ငလျင်ကြောင့် ပျက်စီးသွားသည့်မီတာများ အခမဲ့ ပြန်လည် တပ်ဆင်ပေးမည်

saceditor

News Image

  • ငလျင်ကြောင့် ပျက်စီးသွားသည့်မီတာများ အခမဲ့ ပြန်လည် တပ်ဆင်ပေးမည်

မန္တလေးငလျင်ကြီးကြောင့် ပျက်စီးသွားသည့် စစ်ကိုင်းမြို့မှ မီတာများကို သေချာစွာ စာရင်းကောက်ယူထားပြီး လုံးဝပျက်စီးသွားတဲ့ မီတာများကို အခမဲ့ ပြန်လည်တပ်ဆင်ပေးသွားမည်ဟု စစ်ကိုင်းတိုင်းဒေသကြီး လျှပ်စစ်ဓာတ်အားဖြန့်ဖြူးရေးလုပ်ငန်းမှ သိရသည်။

စစ်ကိုင်းတိုင်းဒေသကြီး လျှပ်စစ်ဓာတ်အားဖြန့်ဖြူးရေးလုပ်ငန်းမှ တာဝန်ရှိသူတစ်ဦးက “ငလျင်ကြောင့် ပျက်စီးသွားသည့် အိမ်သုံးမီတာ၊ ပါဝါ မီတာ စသဖြင့် ပျက်စီးသွားသည့် မီတာများကို နိုင်ငံတော်မှ အစားထိုး ပြန်လည်တပ်ဆင်ပေးသွားပါမည်။ စာရင်းတွေကို သေချာကောက်ယူ ထားပြီးဖြစ်ပါသည်။ ယင်းတို့အနက် ပြန်လည် တပ်ဆင်လို့ရသည့် မီတာများနှင့် လုံးဝပျက်စီးသွားသည့် မီတာများကို ခွဲခြားထားပြီး လုံးဝ ပျက်စီးသွားသည့်မီတာများကိုလည်း အိမ်ရှင်အနေဖြင့် ငွေကြေးတစ်စုံတရာ ပြန်ပေးစရာမလိုပါ။ တချို့ဆို ပြိုသွားသည့်အထဲ မီတာဘောက်တွေ ကြေသွားတာတွေ ပါပါသည်။ တချို့ကျတော့လည်း မီတာကတော့ အလုံးလိုက် ပျက်စီးသွားတာမဟုတ်ပါ။ အလုံးလိုက် အကောင်းအတိုင်းရှိပါက ပြန်လည်တပ်ဆင်၍ ဓာတ်အားဖြန့်ဖြူးလျက်ရှိပါသည်”ဟု ပြောကြား သည်။

ထိုကြောင့် ပြန်လည်တပ်ဆင်ရာတွင် မည်သည့်ဒဏ်ကြေးမှ ကောက်ခံခြင်းမရှိဘဲ အစအဆုံးပြန်လည် တပ်ဆင်ပေးသွားမည်ဖြစ်ပြီး အိမ်ရှင်၏ အပြစ် မဟုတ်ဘဲ သဘာဝဘေးကြောင့် ဖြစ်ပွားခဲ့ခြင်းဖြစ်ရာ မည်သည့် အခကြေးငွေမှ ပေးစရာမလိုကြောင်း၊ အချို့အိမ်နှင့် အဆောက်အဦများ ပြိုကျခဲ့သည့်နေရာမှ မီတာများကိုလည်း ဒေသခံပြည်သူများမှ လျှပ်စစ်ရုံးများသို့ လာရောက်အပ်နှံထားခဲ့ကြောင်းသိရသည်။ 

