မလေးရှားနိုင်ငံ၏ လုပ်သားကုန်ထုတ်စွမ်းအား ပထမ သုံးလပတ်၌ အနည်းငယ် မြင့်တက်

saceditor

News Image

  • မလေးရှားနိုင်ငံ၏ လုပ်သားကုန်ထုတ်စွမ်းအား ပထမ သုံးလပတ်၌ အနည်းငယ် မြင့်တက်

မလေးရှားနိုင်ငံ၌ ၂၀၂၅ ခုနှစ်၊ ပထမ ၃ လပတ်တွင် လုပ်သား ကုန်ထုတ်စွမ်းအားသည် တစ်နာရီလျှင် ၄၂.၅ ရင်းဂစ် (၉.၉၈ ဒေါ်လာ) ရှိပြီး ယခင်နှစ်နှင့် နှိုင်းယှဉ်ပါက ၁% တိုးတက်လာကြောင်း အစိုးရ၏ တရားဝင် အချက်အလက်များအရ သိရသည်။ (၁ ရင်းဂစ် = ၀.၂၃ ဒေါ်လာ)

မလေးရှားနိုင်ငံ စာရင်းအင်းဌာန (DOSM) ၏ ထုတ်ပြန်ချက်အရ နိုင်ငံ့ စီးပွားရေးသည် ၂၀၂၄ ခုနှစ်၊ စတုတ္ထ ၃ လပတ်၌ ၄.၉ % ဖြစ်ပြီး ၂၀၂၅ ခုနှစ် ပထမ ၃ လပတ်တွင် ၄.၄ %သို့ ကျဆင်းသွားပါကြောင်း၊ စုစုပေါင်း အလုပ်လုပ်ချိန်သည် ၃.၃% တိုးတက်ကာ ၉.၈ ဘီလီယံ နာရီ ဖြစ်သည်။

DOSM ၏ ပြောကြားချက်အရ ၂၀၂၅ ခုနှစ်၊ ပထမ ၃ လပတ်တွင် အလုပ်လုပ်ကိုင်သူ စုစုပေါင်းအရေအတွက်သည် ၁၆.၉ သန်း ရှိပြီး ယခင်နှစ်နှင့် နှိုင်းယှဉ်ပါက ၃ % တိုးတက်ခဲ့သည်။ ထို့အပြင် အလုပ်အကိုင်တစ်ခုစီ၏ ထုတ်လုပ်နိုင်စွမ်းသည် ၁.၃ % တိုးတက်ကာ တစ်ဦးလျှင် ထပ်ဆင့်တိုး ထုတ်လုပ်မှုတန်ဖိုးမှာ ၂၄,၅၈၀ ရင်းဂစ် အထိ ရှိခဲ့သည်။

ထို့အပြင်၊ ယခု ၃ လပတ်အတွင်း အလုပ်ချိန် ၁ နာရီအတွက် ထပ်ဆင့်တိုးတန်ဖိုးမြင့် ထုတ်လုပ်နိုင်စွမ်းတိုင်းတာချက်အရ လုပ်သားကုန်ထုတ်စွမ်းအားမှာ ဆောက်လုပ်ရေးကဏ္ဍတွင် တိုးတက်မှုနှုန်း ၁၁.၃ %၊ ထုတ်လုပ်မှုကဏ္ဍတွင် ၂.၈ % တိုးတက်လာခဲ့သည်။

ရေရှည်တည်တံ့ခိုင်မြဲသော လုပ်သားဈေးကွက် တိုးတက်မှု၊ စီးပွားရေးလုပ်ငန်းတိုးတက်မှု နှင့် လူ့စွမ်းအားအရင်းအနှီးတို့ အားကောင်းလာပါက မလေးရှားနိုင်ငံ၏ လုပ်သားထုတ်လုပ်နိုင် စွမ်းအားသည် အလုပ်သမားဈေးကွက် ပြုပြင်ပြောင်းလဲမှုနှင့် စီးပွားရေးမတည်ငြိမ်မှုများအကြား ခံနိုင်စွမ်းရှိသည့် အပြုသဘောဆောင်စွာ ရပ်တည်လျက်ရှိကြောင်း DOSM မှ ပြောကြားခဲ့သည်။

