ပစိဖိတ်ဒေသအတွင်း ပြိုင်ဘက်ကင်းသည့် အသံထက်မြန်သော တာလတ်ပစ် ပဲ့ထိန်းဒုံးကျည်သစ်ကို ဇန်နဝါရီ ၆ ရက်နေ့ နေ့လယ်ပိုင်းတွင် ပစ်လွှတ်ခဲ့ကြောင်း မြောက်ကိုရီးယားက အခိုင်အမာ ပြောကြားလိုက်ပါ သည်။ 

မြောက်ကိုရီးယား၏ ၂ လတာ အတွင်း ပထမဆုံး အကြိမ် ဒုံးကျည်ပစ်လွှတ်လိုက်ချိန်မှာ အမေရိကန်နိုင်ငံခြားရေးဝန်ကြီး Antony Blinken သည် တောင်ကိုးရီးယားခေါင်းဆောင်အချို့နှင့် တွေ့ဆုံဆွေးနွေးရန် ဆိုးလ်သို့ရောက်ရှိနေချိန်နှင့် တိုက်ဆိုင် နေပါသည်။ 

ဟိမဝန္တာ တောင်ခြေမြောက်ဘက် တိဗက်ဒေသ အမြင့်ဆုံး မြို့တစ်မြို့အနီးတွင် ဇန်နဝါရီ ၇ ရက်နေ့က ပြင်းအား ၆.၈ မဂ္ဂနီကျူအဆင့်ရှိ ငလျင်တစ်ခု လှုပ်ခါခဲ့ရာ အနည်းဆုံး လူ ၉၅ ဦးသေဆုံးပြီး ၁၃၀ ဦး ဒဏ်ရာ ရသွားကြောင်း တရုတ်အာဏာပိုင်များက ပြောကြား ထားပါသည်။

အမေရိကန်ရွေးကောက်ခံသမ္မတ ဒေါ်နယ်ထရမ့်အနေဖြင့် ရုရှားသမ္မတဗလာဒီမာ ပူတင်ထံ ဖုန်းပြောဆိုမည့် အစီအစဉ် ရှိ၊ မရှိ TASS ၏ မေးမြန်းချက်အပေါ် အမေရိကန် ရွေးကောက်ခံ ဒုတိယသမ္မတ James David Vance က ရှင်းရှင်းလင်းလင်း ဖြေကြားခဲ့ခြင်း မရှိချေ။ 

ယီမင်ဟူသီသူပုန်များသည် ဇန်နဝါရီ ၆ ရက်နေ့က ပင်လယ်နီရှိ USS Harry Truman လေယာဉ်တင် စစ်သင်္ဘောကို ဒုံးကျည်နှင့် ဒရုန်းများဖြင့် ပစ်ခတ် တိုက်ခိုက်ခဲ့ကြောင်း ထိုတိုက်ခိုက်မှု၏ စစ်ဘက်ဆိုင်ရာ ပြောရေးဆိုခွင့်ရှိသူ Yahya Saree က ပြောကြားလိုက်သည်။

“ယီမင်ဒုံးကျည်တပ်ဖွဲ့နှင့် ဒရုန်းတပ်ဖွဲ့တို့သည် ပူးတွဲ စစ်ဆင်ရေးအနေဖြင့် ပင်လယ်နီ မြောက်ပိုင်းရှိ အမေရိကန်၏ USS Harry Truman လေယာဉ်တင် စစ်သင်္ဘောကို ခရုဇ်ဒုံးကျည် ၂ စင်းနဲ့ ဒရုန်း ၄ စင်းဖြင့် တိုက်ခိုက်တာဖြစ်ပါတယ်” လို့ အဆိုပါ ပြောရေးဆိုခွင့်ရှိ သူက ပြောကြားထားပါသည်။