လက်ရှိတွင် မီးသုံးစွဲခြင်း မရှိခြင်းကြောင့် ပျက်စီးသွားသည့် မီတာများကို ဒဏ်ကြေးများ၊ မီတာခများကောက်ခံခြင်းများမရှိရန် Demand ပိတ်ထားခြင်းများကိုလည်း ဆောင်ရွက်ထားကြောင်း သိရသည်။ မီတာပျက်စီးသွားသော အိမ်များနှင့် ရုံးဌာနများအနေဖြင့် အဆောက်အဦများ ပြန်လည် ပြုပြင်တည်ဆောက်ပြီးချိန်၌ လျှပ်စစ်ဓာတ်အားဖြန့်ဖြူးခြင်းလုပ်ငန်းကို အကြောင်းကြားလာပါက မူလအသုံးပြုခဲ့သည့် မီတာများကို ပြန်လည် တပ်ဆင်ပေးသွားမည်ဟုသိရှိရသည်။

ကိုးကား- NP News

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

မြစ်ကြီးနားတွင် ဧရာဝတီမြစ်ရေ တစ်ပေကျော် ပြန်တက်လာ
မြစ်ကြီးနားတွင် ဧရာဝတီမြစ်ရေ တစ်ပေကျော် ပြန်တက်လာ
ယနေ့ ဇွန် (၁၇) ရက်၊ နံနက်ပိုင်းအချိန်တွင် မြစ်ကြီးမြို့၌ ဧရာဝတီမြစ်ရေ တစ်ပေကျော် ပြန်တက်လာသည်ဟု မြစ်ကြီးနားမြို့ မိုးလေဝသနှင့် ဇလဗေဒညွှန်ကြားမှုဦးစီးဌာန တာဝန်ရှိသူတစ်ဦးထံမှ သိရသည်။လက်ရှိ မြစ်ကြီးနားမြစ်ရေသည် စိုးရိမ်ရေအမှတ် (၁,၂၀၀) စင်တီမီတာသို့ ရောက်ရှိရန် (၇၇၇) စင်တီမီတာ( ၂၅) ပေခွဲခန့်အလိုတွင် ရောက်ရှိနေကြောင်း သိရသည်။မြန်မာပြည်မြောက်ပိုင်း ဧရာဝတီမြစ် အထက်ပိုင်း၌ မိုးအသင့်တင့် ရွာသွန်းလျက်ရှိနေသည့်အတွက် မြစ်ကြီးနားမြစ်ရေမှာ ဖြေးဖြေးချင်းဆက်လက်မြင့်တက် နေဦးမည်ဖြစ်ကြောင်း ၎င်းကဆိုသည်။“အခုနှစ် ဇွန်လ အကုန်နဲ့ ဇူလိုင်လဆန်းပိုင်းအတွင်းရောက်ပြီးမှ မြစ်ကြီးနားမြို့ရဲ့ ဧရာဝတီမြစ်ရေ နောက်ထပ်တစ်ကြိမ် ပြန်တက်လာနိုင်ပါတယ်”ဟု ၎င်းက သုံးသပ်ပြောကြားသည်။ဧရာဝတီမြစ်ရိုးတလျောက် မြို့များအားလုံး၏ မြစ်ရေသည် မြစ်ကြီးနားမြို့၏ မြစ်ရေအတက်အကျပေါ်တွင် ရာနှုန်းပြည့်မူတည်နေသည့်အတွက် မြစ်ကြီးနားမြစ်ရေကို သိထားခြင်းဖြင့် မိမိဒေသ၏ မြစ်ရေအတက်အကျကို ကြိုတင်သိရှိပြီး ပြင်ဆင်ချိန်ရနိုင်မည်ဖြစ်သည်ဟု ၎င်းကဆိုသည်။မြစ်ကြီးနားမြို့တွင် ဇွန်လ (၁) ရက်က မိုးသည်းထန်စွာ ရွာသွန်းပြီး‌နောက် ဧရာဝတီမြစ်ရေမြင့်တက်ကာ မြေနိမ့်ပိုင်း ရပ်ကွက်များအတွင်းသို့ ရေဝင်ရောက်မှုများဖြစ်ပေါ်ခဲ့ပြီး ဒေသခံရေဘေးသင့်ပြည်သူထောင်နှင့်ချီ၍ ဘေးလွတ်ရာသို့ ပြောင်းရွှေ့ခဲ့ကြရသေးသည်။Source: Popular Myanmar