ထို့ကြောင့် လုပ်သားစွမ်းအား ထိရောက်မှုကို မြှင့်တင်ရန်အတွက် ဗျူဟာကျသည့် အကောင်အထည်ဖော်မှုများနှင့် လုပ်သားအင်အား ဖွံ့ဖြိုးတိုးတက်ရေးတို့သည် အရေးကြီးသည်ဟု ဖြည့်စွက်ပြောကြားခဲ့သည်။ 

ကိုးကား- ဆင်ဟွာ

Photo: KL Property

ဘာသာပြန်ဆိုသူ- ဒေါ်ငြိမ်းဆုသာ၊ ဦးစီးအရာရှိ၊ နစက

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

6G နည်းပညာသုံး အီလက်ထရွန်နစ်လက်နက် အဆင့်မြင့်ရေဒါကိုတောင် ရှောင်ကွင်းနိုင်
6G နည်းပညာသုံး အီလက်ထရွန်နစ်လက်နက် အဆင့်မြင့်ရေဒါကိုတောင် ရှောင်ကွင်းနိုင်
အီလက်ထရွန်နစ်စစ်ဆင်ရေးဆိုတာ အနာဂတ်စစ်ပွဲတွေမှာမရှိ မဖြစ်ပါဝင်လာမယ့် စစ်ဆင်ရေးတစ်မျိုး ဖြစ်ပါတယ်။ အဲဒီစစ်ဆင်ရေးက အင်မတန်မှလည်း အဆင့်မြင့်မားပြီး ထိရောက်မှုပမာဏကလည်း ပြင်းထန်လွန်းပါတယ်။အခုတရုတ်နိုင်ငံမှသိပ္ပံပညာရှင်များက 6G ဆက်သွယ်ရေးနည်းပညာကိုအသုံးပြုထားတဲ့ အီလက်ထရွန်နစ်စစ်ဆင်ရေး လက်နက်စနစ်တစ်မျိုးကို ဖန်တီးတီထွင်လိုက်ပါတယ်။ ဒီလက်နက်စနစ်က လက်ရှိအသုံးပြုနေတဲ့ ခေတ်မီစစ်သုံးရေဒါများထက် ပိုမိုစွမ်းအားပြင်းတယ်လို့ တီထွင်သူများက ပြောပါတယ်။တရုတ်နိုင်ငံဆိုတာ 6G နည်းပညာမှာ ကမ္ဘာ့ထိပ်တန်းသို့ရောက်ရှိနေတဲ့နိုင်ငံကြီးတစ်ခုဖြစ်ပါတယ်။ South China Morning Post သတင်းဌာနရဲ့ထုတ်ပြန်ချက်အရဆိုရင် တရုတ်နိုင်ငံက 6G နည်းပညာနဲ့ပတ်သက်လို့ မူပိုင်ခွင့်အများဆုံးတင်ထားတဲ့နိုင်ငံတစ်ခုဖြစ်တယ်လို့သိရပါတယ်။အခု 6G နည်းပညာသုံး လက်နက်စီမံကိန်းကို တရုတ်နိုင်ငံရှိ ဟွကျောင်းသိပ္ပံ နှင့်နည်းပညာတက္ကသိုလ်မှ ပါမောက္ခတိန့်လိုင်ဦးဆောင်တဲ့ ပညာရှင်များက ဖန်တီးထားတာဖြစ်ပြီး မထင်ရလောက်အောင် များပြားတဲ့ ဆက်သွယ်ရေးစွမ်းဆောင်ရည်များနဲ့လှိုင်းနှုန်းဖျက်နိုင်စွမ်း၊ လှိုင်းနှုန်းဖျက်မှုမှ ရှောင်ကွင်းနိုင်စွမ်းတို့ရှိတယ်လို့ ကုမ္ပဏီကထုတ်ပြန်ထားပါတယ်။ဒါ့အပြင် ဒီစနစ်က