ကမ္ဘောဒီးယားက လာမည့်နှစ်မှစ၍ ပြည်သူ့စစ်မှုထမ်း စနစ်ကို စတင် ကျင့်သုံးမည်

sacadmin

News Image

  • ကမ္ဘောဒီးယားက လာမည့်နှစ်မှစ၍ ပြည်သူ့စစ်မှုထမ်း စနစ်ကို စတင် ကျင့်သုံးမည်

ကမ္ဘောဒီးယားနိုင်ငံအနေဖြင့် လာမည့်နှစ်မှစ၍ ပြည်သူ့စစ်မှုထမ်းစနစ်ကို စတင်ကျင့်သုံးသွားမည်ဖြစ်ကြောင်း ဝန်ကြီးချုပ် ဟွန်မာနက်က ဇူလိုင်လ ၁၄ ရက်တွင် ပြောသည်။ အိမ်နီးချင်းနိုင်ငံနှင့် တင်းမာမှုများ မြင့်တက်လာရသည့် အခြေအနေသည် နှစ်များစွာကြာ ကျင့်သုံးခြင်းမရှိသည့် ပြည်သူ့စစ်မှုထမ်းစနစ်ကို ကျင့်သုံးရန် အကြောင်းဖန်လာခြင်းဖြစ်ကြောင်း ဝန်ကြီးချုပ်ကပြောသည်။

အသက် ၁၈ နှစ်မှ ၃၀ ကြားရှိ ကမ္ဘောဒီးယားနိုင်ငံသားများအားလုံး နိုင်ငံတော် အတွက် ၁၈ လကြာ စစ်မှုထမ်းရမည်ဟူသော ဥပဒေကို ကမ္ဘောဒီးယားလွှတ်တော် က ၂၀၀၆ ခုနှစ်တွင် အတည်ပြုထားပြီးဖြစ်သည်။

ကမ္ဘောဒီးယားနိုင်ငံနှင့် အိမ်နီးချင်းနိုင်ငံဖြစ်သည့် ထိုင်းနိုင်ငံတို့သည် နယ်စပ်ပိုင်ဆိုင်မှု အငြင်းပွားပြဿနာနှင့်ပတ်သက်၍ မေလတွင် ပဋိပက္ခဖြစ်ပွားမှုကြောင့် ကမ္ဘောဒီးယားစစ်သည်တစ်ဦး   ကျဆုံးသွားသည့်အတွက် နှစ်နိုင်ငံကြား တင်းမာမှုများ မြင့်တက်လာရခြင်း ဖြစ်ကြောင်းနှင့် ယခုအချိန်အထိ ပြေလည်မှု မရရှိသေးကြောင်း သိရသည်။   

MWD Web Portal
 

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

မန္တလေးတိုင်းဒေသကြီး၊ ညောင်ဦးမြို့နယ်၌ PDF အမည်ခံအကြမ်းဖက်အဖွဲ့က "DENKO" စက်သုံးဆီ ဆိုင်အား ဝင်ရောက်ဓားပြတိုက်လုယက်ကာ ဆီဆိုင်ဝန်ထမ်းနှစ်ဦးအား ဖမ်းဆီးခေါ်ဆောင် , မန္တလေးတိုင်းဒေသကြီး၊ ညောင်ဦးမြို့နယ်၌ PDF အမည်ခံအကြမ်းဖက်အဖွဲ့က "DENKO" စက်သုံးဆီ ဆိုင်အား ဝင်ရောက်ဓားပြတိုက်လုယက်ကာ ဆီဆိုင်ဝန်ထမ်းနှစ်ဦးအား ဖမ်းဆီးခေါ်ဆောင် , မန္တလေးတိုင်းဒေသကြီး၊ ညောင်ဦးမြို့နယ်၌ PDF အမည်ခံအကြမ်းဖက်အဖွဲ့က "DENKO" စက်သုံးဆီ ဆိုင်အား ဝင်ရောက်ဓားပြတိုက်လုယက်ကာ ဆီဆိုင်ဝန်ထမ်းနှစ်ဦးအား ဖမ်းဆီးခေါ်ဆောင် , မန္တလေးတိုင်းဒေသကြီး၊ ညောင်ဦးမြို့နယ်၌ PDF အမည်ခံအကြမ်းဖက်အဖွဲ့က "DENKO" စက်သုံးဆီ ဆိုင်အား ဝင်ရောက်ဓားပြတိုက်လုယက်ကာ ဆီဆိုင်ဝန်ထမ်းနှစ်ဦးအား ဖမ်းဆီးခေါ်ဆောင်
