အမေရိကန် သမ္မတ ဒေါ်နယ်ထရမ့် သည် အမေရိကန်တွင် Iron Dome နည်းဗျူဟာမြောက် ဒုံးကျည်ကာကွယ်ရေးစနစ်ကို စတင်ထုတ်လုပ်ပြီး ဖြန့်ကျက်ရန် ကတိပြုခဲ့သည်။ 

အမေရိကန်ပြည်ထောင်စုတွင် Iron Dome ဒုံးကျည်ကာကွယ်ရေးစနစ်တစ်ခုလုံး စတင်တည်ဆောက်ရန် အမေရိကန်စစ်တပ်ကို အမိန့်ပေးမည်ဖြစ်ကြောင်း ဝါရှင်တန်ရှိ Capital One Sports Arena တွင် ပြုလုပ်သည့် လူထုစုဝေးပွဲ၌ သမ္မတဒေါ်နယ်ထရမ့် က ထောက်ခံသူများကို ပြောကြားခဲ့ပါသည်။

ကိုးကား - TASS

ရုရှားသမ္မတ ဗလာဒီမာပူတင်သည် အမေရိကန် သမ္မတအဖြစ် ကျမ်းသစ္စာကျိန်ဆိုသည့်နေ့တွင် လုံခြုံရေးကောင်စီနှင့် စစ်ဆင်ရေးဆိုင်ရာ အစည်းအဝေးတစ်ရပ် ကို ပထမဆုံးအကြိမ်အဖြစ်ပြုလုပ်ခဲ့ကြောင်း TASS သတင်းအေဂျင်စီ က ဖော်ပြထားပါသည်။

ဒေါ်နယ်ထရမ့်သည် St. John's ဘုရားကျောင်းတွင် အခမ်းအနားတက်ရောက်ခြင်းဖြင့် ၎င်း၏ ဇန်နဝါရီ ၂၀ ရက်နေ့၌ ကျင်းပသော သမ္မတကျမ်းသစ္စာ ကျိန်ဆိုသည့်နေ့၏ အစီအစဉ်ကို စတင်ခဲ့သည်။

ကိုးကား- TASS/Reuters

ရုရှားသမ္မတ ပူတင်က ဒေါ်နယ်ထရမ့်၏ သမ္မတ ကျမ်းကျိန်ပွဲနှင့်ပတ်သက်၍ ချီးကျူးဂုဏ်ပြုခဲ့ပြီး ငြိမ်းချမ်းရေးအတွက် အမေရိကန်အစိုးရသစ်နှင့် တွေ့ဆုံ ဆွေးနွေးရန် ရုရှားတွင် ဆန္ဒရှိကြောင်း အလေးပေး ပြောကြားခဲ့ပါသည်။

“အပြန်အလှန်လေးစားမှုရှိသော ဆွေးနွေးပွဲဖြစ်ရန် မျှော်လင့်ပါကြောင်း၊ ယူကရိန်းတွင် ရေရှည်တည်တံ့သော ငြိမ်းချမ်းရေးကို ရုရှားကလိုလားကြောင်း” လည်း ထည့်သွင်း ပြောဆိုခဲ့ပါသည်။

ကိုးကား- RT