Northrop Gru-mman ရဲ့ AN/APG-85 အဆင့်မြင့်ရေဒါ စနစ်ကို အဓိကပစ်မှတ် ထားတယ်လို့ဆို ပါတယ်။ အဲဒီရေဒါစနစ်ကို F-35 ကိုယ်ပျောက်တိုက်လေယာဉ်မှာ အသုံးပြုထားတာပါ။ ဒီစနစ်က ၁၂ ဂစ်ဂါဟတ်အထိရှိတဲ့ လှိုင်းနှုန်းများနဲ့ X-band မှာ အသုံးပြုထားတာဖြစ်ပါတယ်။ရေဒါရှောင်ကွင်းနိုင်တဲ့စွမ်းဆောင်ရည်ပိုင်းမှာဆိုရင်လည်း ဒီစနစ်က ရန်သူ့လေယာဉ်မှူးများကို စိတ်ရှုပ်ထွေးစေမယ့် ပစ်မှတ်အတုပေါင်း ၃၆၀၀ ကျော်ကိုဖန်တီးပေးနိုင်စေပါတယ်။ သူ့မှာရှိတဲ့ တခြားစွမ်းဆောင်ရည်တွေထဲမှာ မြေပြင်အခြေ ပြုလှိုင်းနှုန်းဖျက်စနစ်၊ မြန်နှုန်းမြင့်ဆက်သွယ်ရေး ဗဟိုချက်၊ ဖန်ကြိုးမျှင်လေးတွေကနေတစ်ဆင့် သက်ဆိုင်ရာဆက်စပ်ကိရိယာပေါင်း ၃၀၀ ကျော်ဆီကို အလွန်များပြားလှတဲ့ တိုက်ပွဲသတင်းအချက်အလက်တွေပေးပို့သူအဖြစ် တာဝန်ထမ်းဆောင်နိုင်ခြင်း ပါဝင်ပါတယ်။တရုတ်သိပ္ပံပညာရှင်များက သူတို့ရဲ့ နည်းပညာအဆင့်မြှင့်တင်နိုင်ဖို့အတွက် ဖိုတွန်နဲ့အီလက်ထရွန်တို့ကို ပေါင်းစပ်ပြီး မိုက်ခရိုဝေ့ဖိုတွန်နစ်စနစ်ကိုဖန်တီးကာအီလက်ထရွန်နစ်ရဲ့ကန့်သတ်ချက်တွေကို ကျော်လွှားသွားတာဖြစ်ပါတယ်။သမားရိုးကျစနစ်တွေက လုပ်ငန်းတစ်ခုတည်းကိုသာ အာရုံစိုက်လုပ်ဆောင်နိုင်ပေမယ့် အခုစနစ်ကတော့ အာရုံခံခြင်း၊ ခွဲခြမ်းစိတ်ဖြာခြင်းနဲ့ ထုတ်လွှင့်ခြင်းဆိုတဲ့လုပ်ငန်းတွေကို စွမ်းအင်ပမာဏအနည်းဆုံး အသုံးပြုပြီး ပေါင်းစပ်လုပ်ဆောင်နိုင်စွမ်းရှိတာဖြစ်ပါတယ်။သုတေသနပညာရှင်များရဲ့လေ့လာတွေ့ရှိချက်အရဆိုရင် အလွန်မြင့်မားလှတဲ့ဆက်သွယ်ရေး အမြန်နှုန်းနဲ့ လှိုင်းနှုန်း ဖိဖျက်မှုစွမ်းရည်တွေကို တစ်ချိန်တည်း တစ်ပြိုင်တည်းရရှိစေနိုင်မယ့် ကမ္ဘာ့ပထမဆုံးသော   အတည်ပြုနိုင်တဲ့စနစ်တစ်ခု ဖြစ်တယ်လို့ဆိုနိုင်ပါတယ်။နောက်တစ်ခုက 6G နည်းပညာကိုတိုးတက်ထွန်းကားအောင် ဖန်တီးနိုင်ခြင်းက ဆက်သွယ်ရေးစနစ်၊ ရေဒါစနစ်နဲ့ အီလက်ထရွန်နစ်စစ်ဆင်ရေးစနစ်တို့ရဲ့လုပ်ဆောင်ချက်တွေကို တစ်နေရာတည်းမှာ ပေါင်းဆုံမိစေတာဖြစ်တယ်လို့ Acta Optica Sin-ica ဂျာနယ်မှာ သုတေသနပညာရှင်များက ရေးသားဖော်ပြ ထားတာ တွေ့ရှိရပါတယ်။                          Ref: IEကိုထက်MWD Web Portalနည်းပညာသတင်း