မန္တလေးတိုင်းဒေသကြီး၊ ညောင်ဦးမြို့နယ်၌ PDF အမည်ခံအကြမ်းဖက်အဖွဲ့က "DENKO" စက်သုံးဆီ ဆိုင်အား ဝင်ရောက်ဓားပြတိုက်လုယက်ကာ ဆီဆိုင်ဝန်ထမ်းနှစ်ဦးအား ဖမ်းဆီးခေါ်ဆောင်
နေပြည်တော်  ဇူလိုင်  ၂၉လက်နက်ကိုင်အစွန်းရောက် အကြမ်းဖက်အဖွဲ့များအနေဖြင့် နိုင်ငံတော်အတွင်းတိုင်းဒေသကြီး/ပြည်နယ်အချို့တွင်အကြမ်းဖက်အဖျက်အမှောင့်လုပ်ရပ်များအားလုပ်ဆောင်လျက်ရှိသည့်အပြင်အပြစ်မဲ့အရပ်သားပြည်သူများအား ဖမ်းဆီးသတ်ဖြတ်ခြင်း၊ လက်နက်အားကိုးဖြင့် ဓားပြတိုက်လုယက်ခြင်း၊ ပြန်ပေးဆွဲခြိမ်းခြောက်ငွေတောင်းခံခြင်းများစသည့်အကြမ်းဖက်မှုလုပ်ရပ်များကိုပါ ကျူးလွန် လုပ်ဆောင်လျက်ရှိသည်။ထိုသို့လုပ်ဆောင်လျက်ရှိရာ ၂၀၂၅ ခုနှစ်၊ ဇူလိုင်လ ၂၈ ရက်နေ့ ညနေ ၅ နာရီတွင် မန္တလေးတိုင်းဒေသကြီး၊ ညောင်ဦးမြို့နယ်၊ တောင်ဘကျေးရွာအနီး ညောင်ဦး-ကျောက်ပန်းတောင်းကားလမ်းဘေးရှိ "DENKO" စက်သုံးဆီဆိုင်သို့ PDF အမည်ခံအကြမ်းဖက်အဖွဲ့အင်အားခြောက်ဦး (စိစစ်ဆဲ)က ဆိုင်ကယ်သုံးစီး ဖြင့်ရောက်ရှိလာပြီး ဆီဆိုင်ဝန်ထမ်းများထံမှ လက်ကိုင်ဖုန်း ၄ လုံး၊ ရွှေနားကပ် ၂ ရန်၊ ဆိုင်ကယ် ၂ စီး၊ ဆီရောင်းချရငွေ ၅ သိန်းကျပ်နှင့် ဆီဖြည့်ရန်ရောက်ရှိနေသည့် ညောင်ဦးမြို့နယ်၊ ဘုန်းတော်ကျေးရွာနေ ဦးစန်းယု(၃၈)နှစ်၏ HONDA Fit အမျိုးအစား အဖြူရောင်မော်တော်ယာဉ်တစ်စီးတို့အား  လုယက်ယူ ဆောင်ပြီး   ဆီဆိုင်ဝန်ထမ်းများအနက် ဆီဆိုင်မန်နေဂျာဖြစ်သူ ညောင်ဦးမြို့၊ အမှတ်(၅)ရပ်ကွက်နေ ဦးဝင်းမြင့်ထွန်း(ခ)ဦးညီညီထွန်း(၄၀)နှစ်နှင့် ဒုမန်နေဂျာဖြစ်သူ  ညောင်ဦးမြို့နယ်၊ တောင်ဘကျေးရွာနေ ဦးဆန်းလွင်ဦး(၄၂)နှစ်တို့နှစ်ဦးအား ဖမ်းဆီးခေါ်ဆောင်၍ ညောင်တိုကျေးရွာဘက်သို့ပြန်လည်ထွက်ခွာသွားကြောင်း သတင်းအရ လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့က နယ်မြေရှင်းလင်းရေးလုပ်ငန်းများအား လိုက်လံ ဆောင်ရွက်ခဲ့သည်။ထိုသို့ နယ်မြေရှင်းလင်းရေးလုပ်ငန်းများ ဆောင်ရွက်နေစဉ် အဆိုပါစက်သုံးဆီဆိုင်၏ အနောက်တောင် ဘက် ၅ မိုင်ခန့်အကွာ ကန်ပေါက်(အရှေ့)ကျေးရွာနှင့် ကျောက်ကန်ကျေးရွာကြားအရောက် PDF အမည်ခံအကြမ်းဖက်သမားလေးဦး(စိစစ်ဆဲ)က  လက်နက်ငယ်များဖြင့် ပစ်ခတ်တိုက်ခိုက်ခဲ့သဖြင့် လုံခြုံရေးတပ်ဖွဲ့ဝင်များက ပြန်လည်ပစ်ခတ်ရှင်းလင်းခဲ့ရာ PDF အမည်ခံအကြမ်းဖက်သမားနှစ်ဦးအား MA-13 သေနတ် ၁ လက်၊ ၎င်းကျည် ၁၀ တောင့်၊ ကျည်အိမ် ၁ ခု၊ MA- 1 သေနတ် ၁ လက်၊ ၎င်းကျည် ၁၀ တောင့်နှင့် ကျည်အိမ် ၁ ခုတို့နှင့်အတူ   အသေပစ်ခတ်ဖမ်းဆီးရမိခဲ့ပြီး ကျန်အကြမ်းဖက်သမားနှစ်ဦးမှာ ထွက်ပြေးလွတ်မြောက် သွားခဲ့ကြောင်း သိရသည်။အထက်ပါဖြစ်စဉ်မှ "DENKO" စက်သုံးဆီဆိုင်အား ဝင်ရောက်ဓားပြတိုက်လုယက်ကာ ဆီဆိုင်ဝန်ထမ်း နှစ်ဦးအား ဖမ်းဆီးခေါ်ဆောင်သွားခဲ့သည့် အကြမ်းဖက်သမားများအား  ဖော်ထုတ်ဖမ်းဆီးရမိနိုင်ရေး ညောင်ဦးမြို့မရဲစခန်း၌ (ပ)၆၂/၂၀၂၅၊ အကြမ်းဖက်မှုတိုက်ဖျက်ရေးဥပဒေပုဒ်မ ၅၀(ခ) ဖြင့် အမှုဖွင့် ဆောင်ရွက်ထားရှိပြီး ဖမ်းဆီးခံရသူများအား   ပြန်လည်ကယ်တင်နိုင်ရေးနှင့် အကြမ်းဖက်လုယက်ယူ ဆောင်သွားသည့်ပစ္စည်းများပြန်လည်သိမ်းဆည်းရရှိရေးအတွက် လုံခြုံရေးတပ်ဖွဲ့ဝင်များကလိုအပ်သည့်လုံခြုံရေးလုပ်ငန်းစဉ်များနှင့်အညီ ဆက်လက်ဆောင်ရွက်လျက်ရှိကြောင်း သတင်းရရှိသည်။MWD
Wed, 30-Jul-2025
အမေရိကန်သည် နျူကလီးယားလက်နက်များကို ဗြိတိန်သို့ ပြောင်းရွှေ့ ချထားနိုင်သည်ဟု Bloomberg ဖော်ပြ
အမေရိကန်သည် နျူကလီးယားလက်နက်များကို ဗြိတိန်သို့ ပြောင်းရွှေ့ ချထားနိုင်သည်ဟု Bloomberg ဖော်ပြ
အမေရိကန်သည် ရုရှားအား သတိပေးလိုသည့် ရည်ရွယ်ချက်ဖြင့် လွန်ခဲ့သော ၁၅ နှစ်ကျော်ကာလအတွင်း ပထမဆုံးအကြိမ်အဖြစ် ဗြိတိန် သို့ နျူကလီးယားလက်နက်များ တပ်ဆင်ချထားနိုင်ကြောင်း အတည်ပြု ထားသော အချက်အလက်များနှင့် ကာကွယ်ရေးဆိုင်ရာ လေ့လာသူများ ၏ သုံးသပ်ချက်များကို ကိုးကား၍ Bloomberg သတင်းဌာနက ဇူလိုင် ၂၈ တွင်ဖော်ပြခဲ့သည်။အဆိုပါသတင်းတွင် ဇူလိုင် ၁၆ ရက်နေ့က အမေရိကန်လေတပ်မှ လေယာဉ်တစ်စင်းသည် နျူကလီးယားလက်နက်များ သိုလှောင်ထား သည်ဟု သိရှိရသော နယူးမက္ကဆီကိုရှိ Kirtland လေတပ်စခန်းမှ အင်္ဂလန် အရှေ့ပိုင်းရှိ RAF Lakenheath လေတပ်စခန်းသို့ ၎င်း၏ Transponder (လေယာဉ်အချက်ပြစနစ်) ဖွင့်လျက် ပျံသန်းခဲ့သည်ဟု ဖော်ပြထားသည်။ ကာကွယ်ရေးဆိုင်ရာ သုံးသပ်သူများအဆိုအရ ထိုလေယာဉ်တွင် B61-12 နျူကလီးယားဗုံးများ တင်ဆောင်လာခဲ့ပြီး ၂၀၀၈ ခုနှစ်နောက်ပိုင်း ဗြိတိန် တွင် အမေရိကန်၏ နျူကလီးယားလက်နက် ပထမဆုံးအကြိမ် ချထားမှု ဖြစ်နိုင်သည်ဟု ဆိုသည်။NATO လက်နက်ထိန်းချုပ်ရေးအရာရှိဟောင်း William Alberque က လေယာဉ်၏ Transponder ကို ဖွင့်ထားခြင်းမှာ ရည်ရွယ်ချက်ရှိပြီး