Tue, 17-Jun-2025
ဂျပန်၌ ဆန်ဈေးနှုန်းများ သီတင်းပတ်သုံးပတ်အထိဆက်လက်ကျဆင်းလာ
ဂျပန်၌ ဆန်ဈေးနှုန်းများ သီတင်းပတ်သုံးပတ်အထိဆက်လက်ကျဆင်းလာ
ဂျပန်နိုင်ငံရှိ ကုန်တိုက်ကြီးများတွင် ရောင်းချလျက်ရှိသော ဆန်ဈေးနှုန်းများသည် သီတင်းပတ်သုံးပတ်အထိဆက်လက်ကျဆင်းလာကြောင်း ဇွန်လ ၁၆ ရက်တွင် ထုတ်ပြန်သောအချက် အလက်များတွင် တွေ့ရသည်။အစိုးရကသိုလှောင်ထားသည့်အရန် ဆန်များကို ဈေးနှုန်းလျှော့ချ၍ ဈေးကွက် အတွင်းရောင်းချပေးမှုကြောင့် ယခုကဲ့သို့ ဈေးနှုန်းများကျဆင်းလာခြင်းဖြစ်သည်။ ဂျပန်နိုင်ငံ၌ ဆန်ဈေးနှုန်းများတစ်ဟုန်ထိုးမြင့်တက်လာပြီးနောက် လယ်ယာ ဝန်ကြီးအသစ်က အရေးပေါ်ဆန်များကို လေလံဆွဲခြင်းမှတစ်ဆင့် ရောင်းချဖြန့်ဖြူး ပေးမှုစနစ်ကိုဖျက်သိမ်းလိုက်သည်။ထိုစနစ်အစား လက်ကားကိုယ်စား လှယ်များထံသို့ လိုအပ်သလောက်သာ ထုတ်ပေးသောစနစ်သို့ပြောင်းလဲပြီး စားသုံး သူများအနေဖြင့် ဆန် ၅ ကီလိုဂရမ်လျှင် ယန်း ၂၀ဝ၀ ဝန်းကျင်ဖြင့် ဝယ်ယူနိုင်စေ ရေးကို စီစဉ်ပေးလာခြင်းဖြစ်ကြောင်း သိရသည်။Ref: RTA
Tue, 17-Jun-2025
အဲအိန္ဒိယလေကြောင်းလိုင်းမှ လေယာဉ်တစ်စင်း ချွတ်ယွင်းမှုတစ်ခုကြောင့် ဟောင်ကောင်သို့ပြန်ဆင်း
အဲအိန္ဒိယလေကြောင်းလိုင်းမှ လေယာဉ်တစ်စင်း ချွတ်ယွင်းမှုတစ်ခုကြောင့် ဟောင်ကောင်သို့ပြန်ဆင်း
ဟောင်ကောင်မြို့မှ နယူးဒေလီမြို့သို့ ထွက်ခွာလာသည့် အဲအိန္ဒိယလေကြောင်း : Boeing 787-8 Dreamliner အစား ခရီးသည်တင်လေယာဉ်တစ်စင်း သည် လေဆိပ်မှပျံတက်ပြီးနောက် နာရီ ဝက်ခန့်အကြာတွင် နည်းပညာပိုင်းဆိုင်ရာချွတ်ယွင်းချက်တစ်ခုကြောင့် ဟောင်ကောင်လေဆိပ်သို့ ပြန်လည်ဆင်းသက်ရမှုဖြစ်ပွားကြောင်းသိရသည်။အဆိုပါလေယာဉ်မှလေယာဉ်မှူးက လေယာဉ်ပျံသန်းနေစဉ် နည်းပညာပိုင်း ဆိုင်ရာချွတ်ယွင်းချက်ကို သတိပြုမိသည့်အတွက် ဟောင်ကောင်လေဆိပ်ရှိ လေ ကြောင်းထိန်းချုပ်ရေးဌာနသို့ သတင်းပို့ကာ ယင်းလေဆိပ်၌ဘေးကင်းစွာပြန်လည် ဆင်းသက်နိုင်ခဲ့ကြောင်းနှင့် ထိုလေယာဉ်ကို ဘေးကင်းစိတ်ချရမှုရှိစေရေး အတွက် စစ်ဆေးမှုများလုပ်ဆောင်နေကြောင်း လေကြောင်းလိုင်းကထုတ်ပြန်ထားသည်။ ပြီးခဲ့သည့်သီတင်းပတ်တွင် အဲအိန္ဒိယလေကြောင်းလိုင်းမှ အလားတူ အမျိုးအစားလေယာဉ်သည် လေဆိပ်မှ ပျံတက်ပြီးမကြာမီမှာပင် ပျက်ကျမှုဖြစ်ပွားထားကြောင်းသိရသည်။ Ref: SCMPPhoto - NBC News
Tue, 17-Jun-2025
GAC က ထုတ်လုပ်လိုက်တဲ့ ကားပျံ
GAC က ထုတ်လုပ်လိုက်တဲ့ ကားပျံ
GAC ကုမ္ပဏီက တရုတ်နိုင်ငံရဲ့နာမည်ကျော် မော်တော်ကားထုတ်လုပ်တဲ့ ကုမ္ပဏီဖြစ်ပါတယ်။ အခုတော့ သူတို့က သမားရိုးကျ ကားတွေအပြင် ကားပျံကိုပါထုတ်ဖော်ပြသလိုက်ပါ ပြီ။ အဲဒီကားပျံကို Govy AirCab လို့နာမည်ပေးထားပါတယ်။Govy AirCab က ထိုင်ခုံနှစ်လုံးပါပြီး ဒေါင်လိုက် အတက်အဆင်း လုပ်နိုင်တဲ့ ကားပျံအမျိုးအစားဖြစ်ပါတယ်။ GAC ကုမ္ပဏီက အခုလိုမျိုးကားပျံတွေကို ထုတ်လုပ်ခြင်းက ဝေဟင်အငှားယာဉ်ဈေးကွက်ကို ပိုမို တွင်ကျယ်လာစေဖို့ ဖြစ်တယ်လို့ဆိုပါတယ်။သူ့ရဲ့တန်ဖိုးကိုတော့ ယွမ် ၁ ဒသမ ၆၉ သန်းဝန်းကျင် သတ်မှတ်ထားပါတယ်။သူ့ကိုလျှပ်စစ်စွမ်းအင် အသုံးပြုထားတာဖြစ်ပြီး တစ်ကြိမ်အားအပြည့် သွင်းထားရုံနဲ့ ကီလိုမီတာ ၃၀ အထိ သွားနိုင်စေမယ်လို့ဆိုပါတယ်။ ဒါကြောင့်သူ့ကို အဓိကအသုံးပြုနိုင်တဲ့ နေရာက ဝေးကွာတဲ့ခရီးစဉ်တွေထက် မြို့တွင်းမှာ အသုံးပြုနိုင်မှာဖြစ်ပါတယ်။သူ့ကိုအားသွင်းမယ်ဆိုရင် အပြည့်သွင်းပါက ၂၅ မိနစ်ကြာမြင့်မှာဖြစ်ပြီး ၅၀ ရာခိုင်နှုန်းသာသွင်းပါက ၁၅ မိနစ်ကြာမြင့်မယ်လို့ GAC ကုမ္ပဏီက ထုတ်ပြန် ထားပါတယ်။ သူ့မှာလိုအပ်တဲ့ လျှပ်စစ်စွမ်းအင်ကိုတော့ ထုလုံးပုံဘက်ထရီတွေကနေ ရယူတာဖြစ်ပြီး အဲဒီဘက်ထရီတွေက သိပ်သည်းဆမြင့်မားတယ်လို့ ဆိုပါတယ်။ဒါ့အပြင် တခြားလုပ်ဆောင်ချက်တွေအနေနဲ့ 5G ကွန်ရက်ကို အသုံးပြုခြင်း၊ အသံလက်ထောက်စနစ်ပါဝင်ခြင်း၊ မွှေးရနံ့၊ အပူချိန်နဲ့ ဂီတသံတို့ကို ချိန်ညှိ နိုင်ခြင်းတို့အပြင် တခြားသော အဆင့်မြင့်လုပ်ဆောင် ချက်တွေကို ထည့်သွင်းပေးထားတယ်လို့ GAC ရဲ့ ထုတ်ပြန်ချက်ထဲမှာ‌ ဖော်ပြထားပါတယ်။နည်းပညာသတင်း