Thu, 19-Jun-2025
ဟွန်ဒါက ပြန်သုံးနိုင်သော ဒုံးပျံကို အောင်မြင်စွာစမ်းသပ်နိုင်
ဟွန်ဒါက ပြန်သုံးနိုင်သော ဒုံးပျံကို အောင်မြင်စွာစမ်းသပ်နိုင်
ဂျပန်နိုင်ငံမှ ဟွန်ဒါကုမ္ပဏီဆိုတာ မော်တော်ကားတွေ၊ ဆိုင်ကယ်တွေ၊ အင်ဂျင်တွေကိုသာထုတ်လုပ်တဲ့ ကုမ္ပဏီကြီးတစ်ခုဖြစ်ပါတယ်။ အခုသူတို့ကုမ္ပဏီက လူအများအံ့ဩသွားစေမယ့်လုပ်ဆောင်ချက်တစ်ခုကို ထုတ်ဖော်ပြသလိုက်ပါတယ်။အဲဒါကတော့ ပြန်သုံးနိုင်တဲ့ ဒုံးပျံကိုလက်တွေ့အောင်မြင်စွာစမ်းသပ်လိုက်နိုင်တာပါ။ သူတို့ရဲ့စမ်းသပ်မှုမှာ ဒုံးပျံကိုလွှတ်တင်မှုနဲ့ အဲဒီဒုံးပျံက အောင်မြင်စွာပြန်လည်ဆင်းသက်မှုတို့ပါဝင်ပါတယ်။ ဒီလိုမျိုးစမ်းသပ်မှုက ဟွန်ဒါကုမ္ပဏီအနေနဲ့ပထမဆုံးအကြိမ်ဖြစ်ပြီး ပထမဆုံးသော အောင်မြင်မှုလည်းဖြစ်ပါတယ်။ဟွန်ဒါကုမ္ပဏီက ပြန်သုံးနိုင်တဲ့ဒုံးပျံကို ကိုယ်ပိုင်နည်းပညာနဲ့ ကိုယ်တိုင်ဖန်တီး ထုတ်လုပ်ထားတာပါ။ အလျားအားဖြင့် ၂၀ ဒသမ ၆ ပေ၊ အချင်းက ၃၃ ဒသမ ၄ လက်မနဲ့ အလေးချိန်က ၁၉၈၄ ပေါင်ရှိပါတယ်။ ရှေ့ပြေးပုံစံဖြစ်တဲ့ အဲဒီစမ်းသပ်ဒုံးပျံက အမြင့်ပေ ၈၈၉ ပေအထိကိုတက်သွားပြီး မြေပြင်ကို မတိမ်းမစောင်းဘဲပြန်ဆင်းသက်နိုင်တာပါ။ ဒါဟာအနာဂတ်ရဲ့ အာကာသနည်းပညာဖွံ့ဖြိုးတိုးတက်မှုမှာ တစ်စိတ်တစ်ပိုင်းအနေနဲ့ပါဝင်လာမှာဖြစ်ပါတယ်။                         Ref: IEကိုထက်နည်းပညာသတင်းMWD Web Portal
Thu, 19-Jun-2025
ကျင်ငယ်ရည်ဖြင့် သွားတု၊ အရိုးတုများကိုဖန်တီးနိုင်
ကျင်ငယ်ရည်ဖြင့် သွားတု၊ အရိုးတုများကိုဖန်တီးနိုင်
