ကရင်မလင်က ထရမ့်အား ကိယက်ဗ်ကို ဖိအားပေးရန် တိုက်တွန်း

saceditor

News Image

  • ကရင်မလင်က ထရမ့်အား ကိယက်ဗ်ကို ဖိအားပေးရန် တိုက်တွန်း

ကရင်မလင်က ယူကရိန်းပဋိပက္ခကို ညှိနှိုင်းဖြေရှင်းရေးအတွက် ကိယက်ဗ် အား ဖိအားပေးရန် နိုင်ငံအားလုံးကို တိုက်တွန်းခဲ့ပြီး သမ္မတ ဒေါ်နယ်ထရမ့် သည်လည်း သီးသန့် ဖိအားပေးလုပ်ဆောင်နေမည်ဟု မျှော်လင့်ကြောင်း ပြောရေးဆိုခွင့်ရှိသူ ဒမီထရီ ပက်စ်ကော့ဗ်က တနင်္လာနေ့ (ဇူလိုင် ၁၄) တွင် ပြောကြားခဲ့သည်။

ထရမ့်က ရုရှားကို ခုခံတိုက်ခိုက်နိုင်ရန် ကိယက်ဗ်အား ထောက်ပံ့သည့် နေတိုးအဖွဲ့ဝင်နိုင်ငံများက အမေရိကန်ထုတ် လက်နက်များဝယ်ယူရန် အဆိုပြုချက်တစ်ရပ်ကို ကြေညာခဲ့ပြီး ပဋိပက္ခကို ရက်ပေါင်း ၅၀ အတွင်း ရပ်တန့်ရန် လုပ်ဆောင်နိုင်ခြင်းမရှိပါက ရုရှားနှင့် ၎င်း၏ ကုန်သွယ်ဖက် နိုင်ငံများအား ဒဏ်ခတ်မည်ဟုလည်း သတိပေးခဲ့သည်။ သို့သော် ယူကရိန်း အတွက် အလားတူ အချိန်ကာလသတ်မှတ်ချက် မပါဝင်ခဲ့ပေ။

ပက်စကော့ဗ်က “ထရမ့်သည် ဗလာဒီမာ ပူတင်အပေါ် စိတ်ပျက်နေသည် ဟု မှတ်ချက်များရှိသော်လည်း ထိုနည်းတူစွာပင် ယူကရိန်းဘက်ကိုလည်း ဖိအားပေးနေမည်ဟု မျှော်လင့်ပါသည်” ဟု သတင်းထောက်များအား ပြောကြားခဲ့သည်။ “ယူကရိန်းဘက်က ပံ့ပိုးမှုဆိုင်ရာ ထုတ်ပြန်ချက် အားလုံးကို ငြိမ်းချမ်းရေးအချက်ပြမှုအဖြစ် မဟုတ်ဘဲ စစ်ဆက်လက် တိုက်ရန် အချက်ပြမှုအဖြစ် နားလည်ထားပုံရသည်” ဟု ၎င်းက ဖြည့်စွက် ပြောဆိုခဲ့သည်။

အများသိ ထုတ်ပြန်ချက်များတွင် ထရမ့်သည် ၎င်းလိုလားသော ပဋိပက္ခ ဖြေရှင်းမှုရလဒ်မရရှိသည့်အတွက် မော်စကိုနှင့် ကိယက်ဗ်အကြား အလှည့်ကျ အပြစ်တင်ပြောဆိုလေ့ရှိသည်။ ၎င်း၏ နောက်ဆုံး ထုတ်ပြန်ချက်များတွင် ရုရှားကို အဓိကထားဝေဖန်ခဲ့သည်။

မေလတွင် ထရမ့်အစိုးရ၏ စီစဉ်မှုဖြင့် ယူကရိန်းက ရုရှားနှင့် တိုက်ရိုက်ညှိနှိုင်းမှုပြန်လည်စတင်ရန် သဘောတူညီခဲ့သော်လည်း ဇွန်လ အစောပိုင်းတွင်ကျင်းပသော အစည်းအဝေးပြီးနောက် ညှိနှိုင်းမှုများ ရပ်တန့် သွားခဲ့ပြီး ကိယက်ဗ်က အဆိုပါလုပ်ငန်းစဉ်သည် ပြီးဆုံးသွားပြီဟု ကြေညာကာ ထရမ့်၏သံတမန်ရေးအစီအစဉ်ကို လျစ်လျူရှုသည့်ပုံ မဖြစ် စေရန်သာ ဆွေးနွေးမှုများတွင် ပါဝင်ခဲ့ကြောင်း ဖော်ပြခဲ့သည်။