မော်စကိုအား သတင်းစကားပေးလိုသည့် ရည်ရွယ်ချက်ဖြစ်နိုင်ကြောင်း ပြောကြားခဲ့သည်။ ယင်းလုပ်ဆောင်မှုသည် NATO ၏ ခြိမ်းခြောက်မှု ပိုမို အားကောင်းလာစေရန် ပြောင်းလဲမှုအတွက် အစပျိုးလိုက်ခြင်းဖြစ်ပြီး အမေရိကန်၏ နျူကလီးယားလက်နက်များကို ဗြိတိန်တွင် ပြန်လည် ချထားခြင်းသည် သာမန်ကိစ္စမဟုတ်ဟု ၎င်းက ထပ်လောင်းရှင်းပြခဲ့သည်။အဆိုပါရွှေ့ပြောင်းမှုနှင့်ပတ်သက်၍ အမေရိကန်နှင့် ဗြိတိန်နိုင်ငံတို့က အတည်မပြုသေးဘဲ အမေရိကန်က မည်မျှသော နျူကလီးယား လက်နက် များကို ပြန်လည်ချထားခဲ့သည်ကိုလည်း မရှင်းလင်းသေးပေ။ စစ်အေး တိုက်ပွဲ အပြီးမှစ၍ NATO ၏ ဥရောပတွင် နျူကလီးယားလက်နက်များ ချထားမှုမှာ များသောအားဖြင့် မပြောင်းလဲဘဲ ရှိနေခဲ့ပြီး လက်ရှိတွင် ဘယ်လ်ဂျီယမ်၊ ဂျာမနီ၊ နယ်သာလန်၊ အီတလီနှင့် တူရကီနိုင်ငံများတွင် နျူကလီးယားလက်နက်များ တပ်ဆင်ချထားသည်။ ရုရှားနှင့် နီးစပ်သော နေရာများသို့ နျူကလီးယားလက်နက်များ ရွှေ့ပြောင်းမှုသည် အရေး ပါသော အရှိန်မြှင့်လုပ်ဆောင်မှုတစ်ခုအဖြစ် သတ်မှတ်ခံရနိုင်သည်။Bloomberg ၏ အဆိုပါသတင်းသည် ကိုယ်ပိုင်နျူကလီးယား လက်နက် များ ပိုင်ဆိုင်ထားသော ဗြိတိန်နိုင်ငံက ဇွန်လတွင် အမေရိကန်ထုတ် B61-12 ဗုံးများကို သယ်ဆောင်နိုင်သည့် F-35A တိုက်လေယာဉ် အနည်းဆုံး ၁၂ စီးကို ဝယ်ယူရန် အစီအစဉ်များ အတည်ပြုကြောင်း ကြေညာပြီးနောက် ထွက်ပေါ်လာခြင်းဖြစ်သည်။ လန်ဒန်အစိုးရက ယင်းလုပ်ဆောင်မှုကို ဗြိတိန်၏ နျူကလီးယားစွမ်းရည် တစ်ခေတ်ဆန်းသစ်မှုအဖြစ်" ဖော်ပြ ခဲ့သည်။လွန်ခဲ့သော နှစ်က NATO အထွေထွေအတွင်းရေးမှူးဟောင်း Jens Stoltenberg က ရုရှားနှင့် တရုတ်တို့အား ဖြစ်နိုင်ခြေရှိသော ရန်သူများ အဖြစ် ရည်ညွှန်းကာ ၎င်းတို့ကို ခြိမ်းခြောက်ရန် နျူကလီးယား လက်နက် များ ပိုမိုချထားရန် စဉ်းစားနေကြောင်း ပြောကြားခဲ့သည်။ ကရင်မလင် ပြောရေးဆိုခွင့်ရှိသူ Dmitry Peskov က အဆိုပါကြေညာချက်ကို တင်းမာမှုများကို ပိုမိုမြင့်တက်လာစေသည့် လုပ်ဆောင်မှုဟု ဝေဖန် ခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 29-Jul-2025
တူရကီက အမေရိကန်လက်နက်များထက် ပိုမိုစွမ်းအားရှိသည့် ဗုံး မော်ဒယ်အသစ်များကို ဂုဏ်ယူစွာဖော်ပြ
တူရကီက အမေရိကန်လက်နက်များထက် ပိုမိုစွမ်းအားရှိသည့် ဗုံး မော်ဒယ်အသစ်များကို ဂုဏ်ယူစွာဖော်ပြ
