အမေရိကန်နှင့် တရုတ်တို့အကြား ပြည်သူများ၏ အကျိုးစီးပွါးအတွက် နှစ်နိုင်ငံဆက်ဆံရေးတိုးတက်ခိုင်မာလာစေရန် ဇန်နဝါရီလတွင် တက်လာမည့် အမေရိကန်အစိုးရသစ်နှင့် ပူးပေါင်းဆောင်ရွက်ရန်အသင့်ဖြစ်ပါကြောင်း APEC အစည်းအဝေးတက်ရောက်နေကြသည့် တရုတ်သမ္မတရှီက အမေရိကန်သမ္မတဘိုင်ဒန်ကို ပြောကြားလိုက်ပါသည်။
G20 အစည်းအဝေးကို ၂၀၂၄ ခုနှစ် နိုဝင်ဘာလ ၁၈ ရက်မှ ၁၉ ရက်အထိ ဘရာဇီးနိုင်ငံ Rio de Janeiro မြို့၌ ကျင်းပပြုလုပ်မည်ဖြစ်ပါသည်။ G20 တွင် အမေရိကန်၊ ရုရှား၊ တရုတ်၊ ဂျာမနီ၊ ဗြိတိန်၊ ဘရာဇီး၊ အိန္ဒိယနိုင်ငံများအပါအဝင် ၁၉ နိုင်ငံက အဖွဲ့ဝင်အဖြစ် ပါဝင်ပါသည်။ ယခုအစည်းအဝေးသို့ အဖွဲ့ဝင်နိုင်ငံများမှ နိုင်ငံခေါင်းဆောင်များအပြင် အာဖရိကသမဂ္ဂနှင့် ဥရောပသမဂ္ဂခေါင်းဆောင်များပါ တက်ရောက်ကြမည်ဖြစ်ကြောင်း သိရှိရပါသည်။
ဘရာဇီးနိုင်ငံသည် G20 အလှည့်ကျဥက္ကဌတာဝန်ကို ၂၀၂၃ ခုနှစ် ဒီဇင်ဘာလ ၁ ရက်မှ ၂၀၂၄ ခုနှစ် နိုဝင်ဘာလ ၃၀ ရက်အထိ တာဝန်ယူလျက်ရှိပါသည်။
အနောက်နိုင်ငံခေါင်းဆောင်တွေနှင့် ၂ နှစ်လောက် အဆက်အသွယ်မလုပ်သည့် ရုရှားသမ္မတ Vladimir Putin ကို ဂျာမနီဝန်ကြီးချုပ် Olaf Scholz က ပထမဆုံးအကြိမ်အဖြစ် နိုဝင်ဘာ ၁၅ နေ့က တယ်လီဖုန်းဖြင့် ဆက်သွယ်ပြောကြားမှုကို ယူကရိန်းသမ္မတက အပြစ်တင်ဝေဖန်လိုက်ပါသည်။
စစ်ပွဲအဆုံးသတ်ပြီး ငြိမ်းချမ်းရေးစကားလမ်းကြောင်းပြုလုပ်ရန် ဂျာမနီဝန်ကြီးချုပ်က ရုရှားသမ္မတထံ တယ်လီဖုန်းမှတစ်ဆင့် တိုက်တွန်းပြောကြားခဲ့ပါသည်။