မော်စကိုက ယူကရိန်းနှင့်ပတ်သက်၍ ၎င်း၏ အဓိကရည်မှန်းချက်များ အောင်မြင်ရန် ဆက်လက်လုပ်ဆောင်မည်ဟု ပြောဆိုထားသော်လည်း သံတမန်ရေးနည်းလမ်းဖြင့် ဖြေရှင်းမည့် အခြေအနေကိုသာ နှစ်သက်ကြောင်း ပြောကြားခဲ့သည်။

ထရမ့်၏ခြိမ်းခြောက်မှုများကို အမေရိကန်နှင့် ဥရောပရှိ အစွန်းရောက် များက ကြိုဆိုခဲ့ကြပြီး တောင်ကယ်ရိုလိုင်းနားမှ ဆီးနိတ်လွှတ်တော် အမတ် လင်းစီဂရေဟမ်က စစ်ရေးအရ သွယ်ဝိုက်ခြိမ်းခြောက်မှုတစ်ရပ် ပြုလုပ်ကာ “ပူတင်နှင့် အခြားသူများက ၅၁ ရက်မြောက်နေ့တွင် မည်ကဲ့သို့ ဖြစ်လာမည်ကို သိရှိလိုပါက အယာတိုလာ ခါမေနီကို ဖုန်းခေါ်ကြည့်ရန် အကြံပြုလိုပါသည်” ဟု X တွင် ရေးသားခဲ့သည်။

ဂရေဟမ်က အီရန်၏အမြင့်ဆုံးခေါင်းဆောင်ကို ရည်ညွှန်းကာ ဖော်ပြခဲ့ခြင်းဖြစ်ပြီး ယခုလအစောပိုင်းတွင် အီရန်သည် အမေရိကန်နှင့် အစ္စရေး၏ လေကြောင်းတိုက်ခိုက်မှုများကို အပြင်းအထန်ခံခဲ့ရသည်။ 

