ကျောက်ဆည်မြို့နယ်တွင် စားဖိုဆောင်သုံး ခရမ်းသီး စိုက်ခင်းများ အောင်မြင်ဖြစ်ထွန်း

saceditor

ကျောက်ဆည်    ဇန်နဝါရီ ၂၁

မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ် တောင်သူများအနေဖြင့် ဆောင်းရာသီတွင် သီးနှံမျိုးစုံ စိုက်ပျိုးလျက်ရှိရာ မြေစိုပါယ်ကျေးရွာတွင်စိုက်ပျိုးထားသော စားဖိုဆောင်သုံး ခရမ်းသီးနှံစိုက်ခင်းများ အောင်မြင်ဖြစ်ထွန်းလျက်ရှိကြောင်း သိရှိရသည်။

ခရမ်းသီးနှံစိုက်ပျိုးမည်ဆိုပါက ရေသွင်းရေထုတ်လွယ်ကူစေရန်အတွက် မြေဘောင်များပြုလုပ်ပြီး တစ်ပင်နှင့်တစ်ပင် (၅)ပေခြား စိုက်ပျိုးကာ အစိုဓာတ်မပြတ်ရေသွင်းပေးရကြောင်း အပင်ငယ်ချိန်တွင် မြေဆွ၍ တစ်လတစ်ခါ အပင်အခြေများတွင် အာမိုနဲ့ပုလဲမြေဩဇာ သင့်တင့်ရုံကျွေးပေးရပြီး လိုအပ်သည့်အခါ အပင်အားတိုးဆေးနှင့် ပိုးသတ်ဆေးများလည်း ဖျန်းပေးရကြောင်း၊ခူးဆွတ် ရောင်းသည့်အခါ နေ့စဉ်/တစ်ရက်ခြား ရောင်းချ၍ရကြောင်း၊ ရောင်းချချိန်ကာလကြာမြင့်ပြီး ရောင်းဈေးအနေဖြင့် တစ်ပိဿာငွေကျပ်(၁၀၀၀)မှ (၁၄၀၀)ကျပ်အထိ ရောင်းချရသဖြင့်  ခရမ်းစိုက်ပျိုး ရောင်းချသည့် တောင်သူများ မိသားစုစားဝတ်နေရေး အဆင်ပြေလျက်ရှိကြောင်း ခရမ်းစိုက်ပျိုးရောင်းချသည့် တောင်သူများ ပြောပြ၍ သိရသည်။

ခရမ်းစိုက်ပျိုးရာတွင် အောင်မြင်ပြီး အသေအပျောက်မရှိစေရေး ခရမ်းမျိုးစေ့များအား ပလတ်စတစ်ပျိုးထုပ်များနှင့် ပျိုးထောင်ပြီး ပျိုးပင်သက်(၁)လသားအရွယ်တွင် သန်မာသည့် မျိုးပင်များကို ရွေးချယ်၍  မြေပြင်ထားသည့်စိုက်ခင်းသို့ ပြောင်းရွေ့စိုက်ပျိုးရကြောင်း၊ ခရမ်းသီးနှံသည် နေ့စဉ်ရက်ခြား ခူးဆွတ်ရောင်းချရသဖြင့် စိုက်ပျိုးသင့်သည့်သီးနှံတစ်မျိုးဖြစ်ကြောင်း သိရသည်။ 

ပေးပို့သူ- တင်တင်ထွေး၊ ကျောက်ဆည်မြို့နယ်(ပြန်/ဆက်)

Subject-Image

  • ကျောက်ဆည်မြို့နယ်တွင် စားဖိုဆောင်သုံး ခရမ်းသီး စိုက်ခင်းများ အောင်မြင်ဖြစ်ထွန်း
  • ကျောက်ဆည်မြို့နယ်တွင် စားဖိုဆောင်သုံး ခရမ်းသီး စိုက်ခင်းများ အောင်မြင်ဖြစ်ထွန်း

Posted-Date

MM-Subject-Category
စီးပွားရေးကဏ္ဍ
စီးပွားရေးကဏ္ဍ-ပြည်တွင်း

ဆက်စပ်ကဏ္ဍများ

တံတားဦးမြို့နယ်တွင် ဝါးထရံယက်လုပ်ရောင်းချသူများ နေ့စဉ်ဝင်ငွေရရှိပြီး မိသားစုစားဝတ်နေရေး အဆင်ပြေလျက်ရှိ
တံတားဦးမြို့နယ်တွင် ဝါးထရံယက်လုပ်ရောင်းချသူများ နေ့စဉ်ဝင်ငွေရရှိပြီး မိသားစုစားဝတ်နေရေး အဆင်ပြေလျက်ရှိ
တံတားဦးခရိုင်၊ တံတားဦးမြို့နယ်တွင် ဝါးထရံ တစ်ပိုင်တစ်နိုင် ယက်လုပ်ရောင်းချသူများ နေ့စဉ်ဝင်ရရှိပြီး မိသားစုစားဝတ်နေရေး အဆင်ပြေလျက်ရှိကြောင်း ဝါးထရံယက်လုပ်ရောင်းချသူများထံမှ သိရသည် ။ဝါးအမျိုးအစားမှာ အမျိုးမျိုးရှိပြီး  ထရံယက်လုပ်ရာတွင် တင်းဝါးအမျိုးအစားကိုသာ အဓိကသုံးစွဲကြကြောင်းနှင့် အနံ(၆)ပေ ၊ အလျား(၁၅)ပေ ၊ရိုးရိုးထရံတစ်ချပ်ယက်လုပ်မည်ဆိုပါက တင်းဝါး(၁၀)လုံး အသုံးပြုရကြောင်း၊ ကုန်ကျမှုအနေဖြင့် လုပ်အားခအပါအဝင် ငွေကျပ်(၄)သောင်း ကုန်ကျပြီး ပြန်လည်ရောင်းချပါက ငွေကျပ်(၇) သောင်း ကျော် ရရှိကြောင်း ၊ ပုံစံဒီဇိုင်းများ ၊ ဝါးအကြောများဖြင့် လုပ်ထားသော နှီးပူးဝါးထရံ အမျိုးအစားများ ယက်လုပ် ရောင်းချပါက ရောင်းဈေးပို၍ရရှိသဖြင့် ဝင်ငွေပို၍ရရှိကြောင်း ဝါးထရံယက်လုပ်ရောင်းချသူ ကူတိုးဆိပ်ကျေးရွား သရဖူဝါးရောင်းဝယ်ရေး လုပ်ငန်းပိုင် ဦးထွန်းထွန်းထံမှ သိရသည် ။ ဝါးထရံများ ယက်လုပ်ရာတွင် ရေရှည်ခိုင်ခန့်စေရန်အတွက် ဝါးများအားရေဝအောင်စိမ်ထားရကြောင်း၊ ရေမစိမ်သည့် ဝါးများဖြင့် ယက်လုပ်ပါက ဝါးပိုးများထိုးပြီး ရေရှည်ခိုင်ခန့်မှု မရှိကြောင်း၊ ဝါးထရံ ဝယ်ယူများ အနေဖြင့် ရေစိမ်ဝါးဖြင့်ယက်လုပ်သည့် ထရံများကို ပိုမိုကြိုက်နှစ်သက်ကြကြောင်းနှင့် ဝါးထရံ ယက်လုပ်မည် ဆိုပါက ရေစိမ်ဝါးရောင်းချသူများထံမှ အများဆုံးဝယ်ယူပြီး ထရံယက်လုပ်ရောင်းချကြောင်း သိရသည်။    ပေးပို့သူ- ဦးရဲတင့်(ပြန်/ဆက်) 
