ပူတင်က ၎င်း၏ မြေးမဖြစ်သူသည် တရုတ်စကားကို ကျွမ်းကျင်စွာ ပြောနိုင်ကြောင်း ဖွင့်ဟပြောဆို

ရုရှားနိုင်ငံတွင် တရုတ်ဘာသာစကားအပေါ် စိတ်ဝင်စားမှု တိုးပွားလာ နေကြောင်း သမ္မတ ဗလာဒီမာ ပူတင်က SPIEF 2025 ဖိုရမ်အပြီး သတင်းထောက်များအား ပြောကြားခဲ့သည်။ ၎င်း၏မြေးမဖြစ်သူသည် ပေကျင်းမှ ဆရာမတစ်ဦးနှင့်သင်ကြားနေပြီး တရုတ်ဘာသာကို ကျွမ်းကျင်စွာ ပြောဆိုနိုင်ကြောင်း ဖွင့်ဟခဲ့သည်။

အပြည်ပြည်ဆိုင်ရာ သတင်းဌာနများ၏ အကြီးအကဲများနှင့် ညနေပိုင်း အမေးအဖြေအစီအစဉ်တွင် ရှင်ဟွာသတင်းဌာန၏ ဥက္ကဋ္ဌ ဖူဟွာက ရုရှား- တရုတ် လူမှုရေးဖလှယ်မှု နက်ရှိုင်းလာပုံနှင့် ပူတင်၏ “မိသားစုဝင် အချို့က တရုတ်ဘာသာစကားကို လေ့လာနေကြသည်” ဆိုသည့် ယခင် က ပြောကြားချက်အကြောင်း မေးမြန်းခဲ့သည်။

ပူတင်က “မိမိ၏ မိသားစုဝင်တွေထဲမှာ တရုတ်စာလေ့လာနေသည့် သူတွေရှိကြောင်း ပြောတုန်းက မိမိ၏ မြေးမဖြစ်သူကို ရည်ညွှန်းတာပါ။ သူမတွင် ပေကျင်းက ဆရာမရှိပြီး တရုတ်စကားကို ကျွမ်းကျင်စွာ ပြောနိုင် ပါသည်” ဟု ပြန်လည်ဖြေကြားခဲ့သည်။

“မိမိ၏မြေးက ၂၀၀၀ ပြည့်နှစ်အစောပိုင်းတုန်းက ၎င်း၏ ဆန္ဒ အလျောက် တရုတ်စာကို စတင်လေ့လာခဲ့သည်၊ ဆရာတစ်ဦးခန့်ပြီး သင်ယူခဲ့သည်” ဟု ၎င်းက ဖြည့်စွက်ပြောကြားခဲ့သည်။

ရုရှားသမ္မတက ရုရှားနိုင်ငံတွင် တရုတ်ကျောင်းသား ၅၀,၀၀၀ ကျော် ပညာသင်ကြားလျက်ရှိပြီး တရုတ်နိုင်ငံတွင်လည်း ရုရှားကျောင်းသား ၂၁,၀၀၀ ကျော် ရှိနေကြောင်း၊ နှစ်နိုင်ငံရှိ တက္ကသိုလ်များအကြား တိုက်ရိုက် ဆက်သွယ်မှုများ ရှိနေပြီး ဤသို့ဖြင့် နှစ်နိုင်ငံကြား နယ်ပယ်အားလုံး ဆိုင်ရာ ဆက်ဆံရေးများ ပိုမိုခိုင်မာလာကြောင်း ထည့်သွင်းပြောကြား ခဲ့သည်။

ကိုးကား- RT

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