မိမိတို့ခန္ဓာကိုယ်မှထွက်ရှိတဲ့ ကျင်ငယ်ရည်ကို စွန့်ပစ်ပစ္စည်းအဖြစ်သာသတ်မှတ်ထားပေမယ့် တကယ်တမ်း သုတေသနပြုမှုတွေနဲ့အတူ အသုံးပြုတတ်မယ်ဆိုရင် တန်ဖိုးကြီးမား လှတဲ့အရာတွေကို ဖန်တီးပေးနိုင်စေမယ့်အရာဖြစ်ပါတယ်။အဲဒါတွေထဲမှာဆေးဘက်ဆိုင်ရာအသုံးပြုနိုင်တဲ့ပစ္စည်းများလည်း ပါဝင်ပါတယ်။ကယ်လီဖိုးနီးယားတက္ကသိုလ်မှ သုတေသနပညာရှင်များက တခြားအမေရိကန်၊ ဂျပန်ပညာရှင်များနဲ့ ပူးပေါင်းပြီး ကျင်ငယ်ရည်ကို ဟိုက်ဒရောဆီယာပတ်တိုက်သို့ ပြောင်းလဲပေးမယ့် တဆေးအတုစနစ်ကို ဖန်တီးလိုက်နိုင်ပါတယ်။ ဟိုက်ဒရောဆီ ယာပတ်တိုက်ဆိုတာ သွားတုတွေ၊ အရိုး တုတွေထုတ်လုပ်ရာ၊ ရှေးဟောင်းပစ္စည်း တွေကို တူးဖော်ထိန်းသိမ်းရာနဲ့ ဇီဝနည်းအရဆွေးမြည့်နိုင်တဲ့အရာတွေဖန်တီးရာမှာ ကျယ်ပြန့်စွာအသုံးပြုလျက်ရှိတဲ့ ကယ်ဆီယံဖော့စဖိတ်သတ္တုဖြစ်ပါတယ်။ပညာရှင်များက  အခုတီထွင်လိုက်တဲ့ နည်းပညာဟာ ခဲတစ်လုံးနဲ့ငှက်နှစ်ကောင်ပစ်ခြင်း ဒါမှမဟုတ် တစ်ချိန်တည်းမှာရည်မှန်းချက်နှစ်ခုကိုအောင်မြင်ခြင်းပင်ဖြစ်ပါတယ်။ အကြောင်းရင်းကတော့ တစ်ဖက်မှာ စွန့်ပစ်ပစ္စည်းများကိုအလဟဿမဖြစ်စေခြင်းနဲ့ အခြားတစ်ဖက်မှာတော့ စီးပွားဖြစ်အသုံးပြုနိုင်တဲ့ ကုန်ကြမ်းပစ္စည်းများကို ပြန်လည်ထုတ်လုပ်ပေးနိုင်ခြင်းဖြစ်ပါတယ်။ အခုလိုအသုံးဝင်တဲ့အရာတွေ ထွက်ပေါ်လာစေဖို့အချိန်ယူရတာကတစ်ရက်တာမျှသာဖြစ်တာကြောင့် ငွေကြေးကုန်ကျမှုနဲ့ အချိန်ကြာမြင့်မှုကိုသက်သာစေပါတယ်။                           Ref: IEကိုထက်
Thu, 19-Jun-2025
ဩစတြီးယားနိုင်ငံ အယ်လ်ပ်ရေခဲတောင်တွင် မိုးကြိုးထိမှန်ကာ တောင်တက်သမားသုံးဦး သေဆုံးခဲ့
ဩစတြီးယားနိုင်ငံ အယ်လ်ပ်ရေခဲတောင်တွင် မိုးကြိုးထိမှန်ကာ တောင်တက်သမားသုံးဦး သေဆုံးခဲ့
ဗီယင်နာ ဇွန် ၁၇ဩစတြီးယားနိုင်ငံ၏ ဧရိယာအတွင်းရှိ အယ်လ်ပ်ရေခဲတောင်တွင် ဇွန် ၁၆ ရက်က မိုးသက်လေပြင်းကျရောက်ကာ မိုးကြိုးပစ်မှုကြောင့် မိုးကြိုးထိမှန်၍ တောင် တက်သမားသုံးဦး သေဆုံးမှုဖြစ်ပွားခဲ့ကြောင်း အယ်ပိုင်းရဲတပ်ဖွဲ့ က အတည်ပြုခဲ့သည်ဟု