တစ်ပတ်အတွင်း မြန်မာ့စီးပွားရေး ဈေးကွက်သုံးသပ်ချက်
တစ်ပတ်အတွင်း မြန်မာ့စီးပွားရေး ဈေးကွက်သုံးသပ်ချက်
မြန်မာနိုင်ငံ၏ ဘဏ္ဍာရေးနှစ်ကုန်ဆုံးချိန်ရောက်လာပြီဖြစ်ရာ အစိုးရတင်ဒါလုပ်ငန်းများ သတ်မှတ်ကာလကုန်ဆုံး ချိန်လည်းဖြစ်သည်။ ဘတ်ဂျတ်ကာလအသစ်အတွက် လုပ်ငန်းများစတင်မည်ဖြစ်သကဲ့သို့ ယခင်ဘဏ္ဍာနှစ်မှ လက်ကျန်လုပ်ငန်းများသည်လည်း လုပ်ငန်းအချောသပ်အပ်နှံရမည် ဖြစ်သည်။ အစိုးရ တင်ဒါလုပ်ငန်းအများစုတွင် ဆောက်လုပ်ရေးလုပ်ငန်းများပါဝင်ကြပြီး အခက်အခဲမျိုးမျိုးကြောင့် တင်ဒါပါ စည်းမျဉ်းများကို လိုက်ပါ မဆောင်ရွက်နိုင်သောလုပ်ငန်းများရှိကြောင်း ဆောက်လုပ်ရေးလုပ်ငန်းရှင်များထံမှ သိရသည်။မကြာမီကာလအတွင်း မြန်မာနှစ်သစ်ကူး သင်္ကြန်ကာလသို့ရောက်ရှိ လာမည်ဖြစ်သော်လည်း ပြည်တွင်း ရွှေဈေးကွက် နှင့် နိုင်ငံခြားငွေလဲဈေးကွက်မှာ အပြောင်းအလဲနည်းပါးနေသည်။ မြန်မာ့ရွှေဈေးကွက်နှင့် နိုင်ငံခြားငွေလဲဈေးကွက်သည် ဗဟိုဘဏ်သတ်မှတ်ဈေးနှင့် ပြင်ပပေါက်ဈေးအကြား ကွာခြားချက်ကြီးမားစွာ ဆက်လက်ရပ်တည်နေသည်။ နိုင်ငံတကာတွင် ရွှေဈေးကွက်အပြောင်းအလဲ မြန်ဆန်နေသော်လည်း ပြည်တွင်း ဈေးကွက်သို့ ကြီးမားသောသက်ရောက်မှုမရှိခြင်းကြောင့် အရောင်းအဝယ်များ နည်းပါးကြောင်း ရွှေကုန်သည်များ ထံမှ သိရသည်။မတ်လအတွင်း နိုင်ငံခြားငွေလဲဈေးကွက်တွင် အရောင်းအဝယ်တည်ငြိမ်နေရာ နိုင်ငံခြားမှတင်သွင်းသည့် စက်သုံးဆီနှင့် စားအုန်းဆီဈေးကွက်တွင် ဈေးများ ကျဆင်းနေကြောင်းသိရသည်။ စက်သုံးဆီတင် သွင်းမှုအဖြစ် လတ် တလောတွင်သာမက လာမည့် သင်္ကြန်ကာလအထိ စဉ်ဆက်မပြတ်စေရန် စီစဉ်ထားကြောင်း သက်ဆိုင်ရာမှထုတ်ပြန်ချက်များအရသိရသည်။ အခြေခံစားသောက်ကုန်များအပါအဝင် အထွေထွေကုန်ဈေးနှုန်းမြင့်တက်မှုမှာ ဆက်လက် ဖြစ်ပွား နေရာ ပြည်သူများအတွက် အခက်အခဲကြုံတွေ့နေရဆဲဖြစ်သည်။ စက်သုံးဆီနှင့်စားအုန်းဆီဈေးများ တည်ငြိမ်နေသော် လည်း ကုန်ဈေးနှုန်းကျဆင်းခြင်းမရှိသောကြောင့် ဈေးကွက်အတွင်း ဝယ်လိုအား ကျဆင်းနေကြောင်းသိရသည်။ ထို့ပြင် မြန်မာနိုင်ငံ၏ငွေကြေးဖောင်းပွမှုမှာ ဆက်တိုက်မြင့်တက်နေ ဆဲဖြစ်ပြီး ယခင်ဘဏ္ဍာနှစ်ဖြင့်နှိုင်းယှဉ်ပါက တူညီသောအခြေအနေတွင်ရှိနိုင်ကြောင်း ဈေးကွက် ကျွမ်း ကျင်သူ များကသုံးသပ်ကြသည်။ ယခင်ဘဏ္ဍာရေးနှစ် (၂၀၂၃- ၂၀၂၄) ခုနှစ်က ငွေကြေးဖောင်းပွမှုမှာ (၂၇) ရာခိုင်နှုန်းအထိမြင့်တက်ခဲ့ရာ အထွေထွေကုန်ဈေးနှုန်းများ နှစ်ဆမှသုံးဆအထိ လက်လီဈေးကွက် အတွင်း မြင့်တက်ခဲ့ကြောင်းသိရသည်။ မြန်မာနိုင်ငံ၏ အခြေခံစား သောက်ကုန်မဟုတ်သော ကုန်စည်အများစုမှာ ပြည်ပမှတင်သွင်းရောင်းချခြင်းဖြစ်ရာ ထုတ်လုပ်မှုနှင့် နောက်ဆုံး အသုံးပြုသူအကြား ဈေးကွာခြားချက်ကြီး မားနေခြင်းဖြစ်သည်။ လတ်တလောဈေးကွက် အခြေအနေ များအရ လာမည့်ရက်ပိုင်းအတွင်း အခြေခံကုန်စည်နှင့် အခြားကုန်စည်ဈေးနှုန်းများ အမြင့်ပိုင်းတွင် ဆက်လက်ရပ်တည် နေမည်ဖြစ်ပြီး အထွေထွေကုန်ဈေးနှုန်းကြီးမြင့်မှုကို ပြည်သူများ ဆက်လက်ခံစားနေရမည်ဖြစ်သည်။ဆက်တိုက်မြင့်တက်နေသော ကမ္ဘာ့ရွှေဈေးနှင့်နိုင်ငံခြားငွေဈေးကွက်ယခုတစ်ပတ်အတွင်း အမေရိကန်နှင့် အရှေ့အလယ်ပိုင်းပြဿနာများကြောင့် ကမ္ဘာ့ရွှေဈေး ကွက်အတွင်း ရွှေဈေး များ ဆက်တိုက်မြင့်တက်ခဲ့ ကြောင်းသိရသည်။ မတ်လ (၁၉)ရက်မတိုင်မီကာ လကတည်းက ကမ္ဘာ့ရွှေဈေးသည် တစ်အောင်စလျှင် အမေရိကန်ဒေါ်လာ(၃၀ဝဝ)ကျော်သို့ ရောက် ရှိလာပြီး ကျရိပ်မရှိဘဲ ဆက်တိုက်မြင့်တက်ခဲ့ခြင်း ဖြစ်သည်။ လတ်တလော ပြည်တွင်းဈေးကွက်တွင် ရွှေ လေပတ်ကားအရောင်းအဝယ်များ နည်းပါးသွားခြင်း ကြောင့် ပြင်ပရွှေဈေး အတက်နည်းပါးခဲ့ကြောင်း ရွှေ ကုန်သည်အသိုင်းအဝိုင်းထံမှသိရသည်။ ယခုတစ် ပတ်အတွင်း ကမ္ဘာ့ရွှေဈေးသည် ရွှေတစ်အောင်စ လျှင် မတ်လ(၁၈)ရက်မှစတင်ကာ (၃၀၄၄)ဒေါ်လာ၊ (၃၀၄၈)ဒေါ်လာ၊ (၃၀၃၄)ဒေါ်လာ၊ (၃၀၂၂)ဒေါ်လာ ၊ (၃၀၂၄)ဒေါ်လာနှင့် မတ်လ(၂၅)ရက်တွင် (၃၀၁၀)ဒေါ်လာ အသီးသီးပေါက်ဈေး ဖြစ်ပေါ်ခဲ့သည်။ ကမ္ဘာ့ရွှေဈေးများ စံချိန်တင်မြင့်တက်ခဲ့သော်လည်း ပြည်တွင်းရွှေဈေးကွက်တွင် အရောင်းအဝယ်အေးနေခြင်း ကြောင့် ဈေးတည်ငြိမ်နေကြောင်းသိရသည်။ ပြည်တွင်းပြင်ပရွှေဈေးကွက်တွင် အခေါက်ရွှေတစ်ကျပ် သားလျှင်(၆၇)သိန်းမှ (၆၈)သိန်းဝန်းကျင်ခန့်သာ ဈေးနှုန်းများအပြောင်းအလဲ ဖြစ်ပေါ်ခဲ့ ကြောင်း သိရသည်။ ပြည်တွင်းရွှေဈေးကွက်၏ တရားဝင်ရည်ညွှန်း ဈေးဖြစ်သည့် ရန်ကုန်တိုင်းရွှေလုပ်ငန်းရှင် များအသင်းရုံး (YGEA) မှပေါက်ဈေးများတွင်မူ အကယ် ဒမီရွှေ တစ်ကျပ်သားလျှင်(၁၆.၃၂၉၃၂၅)ဂရမ် ဈေး နှုန်းမှာ (၅၆)သိန်းကျပ်ဝန်းကျင်ပေါက်ဈေးရှိကြောင်း သိရသည်။ ပြည်တွင်းရွှေဈေးကွက်အတွင်း (၁၅)ပဲ ရည်ရွှေထည် များမှာ အ‌ရောင်းအဝယ်အေးနေပြီး အခေါက်ရွှေအရောင်းအဝယ်ရပ်တန့်ထားကြောင်း ရွှေ ကုန်သည်အချို့က ပြောကြားသည်။ နိုင်ငံတကာရွှေ ဈေးကွက်မတည်ငြိမ်ပါက ပြည်တွင်းရွှေဈးကွက်ကို သက်ရောက်နိုင်ခြေရှိ သော်လည်း လက်ရှိကာလတွင် ပြည်တွင်း‌ရွှေဈေးကွက်တစ်ခုလုံး ပြင်ပပေါက်ဈေး ကို သာအခြေခံပြီး အ‌ရောင်းအဝယ်ပြုလုပ်နေရကြောင်း သိရသည်။ ထို့ကြောင့် ပြင်ပရွှေပေါက်ဈေးအရ မြန် မာ့ရွှေဈေးသည် လာမည့်ရက်များအတွင်း အမြင့်ပိုင်း တွင် ဆက်လက်ရပ်တည်နေမည်ဖြစ်သည်။ နိုင်ငံခြား ငွေလဲဈေးကွက်တွင် အရောင်းအဝယ်ပုံမှန်ဖြစ်နေပြီး အမေရိကန်တစ်ဒေါ်လာလျှင် (၄၄၀ဝ) ကျပ်အောက် ပြန်လည်ကျဆင်းလာကြောင်းသိရသည်။ နိုင်ငံခြား ငွေလဲဈေးနှုန်း အကျပိုင်းတွင်ရောက်ရှိ လာခြင်းကြောင့် ပြည်တွင်းသွင်းကုန်များအတွက် အဆင်ပြေနေ ကြောင်းသိရသည်။ မြန်မာနိုင်ငံတော် ဗဟိုဘဏ်က မတ်လ(၂၄)ရက်တွင် စက်သုံးဆီလုပ်ငန်းရှင်များအတွက် အမေရိကန်ဒေါ်လာ(၃၅)သန်းနှင့် ယွမ် (၁၀)သန်း ထုတ်ရောင်းပေးမည်ဟုကြေညာထားရာ ငွေလဲဈေးကွက်တွင် နိုင်ငံခြားငွေဈေးများ အကျပိုင်းတွင် ဆက်လက်ရပ်တည်နေသည်။ မတ်လ(၂၅) ရက် ငွေလဲဈေးကွက်ပေါက်ဈေးများအရ အမေရိကန် တစ်ဒေါ်လာလျှင် (၄၃၈၀)ကျပ်၊ တရုတ် တစ်ယွမ် လျှင် (၆၀ဝ)ကျပ်၊ ထိုင်းတစ်ဘတ်လျှင် (၁၂၈)ကျပ်၊ စင်ကာပူတစ်ဒေါ်လာလျှင် (၃၂၈၀) ကျပ် အသီးသီး ပေါက်ဈေးရှိကြောင်း သိရသည်။ လာ မည့်ရက်ပိုင်းအတွင်း နိုင်ငံခြားငွေလဲဈေးကွက်တွင် ငွေလဲဈေးများ အနည်းငယ် ကျဆင်းနေဦးမည် ဖြစ်သည်။အထွေထွေကုန်ဈေးနှုန်းနှင့် ငွေကြေးဖောင်းပွမှုမြန်မာနိုင်ငံ၏ ငွေကြေးဖောင်းပွမှုသည် (၂၀၂၃-၂၀၂၄)ဘဏ္ဍာနှစ်တွင် (၂၇)ရာခိုင်နှုန်းရှိပြီး လက် ရှိ (၂၀၂၄-၂၀၂၅)ဘဏ္ဍာနှစ်တွင် (၁၃) ရာခိုင် နှုန်းခန့်ရှိမည်ဟု သက်ဆိုင်ရာကထုတ်ပြန်သည့် ရသုံးမှန်း ခြေစာရင်းတွင်ဖော်ပြထားသည်။ ပြည်တွင်း လက်လီဈေးကွက်အတွင်းရှိ ဈေးနှုန်းများအရ ယခင် နှစ်ဖြင့်နှိုင်းယှဉ်ပါက ကုန်စည်ဈေးများ နှစ်ဆနီးပါး မြင့်တက်နေကြောင်း ဈေးကွက်အတွင်းမှသိရသည်။ အခြေခံစားသောက်ကုန်မဟုတ်သော အဝတ်အထည်၊ လူသုံးကုန်နှင့်ဆေးဝါး စသည့်တို့မှာ ကျဆင်းခြင်း မရှိဘဲ ဈေးနှုန်းအမြင့်ဖြင့်သာရောင်းချနေရကြောင်း သိရသည်။ ဈေးကွက်အတွင်း ယခင်နှစ်ကဈေးတက် ခဲ့သော ကုန်စည်အချို့မှာ တက်ဈေးအတိုင်းရောင်းချနေသည့်အပြင် ယခုနှစ်အတွင်း ဈေးတက်လာ သည့်ကုန်စည်များသည်လည်း ပွင်းလင်းရာသီရောက် ရှိသော်လည်း ဈေးနှုန်းကျဆင်းခြင်းမရှိကြောင်း