တူရကီသည် အမေရိကန်လက်နက်များထက် ပိုမိုစွမ်းအားရှိသည်ဟု ကြော်ငြာထားသော Ghost တင့်ကားဖျက် ဗုံးအပါအဝင် ဗုံးမော်ဒယ် အသစ် ၂ မျိုးကို မိတ်ဆက်ခဲ့သည်။ လွန်ခဲ့သည့်သီတင်းပတ်က အစ္စတန် ဘူလ်တွင် ကျင်းပခဲ့သော International Defense Industry Exhibition (IDEF) တွင် တူရကီသည် ၉၇၀ ကီလိုဂရမ်အလေးချိန်ရှိသည့် NEB-2 Ghost ဥမင်ဖောက်ဗုံးအသစ်ကို ကြေညာခဲ့သည်။တူရကီအရာရှိတစ်ဦးက "အမေရိကန်ဗုံးများသည် C35 စံချိန်စံညွှန်း သံကူကွန်ကရစ်ကို ၂.၅ မီတာဖောက်နိုင်သော်လည်း NEB-2 သည် နျူကလီးယားစက်ရုံများကာကွယ်ရန်အသုံးပြုသည့် ကွန်ကရစ်ထက် ၃ ဆပိုမိုခိုင်မာသော C50 ကွန်ကရစ်ကို ၇ မီတာအထိ ဖောက်ထွင်းနိုင်ပြီး ယခုအချိန်တွင် အဆိုပါဗုံးသည် ကမ္ဘာ့အကောင်းဆုံးဥမင်ဖောက်ဗုံး ဖြစ်သည်" ဟု ပြောကြားခဲ့သည်။Ghost ဒုံးပျံ၏ စမ်းသပ်မှုပြုလုပ်ရာ ကျွန်းပေါ်တွင် ၉၀ မီတာအနက်အထိ ဖောက်ထွင်းကာ မြေပြိုမှု၊ ဓာတ်ငွေ့လှိုင်းများနှင့် ကျောက်တုံးများ ပျက်စီးမှုများ ဖြစ်ပေါ်ခဲ့သည်ဟု တူရကီအရာရှိက ဆိုသည်။ ပုံမှန်အား ဖြင့် ဗုံးပေါက်ကွဲမှုသည် ပစ်မှတ်ကို ထိရောက်ပြီး ၂၅ မီလီစက္ကန့် အကြာ တွင် ဖြစ်ပေါ်သော်လည်း ပျက်စီးမှုပိုမိုမြင့်မားစေရန် ၂၄၀ မီလီစက္ကန့် အထိ ချိန်ညှိထားသည်ဟုလည်း ဖော်ပြခဲ့သည်။အချို့လေ့လာသူများက တူရကီအရာရှိများ၏ အချက်အလက်များကို သံသယရှိကြသည်။ "အမေရိကန်ထုတ် ၁,၈၀၀-၂,၃၀၀ ကီလိုဂရမ် အလေးချိန်ရှိသော GBU-28 စီးရီးကဲ့သို့သော ကြီးမားသည့် လက်နက် များသာ အမြင့်မှပစ်ချပါက တူညီသောဖျက်စီးနိုင်စွမ်းရှိသည်" ဟု ယူကရိန်း စစ်ဘက်ဆိုင်ရာဝက်ဘ်ဆိုဒ် Militarnyi က ဖော်ပြခဲ့သည်။ထို့အပြင် တူရကီကာကွယ်ရေးဝန်ကြီးဌာန၏ သုတေသနနှင့် ဖွံ့ဖြိုးရေး ဗဟိုဌာနမှ ဒီဇိုင်းဆွဲထားသည့် ၉၇၀ ကီလိုဂရမ်ထိပ်ဖူးပါသော GAZAP ဗုံးကိုလည်း မိတ်ဆက်ခဲ့သည်။ ၎င်းကို တူရကီ၏ အစွမ်းထက်ဆုံး နျူကလီးယားမဟုတ်သောဗုံးအဖြစ် သတ်မှတ်ထားကာ ပေါက်ကွဲမှုပုံစံ နှင့် ပါဝင်ခဲယမ်းများကိုမြှင့်တင်ထားသည့်အတွက် ပေါက်ကွဲမှုအား ၃ ဆပိုမိုပြင်းထန်ကြောင်းနှင့် တပ်ဆင်အသုံးပြုရန် အသင့်ဖြစ်နေကြောင်း ကြေညာခဲ့သည်။ယခင်က နိုင်ငံခြားမှသာ လက်နက်များဝယ်ယူခဲ့သော တူရကီသည် တဖြည်းဖြည်း ကိုယ်ပိုင်လက်နက်များ ဖွံ့ဖြိုးတိုးတက်ရန် အာရုံစိုက်လာ ခဲ့သည်။ ယခုအခါ ၎င်းသည် ကမ္ဘာ့လက်နက်တင်ပို့သည့် အဓိကနိုင်ငံ တစ်ခုဖြစ်လာပြီး ဥရောပနှင့် အရှေ့အလယ်ပိုင်းတွင် ဖောက်သည်များ ပိုမိုရရှိလာကာ နိုင်ငံတကာဈေးကွက်တွင် ထင်ရှားသည့်လက်နက်များ ပိုင်ဆိုင်ထားသည်။ တူရကီ၏ လက်နက်တင်ပို့မှုများသည် နှစ်စဉ် တဖြည်းဖြည်း တိုးတက်လာခဲ့ပြီး ၂၀၂၄ ခုနှစ်တွင် ဒေါ်လာ ၇.၁ ဘီလီယံ သို့ ရောက်ရှိခဲ့ပြီး လွန်ခဲ့သော ၁၀ နှစ်က လက်နက်တင်ပို့မှုမှ ဒေါ်လာ ၁.၉ ဘီလီယံမျှသာ ရှိခဲ့သည်။ကိုးကား- VN Expressဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 29-Jul-2025
ဗြိတိန်အစိုးရက စစ်ဘက်ဆိုင်ရာ ထောက်လှမ်းရေးပူဖောင်းများ စမ်းသပ်
ဗြိတိန်အစိုးရက စစ်ဘက်ဆိုင်ရာ ထောက်လှမ်းရေးပူဖောင်းများ စမ်းသပ်
ဗြိတိန်အစိုးရသည် Stratosphere (လေထုအထက်လွှာ) မှ ပစ်မှတ်များ အား ထောက်လှမ်းရန် အရပ်ဘက်လေယာဉ်အများစု ပျံသန်းနေသည့် အမြင့်ထက် ပိုမြင့်သောအမြင့် ၁၈-၂၄ ကီလိုမီတာတွင် ပျံသန်းနိုင်ပြီး တစ်ဆက်တည်း ၅ ရက်ကြာ အလုပ်လုပ်နိုင်သည့် ထောက်လှမ်းရေး ပူဖောင်းတစ်မျိုးကို အောင်မြင်စွာ စမ်းသပ်နိုင်ခဲ့ကြောင်း ဇူလိုင် ၂၇ ရက် တွင် ကြေညာခဲ့သည်။အဆိုပါစမ်းသပ်မှုကို အမေရိကန်ပြည်ထောင်စု တောင်ဒါကိုတာ ပြည်နယ် တွင် "Project AETHER" အစီအစဉ်အရ ဗြိတိန် ကာကွယ်ရေး ဝန်ကြီး ဌာန၏ ပံ့ပိုးမှုဖြင့် ဆောင်ရွက်ခဲ့ခြင်းဖြစ်သည်။ ယင်းစီမံကိန်းကို ဗြိတိန် ကုမ္ပဏီ Voltitude က Landguard Systems (UK) နှင့် Aerostar (USA) တို့နှင့် ပူးပေါင်းကာ ဦးဆောင်ခဲ့သည်။ စမ်းသပ်မှုအတွင်း ပူဖောင်း များသည် ၃,၇၀၀ ကီလိုမီတာ အကွာအဝေးအထိ ပျံသန်းနိုင်ခဲ့ပြီး အမြင့် ၁၈-၂၄ ကီလိုမီတာအထိ ရောက်ရှိခဲ့သည်။ ယင်းအမြင့်သည် အရပ်ဘက် လေယာဉ်အများစုနှင့် စစ်လေယာဉ်များ၏ ပုံမှန်ပျံသန်းအမြင့်ထက် နှစ်ဆခန့်ပိုမိုမြင့်မားသည်။ဗြိတိန်အစိုးရ၏ ထုတ်ပြန်ချက်အရ ပထမအသုတ် ပူဖောင်းများကို တစ်ခုပြီးတစ်ခု လွှတ်တင်ခဲ့ပြီး တစ်ခုစီသည် ၅ ရက်ကျော်ကြာ ပျံသန်း ကာ တစ်လတာကာလအတွင်း အဆက်မပြတ် ထောက်လှမ်းချက်များ ပေးပို့နိုင်ခဲ့သည်ဟု သိရှိရသည်။ ပူဖောင်းတစ်လုံးစီသည် ထောက်လှမ်းရေး ကိရိယာများ ၃ ကီလိုဂရမ်အထိ သယ်ဆောင်နိုင်ပြီး တစ်လတာ ကြာမြင့်သည့် ပူဖောင်းအုပ်တစ်ခုလုံးပျံသန်းမှုကို