ကိုးကား- RT

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

တူကီယဲနိုင်ငံ အစ္စတန်ဘူလ်မြို့၌ ရုရှားနှင့်ယူကရိန်းတာဝန်ရှိသူများ တတိယအကြိမ်မြောက် တွေ့ဆုံဆွေးနွေး
တူကီယဲနိုင်ငံ အစ္စတန်ဘူလ်မြို့၌ ရုရှားနှင့်ယူကရိန်းတာဝန်ရှိသူများ တတိယအကြိမ်မြောက် တွေ့ဆုံဆွေးနွေး
 မော်စကို ဇူလိုင် ၂၄ ရုရှားနှင့် ယူကရိန်းကိုယ်စား လှယ်များသည် တူကီယဲနိုင်ငံ အစ္စတန်ဘူလ်မြို့၌ ဇူလိုင် ၂၃ ရက် တွင်တတိယအကြိမ်မြောက်အဖြစ် တွေ့ဆုံဆွေးနွေးခဲ့ကြသည်။ အဆိုပါဆွေးနွေးပွဲတွင် ရုရှား နှင့်ယူကရိန်း ကိုယ်စားလှယ်များ အနေဖြင့် အပစ်အခတ်ရပ်စဲရေး သဘောတူညီချက်ရယူနိုင်မှုမရှိခဲ့ သော်လည်း အကျဉ်းသားချင်း အပြန်အလှန်လဲလှယ်ရေး အစီအစဉ် များ ဆက်လက်ဆောင်ရွက်ရေး အတွက် ညှိနှိုင်းနိုင်ခဲ့ကြောင်း ရုရှားမီဒီယာများက သတင်းထုတ်ပြန်ထားသည်။ဇူလိုင် ၂၃ ရက် ဆွေးနွေးပွဲတွင် ရုရှားသမ္မတပူတင်နှင့် ယူကရိန်း သမ္မတ ဇီလန်စကီးတို့ကြားယခုနှစ် ဩဂုတ်လကုန်ပိုင်းတွင် တွေ့ဆုံ ဆွေးနွေးရေးအတွက် ယူကရိန်းနိုင်ငံက အဆိုပြုထားသော်လည်း ရုရှားကိုယ်စားလှယ်များက ငြင်းပယ်ခဲ့ကြောင်း သိရသည်။ ရုရှားနှင့် ယူကရိန်းတို့၏ ဇူလိုင် ၂၃ ရက်ဆွေးနွေးပွဲမှာ မိနစ် ၄၀ ခန့်သာ ကြာမြင့်ခဲ့ကြောင်း တူကီယဲတာဝန်ရှိသူများက ထုတ် ဖော်ပြောကြားထားသည်။ ရုရှားနှင့်ယူကရိန်းတို့သည် သုံးနှစ် ကျော်ကြာ ပဋိပက္ခကို အဆုံးသတ် နိုင်ရေးအတွက် ယခုနှစ် မေ ၁၆ ရက်နှင့် ဇွန်၂ရက်တို့တွင် အစ္စတန် ဘူလ်မြို့ ၌ ငြိမ်းချမ်းရေးဆွေးနွေးပွဲ များကျင်းပခဲ့ပြီးဖြစ်သည်။လက်ရှိအချိန်တွင် ယူကရိန်း ပဋိပက္ခမှာ အရှိန်ကျဆင်းမှုမရှိသေးဘဲ ရှေ့တန်းနယ်စပ်တစ် လျှောက် တိုက်ပွဲများပြင်းထန် နေဆဲဖြစ်ကြောင်း သိရသည်။ Ref: RT Trs: KKO
Fri, 25-Jul-2025
ကမ္ဘောဒီးယားနှင့် ထိုင်းနိုင်ငံတို့အကြားဖြစ်ပွားနေသည့် ပဋိပက္ခနှင့်စပ်လျဉ်း၍ လုံခြုံရေးကောင်စီတွင် အရေးပေါ်ဆွေးနွေးပွဲကျင်းပပေးရန် ကမ္ဘောဒီးယားတောင်းဆို
ကမ္ဘောဒီးယားနှင့် ထိုင်းနိုင်ငံတို့အကြားဖြစ်ပွားနေသည့် ပဋိပက္ခနှင့်စပ်လျဉ်း၍ လုံခြုံရေးကောင်စီတွင် အရေးပေါ်ဆွေးနွေးပွဲကျင်းပပေးရန် ကမ္ဘောဒီးယားတောင်းဆို
