စကြဝဠာအပြင်ဘက်တွင် မကြာသေးမီက ရှာဖွေတွေ့ရှိခဲ့သည့် ဂြိုဟ်တစ်လုံး၌ သက်ရှိများ   နေထိုင်နိုင်ရေးအတွက် အထောက်အကူပြုနိုင်သည့် ရေတည်ရှိနိုင်သည့် အလားအလာရှိကြောင်း နိုင်ငံတကာ သုတေသီများက အတည်ပြုပြောကြားသည်။

အဆိုပါဂြိုဟ်ကို   HD 20794 d ဟုအမည်ပေးထားပြီး ဗြိတိန်နိုင်ငံ အောက်စဖို့တက္ကသိုလ်မှ သိပ္ပံပညာရှင်တစ်ဦးဖြစ်သူ ဒေါက်တာ မိုက်ကယ်ကရစ်တီးနီးယားက ၂၀၂၂ ခုနှစ်တွင်   ရှာဖွေတွေ့ရှိခဲ့ခြင်းဖြစ်သည်။ ၎င်းဂြိုဟ်သည်  ကမ္ဘာမြေကြီး၏ထုထက် ၆ဆ ပိုမိုကြီးမားလျက်ရှိသည်ဟု သိပ္ပံပညာရှင်များကပြောသည်။

ခါတွန်း၊ မတော်တဆမှု

တောင်ဆူဒန်နိုင်ငံ ယူနစ်တီပြည်နယ်တွင် ဇန်နဝါရီလ ၂၉ ရက်က အပေါ့စားလေယာဉ်တစ်စင်း ပျက်ကျခဲ့ရာ လူ ၂၀ ဦးသေဆုံးခဲ့ကြောင်း ဒေသတွင်းအာဏာပိုင်အဖွဲ့က ထုတ်ပြန်သည်။

ဆစ်ဒနီ၊ အကြမ်းဖက်မှု

ဩစတြေးလျနိုင်ငံရှိ ဂျူး၊ အာရပ်နှင့် အာဆီးရီးယန်းမျိုးနွယ်ဝင်များအပေါ် ပစ်မှတ်ထားလုပ်ဆောင်မည့် အကြမ်းဖက်မှုတစ်ရပ်ကို  ဖော်ထုတ်နိုင်ခဲ့ကြောင်းရဲတပ်ဖွဲ့က ဇန်နဝါရီလ ၂၉  ရက်တွင်ထုတ်ပြန်သည်။

မွမ်ဘိုင်း၊ မတော်တဆမှု

အိန္ဒိယနိုင်ငံမြောက်ပိုင်း  အွတ်တာပရာဒေ့ရှ်ပြည်နယ်ရှိ ဘာသာရေးပွဲတော်တစ်ခုတွင် ဇန်နဝါရီလ၂၉ ရက် အစောပိုင်းက လူအုပ်ပြိုကျခဲ့ရာ အနည်းဆုံးလူ ၃၉ ဦးသေဆုံးခဲ့ကြောင်းသိရသည်။

အဆိုပါဖြစ်စဉ်သည်  ဘက်ပက်ခရိုင်မဟာခမ့်မီလာတွင် ဘာသာရေးပွဲတော်ကျင်းပရာနေရာ၌ နံနက်အစောပိုင်းက ဖြစ်ပွားခြင်းဖြစ်ပြီး ၅၀ ကျော် ဒဏ်ရာရရှိသွားသည်။ အဆိုပါပွဲတော်သို့ လူသန်းပေါင်းများစွာလာရောက်ခဲ့ပြီး သေဆုံးသူအရေအတွက်အတိအကျကို အာဏာပိုင်များက ထုတ်ပြန်နိုင်ခြင်းမရှိသေးပေ။