Tue, 17-Jun-2025
တစ်နာရီ ၄၄ မိုင်နှုန်းနဲ့ပျံသန်းမယ့် ဆိုင်ကယ်ပျံ
တစ်နာရီ ၄၄ မိုင်နှုန်းနဲ့ပျံသန်းမယ့် ဆိုင်ကယ်ပျံ
Skyrider X6 လို့အမည်ပေးထားတဲ့ ဆိုင်ကယ်ပျံတစ်မျိုးကို တရုတ်နိုင်ငံရှိ Kuickwheel ဆိုတဲ့ကုမ္ပဏီက တရားဝင်ထုတ်ဖော်ပြသ လိုက်ပါပြီ။ အဲဒီဆိုင်ကယ်ပျံက ပုံစံနှစ်မျိုးနဲ့ သွားလာနိုင်အောင် တီထွင်ထားတာဖြစ်ပြီး တရုတ်နိုင်ငံမှာရှိတဲ့ ကုန်ပစ္စည်းရောင်းဝယ်ရေး ဝက်ဆိုက်တွေကနေ တစ်ဆင့် ကြိုတင်အမှာစာတွေ တင်ထားလို့ရပါပြီဆိုပြီး ထုတ်ပြန်ထားပါတယ်။ ဈေးနှုန်းကိုတော့ယွမ် ၄၉၈၈၀၀၀ သတ်မှတ်ထားပါတယ်။အဲဒီဆိုင်ကယ်ပျံက ဘီးသုံးဘီးပါဝင်ကာ ကုန်းပေါ်မှာသာ သွားလာနိုင်ရုံမက လေပေါ်မှာပါ ပျံသန်းနိုင်တဲ့ အမျိုးအစားဖြစ်ပါတယ်။သူ့မှာ အခြေအနေ နှစ်ရပ်ပါဝင်ပါတယ်။ ပထမတစ်ခုက ပြောင်းပြန်သွား သုံးဘီးယာဉ် စနစ်ဖြစ်ပြီး သူကမြေပြင်ပေါ်မှာ သွားလာမှုအတွက် အသုံးဝင်တဲ့စနစ်ဖြစ်ပါတယ်။ နောက် တစ်ခုကတော့ သူ့ဆီကနေဒလက်တွေ ထွက်ပေါ်လာပြီး ပျံသန်းမှုအတွက် ပုံစံပြောင်းလဲသွားနိုင်တဲ့စနစ် ဖြစ်ပါတယ်။မြေပြင်မှာသွားလာမယ်ဆိုရင် အဲဒီဆိုင်ကယ်က တစ်နာရီကို ကီလိုမီတာ ၇၀ နှုန်းနဲ့ ကီလိုမီတာ ၂၀၀ အထိသွားနိုင်ပြီး ပျံသန်းမှု လုပ်ဆောင်စဉ်မှာတော့ တစ်နာရီကို ၄၄ ဒသမ ၇ မိုင်နှုန်းနဲ့ ပျံသန်းနိုင်မှာပါ။ မြေပြင်မှာ သွားလာဖို့အတွက် လျှပ်စစ်မော်တာတွေ က တာဝန်ယူပေးမှာဖြစ်သလို လေပေါ်မှာပျံသန်းဖို့ အတွက်လည်း လျှပ်စစ်မော်တာ အသုံးပြုထားတဲ့ ဒလက်တွေက တာဝန်ယူပေးမှာဖြစ်ပါတယ်။ဒါ့အပြင် ထုတ်ပြန်ချက်တွေမှာ ဖော်ပြထားချက် အရဆိုရင် Skyrider X6  သည် အလိုအလျောက်ပျံသန်းခြင်း၊ ဆင်းသက်ခြင်းနှင့် လမ်းကြောင်းရွေးချယ် ခြင်းတို့ကို လုပ်ဆောင်နိုင်မယ်လို့ သိရပါတယ်။ ဒါတင် မကသေးပါဘူး။ သူ့ကိုကာဗွန်ဖိုင်ဘာနဲ့ လေကြောင်း အဆင့်သုံး အလူမီနီယံသတ္တုစပ်တို့ကို အသုံးပြုထားတာကြောင့် အလေးချိန်က ပေါ့ပါးပါတယ်။နည်းပညာသတင်း