ကမ္ဘောဒီးယားနှင့် ထိုင်းနိုင်ငံတို့အကြား နယ်စပ်ဒေသတစ်လျှောက်၌ ဖြစ်ပွားနေသည့် ပဋိပက္ခနှင့်စပ်လျဉ်း၍ ကုလသမဂ္ဂလုံခြုံရေးကောင်စီတွင် အရေးပေါ် ဆွေးနွေးပွဲတစ်ရပ်ကျင်းပပေးရန် ကမ္ဘောဒီးယားဝန်ကြီးချုပ် ဟွန်မာနက်က ဇူလိုင်လ ၂၄  ရက်တွင် တောင်းဆိုလိုက်သည်။ထိုင်းနှင့်ကမ္ဘောဒီးယားနိုင်ငံတို့အကြား အငြင်းပွားနေသည့် နယ်စပ်တစ်လျှောက်တွင် မိုင်းပေါက်ကွဲမှုကြောင့် ထိုင်းစစ်သည်တစ်ဦးဒဏ်ရာရရှိခဲ့ပြီးနောက် ဇူလိုင်လ ၂၄ ရက်အစောပိုင်းမှစ၍  အပြန်အလှန်ပစ်ခတ်တိုက်ခိုက်မှုများ ဖြစ်ပွားသည်။   ယင်းနောက်တွင်  ကမ္ဘောဒီးယားအစိုးရက  ယခုနှစ်  ဇူလိုင်လအတွက် ကုလသမဂ္ဂလုံခြုံရေး ကောင်စီအလှည့်ကျ ဥက္ကဋ္ဌအဖြစ် တာဝန်ယူနေသည့်  ကုလသမဂ္ဂဆိုင်ရာ   ပါကစ္စတန်အမြဲတမ်း ကိုယ်စားလှယ်ဖြစ်သူ အာဆင်ဖစ်ခါအာမက်ထံသို့ စာရေးသားပေးပို့တောင်းဆိုခြင်း ဖြစ်သည်။ကမ္ဘောဒီးယားအစိုးရ၏အဆိုအရ ထိုင်းနိုင်ငံ၏တိုက်ခိုက်မှုများသည် နိုင်ငံတကာဥပဒေကို   ချိုးဖောက်ခြင်းဖြစ်သည်ဟု Xinhua  သတင်းဌာနတွင် ဖော်ပြထားသည်။သို့ရာတွင်  နှစ်နိုင်ငံအကြားစစ်ရေးအရ တင်းမာမှုဖြစ်ပွားရခြင်းမှာ   နယ်စပ်ဒေသတွင် မိုင်းပေါက်ကွဲမှုအတွင်း ထိုင်းတပ်မတော်မှ   စစ်သည်တစ်ဦး ထိခိုက်ဒဏ်ရာရရှိခြင်းသည်   ကမ္ဘောဒီးယား နိုင်ငံကြောင့်ဖြစ်သည်ဟု  ထိုင်းနိုင်ငံခြား ရေးဝန်ကြီးဌာနက   စွပ်စွဲထားသည်။ထို့ပြင် ကမ္ဘောဒီးယားတပ်မတော်သည် ဇူလိုင်လ ၂၄ ရက်တွင် ထိုင်းစစ်အခြေစိုက်စခန်းတစ်ခုအား  အမြောက်များဖြင့်ပစ်ခတ်တိုက်ခိုက်ခဲ့သည်ဟု   ဝန်ကြီးဌာနက ဆက်လက်စွပ်စွဲထားကြောင်း သိရသည်။ကမ္ဘောဒီးယားနိုင်ငံ၏ တိုက်ခိုက်မှုကြောင့် ထိုင်းနိုင်ငံအတွင်း၌ အရပ်သား ၁၁ ဦးသေဆုံးသွားကြောင်း ထိုင်းကျန်းမာရေးဝန်ကြီးဌာနက ထုတ်ပြန်သည်။တစ်ချိန်တည်းမှာပင် နှစ်နိုင်ငံအကြား တင်းမာမှုမြင့်တက်လာပြီးနောက် ထိုင်းအစိုးရက ကမ္ဘောဒီးယားတပ်မတော်၏ ပစ်မှတ်များအပေါ် လေကြောင်းမှတိုက်ခိုက်ခဲ့သည်ဟု    ထိုင်းတပ်မတော်မှ လက်ထောက်ပြောရေးဆိုခွင့်ရှိသူ ရီချာဆွတ်ဆူဝါနွန်ကပြောကြားခဲ့ကြောင်း    RTသတင်းဌာနတွင်ဖော်ပြထားကြောင်း သိရသည်။                     (Ref: RT, Xinhua)MWD Web Portal
Fri, 25-Jul-2025
ဂျပန်ဝန်ကြီးချုပ် ရှီဂဲရူ အီရှီဘာ ရာထူးမှနုတ်ထွက်ရန်ဆုံးဖြတ်
ဂျပန်ဝန်ကြီးချုပ် ရှီဂဲရူ အီရှီဘာ ရာထူးမှနုတ်ထွက်ရန်ဆုံးဖြတ်