ယနေ့ သတင်းများတွင်ဖော်ပြထားသည်။ အဆိုပါဖြစ်စဉ်ဖြစ်ပွားခဲ့သည့်ဧရိယာသည် ဖလက်ရှ်ကျေးလက် ဒေသဖြင့်နီးကပ်ကာ သေဆုံးသူ သုံးဦးမှာ မိသားစုဝင်များဖြစ်ကြပြီး အသက် ၆၀ အရွယ် ဇနီးမောင်နှံ နှစ်ဦးနှင့် အမျိုးသမီး၏ အစ်ကို ဖြစ်သူ အသက် ၆၂ နှစ်အရွယ် အမျိုးသားတစ်ဦး ဖြစ်ကြောင်း၊ သေဆုံးသူသုံးဦး၏ ရုပ်အလောင်း ကိုလည်း သက်ဆိုင်ရာက လိုအပ် သည်များ စစ်ဆေးပြီးနောက် မိသားစုဝင်များ၏ ဆန္ဒအတိုင်းဆက်လက်ဆောင်ရွက်သွားမည် ဖြစ်ကြောင်း အယ်ပိုင်းရဲတပ်ဖွဲ့က ထုတ်ပြန်ခဲ့သည်။"ဇွန် ၁၆ ရက်က ဖလက်ရှ် ကျေးလက်ဒေသ အနီးမှာရှိတဲ့ အယ်လ်ပ် ရေခဲတောင်တန်းမှာ မိုးသက်လေပြင်း ကျရောက်ခဲ့ပြီး မိုးကြိုးပစ်ခဲ့တယ်။ တောင်တက် သမားသုံးဦးမိုးကြိုးထိမှန်ပြီးတော့ သေဆုံးခဲ့ပါတယ်။ ဖြစ်စဉ်ဖြစ်ပွား ခဲ့တဲ့နေရာကို အယ်ပိုင်းရဲတပ်ဖွဲ့ဝင်တွေ သွားရောက်စစ်ဆေးမှုပြုလုပ် ခဲ့ပါတယ်"ဟု အယ်ပိုင်းရဲတပ်ဖွဲ့မှ  ပြောရေးဆိုခွင့်ရှိသူ ရဲအရာရှိတစ်ဦးက ပြောကြားခဲ့သည်။အဆိုပါအယ်လ်ပ်ရေခဲတောင် သည် တောင်တက်သမားများနှင့် ရေခဲပြင် စကိတ်လျှောစီးသူများ နှစ်စဉ် သွားရောက်သည့် တောင်တန်းဖြစ်ကြောင်း သိရသည်။Ref: Russia TodayTrs: Sai SatPhoto -AOL.com
Wed, 18-Jun-2025
အိန္ဒိယနိုင်ငံတွင် အပူလှိုင်းဖြတ်သန်းမှုနည်းပါးလာပြီး အပူချိန်လျော့ကျကာ မိုးရာသီကာလဝင်ရောက်လာပြီဖြစ်ကြောင်း IMD ထုတ်ပြန်
အိန္ဒိယနိုင်ငံတွင် အပူလှိုင်းဖြတ်သန်းမှုနည်းပါးလာပြီး အပူချိန်လျော့ကျကာ မိုးရာသီကာလဝင်ရောက်လာပြီဖြစ်ကြောင်း IMD ထုတ်ပြန်
နယူးဒေလီ ဇွန် ၁၇ အိန္ဒိယနိုင်ငံတွင် ဇွန်လ အတွင်း အပူလှိုင်းဖြတ်သန်းမှု နည်းပါးလာကာ အပူချိန်ကျဆင်းပြီး ဇွန် ၁၆ ရက်တွင် မိုးစတင် ရွာသွန်းကာ ပုံမှန်အတိုင်းမိုးရာသီ ကာလသို့ ဝင်ရောက်လာပြီဖြစ်ကြောင်း အိန္ဒိယမိုးလေဝသညွှန်ကြားရေးဦးစီးဌာန(IMD)က ထုတ်ပြန်ခဲ့သည်ဟု ယနေ့သတင်းများတွင် ဖော်ပြထားသည်။ယခုတစ်ပတ်အတွင်း