Tue, 17-Jun-2025
မိုင် ၁၂၅၀ အထိသွားနိုင်စေမယ့် စွမ်းအင်နှစ်မျိုးသုံး Fulwin A9L
မိုင် ၁၂၅၀ အထိသွားနိုင်စေမယ့် စွမ်းအင်နှစ်မျိုးသုံး Fulwin A9L
Fulwin A9L ဆိုတာ တရုတ်နိုင်ငံ မှမော်တော်ကား ထုတ်လုပ်ရေး ကုမ္ပဏီတစ်ခုဖြစ်တဲ့ Chery က ထုတ်လုပ်ထားတဲ့ စွမ်းအင်နှစ်မျိုးသုံး ဇိမ်ခံကားတစ်စီး  ဖြစ်ပါတယ်။ ဇူလိုင်လရဲ့ အစောပိုင်းရက်တွေမှာ တရုတ်ပြည်တွင်း ရောင်းချမှုအတွက် ကြိုတင်ပြင်ဆင်နေပြီ ဖြစ်ပါတယ်။ လက်ရှိမှာတော့ ကြိုတင် အမှာစာတွေကို လက်ခံနေပါပြီ။အရင်တုန်းကသူ့ကို Fulwin A9 လို့ သတ်မှတ်ထားခဲ့ပေမယ့် အခုတော့ ပြည်တွင်းရှိ BYD ကုမ္ပဏီရဲ့Han DM-i ကားနဲ့ Geely ရဲ့ Galaxy Starshine 8 ဆိုတဲ့ကားများနဲ့ ယှဉ်ပြိုင်နိုင်စေဖို့  အခုလိုမျိုး အဆင့်မြင့်ဇိမ်ခံ အမျိုးအစားကို ထုတ်လုပ်လာတာဖြစ်ပါတယ်။ဟောင်ကောင်မြို့မှာကျင်းပတဲ့ အပြည်ပြည်ဆိုင်ရာ မော်တော်ကားနှင့် ဆက်စပ်ပစ္စည်းများပြပွဲမှာ ပါဝင်ပြသခဲ့တဲ့ A9L ရဲ့ ဈေးနှုန်းကိုတော့ ဒေါ်လာ ၂၀၇၀၀ ကနေ ဒေါ်လာ ၂၇၆၀၀ ကြားရှိမယ်လို့ခန့်မှန်း ထားပါတယ်။ ကားရဲ့အရွယ်အစားမှာ အလျား ၅ ဒသမ ၀၁၈ မီတာနဲ့ အနံက ၁ ဒသမ ၉၆၅ မီတာရှိကာ အမြင့်ကတော့ ၃ မီတာအထိရှိပါတယ်။ရှေ့အင်ဂျင်အဖုံးရဲ့အောက်မှာဆိုရင် Chery ကုမ္ပဏီက ထုတ်လုပ်ထားရှိတဲ့ အဆင့်မြင့် Kunpeng Super Hybrid Electric 6.0 စနစ်ကိုတပ်ဆင်ပေးထား ပါတယ်။ ဂီယာဘောက်ကိုတော့ ခြေနင်း စရာမလိုတဲ့ DHT Pro ဂီယာကိုတွဲဖက် တပ်ဆင်ပေးထားတာပါ။အထူးသဖြင့် သူ့ရဲ့စွမ်းဆောင်ရည်က 1.5T တာဘိုအင်ဂျင်က‌နေ အမြင့်ဆုံး စွမ်းအားအဖြစ် ကီလိုဝပ် ၁၆၀ ကိုထုတ်လုပ် ပေးပြီး  စွမ်းအင်ပမာဏ ၃၃ ဒသမ ၇ ကီလိုဝပ်နာရီရှိတဲ့ ဖော့စဖိတ် Kunpeng Blade  ဘက်ထရီနဲ့တွဲဖက်အသုံးပြုထားခြင်းဖြစ်ပါတယ်။ ဒါက