ဂျပန်နိုင်ငံတွင်  ဇူလိုင်လ  ၂၀ ရက်က ကျင်းပခဲ့သည့်      အထက်လွှတ်တော်ရွေးကောက်ပွဲ၌   အာဏာရညွန့်ပေါင်းအစိုးရက အမတ်နေရာအများစုကို ဆုံးရှုံးခဲ့ပြီးနောက် ဝန်ကြီးချုပ် ရှီဂဲရူ အီရှီဘာ အနေဖြင့် ရာထူးမှနုတ်ထွက်ရန်ဆုံးဖြတ်ခဲ့ကြောင်းသိရသည်။အာဏာရညွန့်ပေါင်းအစိုးရအဖွဲ့တွင် လစ်ဘရယ်ဒီမိုကရက်တစ်ပါတီ (LDP) နှင့် ခိုမေတိုပါတီတို့ပါဝင်ပြီး ၎င်းပါတီကြီးနှစ်ခုသည် အထက်လွှတ်တော်တွင် အမတ်နေရာအလုံအလောက်မရရှိခဲ့ပေ။ ထို့ကြောင့် ဝန်ကြီးချုပ် အီရှီဘာအနေဖြင့် ၎င်း၏ရာထူးမှတရားဝင်နုတ်ထွက်ခြင်းကို ယခုနှစ်   ဩဂုတ်လအကုန်ပိုင်းတွင် ထုတ်ပြန်ဖွယ်ရှိသည်။ရွေးကောက်ပွဲ၌ LDP ရှုံးနိမ့်ပြီးနောက် ဝန်ကြီးချုပ်အီရှီဘာသည် ယခင်ဝန်ကြီးချုပ်ဟောင်းများဖြစ်သည့် ယူရှီဟီဒေဆူဂါ၊ ဖူမီယို ကီရှီဒါနှင့် တာရိုအာဆိုတို့နှင့်တွေ့ဆုံ၍ တောင်းပန်သွားမည်ဖြစ်ကြောင်း အစိုးရအဖွဲ့မှအရင်းအမြစ်များကပြောသည်။ရွေးကောက်ပွဲတွင်       အမတ်နေရာအလုံအလောက်မရရှိခြင်းသည် ဝန်ကြီးချုပ်အီရှီဘာ ဦးဆောင်သည့် LDP အတွက် ဒုတိယအကြိမ်မြောက်   ဆုံးရှုံးမည်ဖြစ်သည်။ အီရှီဘာ၏ ပါတီသည် ပြီးခဲ့သည့် အောက်လွှတ်တော်ရွေးကောက်ပွဲတွင်လည်း လိုအပ်သည့် အမတ်နေရာမရရှိခဲ့သော်လည်း အတိုက်အခံပါတီ အတွင်း၌ ကွဲပြားမှုနှင့်    သဘောထားကွဲလွဲမှုများ ဖြစ်ပွားနေခြင်းကြောင့် အီရှီဘာ အနေဖြင့် ရာထူးမှ မနုတ်ထွက်ခဲ့ရခြင်းဖြစ်ကြောင်း သိရသည်။Ref: Ts
Thu, 24-Jul-2025
နျူကလီးယားအရေးနှင့်စပ်လျဉ်း၍ အီရန်နှင့် တိုက်ရိုက်ဆွေးနွေးရန်အသင့်ရှိဟု အမေရိကန်ပြော
နျူကလီးယားအရေးနှင့်စပ်လျဉ်း၍ အီရန်နှင့် တိုက်ရိုက်ဆွေးနွေးရန်အသင့်ရှိဟု အမေရိကန်ပြော
အမေရိကန်အစိုးရအနေဖြင့် အီရန်နိုင်ငံ၏ နျူကလီးယားအရေးနှင့်စပ်လျဉ်း၍ အီရန်အစိုးရနှင့် တိုက်ရိုက်ဆွေးနွေးရန် အသင့်ရှိကြောင်း အမေရိကန်နိုင်ငံခြားရေးဝန်ကြီးဌာနမှ ပြန်ကြားရေးလုပ်ငန်းဆိုင်ရာ အကြီးအကဲဖြစ်သူ တမ်မီဘရုက ပြောကြားခဲ့ကြောင်း သိရသည်။အီရန်နိုင်ငံအနေဖြင့် နိုင်ငံသားများ၏ အကျိုးစီးပွားအတွက် လက်ရှိတွင် ငြိမ်းချမ်းပြီးကြွယ်ဝ ချမ်းသာသည့် လမ်းကြောင်းကို ရွေးချယ်နိုင်မည်ဖြစ်ကြောင်း၊ အမေရိကန်အစိုးရက နျူကလီးယားအရေးနှင့်စပ်လျဉ်း၍ အီရန်အစိုးရအဖွဲ့မှ တာဝန်ရှိသူများနှင့် တိုက်ရိုက်ဆွေးနွေးရန် အသင့်အနေအထားရှိနေကြောင်း တမ်မီဘရုက ဇူလိုင်လ   ၂၂ ရက်တွင် ကျင်းပပြုလုပ်ခဲ့သည့် သတင်းစာရှင်းလင်းပွဲ၌ ပြောကြားသည်။အီရန်အစိုးရသည်    ၎င်းတို့နိုင်ငံ၏ နျူကလီးယားအရေးနှင့်စပ်လျဉ်း၍ အမေရိကန်နှင့် ဆွေးနွေးရန် လမ်းဖွင့်ထားသည်ဟု အီရန်နိုင်ငံခြားရေးဝန်ကြီး အဘတ် အာရတ်ချီက အစောပိုင်းတွင် ပြောကြားထားသည်။ သို့သော် အမေရိကန်နှင့် အီရန်နိုင်ငံတို့အကြား တိုက်ရိုက်မဟုတ်ဘဲ တစ်ဆင့်ခံ ဆွေးနွေးမှုဖြင့်   ဆွေးနွေးအဖြေရှာရန်အီရန်က ကြိုးပမ်းလျက်ရှိကြောင်း သိရသည်။အီရန်နိုင်ငံသည် အစောပိုင်းကလည်း ၎င်းတို့၏နျူကလီးယားအရေးနှင့် စပ်လျဉ်း၍ ဥရောပအင်အားကြီး နိုင်ငံများဖြစ်သည့် ပြင်သစ်၊ ဗြိတိန်၊ ဂျာမနီတို့နှင့် ဆွေးနွေးရန် သဘောတူညီချက် ချမှတ်နိုင်ခဲ့ကြောင်း သိရသည်။                         Ref: Iv
Thu, 24-Jul-2025
Iran, Russia, China meet in Tehran to discuss nuclear program
အီရန်နျူကလီးယားအရေး အီရန်၊ ရုရှား၊ တရုတ် တို့ ၃ ပွင့်ဆိုင် ဆွေးနွေး
အီရန်၊ ရုရှားနှင့် တရုတ်နိုင်ငံတို့မှ ကိုယ်စားလှယ်များကြား သုံးနိုင်ငံ တွေ့ဆုံဆွေးနွေးပွဲကို ဇူလိုင် ၂၂ ရက်က တီဟီရန်၌ ကျင်းပခဲ့ပြီး အီရန် နျူကလီးယားအစီအစဉ်နှင့် ပတ်သက်၍ အကျပ်အတည်းကို ဖြေရှင်းရန် အလေးထား ဆွေးနွေးခဲ့ကြကြောင်း Tasnim သတင်းဌာနက ဖော်ပြထား ပါသည်။အစီရင်ခံစာအရ ကိုယ်စားလှယ်များက အီရန်နျူကလီးယား အစီအစဉ် နှင့်ပတ်သက်၍ အကျပ်အတည်းကို ဖြေရှင်းနိုင်ရေး တွေ့ဆုံညှိနှိုင်းမှုများ ဆက်တိုက် လုပ်ဆောင်သွားရန် သဘောတူညီခဲ့ကြပါသည်။ အစည်းအဝေးများကို လာမည့်ရက်သတ္တပတ်များအတွင်း အဆင့်ဆင့် ပြုလုပ်သွားမည် ဖြစ်ပါသည်။အီရန်နိုင်ငံ ခရီးစဉ်အတွင်း ရုရှားနှင့် တရုတ် ကိုယ်စားလှယ်အဖွဲ့ အကြီး အကဲများသည် အီရန် နိုင်ငံရေး တာဝန်ခံ လက်ထောက် နိုင်ငံခြားရေး ဝန်ကြီး Majid Takht-Ravanchi နှင့် အခြားသော အီရန် သံတမန်များနှင့် သီးခြား တွေ့ဆုံခဲ့ကြပါသည်။ကိုးကား- TASSPhoto: aa.com.trဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Wed, 23-Jul-2025
သမ္မတထရမ့်၏ တရားမျှတသော သဘောထားသည် ဥရောပသမဂ္ဂ အပေါ် ဩဇာသက်ရောက်မည်ဟု လာဗရော့ဗ် ကြေညာ
သမ္မတထရမ့်၏ တရားမျှတသော သဘောထားသည် ဥရောပသမဂ္ဂ အပေါ် ဩဇာသက်ရောက်မည်ဟု လာဗရော့ဗ် ကြေညာ