ဈေးကွက်အတွင်းမှသိရသည်။ အဓိကအားဖြင့် အသေး စားအလတ်စား အ‌ရောင်းဝယ်လုပ်ကိုင်သောကုန် သည်များမှာ ရောင်းအားကျဆင်းခြင်းနှင့် ကုန်ဈေးနှုန်းမြင့်တက်ခြင်းကို ဆက်တိုက်ခံစားနေရကြောင်း သိရသည်။ ယခင်ဝယ်ယူထားသည့် ကုန်စည်တန်ဖိုး နှင့် လက်ရှိပေါက်ဈေးအကြား ကွာခြားချက်နည်းပါး သော်လည်း စားသုံးသူများထံမှ ဝယ်ယူနိုင်သောစွမ်းအား ကျဆင်းနေကြောင်းသိရသည်။ ငွေကြေးဖောင်း ပွမှုအရ ယခင်နှစ်ကထက် လက်ရှိအချိန်တွင် ငွေတန်ဖိုးများကျဆင်းသွားရာ အမြတ်အစွန်းရရှိရန် အခွင့် အလမ်းနည်းပါးသွားခြင်းဖြစ်သည်။ ယခုနှစ်အတွက် ငွေကြေးဖောင်းပွမှုနှုန်းသည် ယခင်နှစ်များထက် နိမ့် ကျနိုင်သော်လည်း ကုန်ဈေးနှုန်းမှာ ကျဆင်းသွားနိုင် ခြေမရှိကြောင်းသိရသည်။ မြန်မာနိုင်ငံ၏ ငွေကြေးမူ ဝါဒမှာ ဈေးကွက်ဈေးနှုန်း နှုန်းရှင်ဖြင့် အရောင်းအဝယ်ပြုလုပ်နိုင်ခြင်းမရှိသောကြောင့် ငွေကြေးဖောင်းပွမှုဒဏ်ကိုပိုမိုခံစားနေရခြင်းဖြစ်သည်။ ငွေကြေး ဖောင်းပွမှုကြောင့် ဝယ်ယူသူဘက်မှ ဝယ်နိုင်စွမ်းအား ကျဆင်းနေသည့်အပြင် ရောင်းချသူဘက်မှလည်း အမြတ်အစွန်းနည်းပါးပြီး ဈေးကွက် ရပ်တန့်မှုကို ကြုံ တွေ့နေရခြင်းဖြစ်သည်။ အထွေထွေကုန်ဈေးနှုန်း မြင့်တက်နေခြင်းသည် ပြည်တွင်း ငွေကြေးလှည့်လည် စီးဆင်းမှု နှေးကွေးခြင်းအပြင် တစ်ဦးချင်းဝင်ငွေ တန်ဖိုးကျဆင်းခြင်းကြောင့် အကျပ်အတည်းဖြစ်ပေါ်နေ ခြင်းဖြစ်သည်။ သက်ဆိုင်ရာမှထုတ်ပြန်သော စာရင်းဇယားများအရ တစ်ဦး ချင်း အသားတင်ထုတ်ကုန်တန်ဖိုး GDP သည် အရေအတွက်ပမာဏ မြင့်တက်လာနိုင်သော်လည်း တန်ဖိုးအားဖြင့် နိမ့်ကျနေမည်ဖြစ် သည်။ ငွေကြေးတန်ဖိုးကျဆင်းခြင်းနှင့် ဈေးကွက်ပမာဏကျုံ့ဝင် ခြင်းတို့ကြောင့် အခြေခံပြည်သူများအတွက်ဝင်ငွေမှာ သာမန်စားသောက်ကုန်အသုံးစရိတ် အတွက်သာ အသုံးပြုနေရခြင်းဖြစ်သည်။ လာမည့်ရက်များအတွင်း နှစ်သစ်ကူးကာလရုံးပိတ်ရက်များ ရောက်ရှိလာ နိုင်သောကြောင့် အခြေခံစားသောက် ကုန်စည်များ ဈေးနှုန်း အနည်းငယ်မြင့်တက်လာနိုင်သည်။ ငွေ ကြေးဖောင်းပွမှုနှင့် ဈေးကွက်ကွင်းဆက်များ ပြတ်တောက်မှုအရ လာမည့်ရက်များအတွင်း အခြေခံ ပြည်သူလူထုမှာ လူမှုစီးပွားအကျပ်အတည်း ပိုမိုခံစားနေရဦးမည်ဖြစ်သည်။အခြေခံစားသောက်ကုန်များနှင့် မြင့်တက်လာသည့်ကုန်ခြောက်ဈေးပွင်းလင်းရာသီတွင် အခြေခံစားသောက်ကုန်စည်ဈေးနှုန်းများ ဈေးငြိမ်သက်နေသော်လည်း မီးဖို ချောင်သုံး ကုန်ခြောက်ဖြစ်သည့် အာလူး၊ ကြက် သွန်နီနှင့်ကြက်သွန်ဖြူများမှာ ဈေးတက်လာပြီဖြစ် သည်။ အခြေခံစားသောက်ကုန်များတွင် ဆန်ဈေး သည် ရွှေဘို ဆန်ချောဈေးနှုန်းမှာ တစ်အိတ်လျှင် တစ်သိန်းခွဲဝန်းကျင်ဖြင့် အပြောင်းအလဲရှိသော်လည်း အခြားဆန်ဈေးများမှာ အနည်းငယ်မြင့်တက် လာသည်။ ဆန်ကြမ်းအမျိုးအစားဖြစ်သော မနောသုခ တစ်အိတ်လျှင် ကျပ် ကိုးသောင်းခြောက်ထောင် ဈေးရှိပြီး ပုသိမ်ဆင်းသုခတစ်အိတ်လျှင် ကျပ် ရှစ်သောင်းနှစ်ထောင်ဈေးဖြင့် ပုံမှန်အမြင့်ဈေးအတိုင်း ရှိနေကြောင်းသိရသည်။ ထို့ပြင် ဆန်ချောဈေးကွက် အတွင်းရှိ ဖျာပုံပေါ်ဆန်းတစ်အိတ်လျှင် တစ်သိန်း သုံးသောင်းဝန်းကျင်နှင့် ပုံမှန် ရိုးရိုးပေါ်ဆန်းတစ်အိတ်လျှင် တစ်သိန်းတစ်သောင်းကျပ်ရှိကြောင်း သိရ သည်။ ဆန်ဈေးကွက်အပေါ် သက်ဆိုင်ရာက အ‌ရေးကြီးကုန်စည်အဖြစ်သတ်မှတ်ပြီး ဈေးကွက်ထိန်းချုပ် နေခြင်းကြောင့် ဆန်ဈေးများ အနည်းငယ်တည် ငြိမ်နေခြင်းဖြစ်သည်။ စားအုန်းဆီဈေးကွက်တွင် တရား ဝင် ဖြန့်ချိဈေးမှာ တစ်ပိဿာလျှင် (၆၈၇၅) ကျပ်ဖြင့် ယခင်တစ်ပတ်ကထက် (၁၅)ကျပ်ကျဆင်းသွားပြီး လက်လီ ဆယ်ရက်လျှင်တစ်ပိဿာ စာအုပ်ဖြင့်ရောင်းချပေးမှုတွင် တစ်ပိဿာ (၇၃၀ဝ)ကျပ်ဈေးဖြင့် တည်ငြိမ်နေကြောင်းသိရသည်။ ကုန်ခြောက်ဈေးကွက်တွင် နယ်အဝင်နည်းပါးသွားခြင်းကြောင့် ကုန် ဈေးနှုန်းများတက်လာကြောင်း ဘုရင့်နောင်ကုန်စည် ဒိုင်မှသိရသည်။ ကုန်ခြောက်ဈေးကွက်အတွင်းအာလူးတစ်ပိဿာလျှင် (၆၀ဝဝ)ကျပ်ဝန်းကျင်အထိ ဈေး တက်လာပြီး၊ ကြက်သွန်နီတစ်ပိဿာလျှင် အမျိုးအစားအလိုက် (၂၈၀ဝ)ကျပ်မှ (၄၇၀ဝ)ကျပ်အထိ ဈေးမြင့်တက်လာကြောင်း သိရသည်။ထို့အတူ ကြက်သွန်ဖြူဈေးကွက်တွင် လည်း ဈေးနှုန်းများဆက်တိုက်မြင့်တက်နေပြီး တစ်ပိဿာ လျှင် တစ်သောင်းခွဲမှ တစ်သောင်းရှစ်ထောင် ကျပ် ဝန်းကျင်ပေါက်ဈေးရှိကြောင်းသိရသည်။ ယခု တစ်ပတ်အတွက် အသားငါးဈေးကွက်အတွင်း ငါး ဈေးများမှာ အနည်းငယ်မြင့်တက်လာပြီး ငါးမြစ်ချင်း တစ်ပိဿာလျှင် တစ်သောင်းခွဲဝန်းကျင်ပေါက်ဈေးရှိ ကြောင်းသိရသည်။ ကြက်သား၊ ဝက်သား၊ ဆိတ်သား နှင့်အမဲသားဈေးကွက်မှာ ယခင်သီတင်းပတ်များအတိုင်း အပြောင်းအလဲမရှိ ဈေးတည်ငြိမ် နေကြောင်း သိရသည်။ အခြေခံစားသောက်ကုန်များမှာ ယခုနှစ် ပွင့်လင်းရာသီတွင် ဈေးကျဆင်းမှု နည်း ပါးပြီး ဈေးအမြင့်ပိုင်းတွင်သာ အ‌ရောင်းအဝယ်ဖြစ်နေကြကြောင်း သိရသည်။ လာမည့်ရက်များတွင် အခြေခံ စားသောက်ကုန်ဈေးသည် အတက်အကျနည်းပါးစွာဖြင့် တည်ငြိမ်နေမည်ဖြစ်သည်။Source: NP News
ယခုဘဏ္ဍာနှစ် ၁၁ လတာကာလအတွင်း ပြည်ပသို့ ဆန်နှင့်ဆန်ကွဲတန်ချိန် ၂၃ သိန်းကျော်တင်ပို့ထား
ယခုဘဏ္ဍာနှစ် ၁၁ လတာကာလအတွင်း ပြည်ပသို့ ဆန်နှင့်ဆန်ကွဲတန်ချိန် ၂၃ သိန်းကျော်တင်ပို့ထား
ယခုဘဏ္ဍာနှစ်   ၁၁   လတာကာလ အတွင်း ပြည်ပသို့ ဆန်နှင့်ဆန်ကွဲတန်ချိန် ၂၃   သိန်းကျော် တင်ပို့ထားကြောင်း မြန်မာနိုင်ငံဆန်စပါး အသင်းချုပ်မှ သိရသည်။၂၀၂၄-၂၀၂၅ ဘဏ္ဍာနှစ်  ၂၀၂၄ ခုနှစ်  ဧပြီလမှ ၂၀၂၅ ခုနှစ် ဖေဖော်ဝါရီလကုန် အထိ ၁၁ လတာကာလအတွင်း ပြည်ပသို့ ဆန်နှင့်ဆန်ကွဲ ၂၃၇၃၇၀၇ တန်တင်ပို့မှုမှ   အမေရိကန်ဒေါ်လာ  ၁၀၈၇  သန်းရရှိခဲ့ ခြင်းဖြစ်သည်။ပြည်ပနိုင်ငံများသို့တင်ပို့ရာတွင် ဧပြီလ က  အမေရိကန်ဒေါ်လာ  ၅၅ သန်းတန်ဖိုး ရှိ ဆန်နှင့်ဆန်ကွဲ ၁၁၁၈၆၂ တန်၊ မေလ က အမေရိကန်ဒေါ်လာ  ၃၆ သန်းတန်ဖိုး ရှိ ဆန်နှင့်ဆန်ကွဲတန်ချိန် ၇၁၂၈၀၊ ဇွန်လက အမေရိကန်ဒေါ်လာ  ၈၄ သန်းတန်ဖိုးရှိ ဆန်နှင့်ဆန်ကွဲ  ၁၆၂,၃၂၆ တန်၊ ဇူလိုင်လက   အမေရိကန်ဒေါ်လာ   ၈၂ သန်းတန်ဖိုးရှိ ဆန်နှင့်ဆန်ကွဲ ၁၆၅,၄၄၄ တန်၊ ဩဂုတ်လ က အမေရိကန်ဒေါ်လာ  ၉၇ သန်းတန်ဖိုးရှိ ဆန်နှင့်ဆန်ကွဲတန်ချိန် ၂၀၇,၃၇၀၊ စက်တင် ဘာလက အမေရိကန်ဒေါ်လာ  ၁၀၄ သန်း တန်ဖိုးရှိ ဆန်နှင့်ဆန်ကွဲ   ၂၁၉,၅၆၅ တန်၊ အောက်တိုဘာလက အမေရိကန်ဒေါ်လာ  ၁၈၉  သန်းတန်ဖိုးရှိ     ဆန်နှင့်ဆန်ကွဲ ၄၂၄,၇၈၄ တန်၊ နိုဝင်ဘာလက အမေရိကန် ဒေါ်လာ  ၁၅၆   သန်းတန်ဖိုးရှိ   ဆန်နှင့် ဆန်ကွဲ   ၃၃၄,၅၃၅   တန်၊  ဒီဇင်ဘာလက အမေရိကန်ဒေါ်လာ  ၁၄၅   သန်းတန်ဖိုး ရှိ    ဆန်နှင့်ဆန်ကွဲတန်ချိန် ၃၃၇,၄၉၀၊၂၀၂၅ ခုနှစ် ဇန်နဝါရီလက အမေရိကန်ဒေါ်လာ  ၈၇ သန်းတန်ဖိုးရှိ ဆန်နှင့်ဆန်ကွဲ  ၂၀၉,၅၉၉ တန်နှင့်   ဖေဖော်ဝါရီလက    အမေရိကန်ဒေါ်လာ  ၅၂ သန်းတန်ဖိုးရှိ ဆန်နှင့်ဆန်ကွဲ ၁၂၉,၄၅၂  တန်တင်ပို့နိုင်ခဲ့သည်။ယင်းသို့တင်ပို့ရာတွင်  အောက်တိုဘာလက ပို့ကုန်ဝင်ငွေ အမေရိကန်ဒေါ်လာ ၁၈၉ သန်းဖြင့် အများဆုံးတင်ပို့ထားပြီး နိုဝင်ဘာလက ပို့ကုန်ဝင်ငွေ အမေရိကန်ဒေါ်လာ ၁၅၆  သန်းဖြင့် ဒုတိယအများဆုံး   တင်ပို့နိုင်ခဲ့ကြောင်း သိရသည်။၂၀၂၃-၂၀၂၄ ဘဏ္ဍာနှစ်က ပြည်ပသို့ ဆန်နှင့်ဆန်ကွဲတန်ချိန် ၁ ဒသမ ၆ သန်း ကျော်တင်ပို့ခဲ့ပြီး အမေရိကန်ဒေါ်လာ  ၈၄၅ သန်းကျော်ရရှိခဲ့ကြောင်း၊  ၂၀၂၄-၂၀၂၅ ဘဏ္ဍာနှစ်အတွင်း    ပြည်ပသို့    ဆန်နှင့်  ဆန်ကွဲတန်ချိန် နှစ်သန်းကျော် တင်ပို့ရန်    ရည်မှန်းထားကြောင်း  သိရသည်။Source: https://myawady.net.mm/  