စွမ်းအင်နှစ်မျိုးကို တွဲဖက်အသုံးပြုထားတဲ့ စနစ်ဖြစ်ပါတယ်။ဒီစနစ်မှာ လျှပ်စစ်စွမ်းအင်သီးသန့်ကိုသာ အသုံးပြုမယ်ဆိုရင် မိုင်အားဖြင့် ၁၆၁ မိုင်သာ ခရီးရောက်ပေမယ့် နှစ်မျိုးပေါင်း အသုံးပြုလိုက်မယ်ဆိုပါက အကြမ်းဖျင်းအားဖြင့် မိုင်ပေါင်း ၁၂၄၃ မိုင်အထိရောက် ရှိနိုင်စေမှာဖြစ်ပါတယ်။ဒါ့အပြင် A9L ကို အဆင့်မြင့်ဇိမ်ခံကား တစ်စီးအဖြစ်ဖန်တီးထားခြင်း ဖြစ်တာနဲ့အညီ သတင်းပေးဖျော်ဖြေရေးစနစ်မှာဆိုရင်လည်း Qualcomm ကုမ္ပဏီထုတ်လုပ်ထားတဲ့ Snapdragon 8255 ချစ်ဆက်ကို အသုံးပြုထားပါတယ်။ဒါ့အပြင် ယာဉ်မောင်းအထောက်အကူပြုစနစ်နဲ့ အလိုအလျောက်မောင်းနှင်နိုင်မယ့်စနစ်များအတွက် LiDAR စနစ် အပါအဝင် အဆင့်မြင့်အာရုံခံကိရိယာပေါင်း ၂၇ ခု၊ မီလီမီတာလှိုင်းနှုန်း ထုတ်လွှင့်ပေးသည့် ရေဒါများ၊ ပတ်ပတ်လည်အမြင်နှင့် မြင်ကွင်းကျယ်ကင်မရာများအပြင် အသံနှုန်းလွန် အာရုံခံကိရိယာများကို Orin Y 200T ဆိုတဲ့တွက်ချက်မှု စနစ်နဲ့တွဲဖက်ပြီး အသုံးပြုပေးထားပါတယ်။ဒီလိုမျိုး အာရုံခံကိရိယာတွေနဲ့ တွက်ချက်မှုစနစ်တွေကြောင့် A9L ဟာ ပါကင်ထိုးခြင်းကိုမှတ်သားသည့် စွမ်းရည်၊ အမြန် လမ်းနဲ့မြို့တွင်းလမ်းတွေမှာ လမ်းညွှန် အော်တိုမောင်းစနစ်၊ အတားအဆီးများကို အသိဉာဏ်ရှိစွာ ကျော်လွှားနိုင်သည့်စွမ်းဆောင်ရည်၊ မျက်ကွယ်သတိပေးစနစ်နဲ့ လမ်းကျော်သတိပေး စနစ်တို့က ပိုမိုအလုပ် ဖြစ်လာစေပါတယ်။ဒီကားတွေကို တရုတ်ပြည်တွင်းမှာ လာမယ့်လကစပြီး ရောင်းချသွားမှာဖြစ်ပေမယ့် ကမ္ဘာတစ်ဝန်းသို့ တင်ပို့ရောင်းချမှုကိုတော့ လာမယ့်နှစ် ပထမသုံးလပတ် အတွင်းလုပ်ဆောင် သွားမယ်လို့ Chery ကုမ္ပဏီမှ ဥက္ကဋ္ဌ ယင်တောင်ယွီကပြောပါတယ်။ဒါ့အပြင် Chery ကုမ္ပဏီဟာ မကြာခင် မှာ ကမ္ဘာတစ်ဝန်းဆီ မော်တော်ကားအစီး ရေပေါင်း ၅ သန်းအထိ တင်ပို့ရောင်းချထား နိုင်တဲ့ တရုတ်နိုင်ငံရဲ့ ပထမဆုံး ကုမ္ပဏီဖြစ်လာမှာဖြစ်ပါတယ်။နည်းပညာသတင်း
Tue, 17-Jun-2025
© Copyright 2024 SAC All Rights Reserved.