ဆိုက်ဘာတိုက်ခိုက်ခံရမှုကြောင့် ချို့ယွင်းသွားသော ဂျပန်လေကြောင်းလိုင်း (JAL) စနစ်သည် ဒီဇင်ဘာလ ၂၆ ရက် ညနေ ၂ နာရီ ၂၀ မိနစ်ဝန်းကျင်တွင် ပုံမှန် အခြေအနေသို့ ပြန်လည်ရောက်ရှိသွားပြီဖြစ်ကြောင်း အဆိုပါ လေကြောင်းလိုင်းက ယင်းနေ့တွင်ပင် ကြေညာချက်ထုတ်ပြန်ခဲ့သည်။
တောင်ကိုရီးယားယာယီသမ္မတနှင့် ဝန်ကြီးချုပ် Han Duck Soo ကို တောင်ကိုရီးယားပါလီမန်က စွပ်စွဲ ပြစ်တင်ရန် ဒီဇင်ဘာ ၂၇ ရက်နေ့က မဲပေးလိုက်ကြပါ သည်။
တောင်ကိုရီးယား ဥပဒေပြုလွှတ်တော်အမတ် ၃၀၀ ဦး အနက် ၁၅၁ ဦး ထောက်ခံပါက အထမြောက်သည့် ထိုဆုံးဖြတ်ချက်အပေါ် လွှတ်တော်အမတ် ၁၉၂ ဦးက ယာယီသမ္မတနှင့် ဝန်ကြီးချုပ် Han Duck Soo ကို စွပ်စွဲပြစ်တင်ရန် ဆန္ဒမဲထောက်ခံခဲ့ကြသည်။
ရုရှားနိုင်ငံက နိုင်ငံတကာကြက်ခြေနီကော်မတီ (ICRC) သို့ ဆန္ဒအလျောက် ပံ့ပိုးကူညီပေးနေသည့် အထောက်အပံ့ ပေးချေမှုကို တရားမဝင် တဖက်သတ်ဆန်သော ပိတ်ဆို့မှုတစ်ခုအဖြစ် အမေရိကန်ပြည်ထောင်စုက ဖြတ်တောက် ပိတ်ပင်လိုက်ကြောင်း ရုရှားနိုင်ငံခြားရေးဝန်ကြီးဌာန၏ ထုတ်ပြန်ချက်တွင် ဖော်ပြထားပါသည်။
ယခုလုပ်ရပ်သည် ဥပဒေနှင့် မညီညွတ်သည့် ကန့်သတ်မှု ကြောင့် ထိခိုက်နစ်နာစေသည့် အကျိုးသက်ရောက်မှု နမူနာတစ်ခုဖြစ်ကြောင်း အဆိုပါဝန်ကြီးဌာနက ဆိုထား ပါသည်။
ကိုးကား - TASS
ရုရှားသမ္မတဗလာဒီမာပူတင်နှင့် ဘီလာရုစ်သမ္မတ Alexander Lukashenko တို့သည် ဒီဇင်ဘာ ၂၅ ရက်နေ့က တွေ့ဆုံ၍ စီးပွားရေးနယ်ပယ် အပါအဝင် ဒေသတွင်းလုံခြုံရေး၊ နှစ်နိုင်ငံဆက်ဆံရေးကိစ္စများ ကို ဆွေးနွေးခဲ့ကြကြောင်း ဘီလာရုစ် ပြောရေးဆိုခွင့် ရှိသူက ပြောကြားလိုက်ပါသည်။ အချိန်နှင့်အမျှ ပြောင်းလဲနေသော ဒေသတွင်းလုံခြုံရေးကိစ္စကို ဦးစားပေးတစ်အနေဖြင့် ခေါင်းဆောင်နှစ်ဦးက ဆွေးနွေးခဲ့ကြကြောင်း သိရှိရပါသည်။
ကိုးကား - TASS