ဝါးကုန်ကြမ်းမှသည် နိုင်ငံတကာအဆင့်မီ တန်ဖိုးမြင့်ထုတ်ကုန်များ တိုးမြှင့်ထုတ်လုပ်
ဝါးကုန်ကြမ်းမှသည် နိုင်ငံတကာအဆင့်မီ တန်ဖိုးမြင့်ထုတ်ကုန်များ တိုးမြှင့်ထုတ်လုပ်
“ဝါးတစ်လုံးရဲ့တန်ဖိုးက ထုတ်လုပ်လိုက်တဲ့ ကုန်ပစ္စည်းပေါ်မှာမူတည်ပြီး ကွာသွားနိုင်တယ်၊ မူလတန်ဖိုးရဲ့တစ်ဆလား၊ ဆယ်ဆလားအမျိုးမျိုးဖြစ်နိုင်တယ်၊ အဓိကက နည်းပညာပဲ” ဟု ဝါးစိုက်ပျိုး ထုတ်လုပ်တင်ပို့ရောင်းချသူများ အသင်းဥက္ကဋ္ဌလည်းဖြစ် Orchard ကုမ္ပဏီမှ မန်နေဂျင်းဒါရိုက်တာ ဖြစ်သူ ဒေါက်တာမြင့်စိန်ကပြောသည်။ဧရာဝတီတိုင်းဒေသကြီး မအူပင်မြို့နယ် မလတ်တိုကျေးရွာ Orchard Farm သဘာဝငါးမွေးမြူရေးကန် ကန်ပေါင်တစ်လျှောက်သူကိုယ်တိုင် စနစ်တကျစိုက်ပျိုးထားသည့် ဝါးပင်များအား ခေတ်မီနည်းစနစ်များ၊ စက်ကိရိယာများအသုံးပြုကာ ကုန်ကြမ်းအဆင့်မှ တန်ဖိုးမြင့်ထုတ်ကုန်များအဆင့်သို့ တိုးမြှင့်ထုတ်လုပ်၍ နိုင်ငံတကာဈေးကွက်သို့ တင်ပို့နိုင်ရေး ကြိုးစားလုပ်ဆောင်သွားမည်ဟု ၎င်းကပြောသည်။“အခုလောလောဆယ် ဝါးကနေ ဘောလ်ပင်ထုတ်ဖို့ပြင်ဆင်နေပါတယ်။ စက်လည်းဝယ်ထား ပြီးပါပြီ၊ မကြာခင်လုပ်ငန်းလည်ပတ်နိုင်အောင် ကြိုးစားနေပါတယ်။ အဲဒီလို ထုတ်နိုင်ဖို့အတွက် လည်း တရုတ်နိုင်ငံထိသွားပြီး လေ့လာခဲ့ပါတယ်။ ပြည်တွင်းဈေးကွက်ရော ပြည်ပထိပါ တင်ပို့နိုင်ဖို့ အတွက် ကြိုးစားသွားမှာပါ” ဟု Orchard Farm ပိုင်ရှင် ဒေါက်တာမြင့်စိန်က ပြောသည်။ နောက်ပိုင်းတွင် Orchard Farm အတွင်းရှိဝါးပင်များကို အသုံးပြုကာ ဝါးအခြေခံစားသောက်ကုန် စည်သွတ်ဘူးများ၊ ဝါးဖြင့် ချက်လုပ်ထားသော ဝိုင်များ၊ အဆင့်မီနည်းပညာမြင့် အသုံးအဆောင် ပစ္စည်းများကို စားသုံးသူ ဝယ်ယူသူများအကြိုက် ပြုလုပ်ရောင်းချသွားမည်ဖြစ်ပြီး ဝါးစိုက်ပျိုးနည်း သင်တန်းများကို သက်ဆိုင်ရာ  အဖွဲ့အစည်း တာဝန်ရှိသူများနှင့် ချိတ်ဆက်ကာ ဖွင့်လှစ်မည်ဖြစ်ကြောင်း သိရသည်။သဘာဝပတ်ဝန်းကျင်နှင့် လိုက်လျောညီထွေမှုရှိသည့်အတွက် နိုင်ငံတကာမှ ထုတ်လုပ်သော ဝါးထုတ်ကုန်အမျိုးမျိုးနှင့် တူရိယာပစ္စည်းများ၊ လက်မှုပစ္စည်းများ၊ အစားအစာများ၊ အနုပညာလက်ရာ များသည် ယနေ့ခေတ်အခါတွင် လူကြိုက်များလျက်ရှိသည်၊၊ အထူးသဖြင့် ဝါးနှင့်ပတ်သက်သော ထုတ်ကုန်ပစ္စည်းများကို ထုတ်လုပ်ရောင်းချရာတွင် မြန်မာနိုင်ငံ၏အိမ်နီးချင်း တရုတ်နိုင်ငံသည် အောင်မြင် ထင်ရှားသည့် နိုင်ငံတစ်ခုဆိုလျှင် မှားမည်မထင်ပေ။ “တရုတ်နိုင်ငံက ဝါးနဲ့ပြုလုပ်ထားသည့် အအေးသောက်တဲ့ပိုက်တွေ၊ ဂေါက်သီးရိုက်ရာမှာ ချိန်ဆတဲ့ (T Stand) စတာတွေကို ဥရောပ နိုင်ငံတွေမှာ ဈေးကောင်းပေးပြီး နှစ်နှစ်ခြိုက်ခြိုက်အသုံးပြုနေပါပြီ ” ဟု ဒေါက်တာမြင့်စိန်က ပြောသည်။ထို့ပြင် ဝါးပင်များ ရှင်သန်ပေါက်ရောက်ရာ အိန္ဒိယ၊ ဗီယက်နမ်၊ အင်ဒိုနီးရှား၊ ထိုင်း၊ ဖိလစ်ပိုင်၊ ဘင်္ဂလားဒေရှ့်၊ ကမ္ဘောဒီးယား၊ လာအိုစသည့် အရှေ့တောင်အာရှ နိုင်ငံများသည်လည်း ဝါးနှင့် ပတ်သက်သော ပရိဘောဂများ၊ လူ့အသုံးအဆောင်များ၊ အိမ်သုံးပစ္စည်းများ၊ အိမ်အလှဆင်ပစ္စည်းများ ထုတ်လုပ်သည့်နေရာတွင် ထင်ရှားကြပြီး နိုင်ငံတကာ ဈေးကွက်အတွင်း နေရာယူလာကြပြီဖြစ်သည်။မြန်မာနိုင်ငံသည် စိုက်ပျိုးရေးကို အခြေခံသည့် စက်မှုနိုင်ငံအဖြစ် ထူထောင်ရာတွင် စိုက်ပျိုးမွေးမြူရေး အခြေခံကုန်ကြမ်းများသည် အဓိကဖြစ်ပြီး လျှပ်စစ်နှင့် စွမ်းအင်သည် အရေးကြီးသည့် သွင်းအားစုများ ဖြစ်ကြသည်။ဝါးသည် မြန်မာနိုင်ငံအနှံ့အပြား ကျေးလက်ဒေသများတွင် သဘာဝအတိုင်းရှင်သန် ပေါက်ပွား လေ့ရှိပြီး စိုက်ပျိုးသည့်အခါတွင်လည်း လွယ်လင့်တကူ စိုက်ပျိုးနိုင်သည်ဖြစ်ရာ ဝါးနှင့်ပတ်သက်သည့် တန်ဖိုးမြင့် ထုတ်ကုန်ထုတ်လုပ်နိုင်ရေးအတွက် လိုအပ်သည့် အခြေခံဝါးကုန်ကြမ်းများအား