ခြင် အရွယ်အစားရှိ ဒရုန်းကို တရုတ်သိပ္ပံပညာရှင်များ တီထွင်

တရုတ်နိုင်ငံအလယ်ပိုင်း ဟူနန်ပြည်နယ်ရှိ National University of Defense Technology (NUDT) တွင် ရှိသော စက်ရုပ်ဓာတ်ခွဲခန်းမှ သိပ္ပံပညာရှင်များသည် ထောက်လှမ်းရေးနှင့် ကင်းထောက်မစ်ရှင်များအတွက် သင့်လျော်သော အင်းဆက်ကဲ့သို့ သေးငယ်သည့်ဒရုန်းကို မကြာသေးမီက ထုတ်ပြန် ပြသခဲ့ကြောင်း သိရသည်။ 
CCTV 7 တွင် ထုတ်ပြန်ပြသခဲ့သည့် အဆိုပါသေးငယ်သော ဒရုန်းတွင် အတောင်ပံများ နှင့် သေးငယ်သောခြေတံများ ပါဝင်ကြောင်း သိရသည်။
ထို့ပြင် ၎င်းတို့၏ သေးငယ်သော အရွယ်အစားကြောင့် အမျိုးမျိုးသောစက်မှုလုပ်ငန်းများနှင့် အပ်ပ်များကို တော်လှန်သွားမည့်အလားအလာများရှိနေကြောင်းလည်း သိရသည်။ အဆိုပါသေးငယ်သော ဒရုန်းများသည် နေရာတိုင်းနီးပါးသို့ ဝင်ရောက်နိုင်ပြီး ရှာဖွေတွေ့ရှိခြင်းမရှိသော ပတ်ဝန်းကျင်အမျိုးမျိုးသို့ ဝင်ရောက်နိုင်စွမ်းရှိမည်ဖြစ်ကြောင်းလည်း သိရသည်။ 
ယင်းဒရုန်းများကို စစ်တပ်ကင်းထောက်မစ်ရှင်များအတွက် ပြီးပြည့်စုံသောအရာတစ်ခုအဖြစ် ဈေးကွက်တွင် ရောင်းချခဲ့သော်လည်း ၎င်းတို့ကို တရုတ်အစိုးရက ထောက်လှမ်းရေးရည်ရွယ်ချက်များအတွက် အသုံးပြုနိုင်ကြောင်း လူအများအပြားက ယုံကြည်နေကြသည်။ 
အဆိုပါဒရုန်းသည် (၁ ဒသမ ၃) စင်တီမီတာသာရှိပြီး စမတ်ဖုန်းများဖြင့် အလွယ်တကူထိန်းချုပ်နိုင်မည်ဖြစ်ကြောင်းလည်း သိရသည်။
ထို့ပြင် ယင်းဒရုန်းများသည် ဘေးအန္တရာယ်များကြုံရသည့်အချိန်တွင် လက်လှမ်းမမီသော နေရာများသို့ ဝင်ရောက်နိုင်ခြင်းအပြင် အာရုံခံကိရိယာများဖြင့် လေထုအရည်အသွေးကို စောင့်ကြည့်ခြင်းအထိ လုပ်ဆောင်ချက်များစွာကို လုပ်ဆောင်နိုင်ကြောင်း ၎င်းတို့၏ ဖန်တီးသူများက ပြောကြားခဲ့သည်။

NP News