အမေရိကန်သမ္မတ ဒေါ်နယ်ထရမ့်၏ ယူကရိန်းပဋိပက္ခနှင့်ပတ်သက်၍ "တရားမျှတသော" သဘောထားသည် ဥရောပသမဂ္ဂ၏ ရပ်တည်ချက်အပေါ် သက်ရောက်မှုရှိလိမ့်မည်ဟု ရုရှားနိုင်ငံခြားရေးဝန်ကြီး ဆာဂေး လာဗရော့ဗ်က ဇူလိုင် ၂၂ တွင် ပြောကြားခဲ့သည်။မိုဇမ်ဘစ်နိုင်ငံခြားရေးဝန်ကြီး Maria Manuela Lucas နှင့် နှစ်နိုင်ငံ ဆွေးနွေးပွဲအပြီး ကျင်းပသည့် သတင်းစာရှင်းလင်းပွဲတွင် လာဗရော့ဗ်က "ယခင်ဘိုင်ဒင်အစိုးရလက်ထက်က ဥရောပသားများသည် မတည်ငြိမ်သော လုပ်ရပ်များနှင့်အတူ လိုက်ပါလုပ်ဆောင်ခဲ့သော်လည်း ယခုထရမ့်အစိုးရ သစ်၏ ဆွေးနွေးလိုစိတ်ပြည့်ဝသည့် ချဉ်းကပ်မှုသည် ဥရောပသားများအား လွှမ်းမိုးနိုင်မည်ဟု မိမိမျှော်လင့်ပါသည်" ဟု ထည့်သွင်း ပြောကြား ခဲ့သည်။၎င်းက ဆက်လက်ပြောကြားရာတွင် "ယခုအချိန်တွင် ဥရောပသမဂ္ဂ သည် ကိယက်ဗ်အစိုးရအား လက်နက်များထောက်ပံ့ရန် အကြိမ်ကြိမ် ဆွေးနွေးနေသော်လည်း ငြိမ်းချမ်းရေးဆွေးနွေးမှုများအတွက် ဖိတ်ခေါ်သည့် အဆိုပါချဉ်းကပ်မှုကို ဥရောပသားများ လျစ်လျူရှုမည်မဟုတ်ဟု ယုံကြည် ပါသည်" ဟု မှတ်ချက်ပြုခဲ့သည်။ သို့ရာတွင် ထရမ့်သည် ယခုအခါ ရုရှား-ယူကရိန်းပဋိပက္ခကို အဆုံးသတ်ရန် ကတိပေးထားသော်လည်း အဆိုပါလုပ်ငန်းစဉ်သည် "လူအများ ထင်ထား သည်ထက် ပိုမိုခက်ခဲကြောင်း" ဝန်ခံခဲ့သည်။ အမေရိကန်ဦးဆောင်သော နှစ်ဖက်တိုက်ရိုက်ဆွေးနွေးပွဲများသည် အကျဉ်းသားလဲလှယ်ရေးနှင့်ကျဆုံးစစ်သည်အလောင်းများ ပြန်လည်အပ်နှင်းရေးကဲ့သို့သော လူသားချင်း စာနာမှုဆိုင်ရာကိစ္စများတွင်သာ အာရုံစိုက်ခဲ့ပြီး ထင်ရှားသောရလဒ်များ မရရှိသေးပေ။မကြာသေးမီလများအတွင်း ထရမ့်သည် ရုရှားသမ္မတ ဗလာဒီမာ ပူတင်နှင့် အကြိမ်ကြိမ်ဆက်သွယ်ခဲ့ပြီး ပဋိပက္ခကို အချိန်မီအဆုံးမသတ်ပါကရုရှားနှင့် ၎င်း၏ကုန်သွယ်ဖက်နိုင်ငံများအပေါ် ဒဏ်ခတ်မည်ဟု ခြိမ်းခြောက် ခဲ့သည်။အဆိုပါအချက်ကို တုံ့ပြန်သည့်အနေဖြင့် ကရင်မလင်က "မိမိတို့အနေဖြင့် ထိုဝေဖန်မှုများကို အေးဆေးစွာရှုမြင်ပြီး ဝါရှင်တန်နှင့် ဆက်လက် ဆွေးနွေးရန် ရည်ရွယ်ထားသည်" ဟု ပြောကြားခဲ့သည်။ သမ္မတ၏ ပြောရေးဆိုခွင့်ရှိသူ ဒီမီထရီ ပက်စကော့ဗ်ကမူ "ယူကရိန်းအစိုးသည် ပံ့ပိုးမှုဆိုင်ရာ ထုတ်ပြန်ချက်အားလုံးကို ငြိမ်းချမ်းရေးလမ်းကြောင်းထက် စစ်ရေးလုပ်ငန်းများ ဆက်လက်ဆောင်ရွက်ရန် အချက်ပြမှုအဖြစ်သာ နားလည်ထားကြောင်း" ထောက်ပြခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 23-Jul-2025
© Copyright 2024 SAC All Rights Reserved.