ထိန်းချုပ်ရန် လူတစ်ဦး တည်းသာ လိုအပ်သည်ဟု ဆိုသည်။ကြေညာချက်တွင် "လူမဲ့ပူဖောင်းစနစ်များသည် ပုံမှန်ထောက်လှမ်းရေး နည်းလမ်းများထက် စရိတ်သက်သာသော အခြားရွေးချယ်စရာ တစ်ခု ဖြစ်ပြီး ထိန်းသိမ်းမှုမလိုအပ်ဘဲ အမြင့်ပိုင်းတွင် အချိန်ကြာမြင့်စွာ ပျံသန်း နေနိုင်ခြင်းဖြင့် နိုင်ငံ့လုံခြုံရေးကို မြှင့်တင်ပေးနိုင်ကာ အစိုးရ၏ ပြုပြင် ပြောင်းလဲရေးအစီအစဉ်များကိုလည်း အထောက်အကူဖြစ်စေမည်" ဟု ရှင်းလင်းစွာ ဖော်ပြထားသည်။ အဆိုပါ ပူဖောင်းများသည် စစ်ရေးအပြင် သဘာဝဘေးအန္တရာယ်ဆိုင်ရာလုပ်ငန်းများတွင် ဆက်သွယ်ရေးနှင့်သုတေသနလုပ်ငန်းများအတွက်ပါ အသုံးဝင်မည်ဖြစ်သည်။ သို့ရာတွင် ဂြိုဟ်တုများထက် စရိတ်စကသက်သာသော်လည်း မတော်တဆမှုများ ဖြစ်နိုင်ခြေရှိသည့် အားနည်းချက်များရှိနေသည်။ကိုးကား- VN Expressဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 29-Jul-2025
မန်ဟက်တန်ရှိ အဆောက်အဦတစ်ခုတွင် သေနတ်ကိုင်တိုက်ခိုက်မှု ဖြစ်ပွား
မန်ဟက်တန်ရှိ အဆောက်အဦတစ်ခုတွင် သေနတ်ကိုင်တိုက်ခိုက်မှု ဖြစ်ပွား
ဇူလိုင် ၂၈ ရက်နေ့ ညနေပိုင်းတွင် မန်ဟက်တန်အလယ်ပိုင်းရှိ အထပ်မြင့် ရုံးအဆောက်အဦတစ်ခုအတွင်း သေနတ်သမားတစ်ဦးက ဝင်ရောက် ပစ်ခတ်မှုဖြစ်ပွားခဲ့ပြီး နယူးယောက်ရဲတပ်ဖွဲ့ အရာရှိတစ်ဦးအပါအဝင် အနည်းဆုံး လေးဦး သေဆုံးခဲ့ကာ သေနတ်သမား သည် အဆုံးစီရင် သွားခဲ့သည်။အဆိုပါ ဖြစ်စဉ်သည် ဒေသစံတော်ချိန် ညနေ ၆ နာရီ ၃၀ ဝန်းကျင်တွင် 345 Park Avenue ရှိ အထပ်ပေါင်း ၄၄ ထပ်ရှိသည့် အဆောက်အဦ တစ်ခုအတွင်း ဖြစ်ပွားခဲ့ပြီး ၎င်းအဆောက်အဦတွင် JP Morgan, KPMG, Deutsche Bank, Blackstone, NFL အပါအဝင် အချို့သော ကုမ္ပဏီ များကြီးများ၏ ရုံးခန်းများ တည်ရှိသည်။ ပစ်ခတ်သူသည် M4 မောင်းပြန် သေနတ်ကို ကိုင်ဆောင်ကာ အဆောက်အဦအတွင်းသို့ ဝင်ရောက် ပစ်ခတ် ခဲ့သည်ဟု အာဏာပိုင်များက ပြောကြားခဲ့သည်။သေနတ်သမားသည် ခန်းမဆောင်အတွင်း ပစ်ခတ်ပြီးနောက် အဆောက်အဦ ၏ ၃၃ ထပ်တွင် ပုန်းအောင်းနေစဉ် ၎င်း၏ ရင်ဘတ်ကို သေနတ်ဖြင့် ပစ်ခတ်ကာ အဆုံးစီရင်ခဲ့သည့် အနေအထားဖြင့် သေဆုံးနေသည်ကို တွေ့ရှိခဲ့ရသည်ဟု ရဲတပ်ဖွဲ့က ထုတ်ပြန်ခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 29-Jul-2025
နျူကလီးယား စီမံကိန်းများနှင့်ပတ်သက်၍ ထရမ့်က အီရန်ကို ခြိမ်းခြောက်မှုအသစ် ထုတ်ပြန်
