ဘင်္ဂလားဒေ့ရှ်၌ ပြင်းထန်သည့်ဆန္ဒပြမှုများကြောင့် ၁၆ နှစ်သက်တမ်းရှိ ရှိတ်ဟာဆီနာအစိုးရအဖွဲ့ပြုတ်ကျ ပြီးနောက်   အိန္ဒိယနိုင်ငံသို့ ထွက်ပြေးသွားသည့် ရှိတ်ဟာဆီနာအား ပြန်လည်လွှဲအပ်ပေးရန် ဘင်္ဂလား ဒေ့ရှ်က အိန္ဒိယနိုင်ငံသို့ သံတမန်စာတစ်စောင် ပေးပို့ ထားပါသည်။ 

ဘင်္ဂလားဒေ့ရှ်ဝန်ကြီးချုပ်ဟောင်း ရှိတ်ဟာဆီနာသည် အိန္ဒိယနိုင်ငံသို့ ဩဂုတ်လ ၅ ရက်တွင် ရောက်ရှိနေခြင်း က နှစ်နိုင်ငံဆက်ဆံရေးအပေါ် သက်ရောက်မှုရှိစေမည့် အလားအလာရှိနေသဖြင့် သံတမန်ကျွမ်းကျင်မှုရှိရန် လိုအပ်မည်ဖြစ်သည်။ 

Honda နှင့် Nissan ကုမ္ပဏီတို့သည် ကမ္ဘာ့နံပါတ် ၃ အဆင့်ရှိ မော်တော်ကားထုတ်လုပ်သူနေရာသို့ ရောက်ရှိ ရန်နှင့် တရုတ်ကားထုတ်လုပ်သူများ၏ ကြီးမားလာသော ခြိမ်းခြောက်မှုအန္တရာယ်များကို ယှဉ်ပြိုင်နိုင်ရန် ပူးပေါင်း၍ ရင်းနှီးမြှုပ်နှံမှုပြုလုပ်မည့် အစီအစဉ်ကို လာမည့်ခြောက်လအတွင်း ဆွေးနွေးရန် သဘောတူညီချက် ရရှိခဲ့ကြသည်။ 

အမေရိကန်ရှိ ဖက်ဒရယ်တရားရုံးများက သေဒဏ် ချမှတ်ခံထားသူ ၄၀ ဦးအနက် ၃၇ ဦးကို တစ်သက် တစ်ကျွန်းပြစ်ဒဏ်သို့ လျှော့ပေါ့ချမှတ်ပေးလိုက်ကြောင်း အမေရိကန်သမ္မတဂျိုးဘိုင်ဒန်က ဒီဇင်ဘာ ၂၃ ရက်နေ့ တွင် ကြေညာလိုက်ပါသည်။ 

ထိုလျှော့ပေါ့ပြစ်ဒဏ်စာရင်းတွင် မပါဝင်သူ အကျဉ်းသား ၃ ဦးမှာ ၂၀၁၅ ခုနှစ်က တောင်ကရိုလိုင်းနားပြည်နယ်ရှိ ဘုရားကျောင်းတွင် လူသတ်မှုကျူးလွန်ခဲ့သူ၊ ၂၀၁၈ခုနှစ်တွင် ပင်ဆယ်ဗေးနီးယားပြည်နယ်ရှိ ဂျူးဘုရား ကျောင်းတွင်ဝတ်ပြုနေသူများကို သတ်ဖြတ်ခဲ့သူ၊ ၂၀၁၃ ခုနှစ်က ဘော်စတွန်မြို့ မာရသွန်ပွဲတွင် ဗုံးခွဲ တိုက်ခိုက် ခဲ့သူတို့ ဖြစ်ပါသည်။ 

US Steel ကို ဝယ်ယူနိုင်ရေးအတွက် အမေရိကန် သမ္မတ Joe Biden ကို ဆုံးဖြတ်ခွင့်ပြုရန် အမေရိကန် အစိုးရ၏ ကော်မတီတစ်ခုက ဆုံးဖြတ်လိုက်သည်ဟုဂျပန်၏ Nippon Steel က ပြောကြားသည်။ အဆိုပါအရောင်းအဝယ်သဘောတူညီချက်ကို ဆန့်ကျင်ကြောင်းသမ္မတ Biden က အကြိမ်ကြိမ်ထုတ်ဖော်ပြောဆိုခဲ့ ပါသည်။