာ များစွာ ပျက်စီးဆုံးရှုံးခဲ့ရကြောင်းနှင့်ကယ်ဆယ်ရေး သမားများက အသက်ရှင်နိုင်ဖွယ်ရှိသူများကို ရှာဖွေကယ်ဆယ်မှုများ လုပ်ဆောင်နေသည်။ လက်ရှိအချိန်တွင် အသက်ရှင်ကျန်ရစ်သူ ၃၅ ဦးကျော်ကို ကယ်ဆယ်ထားနိုင်သည်ဟု  တာဝန်ရှိသူများက ပြောသည်။အဆိုပါ သဘာဝဘေးသည် ဘုရားဖူး ခရီးသွားများ တစ်ထောက်နားရပ်လုပ်နေကျ လမ်းကြောင်းပေါ်တွင်  ဖြစ်ပွားခြင်းဖြစ်ပြီး ရုတ်တရက်ရေကြီးစဉ် ကျေးရွာ၏စားဖိုဆောင်နှင့် လုံခြုံရေးဂိတ်တစ်ခု တို့သည်လည်း ရေစီးနှင့်အတူမျောပါသွားသည်။ရုတ်တရက်ရေကြီးမှု ဖြစ်ပွားစဉ် စားဖိုဆောင်၌ ဘုရားဖူးများစွာ ဝင်ရောက်ခိုနားပြီး    နေ့လယ်စာ စားနေသောကြောင့် ရေစီးနှင့်အတူမျောပါသွားသူ ရာပေါင်းများစွာရှိလာခြင်း ဖြစ်သည်။ဥတ္တရခန်းပြည်နယ်ရှိ ဟိမဝန္တာဒေသ၌ ရွာလုံးကျွတ်ရေကြီးမှုနှင့် မြေပြိုမှုများဖြစ်ပွားပြီးနောက် ရက်အနည်းငယ်အတွင်း ယခုကဲ့သို့ သဘာဝဘေးဖြစ်ပွားခြင်း ဖြစ်သည်။ဟိမဝန္တာဒေသ၌ ယခုကဲ့သို့နေရာကွက်၍ ရုတ်တရက်မိုးသည်းထန်စွာ ရွာသွန်းခြင်းသည် ဖြစ်လေ့ဖြစ်ထရှိကြောင်း၊ ယင်းကဲ့သို့မိုးသည်းထန်စွာ ရွာသွန်းမှုနှင့်အတူ ရေကြီးမှုများနှင့် မြေပြိုမှုများလည်း ဖြစ်ပွားလေ့ရှိကြောင်း၊ ပြီးခဲ့သည့်နှစ်များတွင် ရာသီဥတုပြောင်းလဲမှုကြောင့်  ရုတ်တရက် မိုးသည်းထန်စွာ ရွာသွန်းမှုများ  ပိုမိုဖြစ်ပေါ်လာခြင်း ဖြစ်ကြောင်း သိရသည်။     Ref: AGCMWD
သောကြာနေ့, 15-သြဂုတ်လ-2025
© Copyright 2024 SAC All Rights Reserved.