နျူကလီးယား စီမံကိန်းများနှင့်ပတ်သက်၍ ထရမ့်က အီရန်ကို ခြိမ်းခြောက်မှုအသစ် ထုတ်ပြန်
အမေရိကန်သမ္မတ ဒေါ်နယ်ထရမ့်က အီရန်အနေဖြင့် ယူရေနီယမ် ထပ်တိုးသန့်စင်မှုကို ပြန်လည်စတင်ပါက ၎င်း၏နျူကလီးယား စက်ရုံ များကို ထပ်မံတိုက်ခိုက်နိုင်ကြောင်း သတိပေးခဲ့သည်။ ၎င်း၏ နျူကလီးယား လုပ်ငန်းစဉ်သည် ငြိမ်းချမ်းစွာ အသုံးပြုရန်အတွက်ဖြစ်ကြောင်း အခိုင်အမာ ပြောဆိုနေသည့် တီဟီရန်မှ လွန်ခဲ့သည့်လက အမေရိကန်-အစ္စရေး တိုက်ခိုက်မှုများတွင် ထိခိုက်ခဲ့သည့် စက်ရုံများကို ပြန်လည် တည်ဆောက်ရန် ကတိပြုထားသည်။ဇွန်လတွင် အစ္စရေးသည် အီရန်ကို တိုက်ခိုက်မှုများ ပြင်းထန်စွာ ဆင်နွှဲ ခဲ့ပြီး တီဟီရန်သည် နျူကလီးယားလက်နက် ပိုင်ဆိုင်ရန် နီးကပ်နေပြီဟု စွပ်စွဲခဲ့သည်။ ဤသည်မှာ အစ္စရေးအရာရှိများ ဆယ်စုနှစ်များစွာ ပြုလုပ် ခဲ့သည့် စွပ်စွဲချက်တစ်ခုဖြစ်သည်။ IAEA နှင့် အမေရိကန် ထောက်လှမ်းရေး တို့က အီရန်သည် နျူကလီးယားလက်နက်ထုတ်လုပ်နိုင်ရေး လုပ်ဆောင် နေသည့် အထောက်အထား မတွေ့ရှိရဟုဆိုခဲ့သော်လည်း အမေရိကန် သည် Fordow၊ Natanz နှင့် Isfahan ရှိ အီရန်၏စက်ရုံများကို ပစ်မှတ် ထား၍ တိုက်ခိုက်မှုတွင် ပါဝင်ခဲ့သည်။သတင်းများအရ အဆိုပါတိုက်ခိုက်မှုများသည် အီရန်၏ နျူကလီးယား အခြေခံအဆောက်အအုံများကို ပြင်းထန်စွာ ပျက်စီးစေခဲ့ပြီး နျူကလီးယား သိပ္ပံပညာရှင်များနှင့် စစ်ဘက်ဆိုင်ရာဝန်ထမ်းများအပါအဝင် လူပေါင်း ဒါဇင်ချီ၍ သေဆုံးခဲ့သည်။လွန်ခဲ့သည့်သီတင်းပတ်က Fox News နှင့် အင်တာဗျူးတွင် အီရန် နိုင်ငံခြားရေးဝန်ကြီး Abbas Araghchi က အီရန်သည် ၎င်း၏ နျူကလီးယား လုပ်ငန်းစဉ်ကို စွန့်လွှတ်မည်မဟုတ်ကြောင်း ရှင်းလင်းစွာ ပြောကြား ခဲ့သည်။ ၎င်းက ယူရေနီယမ်ထပ်တိုးသန့်စင်မှုကို အီရန် သိပ္ပံပညာရှင် များ၏ အောင်မြင်မှုတစ်ရပ်နှင့် အမျိုးသားရေးဆိုင်ရာ ဂုဏ်ယူဖွယ် အရေး ကိစ္စတစ်ခုအဖြစ် ရည်ညွှန်းခဲ့သည်။ထရမ့်က အီရန်၏ နျူကလီးယားအခြေခံအဆောက်အဦများကို ဖျက်ဆီး ပစ်လိုက်ပြီဖြစ်ပြီး ပြန်လည်စတင်ပါက ချက်ချင်းတိုက်ခိုက် ဖျက်ဆီး ပစ်မည်ဟု ဇူလိုင် ၂၇ ရက်နေ့တွင် တုံ့ပြန်ပြောကြားခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 29-Jul-2025
© Copyright 2024 SAC All Rights Reserved.