အိန္ဒိယနိုင်ငံ အလယ်ပိုင်းတွင် မိုးသည်းထန်စွာရွာသွန်းမည်ဖြစ်ပြီး တောင်သူများအတွက် ရေလိုအပ်နေသည့်ကာလတွင် မိုးရွာသွန်းလာခြင်း ကြောင့် စိုက်ပျိုးရေးကဏ္ဍအတွက် အကျိုးဖြစ်ထွန်းလာစေမည့်အခြေ အနေဖြစ်ကြောင်း၊ စိုက်ခင်းများရေသွင်းခြင်း၊ ရေသိုလှောင်ခြင်း များပြုလုပ်ရမည့်ကာလဖြစ်သည့်အတွက် အချိန်ကိုက်မိုးရွာသွန်းမှု ကြောင့် တောင်သူများအတွက် သတင်းကောင်းဖြစ်ကြောင်း၊ စိုက် ပျိုးရေးကဏ္ဍအတွက်လိုအပ်သော ရေသိုလှောင်မှုကို မိုးရေသိုလှောင်ခြင်းမှ ၇ဝ ရာခိုင်နှုန်းထိ ရယူပြီး မြေအောက်ရေကို ၃၀ ရာခိုင်နှုန်း သာ ရယူသည့်အတွက် မိုးဆက်တိုက်ရွာသွန်းရန် လိုအပ်နေ ကြောင်း၊ လက်ရှိ မိုးရွာသွန်းနေမှုသည် မဟာရက်ရှိသရာပြည်နယ်၊ ဂူဂျာရတ်ပြည်နယ်နှင့် မဇ္ဈပဒေသပြည်နယ်တို့ဖြစ်ပြီး နေရာအနှံ့ မိုးရွာသွန်းနေကြောင်း အိန္ဒိယ မိုးလေဝသညွှန်ကြားရေးဦးစီးဌာန (IMD) က ထုတ်ပြန်ခဲ့သည်။"အိန္ဒိယနိုင်ငံအတွင်း အပူလှိုင်းဖြတ်သန်းမှုတွေ နည်းပါးသွားပါပြီ။ အပူချိန်တွေလဲ ကျဆင်းလာပြီး မဟာရက်ရှိသရာပြည်နယ်လိုမျိုး အလယ်ပိုင်းပြည်နယ် တွေမှာ မိုးရွာသွန်းမှုတွေ စတင်နေပြီဖြစ်ပြီး ပုံမှန်အတိုင်း မိုးရာသီကာလကို ဝင်ရောက်လာပြီဖြစ်ပါတယ်”ဟု အိန္ဒိယမိုးလေဝသ ညွှန်ကြားရေးဦးစီးဌာန(IMD) မှ မိုးလေဝသ ခန့်မှန်းတိုင်းတာရေး ပညာရှင်တစ်ဦးက ပြောကြားခဲ့ကြောင်း သိရသည်။ Ref: Sputnik NewsTrs: Sai Sat
Wed, 18-Jun-2025
အမေရိကန်နိုင်ငံတွင် ရုပ်ကြွင်းလောင်စာ ကုမ္ပဏီများကို ဥပဒေအရ ဖိအားပေးနေမှုကို ရပ်တန့်တော့မည်ဖြစ်
အမေရိကန်နိုင်ငံတွင် ရုပ်ကြွင်းလောင်စာ ကုမ္ပဏီများကို ဥပဒေအရ ဖိအားပေးနေမှုကို ရပ်တန့်တော့မည်ဖြစ်