လွယ်ကူ ပေါများစွာရရှိနိုင်သည်။“ဝါးက သဘာဝအတိုင်းပေါက် ရောက်နိုင်သလို စိုက်ရတာလဲလွယ်တယ်၊ “ငှက်ပျောကဆုန် ဝါးနယုန်ငှက်ပျောတစ်နှိုက် ဝါးတစ်မိုက်တစ်နှစ်သားဝါးကိုစိုက်” အဲဒီလိုဆို အခုလိုဝါးတောတန်းကြီး ဖြစ်ပါပြီ” ဟု ဝါးရုံပင်ပေါင်းသုံးသိန်းခွဲကျော်ရှိသည့် စိမ်းစိုအုပ်မှိုင်းနေသည့် Orchard Farm အတွင်းရှိ ဝါးရုံပင်များအား လက်ညှိုးညွှန်ပြကာ ဒေါက်တာ မြင့်စိန်က ရှင်းပြသည်။ဝါးအရင်းအမြစ် အများအပြားထွက်ရှိရာ မြန်မာနိုင်ငံသည် ရှေးယခင်ကတည်းက ဝါးကို ခွဲခြမ်းစိတ်ဖြာ၍လည်းကောင်း၊ အလုံးလိုက်သော်လည်းကောင်း နေရာစုံ၊ ကဏ္ဍစုံအသုံးပြုခဲ့ကြသည် ဖြစ်ရာဝါး နှင့် ပတ်သက်သော မိရိုးဖလာလက်မှုပညာသည် မြန်မာနိုင်ငံရှိ ကျေးလက်နေပြည်သူတို့ အတွက် စိမ်းလှသည့် ပညာရပ်ကားမဟုတ်ပေ။ထိုသို့ မြန်မာ့လက်မှုပညာဖြင့် ကျွမ်းကျင်ပိုင်နိုင်စွာ ပြုလုပ်ထားသည့် ဝါးအခြေခံထုတ်ကုန် ပစ္စည်းများကို ပြည်တွင်းဈေးကွက်တွင်သာမက ပြည်ပစျေးကွက်တွင်ပါ ဈေးကွက်ဝင်ပစ္စည်းများ ဖြစ်လာစေရန် ခေတ်မီနည်းပညာ၊ စက်ကိရိယာများဖြင့် စနစ်တကျပေါင်းစပ်ဆောင်ရွက်လိုက်မည် ဆိုပါက အိမ်နီးချင်းနိုင်ငံများနည်းတူ မြန်မာ့ဝါးလက်မှုပစ္စည်းများသည် ပြည်ပဈေးကွက်တွင် အခိုင်အမာနေရာရရှိလာမည်ဖြစ်သည်။ဒေသအလိုက်ထွက်ရှိသည့် စိုက်ပျိုး၊ မွေးမြူရေးကုန်ထုတ်လုပ်မှုများသည် သေချာသည့် ကုန်ကြမ်းများဖြစ်သည့်အတွက် ထိုမှတစ်ဆင့် ပြည်ပသွင်းကုန် အစားထိုးနိုင်ရန် နှင့် ပြည်ပ ပို့ကုန်တိုးမြှင့်ဆောင်ရွက်နိုင်ရန် တစ်ဆင့်ပြီးတစ်ဆင့် ကြိုးပမ်းသွားရမည်ဖြစ်သည်။သို့ဖြစ်ရာ ဝါးနှင့်ပတ်သက်သော ကုန်ချော၊ ကုန်ကြမ်း နှင့် ထုတ်ကုန်များကို ပြည်ပနိုင်ငံသို့ တင်ပို့နိုင်ပြီး နိုင်ငံခြားစျေးကွက်ရရှိလာရေး၊ လက်မှုပညာနှင့် ပတ်သက်၍ ပြည်ပသို့ ထိုးဖောက်နိုင်ရေး၊ ခရီးသွားဧည့်သည်များ ဆွဲဆောင်နိုင်ရေးတို့အတွက် မြန်မာနိုင်ငံရှိ အသင်းအဖွဲ့များ၊ လူပုဂ္ဂိုလ်များက ကြိုးပမ်းဆောင်ရွက်နေကြသည်ကို မြင်တွေ့ကြားသိနေရသည်။ဝါးပင်မှတစ်ဆင့် ခေတ်မီဆန်းသစ်သော၊ နိုင်ငံတကာစျေးကွက်တွင် ယှဉ်ပြိုင်နိုင်စွမ်းရှိသော ဝါးလက်မှု ထုတ်ကုန်များ ပိုမိုတိုးမြင့်ထုတ်လုပ်နိုင်အောင် စွမ်းဆောင်လာခြင်းဖြင့် ဒေသတွင်း ပြည်သူများ၏ လူမှုစီးပွားဘဝများလည်း တိုးတက်မြင့်မားလာမည်ဖြစ်ရာ Orchard Farm အတွင်း ဝါးပင်များကို ကိုယ်တိုင်စိုက်ပျိုးပြီး တန်ဖိုးမြင့်ထုတ်ကုန်တစ်ခုအဖြစ် နိုင်ငံတကာဈေးကွက်သို့ တင်ပို့ သွားမည့် ဝါးစိုက်ပျိုးထုတ်လုပ်တင်ပို့ ရောင်းချသူများအသင်းဥက္ကဋ္ဌ ဒေါက်တာမြင့်စိန်က “ပစ္စည်းချင်းတူရင်တောင် ကိုယ့်နိုင်ငံကထုတ်တဲ့ ပစ္စည်းကအရည်အသွေးကောင်းနေရင် ဈေးကွက် ထိုးဖောက်နိုင်ပြီ ထုတ်ကုန်နှစ်ဆတိုးထုတ်လာရုံတင်မကဘူး ဝင်ငွေပါတိုးလာမှာပါ’’ ဟု ပြောပြခဲ့သည်။ဓာတ်ပုံ-နဒီမင်းကိုးကား MOI
ပုသိမ်ခရိုင်၌ ဆောင်းသီးနှံစိုက်ပျိုးရာသီတွင် သီးနှံစုံဧက ၁၄၀၀၀ ကျော်စိုက်ပျိုးပြီးဖြစ်
ပုသိမ်ခရိုင်၌ ဆောင်းသီးနှံစိုက်ပျိုးရာသီတွင် သီးနှံစုံဧက ၁၄၀၀၀ ကျော်စိုက်ပျိုးပြီးဖြစ်
ဧရာဝတီတိုင်းဒေသကြီး ပုသိမ်ခရိုင်၌ ဆောင်းသီးနှံစိုက်ပျိုးရာသီတွင်    သီးနှံစုံ ဧက ၁၄၀၀၀ ကျော် စိုက်ပျိုးပြီးစီးပြီဖြစ် ကြောင်း ပုသိမ်ခရိုင် စိုက်ပျိုးရေးဦးစီးဌာန မှ သိရသည်။ပုသိမ်ခရိုင်၌ ဆောင်းသီးနှံစိုက်ပျိုး ရာသီတွင် သီးနှံစုံလျာထားဧက ၁၄,၆၂၉ ဧကကို  ၂၀၂၄   ခုနှစ်  အောက်တိုဘာလ ဒုတိယပတ်က  စတင်စိုက်ပျိုးခဲ့ရာ  လက်ရှိ တွင် ရာနှုန်းပြည့်စိုက်ပျိုးပြီးစီးပြီဖြစ်ကြောင်း၊ အဆိုပါသီးနှံစုံ ၁၄,၆၂၉ ဧကတွင် ပုသိမ်မြို့နယ်၌  ၁၇၁၅  ဧက၊  ကန်ကြီး ထောင့်မြို့နယ်၌  ဧက ၂၄၁၀၊ သာပေါင်း မြို့နယ်၌ ၄၅၇၉ ဧက၊ ငပုတောမြို့နယ် ၌ ၅၉၂၅ ဧကဖြစ်ကြောင်း သိရသည်။''ဆောင်းသီးနှံစိုက်ပျိုးရာသီမှာ  ပုသိမ် ခရိုင်အနေနဲ့ သီးနှံစုံဧက ၁,၄၀၀၀ ကျော် စိုက်ပျိုးခဲ့ပါတယ်။  တောင်သူတွေ  သီးနှံ တွေစိုက်ပျိုးရာမှာ အထွက်နှုန်းကောင်း စေဖို့၊    မျိုးစေ့ရွေးချယ်မှုမှန်ကန်စေဖို့၊ ဈေးကွက်ဝင်တဲ့သီးနှံတွေ စိုက်ပျိုးနိုင်စေ ဖို့ ပူးပေါင်းဆောင်ရွက်ခဲ့ပါတယ်။ တောင်သူတွေ စိုက်ပျိုးမယ့်သီးနှံတွေ ပိုးမွှားရောဂါ ကင်းရှင်းစေဖို့အပါအဝင်တခြားနည်း ပညာပေးလုပ်ငန်းတွေကို    စိုက်ပျိုးရေးဦးစီးဌာနက      ပံ့ပိုးဆောင်ရွက်ပေးခဲ့ပါ တယ်''   ဟု   ပုသိမ်ခရိုင်  စိုက်ပျိုးရေးဦးစီးဌာန    ဦးစီးမှူး   ဒေါ်အေးအေးမူကပြော သည်။ပုသိမ်ခရိုင်၌    သီးနှံများ    လျာထားချက်အတိုင်း စိုက်ပျိုးနိုင်ရေး စိုက်ပျိုးရေးဦးစီးဌာနနှင့်ဒေသခံတောင်သူများ ပူးပေါင်းဆောင်ရွက်ခဲ့ကြောင်း၊  အဆိုပါ  သီးနှံစုံ ၁၄,၆၂၉ ဧကတွင် ပန်းဂေါ်ဖီ၊ နံနံ၊ မုန်လာ၊ တိုင်ထောင်ပဲ၊ ခရမ်း၊ ဘူး၊ ရုံးပတီ၊ ကြက် ဟင်းခါး၊ ရွှေဖရုံ၊ ဟင်းနုနယ် စသည့်သီးနှံ များကို    အများဆုံးစိုက်ပျိုးခဲ့ကြောင်း၊ စိုက်ပျိုးသီးနှံများကို လျာထားချက်ပြည့်မီ အောင်စိုက်ပျိုးနိုင်ပါက ဒေသတွင်းစားသုံး မှုဖူလုံစေပြီး    သီးနှံဈေးနှုန်းများလည်း တည်ငြိမ်ကျဆင်းလာမည်ဖြစ်ကာ ဒေသခံ တောင်သူများ၏    လူမှုစီးပွားဘဝများလည်း      မြင့်မားတိုးတက်လာမည်ဖြစ်ကြောင်း သိရသည်။ Source: https://myawady.net.mm/eco     
ကျောက်ဆည်မြို့နယ်၌ မိုးကြိုပဲတီစိမ်း ၃၄၆၉ ဧကလျာထားပြီး စတင်စိုက်ပျိုး
ကျောက်ဆည်မြို့နယ်၌ မိုးကြိုပဲတီစိမ်း ၃၄၆၉ ဧကလျာထားပြီး စတင်စိုက်ပျိုး
မန္တလေးတိုင်းဒေသကြီး ကျောက်ဆည်မြို့နယ်၌ ၂၀၂၄-၂၀၂၅ ခုနှစ်တွင်  သင်တွဲ၊ ငပြောင်၊ ဇီးတော၊ သင်းဒီး၊ ထုံးကြီး၊ စမာဆည်ရေပေးမြောင်းများဖြင့်   မိုးကြိုပဲတီစိမ်း  ၃၄၆၉ ဧက  စိုက်ပျိုးရန်လျာထားပြီးယခုအချိန်တွင်    စတင်စိုက်ပျိုးလျက်ရှိသည်။မိုးကြိုပဲတီစိမ်းသီးနှံများစိုက်ပျိုးရာတွင် ဇော်ဂျီမြစ်ရေသောက်စနစ်၊ သင်းတွဲဆည် သင်းတွဲမြောင်းရေဖြင့် ၂၀၁၁ ဧက၊ ငပြောင်ဆည်  ငပြောင်မြောင်းရေဖြင့်   ဧက  ၂၈၀၊ဇီးတောဆည် တမုတ်မြောင်းရေဖြင့် ဧက ၁၁၀၊ကင်းတားဆည် သင်းဒီးမြောင်းရေဖြင့် ဧက၃၀၊ ထုံးကြီးမြောင်းရေဖြင့် ၃၄၁ ဧက၊ စမာမြောင်းရေဖြင့် ၆၉၇ ဧက စုစုပေါင်း ၃၄၆၉ ဧက လျာထားစိုက်ပျိုးလျက်ရှိသည်။ကျောက်ဆည်မြို့နယ်အနေဖြင့် မိုးကြိုပဲတီစိမ်းသီးနှံများစိုက်ပျိုးရာတွင် တောင်သူများ  လူမှုစီးပွားဘဝဖွံ့ဖြိုးတိုးတက်ရေး၊ဒေသတွင်းပဲမျိုးစုံဖူလုံပိုလျှံရေးနှင့်  စိုက်ပျိုးဧကများလျာထားချက်ပြည့်မီကျော်လွန်ရေး  မြို့နယ်ဆည်မြောင်းနှင့်  ရေအသုံးချမှုစီမံခန့်ခွဲရေးဦးစီးဌာနမှ စိုက်ပျိုးရေများ ပြည့်ဝစွာပေးဝေသွားမည်ဖြစ်ကြောင်းနှင့် မြို့နယ်စိုက်ပျိုးရေးဦးစီးဌာနနှင့် သက်ဆိုင်ရာဌာနများမှ တောင်သူများနှင့်တွေ့ဆုံ၍ ဒေသနှင့် ကိုက်ညီသည့် မျိုးစေ့များ၊ စိုက်နည်းစနစ်များ၊  အပင်ပြုစုခြင်း၊  ရိတ်သိမ်းခြင်းများကွင်းဆင်းဆောင်ရွက်လျက်ရှိကြောင်း သိရသည်။စိုက်ပျိုးရေးအတွက် အခြေခံလိုအပ်ချက်မှာ မျိုး၊ မြေ၊ ရေ၊ နည်းဖြစ်ပြီး မြေကောင်းမြေသန့်ဖြစ်စေရန် မြေဩဇာကို သဘာဝနည်းဖြင့် မှန်ကန်စွာအသုံးချရေး၊ စိုက်ပျိုးရေအပြည့်အဝရရှိရေးနှင့် ရာသီဥတုနှင့်ကိုက်ညီသည့်  မျိုးကောင်းမျိုးသန့်များ  ရွေးချယ်စိုက်ပျိုးရေး၊  တွေ့ကြုံလာသည့် ရာသီဥတုအခြေအနေအပေါ်မူတည်၍ စိုက်ပျိုးနည်းစနစ်များပြောင်းလဲစိုက်ပျိုးရန်လိုအပ်ကြောင်းသိရသည်။Source: https://myawady.net.mm/eco 
© Copyright 2024 SAC All Rights Reserved.