ဝါရှင်တန် ဇွန် ၁၇အမေရိကန်နိုင်ငံတွင် ရုပ်ကြွင်းလောင်စာကုမ္ပဏီများကို ဥပဒေလမ်းကြောင်းအရ ဖိအားပေးနေမှုကို ရပ်တန့်သွားမည်ဖြစ်ကြောင်း သဘာဝပတ်ဝန်းကျင်ထိန်းသိမ်းရေးအေဂျင်စီ(EPA)က ထုတ်ပြန်ခဲ့သည်ဟု ယနေ့သတင်းများတွင် ဖော်ပြထားသည်။ရာသီဥတုဖောက်ပြန်မှု ထိန်းချုပ်ရေးစီမံချက်များအရ ဖန်လုံအိမ်အာနိသင်ဓာတ်ငွေ့များ ထုတ်လွှတ်မှုကို လျှော့ချရန်အတွက် ရုပ်ကြွင်းလောင်စာ ထုတ်လုပ် သည့်ကုမ္ပဏီများကို ဥပဒေစည်းမျဉ်းများဖြင့် ကန့်သတ်ထိန်းချုပ်မှုများ ပြုလုပ်ခဲ့ကြောင်း၊ သဘာ၀ပတ်ဝန်းကျင်ထိန်းသိမ်းရေးအေဂျင်စီ(EPA)က ရုပ်ကြွင်း လောင်စာထုတ်လုပ်သည့်ကုမ္ပဏီများကို သဘာဝပတ်ဝန်းကျင် ထိန်းသိမ်းရေး ဥပဒေများဖြင့် ကန့်သတ်ထိန်းချုပ်မှုများကို အဓိက ပြုလုပ်ခဲ့ခြင်းဖြစ်ကြောင်း သိရသည်။သို့သော်လည်း စီးပွားရေး ကဏ္ဍနှင့် စက်မှုဇုန်ကဏ္ဍတို့ အတွက် အရေးပါသည့်ရုပ်ကြွင်း လောင်စာများ ထုတ်လုပ်မှုလျော့ ကျလာသည့်အတွက် သမ္မတဒေါ်နယ်ထရမ့်အနေဖြင့် ရုပ်ကြွင်း လောင်စာကုမ္ပဏီများကို ဥပဒေ ဖြင့် ကန့်သတ်ထိန်းချုပ်မှုများကို ဖြေလျှော့ရန်အတွက် EPA ကို ညွှန် ကြားခဲ့ကြောင်း သိရသည်။"ပြီးခဲ့တဲ့အစိုးရအဖွဲ့က ရေနံ နဲ့ သဘာဝဓာတ်ငွေ့နယ်ပယ်ကို အဓိက ပစ်မှတ်ထားပြီးတော့ သဘာဝပတ်ဝန်းကျင်ထိန်းသိမ်း ရေးဥပဒေတွေကို ပြဋ္ဌာန်းခဲ့တယ်။ ဒီဥပဒေတွေကြောင့် ပြည်သူတချို့ အလုပ်အကိုင် အခွင့်အလမ်းတွေ ဆုံးရှုံးခဲ့ရတယ်။ လက်ရှိ EPA အနေနဲ့ ဒီဥပဒေစည်းမျဉ်းတွေ အတိုင်း လိုက်ပါလုပ်ဆောင်နေ ရတယ်။ ရေနံနဲ့ သဘာဝဓာတ်ငွေ့ တူးဖော်ရေး လုပ်ကွက်တွေမှာ စစ်ဆေးမှုတွေ၊ ဖိအားပေးမှုတွေ လုပ်နေဆဲဖြစ်ပါတယ်။ ဒါပေမဲ့လဲ စီးပွားရေးကဏ္ဍနဲ့ စက်မှုကုန်ထုတ် လုပ်မှုကဏ္ဍအတွက် ရုပ်ကြွင်း လောင်စာကုမ္ပဏီတွေကို ဥပဒေ လမ်းကြောင်းအရ ဖိအားပေးတာ တွေကို ရပ်တန့်တော့မှာဖြစ်ပါ တယ်"ဟု သဘာဝပတ်ဝန်းကျင် ထိန်းသိမ်းရေးအေဂျင်စီ(EPA) မှ ပြောရေးဆိုခွင့်ရှိသူတစ်ဦးက ပြော ကြားခဲ့သည်။Ref: Sputnik NewsTrs: Sai SatYDNB NewspaperPhoto - The Guardian
Wed, 18-Jun-2025
© Copyright 2024 SAC All Rights Reserved.